رواية جيت مابيك تحقرني جيت أبيك تعز شاني الفصل الثامن والعشرون 28 - بقلم r010ee

طالعت الجوهره يوم قالت وهي تطالع
مصعب : أبد ماهو وقتها
عضيت شفتي وأنا متألمه من نظرة
مصعب اللي أبد ماتبشر ...
بلعت ريقي يوم تقرب مني وقال
بصوت غاضب :وش رجعك

وش يقول ذا ..يعني فعلاً ماهو اللي
دل أبوي والله اني كنت حاسه ...
مدري وش أقول له ..ولا ارد عليه
قفلت عيوني يوم صرخ : وشهوله
جايه ماهو طردتك طالعت

الجوهره يوم قالت : هالأشكال ماينفع
فيها الطرد مثل القطه تطلعها من بيتك
توديها أخر الدنيا ..ترجع تحصلها قدامك

كنت مصدومه حدي ..الجوهره مأخذه
راحتها بالحكي ..وش اللي تغير ..وبعد
كلامها وكلامه ذبحني طالعت الجوهره وقلت
بسخريه: ي زين مامثلتي والله تعتبر
حيوان اليف احسن من الخبث اللي
متمكن منتس ي العقرب وطالعت
مصعب بقهر خلاص فرمت عقلك
صرت لها (صقر 2 ) ي حيف بس
واعطيته ظهري ... بس وقفت يوم
مصعب وقف بوجهي وهو يقول
: وين وين

اصايل حسيت كرامتي خلاص انهدرت
معاد فيني والله ..بس لبعدهم اوضح
لهم هزيمتي ..وقلة حيلتي قلت وانا
يالله ماسكه نفسي: غرفتي

مصعب بحده قربها منه وقال بعصبيه
وقال : بلا استهبال أبوك باقي برا ولا نطلك وانقلع

اصايل بقهر عضيت شفتي وقلت
: راح وخلاني رخيصه
لناس مثلكم وأنا اطالع الجوهرة
وارجع اطالعه بس صدمني يوم قال

:ليه ترضين المذله لعمرك ي بنت الناس
مابيك وطالع الجوهرة وقال :صدقيني
وجودها وعدمه واحد لا تبالي ولا يأثر
شيء

لا لا الرجال مسحور وربي ... طالعت
الجوهرة اللي حطت رجل على رجل
وقالت بوقاحه: مصعب ضف هالحشره
بعيد وخلنا باللي فيه تكفى

طالعت مصعب يوم أشر لي أطلع
لفوق ..مشيت وأنامصدومه حدي
ي ناس وش اللي تغير الحين ...
طعت الدرج وأنا احرك رجولي
غصب أحس اني بنشل من اللي صار
مصعب والجواهرة لا لا فيه شيء
مستحيل الاثنين يجتمعون إلا فيه
مصايب بالطريق ...دخلت الغرفة
انتظر دخوله علي ..بس أبد ولا له حس
طالعت الغرفه ..كانت حوسه ..ملابسه
بكل مكان ...وقفت على حيلي ..ورتبت
اللي قدرت عليه...ورجعت جلست
وسندت ظهري على ظهر السرير وعيني
على الباب ..انتظر دخوله ...عندي فضول
أعرف وش عنده ..مع العقرب...
قفلت عيوني وأنا افكر ي ترى مين اللي
دل أبوي ..لبيت مصعب ...فتحت عيوني
يوم سمعت صوت الباب فتح طالعته
بقهر وبنفس الوقت بعتبب ليه يسوي
فيني كذا وأنا ماعمري ضريته ..
اعتدلت بجلستي يوم جاء ..وجلس على
السرير مقابلني ...قلت بهمس :تأكد
قبل تقول شيء والله اني جايه غصب
لهنا....
مصعب قاطعها وقال بحده :لمتى بتحمل
اللي يسويه أبوك آه لا جابها من فزعه

اصايل عضت شفتها وقالت بالم : لا تحسف
على شيء سويته لوجه الله

مصعب قاطعها بعصبيه: قلتها بنفسك
سويته لوجه الله وشهوله أبوك يدبسني
تعبت اصايل معاد فيني اتحمل
وبعدين كيف عرف عنواني

اصايل وهي تحاول تبلع غصتها
:مدري بس كلم أحد ودله على البيت
وافتكرته أنت
مصعب بعصبيه صرخ : الزفت
عادل أبوك مايعرف غير رقمه ..
مسكها من كتوفها ليه تخربين علي ودي اعرف
جيتك أبد ماهي بوقتها كلمي أبوك
وخليه يرجع لك وناولني الجوال خذي

اصايل طالعت الجوال
وأخذته منه بس بسرعه سحبه من يدي وقال :متاكد انه ماراح يرجع لك عارف
طينة أبوك
اصايل ..حسيت بكتمه بصدري من كلامه
ومعاد فيني اصبر نزلت رأسي وصحت غصب
عني ..ي شين هالاحساس تعشين مع أحد
مايبك وبعد يشكي من وجودك معه ...
بس صعقت يوم حط يده على رأسي وقال
بهمس :لا توجعين قلبي أكثر
رفعت رأسي وطالعته مصدومه ..
بس وقف على طول وهو يقول : شكلي
مكتوب علي أتحملك طول عمري
(لزقة عنزروت )

اصايل
رجعت اصيح ..يوم طلع من الغرفة
الرجال مايبيني وفعلاً هو صادق
ماله ذنب يتحملني غصب عنه ..
(والنفس ماتنجبر )بس آه وش
يفهم أبوي بذا الكلام...

{ الجنوب }
طلعت وأنا مصدوم ..من اللي قالته
هذا اللي كان حاس فيه ..والله
أن هالخبله تحبه ..سند رأسه على
مقعد السياره ..وهو مقهور ..شاف
عمته طالعه من بيتها ..بسرعه
نزل من السيارة ..وتقدمها قال وهو
يرحب فيها بتوتر : هلا هلا والله بالشيخه

نوفه بعتب بان بصوتها:هلابك

ياسر وهو يأشر للسياره : وش رأيش
ي الغالية لو اطلعش للمكان اللي تحبيه
ومع ذا الجوو اللي يرد الروح وطالع يدها
وبعد مزهبه قهوتش يعني جاهزة
لطلعه خلينا نسحب عليهم كلهم
وطلعه لش مخصوص

نوفه بحده: بعد بتوصل فيك تمنعني من زيارتي لبنتي

ياسر عقد حواجبه : مين اللي قال بيمنعش الحين

نوفه وهي تعطيه ظهرها: الحين بطلعني حب
بوجهي ولا بتصرفني عن شدن عشان
ماتقولي سواتك فيها ي ولد مبارك
لكن أنا استاهل رميت بنتي لنار بيديني

ياسر بسرعه لحقها وقال بتوتر : في ذمتي
انش دايم تظلميني يجعلني أخذ ضيمش

نوفه سفهته وماردت عليه ..زعلانه
حدها عليه ..تحس وراه بلى وبعد زعلانه
من شدن ..اللي أبد لاتسأل ولا تقول أمي
بس ماتبي تظلمها تدري بخوف بنتها
من ياسر وأكيد هوو الي وراها ...

ياسر بسرعه تقدمها وفتح باب الصاله
وهو يرحب فيها وعيونه تدور شدن مالها
أثر أكيد بالغرفة ..تنهد براحه .. يمديه
يحذرها ماتقول شيء ..مايبي أي شيء
يأثر عليه قبل يرجع عفاف وبعدها
قلعتها ...فرح من قلب يوم عمته
انشغلت مع امه اللي شكل الجوو أبد
ماهو زين بينهم ومشحون حده
بسرعه دخل الغرفه شافها مشغوله بجوالها الجديد ...
بسرعه قال بتوتر : عمتي هنا تكفين
ي شدن اقضي الشرط وبعدها اسوي
اللي تبيه مني ... وبخليش تروحي لعمتي
بدون مشاكل بس الحين عشاني امسكي
لسانش ... شافها بتعترض قال بسرعه
ماهو تحبيني خلاص اللي يحب يسوي
اللي يرضي حبيبه

شدن
بغيت انصرع من كلامه الولد مصدق
وبعد يبيني اضحي ومن هالشغلات التافهه
اللي بين اللي يحبون ..بس قلت وأنا
فيني الضحكه :ايش المطلوب وتم من الحين

ياسر حط يده على رأسه وهو وده
يذبحها له يومين يشرح وتسأله بكل
غباء ايش المطلوب ..الله يقدره بس
ويعطيه صبر فوق صبره ..قال بقهر
:مافي شيء مطلوب منش غير تسكتين
بس واي سؤال تسالش به قولي الحمدلله
مرتاحه مع ياسرحس بقهر وهي مطنشه كلامه
وتطالع بالجوال الي فرحانه به من اليوم
سحبه منها وصرخ بدون وعي :والله انااللي
استاهل جايب لش والله ماغير تجيبي لي
منه المصايب والكوارث ..
شدن بعصبيه صرخت : هاتي جوالي
سكتت وهي تسمع صوت أمها وراء الباب
: ياسر افتح ولا مايصير لك خير شدن يمه
لا تخافين مايقدر يسوي لش شي

شدن حطت على فمها وهي تطالع وجهه
المخطوف ..ودها تفك ضحك عليه
قالت بشماته : تفتح ولا أفتح

ياسر عض شفته بقهر هذا اللي مايبه الحين
وش ذي الورطه طالعها بحقد وهمس لها
: كله منش والله دايم تطلعطني من طوري
شدن بسرعه قالت: ماعليك ياسر انا
بصرف أمي بطريقتي ماهو اللي يحب
يضحي

ياسر فرح من قلب يوم قالت كذا
وقال :ايه خليش عاقله وتسمعي الحكي

ياسر عدل شكله شوي ..وحاول يهدي عمره
وفتح الباب ..شافها قدامه واقفه وبعد أمه
: تفضلوا حياكم

نوفه وهي تطالع شدن اللي جالسه
على الكرسي دفته عن الباب ودخلت :
قالت بخوف: وش مسوي لش يمه

شدن قالت وعينها
منه: ماسوى شيء بس زعل شوي
عشان كنت جايه عندش وهو مايدري وانفجع
يحسب صار فيني شيء وللحين
زعلان مني حاولت اراضيه بس رافض
وطالعت ياسر
اللي رفع حاجب..وشكله انبسط على الي
قالته .. رجعت طالعت امها وكملت
والحين يقال بيحرمني منش عشان كنت
بطلع بدون شوره بس يقال يعاقبني يمه
وأنا لي ساعه احاول فيه عشان اطلع لش
بس ماهو رأضي..يقول بحلامش تشوفينهاعشان
تحرمين وشلون تطلعي من البيت
بدون موافقتي

ياسر الدنيا سودت بوجهه ليته مااعتمد
عليها آه الحين ورطته أكثر قال وهو يالله
يقدر يرقع اللي تقوله :بس الحين رضيت خلاص
ويالله انبسطوا مع بعض وي عمه حذري بنتش
لعاد تفجعني عليها والله بغيت انهبل
يوم صحيت من النوم وماحصلتها
طلعت مثل المجنون ادورها وطالع أمه
يبيها تفزع له عشان تصدق عمته الي
تطالعهم بعدم تصديق وتطبطب على شدن
وتفقدها كأنه منقص بها شيء

ام ياسر وهي تطالع ولدها قالت: ايه ي نوف
تعرفين زعل شوي والحين رضي والبنت
بنفسها عذرته ويالله تعالوا للصاله
خلونا نتقهوى ..

نوفه طنشت كلام ام ياسر وقالت بعصبيه
:وتقوم تصرخ عليها جيت على وجهي
قلت ذبح بنتي وأنا مدري

ياسر قرب منها وسلم فوق رأسها: افف
ي عمه ماتصل لكذا بس طلعت
مثل المجنون ادورها وحلصتها قدام الباب
جايه لش وانا مدري وزعلت شوي وخلاص
انتهى الموضوع وانتِ جيتي الحين وقلت
اعقابها شوي بس يوم امنعها منش بس
تدرين كنت بخليها تطلع لش بس مجرد
تهديد وسكت مايدري وش يبررر وش يحكي
يحس تبريرته كله غباء في غباء
شدن دخلته في مشكله ثانيه هي والحل
اللي قالته هين طالعها وهو يتحلف فيها
يحسها تطالعه وهي مبسوطه ماهو يقول
دايم ان هالنتفه فيها خبث الدنياكله
بس مافي حد يصدقه والكل يعرفهابالبراءه
اللي تصنعها

ام ياسر وهي تحاول تصرف نوفه
وتفك ياسر : ياسر أبوك زعلان منك
روح شوفه وين وطيب خاطره

ياسر طالع شدن بقهر ..والله لا يربيها
هي وهالحل الخايس مثلها
قال بسرعه : ان شاءالله

شدن بلقافتها المعتاده : الحين تفكر ترضيه
والمشكله لها حول اسبوع صدق انك
فاهي روح روح شوفه ان شاءالله
انه يرضى عليك انا في مكانه اطردك

نوفه بحده: شدن

ياسر طالعها بعصبيه ورجع طالع
عمته اللي شكلها ابد ماعجبها كلام شدن
قال بقهر: يالله ها اسمعي بنتش
وش تقول وطلع وهو مقهور

شدن أول ماياسر تحرك
قربت من أمي وسلمت عليها
وقلت بهمس: خذيني معش يمه

نوفه بسرعه قالت: يالله يمه
وطالعت أم ياسر وقالت بسخريه
لو رجع قولي له أخذتها معي ..
لا يخاف وينفجع ويدورها ويجلس
يصرخ عليها ويسمع فينا ويسوي فيها عقاب بعد

شدن مشيت مع أمي وأنا فرحانه
أخيراً برجع بيتنا ..دخلت معاها البيت
وأنا أسال عن جوالي القديم انقهرت
يوم قالت مع نور ..ليه مقد اعطتني الست نور
طالعت أمي يوم قالت : خليش من الجوال وتعالي
احكي لي وش صار معش بالضبط
من وقت ماسافرتي ...

{ الديره }
.وعدت... ابتسام
انها نازله وراها تقهوى معاهم ..طالعت
باب غرفته ..اللي مسكره من يوم ماسافر
ولا فكرت تدخلها ..بس هالمرة بدون
حس تقدمت للبابها وفتحته ..أول
مادخلت حست بريحة عطره هاجمتها
كشرت ..وهي كارهه كل شيء ..يذكرها
فيه..قدمت خطوه وهي تتفرج لها
مافي شيء تغير هذا اللي مستغربته
الشقه كلها ماهو مثل ماكان غير جميع
الديكورات والاثاث والدهان معاد هذي الغرفة ..طالعت ..الدولاب مكان مارتبت
فيه اغراضها ابتسام واختها سميره
بدون حس مشت ناحيته وهي عندها
فضول تشوف باقي موجوده ولا تخلص
منها مثل ماسوى فيها وقتها ...بس انصدمت
يوم شافت كل جهازعرسها موجود ..واللي
صدمها أكثر الفستان ..حست بضيقه
أكثر وهي تذكر اللي صار معاها ..مدت
يدها وقفلت الدولاب بسرعه طلعت من
الغرفه .. ..وهي ندمانه
انها دخلت غرفته ..هي ناقصه وجع على
وجعها ..زفرت بضيق ...وهي تشوف
الصاله شوي مكركبه ومغبره ..
نظفتها على السريع ..وبعدها
أخذت شور ..ولبست ..وتعطرت
وحطت الجلال على كتوفها .. ونزلت وهي
تسمع ضحك ريم العالي ..قربت منهم
وردت السلام والكل رحب فيها
طالعت خالتها اللي قالت وهي تأشر
لها تجلس جنبها : تعالي تعالي جنبي
تراتس من ريحة الغالي

شمسه حسيت بضيق أكثر يوم قالت
من ريحة الغالي جلست جنبها

ريم وهي تضحك: اخخ مدام قالت
ريحة الغالي الحين والله لا تنشب لتس
ي شمسه الله يعنتس عليها الحين
تدبل سبدتس بعواد

شمسه ابتسمت مجامله ..

ابتسام تحس شمسه متضايقه
حدها قالت : ريم قومي جهزي حلاتس
وجيبيه وخلي عنتس الحكي الفاضي

ريم : روحي أنتِ بدالي أنا أم

ابتسام بقهر: ماشفنا خير مايوم ماصرتي
أم

ريم وهي تطالع ولدها بيدها : أنتِ اخف مني

ابتسام بقهر : بس الحلا حلاتس

ام عواد طالعت شمسه وقالت: دق
عليتس اليوم قلبي مأكلني عليه من توو
ريم وابتسام كلهن دقو عليه مارد
وأنا جوالي طفي من غير ماادري وجالسه
احتري اتصاله جت
إلا ريم واستنكرته لي والحين يشحن
ياخوفي يدق ويسكر ذا البلا بوجهه
وطالعت ابتسام بعتب عشانها ماشيكت
لها على الجوال ...

شمسه هزت راسها بلااا
وقفت وقالت وهي تتهرب من أسالة ام
عواد : الحين عازميني ومتهاوشين
مين يجيب الحلا فيكم أنا بجيبه وانتم انطقوا
واشوف وحده تمد يدها وخليتس بصفي
يمه مزنه

ام عواد مسكت يدها وقالت بحده :افا
والله ماتروحي ماغيريهن يروح

ابتسام وقفت :بروح اجيبه وان شاءالله
ماهو حلو ي ريم عشان امي تكسر عصاتها
عليتس هي تدورها عليتس من اليوم

ريم رفعت ولدها: كان زمان تدبغني ام اليوم
صرت أم مثلي مثلها يجلعني ماذوق حزنها
وصايره تحترمني ام عواد

ابتسام راحت تجيب الحلاااا بعد ماأشرت
لريم تلحقها بس الاخت مطنشه حدها
راحت وهي تتحلف فيها ودها تحذرها
بس عشان ماتجلس ترمي حكي على شمسه
عشان عواد تدري باللي بينهم وماتبي
شمسه تنفر من الجلسه معاهم ..
بس وين الغبيه تفهم ..حست بقهر تحذيرها لها
قبل تنزل شمسه كله ضاع ....
أخذت الحلا وطلعت بس انصدمت حدها
من كلام ريم الغبي :امتس ذحين لها فتره
من ماتت وش رايتس نسوي لتس عشا
ونحتفل بتس تسذا ودنا نفرح بس آه
ي حسرة وشلون نحتفل والعريس بالحد
وماندري وش علومه تسر ولا تحزن

ام عواد صرخت مستنكره كلام ريم : بسم
الله عليه تفاولي على ولدي ليه الحين
اقطعي قبل اقوم اكوفنس بذي معي
والله مايردني عنتس ضنا ولا عشره بعد

شمسه
اليوم ارتحت من حياة احط في ريم
وغثاثتها ... علامها اليوم قالبه حياة 2

ابتسام طالعت شمسه اللي وجها أبد مايفسر
من كلام ريم قالت بتشفي : ليتس تقومي
لها البنت ذي مايرد خبالها غير حبيبتس
ذي وهي تأشر على عصاها

ريم صغرت عيونها بقهر: ذلحين هاده بيتي
ورجلي وجايه وبعد مزينه حلاي
وهذي علومكم معي آه بس ليتني سمعت
كلامك ي بدر وجلست يمك ي حبيب قلبي
مافي حد يبيني غيره

ام عواد وهي معصبه : إلا قولي يبي
الفكه منتس وجايبتس عله على قلبي

ريم ابتسمت وقفت وقربت من امها
وتسلم فوق رأسها: فديتها أم عواد
اللي قالبه علي عشان ولدها .. وطالعت
شمسه وسلمت بعد هاا وأنت بعد
لا تزعلي علي عشان رجلتس البطل

ام عواد بتكلم بس سكتت وهي تسمع
جوالها يرن قالت بفرحه : والله عواد ماغيره
بسرعة روحي جيبي الجوال
ريم بسرعه ركضت تفصله من الشاحن
وهي تقول بفرحه : والله انه هوو
بسم الله يمه وش يدريتس انه عواد

ام عواد بسرعه : ردي قبل يقفل سرعه يمه
ريم فتحت الخط وقالت وهي ترحب فيه
: هلا والله باللي رافع روسنا

: هلا بتس ي ام سميي

ريم وهي تطالع أمها الي تهاوشها
عشان تعطيها الجوال : اقول عواد
عندي حكي واجد بذات يخص اللي مشغله
القلب بس الغاليه معصبه علي تبيني
اعطيه الجوال

عواد يوم قالت اللي مشغله القلب عرف قصدها
مين حس بقلبه يدق وده يعرف اخبارها
بس امه بعد مشتاق لها ومافيه يخليها
تنتظر زود قال :اعطيني أمي وبعدين
اعطيني أخبارتس اللي ان شاءالله تبرد القلب

ريم بثقالة دم : اخباري ماتأجل ي السنافي يالله أنت الخسران أجل وصرخت من الحذفه الي
جتها من أمها قربت من امها وهي تقول
يالطيف تقولين تسنه بيطير خذي اشبعي به

ام عواد بلهفه وحب وخوف عليه وهي تسمعه
يقول يمه قالت والدموع مغرقه عيونها
: ي عيون أمك وسبدها

عواد ابتسم بحب : فديتس ي الغاليه
والله ان شوقي لتس تعدا يمه معاد فيني
اقوى بس ماعليه الله كريم

ام عواد وهي تحاول تمسك نفسها عشان
مايتضايق : فديت قلبك يجعلني قبلك
يمه والله حالتي بعدك ماتسر فارقك متعب
قلبي حيل وبالي منشغل عليك بس الوطن
بعد غالي وله حق علينا وهذا هو عزايي بفرقاك

عواد بضيق:ي بعد عمري تطمني
ماعلي خلاف ويجلعني ارفع رأسك
يمه والله ينصرنا قريب وارجع لتس

ام عواد : الله ينصركم يمه ويرد كيدهم
بنحرهم اللي مايخافون الله قولي يمه
وش هي علومك عساها كلها خير وتسر

عواد وهو يتنهد بتعب:الحمدلله يمه
لا ينشغل قلبتس علي والله اني مرتاح
وبخير ولله الحمد طمنيني عنتس بس
وعساس بس تأخذين دواتس بموعده
وعسى البنات وشمسه ماهو مقصرين
معتس

ام عواد : البنات مايقصرن وبعد شمسه
هي جبني يمه تبيها

عواد قفل عيونه ...ماتوقع انه جالسه
مع أهله ذا الوقت ..كل مايسأل عنها
ابتسام تقول ماتنزل من شقتها ...
قال بهمس :اعطيني هي

شمسه ندمت ندم انها نزلت وجلست
معاهم ..آه ليتها انثبرت مكانها
طالعت الجوال الي مادته لها حست
حالها منحرجه تردها مدت يدها بتردد
وأخذت الجوال وطالعت البنات الي يطالعونها
وكنهم ينتظرون رد فعلها ..قوت نفسها
وقالت : هلا
عواد ماهو مصدق نفسه انه جالس يسمع
صوتها وانها وافقت تكلمه بهالسهوله
اللي حتى مافكرت تسأل عنه وصل ولا لا
ولا ايش صار معاه تنهد وقال :وشلونس

شمسه بتوتر وعينها عليهم :زينه ماعلي

عواد حس انها مغصوبه تكلمه
قال : لو مافيتس تكلميني عادي رجعي
الجوال لأمي وبقولها اني طلبتها وعندي
موضوع بيشغلها عنتس وماراح تنحرجي
قدامها

قالت بهمس : ياليت والله

عواد عض شفته بقهر : طيب اعطيني أمي

شمسه طالعت أم عواد وقالت : تفضلي
ي خالة عواد يبتس

ام عواد :هلا أمي

عواد بضيق: يمه أهل خطيب ابتسام
يبوون يحددون العرس وبنتس رافضه
امس داق علي
ابوه شوفي ابتسام متى حابه يكون حضرتها
وتخلينا نتهي من ذي السالفه

ام عواد : الحين أنت كمل مهمتك وبعدها
يصير خير

عواد : طيب اعطيني ابتسام يمه

ام عواد : ابشر يمه ومدت الجوال لابتسام
خذي اخوتس يبيتس

ابتسام أخذت الجوال وهي ترحب به
: ي فديت والله هالصوت اللي مشتاقين له

عواد ابتسم بحب: ي قلب أخوك
والله اني خاطري ضايق وأنا بعيد عنكم
بس مابليد حيله غير الله اقوى وارد لكم ان شاءالله
والحين اسمعي اللي بقوله لتس
رجلتس مستعجل يبي العرس ويقول
أنتِ رافضه هالسنه ليه ودي اعرف
خليتي الرجال يطلع من طوره ويشكي ابوه
واحرجتني مع شيبانه وبعد يقول خليها
تكلمني الولد منهبل ماتردين عليه

ابتسام بقهر: اخخخ من بسام دايم كذا متهور
ولازم الكل يعرف باللي يصير بينا

عواد ابتسم : ماعليه اصبري وأنا اخوك
تعرفي عقل بسام لك عليه المهم الحين
كلميه وحددي معاه يوم لعرسكم والله يتمم
لكم يارب وبتحذير كلميه ي ابتسام والله
ماغير مشغليني هو وابوه وأنا ماهو فاضي

ابتسام : ان شاءالله ولا يهمك وعرس
هالسنه مافيه لما اخلص الجامعه
وينطق هو وأبوه

عواد بحده : ابتسام ماخليتس على راحتس
من زمان وبسام ترى بدا صبره ينفذ لا تستغلي
دلعه لتس وطيبته معتس

ابتسام سكتت وهي مهقوره
عواد: ابتسام مابيتس تزعلي مني بس
بعد له الحق وأنتِ بعد عاقله وتفهمين
والحين كلميه واتفقي معه عشاني خاطري
ي ابتسام

ابتسام : ابشر ي خوي
عواد : يالله بحفظ الله

ابتسام :الله يحفظك ويردك لنا

عواد: اللهم امين
ابتسام قفلت وهي تطالع ريم
اللي تضحك بصوتها كله: شكاك
مثل العاده والله ي بسام ذا انه في التشكي
اطلق من جارتنا فطوم

ابتسام رجعت جوال امها بالشاحن
وقالت بقهر: خليتس بحالس بس
وفكينا الحين وطالعت أمها يمه
ابيتس تقنعي بسام يأجل العرس
للسنه الجايه تكفين يمه مابي شيء
شغلني عند جامعتي ومعاد بقي شيء
واتخرج

ام عواد : استحي ي بنت الرجال مملك
عليتس له حول السنه وبيته جاهز
والمهر قدمه ومعاد بقي غير العرس
اللي جالسه تأجلي به بدون حق

ابتسام راحت للغرفتها وهي زعلانه
حدها من بسام اللي مايصير شيء
بينهم إلا الكل يدرى به ...
طالعت جوالها اللي يرن برقمه طنشته
بس تذكرت كلام عواد والحين أكيد
بيروح يقوله انه ماترد عليه سحبت
الجوال بقهر وفتحت الخط : نعم

: افاااا وش ذا الاسلوب

ابتسام بقهر: الحين لازم الكل يدري
باللي يصير بينا ي بسام ولا ماترتاح

بسام بقهر: آه بس لو ان اسمتس غير
كان من زمان مبدلس بس يقال مميز
اسمي واسمتس قريب من بعض
هذا اللي مصبرني عليتس بس

ابتسام بقهر: الحين يعني مافي شيء
مصبرك غير انك بتكون مميز

بسام بضحكه: اي والله وين ذي تصير بالله
مستحيل ابتسام وبسام اخخخ شفتي كيف

ابتسام بعصبيه: بسام ماهو وقت ثقالة دمك
الحين أجل العرس لما بس اكمل

بسام بحده: اسف مقدر أكثر من كذا
اعطيتس وقتس كله بس الحين
ولو ماتبيني ي ابتسام قولي عادي اكلمتس
الحين جد لو ماتبيني قولي ماهو كل مره
مطلعه لتس عذر

ابتسام بعصبيه: ايه مابيك يالله فارق
وقفلت بوجهه
ورمت الجوال بقهر ... بس استوعبت
اللي قالته وش ذا الغباء فيها وشلون تسذا
تجرحه ..وبعد والله لا يسمع فيها اللي مايسمع
ذا المجنون ..حست بغبائها وتهورها بسرعه
رجعت دقت عليه مايرد ..قلبها اوجعها عليه
بسام مايستاهل ..أبد حست بندم وحزن
عليه ..والله انها تبيه ..بس ماودها تزوج
وهي باقي تدرس بالجامعه ودها تتخرج
وبعدها تزوج ماتبي شيء يشغلها ...
رجعت دقت مارد ..انتظرت مكالمة عواد
اللي أكيد الخبر وصله
ولا امه مثل العاده لو صار بينهم شيء
على طول تدق ..مره ضدها ومره معاها
بس هالمرة لا عواد اللي دق ولا امه

رجعت دقت عليه بعد مايرد ..طلعت
لصاله وهي تشوف امها بس وريم وشمسه
معادها موجوده ..بسرعه رقت الدرج
ودقت باب شقتها
فتحت لها على طول ضمتها وهي تصيح
:والله بدون قصد قلتها له

شمسه وهي مفزوعه : بسم عليتس
وش فيه وش اللي قلتيه بعد
حاولت تبعدها عنها وتطالع وجهها
عشان تفهم ايش تقول بالضبط
ابتسام حبيبتي هدي وش بتس تسذا
وش اللي ماهو قاصدته تكفين هدي شوي
عشان افهم منتس

ابتسام طالعت شمسه وهي تصيح
: احسني كسرت قلبه هالمرة خايفه
من ردة فعله لاني ادق مايرد العاده
ازعله ارجع ادق يرد من أول رنه وبعد
هو اللي يعتذر وأنا الغلطانه

شمسه وهي تجلسها على الكنبه : بسام
يعزتس والحين بس ردة فعل باللي صار
بينكم صدقيني

ابتسام وهي تصيح : قلت له مابيك

شمسه فتحت عينها بصدمه: وشهوو
حرام عليتس الرجال ميت عليتس وتقولين
له تسذا وش ذا القلب اللي عليتس بالله

ابتسام صاحت زيادة

شمسه سكتت يوم شافت صياحها زاد
قالت وهي تهديها: ي قلبي خلاص
صح غلطتي بس لاتسوين في عمرتس
تسذا وبسام أكيد بيرضى وسكتت شوي
وهي تفكر : اممممم
وش رأيتس تدقين على أمه ماهو دايم
يرسلها تراضيتس لو زعلك بشيء
سوي مثله عشان يعرف غلاه عندتس
وش رأيتس

ابتسام هزت رأسها بلاا: خايفه الكل يدري
هو كذا سره مرمي بس انا لا بصبر
وبشوف ايش يصير

شمسه : على راحتس أجل وان شاءالله
انه الأمور تنحل بدون تدخل أحد

ابتسام مسحت دموعها وقالت : تقولين أنا
ماعندي قلب أجل أنتِ ي شمسه وشهوو
خليتي أخوي قلبه ينكسر كلمني وصوته
ضايق مهما مثل علينا بس الضيقه واضحه عليه
ليه ماطيبتي خاطره بكلمه زينه تصبره
على اللي هو فيه تدرين هو فين
بالحد يعني يرجع مايرجع أمي كل يوم
دمعتها نازله وحنا قلوبنا ناطفه عليه
وبالنا مشغول عليه كل حزه وأنتِ استخسرتي
عليه كلمه تونسه باللي هو فيه

شمسه وقفت وقالت بحده: وضعي يختلف
عن وضعس أبد مابه مقارنه وأخوتس
يختلف عن بسام والحين جايه تشكين
ولا تعاتبين

ابتسام وقفت: لا والله ماعاتب بس ودي
ترتاحين أنتِ وأخوي بس ويالله اسفه ضايقتس

شمسه : ابتسام لا تقولين تسذا عارفه
اني ماعمري تضايقت منتس أبد
وعارفة بغلاتس عندي والحين خليتس
مني ومن عواد وخلينا نفكر بحل مع المجنون
رجلك اتوقع الحين الديرة كلها درت بالي
صار بينكم

ابتسام : اخخ الله يستر خليني
اروح ادق عليه وان شاءالله هالمرة يرد

شمسه ابتسمت: ان شاءالله
تنهدت بضيق يوم تذكرت كلام
ابتسام آه ي ابتسام أخوتس مسوي
فيني اللي مايتسوى ..والحين تلوميني

{ الجنوب }
رجع البيت ..ودخل حصل البنات
على التلفاز ... مثل العاده ..دورها
بعيونه ماحصلها ..اتجهه للغرفه
انصدم يوم شافها فاضيه طلع
وهو معصب قال بحده: وين شدن

حور كشرت اوف ودي اعرف ليه
منهبل عليها كذا ..صراحه صرت اصدقها
يوم تقول يموت فيها صديت من غير ماترد

نور بخوف وقفت وقالت وهي تطالع
غرفة أمها : م ددري

ياسر بعصبيه : وشلون ماتدرين
ماهي طول وقتها معاكم

حور وقفت وهي مقهوره : راحت
مع عمتي نوفه

ياسر عض شفته بقهر هذا اللي مايبيه
خونت فيه ال***** لكن طيب والله
لا ترجع غصب عنها ..رجع غرفته

ودق رقمها ..ماترد ..رجع دق مره واثنين
وثلاث ..بعد ماترد ..وقف وطلع برا الغرفه
واتجههه للباب اللي بوسط حوشهم
حصله مقفل .. ..فكر باقي يطلع
ويدق عليهم الباب الي بالشارع وهو عارف
لو يموت ماراح يسمعونه ...رفع ثوبه
لوسطه وبسرعه تسلك الجدار ونط ..
وقف وهو ينفض يده من التراب ..
بسرعه اتجهه لباب الصاله ..هزه حصله
بعد مقفل ..دق خفيف ..وده شدن
اللي تفتح بس مثل العاد حظه ضده يوم شاف
عمته نوفه هي اللي فتحت ..قال بتسامه
وهو يحاول يستظرف نظرتها ماهي
مطمنته شكلها كبت الأول والأخير عندها
: وين مرتي اخخخ من حقي
امنعها منش تأخذينها ي نوفه ليه
وقال بصوته الجهوري شدن وينش فيه

نوفه وهي تسكته: اسكت شدن نايمه

ياسر بعد نايمه بنت امها هين عض شفته
وقال: افااا تنام وتخليني بنتش مابها خير

نوفه : بيتها مانامت بيت غريب
والنوم سلطان وقت مايجي ماينرد

ياسر : طيب ممكن ي عمتو
انام بعد انا عندش

نوفه :تفضل البيت بيتك

ياسر ابتسم بخبث ..واتجهه لغرفة شدن
بس وقف يوم عمته قالت:وش تبي
توصل له ي ياسر من وراء بنتي

قفل عيونه هذا اللي خايف منه فعلاً
شكلها قالت لها كل شيء واللي طلبه منها
التفت لها وقال : كل خير ان شاءالله
حدي تعبان بكره لنا كلام تصبحي على خير

نوفه بسرعه تقدمته وقالت: تأكد مستحيل
اسكت لو بس فكرت تظلم هاليتيمه

ياسر سلم فوق رأسها وقال : خليش واثقه
مستحيل أظلم أحد مابالش ب زوجتي تصبحين
على خير واعطاها ظهره ودخل الغرفه
وهو معصب ..شافها نايمه قدامه ولا همها
شيء هو ينحرق يموت ولا تفكر بعد
قرب منها وجلس على السرير وهو ينادي
باسمها: شدن قومي بس أبد ماتحركت
مد يده وهزها شوي وهو معصب : بنت
قومي شافها فتحت عينها وجلست
وهي مفزوعه تلفت يمين ويسار عشان
تأكد كيف وصلت لياسر قالت بخوف
: كيف خطفتني وأنا عند أمي

ياسر ضربها على وجهاا بخفيف: خطفتش
من زين الخشه عشان اغامر واخطفش
يالله صحصحي وخلينا نرجع البيت

شدن
رجعت انسدحت وهي ناويه تكمل نوم
ياسر وهو صاك على سنونه : شدن
والنهايه معش

شدن رفعت يدها بضيق: أنت فداك
خلني الحين انام وبكره اوعدك من الصبح
تشوفني قدامك لا تخاف ماهو أنا الي
اخون الوعد ولا اقولك مثل ماجيت
وتعنيت لغرفتي بعزمك تنام
هنا الليله حياك ي ولد مبارك

ياسر وقف مثل المقروص ..وقال بضيق
: بنت اعرفي حدودش معي

شدن جلست وقالت وهي مبوزة: وش
اللي تعديته بالله خلاص أنت تبي
توصل لعفاف لا تجرح قلبي زود
وتأكد اني عارفه حدودي معك وخلاص
يجعلني انطق أنا وقلبي ذا الغبي
اللي ماود غير اللي يدور شقاه

ياسر مستحيل يجلس هنا دقيقه تحرك
وقال قبل يطلع :بكرة من الصبح
تكوني بالبيت ولا وقتها راح تزعلين

شدن وقفت وقربت منه وقالت : الحين
بروح معك

ياسر رفع يده معترض: الليله باتي هنا

شدن هزت رأسها برفض : نوووو قدامك
شافته متوتر قدامها ويرفع وينزل بنظارته
فيها ضحكه حدها على تعابير وجههه غبي
والله غبي لبست العبايه اخخخ والله لا اخليك
تلف حول نفسك أنت ي خروف عفاف
تدورني عشان اكلم عجيزك المخرفه مثلك
طيب تقدمته وأنا اهمس :ادعى بس الله
يعطيني الصبر يوم تفارقني
حسيت به عصب من مشيته يوم تقدمني
ي ناس مخفه ذا الادمي اي كلمه تلعب
بعصابه ...لحقته وأنا اركض : ياسر اخاف
بشويش امش وانا اتلفت بالحوش ...
بس انصدمت يوم شفته يتسلق الجدار
بسرعه وينط ..يالله كلامي أثر فيه لدرجة ماشاف
الباب قدامه ..فتحت الباب ودخلت شفته معطيني ظهره ومتجهه لصاله لحقته وانا اقول : تحولت
قرد فجأة سكت يوم جحدني بنظره حطيت
يدي على فمي وهمست : اسفه
ومشيت بعده بدون صوت بس يوم شفت
البنات مثل العاده مهيصين جلست
معاهم ونسيت ياسر وطوايفه

@
@
@
{ الرياض }
فتحت عيني ..وأنا احس بصداع
وبعد بطني يوجعني ...تلفت يمين
يسار ماله وجود ..دفيت المفرش
وقمت طالعت الساعه اللي على
الجدار ..باقي شوي وتجي وحده
..يالله هالساعتين اللي نمتها كسرتني
طالعت الباب يوم فتح ..شفته جاي وبيده
اغراض ..طنشته وكملت طريقي للحمام
الله يعزكم ..جلست اطالع وجهي التعبان
بالمرايه ..ماودي كان رجع ..مافيني عاد
اتحمل كلامه السم ..مصعب كل مره
يذبح قلبي ..باللي يسويه..واللي يوجعني
أكثر حبي له..على مذلته لي ...مدري
ليه ماهو قادره اكرهه ...غسلت وجهي
أكثر من مره ..وطلعت شفته قدامي
يأكل ..أشر لي على كيس الوجبه
بس أبد مالي نفس ..طنشته وجلست
على السرير ..وأنا اتمنى ارجع انام ..
بس قهرني يوم قال : غريبه اذكرك تموتي بالأكل
وش اللي تغير ...

اصايل رجعت تمددت وأنا احاول
ادور النوم ...حسيت بثقله على
السرير ..فتحت عيني شفته
جالسه وساند ظهره على ظهر السرير
صديت لناحيه الثانيه ..وأنا افكر
وشلون بكمل حياتي معه وهو كذا
قفلت عيوني يوم اشعل دخانه
آه وقته الحين حسيت بضيق وكتمه
بس مابي اتكلم معه ..عارفه انه يعاند
لاني من قبل محذرته يدخن برا الغرفه
..عضيت شفتي يوم قال:تتوقعين
رجعتك راح تأثر .. آه مصيبه والله
لو ماصار اللي ابيه

اصايل حسيت بخوف من كلامه
هذا وش ناوي عليه...لفيت له
وقلت بقلق : أكيد وراك بلى
والله اني قلت

مصعب طالعها وابتسم:نحفانه حيل
لهادرجه فارقي مأثر فيك ...

اصايل قلت بتوتر وانا ارفع المفرش
على وجهي : تصبح على خير ...
وهمست عنده انفصام أكيد هالرجال

أول ماوصلوا الرياض قالت وهي تطالع
الطريق : لبيتنا الله لا يضرك

عناد طالعها وابتسم بسخريه:بعيد
عن خشمك

الشموخ بصدمه: وشلون

عناد أشر على صدره: بعد ذا مابرد
والله لا أخذ حقي من بين عيونك
وبعدها اقلعك وعليها جزمتي
على وجهك

الشموخ بعصبيه:عناد احترم نفسك
و مو هذا اللي بينا

عناد طالعها ورجع طالع الطريق : وش بينا
ماذكر اتفقت معك بشيء

الشموخ عضت شفتها بقهر ..وزفرت يالله
الصبر من عندك طالعته
بعصبيه:يعني وش اسوي وانفك منك

عناد ضحك بصوت عالي : هههههههههه
مدري بسأل سلطانك وش رأيك وسكت
وقلبه يغلي والله لا يربيها مع سلطان واخته
ذي ال*******

الشموخ
خلاص فاض فيها ..ماتدري عناد وش يبي
منها سوت المستحيل عشان تنفك منه
وبعدين وش ذي سلطانك تخسى وتعقب
أنت وسلطان الشموخ ماهي لك ولا له
الشموخ راح تأخذ الي يستاهلها ..
أول ماوصلوا الشقه نزل وأشر لها تنزل
اتجهوا لشقتهم ودخلوا. ..طالعت الشقه اللي طلعت منها
وهي واعده نفسها انها معاد ترجع لها
طالعت عناد بصدمه يوم قال:اعطيني رقم
صديقتك ولا اقولك اعطيني رقم سلطان
بنفسه

الشموخ انصدمت ..من طلبه
عناد غريب اي رجل مكانه يطلق على طول
بدون مايتردد على الي شافه عليها بس ذا
غريب بعد يطلب رقم صديقتها ولا رقم
سلطان بدت تخاف منه ...تحس عمرهاسوت
مصيبه ولا حسبت حسابها ..قالت بتلعثم
: وش تبي فيهم خلاص انا مابيك ولا أنت
تبيني خلاص ي رجال اقصرها وفكنا
من الفضايح واوعدك والله حتى سلطان
مأتزوجه

عناد قرب منها ونزل نفسه شوي وقال
بصوت مرعب:وشهوو توعديني
ماتزوجينه رفع يده واعطاها كف قوي
وصرخ بعصبيه: ي ال***** توعديني بعد
انتِ عارفة انك حشره ومستحيل عاد
سلطان يثق فيك اللي توعد وتخطط
وهي على ذمة رجال حقها الموت وقليل عليها
صدقيني من غير وعود ماراح يطالع بخشتك
لان جزمته اعز منك عنده الحين ي الرخيصه

الشموخ حدها خايفه منه تحسه منهار
وخايفه لا يعيد جرمه فيها ابتعدت
من غير ماتكلم تحس وجهه مولع من قوة
الكف بس صبرت وسكتت ماتبي تزوده
معه

عناد كمل بغيض وعصبيه : توقعتي اطلقك
وتروحي له كذا بسهوله لا ي الشيخه
خليني اتلذذ بتعذيبك انتِ وقليل المرجله
شوي وبعدها بالللي مايحفظك وقابلني
وقتها لو رضي يأخذ قال ايش توعديني وصرخ
بصوت عالي : اعطيني رقمه

الشموخ بخوف ياربي وش ذي ن
المصيبه اللي أنا فيها ...طالعت باب
غرفة النوم هو اقرب لها ..افضل
شيء تنحسب افضل من مواجهته
وهو كذا فاقد اعصابه .. بحركه
خفيفه انسحبت ودخلت غرفة
النوم ..بس انصدمت يوم ماحصلت
مفتاح ... بالباب...لااااااا طالعت
الباب بخوف وحذر ..تنتظر دخوله
عليها..بس لا لا أبد ..مادخل ..
واللي سمعته ..قفلة الباب يعني
طلع .من الشقه كلها ..جلست على
السرير ..وهي تزفر براحه ... الله يفكني
شره ..فكرت تدق على أبوها ..بس
خافت لو عناد يتهور ويقول وشت سوت
والله ماغير يذبحها ..بدون تردد
@
@
@
@
{ الجنوب }

كنت مصدومه وأنا اسمع ..تخطيط
البنات لملكة عنود ..قلت : وشلون
والمشاكل الي بينكم كيف

حور :وش دخلنا حنا المشكله بينش وبين
عفاف وصراحه من حقها أخذتي رجلها

شدن بقهر :ليتش ساكته
ماكلمتش الحين اكلم نور

حور بترد بس سكتت يوم شافت ياسر
طلع من غرفته
شدن طالعت وين ماتطالع
كشرت يوم شفته.. طلع من الغرفة
افتكرته نام ..جاء وجلس جنبي ..
وقال بهمس:لمتى انتظرش بالله

شدن رفعت حاجب اخخ يبيني
ادق على حبيبة القلب
هين وقلت وأنا أمثل الغباء :ايش تبي سكت
يوم وجهه حمر من العصبيه مديت يدي
وأخذت عصير مديت يدي وقلت
تفضل تبي شبس بعد حسيته
ماسك نفسه بالقوه
أخذ العصير من يدي ونزله
على الطاوله بعصبيه ..وقفني معاه ..قلت وأنا
معترضه :بكمل سهرتي معاهم مافيني نوم

ياسر بحده طالع البنات : كل وحده
تنقلع على غرفتها بسرعه

شدن فكرت كيف تشغله عنها ومعاد يخليها
تدق عليها قالت بخبث وهي تطالع البنات
: طيب حبايبي بكرة نتفق وش نلبس
عشان نحضر ملكة عفاف .......