رواية جيت مابيك تحقرني جيت أبيك تعز شاني الفصل الثامن والثلاثون 38 - بقلم r010ee

ام ياسر طالعت نوفه وقالت : يرن الله يهداش
اصبري شوي وبيرد وهي تسمع صوت الرعد يارب الطف فينا يارب

شدن
قفلت عيوني وأنا ادعي يارب مايرد يارب
بغيت اصيح يوم شفت خالي مبارك داخل
علينا وين الي يقول عنده مشوار اليوم طالعت أمي على طول وقفت وهي تصيح منهاره : تعال تعال
شوف وش مسوي ولدك وبسرعه مسكت يدي ورفعتها .. حسيت بنظرة عتب بعيون خالي لأنه حذرني هو بيأخذ حقي بدون ماوصله لها كملت أمي وهي تصيح بحرقه وقهر لو ترضاها ي مبارك عاد الله المستعان حرام عليكم اعطيتكم بنتي وامنتكم عليها وهذي سواتكم فيها

حسيت حالي شوي وبعترف مع دموع أمي حسيت اني قهرتها وجعتها .. وبعد خفت لا يصير فيها شيء
بس خفت أكثر يوم قالت أمه : ياسر بسرعه تعال
آه رد يالله الطف فيني الدنيا سودت بوجهيي يوم أمي نوفه بسرعه سحبت الجوال من يدها
وقالت بصوت عالي وهي تصيح : تعال بسرعه
الي مابك نخوه ايه سوي حالك ماتدري بشيء الحين تجي وغصب عنك فاهم لا تعذرلي تجي يعني تجي فاهم

بس خالي مبارك سحب الجوال وقال بعصبيه
: قلنا لك تعال وقفل الجوال بوجهه وطالعني
وقال مايصير الي يرضيش والحين بيجي

نوفه بقهر : مسوي عمره ماهو فاهم شيء
يفتكر راح تخبي عني مثل كل مره

ابو ياسر : خلاص ي نوفه قلنا لش والله لا تأخذ حقها وقدامش بعد

ام ياسر بقلق : وش قصدك ي مبارك انها تحرقه

ابو ياسر بعصبيه : ايه تحرقه وتوجعه مثل ماوجعها

نوفه بقهر : وجعش ي سلمى ان ذي الضعيفه تأخذ حقها من ولدش الخبيث

شدن
خلاص عرفت هنا وش بيكون أخرها ..ياسر
جاي يمه بموت بمكاني ... ياربي وش سويت
بعمري أبد ماتوقعت بتكبر كذا ..كان مقصدي من الخطه شيء غير كذا بس الخطه مشت بمسار ثاني وشلون كذا فيه غلط وين مدري ..طالعت نور الي طلعت من غرفتها وهي قايمه من النوم ومفزوعه قربت منها وهمست لها: مصيبه بتصير اليوم الحقي علي تكفين فزعتش لي

نور بخوف : وش مسويه الله يأخذش

شدن عضيت شفتي بدون ماتكلم

ابو ياسر قرب من نوفه الي تصيح بحرقه وقال: حقش وحق بنتش بيوصلش بس أنتِ هدي على عمرش شوي لا يشلل عندش الضغط وبعدها يصير لش شيء لا سمح الله وياسر ي حركته ذي ماراح حد يسكت عنها وخليش واثقه فيني

ام ياسر بسرعه قالت وهي خايفه على ولدها صح غلط بس خايفه لا تكبر بينهم : افهموا وش سببه قبل

قاطعتها نوفه وهي تصرخ: ايه ماهي وحده من بناتش الي صار لها كذا إلا كان كلامش تغير
بس وش اقول انتِ وضميرش عاد وتذكري ولدش المذنب وهي يتيمه مالها قوه الله يأخذ حقها منش ومنه إن كنتي راضيه على سواته وتدورين له عذر

نور همست لشدن : وش مسوي ياسر وبعد
وش المصيبه الي انتِ مسويتها ماهو فاهمه شيء
صايره مثل الهبله بينكم
شدن حسيت ركبي تضرب في بعض هزيت
رأسي وقلت: مدري مدري اسكتي بس
اودعي معي ان الله يطلعني اليوم وأنا امشي على رجولي بدل مايحملوني بنقاله انقهرت يوم نور قالت: ماراح نرتاح لما تسطرين جنازة بذا البيت
أنتِ وطنشتني وراحت لأمها اللي تصيح بخوف على ولدها والي بيصير فيه
@
@
@
{ الرياض }

اصايل
حسيت بطفش من جوو الغرفة ..وبعد جوعانه
والأخ حضرته مدري وين ..ادق عليه مايرد
فكرت أنزل أشوف اي شيء أكله ..قبل تصحى الجوهرة .. طلعت من غرفتي ونزلت الدرج وأنا أفكر ..وش بتسوي لو قابلتني الجوهرة ..بس ماعلي فيها بتأخذ الي فيه النصيب من اليوم ورايح
ماراح اسكت عقدت حواجبي وانا اسمع
اصوات جايه من مجلس الحريم ...شكل
الجوهرة عندها ضيوف ..معقول بهالظهر أكيد عازمتهم على الغدا
ترددت شكلي أرجع غرفتي أفضل ..ماتسبب لي فضيحه قدامهم ..بس لا وش يوديني للمجلس اروح المطبخ بسرعه وارجع غرفتي ..بدون مافي حد يحس اسرعت في خطواتي للمطبخ وأنا ادعي الله ماقابل
احد لما أخذ الي أبيه واطلع ..شفت الخادمات
قدامي وشكلهم محتاس ومتوترين الله يأخذها
مسبهه لهم رعب هذا حالهم مساكين وهي
عندها ضيوف كل شيء عندها بالمسطره
فتحت الثلاجة وأخذت عصير ..وطالعت
حافظات الجريش هفت نفسي عليه أخذت صحن
وحطيت لي شوي .. وجيت بطلع إلا الجوهرة وثنتن
معاها واقفين بوجهي ..وحده فيهن عرفتها إلا هي ( سوسو ) بس الثانيه لا ..حسيت الطبق بيطيح
من يدي من الفشله ..بذات مع نظراتهم لي
قفلت الدنيا بوجهي يوم قالت الي أول مره أشوفها
: لاتقولين هذي مرة مصعب ي الجوهرة

الجوهرة طالعتها بحقد وقهر :ايه مرته
هيلق صح ماهو لايقه عليه

اصايل احس قلبي يغلي لا هذي شكل
الي جاها أمس ماكفاها رفعت الصحن
بس تعوذت من ابليس ....وطالعت
سوسو الي حطت يدها على كتفي وقالت
وهي مبتسمه : حرام عليك والله انها قمر
وطالعتني وقالت وش أسمك نسيته

اصايل همست لها وأنا منحرجه
من الي أنا فيه :اصايل

سوسو :ايه اصايل سوري نسيته وشلونك
طيب وش مسويه مع العفريته هذي اكيد
موريتك نجوم القايله وقربتني منها وهي تضمني
من عند كتوفي ياويلك ي الجوهره تعزليها
وطالعتني لو زعلتك مره ثانيه دقي علي
على طول واجيك طياره

اصايل كنت منحرجه حدي وبعد تذكرت كلام مصعب الي قاله أمس لأبوه عن سوسو معقول يقصدها هي ولا فيه سوسو ثانيه طالعت
الجوهرة وقلت بسخريه: لا ماعليك
معيشتني بخدمة سبع نجوم

الجوهرة بقهر صرخت على الخدم
وي ودها تمسح فيها البلاط بس خايفه
تفشلها قدام صديقاتها ..يكفي الي صار
منها امس ماتوقعت لو واحد بالميه
تسوي فيها كذا وعصبت زود
يوم مسكت سوسو فيها قبل تطلع : اصوله حبيبتي
تعالي تغدي معانا ودي أسولف معك واعطيك رقمي بعد

اصايل ابتسمت لها وقلت وأنا متفشله : معليش تعبانه وبرجع غرفتي مره ثانيه نسولف ..سكتت
وأنا اسمع الزفته الثانيه الي مع الجوهرة ونسخ لصق منها سبحان الله حتى بالشكل شكل عمليات التجميل مسوينها عند دكتور واحد
:خليها ي سوسو شكلها نازله بس مثل
القطط تسرق الي به نصيب وعينها على الصحن
هذي ماهي حق جلسة معانا وأشرت للباب
يلااااا يلااااا أنتِ وهالبجامه

اصايل طالعت العصير الي بيدي وبدون حس كبيته بوجها وقلت :هذا ردي عليتس ي ال*******
والبجامه ذي الحين اغيرها واجيبها تلبسينها غيار بدا لبستس اللي انحاس وركضت لغرفتي وأنا اسمع سبها وسب الجوهره قفلت الباب بقوه وأنا معصبه من نفسي وش الي نزلني ليتني صبرت يوم يجي مصعب ...الله يقلع هالبيت ويقلع مصعب الي رجعني له وانا الي كنت مرتاحه بشقتي أكل على كيفي واتحرك فيه على كيفي والبس على كيفي ...طالعت جوالي يوم رن وقفت بقهر وأخذته يوم شفت اسمه
فتحت الخط وقلت بعصبيه : توك تذكرني
وينك ادق عليك ماترد

زفر بضيق: اففف كم مره اقولك أكره كلمة وينك هذي

اصايل حسيت بدموعي تنزل بس حاولت
ماوضح له وقلت بسرعه وأنا ابي أقفل : طيب
معاد راح أسالك

مصعب عقد حواجبه وقال : حلوو
المهم أنزلي تحت انتظرك بالسياره

اصايل وأنا امسح دموعي وصوتي احسه مخنوق
:ليه وين بنروح بهالظهر

مصعب بشك : اصايل فيك شيء

اصايل هزيت رأسي وأنا أحاول أكتم صوت صياحي : لا بس مافيني حيل اطلع مكان الحين الجوو حار وسكتتت يوم ماقدرت اكتم صياحي حسيت بضيقه ذبحتني كلامهم أوجعني حيل ومابي اشوف مصعب هالوقت عشانه هو مابيه يعرف لأني عارفه نهاية الي بيصيرررر

مصعب بقهر:وأنا مافيني أرجع البيت والزفته
هذي والي معاها موجودين الله يأخذهم شوي ويستحلون البيت جايبتهم لي من الظهر
وصرخ بقهر يالله اخلصي علي أنزلي قبل أنزل
واسوي مصيبه

اصايل أفضل شيء أنزل له ..ولا ينزل وتقوله
الحيزبونه شيء عن الي صار وتعلق بينهم وفعلاً
المصيبه بتصيرر
لبست عباتي ...ونزلت وأنا ادعي الله ماقابل
أحد ..بس قابلت سوسو ..وحده بعد ثانيه غير لزفته الي من توووو يالله الحين
تنشب فيني هذي بسرعه مريت جنبها وأنا اسمعها
تقول : وش ذنبي تزعلين مني

سألت الي جنبها :لايكون هذي الي سوت مشكله مع العنود
فتحت الباب وطلعت من غير ماسمع
وش صار بينهم عاد ..آه يالحش الحين
الي بيصيررر .. يالله حلال عليكم سويت نقابي زين
وطلعت له شفته سافط السياره جنب الباب
ركبت بدون ماتكلم
طالعها وقال : غريبه اقولك نطلع وترفضين

اصايل نزلت رأسي بضيق :تعبانه بنام

مصعب عقد حواجبه بشك: سوت لك شيء
الخايسه

اصايل طالعته بتوتر : لا مين قال الحين انها سوت
وضربت الدرج قدامي بقهر يالله حرك وخلينا نشوف وين بتطلعني بهالظهر بس حسيت على عمري اني ماهو لازم اخليه يشك لو واحد بالميه بالي صار طالعته وقلت هاا ماوصيك بالدلع ابيك تدلعني على الأخر

مصعب هز رأسه وقال : بحاول اصدقك بس تأكدي لو فيه شيء صار مصيري اعرفه

اصايل عضيت شفتي : ي رجال مافيه شيء
وتدري فيني لو فيه شيء قلت لك على طول

مصعب رفع حاجب وقال : ايه مره كل شيء عندي
ترى ماهو ناسي كذبك علي

اصايل زفرت بضيق وقلت يقال اضيع السالفه : أنت بتدلعني اليوم ولا ناوي تنكد علي من الحين قولي ان بدايتها تسذا رجعتي وخلني انقبر بهذيك الغرفه المظلمه

مصعب ابتسم : بدلعك ولايهمك بس لو سمحتي لاتغلطي على غرفتي اوك

اصايل ميلت فمها : من زينها كل شيء فيها اسود في اسود

مصعب بوجع : مثل حياتي بدون النايفه

اصايل صغرت عيوني بقهررر : مين النايفه ذي بعد
يالله طلع طلع المستخبي

مصعب طالعها وهو مستغرب : معقول ماتعرفين مين النايفه لا كذا غلطانه كثيررر

اصايل عقدت حواجبي وأنا احاول أتذكر الأسم بس ماعطاني فرصه قال والزعل واضح بصوته : النايفه أم مصعب

اصايل عضيت شفتي منحرجه تذكرت ان اسم امه النايفه كم مره قايل لي بس والله نسيت مدري اشلون الله يأخذك ي الجوهرة من كثر ماتقول
عنها المجنونه نسيت اسمهها والله المسكينه
شكلها مانجت من بلاش وشكلي أنا وراها بالجنون
العيله هذي الي يطلع منها سليم يكون بخته
بالسماء .... طالعت مصعب الي قال بزعل :ماتوقعت تنسين أسم أمي

هزيت رأسي وانا ابررر: لا تنقد علي والله نسيت
غصب عني وقلت وأنا بطيب خاطره ولو نسيت اسمههامستحيل انسى انها جابت لي مصعب الله يخلي لي يارب

مصعب طالعها مصدوم وقال : لا لا لا الأخت راضيه عني حيل اليوم

اصايل ابتسمت وقلت :راضيه على طول
عليك وبهمس بس لو تهدا شوي وتخفف من عصبيتك

مصعب صغر عيونه وقال :. ترى اسمعك

اصايل طالعته وابتسمت :لايكون ظلمتك وانا مدري آه مين اللي معيشني كل يوم شكل

مصعب وهو يعدل ياقة الثوب وقال : عشان ماتملين وتعيشن بنفس الرويتن فيه مثلي بالله
وطالعها بغرور

اصايل صرخت وهي معترضه : لا لا تكفى مافي حد طلب منك تغير بالروتين خلنا على رويتن واحد
وأنا بكون مبسوطه لطفاً مصعب

مصعب ضحك بصوت عالي وقال : لا لا عارفك بتملينننن وأنا مايهوون علي

اصايل طالعته وهو يضحك ياعالم فعلاً وهو رايق
يتغيررر حيل ابتسمت له وهمست يارب تدوم هالضحكه ...وهالجوو الرايق ...

مصعب طالعها وقال : وش رأيك الغدا سمك

اصايل تذكرت الجريش الي انذليت عشانه
ليتني تمهلت شوي وكنت بحصل أكل مافيه منه بس معاد ينفع الحين همست له وقلت : وأنا بعد ودي بذا بالسمك من زمان عنه

وكلها دقايق وصلنا المطعم ..ودخلنا
أشر لي ادخل المكان الي انحجز لنا وقال :اطلب لك على ذوقي ولا تبين شيء معين
هزيت راسي وأنا اشوفه مبسوط ومتحمس اليوم غير احسه : لا على ذوقك جلست على الكرسي
ورفعت النقاب ..وجلست انتظره ..بدون حس دموعي نزلت الموقف صعب حيل كان ومافي حد يتحمله ..مسحت دموعي بسرعه يوم دخل
وجلس مقابلني وقال : اففف زحمه وسكت وهو يطالعني صغر عيونه وقرب شوي وسند حاله على الطاولة وقال وهو عاقد حواجبه : عيونك حمراء
ليه كنتي تصحين

بلعت ريقي بتوتر وأنا اسحب فاين : لا لا
بسم الله ليه اصيح بس مدري وش فيها
توجعني حيل من اليوم ...وطارت بعقلي فكره
شفت يوم يوم دقيت عليك هز رأسه وهو مصغر عيونه احسه مكذبني قلت بتوتر وأنا مكمله كذبتي : كنت أبيك تأخذ لي قطره لأني عارفه عيوني لو قامت علي مايفيد فيها إلا القطره ورفعت يدي لا تبالي لا تبالي هي كذا من فتره لفتره توجعني
نفس النظره ماتغيرت أفضل شيء اسكت وبس
احس شوي وبنكشف من تصفيفي حكي ماله داعي
قلت بتوتر : ليه تطالعني كذا

مصعب رجع نفسه شوي وسند ظهره عل الكرسي
وميل فمه بسخريه وقال :مع الأسف ماقدرت اصدقك مثل العاده ورفع يده وهو يحركها استمري استمري في الكذب

اصايل وأنا احاول اخفي توتري قلت : رجع يقول أني سذوب شكلك بتنكد علي بذي الطلعه وتكتفت بزعل هذا أنت ماراح تتغير أبد

مصعب رفع حاجب وقال : آه بس لو اعرفك ايش فيك وقدم نفسه شوي الجوهرة مسويه لم شيء صح وفتح عينه بقلق مدت يدها عليك
انطقي سوت فيك شيء

اصايل يالله ماراح نخلص قلت بسرعه وأنا اشوفه
بدأ يعصب : مصعب الله يخليك لو لي شوية مكانه عندك أنك تسكت وتفكنا من سيرتها ورفعت رأسي اطالع السقف مابي عيوني تجي بعيونه ويكشفني
وقلت يالله ماهو مكتوب علي يوم اعيشه مثل الخلق وقفت يقال زعلانه مصعب يالله رجعني البيت

مصعب ببرود طالعهاوهي واقفه قدامه قال :والسمك

اصايل صغرت عيونها بقهر : ابلعه أنت

مصعب وقف ومسك يدها وجلسها :خلاص روقي

اصايل جلست وزفرت براحه اخيراً
هجد وفكنا من تحقيقه : اطلب لي شيء بارد افف نشفت ريقي

مصعب هز رأسه برفض :مافيني اقوم

اصايل رفعت حاجب :ماعرفتك بخيل
ابتسم لي ورفع جواله الي رن فجأة
قلبي وجعني لايكون اتصال منها ..بس فرحت
يوم قال : هلااا عادل الحمدلله يارب يالله تقلع
وبعدين لازم يعني تخرب طلعتي وطالعني وقال ايه الطلعه مع المدام اليوم رفع ساعته وقال ماظن يمدي ارجع للاستراحه فيني النوم اليوم رحت للشركة وماطلعت منها إلا الحين يالله عادل فارق ايه مزعج بقوه بعد قفل عيونه بصبر قفل قبل أقفل نزل الجوال وقال : مزعج هالرجال ناشب لي
ليته يتزوج وانفك

اصايل يعني كان بالشركة غريبه من يوم ماتزوجته ماعمره راح ابتسمت وقلت : بدله مدام مزعجك كذا

مصعب بحده : ماهو مصعب الي يبدل خويه
وهذا عادل عندي شيء ثاني

اصايل قاطعته وقلت :ويحتملك حيل صح

مصعب رفع حاجب وقال : يتحملني ليه شايفتني مجنون ولا راعي مشاكل

اصايل اي والله هالصفتين كلها فيك ابتسمت
وانا متوتره لا يقلب علي قلت اصرفه مثل العاده : لا ماقصدت كذا قصدت وشلون تحبه كذا ومن توووو تسبه ولا أنت الي تحبه تسبه

مصعب كشر بوجهه وقال :وش دخل الحين

اصايل قاطعته وأنا ارفع الجوال : اف تأخر الأكل
صح والله جوعانه بس وقف وطالعني وقال بسخريه : حلوه التصريفه

ابتسمت له بعباطه وأنا أشر للباب ابيه يروح
يشوف الطلب

مصعب هز رأسه وقال :الله يصبرني بس

اصايل يوم طلع أخذت نفس عميق أكثر من مره
الله يصبرني أنا عليك ي شيخ افف كل كلمه محسوبه عنده يالله يدقق بكل شيء
كلها دقايق ورجع قلت بتكشيره : متى بيجهز
والله ميته جوع

مصعب جلس وقال بطفش: شوي بس ويجبونه
ي الدوبه
اصايل همست : الله يسد نفسك
صغرت عيوني يوم ابتسم
وفعلاً كلها دقايق وجاء طلبنا أكلنا وبعد الأكل
مصعب طلب حلا ...طالعته بتردد عندي
سؤال من أمس شاغلني لعبت بالملعقه بصحني
وقلت : امممم مصعب
طالعها بدون مايتكلم كملت وأنا عيني من صحنه لا يرميه بنص جبهتي من سؤالي بس والله
ودي اعرف سميت بالله وقلت:وش علاقة سوسو في أبوك حسيت وجهه انقلب فجأة قلت بسرعه وأنا ارفع يدي لا لا تقول لو مو حاب ولا اقولك كأنك ماسمعت هالسؤال آه ماهو امس وأنا اقول ماعلي فيهم ليه الحين أسال مع وجهي

مصعب طالع الصحن وقال بحده :فعلاً بسوي حالي ماسمعت ورجع طالعها بعصبيه أكرهه المره
الي تتدخل بين زوجها وأهله

اصايل هزيت رأسي وقلت : اسفه والله فعلاً غلطانه
معاد بدخل بشيء خلاص كمل صحنك بالعافيه

مصعب وقف بعصبيه : انسدت نفسي يالله قدامي ساكته
اصايل عضيت شفتي بندم اخخخ دايم انكد
على حالي يعني بالله ماعرف ان هالرجال على تكه
وينفعل ضروري احشر حالي وقفت معه وسويت
غطاي وأنا عيني من صحن الحلاااا الي ماتهنيت فيه طلعنا من المطعم وركبنا السيارها وحركها
حسيت من سياقته انه معصب حده
طول الطريق ما تكلم ولا أنا تكلمت ابيه يروق شوي
بس قبل نصل للبيت قلت بهمس: تكفى
لا تزعل مني طالعني وطنشني مارد عليه
بس أول ماوقف السياره قدام البيت
قلت وأنا احس بالغصه ذابحتني مابي انزل من هالسياره وجونا كذا : ماتدري
قد ايش كنت فرحان من توو بس ....

مصعب قاطعها وقال بضيق : بس خربتي على عمرك وعلي

اصايل بضيق : اسفه طيب افف مصعب أنت تغلط فيني كثيررر واسامحك بعد بدون ماتعتذر والحين انا من أول منذله لك واحاول ارضيك وتردني كذا وابتسمت بخبث تهون عليك أم النايفه تردها

مصعب طالعها مصدوم وقال : صدق معك بنت وش يدريك

اصايل : مدري بس حاسه ان عندي بنت وبسميها النايفه على أسم أمك وكاد تطلع مثلها حسيته طالعني بفرحه وابتسامه عكس قبل

مصعب ابتسم بحب للاسم ولصاحبته وقال بحزن: آه ليتها حيه والله انها بتفرح بسميتها
يارب تطلع نسخه منها ماهو بس تاخذ الأسم
ومسك يدها اصايل ودي في بنت والله
أكيد معاك بنت صح

اصايل حزنت عليه حسيته استخف فجأة قلت وانت مصدومه من حماسه الزايد : يارب بنت
وسكتت يالله كان مايحب يجيب سيرة هالحمل مره ولا عمره فكر يسألني وأول كان معترض ومايبه
بحجه انه مايبي يرتبط بطفل والحين بعد يتمنى بنت وتطلع تشبهه امه اااافف اصايل
توجعين حالك ليه بالتفكير هذا مصعب وهذي
شخصيته كل يوم شكل الله يستر بس لو يطلع
ولد وبعدها الله اعلم وش رد فعله جيت بفتح الباب
بس طالعته مصدومه يوم قال : على هونك امشي
بلى طفاقه لاتطرحين بنتي

هزيت رأسي ماشاءالله توه الاخ عرف اني حامل وأنا شوي وادخل الخامس قلت وأنا فيني الضحكه :ماعليه لاتخاف الله الحافظ
انزل بس يالمهتم ...
@
@
@
( الجنوب )
نوفه بقهر طالعت أخوها : طول ولدك
كل ذا بالطريق
ام ياسر بقهر :نوفه استهدي بالله شوفة عينش
الجوو وشلون قايل ومعاد أقول غير الله يستر عليه

ياسر .. طلع من المستشفى وهو مفزوع الدنيا تمطر بقوه ..وهوو يالله يشوف الطريق من المطر
الغزير بس حده قلقان طول الطريق ..وهو يفكر وش الي صار ..وخلى عمته تهاجمه كذا ..الله يستر وش مهببه من كلام
عنه عند عمته تذكر كلامه أمس معاها معقول
راحت قالت لها واعترضت هي بعد
عقد حواجبه لا معقول عمته عقلها صغير مثلها مستحيل وبعدين أبوه بعد معصب عليه عض شفته وهو يصبر نفسه كلها دقايق وبيعرف وش فيه بس المطر زاد وقفلوا الطريق ...يالله جلس واقف وراه زحمة سيارات لانه قادر يرجع دوامه ولا قادر يروح للبيت ويشوف وش فيهم ..ضرب الدركسون بقهر
لمتى بيتحمل الي يصير فيه بسبتها ...

نوفه طالعت الساعه شوي وتجي 3
قالت بقهر : مابقي شيء على اذان العصر ولدك ماوصل طالعت ام ياسر وقالت صرفيه
بقدر ماتبين والله مالي طلعه اليوم لما يجي

ابو ياسر قال بضيق: ي نوفه تصبري شوي
وبعدين أكثر من مره تقولش ان كل مادقت عليه يقول مقفلين الطريق عليه

نور
كنت ادعي ان ياسر فعلاً يطنشهم
ومايجي ..لانه راح تصير كارثه لو جاء
فكرت تدق عليه وتقوله السالفه بس خايفه
يسوي فيها مثل ماسوى في شدن ويحرقها
ولا يفكر ..شكلي اروح واسوي مثل حور
انام ولا أفكر ..بس طالعت في شدن بشفقه
وهي ماسكه فيني بخوف الله يسامحك ي ياسر
عقدت البنت

شدن كنت ادعي الله يطول المطر ويقفلون
الطريق ومايقدر يجي وتصير مصيبه طالعت
نور ودي اعترف لها وكاد تساعدني ...
بس وقف قلبي يوم دخل وشعره مبللل وقال وهو مفزوع وبنفس الوقت مبلل : وش فيه عساه خير ان شاءالله

نوفه نطت بوجهه وقالت: وين يجي الخير
وهذي علومك يالي ماتستحي مستحيل
أنت إنسان ولك قلب

ياسر بقهر : عمه علامش مسلطه
لسانش علي ومطلعتني من دوامي بهالجو وملطوع فوق الساعتين بالطريق ليه كل ذا وطالع شدن يبي يفهم وش قايله أكيد كل المصايب هي وراها

شدن
حسيت الدنيا سودت بوجهي يوم طالعني يمه يمه والله بموت ودي ...يرجع الزمن لوراء شوي
والله بتوب بعدها وماراح عاد اعيدها توبه بعد معاد بكذب ..بس صرخت بخوف يوم خالي مبارك قرب مني ورفع يدي وقال : تبي تعرف وش فيه الحين أكيد فهمت وهو يقربني منه ويرفع يدي بوجهه وبنفس اللحظه اعطاه كف خلاه يلف بمكان من قوته ....

ام ياسر صرخت : لا ي مبارك ...
بسرعه قربت منهم وهي توقف بينهم
وتصرخ : تكفى ي مبارك وهي تضم ياسر
وتصيح بحرقه

ابو ياسر صرخ بعصبيه وهو ينتفض : لك وجهه تسأل يالي ماتستحي شوف وش مسوي بهاليتيمه
حرق عاد الي ماتخاف ربك وشلون كذا تسوي فيها

ياسر كان مصدوم صدمة عمر ه من الكف
الي جاه ..فجأة وبعد من منظر الحرق الي بيدها
متى هو حرقها طالعها
يبيها تتكلم تبرر المصيبه الي تبلت فيها عليه
يبها تقول شيء بس كانت تطالعه بخوف وتخبت زود وراء عمته هذا دليل كذبها ..ابعد أمه عنه وقال بعصبيه وهو يقرب من شدن : أنا حرقتش ......
=========