حسيت بيدي اللي نفضها بقوه من يده
وصرخ بصوته كله والصدمه واضحه
عليه : ايشششش
ومسكني من فكي بقوه وهو معصب
ويطالع البنات : اللي تقوله ذي الزفته
صدق
نور وهي تطالع بشدن كيف وجهها أحمر
وشكلها بتموت بيده قالت وهي تبرر
قصدها: أخت عفاف عنود بس تعرف
شدن دايم تزل لسانها
شدن وهي تدف يده يوم ارخاها
وقالت بالم وهي تتخبى وراء نور اللي
فزعت لها ...
: افف بتموتني عشان غلطت
وقلت العجيز بس سكتت يوم هجم عليها
وهو معصب وسحبها من يدها وهو ناوي
عليها بسرعه قالت وهي تنقذ
نفسها :بدق عليها الحين لوتبي
ياسر حاول يمسك اعصابه قال
بقهر:بحاول اصدقش انش غلطتي
قدامي الله ياخذ عمرش على اللسان
اللي ماتعرف تصف كلمتين على بعض
شدن يوم شفته هدي وفعلاً مصلحته عندي
اكيد بتكون القوه لي.. قلت وانا فرحانه
اني قادره ..العب بيويسر على كيفي..
قلت بغرور : تدعي علي وأنت مصلحتك
ماقضت شوف الحين مين بيتمم لك
ذي المصلحه .... وصديت بزعل ورفعت
يدي تمنع يقربه منها
لاتحاول تقرب مني وتطلب رضاي
وطالعت حور الي ابتسمت بسخريه
ياسر سحبها بعنف للغرفه وهو يسب
فيها وفي اللي خلفها بعد : قدامي وبتسوي
اللي اطلبه منش غصب عن خشمش
شدن حسيت كتفي انخلع من مسكته
لي صرخت بعصبيه: تبيها على بلاطه
لو تموت مادقيت بتضرب أضرب
يالله هااه وهي تقدم من بشجاعه
ياسر فقد اعصابه صرخ :والله لا تدقي
ولا اليوم اذبحش وهو يناولها جوالها
وبعد من رقمش يالله
شدن طالعت الجوال الممدود
وهي تطالع عيونه الي ماتبشر بخير
لو عاندت ..بس بعد مستحيل تدق
ضرب يضرب متعوده ..وبعد عصبيته
المرعبه ..ماتهمها ..بعد متعوده طالعته
بقوه وتحدي ..بس اخخخخ
جسمها كل انتفض يوم صرخ : دقي
مدت يدها وأخذت الجوال ....وقربت
منه وقالت بحيله : شوف الحين الساعه
كم والحين أكيد الحين عفاف نايمه
تعرف شخصيتها جديه ومستحيل تسهر
نفسيه الله وكيلك بس سكتت من الكف
اللي جاها على فهمت وقربه منه وقال
بهمس مرعب : ماهو أنا اللي تعلبين فيني
واخر مره اسمح لك تكلمين على عفاف
بذي الطريقه وحبك مابيه فاهمه
ماضربتش على يدش وقلت لش حبيني
وعشان كذا جالسه تطلعين اعذار عشان
ماتدقين ي بنت الناس مالش مكانه بقلبي
وعفاف هي اللي مأخذه قلبي كله
ومستحيل يدق لغيرها حطي ذا
الشيء في بالش لا يكون اعطيتش وجهه
ذي اليومين وشفتي حالش لا انتي مالش
مكانه عندي أبد ودفها بقوه على
الجدار الي وراها صرخت بألم ...وصاحت
وهي ماسكه كتفها ...
ياسر طنش صياحها ورجع مد لها الجوال
وبصرخه : دقي
شدن طالعت الجوال وهي تصيح
حدها وتتألم وهذا يبيها تدق اي قلب
عليه... طنشت يده الممدوده ..وتحستت
فمها خايفه لايكون طاح سن من سنونها
من قوة الكف اللي أخذته .. فتحت عينها
برعب يوم رجع سحبها له ..وقال
بعصبيه: والنهايه ي شدن لمتى انتظرش
شدن بدون ماترد أخذت الجوال ودقت
وهي تطالع فيه بخوف..كان تسمعه
يرن وعينها منه..فرحت من قلب يوم
ماردت قالت وهي تصيح: شفت بعينك
ماترد علي
ياسر وهو بعده ماسكها : دقي مره ثانيه
شدن الله يأخذك ويأخذها
دقت وهي ترجف خايفه منه حدها ....
طالعته وهمست : شوفة عينك
ياسر ابعدها عنه بقساوه وهو يسب
فيها ..
شدن مستحيل
تجلس له ..ذي المره بتموت
أكيد لو جلست عنده دقيقه ... بسرعه
تحركت يم الباب بتطلع
ياسر
رفع حاجب وقال: لوين
شدن بخوف: بروح لأمي مستحيل
أجلس عندك وأنت كذا تسوي
فيني
ياسر بعصبيه : انثبري مكانش
ولما تسوين الي ابيه منش انقلعي وقتها
وبتروحين بعد لملكة عنود مع البنات عشان
تقنعيها وجهاً لوجهه لأني عارف عفاف
ماراح ترد ... تفتكر أنا اكلمها من رقم غريب
شدن اروح عشان اقنعها معاد إلا هي
قلت بقهر وأنا امسح دموعي: مو لذي الدرجه
تذلني اروح البي دعوتهم واحضر عشان عنود
بس ام اني اقنعها لا صعب انزل نفسي
وانذل لها إذا أنت عندك عادي لا أنا بنت
نوفه فاهم بنت نوفه الي ماترضى المذله
ولإهانه
ياسر ابتسم بخبث: هذا الي ابيه عشان
تعرف مكانش عندي ولا شيء وقتها
راح تقتنع وترجع لي
شدن رجعت وجلست على السرير وهي
تصيح بقهر ..طالعته وقالت :بروح
وبقولها وان شاءالله ماترجع لك وربي
ينصرني عليك مثل ماهو حاط قوتك علي
ياسر قفل عيونه وقال بقهر: يالله الي
تدور الضرب دواره
شدن صاحت بقوه يوم سمعت كلامه
ياسر قهرها حيل ..كل ماتبي تأخذ حقها
منه ينقلب عليها كل شيء ..تحاول
تلعب عليه بس يهزمها ..آه لمتي
بتصبر وتسكت لا هو راضي يفكها
لوجهه الله ولا راضي يريحها معاه
ياسر وقف وجلس جنبها وقال بهدوء: شدن
..
يارب ترجع تقدر تلعب عليه..بلعت ريقها
بخوف ..وهي تستعد بكذبه ثانيه
تقلب كيانه فيها ..يوم شافته يطالعها بدون مايتكلم
نزلت وجها ماقدرت تخاف حيل منه
بس رفعت رأسها مصدوم يوم قال : بهمس
اسمعي يوم الخميس تروحين معاهم الملكه
وتسوين اللي اطلبه منش كله ..بدون عناد
طبعاً عشان مافي حد غيرش يتضررر
فاهمه ي شطوره
شدن انصدمت من كلامه يعني رجع وطلب
منها تحضر ..هذا الانسان عديم إحساس
بدون حس قالت :أكيد ماعندك قلب
ياسر ضحك بطريقه تستفز:لا ابشرش عندي
قلب بس أخذته كله اللي تستاهله وطالعها
بتحقير ومايدق للمهفه اللي مثلش واللي
ترمي نفسها عليه
شدن ماخلت سبه إلا قالتها بصدرها
والله لا تأخذ حقها
والي فيها فيها ..ليه تعيش اصلاً
عشان تروح بين يدين زوجة عمها ولا يدين
يويسر يعني من كله متضرره ..تأخذ
حقها باللي تقدر عليه والي فيها فيها
قالت بخبث: لك ماطلبت
بقولها اللي تبيه كله ...
ياسر ابتسم بتشفي : اخيراً فكرتي بعقلش
وبسخريه أشر على قلبها ذا خليه يبطل
هبل لا يود الي مايبيه وخليش على عقلش
افضل لش وضرب على خدها بطريقه مستفزه
ماراح أكون لش اوك
شدن
كل مره أكرهه أكثر من قبل ..ذي المره ياسر
قسي بزياده عليها..والله ثم والله لا تنتقم
منه اخس انتقام ..وخليها تعطيه
على جوه الحين ..قالت بسخريه
: ماعليك بدوسه لو تبي وهالمره عقلي
هو الاقوى تطمن فديتك مسكت على
كتفها وهي تحس بالم مكان الضربه
ياسر عقد حواجبه وقال : يوجعش
شدن بالم طالعته وقالت: يمهك الحين
ودك أموت في ذمتي
ياسر مايدري ليه حزن عليها..وهو يشوف
الدموع بعيونها ..وبعد يكره حاله يوم
يتسبب بشيء لها ..بذات يوم يتخيل
عمته نوفه بس والله مافي أحد يصبر
صبره عليها ..قال وهو يسحب كتفها
: خليني اكشف عليه لو ضربه
بسيطه اعطيش مسكن لو خلع لا قدر
الله اوديش المستشفى
شدن سحبت يدها وقالت: والله
ماهو مستعده اغامر بصحتي عند ممرض
حقك ابره تدقها ولا جرح تضمده
ياسر نفض يدها بقوه وقال: تستاهلين كسر بعد
وقف وهو معصب وتمدد وسحب المفرش
وغطى نفسه ..وهو يستغفر هالبنت
بتطير عقله بيوم
شدن صرخت من الوجع : ياااالظالم
...اللي مافي قلبك رحمه
ياسر ابعد المفرش وقال بقهر: لا اسمع
لش نفس بكره وراي دوام
شدن بسرعه طالعته وقالت: احلف
رجع المفرش من غير مايرد عليها
انقهر يوم قالت اخيراً بترجع لدوامك
وانفك شوي منك
شدن
صاحت بقوه من الم كتفها ...
ياسر ابعد المفرش وجلس وقال بقهر
: ماهو توش محتفله اني برجع لدوامي
وش ذا الصياح الحين
شدن بقهر وهي ماسكه كتفها: يوجعني
وانت السببب فيه احس بالم ذبحني بقوه
آه معاد فيني والله اتحمل تسببت
فيني بسبة شيء مالي ذنب به
باسر تعوذ من إبليس وقال : ماخليتني اشوفه استهونتي فيني تحملي أجل
شدن قربت منه ومدت كتفها : يالله شوفه
يمكن يخف
ياسر طالع يدها الممدوده .. بغى يطنشها
بس حزن عليها وهو يشوف دموعها
وبعد الوجع بعيونها ..احتار فيها ذي البنت
شوي تضحك شوي تصيح وشوي خبله
شوي تطلعه من طوره ..وشوي
يمسك نفسه غصب مايضحك عليها
...مسك كتفها وهو يحركه خفيف
على طول صرخت قال بحده : بنت
اهديي شوي ومد يده وفتح الدرج
وأخذ مسكن
ناولها وقال : اشربي ذي وان شاءالله ترتاحين
ماعليه ضربه بسيطه وبتخف عليش
من هالمسكن
شدن وهي تحلف :اقسم بالله ماهو بسيطه
دفيتني بكل ماعطاك ربي حسبي الله
عليك
ياسر عض شفته بقهر دخل الحبوب بفمها
بعصبيه وقال : انا بنقلع انام
في بيت الشعر ابرك لي من نومي هنا
لأني عارف وش نهايتها من طولة لسانش
شدن وهي وترمي الحبه من فمها بقرف
وصرخت بقهر: بتموتني صح مدري
وش معطيني
ياسر طالع الحبوب بالارض حس بقهر
وده يصفقها..طلع بسرعه قبل يمد
يده ويندم بعدها..
شدن أول ماطلع..تمددتت على السرير
وهي تحس بالم يدها يزيد عليها مافيها
تتحمل ..طالعت الدرج الي أخذ منه
الحبوب ..فتحته واخذت حبه وبعدها
بدقايق حست الالم يهدى عليها شوي
قفلت عيونها وهي تفكر وش تقول لعفاف
لو غصبها تروح ...لازم تدور حجه من تحت
الأرض عشان تقنعه مايخليها تروح
..ايه تقول لأمها وبس ...
@
@
@
{ الديره }
طالعت أبوها مصدومه : يبه وافي
مايصلح ارجع له صدقني بيرجع يوجع
قلبي وأنا والله معاد اقوى
ابو محمد طالع أمها وقال
: اقسم بالله طفشت منتس ومن بناتس
كل يوم مشكله مع وحده صدق الي مخلف
البنات همه للممات
سميرة طالعت زوجته ام الولد
يوم ضحكت بصوت عالي
وقالت: الله يقطع شرك ي ابو محمد
ضحكتن وأنا ماودي حسيت بقهر
وأنا اطالع وجهه أمي المغبون والله
ماتنغبني ي قلبي والحكي يصير عليتس
بسبتي طالعت عيالي وقلت: يالله طالعين له
يبه تعالوا حبايبي نلبس ونطلع لبابا
لبست بسرعه ولبست عيالي
...وطلعت بسرعه بعد ماسلمت على أمي
شفته يحتريني بالسياره ..وصوت المسجل
عالي حسيت بقهر ركبت وقلت بسرعه
: اقصر عليه تكفى لا تفضحنا
وخاف ربك بعد قبلها
أخذ شماغه من على كتفه اليمين
ونقله على كتفه الشمال وقال : على طول
نصائح ي المطوعه ترى شيله
وطالع عياله هلا هلا والله باللي القلب لهم فز
وبعد لأمهم اللي دبلت سبدي وهي تنتقدني
وتنتقد تصرفاتي
سميرة
صديت عنه بدون ماتكلم ...ولا ارد عليه
عارفه يبي يتسفزني عشان ارد عليه..
وصلنا بيت أهله قلت معترضه
:ودني بيتي
وافي طالعها وقال :أمي عازمتني قالت جيب مرتك
وعيالك وتعال مدام طاح الي براسها
عضيت شفتي بقهر وقلت: أبد ماهو متجهزه
لهالعزيمه قول لها مره ثانيه ...
وافي غير طريقه وقال ببرود : عادي اوصلتس
البيت الحين وتجهزين ونروح ماراح يصير شيء
سميرة سكتت غصب عني ..مافيني
اجادله لاني عارفه بيسوي الي في
باله مثل العاده ..وصلنا البيت
دخلت شقتي ..حسيت بضيقه
وأنا اتذكر كذبه الدائم عليه ..
بسرعه نزلت نفسي شوي وأخذت
بنتي يوم نزلها على الكنبه وأخذ حمود
بدالها بس قال :خليها ماشبعت منهم
وأنتِ روحي بسرعه اجهزي علي
الغاليه تنتظرنا ... رحت لغرفتي ..
وانا الضيقه تزيد علي..لا ابي هالعزيمه
ولا ابي اقابله بعد..ليته يطلع
ويفكني منه ومن عزيمة أمه
لبست وطلعت له شفته مشغول
مع عياله ..أول ماشافني وقف
على طول وقال : اخيراً أهلي احرقوا
الجوال علي
مارديت عليه أخذت بنتي وطلعت قبله
بعدها اتجهنا لبيت أمه
قلبي وجعني يوم شفت بيت
جيرانهم ..تذكرت اللي سواه فيني
وافي طالعها وهو حاس بالي تفكر فيه
قال : انسي وعد مني
هالمرة معاد تكررر وحقتس كله بيرجع لتس
صدقيني
سميره حسيت بشمزاز منه من كثر اكاذيبه
قلت بسخريه:صدقني صدقت مره وحده
وكانت غلطة عمري ذي المرة مستحيل
اعيد الغلطه ..ي راعي النسوان
فتحت الباب وقلت وأنا اخذره: انتبه على
حمود لا تنشغل عنه ... مثل العاده والكل يطلع
يدوره لو مره حس بالمسؤوليه وقفلت الباب
بقوه وكاد يبرد قلبي المحروق...
ودخلت وأنا اسرع بخطواتي
مابيه يالحقني ..دخلت البيت
شفت الكل متجمع ..
سلمت على أمه وعلى حريم أخوانه
حسيت بفشله ومالي وجهه اقابلهم
بعد الي سواه فيني وافي ...
ي دوب أجلس إلا شفت ذي
داخله بشياطينها تصارخ ...
: طلق بنتي واليوم محتفله فيه ي أم فهد
هذي نهاية الجيره حسبي الله عليكم
وعلى ولدك اللي ضيع بنتي وهي
صغيره
حسيت الدينا اسودت بوجهي وأنا اطالع
الموجودين وبعد كلامها اللي حرق دمي
ام فهد قربت منها وهي تقول: محتفله
ان ربي هداه ورجع لزوجته وعياله
وبنتس الله يجيب لها النصيب احسن
من ولدي مثل تقولين بعدها صغيره
طالعت زوجة فهد اخوه الكبير
يوم قربت مني وجلست جنبي وقالت بهمس
: يالله نروح المطبخ وخالتي بتتفاهم معاها
مشيت معاها وأنا منزله رأسي بذات يوم
اصواتهم احتدت بس يوم سمعت
صوت وافي وهو يقول: تغطن ي حريم
وقفت وانا اشوف الكل اللي تغطت واللي دخلت للمجلس داخل والشر بعيونه : اقولتس
برا وبنتس والله لو تموتي معاد لها
مكانه عندي وقرب مني وحط يده
على كتوفي ماتجي بظفر مرتي
بدون حس ابعدت عنه وأنا حاقده
عليه ودخلت وراء زوجة فهد المطبخ
على طول قالت: خليها تستاهل وأفضل
شيء سواه وافي انه عرفها قدرها هي وبنتها
خطافة الرجال وبعد والله وافي يحبتس
واعطيه فرصه صح عقله خفيف ومتهور
على قول أخوه ودايم يجيب المصايب
للي حوله وبذات الي يحبهم بس قلبه طيب
ويستاهل تعطيه فرصه ثانيه
جسلت على الكرسي وحطيت يدي على رأسي
بدون مارد ودي اقفل عين وافتح عين
واحصل نفسي بغرفتي ..وافي بطب
ساكته بيوم بسبته ..
ابتسام
مستغربه لما اليوم ..مافي حد دق
لا أخوها ولا أمه..وبعد مايرد على جوالها
عضت شفتها وهمست ماهي العاده
ي بسام ..أخذت جوالها وفتحت الواتس
شافت أخر ظهور له من ساعتين
ارسلت له ( آسفه )
قفلت جوالها وخلته ...ماتدري وش تقول
له ..غير ذي الكلمه ..
فكرت تدق على أمه ...وتسوي مثل
ماقالت لها شمسه ..بس ترددت
وش تقول لها بسام مايرد ..
لا صعب ...بتنتظر ..شوي عندها أمل
يرد عليها بدون ماتحرج حالها عند أمه
@
@
@
بيت أم فهد
بعد العزيمه ..ارسلت له (ياليت نمشي )
حطيت الجوال يوم قربت أمه وهي تقول
ماراح اخليتس تروحي البيت وتباتي
لحالتس
انصدمت ..وش قصدها..
فيه مصيبه صارت وانا مدري قلت بسرعه
: لاوش لحالي وافي والعيال كلهم حولي
جت بتتكلم بس قاطعتها معترضه وبعد
ي خاله بروح للبيت ضروري والله
مقلوب فوق تحت ويبي له تنظيف
الله يسامح وافي قلبه فوق تحت بغيابي
ماخلى شيء بمكانه
ام فهد وهي ناقده عليه: الله يسامح ولدي
بعد على عملته الحين دايم ذا الولد
ملحقني المنقود
سميرة حسيت بقلبي وجعني ومعاد فيني
صدمه ثانيه قلت بخوف: عساه خير ذي المره
ام فهد بخجل منها: الحين فهد يقول راح للبر
مع اخوياه ويقول خلو زوجته تنام هنا
سميره حسيت بقهر شفتم هالرجال
مابه أمل فيه... قلت وانا ابتسم مجامله
: يمه عندي خبر وانا وافقت له
وبعد تكفين قولي لفهد يوصلني بيتي
والله الحافظ
ام فهد معترضه: هوو يمه وشلون اخلتس
لحالتس تروحين أنتِ وهالجهال الي مايفهمن
سميره وقفت وأنا انادي حمود وبعدها
قلت بغصه : وأنا اطالع افنان زوجة
فهد ابيها تفزع لي ..بس ساكته
ماقالت شيء ..ضغطت على نفسي وقلت
: تكفين انتِ ورجلتس وصلوني بيتي
ولا تخافي ي خاله ماعلي خلاف وافي
يسافر بالشهر بعد متعوده
ام فهد وقفت وهي تقول: على راحتس
يمه والله يهدي ذا الولد مدري
وش بيصير فينا بعد من تهوره
لبست عباتي ..وأنا ماسكه نفسي
واتظاهر ان ..الوضع عادي ..
أبد هذا هو وافي ومستحيل يتغير
..طالعت غادة الي تلبس العبايه
قلت وأنا منحرجه :أسفه بتعبكم معي
غادة ابتسمت: افااا وهذا وأنا اختس
تقولين تسذا وبعدين والله فهد موصي
تنامين هنا ..بس قلت له انتس رفضتي
هزيت رأسي بدون ماأتكلم آه وش أقول
بس ...
@
@
@
@
اصايل
نزلت من الدرج وهي تسمع صوت ضحكها
العالي والمستفز ..بس اللي صدمها أكثر
يوم شافت اللي جالس معاها ..لا لا لا
ذولا زودوها ..كثير تقدمت ..منهم وطبعاً
هجدوا فجأة ..يوم شفوها قالت بسخريه
بعد ماجلست على الكنبه المنفرده
: ضحكوني معاكم حدي طفشانه
مصعب بحده : وش نزلك ماهو قلت
لك مدام بتجلسي هنا لا اشوفك طالعه
من غرفتك وكل شيء تبينه يجيك
اصايل عقدت حواجبها وقالت : متى قلت
لي كذا
مصعب طالع الجوهره بتوتر :بلى كثرة
حكي وتقلعي من قدامي قبل افصل عليك
اصايل بعناد :طقت روحي من الغرفه
ولو ماهو عاجبكم وجودي معاكم
غيروا مكانكم وقدمت نفسها شوي
وقالت والله في سؤال محيرني وش لمكم
على بعض ..بعد ماكان كل واحد يجهز
كفن الثاني ..
مصعب بعصبيه : اصايل وبعدين
اصايل طنشته وطالعت الجوهرة
وقالت :ماظن لا أنتِ غبيه ي الجوهره
ولا بعد مصعب وكل واحد عارف قد
ايش يكره الثاني وش جمعكم مع بعض
وهي ترفع اصبعين صرتوا تسذا اشلون ؟
الجوهرة بخبث :كان زمان حبيبتي
مصعب اقولها ولا لا
مصعب حس بقهر من اصايل
ابتسم بستفزاز وقال: حلفت ماخليها
بخاطرك ولا اقولك مافي
حد يقول لها غيري وقف وقرب منها
وانحنى شوي وحاوطها على الكنبه
من الجهتين وقال بخبث:بتزوجني
بنت صديقتها عشان كذا حنا
حبايب صرنا بتعوضني بدل
وجهه الفقر اللي ابتليت به ...
اصايل ارتجفت بمكانها وهي تسمع
اللي يقوله صدمه لها وقويه بعد
طالعت عيونه الصدق وهي تتمنى
انه يكذب عليها كل شيء تحمله
بس ماتأخذه غيرها ...قالت بعدم
تصديق :كذاب وصدقني لو بتزوج
ماراح تأخذ من طرفها لا تنسى تهديك
بالسيدي والبلاوي الي فيه
مصعب سكر فمها يمنعها تكمل
هذي الي بتهد كل شيء ابتسم بقهر
واعتدل بوقفته وقال :مافي حد
يحصل له مثل كذا ويرفض مهما كان
عيوب الشخص ..
اصايل وقفت بعصبيه وطالعت
الجوهرة اللي مبتسمه بخبث
صرخت وهي تحس جسمها كله يرجف
:كذاب والله كذاب يلعب عليك
عشان ينتقم منك حست بنفسها
ينكتم طالعته بضعف عشان يفك
يده عن فمها
مصعب صرخ بعصبيه :كم مره قلت
لك لا تقولين حكي أكبر منك وماينضر
فيه غيرك وزواج بتزوج بنت صديقتها
ولا غيرها فاهمه وجلستك هنا مالها
وجود عندي أبد هي والعدم واحد
وطالع الجوهرة وهو يتمنى انها ماتغيرت
من ناحيته بسبة الللي قالته قال وهو يحاول
مايوضح لها خوفه وتوتره :لو تبي تصدقيها
كيفك عاد بنات العوايل على قفى من يشيل
اصايل
ماتدري وش تسوي يارب ..لطفك
طالعت جوهره يوم قالت: مصعب
مثل ولدي وأنا مثل أمه والانتقام
اللي تقوليه أبد ماهو بينا وأشرت بتحقير
يالله مدام مصعب مايبك وشهوله
مصغره نفسك له كذا
اصايل وهي تحس روحها
بتطلع من كثر ماهو مقيد حركتها قالت
بحرقة قلب : الله يأخذ حقي
منك ومنه وطالعت مصعب اللي فكها وأشر
لها تطلع ...ضربته على صدره بقهر
وش ناوي عليه بتضر نفسك قبل تضرها
هذي خبيثه والله خبيثه مافي غيرك
راح ينضر مصعب خلك منها وفكر
في ضناك اللي جاي وش ذنبه بالله
مصعب مسك يدها يمنع ضربها لصدره
وقال بعصبيه وهو يأشر باليد الثانيه:بسرعه
غرفتك وقلت لك ضنا منك مابي وعينه
على الجوهره وهو يحاول مايشككها بشيء
من ناحيته
الجوهرة وقفت وهي معصبه : مدام هذي
اولها ي مصعب صعب صعب عبير ماراح
تتحمل وجودها أبد ..ومن الحين اقولك
ماراح امشي معك بذي الطريق
ماهو ناقصه بلاوي أنا يالله قدرت اكسبك
واصير لك ام ..وبعدين صدقني
عبير لو درت بذا الحمل ماراح توافق
مصعب حس بقهر من اصايل بتخرب
عليه كل شيء...قال بقهر :حقك علي
ومافي اي أحد يقدر يوقف ذا الزواج
وصدقيني يوم أخذ عبير أول شيء
اسويه اقلع ذي من حياتي كلها هي ولدها
اللي ماراح اعترف فيه
اصايل طالعتهم بقرف وتحقير
ابتعدت وهي تهز رأسها بتحسف
: أخر شيء توقعته اشوفك بذا المنظر
الضعيف قدامها ي مصعب الله المستعان
وقربت من الجوهرة وصفقت يدها
برافووو قدرتي تحطيه تحت يدتس مثل
أبوه وطالعت مصعب ي حيف بس
هذي ماهو بس ملكت البيت أخذت
سكانه بعد
مصعب بحده سحب اصايل وطلعها
معاه لفوق وهو معصب حده
دخلها الغرفه وقال بقهر: ليه كل ذا الحين
عجبك يعني كل ماقربت خطوه تبعديني
وش راح تستفدي ومسك على رأسه
وصرخ بقهر ليه ناويه تحرقي قلبي أكثر
ماهو محروق ..يكفي ابوي لا تزيدينها
علي
اصايل بخوف يوم شفته منهار
قربت منه وقلت : مصعب وش ناوي عليه
وبقهر وبعدين وشهوله تزوج علي وش
المصلحه من زواجك بمشاكلك مع العقرب
زوجة أبوك ودي افهم بس
مصعب بعصبيه دفها عنه وقال
: مالك دخل فاهمه وزاوج
راح اتزوج عجبك ولا كيفك ومثل ماقلت
لك لو ماهو عاجبتك الحياة تقلعي
لاني أنا عجزت انفك منك ومن أبوك
كل ماقول انفكيت اشوفك قدامي
اصايل صرخت بوجع: يكفي مصعب يكفي
خلاص ارحمني من وين احصلها من أبوي
ولا منك ولا من اللي في بطني إلا مدري
وش مصيره تعبت والله تعبت
مصعب بعصبيه:تبي ترتاحي لا تدخلي
باللي اسويه لو أحرق نفسي أنتِ
ماتدري وش صار وش بيصير فاحسن لك
خليك بحالك وانكتمي بذي الغرفه
اصايل بقهر : وشلون وأنت بتجيب على
رأسي مره وشلون اسكت وتبني انكتم
بذي الغرفه وتخفي وجودي بعد وأنا
اشوف الزفته وشلون منتصره علي
مصعب هز رأسه بقهر: ماراح تفهميني
أبد اعطاها ظهره وطلع وهو مصعب ..حده
اتجهه للاستراحه ودخل وهو معصب
يدور عادل بعيونه ماحصله
: حشا لو حنا كفار عشان ماترد علينا السلام
طالع عبد العزيز بحده وقال: وين عادل
عبدالعزيز: مشغول بسلخ الذبيحه
تراك من الحين معزوم ياويلك تروح
مصعب بسرعه طلع يدوره بالحوش
حصله بالزوايه الاخيره جنب النخله
قرب منه وصرخ بعصييه وهو
يضربه من كتفه بقوه :وش اللي سويته
عناد صح يوم وصفت البيت له الحين
هديت كل شيء بنيته
عادل وهو مشغول بالسلخ :بتضيع حالك معاها وتبيني أسكت طالعه هالسكه بتمشي فيها بتدهورك
مصعب بعصبيه: لمتي بتحمل ي عادل
حرام عليك كل ماقربت من الي في بالي
تخرب علي وزعم ايش خوفك علي ي شيخ
لا تخاف ولا تفكر فيني لو تشوفني اطب
بالنار
عادل رجع يسلخ الذبيحه بدون مايرد
عليه
مصعب كمل بقهر:شوف وش سويت
الحين الجوهرة بدت تخاف مني يوم
الغبيه اللي عندي خربت علي
عادل ضحك بسخريه: مع الاسف اقولك
ان الجوهرة اذكي منك مستحيل تتساهل
معاك كذا إلا وراها مصيبه أكبر من مصيبتك
اللي ناوي عليها قال ايش تزوج بنت صديقتها
عشان تعرف وش وراها قرار غبي واحمق
صدقني السيدي خلاص ضاع من يدك على قول
يزيد ومستحيل عاد تغلط الغلطه هذيك صايره
حذره أكثر وأكيد حذرت أم عبير وهم الي بيلعبون
فيك خلك على زوجتك ابرك لك ي مصعب
يكفي اللي ضاع منك بسبتها لاتنسى
البيت اللي أبوك بكره تنازل به لها ..
مصعب صرخ بعصبيه: خلاص اسكت
واعرف شيء واحد بس مافي حد يقدر
يستقوي علي وطلع وهو معصب
آه ذبحه يوم قال عن تنازل أبوه بااالبيت
يومها بغى يذبحها ..يوم دري بس فكر
انه يلعب عليها ويقدر يرجع حقه كله
يوم يمسك عليها شيء قوي
بس لا كل شيء صاير ضده ..بذات
مع وجود اصايل ..
.....
{ الجنوب }
طالعت نور الي مشغوله تمكيج
حور ..تذكرت تهديده لها..لو قالت
لأمها انها بتروح للملكه ..حسبي
الله اليوم سمعت صوت امها موجوده
جت تسأل عنها ..
ماقدرت تطلع لها.. وقدر يصرفها
بمساعدة حور الخبيثه .. وأخذ جوالها
طالعت حور بحقد ..تكرهها ..
ابتسمت بسخريه يوم نور قالت:بنت
بكشخش الحين واخليش تصكين على عفاف
قلت بقهر : تتوقعين راح تفشلني عجوز قريح
نور وهي مشغوله بالمكياج :مدري
بس تعرفينها نحيسه
حور بقهر قالت وهي تدف
يد نور : عيب عليش ي نور
تعومي على عوم شدن وتتتكلمي
كذا في عفاف لا تنسين كانت زوجة أخوش
وبعد ان شاءالله بترد له وترجع لبيتنا
شدن ببرود سحبت الكحل وخطت عيونها
قالت بقهر وهي ترميها بالكحل : يمه يمه
على ذي الأخلاق النادره اقول وش قومش
ي بنت شكلش تبيني اقوم احوس خشتش
ذي يكفي حركاتش أنتِ وأخوش مع أمي
والله مانساها لكم بس الي مصبرني
شيء واحد اسوي اللي يبيه مني وانفك منه
ومنكم كلكم
حور بخبث: لوبي امش المصريه خير
تعالي وريني وش يطلع منش
نور بقهر : حور والنهايه معش
حور بعصبيه صرخت: من أول فاكه لسانها
علي وماتكلمتي ويوم رديت طبعاً مارضيتي
في حبيبة القلب
شدن عضت شفتهابقهر: خليها ي نور
وطالعت حور آه بس ليت
من يدلني على أمي المصريه والله لا اروح
لها واخليش واخلي اشاكلش اللي يقصرون العمر
يجعلني قبلها
حور بخبث: مسكينه ي عمتي نوفه
لو تسمع الي تقوليه يعني أبد ماهو معترفه
فيها انها امش ودش تروحي لامش اللي جابتش
صدق اللي يربي ضنا غيره وسكتت يوم هجمت
عليها شدن تتضارب معاها
شدن وهي تصرخ بقهر وهي مساكه شعرها
بقوه : ي ال***** لا تحاولي تفرقي بين أمي
وبين فاهمه والله إلا هالشيء ماسكت عنه
حور بعد مسكت بشعرها ويسمعون أقوى
شتم وسب لبعض
نور وهي تفك بينهم وتصرخ بقهر : آه ي قهري على الاستشوار بس وقت مضاربتكن الحين
وهي تحاول تفكهن عن بعض بس بدون
فايدة رفضوا
يفكون بعض ..صرخت بصوتها كله تنادي أمها
بس اللي دخل عليهم خلى كل وحده
تفك الثانيه وترجف بمكانها
ياسر بعصبيه صرخ وهو يشوف اشاكلهم
وشلون مبهذله : وش ذي المهزله
شدن بسرعه قربت منه وهي تحتمي
فيه وتأشر على حور : ذبحتني أختك
شوف شوف بعينك وش سوت بشعري
آه يمه نوفه بنتش صارت لهم تبريد خاطركل
ماضاق حد بذا البيت حط الي به علي
ياسر بحده : انكتمي لا اكمل عليش وطالع
حور ليه تضربيها الحين
شدن وهي تحاول تجيبه بصفها
عشان لو دري ايش سبب المشكله
بتروح فيها قالت وهي تمثل الطاعه: أمر فديتك
ياسر طالعها ورفع حاجب ورجع طالع
حور بعصبيه: ليه تمدي يدش عليها
حور بقهر : الظالمه والله هي اللي بدت
وطالعت نور قولي الحق
نور بسرعه قالت: مالي دخل
حور بقهر: مالك دخل الحين بعد ماتكلمتي
في عفاف معاها ويوم قمت دافعت عنها
قامت وطقتني والحين صار الحق علي
ياسر عقد حواجبه وقال بحده: تكلموا
في عفاف
حور بسرعه: اي والله ي خوي قسم بالله
يتريقون عليها ويتمسخرون وانا طبعاً
مارضيت وقلت لهم عيب بس هذي نشبت
فيني تطقني ويوم دفعت عن نفسي
أنت دخلت
شدن ... بسرعه شردت للغرفه
وهي تسمع تهديد ياسر
طالعت الباب وهي تدور المفتاح
ماهو موجود الله يأخذ امه هي السبب
اخذته ...لفت بالغرفه تدور مكان تتخبى
فيه بس ماحصلت طالعت الدولاب
وبسرعه دخلت فيه ...
هذا أفضل مكان أمان لها وتقدر توقف على راحتها بس انصدمت وهي تشوف الرشاش قدامها
بلعت ريقها بخوف آه الغبيه ليه ماتركض
لبيت أمها بسرعه طلعت من الدولاب
بس رجعت بسرعه وهي ترجف يوم سمعت
صوته العالي قريب من الغرفه
نور يوم شافت شدن ركضت جت بتلحقها
بس ماقدرت وهي تحس شعرها بيد
ياسر طالعته بخوف وهي تحس الدنيا
تدور فيها كرهت شدن وكرهت كل شيء ليتها
قامت بصف حور ولا ورطتها كذا
رفعت يدها تبررر: والله حور فاهمه غلط
اسمع افهمك بس أبد ماعطاها فرصه
وضربها ..على وجهاا وطالع حور اللي واقفه
جنب باب الغرفة : تجهزي
لحالش أنتِ الي بتروحي مع شدن وأنتِ ي نور
انطقي هنا وهو يدفها على الكنبه ..
وشغلي معش بعدين واتجهه لغرفته
وهو يتحلف انه يرجع لها
دور شدن بعيونه ماحصلها
..معقول راحت لبيت عمته ..بس يوم جاء بيطلع
يلحقها بس وقف يوم
سمع صوت حركه خفيفه جايه من الدولاب
قرب منه وهو مصغر عيونه فتح الدولاب
شافها قدامه ترجف سحبها من شعرها وطلعهها
اعطاها كف قوي وقال بعصبيه: كم مره قلت
لش سيرة عفاف ماتجيبيها على لسانش
ليه رافضه تفهمين
شدن وهي تصيح :توبه والله توبه
وعينها من الرشاش خايفه لا يطللعه
ويفضيه فيها قالت عشان تهديه
تكفى اخر فرصه ولا تسنى بعد الحين
بروح وبطيب خاطرها تكفى والله موافقه
اسوي الي تبيه مني بس اعتقني لوجه الله
ياسر
زفر أكثر من مره وهو يحاول يهدي نفسه
فعلاً مصلحته تروح وتسوي اللي يبيه
مسكها من يدها وجلسها معاه على السرير
طالع شكلها كيف شعرها مهبذل وعيونها
الكحل كله سايح على وجهاا
:شوفي الحين تروحين أنتِ وحور بس
نور تنقلع تجلس هنا وبتقولي لها الي اقوله
لش كله وحور راح تقولي كل شيء لو حاولتي
تستخفي دمش مثل العاده هالمرة
مدري وش بسوي ي شدن تكفين لا تضيعين
عمرش وعمري بعدش
شدن وهي تبلع ريقها : أبشر
بس خلي نور تروح معي بدل حور
ياسر بقهر : ايه عشان تهببين أنتِ وهي
على راحتكم اللي بتروح معش حور
وبتكون حاضره بعد وشاهده على اللي
بتقوليه لها بالحرف الواحد وبشك لا يكون
قلتي لعمه نوفه انش بتروحين
شدن بخوف : لا والله ماقلت لها وبعدين
وشلون اقول لها وحنا
ما تلاقينا وبعد الجوال معك
ويكفي تصريفتك لها العصر
والله انها بخاطرها الحين بتزعل مني والله
ياسر وقف بقهر
وقال: اخلصي علي ويالله تجهزي عشان اوصلش
شدن بقهر: طيب
بسرعه راحت غسلت وجههها وحاولت ترتب
شعرها ..ورجعت حطت مكياج خفيف
طالعته كان مشغول بجواله ...ودها
تسوي اي مصيبه عشان ماتروح ذي العزيمه
ماتبي تذل عمرها لها ... ارتبكت يوم
طالعها وقال: جاهزة ست شدن
شدن وقفت متردده:ايه وسكتت شوي وقالت
الله يخليك فكني من ذي الروحه
وجيب جوالي وبكلمها قدامك الحين
يمكن ترد
ياسر بعناد وقف وأخذ المفتاح
وقال : لاااااااا
وطلع وأشر لها تجي وراه ..طلعت
وهي تشوف حور جاهزه تنتظرهم بالصاله
طالعت جهة غرفة نور...آه ليت هي الي
جت معاها كانت قدرت تلعب بحسبة
عفاف واهلها كلهم بس آه مسلط معاها
هذي الخبيثه ...الي تدور عليها الزله
طارت بعقلها فكره بسرعه سوتها
قربت من ياسر ومسكت يده
طالعها بصدمه ...ورجع طالع حور
وهو متوتر حده سحب يده من يدها
بس رجعت مسكت يده وهي تتمايل عليه
وتهمس : بدوخ
ياسر رجع نفض يده وقال بقهر: لو بعد
بتطلع روحش راح تقولين لها ويالله قدامي
بلى تمثيل ماله داعي
شدن انقهرت يوم انه كاشفها طالعت
حور اللي ماسكه ضحكتها بالقوه
حست قلبها يغلي منها ومن الثور
ذا جنبها ..طيب والله لا تخليه يندم
انه ضغط عليها بذي الطريقه....
لا شدن صدقيني لو قلتي لها راح تنفكين
منه ..وترجعين لحياتش الي تعشقيها
بعيده عن تسلم ياسر ..بس آه عزة نفسي
تمنعني ..وبعد أمي نوفه لو تدري اني
روحتي لها .. روحي بتطلع بين يدينها
على اللي سويته بعمري ..
قالت وهي متوتره : عنود خايفه من
الي بتسويه صدقيني مهما كان ياسر
يحبني بس مستحيل يسكت على الي
ناوين عليه هذا شرف ماينلعب فيه
عنود بقهر : بنت وش بعقلش الحين
جايه تقولين كذا وهم قدهم على وصول
توها مرسله لي حور تقول بالطريق
عفاف عضت شفتها : سلمان لا يتدخل
ي عنود صدقيني بها دم وياسر ماراح يسكت
عنود قالت وهي صاكه على سنونها
: اكتمي أمي لا تسمع والله ماغير دمنا
بيروح .. ي الخبله ماعندنا حل غير سلمان
وتعرفينه عند الفلوس بس لو تعطينه راتبش
مدة شهر يبيع روحه بعد مابالك يسوي
حركه بسيطه بس يخلي ياسر يطلق شدن
بدون تردد ولا أحد بينقد عليه
عفاف بخوف وتوتر : مدري مدري خايفه
عنود بقهر: افف ماهو وقت خوفك ومثاليتك
الحين وسلمان خلاص فهمته وش يسوي
بالضبط لا تخافين سلمان حذر أكثر عنش
عفاف عضت شفتها : تكفين ابعدي سلمان
عنها فشليها سوي الي تبين وبردي قلبي
بس سلمان لاااااااا
وسكتت وهي تشوف خدامتهم تقول : ماما
عفاف ماما كبير يقول انزل
عفاف هزت رأسها وطلعت من الغرفه
ي دوب تنزل بس يوم شافت شدن وحور
داخلين .. لحالهم بسرعه ركضت ورجعت
لغرفة عنود وهي مرتبكه : وصلوا
وسكت شوي وقالت بحقد قليلة الخاتمه جايه
بكل بقاحه سوي الي تبينه فيها تستاهل
العنود بخبث: هذا المطلوب
انها تجي المهم امها معاها عشان لو جت
اخخ ماراح تضبط خطتنا
عفاف بتوتر: لا ماشفت غير حور
معاها بس و بطلع اشوف لايكون دخلت بعدهم
طلعت وهي تطالع حور وشدن
قربت منهم ورحبت بحور
وطنشت شدن ...
حور على طول سلمت عليها
عفاف اشرت لحور تتفضل وبعد باقي
مطنشه شدن ... حور جلست جنبها
وقالت بخبث وهي تطالع شدن : فقدتش
والله البيت ماهو شيء بدونش وهمست لها
ياسر حاله من بعدش مايسر
عفاف بقهر وهي تطالع شدن اللي جلست
وهي تتتاففف حست بقلبها شاب نار منها
:وش اسوي مثل ماهو عارفه ان عيال
الحرام كثير وهو اللي جاب هالشيء لنفسه
يوم طاع لهم
حور : ي عمري في ذي صادقه
وقربت منها وابتسمت بخبث : ماعليش
بس ومتأكده ان قلبش كبير وترى
عندي امانه لازم واصلها ياسر يرسل لش
سلامه ويقولش لمتى ناويه الهجر
عفاف بقهر :هو اللي تسبب في هالهجر
مدام جاب على رأسي هالحشرة
شدن حسيت بقهر وهي تأشر علي بتصغير
وبعد تسبني الخايسه وأنا في بيتهم بعد
طالعت حور بغيض ..وأنا اتحلف فيها
طالعت جوالي اللي بيدي يرن شفت
اسم ياسر ..فتحت الخط وقلت بخبث
وأنا ناويه ارد حقي بس بطريقه تقهرها
أكثر رفعت صوتي شوي
:هلا يويو
قفلت عيوني من الصرخه الي جتني
قلت بسرعه :طيب تمام
قفل بوجهي الكلب طالعتهم حسيتهم
عينهم مني كملت بكذب :حرام توني داخله
هههههه عارفه والله خلاص خلاص ياسر
شوي بس لازم ابارك لعنود وبعدها نطلع
لا لا لا صدق الله يخليك لي يارب
ونزلت الجوال وقلت :صاير لزقه أخوش
ي حور معاد أقول
إلا الله يخليه لي يارب وحطيت يدي
على بطني وقلت ولحبيب أمه
حور فتحت فمها بصدمه ..شوفوا ذي
وش تقول ..طالعت عفاف الي وجهاا
احمر من العصبيه :لا تصدقينها تكذب ماهي
حامل
شدن ضحكت بصوت عالي :وش يدريش
وبعدين معش حق ماتصدقين
تكفين لا تزعلين اني مابشرتش بحملي
من قبل
بس وش اسوي هو محذرني ماقول لأحد خايف من العين حتى لو كنتم أهله العين حق بس
أكيد امش طبعاً عندها خبر بس هي بعد
قالت احسن شيء ماتقولون الحين
وطالعت عفاف خايفه على حفيدها
من حقها ورفعت حاجب
عفاف وجهاا حمر من العصبيه الحين
بدل مايكون الخطه مدبره ضدها شكلها
هي اللي بتحرق دمهم وتروح ..حلال
اللي تسويه فيها عنود والحين هي
اللي بتسويه لو عنود غيرت حكيها
حور بقهر : وش ذا الكذبه بعد
وطالعت عفاف حبيبتي لا تصدقيها
شدن حسيت بخوف يوم فكرت
في المصيبه الي قلتها ..بس ماقدرت
عاد اكذب اللي قلته
عفاف وقفت : مايهمني ي قلبي
وكفوه يخلف منها ويالله معايه
خليني ادخلش للعنود تنتظرش
حور وقفت وهي مقهوره من شدن
حالفه تقول لياسر كل شيء
بسرعه رسلت له (الغبيه ذي سوت عكس
اللي طالبه منها والحين عفاف حدها معصبه )
شدن
عضيت شفتي بندم ..آه ليه دايم
احكي بدون مافكر في العواقب..
طالعت البنات حولي والحريم بعد
طالعت جوالي
يوم رن باسم ياسر لا مو وقته أبد
نزلت الجوال ويدي ترجف وطنشت مارديت ..
شوي وصلتني رساله
عضيت شفتي بخوف..فتحتها آه صدمه
(سويتي الي براسش الحين شوفي وش بيصير
لش والله ي شدن إلا ذي الغلطه ماراح اسامحش
عليها أبد وبعطيش أخر فرصه تصلحي
اللي سويتيه ولا خليش قد الي بيصير لش وحطي شيء واحد لا عمتي ولا عمش يقدرون ويوقفون في وجهي وانتِ أكثر وحده خابره ايش اسوي )
ارسلت له بسرعه(طيب بكلمها وقدامك بعد
الحين بقوم ادورها ..يوم أحصلها بدق عليك
وخلك ساكت عشان ماتحس وبنفسك اسمعني
وش أقول وينتهي كل شيء بينا هنا خلك على الوعد )
قفلت الجوال ويدي ترجف .ايه اروح
اقول لعفاف واقولها بعد وقدامه...
عشان مايكون علي شيء ..وافك عمري من شره وبعد من المصيبه الي سويتها
دورت على عفاف
بعيوني ماحصلتها ..بس يوم شفتها نازله من
الدرج وهي معصبه قربت منها وقلت
: عفاف ترى امزح معش بس حبيت استفز
حور سكت وانا احسني ابرر بشيء تافهه وش دخل
حور استفزها بسالفة حملي
طالعتني بستحقار وقرف وقالت : تقلعي
ماأحتاج منش تبرير كلش ماشوفش عاد
يهمني منطوقش
عضيت شفتي بقهر الحمدلله وانا ماتسرعت
وكشفت كذبتي لها خليها تموت بقهرها
حقدت عليها زود بس ايش عشان هالشيء
هو الي بيشفع لي عند ياسر ..لانه ماراح يرحمني
لو قالت له حور بسالفة الحمل ... لازم اقولها
بس عصبت زود يوم قالت: شافقه على ياسر
بسبة هالطفل اللي منش وش بيطلع
أكيد مثلش وطالعتها بستحقار
وقربت منها وقالت بهمس صدقيني لو ابي ياسر
اقدر اجيبه واخليه يرميش
أنتِ وطفلش تحت جزمتي
شدن حسيت بقهر ...ودي امسك
بشعرها واحوسه لها..وابرد قلبي
حسبي الله ترمي طفل وش ذنبه
هزيت رأسي بقوه شدن اصحي اي
طفل ولا صدقتي الكذبه بعد
يوم تحركت بتمشي بسرعه لحقت
عليها و دقيت رقمه وقلبت الجوال بين يدي ونزلته ..قربت منها بتردد
وقلت : عفاف ثواني بس قبل تمشين
عضت شفتها يوم
صدت عنها وطنشتها بسرعه لحقتها وقالت
عفاف بقولش شيء واحد بس وبعدها بطلع
عفاف طالعتها بتصغير : نعم وش عندش
من كذب وتأليف وضحكت بوقاحه
شدن حست بغصه يوم تصغر نفسها
لها بس ياسر وحش بيقلب عليها وبينكد
عليها ...وبعد بعد الكذبه اللي قالتها
لازم تصلح شوي هالغلطه الكبيره
..قالت بقهروهي تبيه يسمع الي تقوله لها
عشان يصدقها لانها عارفه بخبث حور
مدام قالت له كل شيء صار وهي هنا أجل
لو روحنا ماتبي تحسسس عفاف انها داقه رقمه
يوم نزلت عينها لجوال وشافت انه بعد معاها
على الخط قالت بسرعه
:ياسر يحبش ويبيش ترجعين له
عفاف ضحكت بسخريه وقالت بقهر
: قولي له
عفاف ماترخص نفسها لرجال مثله
وحبه الله الغني وخلاص خطبني
رجال يبي عفاف
ماهو يدور فلوسها وعشان ارض يبخس
بحقها ويجيب بدالها وحده ماتقدر بثمن
....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!