رواية جيت مابيك تحقرني جيت أبيك تعز شاني الفصل الثاني والعشرون 22 - بقلم r010ee

•

بخبث طالعها وهو مبعد الجوال هزت رأسها
بالموافقه ..بسرعه مثل انه يعتذر عمته وبيقفل
: ي هلا ابشري ي عمه بسلملش عليها لا صحت وقفل الجوال ونزله وقال :قلتي موافقه على شرطي

شدن نزلت رأسها وهي تحس نفسها منذله له
خايفه ..لو مطلبه قوي عليها ..وماتقدر عليه
ويروح يفضحها ..عند أمها ..

ياسر قرب نفسه شوي وهو يتلذذ بتحكمه فيها
أخيراً شافها منصاغه له ..كذا بس فعلاً قلبه
مابرد من الدقه اللي سوتها فيه وباقي الحساب مقد خلص حاقد عليها بقوه .. ..قال بطفش
يوم طول سكوتها :ماودش تعرفيه

شدن من غير ماتطالعه بغصه: تفضل

ياسر بهمس :بسفرش لأمش

شدن بفرحه طالعته : صدق تكفى الله يخليك

ياسر عقد حواجبه : هيي أقصد امش اللي جباتش يعني وهو يرفع يده فوق لمصر ارسلش

شدن مثل المقروصه : تبي تسفرني مصر

ياسر : ايه هذا شرطي موافقه ولا اعلم عمتي بسواد وجهش

شدن بقهر منه وشلون توافق على شرطه لا
أخر شيء توقعت يطلب منها كذا هزت رأسها
وتحركت مبتعده وقالت :مستحيل اللي تطلبه وبعدين أمي مافي اي اخبار عنها وشلون اوصل لها

ياسر بسرعه قال : ماعليش أنتِ كيف توصلي لها

شدن بخوف : مستحيل أخلي أمي نوفه لو ايش لا تحاول وماني موافقه على شرطك

ياسر بسرعه وقف بوجهاا ومنع دخولها للغرفه
وهو معصب : ليه طيب وش مستفيده
من هالزواج شوفي كيف حالتش وهو يأشر
على علايم الضرب اللي واضحه على يدها

شدن طالعت وين م يأشر ورجعت طالعته
وقالت بقهر :غلطت وأخذت جزاي وبتقول لأمي
قول لها بتهاوشني وبتضربني أكيد ماراح تقسى
علي أكثر منك

ياسر وده يقطع شعر رأسه من القهر صرخ
بعصبيه وهو وده يقتلها: ليه ليه طيب
تغصبي حالش وتغصبيني على ذا الزواج

شدن عضت شفتها وقالت بذل:عشان مارجع
لاعمي واعيش تحت رحمة مرته ولا ارجع لأمي
اللي بدوله ماعرف عنها شيء ولا لي صله فيها

ياسر بقهر مسك يدها وجلسها على الكنبه
وجلس على ركبه مقابله وقال بوجع: ي بنت
الناس عجزت نفسي تتقبلش فاهمه هالشيء
وأنا مابي اتسبب بشيء يأذيش وسالفة شردتش بحاول انساها بس تبعدي عني ولو جلستي على
ذمتي بحاسبش عليها طول عمرش ولا بقدر
اسامح ذا الغلط ي شدن والله لو اني ماخفت الله
فيش كان ذبحتش بس اللي شف لش شيء واحد
بس غلاة عمتي نوفه

شدن عضت شفتها ..ماتبي تصيح كلامه يوجع
قالت ودموعها تنزل:مابيك تتقبلني لأن أنت
أكثر واحد عارف ايش زواجنا بس حمايه لي
من عمي وعشان أجلس عند أمي نوفه
بس أنت اللي بهذلت عمرك وسافرت فيني
واخلفت الوعد اللحين ردني وخلاص اعتبرني
ماهو موجوده في حياتك غير بس زواج بالأسم
وأنا اوعدك حتى اسمك ماذكره وشردتي يعلم
الله ايش سببها كله خوف منك ماهو شيء
ثاني وأنت أكثر واحد عارف هالشيء

ياسر عض شفته بقهر يوم حس الكلام معاها ضايع وشكل ذي البنت نشبه له طول عمره وقف وقال بعصبيه : أجلعفني هنا حتى بنفسش تجين وتقولي لي موافقه على شرطي وقريب ي شدن قريب اوعدش

شدن
مسحت دموعها اللي نزلت غصب...
وهي تطالعه داخل للغرفه وهو معصب
..عارفه بكرهه لها ..وعارفه انه مايبيها وعارفه
انها جالسه تذل عمرها ..بس لازم تدوس على
كرامتها وتصبر شوي ..عشان بس ترجع لأمها
وبعدها ..ماتخليه يشوفها ..وبتخليه يطلقها
بعد بدون عمها يدري ...ولا الناس بعد بيكون
سر بينها وبين امها وبينه بس ..هزت رأسها
وهي تصبر نفسها اصبري شدون اصبري
أكيد بيطفش وبيرجعش لأمش نوفه..لا تستسلمي
له ..ويجلس يلعب فيش ويسفرش لمكان ماتعرفي فيه أحد ..لا وين يقدر يسفرني على كيفه هو
يعني ماوراي ولي أمر ..يقدر يمنعه السالفه ماهي سهله وكلامه كله على الفاضي ..قال ايش يرسلني مصر ..طالعت يدها وهي تشوف الضرب همست
فعلاً غلطت واستاهل ..وزين وهي جت على كذا
والله لو انها أمي نوفه..كانت فضت برأسي
الرشاش على اللي سويته ..تذكرت كيف اسعد
نفسي ..ايه بسعدها ..ياما زعلت وياما انغبنت
بس أقدر اطلع نفسي ..من الضيق والحزن ..آه ليت
جوالي معي كان صدق ..ونست روحي ..
وقفت ورحت للمطبخ ..فتحت أول كيس
من الأغراض اللي جابها بس فكيته وطرت للكيس اللي به وجبه من ماك ..فرحت من قلب ..والله ميته جوع ..أخذتها وأخذت
الكولا ..وطلعت للصاله ..بس وقفت بمكاني
من صوت التكسير اللي داخل الغرفه ..بلعت ريقي
ياربي وش يسوي ذا ..طالعت باب الشقه ..
شفت المفتاح فيه ..هزيت رأسي والله لو يذبحني
ماعاد عدت حركتي ..خلاص حرمت ..بس أكذب
على عمري لو اقول ماخفت ..جلست على الكنبه
وحطيت الأكل والكولا على الطاوله ..وعيني من
الباب خايفه اي وقت يفتحه ..ويجي يكسرني
مثل اللي يكسره ..داخل ..قفلت عيوني يوم
سمعت سبته ..وهو يذكر أسم جابر ..مين
جابر ...ايه ايه تذكرت هذا الشايب..اللي كان
بيروح ضحيه للمتهور يويسر ..اخخخ كل ماتذكر
كيف رمى عليه الرصاص ...ارتجف بمكاني
يالله الحمدلله وأنا جت على الضرب ..ولا اطلق
علي رصاصه مثل رصاصة جابر ..حطيت يدي
على خدي أفكر ليه ياربي الحين يسبه ..معقول
فيه شيء صار جديد وأنا مدري عنه...
مديت يدي وأخذت الوجبه ..أكلت أول لقمها
وأنا بالي بعيد افكر ...وش اللي جاب اسم جابر الحين اخخخ لا يكون بعده يكلم حضرته عفاف ..لا لا مسحتل طلقها وحرمت عليه ..لا لا باقي بالعده
حطيت الوجبه وجلست احسب مدة العده
اممم هو طلقها برجب ..واللحين بشوال لا لا
انتهت ..وصارت محرمه عليه ..لا لااذكره
وانصحه ..عشان حرام اللي يسويه لو فعلاً باقي
متواصل معاها ...ايه أكيد متواصل معاها
وشكله الحين بعد مكلمها وابوها كفشهم
وعشان كذا عصب ..طالعت باب غرفة النوم
بستحقار.. اخس عليكم ... ناس ماتخاف ربها
معصب بعد ليه ابوها كشفكم ..وع حسيت بقرف
منهم ...بس هو ماعليه ملامه عليها هي اللي
مفروض خلاص تصون نفسها وأهلها وقبلها تخاف
ربها ...وهو بعد يخاف الله ويخلي تهوره اعوذ بالله من اللي يسووونه رجعت أخذت وجبتي ..وأنا اردد ماعلي فيهم كيفها معاه..أكلتها بس باقي ماشبعت
مديت يدي للوجبه الثانيه وأخذتها ..وانا اهمس: ماشاءالله يويسر صاير كريم أخذ لي وجبتين
..

الديرة
""
قالت بقلق وهي تغرف الرز : والله ي خاله ماني مرتاح لذي العزيمه لو تسان عندتس علم بها
قوليلي قلبي ماهو مرتاح

ام سميره وهي داريه وش سببها بس مافيها تقولها
قالت بتهرب : مدري يمه خذي يمه ورحي به للمقلط

شمسه وهي تذكر عواد يوم حصلته بالمقلط العزيمه اللي قبل قالت بسرعه: لا والله يمه خلي محمد يجي ويروح به وبهمس حرمت

ام سميره هزت رأسها بدون صوت ..

شمسه
حضرت مع خالتي ..وأنا ماهو مرتاحه
احس ان فيه شيء ..شفت محمد جاي يركض
بسرعه حطيت المغرفه وطلعت للصاله وأنا
انادي عليه ..ماعندي غيره يجيب لي الكلام
عضيت شفتي بقهر يوم طنشني ورقى الدرج
جلست انتظر حضرته ينزل ..واساله
بس طول شكل أمه ...رفضت ينزل مثل العاده
ولا التهى بشيء ..هزت رأسها بقهر آه
من متى ...ذا الولد ..يطلع بشيء ينفع ..
رجعت للمطبخ ..وجلست احضر مع خالتي
وبعدها جاء ابوي وأخذ العشاء ورتبت معاه
انا وخالتي ...وجلست على الكنبه ..بتعب
طالعت خالتي اللي حاسه ان عندها كلام
قلت : انكرفنا ي بختها اصايل ارتاحت من ذا كله

ام سميره بشوق بان بصوتها: ي سبدي عليه
والله ان قلبي ناطف ودي بشوفتها ولا بروحه لها ولا تجي يمنا

شمسه ابتسمت : تسذب علي وتقول جايه وهي ماهي يمنا وطايحه حب في ذا الي خذته اخخ على الدموع بس اللي طاحت قبل تأخذه الله يعطينا عمر بس ونلتقي بإذن الله اذكرها وكاد ذي المره تتوب وتستحي على دمها وتجي لو زياره

ام سميره براحه: الحمدلله طلع ازين من ازواج خواتس وهمست بصوت واطي إلا ابوتس مايجي منه زين دايم دابل سبد وحده فيهن

شمسه تنهدت بضيق .وقفت : بروح احط لأمي عشاء وبعطيها علاجها وبقلق تصدقي اليوم
رفضت العيشه ويالله شربت لي عصير حالها أبد مايسر

ام سميره بحزن عليها : الله يشفيها يمه ويفرح قلبتس يارب

شمسه اتجهت للمطبخ وأخذت عشاء أمها
ودخلت الغرفه ..قربت منها وسلمت عليها
وهمست لها: وشلونها أم شمسه اليوم
عساها أحسن ي حبني لتس والله تنهدت بخزن وهي تشوفها مقفل عيونها ولا ردت عليها
جلست شوي تحاول تصحيها ...يالله قدرت تخليها تصحى عشان تقدر تأكلها ...أكلتها بالعافيه وشربتها الدواء وتمددت جنبها وحطت يدها على رأسها تقرأ
قرآن ..كشرت بوجهاا من صوته المزعج : شمسه شمسه ابوي يبيتس في ذي الساع

شمسه بهمس وهي تأشر له يسكت: اوس وبجي الحين

محمد طالع امها وقال بهمس : ابوي يبيتس ضروري وقالي اطلعتس معي بالقوه

شمسه يوم قال تسذا خفت وش بالقوه ذي بعد
الله يستر وش عندك ي أبو محمد ..نزلت من السرير بشويش عشان مااازعجها ..وسويت غطاها زين وبستها على رأسها وهمست لها: يمه ي قلبي شوي بس وراجعه طلعت من الغرفه وقفلت الباب واري مابي اي صوت يزعجها ..
شفت الكل متجمع ..خير اللهم اجعله خير
جلست جنب خالتي ام سميره وقلت : سم يبه
محمد يقول تبيني

ابو محمد بفرحه: اي والله ابيتس بموضوع

ام سميره بسخريه: اي موضوع أنت مخلص الموضوع كله
ابو محمد بحده: أنتِ ي أم البنات اقطعي
واسكتي ولا تدخلي بشيء مالتس به وخليتس في بناتس بس
شمسه يوم قال تسذا خفت وقلبي وقف بلعت ريقي يوم طالعني وقال :يبه رجلتس يقول وشهوله جالسه هنا وهو ردتس له وفعلاً له الحق يعتب علينا بذمته وجالسه هنا والحين قلت له يأخذتس معه

طالعته بصدمه : وشلون بيأخذني معه بيته
تسذا

ابو محمد بحده:وش تبين ان شاءالله عرس وهو صار لتس لاتنسين ويعبتر الحين يردتس له بس
ولا تبين الناس يقولون مشفوحة عرس ذي البنيه

شمسه عضت شفتها بقهر:يردني له ماقصر والله
والعرس مابيه يكفي النفس عافت كل شيء بعد سوات ولد اخوك والناس ماهموني يبه تراهم بعد قالوا ردها بأول لليله لها معاه ولا حشم بنت عمه
حتى لو شاف فيها اللي مايسر

ابو محمد قاطعها بحده وعصبيه : ي بنت احشمي
وانسي ذا الكلام الفاضي ويالله تجهزي يحتريس بالسياره تراني راعيتس بمافيه الكفايه وقلنا لتس ذي السالفه انتهت واعتبريه تسنها خطبتس من جديد

شمس بوجع : انسى تسذا يعني السالفه سهله لهااالدرجه يبه مانسيت تناسيت ومثلت عليكم أني ناسيه بس أنا موجوعه حدي وقول لولد أخوك لا يحتريني يروح لأنك أنت يبه أكثر وأحد تدري بحالة أمي مقدر اخليها وهي بذي الحاله

ابو محمد بعصبيه:امتس من يومها مريضه
والله العالم متى تصح نعطل الرجال ليه وبعدين خالتس أم محمد وأم سميره مايقصرن لا تعتذري بها ويالله عواد صبره نفذ وهو ينتظر ذا اليوم عيب عليتس أحشمس الرجآل واحشمي كلمتي بين الرجآجيل يوم قلت ماتسري الليله إلا هي معك

شميه
آه ماضيعنا إلا كلامك قدام الرجآجيل ..وناسي مشاعرنا وحالنا ..وش يصير فينا بعد كلمتك والوعوود اللي تمدح بها بوسط مجلسك
طالعت زوجته ام محمد ..الحين ذي تحط عينها
من أمي ..لا والله ..طالعت خالتي أمي سميره
شفتها تترجاني بعيونها ..اطلع بدون مرادد
قلت بقهر وأنا اطالع أبوي: ليه يبه تسذا كل مره
ترخص وحده فينا

ابو محمد بعصبيه وقف وقابلها: الحين انا رخصتس
يوم ابي اطمن عليتس عند عواد

شمسه بخوف منه ومن عصبيته : يبه أمي وشلون اخيلها وبعدين لاتخاف عواد انا بكلمه واقدر اقنعه

ابو محمد بحده :قلتس اعطيت الرجآل كلمه قدام الرجاجيل وسط مجلسي وخلاص يالله خذي عباتس
واطلعي له واغراضتس بكره توصلتس لما عندتس

شمسه
قلتها والله ..لو صارت ذي العزيمه بمجلس أبوي ادري وقتها ان فيه وحده بيرخصها فينا ...
قلت بأخر أمل عندي: يبه بذات ذي الليله مقدر اخلي أمي تكفى يبه أعتذره وأنا بنفسي وقت ماشوف أمي احسن بكلمه يجي لي

ابو محمد بعصبيه: على كيفنا الرجال هوو اقولتس روحي البسي عباتس وتسهلي معه
وخالاتس مايقصرون

ام سميره بسرعه وقفت وقربت من شمسه وهمست لها: مايفيد يمه روحي قبل تشين أكثر

شمسه حست بحقد على ابوها قالت بقهر: بروح يبه بس والله لو صار لأمي شيء يبه ماراح اسامحك لأنت ولا ولد أخوك

ابو محمد أشر بدون مبالاة :مايصير لها شيء ان شاءالله وان صار مكتوب وش بيدنا حنا

أم سميره مسكت يدها وأخذتها للغرفه

شمسه وهي تصيح : ليه عواد وابوي كذا مايحسون في ذي المسكينه وهي تأشر على أمها وشلون اخليها بالله

ام سميره وهي تهدي عليها: يمه والله اني عندها وببات عندها بعد تطمني وماراح افارقها إلا يوم تجي تطمني يمه والله انها بقلبي وتعرفي غلاها

شمسه
يالله مافيها تروح وتخليها ..حرام عليهم ليه
مايحسوون ..طالعت خالتها تبي حل ..بس عارفه
انها مغلوبه أكثر منها..
ام سميره وهي تفتح الدولاب : يمه خلينا نجهز اغراضتس اللي تحتاجيها الليله والبسي عباتس قبل يجي ابوتس ويحوسنا ويقلق راحة هالمريضه معنا

شمسه
مسحت دموعها ..وتحركت صوب الدولاب
وفتحته أخذت لها لبسين ماتدري ايش بالضبط مأخذه قفلت الشنطه ..وهي بالها بعيد ..وشلون تقدر تخليها وشلون ..قربت من أمها وهي تصيح ..بدون صوت ماتبيها تحس بحزنها ...همست لها ..من الفجر يمه
بكون عندتس وهم اللي حدوني على فارقتس ذي الليله سلمت عليها أكثر من مره ..وهي تستنشق ريحتها اللي تريح قلبها ... طالعت خالتها وقالت بغصه: وشلون اخليها وهي بذي الحاله

ام سميره : ماعليه يمه وعواد به خير ماراح يمنعتس منها

شمسه هزت رأسها بدون صوت ..وش تقدر
تسوي ..خلاص أبوها قال كلمه وحكم وعارفه
اي قرار يقوله يعني انتهى مابه حتى جدال بالموضوع ..لبست العبايه وطلعت وعينها
من امها ..قلبها مايطاوعها تخليها ..بس مالها
حيله حكم القوي ...طالعت خالتها الي تمشي معاها همست لها: تكفين ي خاله ماتخليها
ولا تخلي أم محمد تقربها مااضمنها أبد

ام سمير :ولا يهمتس يمه والله اني بحطها بعيوني خليتس واثقه وطمني قلبتس ولا اوصيتس على عواد خليتس حليمه معه ..عشان مصلحتس يمه
تراه من نوعية أبوتس قاسي ولا يرحم ليني معه يلين لو قسيتي مافي حد بيروح فيها غيرتس

شمسه ابتسمت بحزن ..اي والله ي خاله
مافي حد مجربه مثلي ... ولا بعد ابشرتس ذا تعدا أبوي بمراحل بعد ... سويت غطاي ...وطلعت له
تلفت ادور أبوي ماشفته قدامي ..غريبه
دايم يوصل الضحيه لما السياره وش اللي تغير
الحين ..هاااه لا تنسين ي شمسه انتس ماهو عروس ..الحين الرجال مطلقتس ورادتس لعصمته
.. همست لخالتي الي مافارقتني للباب الخارجي :استخسر فيني طلعته معي بعد

ام سميره بقهر وهي تأخذ الشنطه الصغيره منها : ربي فكتس منه وطالعت محمد اللي مشغول بكورته يمه محمد تعال ساعدها

شمسه بهمس: ماله داعي يمه أنا بنفسي بأخذها
وسكت يوم شفت محمد جاء يركض وحمل الشنطه وقف مقابلتي وقال :الحين ماتبي تروحي معه
ترى بقوله واخليه يروح وبخبيتس بالسرداب وراء البيت وأبوي ماراح يدري وبجيب لتس أكل بعد عشان ماتموتي من الجوع

شمسه هم يضحك وهم يبكي أشرت له يمشي هو وهالخطه الفاشله قلت بغصه:ليت فعلاً تكون سهلات مثل ماتصور ي محمد

محمد بحماس: بس ليه تصيحي وماتبي عواد وهو عنده موتر اخخخ والله انه يفرح القلب

شمسه صغرت عيونها بقهر : توك بتخلصني منه والحين جالس تعطيني وش عنده

محمد مسك يدها وقال :امتس بجلس عندها
ولو تعبت بجي لتس ركض اخبرتس

شمسه فرحت من قلبي يوم قال تسذا حسيت بشيء اسعدني حيل مسكته من عند كتوفه ونزلت نفسي شوي وبسته على رأسها وأنا أهمس: والله انك سندي بهالدنيا فديتك والله وعارفه ماراح تقصر بتجلس مع أمي بغيابي وماتقصر عارفه وش مخليه أنا

محمد وهو مبسوط : حتى لو أمي رفضت بجلس عندها وعد

شمسه ابتسمت بحزن امك آه من أمك ذي غاسله عقل أبوي ومعميته عن البيت كله قلت بصدق: تصدق وش الحسنه الوحيده اللي طلعت من أمك ي محمد

محمد بحماس : وشهوو

شمسه ضمته بحنان: أنت ي بعد هلي

محمد فرح من قلب سلم عليها وقال :تكفين خلي عواد يلف بي دوره

شمسه كشرت : محمد امش ي قلبي امش
وطلعت شافته بسيارته جالس ..تكره غروره
وتكبره وعجرفته ..وتوقعت أقل شيء ينزل ويستقبلها بس أبد مانزل
ولا عبرها ..الله يسامحك يبه ..طالعت محمد اللي دق دريشته وقال: انزل خذا الشنطه مني

عواد فتح الدريشه وطالع الشنطه الصغيره الي بيده وقال ببرود:ركبها وراء

شمسه ودي ارجع والله واللي فيها فيها
..تذكرت كلام خالتي ..تعوذت من ابليس أخذت الشنطه من يد محمد وفتحت الباب الخلفي
وحطيت الشنطه وركبت جنبها وقلت بهمس:انتبه لأمي ي محمد مثل ماوعدتني

محمد وعينه على العيال :ابشري الحين اروح لها على طول

شمسه همست له: مشكور حبيبي وقفلت الباب

بحده وهو يطالع في المرايه الأماميه :مكانتس والله

شمسه حسيت بقهر ...طنشته وأنا اطالع محمد اللي راح يركض ...للعيال المتجميعن قدام بيت ابو سند ... عضيت شفتي اخخخ ياربي توه وعدني يروح لها على طول ...

وشلون تدخل البيت ..اللي طلعت منه أول
لليله لها معاه..آه كل ماتذكر وشلون مرت عليها ...هزت رأسها وهي تبعد احداثها ايه
هي وعدت اصايل وخالتها وبعد نفسها
تنسى ..ماتبي حالة الانهيار ترجع لها ..طالعته
يوم فتح باب السياره وقال بجمود :ياليت قبل ندخل البيت ماتحسسي أمي أنتس متضايقه برجعتس لي

شمسه عضيت شفتي بقهر عارف بعد اني
متضايقه وعادي عنده ..قلت بهمس :ان شاءالله

نزلت وأنا أحمل شنطتي بس طالعته يوم أخذها
مني ..ومشى قدامي ..تحركت وأنا متردده
احس بضيقه بقلبي ..من دخلتي لذا البيت مرتن ثانيه ..من يومها مادخلته أبد..طالعت جهة
بيتنا اللي ماهو بعيد ..وقلبي عند أمي ..
يالله وشلون طاوعتهم ..ومشيت معاهم ليه
مارفضت ..وين تقدري ترفضي ي شمسه مدام
ابومحمد وعواد حكموا ..دخلت وراه البيت
شفت حياة وأمه قدامي ترحب ..قربت منها
وسلمت عليها بحب ..ذي أخت أمي ..
ومافي حد يعزها مثلها ..همست لها :وشلونتس
ي خاله

ام عواد بفرحه :هلا يمه وبخير مدام اشوفتس رجعتي نورتي بيتس

شمسه نزلت نظري لرجولها وقلت بشفقه :وشلونها رجولتس يمه ان شاءالله أحسن

ام عواد وهي مبتسمه : أحسن يمه

شمسه ابتسمت لها بحب: يجعل العافيه قدامتس ي الغاليه

ام عواد طالعت حياة : قهوي مرة اخوتس

حياة :أول شيء اسلم عليها من وقت ماجت ماعطيتنا يمه فرصه نسلم على مرة عواد قربت منها وسلمت عليها ..
وبعدها أخذت الدله وصبت القهوه ورفعت لها
الفنجان وهي ترحب فيها: حيا الله اللي نورت بيتنا وطالعت عواد وبسخريه ونورت أكثر قلي اخونا العود

شمسه مديت يدي وأخذت الفنجان منها
وجت عيني بعين عواد ..اللي عقد حواجبه وشكله ماعجبه كلام أخته ..قلت بهدوء ظاهري :الله يحيتس منور بوجود أهله

حياة وهي ترفع صوتها: ريم ريم تعالي شمسه
أخيراً اخوتس وافق يردها اف ماهو يمنا هي وابتسام طاحين حب في ذا البزر جابته

شمسه حسيت بقهر من كلمتها ..وش ذي بعد
أخيراً وافق يردها ..طالعته حسيت ابتسامه مسفتزه ارتسمت على وجهه قلت بقهر: كثر الله خيره والله

حياة وهي تضحك بصوت عالي مستفز: علامتس
ي شمسه قلبتي ترى كلها مزوح وهرجن ضايع
لا تصغري عقلتس حيل

ام عواد بحده: حياة يمه دقي على منصور يأخذتس

حياة : افااا يمه من شوي تقولين أمسي عندي

ام عواد طالعت شمسه :خلاص جت بنتي الثانيه
مالي عازه بتس

شمسه مسكت يدها بحب: ابشري والله اخدمتس بعيوني يمه والله انتس عندي بغلاة ام شمسه

عواد وقف وقال بسخريه:اسف يمه الليله ماراح تستفيدي من خدمة شمسه باكر وخير

ام عواد وهي فرحانه :حلالك يمه خذها والله يعين شكلي برجع لحياة هههه

حياة: شفتي يمه مالتس غيري وطالعت
عواد بضحكه خذها وليله سعيده ي عرسان
اخخخ احسني مغبره يوم قلتها

عواد ضحك بصوت عالي : ههههههه

شمسه
حسيت بقهر من سخافتهم الاثنين ..ياربي
نفس الحكايه ..احسها تنعاد .. مدام حياة
قريبه هالشكل من عواد ..ماراح اقدر اعيش
معه ..ولا هو بعد ...اكره علاقتهم مع بعض
بذات سخافتهم لابدو ..والقهر وين ان حياة
مسيطره على البيت كله..يعني عواد على قوة
شخصيته قدام الرجاجيل وبعد على خواته الباقين
بس عند حياة لا لا لا يتحول ..ويمشي مع ثقالة
دمها .. سحبت يدي منه يوم وصلنا شقتنا ..فتح الباب وشرعه وقال بسخريه: ودي أقولتس تفضلي ي عروس بس على قول حياة مغبره هااالكلمه

كشرت وأنا ناقده على هرجه ..حسيت بتردد قبل أدخل ونفسي صاكه علي وضيقه ماهي طبعيه احس احداث هذيك الليله كلها تنعاد ..تعوذت من ابليس ودخلت.. بس انصدمت من
التغير الجذري اللي صار فيها..كانت شقه صغير
مره قبل اللحين صارت كبيره حيل ..والصاله فخمه
حيل ..حسيت أني مضيعه ..ماهي نفس شقتي
اللي قبل ..جلست على أول كنبه صادفتني وقلت
بدون حس:كل شيء تغير

عواد بسخريه: إلا أنا

شمسه طالعته وقلت :في ذي صادق

عواد رفع عينه للديكور الجبسي وقال : ان شاءالله عجبتس ذوقي فتحت الشقتين على بعض ..وسويت درج و باب خارجي بعد كان طلب اللي خاطبها طبعاً يكون شيء مستقل فيها .. بس ماكتب ربي نصيب بس الله يجيب خير والعمر قدام ان شاءالله
وش ورانا نجرب حظنا مره ثانية

شمسه
كان خاطب ي عواد وذي الديكورات كلها لها من متى ماسمعت بهالشيء أبد ...قلت بسخريه : مع الأسف حظك دايم سيء

عواد بقهر :اي والله وأكبر دليل اسمتس جنب أسمي
شفتي مثل تسذا حظ بس الله كريم قادر يعوضني ويزين حظي ان شاءالله

شمسه عضيت شفتي ..سليط لسان من يومه .. وقفت وقلت بغصه:ايت غرفه بتكون غرفتي

عواد أشر بدون مبالاة : خذي الغرفه اللي تريحتس ماعندي مشكله وجودتس ووجود ذي الكنبه وأحد وقف واعطاها ظهره ودخل غرفة النوم وهو معصب حده ..كل مايجي يوجعها توجعه ...آه ي شمسه ..متى أقدر انسى جرحتس لي ..

جدة
''
قال بأسف وهو يرفع جواله :معليش لازم افتحه عشان شغلي كذا بيتعطل واليوم
لازم أكلم موكلي ولا تخافي خلاص أمك ماراح تدق
وتعصب عليك بشيء ومثل ماوضحنا لهم حنا برا الديره

الشموخ ابتسمت مجامله :خذ رأحتك والله يوفقك بشغلك ميلت فمي بسخريه حلوو افتحه ..عشان أنا انفذ ..خطتي بعد وانفك من خشتك ذي الي دبلت سبدي ... شافته وقف ..وراح لغرفة النوم ..سحبت صحن المكسرات ..وأخذته منه ..وهي تفكر لازم تسوي شيء قبل يرجع يقفل جواله ..طالعته يوم طلع من الغرفه وسحب الريموت ..ورفع على صوت المباراة ..حسته مندمج مع فريقه ..وقفت بتوتر ودخلت غرفة النوم ..ذي فرصتها تنفذ خطتها
...أخذت الشنطه وطلعت ..جوالها وفتحه ودخلت فيه رقمها السري ..وفتح معاها ..هالرقم عندها جديد ولا فيه مخلوق يعرفه ...حتى أهلها ..عينها على الباب ..خايفه يدخل ..عليها بأي لحظه ..
أفضل شيء تدخل الحمام الله يكرمكم ..يكون أفضل وتأخذ رأحتها أكثر ..بسرعه دقت رقمه بتوتر
..حست بقلبها يدق بسرعه خايفه من هاللي تسويه
بس ماعندها غير ذا الحل ..رد عليها من ثالث رنه
: الوو
قالت بتوتر وهي مغيره صوتها ومنعمته بزياده
وشوي مقفله على خشمها بفاين عشان يتغير الصوت شوي :الوو عناد

عناد عقد حواجبه :ايوه مين معي

الشموخ بخوف وهي تطالع باب الحمام وتحاول تقصر صوتها :امم مو لازم تعرف بس اللي اقوله لك ليه كذا تحرم اثنين يحبون بعض

عناد بحده : وش ذا الكلام ي بنت الناس وبعدين مين أنتِ

الشموخ قاطعته بقهر :قلت لك ماهو لازم تعرف بس سلطان بذمتك لو صار له شيء بسبة زواجك من الشموخ ..حرام عليك أنا أكثر وحده عارفة بحب الشموخ وسلطان إلا ماكان تجرأت ودقيت عليك

عناد بعصبيه : الشموخ زوجتي فاهمه والكلام الفاضي تبعك أنتِ وسلطانك اللي مرسلك

الشموخ قاطعته وهي معصبه حدها ذا مايحس مفهي وغبي :ليه رامي حالك عليها وهي ماتبيك وتبي أخوي حرام عليك البنت متفشله منك حتى عرس رفضت تسويه ليه ماهو ناوي تفهم وتبعد ذا الغبار عن مخك المفهي أقولك أخوي يحبها
ويوم رفضها ولد عمها فرح من قلب وهي بعد

عناد بسرعه قفل بوجهاا وهو معصب ..
الشموخ طالعت الجوال يوم قفل ..وهي تسب فيه بدون صوت ..بسرعه قفلت الجوال ..وخبته وطلعت من الحمام ..وهي تشوف الغرفه فاضيه رجعت الجوال مكانه ..وهي مقهوره
ياربي على عديم الكرامه اللي عندي ..سوت شعرها
زين وحطت روج وكحل ..عشان شوي تخفف من التوتر ..رفعت عينها للسقف يالله سامحني بس مابيه والنفس رأفضه تتقبله أخذت العطر ورشت منه شوي وطلعت
له ..شافته يطالع الأرض وهو ماسك الجوال بيده وشكله معصب حده من مسكته للجوال حلوو هذا المطلوب ان شاءالله يقولها بسرعها ويريحني والليله اصير حره ..
جلست جنبه وقلت بتوتر وخوف لا يكشفني : مين تكلم صوتك واصل للغرفه عسى ماشر لا يكون شغلك به شيء وبوزت بدلع افف منك ليه فتحته أكيد الحين يبونك ترد الرياض عناد تونا جاينن

عناد طالعها وهو باله بعيد مع ذي اللي كلمته
حرقت قلبه ..وجعته حيل ..قال بتهرب :لا لا تطمني
ماراح اردك إلا لما بنفسك تقولين

الشموخ مسكت يده وقالت بخبث : طيب ايش فيك كذا منفس لا يكون طفشت مني بعد وحنا مالنا غير ايام مع بعض

عناد ابتسم بحزن عليها هي مالها ذنب..هذي أكيد
وحده بتخرب بينهم ..بس فيه شيء بالموضوع
يعني فجاءة رفضت العرس ..معقول فعلاً مثل
ماقالت انها متفشله ..مني ..طيب ايش دخل
العرس عشان تكنسله ..في تفشيلها مني ..هز رأسه
لا لا كلامها مخربط ولا يدخل العقل ليه انكد عليها
وعلى نفسي ..بكبر عقلي وبخلي ذي التفاهات
طالعها يوم قالت :عناد مطول ساكت

عناد مسك يدها وقال : سولفي اسمعك

الشموخ حست بتوتر وسحبت يدها منه بقهر وقالت :أنت سولف قولي كيف حياتك قبل

عناد زفر بضيق : تصدقين لو قلتك اني في هالدنيا مافرحت إلا قليل ..

الشموخ عقدت حواجبها: وشلون يعني اللي اعرفه انك مدلع عند عمي بعد يغليك أكثر من مصعب يوم ذكرت أسمه حست بشيء وجعها بقلبها
نزلت عينها عنه ماتبيه يحس عليها .

عناد هز رأسه: عمي صقر ماقصر معي ..
وجمايله مانساها بس قبل أمي تزوجه اخخ شفت العذاب اللون من زوج أمي الثاني

الشموخ بسخريه : اففف الجوهره ذي قلبها مطار كم خذت من الرجاجيل وحطت يدها على فمها سوري

عناد طالعها بعتب وقال : أخذت أبوي وبعدها اللي مافيه خير والثالث عمي صقر الله يطول بعمره

الشموخ
حست بطفش ماتبي هالسالفه ..تبيه يعصب
يسألها ..يشك فيها .. يقولها أخته قالت
كذا وكذا ...وقبل كل شيء يسأل مين سلطان ومين أخته ذي اللي تعرف عنها كل شيء وايش بينهم
شكل خطتها فشلت ..بس هين ..وراك ي عديم الكرامه وقفت بطفش وهي تتصنع النوم ... لفت له وقالت : ليت ترجع تقفل جوالك ومشت وهي تسب فيه بدون صوت

رفض النوم يجيه ..تقلب وتقلب ..ماقدر
حس انه جوعان ..ابعد المفرش ..وقف وطلع للصاله ..شاف المصيبه نايمه على الكنبه
وفاتحه فمها بعد ..وشخيرها واصل للعماره الثانيه
طالع الأكل.. على الطاوله مرمي ..قدامها بشكل فوضوي ..كشر بقرف ..وهو يهز رأسها بحسره
على حاله ..دخل المطبخ ..دور بعيونه لوجبته ..ماحصلها ..يتذكر انه جاب وحده لها وحده له..طيب وين حقته صغر عيونه بقهر..بلعتها الثنتين ..رفع يده لشعره ورجعه على وراء بقهر ..وحط يده الثانيه
على خصره يفكر وش يأكل الحين ..طالع الاغراض
اللي جابها ..مافي شيء جاهز ماغير عصير
واجبان وخبز وهو ماله نفس ..بذا الأكل وده
بوجبه دسمه ..ابتسم بخبث ..ليه مايقلق نومها
ويخليها تقوم تطبخ ويستفيد من جلستها
بدل ماهي ..جالسه عله على قلبه ..طلع من المطبخوقرب من كنبتها اللي نايمه عليها..عقد حواجبه
وهو يسمعها تتمتم بكلام ولا فهم شيء منه..
ياربي حتى وهي نايمه ..تبدع وتألف ..بالحكي ..
قال بقهر وهو يرفع صوته عشان تصحى : قومي سوي شيء أكله صغر عيونه
يوم ماطاعت تصحى قرب منها ومد يده بقرف
ولمس يدها يصحيها من بعيد :شدن
نفس الحكايه ماصحت ولا هي ناويه أبد

حركها بقوه وقال بصوت مرتفع أكثر: لمتى بالله اجلس اصحي فيش

شدن فتحت عينها شافته قدامها ابتعدت نهايه الكنبه وهي مفزوعه ..

ياسر بعصبيه أشر على الطاوله: بالعه الأكل كله قومي عوضيني عن وجبتي يالله وهو يأشر على المطبخ

شدن ماهي مستوعبه وش يقول النوم لاعب فيها
قالت بصوت ثقيل من النوم :وش اعوضك فيه

ياسر عض شفه بقهر:سوي شيء أكله ميت جوع وبقهر ليه مأكله العشاء كله وش البطن اللي عليش وهو يطالعها ليت يبان بس

شدن بلعت ريقها وش اطبخ له ماعرف اطبخ
ودايم أكلها مره يشيط ومره يعجن ومره ينكب
ولا حد يقدر يبلعه قالت وهي تمثل انها تعرف تطبخ : مع الأسف مافي أغراض لللطبخ ليت جبت
معك وكان رأح تنسى أكل المطاعم اللي تعودت عليه

ياسر صغر عيونه بقهر من ثقتها الزايده :الاغراض موجوده بالمطبخ وقومي خلينا نشوف شطارتش

شدن افف ياربي بنام قلت بعذر اتفهه من الأول : شفت الأغراض اللي جبتها

ياسر عض شقته بقهر وتكتف : ايوه ايش فيها

شدن : كلها ماتصلح للطبخ

ياسر بعصبيه قرب منها ومسكها من شعرها: لا ي روح أمش ماتصلح وش اللي يصلح عاد

شدن بألم تمسك يده تبعدها عن شعرها :ليه ماعندك اسلوب ثاني غير ذا الأسلوب

ياسر بقهر مشاها للجهة المطبخ ودفها وقال بعصبيه :اطبخي ساكته وياويلش يطلع ماهو حلوو
وطلع من المطبخ وهو يدعي عليها

شدن مسكت شعرها بألم وهي تدعي عليه لحقته للصاله وقالت بقهر: ايوه لو عفاف كان سريت أخذت من المطاعم اللي كان غداك وعشاك منها

ياسر صرخ بقهر:ايوه بعد طلعي اشعه ثانيه بعد
وبصرخه اعلى مين قالش انها ماتطبخ لي كان وأكلي من المطاعم

شدن بسرعه : أمك قالت واسالها لو ماهو مصدقني
دايم تحكي كذا قدامنا

ياسر دور شيء يرميها فيه قهرته هالبنت
بس بسرعه شردت للمطبخ زفرت بقهر
وش تطبخ له ..فتشت الاغراض اللي جابها
فتحت خشتها بوناسه يوم شافت جبن وخبز
بسرعه أخذت كاسة الجبن والخبز ..وفتحت الدرفه وأخذت صنيه حتى ماغسلتها حطت بها الخبز
والجبن
وفتحت الثلاجه بطريقها وطلعت عصير وحطته جنبهم وطلعت وهي واثقه انها
حصلت شيء يأكله : تفضل

ياسر طالعها مصدوم : وش ذي الطبخه السريعه

شدن بفخر:قول بسم الله علي لا تحسدني اف أنا ناقصه حسد ونزلت الصنيه قدامه على الطاوله بس رجعت رفعتها يوم صرخ بعصبيه: وش ذا

شدن طالعت الأكل : أنت قلت جوعان وهذني جبت لك أكل هذا جزاي

ياسر بغى يموت نزل رأسه وحطه بين يدينه مايدري وش يسوي فيها..تعب من كثر مايضربها ..وهي رافضه تفهم ..زفر بعجز وقرب منه الطاوله
وسم بالله وبدأ يأكل ..طالعها بنص عين تطالعه
حس بقهر ..وش مجلسها قال بعصبيه:يوم اجلس
بمكان ياليت تنقلعي منه

شدن رفعت يدها وهي تتثاوب: لاتنسى انا مادخلت غرفتك أنت اللي جيت لمكاني ياليت أنت تفارق
وايه على فكره بقولك شيء ترى حرام اللي تسويه
خلاص عفاف صارت محرمه عليك لو ناسي ترى حبيت أذكرك

ياسر غص باللقمه وصرخ بقهر:وش دخلش باللي بيني وبين عفاف

شدن وقفت بخوف قالت تبرر: هذا جزاي مابي يطولكم أثم ويالله الحين أبد احسب عشان تتأكد بنفسك ان العده انتهت وقلت اذكرك واذكرها مفروض تشكروني أنت وهي عشان خايفه عليكم من هالذنب العظيم ...

ياسر صرخ بعصبيه عشان تسكت وقف ونزل نفسه لها ومسك فكها بقوه وشد عليها وقال وهو صاك على سنونه : مافي أ حد طلب نصيحه منش فاهمه وكم مره أقولش لا تحشري حالش فينا رفع صوته أكثر وبتهديد والله ي شدن لو بديتي في استباهلش معي اذبحش ودف رأسها بقوه حسي على دمش وفكيني منش الله يأخذ عقلش ودخل غرفة النوم وقفل الباب بقوه

شدن
مسكت فمها بألم ..حسبي الله عليه هذا جزاتي مابي احمله ذنب هو والهبله اقصد الابله عفاف
دفيت الطاوله ..شوي وتمددت على الكنبه أفضل شيء أكمل نومي الله يقلقه مثل مااقلق نومتي .....

اليوم الثاني
•
من الصبح مسنتره بالصاله...تنتظر حضرة
الجوهرة اليوم لازم تشوفها وتتفاهم معاها ..فزت وأقفه يوم شافتها ..طالعه
من غرفتها وهي لابسه ..العبايه ميلت فمها
بسخريه ..ماعندها وقت ..بس خارجه
قربت منها وقالت بقهر: اخيراً شفتس

الجوهرة وهي تقفل عباتها قالت وهي مبتسمه
: ي عمــري منتظرتني عسى ماشـر

اصايل قربت منها وقالت بقهر :ممكن اعرف كيف
استغفلتيني ودخلتي غرفــي

الجوهرة ضحكت بصوت عالي مستفز :هههههه
اللحين ي قلبي معطلتني عشـان تسأليني هالسؤال
ورفعت يدها تأشر على البيت يكون بعلمـك
ان ذا البيـت كله لي ..يعني ادخل المكان اللي ابي
بدون ماستغفل أحد أو استئذن من أحد ورفعت
جوالهـا يوم رن ..الله يسامـحك عطلتيني ورفعت يدها باي

اصايل
واقفه قدامها ..مصدومـه ..ماتوقعتها بهذي
الجراءة الحين بدت تصدق ..مصعب ..في اللي يقوله جلست على الكنبه ..وهي تفـكر وشلون تتفاهم مع مصعب ..لو طلع ...ابتسمت بسخريه شكل ماوراه طلعه ...مــدام عقرب الرمل هاذي
ورا.. السالفه وقفت ورحت المطبخ ...وأنا ناويه احقق مع خدامتها ...لأني متـاكد ..انها هي اللي دخلـت غرفتي بغيابي .. يوم رحنا لسوسو
قلت بقهر :سونا تعالي
سونا قربت منها وهي مرتبكه : نعم مدام

اصايل وهي تقصر صوتها :بسألتس كيف أخذتي السي دي

سونا بتوتر :مافي أخذ أنا يالله روح قبل ادق على ماما

اصايل عضت شفتها بقهر:بعد تهددي
هين والله لا أخذه من عيونتس وعيونها
وتحركت وهي معصبه حدها ..وقفت مصدومه
وهي تشوف ..مصعب ..معطيها ظهره وطالع
الدرج ..بسرعه رجعت للمطبخ ...وهي ماسكه
على قلبها اللي بيوقف..متى طلع وكيف طلع
طالعت سونا وقالت بقهر: حسبـي الله عليتس
مثل ماوهقتـني أنتِ والخبيثه اللي مشغلتس معاها
عضت شفتها تفكر اشلون تقابله ..معطيها مهله
والحين طلع قبل تسوي شيء هزت رأسها مافيـها ترجع تعيش بنكد معاه ..بذنت مالـها فيه ...قوت نفسها وطلعت للصاله ..وجلست ..غبيه لو تطلع له برجولـها خليه يهدا وبعدين ...تقدر تقابله
بس مصيرها تلقاه ..لمتـى يعني بتجلـس هنا شافت أبوه داخل من الباب همست : ي سلام كملت والله ..

ابو مصعب طالعها وقال بحده: قولي له هالمـره
عشان الرجاجيل اللي جلسوا بمجلسي
المره الثـانيه بيعفن بالسجن والله ماله حد عندي قدر عاد

اصايل رفعت يدي وأنا أشر لفوق :روح له وقوله هالكلام بنفسك لا تدخلني بينك وبينه يكفي
خلاص

ابو مصعب بعصبيه:لا لا ماغيرك يلف رأسه

اصايل ميلت فمها وهمست :ليته دندول مثلك كان يمكن مرتاحه اخخ بس على حظي

ابو مصعب قال بقهر : وش تطرطنين به

اصايل ابتسمت لها مجامله :سلامتك وقلت وأنا ابي الفكه من حنته على رأسي خلاص لو قدرت بقوله اللي قلت لي عنه ولا يهمك

ابو مصعب قال بقهر: ودي اعرف وش مصبرك عليه لايكون ابوك ناوي على ولدي وعندكم شيء عنده
وناوين تتمصلحن منه

اصايل يالله بدأ يفلم هالشايب على رأسي الحين قلت بقهر:وش عنده ولدك حافي منتف لا قد شفت له دخل شهري ولا شفت له وظيفه يروح لها على وشهوو ي حسره بنطمع

ابو مصعب بقهر من طولة لسانها:مايحتاج الوظيفه
الخير كله ذا له ويأمر عليه

اصايل بسخريه :تصدق من شوي قايله مرتك ان هالخير كلها لها حيرتوني صراحه

ابو مصعب رفع يده بتوتر : يالله يالله بس روحي لرجلك وفكينا وقولي له اللي قلت لك عليه لا تنسين

اصايل حسيته ارتبك ..ليه طيب ..طنشته وقفت
مقابلة مصعب افضل من ذا الشايب المغرور
سميت بالله ورقيت الدرج ..حسيت بتردد بدخولي
للغرفه ...جلست واقفه قدام الباب ..متردده
قفلت عيوني وأنا اتذكر اليـومين الحلوه الي عشتها
معاه ..ابتعدت مصدومه يوم انفتح ...الباب بوجهي
لا لا لا ...ذا شكله يراقبني وشلون عرف بوجودي ..بس حسيت باللي يسحبني بيدي ويدخلني الغرفه ويقفل الباب ...طالعته بخوف ودي ابرر له بس ماقدرت ..لساني اللي من شوي ارتبط

ميل فمه بسخريه:وش ذي الصدفه الغريبه
اطلع ادورك الاقيك قدام باب الغرفة يالله هونتي علي نزول الدرج

اصايل بلعت ريقي بخوف ..اكره يوم يتكلم كذا
قلت بتبرير:كنت بالمطبخ ومادريت عن وجودك
حسيته ماصدقني قلت بغباء متى طلعت

مصعب رفع يده وطالع ساعته وقال بسخريه :اممم بالضبط لي يمكن نص ساعه

اصايل بتمثيل وهي مرتبكه: افف نص ساعه وأنا ماادري

مصعب ميل فمه وهمس : متأكده ماتدري

اصايل هزت رأسها بدون صوت

مصعب ابتسم بسخريه:ايوه صح شكلي شبهت
على اللي طلعت من المطبخ وانا طالع الدرج

صايل عضيت شفتي وشلون شافني أفضل شيء اسكت ولا اهببب زيادة ..وأنا مكشوفه حدي

مصعب سحبها بعنف وقربها منه : لمتى ناويه
تتهربي مني كان

اصايل بألم وهي تحاول تمسك يده وتبعدها عنها
قالت بصدق : مصعب أنا مالي دخل باللي يصير بينكم
مصعب صرخ بعصبيه: كيف قدرت تدخل وأنتِ موجوده ودي أعرف

اصايل اخ وش تقوله انها طلعت معاها واستغلت
عدم وجودها ورسلت الخدامه بغيابها قالت بكذب
:شكلي وأنا مشغوله بالمطبخ تدري ماحب أكل من يد الخدم وشكلي لهيت بالطبخ وهي أخذت راحتها

مصعب بهمس يرعب:لهيتي بالمطبخ يعني
مالهيتي بمشوار معاها هنا ولا هنا

اصايل طالعته بصدمه وهي تحاول تفك نفسها منه ..خايفه حيل يعني كاشفها من مبطي ولا قال لها ..هزت رأسها وهي تحاول تكذب اللي يقوله
وبتوتر بان بصوتها:وين رحت مشوار الله يهداك
بس تتخيل وتحط علي أنت وأبوك ايه بقولك أبوك يقول هذي أخر مره بس حطت يدها على فمها من قوة الكف اللي جاها .وبصرخته اللي خلت كل
شيء بجسمها يرجف:لمتى ناويه تكملي بمشوار كذبك معي ..ي حشره أنا مافي حد يقدر يستغفلني ويلعب علي وتجي وحده أخذتها ببخس التراب
تجي تكذب وتلف وتدور ودفها بقوه وهو يصرخ
جهزي شنطتك وبردك لأبوك لا بارك الله فيك ولا فيه

اصايل صرخت بألم يوم ظهرها ارتطم بالتسريحه
..حست بشيء قسمها ..شطرين ..نزلت رأسها وسندت بيدها على التسريحه وهي تحس بالم
فضيع ..بس تحاملت على نفسها ..ولا صاحت ولانزلت منها دمعه قالت وهي تحس بوجع:ي زين ماقلت وشنطتي جاهزة وقربت منه وهي تحس بقوه جتها فجاءة تدري ليه جاهزة لأني عارفة أي رجال أخذت شافته بيرد عليها قالت بسرعه وهي تحط يدها على فمه تمنعه يتكلم :تكفى لا تقول شيء يكفي اللي جاء منك وتحركت وهي تطالع
شنطتها اللي بركن الغرفه بس ماقدرت تكمل طريقها لها يوم حست بشيء ضربها بظهرها
قوي ...وشي حار نزل منها ..طالعت تحت بصدمه
وهي تشوف كمية الدم صرخت بخوف:مصعب
وش سويت فيني

مصعب طالعها وبسرعه قرب منها وهو يطالع
الدم عند رجولها ..وبالأرض حس بقلبه بيوقف ..
قال بسرعه:ايش ذا
"""