رواية جيت مابيك تحقرني جيت أبيك تعز شاني الفصل السابع والثلاثون 37 - بقلم r010ee

اللهم إني أستغفرك وأتوب اليك
سبحان الله ولا إله إلا الله

اللهم صل وسلم على نبينا محمد
(صلو عليه)
========
===
====
==
طالعت مصعب بصدمه ..وأنا اسمعها تسبني وتنقص من قيمتي حسيت الدنيا سودة بوجهي
بسرعه فكيت العبايه عشان ماتحوس حركتي واعرف وشلون اربيها عدل قربت منها وأشرت على نفسي وقلت : الحين أنا الي رسلني لدريتي
مثل التسلبه ي ال*******طالعت مصعب
الي قال بعصبيه وهو يكور يده : من أول ناويه
على عمرها وتدورها دواره ..
وبدل ماامنع مصعب عنها أنا إلا نطيت عليها
بعصبيه وقهرر وبدون حس طحت فيها طق وأنا اصرخ : والله ماغيرتس تسلبه وجالسه
وذالتن روحتس وراء فلوس هالشايب ي ال******
تحوسين بعمرتس بالقوة الي مابتس عقل وأنا اضربها عل وجهاا واسحب شعرها وصرخت بكل صوتي وأنا مصدومه يوم شفت وصلة الشعر بيدي بعدتس توصلين ياللي ماتخافين الله وعد لتس وجهه تدورين التكشخ ي العجيز

الجوهرة صرخت بألم وهي تحاول تتصدى ضربات اصايل بس وين ماقدرت :صقررررر الحقني
ي صقر

مصعب
كان يطالعهم مصدوم ..أبد ماتوقع رد
اصايل كذا..هو الي كان ناوي عليها وشلون
تبدلت الادوار ..طالع أبوه الي طلع من الغرفه
مفزوع وهو يطالع الجوهرة وشلون تعتصر بين يدين اصايل قال بستفزاز وهو يوقف بوجهه يمنعه يوصل لهم : تصفية حساب تعال يبه وروق وماعليك منهم

صقر صرخ بعصبيه وهو يدفه: ياللي ماتسحتي تشوف مرتك تطق عمتك ومبسوط وبسرعه نزل نفسه يبعد اصايل وبصرخه ابعدي عنها الله يأخذك من يوم مادخلتي على هالبيت ماغير هواش ومصايب وطالع مصعب خذ مرتك بدل وقفتك كذا

مصعب يوم شاف ابوه يدف اصايل وبعد يسب فيهابسرعه تدخل وسحب اصايل
وقال بقهر: يبه طولت لسانها وحصلت جزاها
خلاص انتهى

ابو صقر بعصبيه وهو ماسك الجوهرة ويرتب شعرها وهي تصيح بحرقه ومنهاره بين يدينه
قال بقهر : أنا ماهو طردتك أنت والي معاك من البيت وش رجعكم ياحوش

مصعب طالع اصايل ورفع كتفه ببرود وهو يمسك يد اصايل وقال : والله قلنا نغير جوو عندكم شوي وبعدها نشوف لو عجبنا مددنا المده ولو ماعجبنا عادي نختفي ونرجع بعد مثل ماتقول فضاوه الله وكيلك

صقر هز رأسه بقهر وصرخ بعصبيه : كم مره قلت لك لاتكلمني بهالطريقه تذكر أني أبوك بس انا عارف ياولد النايفه أنك مستحيل تعتدل بس تأكد وجودك وعدمه واحد وأبد ماهو مرحب بك بهالبيت وهذاني اقولها وهو يأشر على الجوهره
الي ترجف بين يدينه من القهر هي الداخله
وانت الطالع مع وسخك الي بس ساحبه وراك
وطالع اصايل استحي على عمرك وفكي نفسك
منه تراه ماهو رجال يتسند عليه وماراح يجب
لك إلا المشاكل

اصايل طالعت مصعب الي احسه ماسك نفسها بالقوه صرخت بقهر: ترى محترمتك لما الحين
وكل مره أقول ي بنت رجال كبير واجب احترامه
بس أنت لا حالف بالقوه تبيني اطلع عن طوري
ولو على الوسخ ترى أنت الي جايبه وعسل
على قلبك وطالعت مصعب وقالت وهي تمسك بكتفه : ايه سندي بعد الله ومالي غيره وتطمن عيشتي معه مافي مثلها فكر بحالك أنت بس وهجد مرتك عني

مصعب شد على يد أصايل وقال بحده
:بس خلاص لا تطولي لسانك عليه وياللااا فوق

ابو مصعب بقهر: بتطوله مدام أنت رجلها

الجوهره دفت صقر وراحت لغرفتها وهي تهدد طالعتهم قبل تدخل الغرفة وصرخت بقهر : والله لا أخذ حقي منك والله ماسكت عن الي صار لي منهم والله ياصقر لو ماتطلعهم لا أجيب بنفسي الشرطه واخليهم يسحبونهم مثل الكلاب

مصعب رفع حاجب وقال بتحدي : أشوف وشلون تقدرين تطلعيني من هالبيت يالله دقي على الشرطه نشوف وش أخرتها معك وتعالي يالجبانه لاتشردين

الجوهرة بقهر صرخت منهاره : تأكد أني
ماراح أسكت أبد وهالشيء سوته مرتك
فيني بيطلع من عيونك وعيونها وتعرفني
زين ي مصعب وراح تتذكر هالشيء

اصايل وهي تدف مصعب الي ماسكها
وصرخت بقهر: ابعد هذي مانفع فيها الطق
الي من توووو مع وجهاا تهدد بعد

مصعب مسكها وقال بحده : اصايل خلاص
وطالع الجوهرة بتحدي انتظر وش يطلع معك
اوك والكلب الي داقه عليه مصيري يطيح بيدي

الجوهرة بسرعه دخلت غرفتها وضربت الباب بقوه وهي تصرخ بقهر هذا وشلون توصله علومها : الله يأخذك صدق تربية شوارع ومدخلتهم بيتيي
آه ي حسرتي على حالي

مصعب طالع أبوه وشلون يطالع اصايل
بقهر وشوي ويطيح فيها طق أشر لغرفة
الجوهرة وقال : روح يبه كمل نومك واسفين
على الازعاج وغمز له روح روح طيب خاطرها
بكم كلمة ونام لك شوي لاتنسى بكره وراك سفرة ترى سوسو ماتحب تتأخر عليها واجد بالمطار

صقر هز رأسه وهو متوتر :نذل من يومك

مصعب ابتسم بخبث :تصبح
على خير يبه ومسك اصايل وهمس لها
وهم طالعين الدرج : ماعرفتك ي ام الأخلاق
وقلد صوتها ليه ماتقدر تمسك اعصابك ليه
ماتصيري مثلي وتطنش

اصايل طالعته بقهر :مصعب والله بعد ودي الحق بك الجوهرة و اصفي حسابي معاك بعد عشان نكون خالصه منكم الأثنين لأنه مافي حد قاهرني غيركم

مصعب فك يدها وقال:الحقيني ونشوف ايش أخر
تصفية هالحساب وبسخريه صدقت حالها البنت

اصايل بقهر لحقته الغرفه وقفلت الباب بقوه
ورفعت يدها بتهديد: والله من اليوم ورايح ماسكت عن حقي أبد وراح تشوف بنفسك حست قلبها يغلي من الابتسامه الي على وجهه سحبت الخداديه ورمته بقوه وصرخت : لاتطالعني تسذا أكره هالنظره بعيونك

مصعب ضحك بصوت عالي وهو يصد الخداديه
وقال : وشلون تبدلت الادور بس هذا الي ودي أعرفه اخخخ ي طقيتها طق

اصايل بقهر : والله الي يعيش بهالبيت لازم يكون باخلاقكم ولا ينداس

مصعب عقد حواجبه وقال بجديه :وش قصدك

اصايل :مثلك عارف والله مايحتاج اقولك زود

مصعب ابتسم وقال : ماعليه بمشيها لك مدام بردتي قلبي في الجوهرة آه وشلون كذا
تحولت لفار تحت يدك والله انك بنت أبوك صدق
الحين تطمنت على وضعك معاها الجبانه تهددد
وهي واقفه جنب باب غرفتها اخخخ لكن شغلي معاها هي وال***** الي يساعدها

اصايل طالعته بنص عين وقلت : وش بينك وبينها وبين هذا الي يساعدها ودي افهم مصعب تكفى لا تدخلنا بمشاكل زياده

مصعب سند نفسه على ظهر السرير وقال ببرود
:احس اني جوعان انزلي سوي لي شيء أكله
ولا تخافين الجوهرة بعد هالضرب حصلته
لمدة شهر ماهي طالعه من غرفتها

اصايل حسيت بقهر من بروده المفاجئ ومن تطنيشه لكلامي قلت وأنا أرتب شعري :ياكثر هالخدم بهالبيت دق على اي وحده تجهز لك
اي شيء تبلعه

مصعب رفع حاجب وقال بحده: بنت ابوك
لاتشوفين حالك اوك ترى حدك كفين اعطيتيه الجوهرة وانتهينا بس أنا لاااااا مانصحك
توقفي ند لي فاهمه خسرانه من الحين وقومي تقلعي سوي الي طلبته منك بسكات ترى
تكه وحد واقوم احرق البيت بالي فيه

اصايل اكرهه يوم يتكلم بها النبره ..بس طنشته
واتجهت للحمام ..طالعت نفسي ..بالمرايا وهزيت رأسي بحسره ..حتى شخصيتي تغيرت
بهالبيت ..آه ياصايل وش بيصير أكثر لتس
بعد... غسلت وجهي أكثر من مره
وطلعت حصلته نايم ..استغربت نومته
بالثوب وبهالسرعه... شكله غفت عينه غصب عنه ..
هد حيله بمشاكله ..الله يسامحه
قصرت شوي من التكيف
وتمددت على الكنبه رفعت رأسي وطالعت
السقف ..وأنا أفكر وشلون بقدر أكمل حياتي
مشاكل في مشاكل ...والحين مدري وشلون
بتكون رد فعل الجوهرة ..مستحيل تسكت عن
الي سويته لها..طالعت مصعب وهو نايم
آه .. على عمري ضاع مع واحد مدري وش نهايتي بتكون معه ..أول مره احس اني فعلاً مهزومه ..احس قلبي يغلي على حالي وشلون صرت مسخره والي يسوى والي مايسوى يتكلم علي بهالطريقه صح دافعت
عن عمري يوم تكلمت الجوهره بس مين الي
خلاها تقول كذا .. أكيد مصعب مرخصني
حيل ..وشكلي معاد بسامحك
على اللي تسويه فيني ... مهما قلبي مال لك
بس عزة نفسي أهم قفلت عيوني ادور النوم
بس عياا النوم يجيني ..تذكرت كلام مصعب لأبوه
الي قلب حاله فجأة وخلاه ينسحب ياربي وش علاقته في ( سوسو) ذي بعد ...
معقول الي في بالي أيه مافي غيرها نقدت على نفسي ..وأستغفرت اصايل ماعليك في أحد
هي ولا غيرها يارب تغفر لي سوء ظني

{الجنوب }
دخلت غرفتي ..وأنا أفكر بكلامه... معي
مابقي إلاهو عشان ابدأ معاه حياة ثانيه
أنا مابيه ولا هو يبيني أنا ابي امي نوفه واحلم ارجع
اعيش عندها بس هذا هو همي ..طارت
بعقلي فكره مجنونه ..تعتبر مجازفه بس وش اسوي
خلاصي بهالطريقه ومافي غيرها ..رفعت يدي
يارب يايوسر تنوجع مثل ماراح اوجع نفسي الحين
وقفت وطلعت من غرفتي واتجهت للمطبخ وانا خايفه وقلبي يدق بس قويت حالي ..ودخلت بس انصدمت يوم شفت نور وحور موجودين ويحوسوون بالمطبخ ابتسمت بتوتر وقلت :لما الحين صاحين

حور رفعت كتوفها بستفزاز: باقي إجازه
وحابين نسهر فيها شيء ست شدن افف وهي
تطالع نور عزالله خربت سهرتنا

شدن ميلت فمي بقهر وقلت :لا مافيها شيء
وليه خربت سهرتكم لأني جيت
من أصله مابي أسهر معاكم جيت بس بشرب ماي
وبرجع غرفتي وطالعت نور وقلت : تطمني ماراح اضايقش عارفه انش صرتي تكرهيني مثل أختش

نور طالعت حور وقالت: ماكرهش بس
كذا مابي اتعامل معش خايفه من المشاكل

شدن قاطعتها : خلاص فهمت اني اسبب مشاكل لش كم مره يعني بتعديها

حور تذكرت الي سوته فيها قربت بخبث من شدن وقالت : تعالي تعالي أنا احبش وماعليش من نوررر

شدن كشرت بوجها وهي مستغربه من تغير حور المفاجئ : لا أنتِ مابي حبش وأنا الي ببعد عنش وعن مشاكلش الي ماتخلص

حور ودها تذبحها بس لازم تطول بالها شوي عشان ودها تنتقم منها بعد مافضحتها في قروب البنات ولازم تبرد قلبها شوي وماعندها إلا تسايرها لما تنفذ الي في بالها أشرت على نفسها وقالت : الحين أنا الي مشاكلي ماتخلص الله يسامحش بس وتعالي عازمتش على بطاطس مقلي وكذا عليه كتشب وهي تلذذذ آه يحبه قلبش وبعدها صدقيني بتحبيني مووووت

شدن طالعت نور الي بعد شكلها ماهو
مصدقه أختها بس عندها فضول
تعرف وش وراها هالحورر قالت : وأنا قبلت عزيمتش

حور ابتسمت بخبث وقالت وهي تنط : يسسسسس

نور قربت من حور وهمست :وش ناويه عليه

شدن قربت منهم بسمع وش تقول لها
بس الخبيثه حور قالت : عيب للمره المليون نقولش عيب هالحركة كذا برجع أزعل منش

شدن ابتسمت بقهر وقلت : زعلة جدي
يقال يهمني زعلش الحين

حور همست : الله يأخذش

شدن صغرت عيونها وقالت:اللي سمعته كأنش دعيتي علي صح

حور ابتسمت بقهر : ماقلت شيء الله يسبقبي قبلش

شدن رفعت يدها : يارب

نور مافيها تسكت غصب عنها ضحكت يوم شافت أختها ودها تقطعها بدل البطاطس الي بيدها
طالعت شدن وقالت : ليه كذا اخلاقش

شدن نطيت على الطاوله وجلست وقلت : لو سمحتي نور لا تكلميني وبعد ماراح اقشر معاكم بطاطس ورفعت نفسي بغرور معزومه تحملوو

حور بقهر وهي تشوفها جالسه قدامها فوق الطاوله : طيب أنزلي أجلسي مثل الخلق وهي تاشر
على الكرسي عشان نعرف نقشر بهدوء
شدن ميلت فمها وقالت : ليه شايفتني جالسة لش وسط الصحن وطالعت نور الي ضحكت بصوت عالي ابتسمت بدون شعور وقلت دوم يارب
بس بسرعه الضحكه تغيرت وجهاا بهت فجأة
لفيت رأسي اطالع وين ماتطالع شفت ياسر
واقف قدام باب المطبخ لا لا لا صدمة عمر
وبعدعاقد النونه يالطيف الطف ... قرب منا وقال بحده : وش تسوون

حور بتوتر : نسوي بطاطس نحسب لك

ياسر طالع شدن وقال: يعني خلاص مابقي مكان تجلسين فيه غير هنا انزلي

شدن يالله وش حشره الحين قلت ببرود
: مرتاحه فيه وصديت بس خفت يوم وقف بوجهي ومسكني من عند رقبتي وهو يشد على خفيف
ويقول :صدق مرتاحه

شدن طالعت البنات الي كل وحده وجهه انخطف
من الخوف وأنا بعد أشرت لحور تبعد السكين
خايفه يتهور الأخ وهالمرة يحط السكين على رقبتي
هزيت رأسي بدون صوت بس فك يده وقال بحده
:بس تأكلون تختفوون كل وحده لغرفتها
ولو شفت زول أحد قدامي ذبحته وصرخ فاهمين

شدن همست بقهر : افف سبب لنا رعب وانقلع وهي تقلد صوته الضخم تختفوون
أكيد بنختفي يعني بنجلس مقابلين خشتك

نور ابتسمت وقالت : ليته يسمعش بس
ان اشهد بيصلون عليش الفجرررر

شدن قلت بحماس : بنات عندي فكره
والله راح نرتاح من ياسر بعدها

حور ونور بصوت واحد :قولي بسرعه

شدن ابتسمت بثقه وقالت :نشكيه لحقوق الإنسان

صرخوا الثنتن مع بعض معترضين وقالت حور بقهر وهي تطالع الباب : انكتمي عساش البلى والله انه بينحرنا سبتش

شدن نزلت من الطاوله وقلت ببرود : أنا طرحت عليكم الفكره وعاد كيفكم انتم الخسرانين

نور بقهر : الله يقلعش انتِ وفكرتش
فارقي الله يخليش وحنا بنجيب لش البطاطس لما عندش بس فكينا

شدن
طلعت من المطبخ وانا مقهوره ..
ابيهم ينقلعون من المطبخ عشان أنفذ
الي برأسي .. شفت يويسرر ..جالس يتابع مباراة عقدت حواجبي وقلت وقت مباراة الحين افف ليه ماينام بكرة وراه دوام ..رحت غرفتي وجبت جوالي ورجعت الصاله وجلست اقلب بجوالي وكلها دقايق ..وشفت الهوانم
طالعين بطبق البطاطس طالعت الطبق
وقلت : سوري مقدر أكله بدون كولا وحده فيكم ترجع تجيب لي طالعت ياسر الي قال اللهم طولك ياروح افف وش دخله بينا

حور بقهر طالعت نور : جيبي كولا لو باقي بالثلاجة
وسكتت وهي تطالع ياسر الي شكله عصب بلعت ريقها وهي ترددد الله يسترر وش ذا بعد مجلسه بينا يارب لا يكون باقي حاقد علينا وبيحاسبنا على الي صار من شوي

نور بتوتر : تفضل حياك كل معانا

ياسر : مابيي وطالع شدن بقهرررر

شدن قمت وجلست بالأرض جنب
نورر بس انقهرت يوم مد يده وأخذ جوالي
يفتش فيه سكت غصب عني إلا كنت بغسل
شراعه بس عرفت وش النهايه بتكون بيفشلني قدام
خواته ...

حور
فكرت تقول لهم يروحون غرفتهم
وينفكون من ياسر وجوده مسبب لهم قلق
بس لا فرصتها الحين تنتقم من شدن بذات
ان الجوو بينهم حده متكهرب ..فكرت بخبث
ليه ماتزود النار حطب ويقوم يغسل
شراع شدن ..ويكون قلبي برد شوي من
سواتها فيني بالقروب ...
رفعت حبة بطاطس وقالت بخبث : نور
تذكرين يوم ابله عفاف اعطت شدن صفررر
وطلعتها برا الفصل اخخ وابله سميره توسطت لها
وهي تصيح وتقلد صوتها ماسويت شيء ي ابله

نور طالعت ياسر الي عينه منهم ومنتبهه لسواليفهم حذرتها بعيونها عشان تلم السالفه
بس حور ناويه شيء ثاني قالت بخوف وعينها من شدن الي شكلها عصبت : شدون حياتي كلي
وتسلم يديم على هالبطاطس ي حورر
طعمها واووو وهمست لميها تكفين

حور ابتسمت :نور لا تصرفين ترى شدون
ماراح تزعل

شدن بقهر : ردي عليها ي نور وريحها
تكفين ولا أنا بريحش ست حور ايه اذكر يوم اعطتني
ابله عفاف صفرر وطردتني من الفصل عندش شيء على هالذكريات السعيدة

ياسر ابتسم وقال : صفررر عاد ي شدن وليه طيب
ي حورر كملي اسمعش

شدن طالعته وقلت وانا مصغره عيوني : أعجبتك السالفه يويسر عصبت يوم هز رأسه وهو مبستم بستفزاز طالعت حور وحطيت يدي على فمها أمنعها تتكلم وقلت حلفت عليش ياحور ماتقولين له أنا بقوله وطالعته وقلت امم بختصرها لك يعني نفس الي سوته فيك بس يختلف شوي أنا أهون أنا اعطتني صفر وطردني بس من الفصل بس أنت ابله عفاف أعطتك أكبر صفر وطردتك من حياتها كلها

ياسر
حس الدنيا سودت بوجهه من ردها
رمى الريموت بقوه بالجدار وقام وهو ناوي عليها
البنات كلهم صرخووا بصوت واحد بس شدن
وقفت وصرخت بخوف وهي تركض وراء نور
الي هي أكثر منها خايفه

حور دفتها ومسكت يد نور وركضوو
لغرفتهم ..

ياسر طالعها ترجف بمكانها ..ومالها قوه تركض
مثلهم تعوذ من ابليس وتذكر
الوعد الي قطعه على نفسه ... سحبها من يدها وقربها منه شافها مقفله عيونها بالقوه وترجف همس لها : مدام جبانه كذا خلاص احترميني
عشان احترمش وتفكين عمرش مني ودفها عنه وبسرعه طلع من الصاله مايبي يجلس عارف نفسه
لو جلس بيمد يده وهو هالشيء الي مايبه

شدن فتحت عيوني ..ماهو مصدقه
اني باقي عايشه ..طالعته وهو معطيني ظهره ويرفس اي شيء قدامه طلع من الصاله جلست على الكنبه وأنا أخذ نفس آه الحمدلله باقي عايشه ..ليتك ماترجع على الخوف
والرعب الي سببته لي .. بسرعه اتجهت
للمطبخ وأنا مصممه على الي ناويه عليه ولابروح فيها لو جلست أكثر عنده .. وجع شوي ولاوجع
طول العمررررر... بعيشتي معه ..فتحت الدرج وسحبت ملعقه ..وفتحت الغاز وطالعته بتردد شدون لو ماقويتي قلبش بتروحين فيها وبتصيرين تحت رحمة يويسر وبحلامش عاد ترجعين لحيايتش سميت بالله وقويت نفسي وحطيت الملعقه
على عين الغاز ..وانتظرتها شوي لما بدت تسخن
وبدت اطرافها تحمر حسيت بتردد وخوف
رميتها على الكونتر بخوف وانا أستغفر ..
بس رجعت مسكتها وأنا أفكر شدون قوي
حالش شوي ..وافقتي على هالزواج عشان تحمين نفسش من عمش بس يويسر مايبي الاتفاق يستمر ويبي يبدأ حياة معي وهو بنفسه رافضها عزي حالش وابعدي نفسش منه باي طريقه قفلت عيوني وحطيتها بكف يدي بسرعه صرخت بالم وبسرعه رميتها وأنا أكتم صرختي ...
واطلع يدي وهي محمره ...هفيت عليها أكثر من مره ابيها تبرد علي ...مجنونه والله على اللي سويته بحالي آه حسيت بدموعي تنزل ...بسرعه ركضت لغرفتي وصحت بألم ...والله توجع حيلل
آه جلست ادور بالغرفه ابي الوجع يخف
جلست على السرير وانا ارفع المخده واكتم بها فمي مابي صوتي يطلع ..طالعت الدرج فتحته
ادور مرهم ولا اي مصيبه تبرد لي الحرق
طالعت كف يدي قفلت عيوني بخوف
لسعت حالي بقوه ..آه صدق
غبيييه

{الرياض }

طلعت من الحمام الله يكرمم بعد مأخذت شورر .. بس انصدمت يوم شفته بالغرفه بهالوقت العادة بغرفته ونايم ..لفيت المنشفه على شعري ..
وطالعته حسيت بعيونه كلام ... قلت بتوتر وأنا أجلس على السرير مقابله له : ايش فيه وليه مانمت لما الحين غريبه ماهو عادتك تسهر

عناد رفع حاجب وقال : وش يدريك اني ماسهر

الشموخ سكتتتت مارديت عليه ...

عناد رفع الجوال وقال : أبوك

الشموخ صرخت بخوف وهي تمسك بصدره
: ابوي فيه شيء أهلي فيهم شيء
عناد قول تكلم فيهم شيء صح

عناد مسكها وهو يهدي عليها : بنت اهجدي
مين الحين الي قالك انه بهم شيء بس أبوك
كلمني من توو يقول أمك تبي تكلمك قلت لهم تأخذ شور شوي وتطلع تكلمكم هذا الي صار بس
وشهوله هالخوف والحين ياللاا دقي بنفسك عليهم

الشموخ حسيت انه يكذب علي كل هالفتره مطنشيني وماكلموني والحين يدقون علي بذي الساعه المتأخرة أكيد فيه شيء قلت بقلق : عناد قولي بابا فيه شيء اميره ماما قولي الله يخلي احسني ماهو مصدقتك وعندك علم تبي تقوله

عناد بضيق رفع الجوال ودق رقم أبوها وخلاه اسبيكر وقال : يالله وشلون تفهمين انتِ أول ماسمع صوته ابتسم وقال : بنتك جننتني
حالفه يمين ان فيكم شيء خذها وتفاهم معاها

الشموخ بدون حس سحبته من يده وقلت
وأنا اصيح : بابا وينك وشلون تسوي
فيني كذا انا دلوعتك وشلون هنت عليك كذا تخليني بدون ماتسأل حتى

عناد عقد حواجبه من كلامها حس بتوتر قرب منها وهمس :لاتتحمسين بزياده وتنسين الي بينا
اوكيه

الشموخ طالعته وأنا اتذكر تهديده لي زمان
انه بيفضحني لو شكيت عضيت شفتي وابتسمت بحزن وأنا اسمع أبوي يقول: شوي شوي يبه
خليني اسلم عليك وأخذ علومك ترى بالعافية وصلنا عليك مع رجلك ياهو مسوي عليك
حراسه مشددده

قلت وأنا اطالع عناد بقهر : علومي تسرك
يالغالي أنت قولي وش هي اخبارك واخبار
ماما واميرة القاطعه ياويلها مني قولها الشموخ
بتذبحك

ابو أميره ابتسم وقال :كلهن بخير الحمدلله
وماحد قاطع غيرك وكل مادقينا على رجلك
يقول انك نايمه ومره مايكون بالبيت عرفنا الرجال باقي بشهر العسل ويصرفنا وقلنا مانبي نضيق عليكم زود بس والله ياأمك شايله عليك وزعلانه
بعد من رجلك وعاد تعرفين أمك ولسانها ههههههه

الشموخ طالعت عناد بحقد وشلون كذا يبعدني
عن أهلي ومزعل ماما بعد قلت وانا معصبه
بذات يوم شفت نظرات التحدي بعيونه
انه قادر يمنعني حتى من أهلي : بابا معليش انشغلت شوي وجدولي بالنوم غلط ومافي حد يقدر يبعدني عنكم ورفعت حاجب بتحدي بس الوقح ابتسم بستفزاز

ابو أميره ضحك : لا لا بلاش كذب ي دلوعتي عنادأخذك عنا والحين يالله حن ودق علي وسلم بهالساعه المتأخرة رجلك ذا مدري وشلون جدوله بالنوم ويقال يبي يسوي مفاجاة لك بهالليل
اشك انه صاحي
عناد طالعها بتوتر ماتوقع يفضحه انه هو الي داق قال بضحكه يخفي فيها توتره : اسف على الازعاج بس والله عشان بنتك ماتجلس تصيح طول الليل فوق رأسي ابي بابا وماما تقول بزر

ابو أميره بعتب: وشلون تخليها تصيح
عناد يحس نفسه تورط أشر لها تختصر ...

الشموخ كنت اطالعه مصدومه يعني الحين هو
الي داق وقايل يبي يسوي مفاجاة لي معاد عرفت هالرجال أبد شوي وانجن منه قلت بسرعه : احلى مفاجاة وابتسمت بقهر مشكور عناد مانحرم منك

عناد بخبث وهو يغمز لها : ولوو ماسوينا شيء

ابو أميره وهو يضحك: هييي انتِ ورجلك تشكرو في بعض بعدين وخلونا ننام بكره ورانا قومه من بدري وخذي أمك تبيك

الشموخ بغيت اصيح من قهري ومن كلام أبوي
آه ليتك تدري بس وش الي يصير بدلوعتك
يوم سمعت صوت ماما صحت بدون حس
بذات يوم قالت: يمه كذا تقطعين لهالدرجه طاوعك قلبك وسكتت شوي وقالت الشموخ تصحين علامك احكي رجلك مسوي فيك شيء صح والحين داق بهالليل فيكم شيء والله اني قلت لابوك بنتي فيها شيء الرجال اتصاله مايريح

عناد حس بقهر الغبيه بتفضحهم
ندم انه دق على أهلها يقال يبي يونسها شوي
سحب الجوال منها وقال : افاااا ي عمه
وأنا اقدر اسوي فيها شيء الله يسامحك بس
هذي الشموخ نظر عيني بس بنتك شوي دلوعه يقال ماتحملت من شوقها لكم إلا وشلونك وشلون
تركيا معاكم ان شاءالله زينه

ام أميره بكرهه له : الحمدلله كل شيء زين
ناقصها الشموخ السفريه بس الله يعوضها المسكينه على أني ماظن عاد قدامها سفريات
ودلع

عناد حس بدقها بالكلام ناول الشموخ الجوال
وقال بهمس : خذي كلمي أمك وخلاص صياح
بلى دلع واختصري وراي دوام

الشموخ أخذت الجوال وقالت وهي تمسح دموعها
: وحشتني يمه حيل وشلونك وشلون اميرة

ام أمير بقهر : الله يسامحك بس على سويته بعمرك
وفيني ولا رجلك يوم ندق عليه ويصرفنا
قلبي بينحرق عليك حتى جوال ماعندك
لهادرجه ماهو قادر يوفر لك جوال وش ذي الحسره
وبحده وينه جوالك القديم وش صار عليه
ولا باعه بعد عشان يصرف به على نفسه
المهم من بكرة يكون معك جوال ولا خليت أبوك يأخذلك

الشموخ طالعت عناد رفع رأسه وهو يستغفر
تحسه ماسك نفسه بالقوه حزنت عليه غصب
عني أمي كلامها قوي كان ...صح يستاهل
بس مدري ليه قلبي وجعني عليه قلت وأنا عيني بعينه : خلاص يمه أكيد بيأخذ لي

عناد همس بقهر : قولي لها ليه أخذت الجوال منك قولي لها سواد وجهك يالله

الشموخ حسيت بخوف بنفضح الليله
ليتني سكت وماعصبته كذا سحب الجوال من يدي بعصبيه خفت موت يفضحني بس الحمدلله مسك اعصابه وقال والقهر واضح بصوته
: مانبي نطول عليكم ونسهركم زود الله يسعدك
تصبحين على خير

ام اميره بقهر : تصبح على خير وقفلت

عناد بعصبيه صرخ : فيني ارد عليها برد يكسر ظهرها وينزل رأسك بالأرض بس حشمت أبوك مايستاهل يسمع الي بقوله
بس أنا استاهل الي خليتك تتواصلين معاهم

الشموخ بقهر : ماتقدر تمنعني عن أهلي عناد
كل شيء برضاه منك إلا انك تمنعني عنهم
وبعدين ماما بس لأنها مقهوره قالت كذا
إلا لو تجلس معاك بتحبك أكيد

عناد بقهر نزل نفسه شوي ومسك وجهاا
وقال : شفقت على حالك وهو يطالع رجلها
قلت بفرحك بهالاتصال ومافكرت بعد بالوقت
بس سمعت كلام يسم البدن كلكم نفس بعض اتاريك مارحتي بعيد وحب أمك مابيه

الشموخ نزلت دموعها وقالت بقهر : تبي تفرحني
ماشاءالله عليك عناد أنت ماعندك قلب أبد
رحت تحدد موعد لملكتك وأنا اتوجع مافكرت تجيب لي حتى دواء غير يوم تم كل شيء وبعدها جاي حضرتك تسوي فيها الحنون والي مهتم والحين يقال يسوي مفأجاة لي

عناد هز رأسه بقهر : وش دخل الحين موعد ملكتي عض شفته وقال صدق ماتستاهلين
واعطاه ظهره وطلع من الغرفه

الشموخ
طالعته يوم طلع ..صراحه قدرت فيه انه مسك
اعصابه وكبر عقله ..على كلام ماما والله خفت
يوم أخذ الجوال يفضحني بس لا صار العكس أحسه كبر بنظري بهالحركة... ابتسمت بدون شعور ..آه ليتني أقفل عين وأفتح عين وأنهي سالفة زواجه وأبدأ معاه حياة وهو كان يبيها وأنا الحين بعد أبيها ..الشموخ عناد رجال مايتعوض ..
والدليل الحين وصبره على كلام أمي الموجع
مصعب وش أستفدت منه يوم ضيعت حياتي
عشانه ...وقفت وأنا ناويه اصلح الي سوته حتى لو رفض بحاول أكثر من مره طلعت من الغرفة واتجهت لغرفته ..وأنا متردده ..قربت من الباب وقفت دقايق اطالعه بخوف من رده علي
بس سمت بالله ومديت يدي وفتحت الباب شفته متمدد على الكنبه وحاط يده على عيونه قال والضيقه واضحه بصوته : الشموخ يكفي الي قالته امك لاتزودينها علي بعد والله الي فيني يكفيني

الشموخ تقدمت شوي وقلت وأناخايفه يصدني : مستعده لي عقاب بس لا تتزوج علي

عناد ابعد يده وطالعها بصدمه

الشموخ تقربت منه وجلست على الأرض ومسكت يده وقلت بصدق : لا تزوج عناد
وسوي فيني وعقابني بالي تبي أنا راضيه
بس لاتتزوج الله يخليك ونزلت رأسي على يده
اصيح بذل لا توجعني الله يخليك

عناد عض شفته وهوحزين على حالتها بس قال بمكابره مثل العاده وهو يبعدها عنه :والله وفي عالي سماه لاتم هالزواجه مدام لي نفس بهالدنيا حس قلبه انفطر من نظرتها اليأسه بس كابر ومسح دموعها من يده وقال دموع الافعاعي هذي ماهي علي ويالله تقلعي من وجهي وراي بكره جلسه
بالمحكمه من الصبح

الشموخ انكسر قلبي زود يوم مسح دموعي
وهو قرفان وقفت وتحملت الوجع اللي برجلي وقلت وأنا مكسوره :هالدموع
الي قرفان منها مانزلت إلا عشان خاطر اصلح حياتي معك وأبد من جديد ومعترفه بغلطي
بس ي خساره نزلت قدام حد ماقدرها

عناد طالعها شوي واعطاها ظهره وقال
بحده : خذي الباب وراك وبعد لاتنسين خذي من المسكن

الشموخ عضيت شفتي بقهر بعد يوصي على صحتي ..مشيت وأنا احس بألم برجلي اكثر من قبل طالعت المكتب وأغراضه الي عليه ودي اكسر كل شيء فوق رأسه وأقهره بسوي اي مصيبه تحرق قلبه مثل ماهو حرق قلبي بس تعوذت
من ابليس وطلعت وانا اعرج لاني يوم جلست
بالارض تعورت بالحرق زياده طالعت رجلي
بعض الحروق انفتحت ..وتصب دخلت غرفتي
وأخذت من كريم الحروق وحطيت عليها وتمددت وأنا احاسب نفسي ليه استعجلت يوم قلت له
كذا الحين بيشوف حاله زيادة علي ... بس وش
اسوي ودي ابدأ حياة من جديد خاليه من
المشاكل ..حطيت يدي على رأسي آه يالشموخ
بعد وشهوو تطلبين منه هالشيء بعد ماجرحتيه
وخليتيه يكرهك ..طيب الحين كرهك وده
ينتقم منك باي شيء وش استفدتي آه تعبت
من جلد الذات ياعالم حاسه بغلطي بس
وشلون يفهم اني خلاص ابيه وابي عيشتي معاه

اليوم الثاني
{ الجنوب }
شدن
صحيت من النوم وماحلصته ... احسن مارجع الغرفه زعلان حضرته ..طالعت الساعه كانت شوي وتجي 11 شكله راح للدوام ..طالعت يدي وكشرت يوم شفت الحرق ..الي سويته بعمري جنون ومجازفه بس وش اسوي ماعندي إلا كذا بعد كلامه و أمي ايه بكذب عليها بهالحرق عشان تبعدني عن ياسر والحياة معاه ... قمت وغسلت وجهي وطلعت من غرفتي واتجهت للحوش ..بشوف الوضع عشان اشرد لأمي الي راح توقف بصفي وتقلع يويسر من حياتنا تلفت يمين يسار بس
شفت خالي مبارك يفطر قدام بيت الشعر
قربت منه وقلت وأنا انزل كم بجامتي على يدي مابيه ينتبهه لكف يدي : حسبت لي فطور
يجلعني مابكيك

طالعني وابتسم : جيتي بوقتش تفضلي
اقلطي الخير واجد

جلست وانا نفسي منفتحه للأكل ابتسمت له
يوم ناولني كاس الشاي.. بديت أكل وأنا واقول : اليوم شكلك راحت عليك نومه مدام تأخرت كذا بالفطور وطالعت السماء بتمطر شكلها اليوم بدري

ابو ياسر ابتسم : اي والله من تعب البارح
بعد صلاة الفجر رجعت غفيت ومعاد صحيت
إلا من شوي وحزنت على أم ياسر اصحيها

شدن ابتسمت له وقلت : أهم شيء بيضت وجهك من الجماعه بس غصيت باللقمه
يوم قال بجديه : جالس اسوي هالشيء عشانه ابيه ينسى الي صار له وماوصيك على ياسر نسيه عفاف مابيه عاد يعلق مع سلمان وابوه احسه كذا ماهو راضي عن الي صار وتنازله
بالأرض ماراح يمر كذا ولدي وأعرفه يدور المشاكل الله يهديه

شدن قاطعته وقلت بقهر : وش دخلني ي خال ولدك عسررر ولو برأسه شيء ينفذه وسكتت وأنا مصدومه يوم شفت ياسر طالع من بيت الشعرر وشكله توه صاحي وأنا مفتكره انه مداوم ...
ي حسرتي الحين بينشب لي ومقدر اروح لأمي ..يارب وش ذا الحظ الي علي وبعد دايم يطلع إلا أنا احش فيه ..يجي على السيره حضرته كشرت يوم خالي رحب به: تفضل يبه افطر عشان تلحق على دوامك

ياسر بصوت ثقيل من النوم : اغسل وجهي بس واجي

شدن فكرت اقوم واروح بس خفت من خالي
وبعد هو بيعصب ..علي كملت أكلي ونفسي منسده وكلها دقايق غسل وجهه ورجع وجلس يفطر بدون صوت مثل العاده طالعت خالي يوم قال : صبي لرجلش يبه .. وطالع ياسر إلا شكلك راحت عليك نومه يايبه

ياسر بصوت ثقيل من النوم : اي والله
والحين سمعت اصواتكم وصحيت إلا صدق كنت بغط بالنوم وبيطلعون هاليوم من عيوني

ابو ياسر :لو دريت انك بتداوم بدري
كان صحيتك افتكرت اليوم بتروح بعد الظهر وابتسم وأنا مفطر برا بيت الشعر يقال مابي أزعجك يوم جيت وحصلتك نايم وطالع شدن الي تأكل وقال بعتب : صبي لرجلش أنا فداش

شدن
الله ينشب لك مثل مانشيت لي هزيت رأسي
وصبيت له وأنا أحاول ماوجع يدي ولا ينتبه لها وانفضح يوم يسألني ناولته وهو أخذه بعد معطاني نظره كلها عصبيه خير خير وش قلبه فجأة توه البارح
مسوي حبيب وش زينه ولا مقهور ليه ذكرته بعفاف وفعايلها فيها ..يستاهل هو الي بدأ شمقت فيه وجيت بقوم بس رجعت جلست يوم قال خالي مبارك: اجلسي لما رجلك يكمل أكله ذي الحرمه السنعه
انقهرت يوم شفت ابتسامة ياسر الي كلها شماته
يالله اليوم ماهو خالصين ...ابتسمت مجامله
وقلت : ابشر
بس فرحت من قلبي يوم خالي قام يغسل يده
ايه هذي فرصتي
اقوم بس كلها ثواني وشفته جاي وساحب مسند وجلس وتسند عليه وقال : تقدر تمر على العمال
عند الحلال بعد الدوام وتشوف وش ناقصهم
ولا مايمديك اطلع اشوفهم أنا قبل اوصل
جاري للمشواره

ياسر طالعه وقال وهو يوقف : ولايهمك بمر عليهم بس يبه وش قلنا عن هالمشاويرررر متى تفك عمرك منها وترتاح وبعدين شوف الجو بنفسك اليوم كيف
ابو ياسر وهو يشرب شاي : وش اسوي أجلس كذا لا شغله ولا شيء وبعدين تطلع دراهم والجو
متعودين عليه نقطع الوادي ولانبالي

شدن بحماس : تكفى خذني معك

ياسر طالعها بعصبيه وطالع ابوه وقال : يبه لا تخاطر بنفسك والله هالمخاطره هذي ماتجي وراها غير الندم والحسره شوف كم شاب بتهوره
يروح فيها ويوجع أهله بفراقه

ابو ياسر بحده : ياسر تشوفني بطب وسط السيل ولا من هذولا الشباب المتهورين روح لدوامك
وخلني وأنا اعرف أدبر عمري

ياسر بضيق وقف وقال : الله يحفظك واعطاهم ظهره وراح ..يلبسس

شدن تنفست براحه اخيراً بيداوم وبنفك
طالعت خالي الي يأشر لي بعيونه عشان الحقه
هزيت راسي ويقال ماهو فاهمه قال بقهر واضح بصوته : روحي شوفيه وش ناقصه قبل يروح لدوامه

صغرت عيوني بقهر خالي مبارك انقلب أم لي على هالنصائح توبه لو عاد صادفته وجلست معاه
هزيت راسي وقلت : بفطر باقي ماشبعت

ابو ياسر بقهر : من توو قايمه والحين بتفطري
ماعرفنا لش ي شدن

شدن وهي تصرف وتطالع جهة العنزز الي تحوس حولهم : خلك مني الحين وقولي
العنز هذي ليه مجلسها هنا وماتأخذها للشبك مع الحلال

ابو ياسر طالع جهة العنز وقال بشفقه عليها: بتولد وابيها تحت عيني لاني اخاف يصير فيها مثل كل مره تولد وهي بلحالها ويموت الي تجيبه

شدن فرحت من قلب يوم اندمج بالسواليف عن حلاله ونسي يويسر قلت وانا بطول معه السواليف :وين العامل عنها طيب

ابو ياسر بقهر: هالعامل مايدري وين الله قاطه بس ماغير ماسك هالجوال ومنشغل به آه ليت العامل الأول يرجع

شدن: ليه ماتغيره وتريح عمرك

ابو ياسر : ماهو بسهال وأنا ابوش احصل بداله

شدن جيت برد بس طالعت ياسر وأنا اشوفه
لابس لبس التمريض وطالع وهو مستعجل
قرب من أبوه وسلم فوق رأسه ..وطلع من غير
مايوجهه لي ولا كلمة طالعت خالي احسه يطالعني بعتب ليه مارحت وشفته ابتسمت بخبث فرصتي
هذي بعد اقلب خالي عليه ومااخلي له فرصه علي
عشان ينتقدني قلت وانا امثل اني بصيح : عارفه انك ناقد علي بس يبه وسكتت شوي يقال امسح دمعتي الي بتنزل تسمح لي اقول لك يبه
ولو ماتسمح عادي ماراح ازعل منك لاني متعود اني بدون أب

ابو ياسر بحزن : ايه يبه انتِ مثل بناتي يشهد الله علي مااشوفش غير مثل حور ونور

شدن كملت بغصه: ولدك هو الي يبعدني عنه
لدرجة شفت بعينك نومته في بيت الشعر
تحسب هذي ماتوجعني ترى كل لليله بهالحال
وكل مره اطلب منه ياسر نام بالغرفة لا تفضحنا
بس دايم يهاوشني ويقولي دفنووش بمكانش مابي
انام معش بنفس الغرفه

ابو ياسر عقد حواجبه وقال بشك بكلامها :كل يوم افطر في بيت الشعر وماقد شفته فيها إلا اليوم وعشان كذا فطرت برا مابي ازعجه

شدن بتوتر كذبتها لا تنكشف : إلا ي خال كل لليله
بس العاده يصحى بدري قبل الفجر ويجي ينام بالغرفه يقال يمثل عليكم بس اليوم راحت عليه نومه عشان ربي يكشفه لكم وشلون أنا متحمله
من ولدك كل يوم يضربني ويخلع اظافيري

ابو ياسر بصدمه وهن يطالع يدها : يخلع
اظافيرش
شدن غطت يدينها بكمام البجامه وقالت
: ايه أكثر يسوي فيني ولدك ليتها على خلع الاظافر بس

ابو ياسر كان مصدوم حده من كلامها .. تذكر فعلاً قبل فتره شافه نايم هنا واليوم للمره الثانيه
شدن وهي تمسح دموعها المزيفه : وأنا متحمله
ي خال عشان خاطرك والله وخاطر أمي نوفه
مابي اوجعها تعرف أنت وشلون تحبني وماترضى علي واليوم انت لو مابيك تزعل مني كان ماقلت لك وصبرت مثل كل مره وقربت منه يقال منهاره
ي خال ولدك عذبني ولدك ذوقني الويل تحس عيونه من يدينها يبي يتأكد من اظافيرها بسرعه فتحت كف يدها وقالت شوف شوف هذا أكبر دليل حرقني البارح

ابو ياسر انصدم وهو يشوف الحرق الي بيدها
: هذا ياسر سواه فيك وأنا ولد أبوي في بيتي
وتنضامي كذا

شدن هزت راسها :آه لو تدري بس وش
والسبب ليه رفضت اطلب الطلاق قلت حرام
عليك تبيني اطلب الطلاق عشان يكون الحق
علي وماعليك منقود من أمي وابوك وحرام تطلقني وانا ماسويت لك شيء وليه من الأصل تزوجتني مدام تبي تطلقني وتخرب مستقبلي وأنا صغيره
ولدك صار يهددني بالحرق بعد ماكان كل لليله يخلع لي ظفر سكتت يوم شفته شوي وينهار ياربي بس اجيب سيرة اظافري يتغير كأنه يحس بوجعها قلت وأنا ازود العيار..وبعد رفع الرشاش بوجهي مره آه ياخال سجن الي عايشه به مع ياسر مايبني ويكرهني وأنا ماسويت له شيء

ابو ياسر كان يسمعها وهو معصب ومصدوم بعد من فعايل ولده مسكها من عند كتوفها وقربها منه وسلم فوق رأسها وقال بقهر : والله لا أخذ حقش منه ولا مااكون ولد أبوي والي صار لش من ضرر تأخذيه منه وقدامنا بعد حرقش تحرقينه
واي تعنيف تعرضتي له منه تأخذين حقش منه
بنفس الي سواه بش

شدن ابتسمت بخبث والله فكرة ماهي بطاله اخخخ احرق يويسر واعذبه يالله على حظي الي قام فجأة .. بس لا لا خليني مسالمه عشان يصدقني
صحت زود وهمست له: تكفى ي خال لا توجعه بالحكي ترى مارضى عليه وخليه لا تغصبه علي ... وبعدين وشلون أخذ حقي منه وأنا مسامحته ومارضى اوجعه مثل مايوجعني ياسر غالي علي
مهما كان هو ولد الغالي الي ماحسسني أبد
بعدم وجود أبوي

ابو ياسر معصب حده : يخسى من بين الرجاجيل وهو يحط حيله على مره مالها قوه وعادش تبيني اسكت عنه مدام هذي سواته وبقهر يخلع اظافرش عاد ماتصل لكذا ابد ولدي تجرد انه يكون إنسان الله يسود وجهه
شدن يالله ماهو أقولكم مافي شيء هزه غير
خلع الاظافر كأنه مجرب المسكين قلت أذكره
وأنا افتح كف يدي :وحرقني

ابو ياسر وهو يسحب يدها ويتأكد من اظافرها
: مافيها شيء يبه أشوفها بس الحرق واضح

شدن بخوف وتوتر قلت : هذي تركيبه يبه
صرت احطها عشان مافي حد يكشفني
ويهاوشه

ابو ياسر عقد حواجبه : وشلون
هذي بعد وكشر بوجهه

شدن يالله والله مافكرت بعد هذاك الانهيار بينشب لي بسرعه رفعت الجوال وطلعت صور اظافر
وقلت : شوف مثل كذا هييي صح حرام وتعبتر توصيل بس وش اسوي عشان مافي حد يشوف الي يسويه فيني ويقال أحاول افك ظفري شوف بنفسك

بس مسك يدي وقال: لا لا توجعني بمنظره أكثر

شدن أخيراً يالله مابغينا ننفك ..طالعت
اظافري بسم الله عليها ...بس والله حسيت
بخوف من سكوت خالي المفاجئ يالله
وش الي سويته احس السالفه بتكبر ماراح تنتهي افتكرت انه يوديني بنفسه عند أمي ويمنع ولده معاديقدر يرجعني بس هذا الي توقعته مايجلس يحقق كذا قمت وأنا متوتره و قلت قبل اروح : لو فعلاً زعلان على حالتي مع ولدك رجعني لأمي بس هذا الي ابيه منك لابيك تهاوشه ولا أبيك تكلمه بحرف واحد وكل الكلام
الي قلته لك ماتجيب له سيره عنه وتمنعه معاد
يتعرض لي بس

ابو ياسر وهو يهددد: خليه بس يرجع من دوامه والله مالش غير طيبة الخاطر

شدن هزيت رأسي ورحت لغرفتي ..مجنونه
لو اجلس انتظر يوم يرجع من دوامه واشوف
وش ييصير أفضل شيء أكمل كذبتي
واوصلها لأمي وبهذي الطريقه اضمن خروجي من حياة ياسر بالمرة ..وببعد اي خوف عني ونطيت بفرحه يسسسس ..بكون بطله وبوقف بوجههه يويسر لبست عباتي
وأخذت جوالي واغراضي الخاصه ..كلها ماخليت
غير ملابسي ..ابتسمت بسخريه خليه
يتذكرني فيها ويتحسر وشلون خسر وحده مثلي وحرقها وخلع اظافيرها الي مايخاف ربه ..ضربت جبهتي شدون ارجعي لعقلش تراش حرقتي حالش بلاش ظلم له ... رفعت يدي وطالعتها يارب سامحني
طلعت وشفت ام ياسر قدامي خليني انتقدها
قبل تستلمني وبعدين بودع بيتهم وأنا مصفيه حسابي معاها ومع ولدها قلت : خالي مبارك اليوم فطر بلحاله شفقت عليه والله وأنت نايمه
بس سكتت يوم طالعتني خفت طراحه تقوم
تدبغني بمكاني قلت بسرعه اصرف أكيد مايهون عليش بش شكلش من كرف امس راحت عليش نومه وأنا اسمع الأذان هاا اذن الظهرر يمديش تعوضينه بالغدا

ام ياسر أشرت لها تكمل طريقهابدون ماترد عليها
فيها صداع ذبحها ...

كشرت بوجهي وطلعت ..للحوش يالله السماء بدت تمطرر طالعت باب الفاصل الي ...بينا واختصرت بدل ماطلع للشارع واتفشل قدام الي برا بهالمطر دخلت بيتنا واتجهتت للباب الصاله ودخلت شفتها جالسه على المكينه
ابتسمت لها بس بسرعه تذكرت خطتي لازم أبد
الحين ..رميت الشنطه من يدي وانهرت بالأرض : يمه ادورش ماحصلتش يمه ليه كذا بعدتي عني ليه ليه لدرجة رخصتني للي مايخاف ربه حرقني حرقني عارفه وش حرقني وأنا ارفع يدي شوفي بعينش لو يرضيش بشل عمري وارجع له ولا بروح لعمي ومرته والله انه أرحم منه مهما يوصل تعذيبهم لي بس مايحرقوني كذا

نوفه قامت مفزوعه وجلست بالارض
وهي تصرخ : وشهوو حرقش وشلون وليه

شدن وهي تصيح : مدري مدري كذا

نوفه مسكتها وضمتها : شدن اهدي وفهمني وش صار بالضبط

شدن انهارات تصيح بقوه وهي ترفع يدها وقالت : شوفي بعينش لو يرضش بشل عمري وارجع له

نوفه طالعت يدها وهي مصدومه من الحرق
قالت بعصبيه : وصلت بك ي ياسر لكذا
والله لا أحرقك مثل ماحرقتها ي ال******

شدن وانا اصيح : ايه يمه وماهي أول مره بس كل مره انتِ تصديني وماتخليني اقدر اشكي عليش
صرت وحيده آه يمه وآه يبه رحتوو وخلتوني

نوفه بسرعه ضمتها وهو تصيح بحرقه وتقول : اشش يمه وجعتتي قلبي بموت من قهري وشلون سويت بش كذا وشلون والله لا احرقه مثل ماحرقش وعدن علي لاأخذ حقش منه كامل والحين بروح له
الي مابه خوف من ربه

شدن بسرعه وقفت بطريقها وقلت : تكفين يمه
مابي مشاكل وبعد هو ماهو فيه بدوامه والحين ماغير امه موجوده وبتنشب لش مثل العاده
وتطلعني الكذوب تكفين يمه ماتروحين

نوفه وهي منهاره رفعت يدها : وشلون كذوب
وهذا فعايله قدام عيونها وبسرعه سحبتها واتجهت لبيت اخوها وهي تسمع احتجاج شدن ماتبيها تروح تقطع قلبها عليها لهالدرجه مسبب
لها رعب صرخت بصوتها كله: وين ولدش الجبان وينه

ام ياسر وقفت مفزوعه وهي تشوفها تصارخ بوسط الصاله وهي مبلله من المطر وماسكه في شدن الي بعد عليها العبايه : خير نوفه علامش

نوفه بعصبيه: دقي على ولدش وخليه يجي
ورفعت يد شدن وقالت بقهر شوفة عينش حرقها وينش عنها وهذا وانا موصيتش عليها ولا مالها يتيمه ي سلمى لهالدرجه ماخفتم الله فيها

ام ياسر طالعت يد شدن بصدمه وشلون ولدها
يسوي كذا في البنت قربت منها وقالت وهي تمسك يدها بشفقه: الله يقلعه على هالسوات
وضمتها وقالت بحزن ماعليه يمه والله بيندم
على فعلته ذي

شدن
كنت مصدومه وبنفس الوقت فرحانه ماتوقعت كذبتي بتلقى هالنجاح كله يارب على الأفكار الي علي بساعه وحده قلبت الدنيا عليك ي ياسر
مثلت اني اصيح بحضنها وهمست : ماهو أول
مره دايم يحرقني ولدش بس اخاف اقول لكم

ام ياسر ضمتها زود وهي تصيح معاها : خلاص يمه قطعتي قلبي وحقش علي وبنفسي الحين بدق عليه
واخليه يجي ويعتذر منش ومن امش

نوفه صرخت بقهر : يعتذر الله يأخذني لو قبلت عذره والله لو يحملها بالذهب معاد برجعها له
أنا استاهل رخصت بنتي افتكرته كفوو

ام ياسر بقلق من هالسالفه : تكفين ي نوفه
هدي وبدق عليه الحين

شدن سحبت نفسي منها وطالعتها وقلت بتوتر
وأنا اتقرب من أمي وامسك فيها: لا لا تدقي عليه ولا تقولي له انا خلاص معاد ابيه وبرجع مع أمي
مثل ماقالت الحين مستحيل عاد ارجع له
صح يمه بتكوني قد كلمتش الحين

نوفه مسكتها من يدها وجلستها على الكنبه وقالت بحزن : خلاص يمه لاتخافين تطمني والله معاد بترجعين له والي فيها فيها

شدن بخوف : طيب يالله نرجع بيتنا

نوفه طالعت أم ياسر وقالت : والله ماتزحزح من هنا غير لما تدق عليه ويجي واتفاهم معه وأخذ حقش من بين عيونه الهامل

شدن لا لا لا بروح فيها كذا قلت بقهر من أمي
: يمه انا افداش بموت من خوفي منه وأنتِ بعدش
بتنظريه

نوفه بعصبيه : شدن انثبري مكانش ساكته
وطالعت ام ياسر : مارد عليش