رواية حب عصبي 💜 الفصل الثامن 8 - بقلم ميني💜

ميس..شعري ولاشعرك شن دخلك انتا
احمد ..اللي عندي قلته وتقصيه نقص ايدك وطلع
تسريييع
يوم العرس ميس ..لبست قفطان من فوق شيفون اسود كمامه طوال وضيقات وضيق عالجسم لعند الخصر بعدين اخضر منفوخ شويه بسيطه  لعند الركبه وكعب اسود وشعرها مموج ومكياج خفيف واكسسوارات ناعمات

طلعت ميس من دارها بتنزل وتشبح لي كم القفطان تساوي فيه
انخبطت في احمد اللي كان واقف يشبحلها ومنبهر بجمالها
ميس تفركسة وقريب طاحت شدها احمد بيديه التنين وتبتها
ميس..تشبحله وخايفه منه لانها خبطت فيه
احمد..لاحظ الشي هادا
ميس..فاقت لروحها ولشكلها وشن لابسه بعدة على احمد
ميس..ااانى بنمشي نشوف خالتي
احمد..واقف في نص الطريق ومخلهاش تنزل ويشبحلها منحاش عيونه من علاها
ميس ..احمد عطلتني خليني نمشي
احمد ..اشرلها انزلي ومرة تانيه اشبحي للطريق مش لي ايدك و اشحطي روحك لماتتكلمي
ميس ..شبحتله ونزلت
احمد ..في داخله انتي ليا انى تحبي تكرهي والايام بينا
رفعهم احمد للعرس احمد طول الطريق يشبح للمرايه لميس بدون متنتبهله
في العرس وداد تعرف في ميس عاالناس
طبعا النساوين بيهبلو فاها ويخطبو فاها من خالتها
هاله ..تكون خالت العروسه
هاله.. وداد بنية اختك عجبتني و نباها لولدي
وداد..والله شني بنقولك نتشرفو بيكم لاكن نشوفو البنت قبل
هاله..باهي امتى تأكديلي باش نجي
وداد..غدوة بإذن الله نشوف البنيه مستعده لموضوع زي هادا ولالا ونقولك
هاله..باهي ان شاء الله ربي يقدم اللي فيه الخير
وهادي المرا مش الوحيده اكتر من وحدة خطبتها
ابرار..بتاكل ميس بعيونها
شهد..هيا  نوضي معاي نرقصو
ميس ..لا لانتحشم خليني انى
شهد ..على راحتك ناضت شهد ترقص ميس تصور في روحها وتحاول تستفز ابرار لانها كانت طول الوقت عيونها على ميس
تم العرس وكل شي
مروحين في الطريق
ابرار وميس يهدرزو بصوت واطي ويضحكو مع بعض
احمد ..اسكتو ياسر من التوشويش
وداد ..خليهم يهدرزو
احمد ..شن بيهدرزو  توا العرس كله بيقرموه
شهد..منقرموش حنى
احمد ..لاعارف بدات انتي متقرميش
شهد ..ماما كلميه
وداد.. تضحك
ميس ..تبتسم وساكته
وصلو للحوش
وداد ..رجيلاتي خلاص بخش داري نرتاح
شهد ..حتى انى زيك بنخش داري تصبحو على خير
ميس ..مقعمزة على الصالون انتم من اهله
مشو شهد ووداد
ميس.. تنحي في الكعب امتعها omg دمرلي رجليا نحاتها  حفيانه شادة الكندره في ايدها
احمد ..ولع سبسي وقعمز عالصالون
ميس ..منحبش ريحته
احمد ..اشرلها اركبي دارك بمعنى لو مش عاجبك اركبي دارك
ميس ..راكبه اصلا
ناضت بتركب جبدها احمد طيحها عليه
ميس ..وقفت بسرعه تحشم شن هادا اللي ادير فيه
احمد ..قام حاجبه اركبي ماما اركبي وديما نقولك اشحطي روحك لما تتكلمي
ميس..غضبة وركبة
احمد ..بشويه لا يطربقلك عرق
ميس ..خشت دارها بدلت ورقدة
الصبح ..ميس دوشت وبدلت لبسة قفطان حاير ابيش ورصاصي

نزلت.. للفطور
الكل ..على سفرة الفطور
ميس ..سباح الخير
الكل .،صباح النور
شهد..ههههه اضحك فيا ميس كيف تتكلم
احمد..دلع زايد متع النتايات
ميس.. قعمزة عاالفطور
وداد ..امس النساوين كلهم في العرس يخطبو في ميس
احمد ..انتبه لكلام امه وعقد حواجبه
وداد ..كانت مركزه على احمد
وداد ..انى مرديتش على حد قلت الكلام الاخير كلام ميس
ميس ..خدودها حمر
وداد ..خيرك متحشمه عادي حنى عيلتك
ميس ..كلت شويه وناضت صحه
ميس خشت للمطبخ
احمد شويه ولحقها
ميس ..شني
احمد ..شن رايك في اللي قالاته امي
ميس.. نفكر قبل
احمد ..لامتفكريش قولي لا لامي
ميس ..ومن قالك انى بنقول لا
أحمد..انى قلت لا يعني لا جربي اكسري كلمتي وطلع
ميس..مش طبيعي الانسان هادا
احمد..رجع للمطبخ شن قلتي
ميس..مقلت شي
احمد..قام حاجبه نحسابك
احمد وعتمان مشو للشغل شهد للكليه
وداد وميس يضمو في الحوش وطيبو الغدى
وداد..ميس شن رايك في الموضوع اللي امبكري
ميس..نزلت عيونها وتدكر في كلام احمد
ميس..لالا خالتي انى مش مستعده لمواضيع هكي
وداد..اهم شي راحتك
ميس..حضنتها ،،اسفه بنحرجك مع المرا
وداد..لاكيف راي بنتي اهم شي مندور لا المرا ولا غيرها
ميس..ربي يحفظك ليا خالتي
على سفرة الغدى والكل روح من العمل
وداد ..ميس شن رايك السبوع الجاي انديرو حفلة نجاحك
ميس..زي ماتبي
شهد ..اي ماما بالله عليك اصلا عطلنا باها هلبا
وداد..ماهو كان عرس بنت عمك والعيله كلها توتي للعرس ومش فاضيه
شهد..باهي امتى اما يوم
وداد..امتى ميس تبي
ميس..ابتسمت لالا على راحتك
وداد..باهي الاحد الجاي انديروها عالاقل عندنا جمعه وسبت عطله نوتو فيهم كل شي
شهد ..ناضت من على الطاوله وشدت في ايد ميس وجبدتها هيا تعالي معاش وقت
وداد..خلاها تكمل غداها
ميس..انى الحمد الله
شهد..نوضي خلينا نشوفو صفحات في الفيس ونحجزو حلويات وحاجات
شهد..اوكى ومشو هيا وميس
احمد ..يراقب في صمت
فات اليوم عادي جدا
وفاتو الايام
اليوم جمعه
على سفرة الفطور
شهد..على فكرة مخديناش لبس للحفله
وداد..نقول لاحمد يطلعنا العشيه وناخدو شن ناقص
عتمان..عاد متصدقو انتم حفله ولا مناسبه معاش تسكتو
وداد..شبحتله بنص عين شن ضايقك
عتمان ..لا شي
احمد ..ساكة وياكل بس
شهد..حجزنا في ترافل وحلى كاسات بخدمة توصيل والعشى احمد لازم تمشي تستلمه يوم الحفله باش يجينا سخون
احمد..قايم حاجبه شبح لشهد عاجنب ورجع نظره على الصونيه
وداد..خلاص معناها كل شي تمام مزال الطاولات والكراسي  بنحطوهم في الجنان يبو الحجز وتورته
احمد..احم ...التورته انى حجزتها مدوروهاش
الكل يشبح لاحمد بأستغراب لانه مكانش يحب الحاجات هادي ويقول تفاهه ودوة زايده
احمد..عرفهم يشبحوله وبيرقع .. عارف النفخ امتعكم عندي واحد صاحبي يخدم في محل****قتله يحجزلنا وحده
ميس..تاكل بهدوء وبدون ولاصوت وحاسه في داخلها انها هلبا كترة عليهم بيديرولها حفلة ومصاريف حست روحها هلبا رزينه
وداد..ميس عطينا رايك الحفله حفلت نجاحك لازم كل شي على دوقك
ميس..لالا ديري اللي يريحك اكيد حيتلع حلو 
وداد..سلمها العسل
احمد ..ناض من السفرة وقعمز عالصالون فاتح تليفونه
ميس وشهد يلمو في السفرة وغسلو الماعين
في العشيه طلعهم احمد يشرو اللي ناقصهم
في السيارة
شهد..احمد افتحلنا اغنيه
احمد..تلفتلها التالي وشبحلها بنص عين ابري ابري
شهد..بالله عليك احمد باللللللاهي
وداد..خود بخاطرها وافتحلها اغنيه وحتى حنى نبو نغيرو جو ولا شني ميس
ميس..اكتفت بأبتسامه
احمد..شد التليفون وربطه بلبلوتوت مع المسجل وفتح اغنيه قافل
شهد..حلوة هادي الاغنيه
احمد..كل شويه يشبح لميس في المرايه وميس هايمه تغني مع الاغنيه بشويه انتبهت لاحمد اللي يراقب فاها تحشمت وخشت في بعضها
احمد..ابتسم عالجنب وكمل سواقه
بعد شويه ميس حاطه ايدها على بطنها ومغمضه عيونها تتألم
ميس..في داخلها مش وقتك توا
احمد..شاف في المرايه ولاحظ انها تتألم لاكن مقدرش يسأل
وصلو للمحل
وداد..هيا يابنات انزلو متعطلونيش في المحل باهي
ميس..خالتي  مش لازم ننزل انى عندي قفطان نلبسه
وداد..حتى كان عندك انزلي معانا نبيك تلبسي احلى قفطان في الحفله كلها
شهد ..واسطه
وداد..ههههه شني بديري جو الصغار هيا حفلة نجاحها وانتي لما نجحتي درنالك حفله كبيرة زيك زيها
شهد..اصلا ميس تستاهل كل خير
ميس..ابتسمتلهم وهيا تخفي في الالم امتعها ونزلت معاهم
كل واحد يدور في المحل بروحه ويتفرج ويختار
واحمد ..يهدرز مع صاحب المحل لانه صاحبه
اصيل ..زبونه قبل شويه جتني لقفطان قتلي هادا مفيش منه ازرق بيدوني
احمد ..يضحك
اصيل ..والله كل يوم تمر عليك نمادج تكره حياتك ياراجل
احمد..يضحك تي هما طالعين يضيعو في وقت معندهمش من حاكم فيهم .....وتجي عينه على ميس اللي واقفه جنب الحيط وايدها على بطنها وكاتمه الالم امتعها
احمد..اصيل شويه ونجيك ومش يجري لميس
ميس..ااااي
احمد..خيرك شن في
ميس..لالا مفي شي
احمد..شني مفي شي متاعك مريضه انتي؟
وداد وشهد .. سمعوهم وجو في جنبهم
وداد.. خير مني مريض
احمد..اشر بعيونه على ميس
وداد..طبعا طول تعالي نمشو للمستشفى  تمس في جبهت ميس
ميس..مش مريضه بتني وجعتني شويه 
ميس..مغس بسيط نرتاح شويه تو يمشي
شهد..مغص ياميس مش مغس
ميس..ابتسمت بعبط
وداد..باهي على راحتك اهو احنى قريب نروحو هي وانتي اختاري قفطانك
ميس..هزة براسها ومشت خترات قفطان ومداته لاحمد
احمد..شني خديتي خلاص كل شي تمام مناقصك شي؟
ميس مستغربه..ءءايه تمام
احمد..متأكدة
ميس..ايه متأكدة
احمد..اسبقينا لسيارة
ميس..طلعت ولحقها احمد يبي يطمن علاها لعند تركب لسياره ركبة ميس وسكر احمد السيارة من برا ببطمة المفتاح وخش للمحل شهد وداد كملو بسرعه وطلعو على خاطر ميس
في السيارة احمد طول الطريق اغاني ومن بين الاغاني اغنية اليسا "بتمون"
لان احمد عارف ميس تموت فاها من لما خدى تليفونها ولقى كله اغاني اليسا
ميس..لما سمعة الاغنيه عيونها نفتحو
احمد..شبحلها في المرايه لقاها عاجبها الجووعلى في الصوت اكتر وميس تغني مع الاغنيه بصوت واطي لاكن في نفس الوقت تتألم شويه
احمد..كان مركز على كل لحظه صايرة بعد شويه وقفهم قدام مستشفى شبحت ميس واستغربة
وداد..وين جايبنا ياوليدي
احمد..انزلي شوفي خيره دعوتها بطنها
وداد..احسن مادرت
ميس..عادي قتلكم وجع شويه ويمشي
أحمد..انزلو هيا منحبش كترت الدوة
نزلو كلهم للدكتوره وطبعا خشت ميس ودارتلها كشف وتحاليل
الدكتورة ..انتي امها
وداد..اي ان شاء الله خيرها بطنها توجع فاها
الدكتورة ..بنتك عندها فقر دم حاد لاكن مش هوا سبب الوجع الوجع جاي من البرد طالعه للريح ضربتها على بطنها
وداد..اها ديما نقوللها مدوشويش وتطلعي للريح
الدكتورة ..حنعطيكم دوا لفقر الدم اللي عندها وركزو على التغديه كويس
طلعت ميس من الدار توجهت لخالتها شدة في ايدها
ميس..خير يادكتورة
الدكتورة ..شوية برد معاش تطلعي للريح وانتي مش لابسه غليظ
ميس..ان شاء الله
احمد..واقف بعيد شويه لاكن يسمعلهم
شهد..باهي الحمد الله
طلعت العيله للسياره واحمد شري الدوا من الصيدليه وركب بدى يشرح لميس امتى تاخد الدواء
روحو للحوش وفات اليوم عادي جدا واليوم اللي بعده كله تجهيزات للحفله وخلاص
يوم الحفله كل شي جاهز من الطاولات اللي في الجنان على العشب زي في المسلسلات والورد  والمبايل كان المنظر خلااااب  لان جابو شركة تنظيم الديكور البنات بدلو وجتهم الموزينه للحوش لان احمد مانعهم من المزين
طبعا ميس لبسة قفطان طويل باللون الاسود ضيق من فوق لعند الخصر بعدين نازل مرتاح مش منفوخ هلبا فيه فتحه لفوق الركبه بشويه ومفيشي كمام يلتف على الرقبه مطرز من جيهة الرقبه والصدر شعرها مفتوح مع شوية تمويجات وخصلات نازلات ومكياج ناعم مسكرة وايلاينر بسيط وروج هادي واكتر شي تحبه ميس  blush احمر خدود باللون الوردي الهادي كانت طالعه جميلللللة
شهد..نفس قفطان ميس عالوردي ومكياج هادي وشعرها مفتوح

وكانو لاهيين جيبي هادي ارفعي هادي رغم انهم جابو وقافه لاكن زي اي مناسبه ليبيه لازم يدخلو البنات في كل شي
بدو الناس يجو والحوش يتعبى
وطبعا ميس اكتر وحدة تعول وتظم كأنه مش حفلتها
جو ريم وميار وسلمى وغيداء وابرار بنات عم شهد اللي تلاقت معاهم ميس بنات عم شهد طبعا كانت نظرتهم للحفله وميس كلها حسد فحسد ماعدا ميار عسللل
ميس..قربت منهم وسلمت عليهم
ريم منغير نيه ..مبروك
ميس..الله يبارك فيك
ميار..مدت ايدها لميس ميار
ميس..انى ميس تشرفت بيك
ميار..بيك اكتر
ميار..قربت من ميس وحظنتها،،مبروك
ميس..يبارك فيك
سلمى تشبح للمنظر والبوفيه الزحمه اللي جايه..قصدي علاش هادا كله
شهد..على خاطر ميمي نجحت ومش اي نجاح 98%
غيداء..اوبااه حاجه والله كبيرة
ابرار..تشبح بحسد لميس ..والله حق تقول حاجه كبيرة 98
ميس..تفضلو بنات التاوله (الطاوله)هاديكا فاضيه
غيداء..شن انتي بتقرريلنا وين نقعمزو مثلا
ميس..اسفه علازعاج ان شاء الله تعجبكم الحفله ومشت تشوف لو ناقصه حاجه ولا المعازيم يبو حاجه
غيداء..شفتوها مصح وجهها
ريم..انى مش كاصر رقبتي غير كلامه تاوله ننننن
ميار..ووووه ياسر ياااااسر البنت مدارتلكم شي تعالي شهوده بالله فكينا من النكد ومشو مع بعض
كان الكل مستمتع بالحفله مع صوت الاغاني طبعا اغلبيتهم اليسا مختارتهم ميس لاكن مرة مرة اغنية هبال باش يرقصو علاها البنات
ميس تفكر في نسرين اللي عطلت مجتش خدت التليفون واتصلت باها
نسرين ..الو
ميس..ايوا وينك
نسرين منسمعش فيك
ميس..صوت الاغاني عالي هلبا استني خشت للحوش وتركب من الدروج وتتكلم  لان مزال صوت الوسيقى عالي لعند وقفت قدام دارها
ميس..ايوا تسمعي فيا
نسرين..ايه نسمع فيك توا
ميس..باهي خيرك يافالحه مجيتيش
نسرين..اهوا في الطريق شويه ونوصل
ميس تلعب بشعرها..باهي متعتليش الحفله قريب التم
نسرين..اوكى
سكرة ميس التليفون وشبحت قدامها تجمدة في مكانها لما شافت احمد واقف يشبحلها
ميس..ترمش في عيونها بصدمه 
احمد..اشرلها بمعنى خيرك
ميس وجهها الاحمر زايدها جمال..ءءانى منحسابكش هنى
احمد..جيت بناخد السماعه من داري شني ممنوع
ميس..للل لا مش قصدي لاكن ...
شدة قفطانها ونزلت جري من الدروج
احمد..ابتسم على جنب ونزل حتى هوا
نزلت ميس للحفلة جت نسرين جايبه
سلمت علاها ميس وحضنتها
وقفت نسرين في النص والكل يشبحلها فتحت الكيسه اللي في ايدها طلعت منها كاب والطاقيه امتع التخرج
ميس..تشبح مصدومه
نسرين لبستهملها ،،الف مبروك ياعمري
ميس..حضنة نسرين شكرا انتي صاحبه متتعوضش بدنيا
شهد..صفقة بايدها عطت اشارة للكل انه يصفقلهم
كانت ميس فرحانه من قلبها
استمرت الحفله والكاب والطاقيه زايدين ميس جمال على جمالها
قصو التورته وزي اي بنات مستحيل يفوتو اللحظه هادي ميصوروهاش بدت شهد تصور في ميس تقص في التورته نسرين لبزتلها خدها بالكريمه صورو مع بعض ميس ونسرين وشهد وميار تعشو الناس وبدو يروحو  روحت نسرين بعد ما دارو جو هيا وميس رقصو على اغاني وجوهم يهبل
شهد وميس يودعو في الناس اللي بتروح روحو الناس كلهم مزال ابرار وأمها  بيروح بيهم زكريا وريم وميار وأمهم بيروح بيهم محمود
وداد..نحس في روحي صقعت
ميس..خلي نجيبلك الشال امتعك تغطي بيه وخشت
وصل زكريا وخش لجنان اللي مدايرين فيه الحفلة
ميس كيف خدة الشال وبتطلع وصلت الباب اللي بيطلعها الجنان حست بحد جبدها بلقوة
ميس..شهقت بقوة
أحمد..سكرلها فمها بإيده ودخلها للمربوعه لانها كانت اقرب شي للباب
لصقها على الحيط ..زكريا برا متطلعيش
ميس..تشبحله ومصدومه من حركته ومن منظرها قدامه
ميس..بباه خليني نخش داخل
أحمد..أحححم وفك ايده منها خشي داخل راك تطلعي
ميس..قامت قفطانها شويه ومشت طلعت
أحمد..يشبحلهالعند طلعت ويشم في ايديه اللي قعدة عالقه فيهم ريحتها
خشت ميس للمطبخ وإيدها على قلبها من اللقطه وتشوف لروحها..مصح وجهه كيف يدير هكي ااااااه وشافني مرتين بمنظري هادا
....
عند وداد وشهد اللي لبست بدلت الصلاة وطلعت
زكريا سلم على عمه ووداد
زكريا..يدور بعيونه يمين يسار
وأحمد..يشبحله ومش عاجبه
زكريا..هيا يما وانتي هيا(ابرار)
زكريا..قولولها قالك زكريا مبروك النجاح
وداد..يبارك فيك
أحمد..ضاغط على ايده بقوة
زكريا..هي متبو شي
أحمد..شني كان يبو بيجو يقولولك
زكريا ..عادي علاش لا
أحمد..حط ايديه في جيوبه وقام راسه فوق ونفخ بملل
زكريا ..هي عمي تصبلاخير
عثمان ..تصبح على خير ياولدي
أحمد..خشو داخل انتم صقع
خشت وداد وشهد شويه ولحقهم احمد قعمزو في الصالة يهدرزو
شهد..انى بنبدل حوايجي وننزل نضم
وداد..حتى انى تو وعاونكم
شهد..لالا ارتاحي ماما انى وميس تو نضمو مع بعض
وداد..خلي نعاونكم يبي هلبا الحوش
أحمد..خليهم يضمو مش صغيرات انتي ياسرك خشي ارتاحي
وداد..على راحتكم 
وشويه وخشت دارها وشهد نفس الشي وأحمد مقعمز في الصاله ومولع دخانه ومتكي راسه التالي ويدخن بهدوء
نزلت ميس من الدروج لابسه توته متع حوش عباره على تيشرت وسروال وردي فلابيض

وشعرها كعكه مرخيه وطايح منها خصلات والمكياج قاعد لان زي ماقلتلكم بسيط هلبا وهادي
نزلت ما شافتش احمد مقعمز شافت للدنيا محوسه وكلينكس وكواغط طايحات ومبايل مطربقات من الصغار على طول نزلت وبدت تلم فيهم
وأحمد..يتفرج علاها بدون صوت
ميس وهيا تلم نفتحت الكعكه متعها بدت تساوي فيها وعاودت قامتها تاني فجئة تلفتت لقت أحمد مقعمز ويتفرج علاها
ميس تلبكت ومعرفتش شن بتقول تشبحله بصدمه بس
أحمد..شني شفتي جن قدامك
ميس..طبست راسها وكملت اللي الدير فيه مشت جابت شكارة لمت فاها كل شي نزلت شهد وبدت الضم معاها وركب أحمد لداره رقد على السرير ويفكر في شكل ميس بلقفطان وبتوته ابتسم على جنب وسكر عيونه
أحمد..انتي ليا يا ميس لياااا مش حنخليك الضيعي من يدي
كملو شهد وميس الضمان الساعه قريب تلاته وخشو رقدو على طول
تانيه يوم 
تأخرو كلهم بنوم ماعدا أحمد ناض بكري ومشى للعمل
.......
احمد ..لجلال انى قررت بنتزوج بنت خالتي
جلال ..قعمز قدامه الله اكبر
احمد ..هههه علاش شن قتلك بتزوج مقتلكش حررو طرابلس من القرامطه
جلال ..الحاجه الغريبة انا في بنت حركتلك قلبك
احمد ..البنت امانه عندنا ولازم تنستر
جلال..بس؟
احمد..قام حاجبهة بس
جلال..تفوتها عليهم كلهم الاعليا انى ياصاحبي
احمد........
جلال ..متشبحليش هكي نعرفك انى متغير من يوم جتكم البنت هادي
احمد..انتا تتوهم
جلال .. تي ماشي ماشي
احمد ..ابتسم وهوا يتفكر في شكلها بلقفطان
جلال..خليك تتبسملي توا
احمد..فوتني ياراجل
جلال..فايتك وفتح تليفونه
.......
في الليل
احمد ركب لامه في دارها وطق ع الباب..يما
وداد..تعالى احمد خُش
خش احمد وقعمز عالكنبه مقابل امه
أحمد..مسح على وجهه يما نبيك في موضوع
وداد..أن شاء الله خير
أحمد..انى قررت نتزوج
وداد..يارب يكون اللي سمعته صح
أحمد..اي صح
وداد..باهي عندك وحدة في راسك ولا تبي نخطبلك
احمد..ميس
وداد..ميس بنت خالتك
احمد..اي
وداد..باهي هيا تعرف
أحمد..لا انتي قوليلها
وداد..أحسن ما خترت يا وليدي زين وادب
أحمد..خلاص شوفاها وقوليلي
وداد..حضناته.. الحمد الله اللي عشت وشفت اليوم هادا حتى نموت عادي
أحمد..ربي يطوللنا في عمرك
تاني يوم احمد وعتمان في الشركه وشهد في الكليه
وداد..ميس تعالي نبيك في موضوع
شدت ميس قعمزتها عاالصالون
ميس..إن شاء الله خير
وداد..ميس كان تقدملك عريس توافقي؟
ميس ..تحشمت وسكتت
وداد ..ميس انى زي امك الله يرحمها متحشميش مني
ميس ..هزة راسها باوكى
وداد ..خليني نخش في الموضوع احمدمتقدملك 
وداد ..احمد والله كويس وقلبه طيب لاكن هوا عصبي وميحبش كلمته الطيح
ميس ساكته بس وتشبح
وداد..انتي قولي موافقه ولالا صدقيني مش حنتغير معاك مهما كان جوابك حتقعدي بنتي  .
ميس ..مقدرتش تقول لخالتها لا ميس خالتي وانى مش مستعده للزواج سامحيني 
وداد ..متجاوبيش توا خودي راحتك وفكري وانى معاك
.......
الكل رجع من الشغل والقراية
عالغدى
وداد ..اليوم ميس طيبة الغدى هوا رشدة بالبصلة وطاجين وسلاطه و...
عتمان ..اووو خلينا نضوقو
احمد..بدى ياكل على طول
احمد ..في داخله شاطرة في الطبخ كويس
شهد..ميس كيف تعلمتي
ميس ..كنت نطيب مع ماما الله يرحمها
وداد ..الله يرحمها ويغفر لها ويسكنها فسيح جناته
ميس ..ابتسمت وكملت اكل
شهد وميس قامو غسلو الماعين وركبو لديارهم
وداد وعتمان واحمد مقعمزين
عتمان ..انى خاش بنريح شويه
وداد ..سلامتك
احمد ..هيا حتى انى بنرقد شويه اليوم خدمنا هلبا
وداد..استنى شويه نبيك
احمد ..قعمز خير
وداد..اليوم فتحت مع ميس الموضوع
احمد..شن ردت
وداد ..قالت مش مستعدة للزواج
احمد ..كويس احمد مش عاجبه انى راكب بنرقد
وداد..قلبها وجعها على ولدها لان في نضرها كان واضح انه يبي ميس
احمد..ركب لداره رقد
العشية ميس مقعمزة على المرايه تخلص في شعرها
خش احمد
ميس.. وعليكم السلام  كلك ادب تخش لديار الناس من غير احم ولاتستور
احمد .. متكتريش معاي دوة متعصب عندي كلمتين بنقولهم افتحي ودانك كويس
ميس..كالعاده
احمد..  عندك مهله لغدوة قبل مانروح من العمل تقولي لامي موافقه عاالزواج
ميس ..لاكن انى نبيش
احمد..انتي محد سألك على رايك قدام امي نبيك توافقي وداخلك انتي حرة
ميس ..مستحيل نوافق
احمد.. خنقها من رقبتها  توافقي والاعيونك نطلعهم وميس خلاص تنحيله في ايده مقدرتش بعدين نحى ايده 
ميس تكح وداهشه
احمد ..متجربيش حظك انى الكل فالكل وكلمتي تمشي هنى مفيش حد حينقدك من بين ايديا
ميس ..تبكي مش عارفه شن بتدير 
احمد طلع مشى للقهوة مع جلال وكان ضميره ايأنب فيه على كل شي لاكن اللي مخليه يدير هكي هوا فكرة انه مياخدش ميس لانه كان حبه ليها عامي على عيونه
ميس غسلة وجهها ومعاش نزلت
خشت سريرها وقعدة  تبكي لعند خداها النوم ورقدة   
ركبة وداد بتنادي ميس عالعشى لقتهاراقدة
....تاني يوم
على سفرة الفطور