رواية جيت مابيك تحقرني جيت أبيك تعز شاني الفصل الثاني والثمانون 82 - بقلم r010ee

فتح عينه ..ماشاف أحد بالغرفة ..حس بضيق أكثر من اللي هو فيه ...مهما حاول يوضح زعله من عادل بس وجوده جنبه شي كبير ...ويكذب لو يقول معزته انقصت ...مهما صار بينهم ...بس مايقدر يصفى له بعد خيانته ..وهو كان باقي شعره بس ويقدر ينهي الجوهرة ..وبسبب .. الفصل اللي سواه فيه ..تقوت شوكتها ...تذكر السي دي ...والحادث عض شفته بقهر ... وهو عآرف انه آخر نسخه سلمه بندر وطار بسبة الحادث ..بس عنده أمله انه بين اغراضه اللي طلعوها من السيارة ...وده يقوم على حيله بسرعة ...عشان يقدر يعرف وش صار بالصبط ...
حاول يرفع نفسه شوي كشر بتعب يوم صدره
وجعه وبعد رجله ...مكسوره مايقدر يحركها ...
وده بس لو يقدر يجلس ...زفر بتعب وهمس ..آه يالعافية ..أول ماسمع صوت الباب توقع عادل سكر عيونه مايبي يشوفه ..بس تفأجى بصوتها وهي تقول : والله ي عم شكله على حظنا بس نايم

فتح عينه وطالعها وقال بصوت مبحوح :حد ينام معاكم ومن ازعاج الممرضات ماغير داخلين خارجين

ابتسمت بفرحة وطارت له وهي مطنشه تذمره مسكت يده :وشلونك اليوم

هز رأسه بدون مايتكلم طالع أبوه يوم قرب منه وقال :عساك اليوم احسن

قال بتعب : الحمدلله

نزل نفسه وسلم عليه وقال بحب له : اي والله الحمدلله والله ماهو مصدق اني اشوفك قدامي تحكي وتتحرك وبغصه خفت افقدك يا سندي

مصعب ابتسم بسخرية وقال : كنت تتمنى ذا اليوم لاتنسى

رفع نفسه ومسك يده وشد عليها وقال بغصه :لا تأخذ بكلام وقت الغضب وطالع اصايل وقت ماتبين ترجعي البيت دقي علي وطلع

طالعته بعتب وقالت : حتى بذي الحالة لسانك سليط

رفع يد وأشر على الباب : براااااا

انصدمت بس أخذت نفس وهي تحاول تصبر عليه
طنشت كلمته وسحبت الكنبه وقربت منه وجلست
تطالعه بدون ماتكلم ..رفعت السله وقالت : جبت لك حليب وفيه العشبه المومياء اللي تجبر الكسر
شافته بيعترض قالت لا تخاف مجربة ومعروفه
وتحمل بس طعمها ماعليه اللي يبي العافية يصبر

قال بتعب : مابي شي

قالت مطنشه كلامه : خليت الحليب لك مثل ماتحب بدون سكر كثير حطته على الطاوله بس خله يبرد عشان اقدر اشربك فيه

عرف ان مافي فايده اليوم تفك عنه ..قال بشوق : ليه ماجبتي عادل

ابتسمت على طاريه : صدقني بيطردونا من صياحة

قال بقلق : عند مين مخليته لا يكون عند الزفته

قالت بضيق : مصعب وشلك فيها الحين تسبها

قال بحده : ردي عند مين وخليك من شغل المحاماة

قالت بصبر :عند أمي وأختي

عقد حواجبه وقال : هنا أهلك

قالت بهمس : ايه من يوم الحادث وهم موجودين وهزت رأسها الله لا يعيده من يوم ونزلت دمعتها
وقالت بصدق بغيت أموت خفت عليك

قال بتصريفه وهو يطالع كاسة الحليب :ضروري اشربه

حست فيه شي متغير حيل تذكر قبل الحادث كلمها وش زينه الحين تحسه رجع مثل أول يوم تزوجته
نفس النظرة نفس البرود ...أخذت الحليب وحاولت ترفع رأسه بيدها وتقدر تساعده يشرب بس أخذ منه رشفه وحده حس بألم بصدر وبعد بطنه تقلب عليه مايبي شي قال : مابيه

فتحت عينها بصدمه : ماشربت شيء توك

قال بتعب : قلت لك مابي شي وطعمها ماقدرت ابلعها أستغفرالله

اصايل ابعدت الكوب وقالت بحزن : طيب ليه احسك زعلان مني وماهو طايقني وبعد أبوك زعلته منك وربي كان بينجن عليك لاتقسى عليه مصعب

قاطعها بضيق : لو تبي تبدين اطلعي

يارب الصبر من عندك ..تنهدت وفتحت عينها بصدمه يوم قال:متضايقه من وجودك معي دقي على أبوي

الحين أنا اللي متضايقه من وجودي جنبه ولا هوو بس قلت بصبر : شوي وبدق عليه

أخذ نفس وقال : تعالي ساعديني ارفع نفسي شوي
احس نومتي ذي مضايقتني

قلت بخوف : لا مصعب الدكتور مايبيك تتحرك عشان الكسر الي بضلعتك بس بسرعة وقفت يوم بدأ يتحرك وهو يقول انا اقدر ماهو عاجر

ساعدته شوي بس احسه تألم لأن وجههه حمر قلت بخوف : شفت رجع نزل نفسه وقال بتعب : آه

حسيت قلبي تقطع قلت بخوف وأنا امسك يده : تتوجع

فتح عيونه وطالعني وقال بمكابرة :لا

مسحت دمعتي اللي نزلت وقلت : الحمدلله

طالعني شوي وقال : لاتصحين عشاني ماستاهل ترا

ماقدرت امسك نفسي صحت وأنا اقول : مصعب خايفه عليك موت

شد على يدي وقال :اصايل تبيني اتعب

قاطعته وقلت بسرعة : لا

قالي بسرعة : أجل لا تصيحي

هزيت رأسي ومسحت دموعي وابتسمت له
وقلت : يالله خلاص ماراح اصيح بس قولي الحين وين تحس الوجع

قال بضيق : مافيني شي شوفة عينك تطمني خلاص لا تصيرين كذا ترا ماحب اللي يقلق بزيادة

هزيت رأسي وقلت : ان شاءالله
حسيته انه متضايق حده ويبي يجلس لحاله وقفت وقلت :تبي شي قبل أكلم عمي يجي لي

صد عني وقال : ابي اطلع من هنا

حزنت عليه وقلت : ماعليه بتطلع بس اصبر شوي لما الكسور بس شوي تجبر

طالعني وقال : لا تروحي خليك شوي

انصدمت من طلبه جلست بسرعة وأنا احس بفرحة يعني ماهو متضايق من وجودي بس انصدمت أكثر يوم قال : مدري ليه حاس ان الحادث مدبر

قلت بسرعة : مستحيل مصعب وش ذا الكلام مين بيتسبب لك سرعتك الله يهديك كان بتضيعك
وياما حذرتك منها بس مين يسمع

قال : تسألي مين بيتسبب ترى كثير حاقدين علي وسكت شوي وقال اش معني يوم السي دي يطيح بيدي يصير الحادث

قلت بسرعة : قول استغفر الله مقدر ومكتوب

هز رأسه وقال : استغفر الله والحمدلله

حبيت اسأله اي سي دي يقصد ..تذكرت اللي عندي يخص أمه .. اللي اعرفه قدرت تاخذه الجوهرة منه والحين به سي دي ثاني ودي أسأله بس ماحبيت اتعبه بالحكي قلت وأنا اغير السالفة : وربي عدول نسخه من أبوك حتى قرعته اخخ ماطلع يشبك ولا يشبهني

ابتسم لي ابتسامه حسيت فيها سعادة وتغير موده سبحان الله كان مايبيني احمل بعدت عني هالافكار يوم قال : ليه أبوي ماهو عاجبك

ابتسمت : لا عاجبني وابشرك صرنا اصحاب ذي الفتره

هز رأسه وقال : طيب فيه اغراض لي بالسيارة جابوها البيت وبعد جوالي وينه ليه مافي حد جابه لي لما الحين ولا انتهى بالحادث

قلت : مدري والله بسأل عمي يقول عادل اعطاه كل اغراضك

صد بوجهه وقال بشك : عادل عنده السي دي أجل

زفرت بضيق ردينا لسالفة السي دي افف متى بنخلص صعقت يوم قال : لازم اطلع من هنا ولا عز الله قدرت تأخذه مثل أول مجربه الخاين بيسلمها هوو

هزيت رأسي معترضه : لا لا مصعب تقولها صادق وشلون تطلع شوف حالتك تسيف مجنون أنت

مصعب ببرود : قلتيها مجنون أجل لا تشرهي وروحي بس نادي أبوي خليه يجي يساعدني بطلع

استويت بوقفتي وقلت وأنا ناويه اطلع من عنده ذا يشوفني يستخف ويتدلع : أنا بروح اوكيه

قال بحده : نادي أبوي وبعدها تقلعي

قهرني برده قلت بحده: لو عمي يطاوعك بسلم نفسي أنا لشهار قبل ماتحول له

أشر للباب وقال بحده: مسويه ظريفه حضرتك وأشر للباب يالله نادي أبوي
طلعت شفت عمي بلحاله جالس شفقت عليه
شكل حتى عادل طرده مصعب ماله أثر اليوم .
وبالعادة جالس ..من حقه والله مصعب ينفر اللي حوله غصب ..
قربت منه وقلت بهمس : يبيك الحين تدخل له بس اسمع لا تطاوعه باللي يطلبه

عقد حواجبه وقال : وش يبي

عضت شفتها بقهر وقالت : يبي يطلع تخيل ياعم

فتح عينه بصدمه : وشهوو
وهز رأسه وقال امشي امشي اردك البيت وبعدها ارجع اتفاهم معاه هذا خلاص غسلت يدي منه

خفت اروح وهو ماعنده خبر... همست لعمي وقلت : طيب شوفه أول وبعدها نروح

قال بقهر : هذا أفضل شي تطنشه امشي امشي

طلعت السيارة وهي معصبه منه حده نرفزها
طالعت عمها وقالت : لا يكون بتطاوعه يوم ترد له

هز رأسه وقال بضيق : لا وأفضل شي نخفف زيارتي وزيارتك له

انصدمت وقالت : وشلون نخليه

قاطعها بغصه : أفضل له ولنا

للحين مصدومه من كلام أبوه معقول زعلان ماهو هذا مصعب وهذا طبايعه معاه من زمان ماله حق يزعل وهو يعرف ولده ..بذات ذي الفتره مفروض يتقرب منه ..طالعته يوم قال بصوت مغبون وحزين : ظلمني كثير
بسبة أمه مايدري إنها خاينه وأنا سترت عليها بس ماقدرت الحياة والفرصه اللي اعطيتها هي إلا كان باقي للحين تحب أخوي اللي ظلمته وتبلت عليه عند أخوها اللي كان له أكثر من خويي وفرقت بينهم وبعدها أخوي ماقدر يتحمل الظلم اللي صار له ورفض يملك عليها بس أخوها عسر وهدده بالسلاح بوسط المجلس وقدام الرجاجيل إلا يعقد عليها ..واطريت انقذه واقول أبيها وأخوي طبعاً مافكر إلا بنفسه وقتها وتدبست أنا وهذا انا ادفع ثمن تضحيتي

كنت اسمعه مصدومه حدي اتذكر كلام مصعب يقول مظلومه والحين كلام أبوه العكس وبعد
السي دي اللي عندي كان دليل عليها يالله حسيت بحيره سألت بفضول : طيب وشلون حقد عليك كذا مصعب وسكتت يوم طالعها والدموع بعيونه حزنت عليه ليتها ماسألته

قال بقهر وجع : كانت تكذب عليه لدرجة خلته يكذبنا كلنا ويحقد علينا ..وترى عارف الجوهرة ماتحبه وتجاملني بس والله بعض مرات اعذرها من سواته فيها وبعد زوجتي اللي قبل الجوهرة جننها وماقدرت تصبر طلبت الطلاق وبعد فتره مرضت والكل حط اللوم عليه وقتها

قلت بقهر دافعت عنه : حتى في المرض يحطون عليه وش ذنبه مكتوب

عض شفته وقال:صح كان مكتوب عليها ومرضها ماله علاقه بمصعب بس تدرين كان مقهورين أهلها منه ويوم تعبت من الورم اللي جاها قالوا هو السبب عشان حالتها النفسيه كانت ماهي متقبله العلاج وعاد تعرفين مقهورين كان منه بسبب بنتهم له دور كبير كان في طلاقي منها رفضت تتحمل ماهي بقوة الجوهرة ..

سكتت وأنا أفكر معقول أمه فعلاً سيئه وعكس مايفتكر وأبوه المظلوم حزنت عليه يوم قال: والله يظلمني كثير وهوو مايدري بغلاه بقلبي وطالعها حاقد علي ليه كنت احبس أمه مايدري انه كان من الفضايح اللي تسويها فينا طول وقتها مشاكل وتكسير في البيت وتسبب .. بمشاكل لي ولزوجتي وبعدها جت الجوهرة طبعاً ماقدرت فيها صارت لها ند وبعد فتره مرضت من كثر العصبيه فقدت عقلها وجلست فتره .. وتوفت وتدرين ليه كل ذا عشان تحب أخوي شفتي قهر أكثر من كذا .... بس ماقدر أقوله أمك وسخه وماقدرت النعمه اللي عايشه فيها وصانت نفسها ..هي كانت تفضح نفسها عنده وتقول ان نتبلى عليها وأخوي ظلمها
وخلاها بعد مافضحها وخلى أهلها يطردونها هذا الكلام ثبتته بعقله من يوم هوو رضيع وهي تعيد وتزيد فيه الله يسامحها لدرجة خلت شخصيته بهذا الشكل لايحترم صغير وهمه الانتقام حتى لو كان من أقرب شخص إلاهو أنا

ودي أقوله اسكت خلاص احس بوجع بقلبي على مصعب لو يسمع اللي يقوله أبوه ..... اتوقع يذبحه
صديت وقلت : الله العالم وقادر يأخذ حق كل مظلوم

طالعني وسكت شوي وقال :أكيد ماراح تصدقيني
لأنه قايل لك كثير ومع الآسف كله كذب في كذب من الكلام اللي يسمعه منها ومن اللي عقله يصوره
له ....والله الفتره اللي قبل مايتزوجك توقعت يفقد عقله مثل أمه من كثر المصايب اللي يسويها
بس تصدقين لك دور بحياته بذات هالفتره .. صح باقي على جنونه بس ماهو مثل قبل وعشان كذا ارتحت لك وخبرتك بكل شي ...

مسحت دموعي يوم نزلت ...يالله اللي اسمعه حقيقه ..أول ماوصلنا البيت نزلت بسرعة ...
ورقيت الدرج ...دخلت الغرفه شفت شمسه منيمه عادل بحضنها وتهز فيه اشرت لي اسكت عشان مايقوم جلست جنبها وأنا بالي بعيد يالله معقول
.... طالعت شمسه يوم قالت : علامتس وجهتس مايفسر وناولتني عادل

أخذت ولدي من يدها وحطيته على السرير بحذر وقلت وأنا للحين كلام أبو مصعب يتردد علي :بنجن قريب والله الله يسامحهم على اللي يسوونه فيني

عقدت حواجبها وقالت:ليه ياكافي الشر

زفرت بضيق : خليها على ربتس بس المهم الحين وش ذا العلم الي قالته أمي لي بالجوال وشلون عواد جاي ابيكم تجلسون عندي أكثر والله

ابتسمت لها وقالت : اصوله خلاص رجلتس مابه شيء مدام رجعتي معصبه منه تسذا وبعدين عواد توه راجع من السفر محتاجني وبعد أمتس أبوي بدا يقر على رأسها

هزت رأسها وهي متفهمه وضعهم قالت بحزن : بس والله ودي تجلسون حتى يطلع مصعب

رفعت كتوفها بقلة حيله : ودي والله بس مستحيه ارد عواد يجي لما هنا من الجنوب ومايأخذني معه

ابتسمت بخبث : سبحان الله يامغير الاحوال بس
ورفعت يارب تهدي لي مصعب مثل ماهديت شمسه ...

شمسه ابتسمت لها وقالت: يارب إلا على طاري رجلتس وش مسوي فيتس جايه معصبه تسذا

اصايل بقهر منه : حضرته بيطلع وعمي يقول خلينا نطنشه مايدري بولده لايقلب عليهم المستشفى

شمسه : يالله وشلون كسره وبعد النزيف اللي تعرض له يبي دكتور يتابعه صعب طلوعه
ذي الفتره ليه ماقنعتيه وكاد يسمع كلامتس

قالت بعجز : وش يفهمه ذا المجنون ولا يهدد يقول عادي لا تطلعوني انا بطلع وهوو يالله يقدر يحرك رجله من الكسور المضاعفه الي فيها احس حتى الدكتور عجز فيه وده يخدره اتوقع عشان يرتاح منه

شمسه ابتسمت وقالت : أجل الله يعينتس عليه
الحمدلله عواد راكد

اصايل وقفت وقالت : انتبهي بس لعدول حتى أخذ شور ريحة المستشفى علاقة فيني أخذت بجامه واتجهت للحمام وهي بالها بعيد للحين مذهوله حدها معقوله أمه بالاخلاق هذي ...وهو ظالم الجميع عشانها .....
@
@
@

زفرت بضيق وهي تسمعه يشكي من ولده
ودها تصرخ عليه وتسكته هي ماهي فاضيه اللحين
تسمع عنه شي ...وبعد عبير دبلت سبدها من تو داقه تبشرها ان عناد بيطلق الشموخ ..هي فين وذولا فين ...وبعد سالفته مع ذي الي يطلع معاها عزيز من توو داق عليها يقهرها يقول اليوم الظهر ..شافهم مع بعض داخلين مطعم ...
بس أبد ماهو وقت تسوي مشكله مع صقر أبد
..وقفت وقالت بحقد منه ومن سيرته : طلعه واسمع كلامه وكاد يعرف وقتها يتأدب وطلعت من الغرفة كارها صقر وكارها روحها بعد ...

@
@
@
قابله في مرر المستشىفى وقال : هاا ان شاءالله مصعب صاحي

طالع الشاب الطويل اللي معه أول مره يشوفه قال بهدوء : ايه صاحي

طالع ياسر وقال: اعرفك ذا عادل خوي مصعب الروح بالروح

عادل ابتسم بسخريه كان من مبطي ي منيف يعتبرني خويه الحين الخاين بنظره الله يسامحه مد يده وسلم عليه وقال بترحيب : حياك الله

منيف كمل : وذا ياسر ولد خال مصعب

انصدم عادل من أهل أمه كيف بيكون موقف مصعب حس بتوتر ماقدر يتكلم او يرد نقد على منيف مفروض خبره قبل يجيبه معه عشان مايتفشل الرجال يعرف مصعب دج يعطي في الوجه وبعدين كيف تعرف منيف على ياسر ...

وده يسحب منيف ويفهمه انه بس على الاقل يدخل قبل ياسر لمصعب ويخبره ..بوجوده ..وبذات علاقة منيف ماهو تمام هالفتره مع مصعب وشلون كذا يجي وهو ساحبه معه بكل ثقه بس ماقدر يحكي بذات يوم قال : يالله ياعادل مابي اتأخر وقول بس يارب خويك يعطينا وجهه بعد التكفخ اللي أخذته منه بسبتك

عادل والله ودي أنا اكفخك الحين أجل ساحب الرجآل كذا لا خبر ولا عنده علم

منيف حس بتوتر عادل بس مابيده شي بيدخل عليه وربي يسهلها وهو بعد يبيها حجه عشان يرضى عليه مصعب من اخر موقف لهم رافض يرد عليه على اللي يسويه فيهم بس يغلوونه ومافي فيهم حد يبي يخسره ...أشر للباب وقال : تفضل
والله يعينك

ياسر عقد حواجبه ليه كل ذا الحين طالع منيف وقال : لا يكون تعبان ومايبي يشوف أحد عادي ارجع بوقت ثاني

منيف حط يده على كتفه وقال : امش خلينا ندخل وقول يامسهل
ورجع التفت لعادل يوم شافه واقف بمكانه
أشر له يبيه يجي معاهم بس هز رأسه برفض تفهم وضعه
سم بالله وطق الباب .. شافه قدامه متمدد ..يطالعهم ببرود بس فجأة تغيرت نظرته ..وأبد ماتبشر بالخير رد السلام وقرب منه وقال : الحمدلله على السلامة ونزل نفسه سلم فوق رأسه وقال بهمس :آسف وابتسم بس تطلع من هنا بأخذ حقي منك

هز رأسه وقال ببرود وهو عينه من اللي جنبه : الله يسلمك عقد حواجبه يوم قال اللي جنبه وهو يمد يده : معك ياسر ولد خالك مبارك جاي اتحمد لك بالسلامه

فتح عينه بصدمه ....