رواية حب عصبي 💜 الفصل التاسع 9 - بقلم ميني💜

ميس ..متبيش تشبح لاحمد وكان واضح علاها الزعل
وداد..ميس خيرك زعلانه
شهد..صح حسيتك مش زي عادتك حت  وجهك اصفر
ميس..لا مش زعلانه راسي يوجع فيا شويه
وداد..نرفعك المستشفى
ميس..لا مش مستاهله ناخد بندول يهدى عليا
وداد ..على راحتك لاكن كان وجعك اكتر قوليلي باهي
ميس ..هزة راسها باوكى
ميس ..صحه انى بنطلع للجنان شويه
وطلعت..قعمزة على الكرسي
احمد ..انى ماشي الشغل طلع ميس مقعمزة
احمد..نروح نلقاك تامه الموضوع
ميس..تشبحله وساكته
احمد..طلع
ميس ..حطة راسها وتفكر ااااه ياربي
عتمان رفع شهد للجامعه
ميس ..خشت خالتي
وداد..تعالي في المطبخ انى
ميس ..جت التضم معاها في الكوجينه
ميس..خالتي انى فكرة في الموضوع وموافقه عاالزواج
وداد..مسحت ايداها من الميه
وداد.. والله فرحتيني
ميس ..ابتسمت ابتسامه مزيفه
وداد..الحمد الله بنطمن عليك وعلى ولدي مزال شهد بعدين حتى نموت نكون مرتاحه
ميس..حضنتها بعيد الشر عليك ربي يخليك لينا
وداد..كانت الدنيا كلها مش سايعتها
......
روحو من الشغل
على سفرة الغدى
ميس.. تهرب فعيونها من احمد
شهد..الله ياميس تطييبك يهبل
ميس..ابتسمت صحه
وداد..والله ماخلتني نحط ايدي على حاجه كل ادير فيه ميس
عتمان..ماشاء الله عليك بنتي
ميس ..تغدة وناضو ميس وشهد غسلو الماعين وركبو لديارهم
عتمان.. انى خاش بنريح شويه
وداد..سلامتك
احمد..حتى انى راكب بنرقد
وداد ..خليك شويه نبيك
احمد..خير
وداد..ميس وافقة عالزواج
احمد..شن غيرلها رايها
وداد..منعرفش انى قتلها فكري شكلها فكرة كويس ووافقة
احمد..باهي كويس انى راكب بنرقد
احمد ..ركب داره
في العشيه وداد نادة احمد وميس وقعمزو مع بعض في الصاله
وداد..انى ناديتكم نبو نتفقو على موعد التلبيسه والعرس
ميس..خالتي انى منبيش تلبيسه ولاعرس
وداد..علاش خيرك شن ناقصك مديريش عرس
ميس..منقدرش اندير وماما وبابا مفاتتش سنه على وفاتهم
وداد..الله يرحمهم برحمته الواسعة
ميس..امين
احمد..الخميس الجاي الفاتحه
وداد..مسرع قاعدين  ماوتيناشي
احمد عندكم تلاته ايام ديرو فيهم شن ناقص وخلاص
وداد..منلحقش
احمد..تلحقي بأذن الله
وداد..انشاء الله ربي يقدم اللي فيه الخير اهم شي راحتكم انتم
ميس ..شبحت لاحمد
ميس..انى بنطلع للجنان شويه
وداد..خودي راحتك
احمد ركب داره
ميس ..قعمزة شويه في الجنان تستنى فأحمد يركب داره لانها متبيش تشوفه
خشت ميس قعمزة مع وداد شويه تليفون احمد يرن
وداد..احمد نسى تليفونه ركبيهوله ميس
ميس..كانت بتقول لا لاكن تحشمت من خالتها خدة التليفون وهيا راكبه في الدروج فصل التليفون طقطقة على دار احمد مفيش حد يرد
ميس..فتحت الباب وخشت طبعا هادي اول مرة تشوف فاها دار احمد لان المرةةاللي فاتت كان ظلام بدة الدور  ملقتش احمد لقت باب مفتوح وهوا باب غرفة الرياضه خشت منه ميس تشوف للدار كلها الات رياضه وحديد ميس مصدومه وتتلفت شويه احمد حط ايده على كتفها ميس نخلعت تلفتت لقاته احمد مكانش لابس تيشرة
ميس ..تحشمة نزلت عيونها
احمد..شن اديري هنى بنظرة حادة وتخوف.. مقالولكش انا المكان هادا ممنوع
ميس..اشرتله عالتليفون تليفونك يرن خالتي قتلي انجيبهولك وطقطقة علباب مفتحتش
احمد..خدى التليفون ويقرب ميس توخر خايفه ومنه
لعند وصلة الحيط
ميس ..بتمشي احمد حط ايده وحاصرها  مخلاهاش
ميس..مغمضه عيونها احمد خليني نطلع
احمد..خيرك مفكرتيش فاها قبل ماتخشي تقصقصي على حاجات متعنيكش
ميس..تتنفس بخوف
احمد..يشبحلها وفي داخله لهدرجه انى نخوف
احمد..اطلعي معاش تخشي هنى
طلعت ميس وسكرة الباب احمد يضحك على ميس
تاني يوم ميس مقعمزة في الصاله وفاتحه الفيس
احمد مع وداد فدارها
وداد اليوم نبو نحجزو الفيلو
احمد..وتو روحكم توا معندي شي كان بتطلعو
وداد..باهي خليني نقول لميس وشهد
احمد ..ميس تو نقوللها
وداد..باهي على راحتك
احمد..نزل لميس في الصاله نوضي البسي بنطلعو
ميس..وين
احمد..تحبي تكتري الدوة امي قالتك بتشروفيلو ولامندريش عليكم
ميس..لامنبيش نلبس فيلو  انى
احمد..انتي مسألك حد انى نبيك تلبسي
ميس..قلت منبيش
احمد..قداش مرة قتلك كلمتي منعاودهاش، انى في السيارة خمسه دقايق  تلبسي وتلحقيني و طلع
ميس..ركبة دارها تلبس في عبايتها ومتنرفزة
في السيارة شهد شادا تليفونها
ميس ..تشبح للروشن وساكته
احمد..يشبح لميس في المرايا
وصلو لمحل فيلوات
احمد هادا المحل قالي عليه صاحبي تاجر ملابس قال مليح بضاعته من برا
نزلت وداد وشهد ميس كيف بتنزل
احمدبأعصاب ..دخلي شعرك
ميس ..ادخل في شعرها اللي طالع من دون قصد وساكته
احمد..قايم حاجبه هيا انزلي
نزلت ميس خشو للمحل واحمد يستنى لبرا
وداد وشهد يشوفو ويختارو
ميس شبحت خدت واحد قاساته كان بسيط وحلو
وداد..ميس خيرك بسرعه هادي
ميس ..لقيت اللي نبيه
وداد ..طالع عليك حلو
شهد..زي الاميرات
شهد..تهبلي ناخدو صورة للذكرى
ميس ..محبتش ترد شهد اوكى
صورو سيلفي وشهد قعدة تصور في ميس
طلعو بسرعه معطلوش
احمد..مستغرب شن السرعه هادي
وداد..ميس ماشاء لله علاها لقت اللي تبيه اول ماخشينا للمحل
وداد ..انتا برا تفاهم مع المرا عالدفع ميس حتى انتي بري معاه لازم تشوفي شن يصير
ميس ..مشت معاه لاكن مش عاجبها
احمد ..السلام عليكم
العامله..وعليكم السلام ورحمة الله
احمد..شني نظامكم في الدفع
العامله ..على حسب ماتبي ياسيد ايجار ولابيع
ميس واقفه ورا احمد بدون صوت
احمد..لانبو نشرو ان شاء الله
العامله ..الموديل هادا 15الاف بيع موديل تركي وجديد صعب تلقو زيه هنى
ميس ..شبحت للعامله وقامت حاجبها
احمد ..شبح لميس وقال ،،شرينا بأذن الله
ميس..لا معاش نبيه
احمد نزل على ودن ميس..منبيش نسمع صوت
ميس شبحتله بدون ماترد عليه
احمد..متتحركيش من هنى نجيب الفلوس من السيارة ونجي
ميس ..واقفه وساكته
العامله ..تغلف في الفيلو لو مافيهاش ازعاج من حضرته
ميس ..خطيبي
العامله..ميمروش علينا هلبا اللي يشرو فيلوات بلمبلغ هادا هوا واضح يحبك
ميس ..ابتسمتلها
العامله ..ربي يخليهولك
ميس..تسلمي
خش احمد عطاها الفلوس وخدى الفيلو
احمد..اطلعي
ميس ..طلعت ركبة السيارة
احمد..وراها
ميس ..مقعمزة وتشبح للروشن وتفكر مش عارفه كيف تفسر تصرفات احمد معاها
احمد ..مركز في الطريق شويه صوت رساله وصلت تليفونه فتح تليفونه لقى رساله من شهد فتحها  لقى صورة ميس لابسه الفيلو في المحل شد فرينو قوي هلبا
وداد ..بسم الله شن في
ميس ..خافت وتشبح لاحمد
شهد..تضحك وعارفه اللي صاير لان هيا اللي بعتتله الصور
احمد..لالا مفي شي غير السيارة فاها حاجه تبي الورشه
وشبح لشهد اللي كانت تبتسم في ابتسامه عبيطه
احمد .. صكر تليفونه وكمل
وداد ..مزال الكندرة والتاكم
ميس ..خلاها غدوة خالتي
وداد..معاش عندنا وقت ضروري اليوم
رفعهم احمد خدو كندرة وحجزو في طقم حلو وباقة ورد
روحو طبعا احمد طول الوقت صورة ميس بلفيلو مفارقتش خياله
احمد..ركب الحاجات لدار ميس
ميس ..ركبة دارها نحت عبايتهاحطة الفيلو عالسرير وقعدة تتفرج عليه وتبكي لعند رقدة مكانتش تبي تتزوج احمد لاكن رغم هادا تمنت وجود امها جنبها زي اي بنت في عمرها
احمد ..طلع للسيارة بيتلاقى مع جلال
احمد..ركب لسيارته بدون مايتحرك فتح الصورة وقعد يتفرج علاها وبتسم لا شعوريا ،،انتي ليا تبي ولامتبيش جمالك هادا مش حياخده غيري
رجع لوعيه ،، ورجع ملامحه الجديه وولع ومشى
نرجعو لميس
ميس..الو نسونه شن الجو
نسرين ..تمام شن جوك انتي
ميس..تمام
نسرين ..خيره صوتك اكيده الحقير هداكا
ميس..بنتزوج يانسرين
نسرين..اه اه شن قلتي منسمعش تبصري
ميس تبكي ..منبصرش
نسرين..ميس تبكي انتي؟ اهدي شويه واحكيلي شن صار
ميس..شي بنتزوج وتمت
نسرين ..باهي وعلاش تبكي
ميس..نسرين تعالي
نسرين اهدي شويه انى حنجيك تمام هي باي
على سريرها تتفرج على الفيلو وتبكي
بعد مرور وقت جت نسرين وخشت مع ميس دارها
ميس حكتلها يلي صار
نسرين..والحل
ميس..مفيش حل معاه
نسرين..قصدك بتتزوجيه
ميس..مفيش خيار تاني
نسرين.. محبتش تزيد علاها اكتر ..باهي بلكي لما تتزوجو يبدا يحبك وطيب معاك
ميس..هادا يحب هه الضحكي معنداش درت حب في قلبه
نسرين..خلاص ياقلبي ربي يفرجها انتي ادعي بس
ميس..إن شاء الله ربي يقدم اللي فيه خير ياااااارب
نسرين..هيا توا امسحيلي دموعك ونوضي قيسي الفيلو
ميس..معنديش خلوق
نسرين..لالا نوضي دخلنيش
ميس..تشبحلها
نسرين الشبحه هادي لا نوضي
ناضت ميس قاست الفيلو
نسرين..حى عليك حى طررررف عنده الحق احمد
ميس..اسسيكتي متقوليش عنده الحق
نسرين..فوتينا منه خلينا فيك انتي طالعه تهبلي هادا من غير مكياج وتسريحه امالا بعدين شني
وطبعا بدت تغنيلها وتتبرد علاها لعند روحت
لما روحت ميس كان جوها متغير
تسرييع
يوم الحفله ميس مروحة من المزين دايرة مكياج هادي وتسريحه خفيفه وناعمه وطرحه بسيطه لاكن رغم البساطه في كل شي كانت طالعه زي الاميره
نسرين وشهد معاها في دارها  شويه ونزلوها كان في مرة عمها سهيله لان ميس وكلة عمها لما بيقرو الفاتحه ميس مقعمزة
وداد..الله يبارك عليك ربي يحفظك من العين
ميس كانت زعلانه وبتبكي لاكن شاده روحها
شويه وخش احمد طلعها وداد وشهد يلبسولها في الكاب
وداد..حضنت ميس  ان شاء الله الف مبروك
ميس..حاضنه خالتها بالقوة
وداد..احمد دير بالك علاها بنتي
احمد..ان شاء الله يما
غطو لميس وجهها بالكاب وطلعة ركبة للسيارة ماشيين لحوشهم
احمد يسوق وكان في داخله فرحان انها ولت ملكه لاكن ميبيش يبين
ميس ..في الطريق ولاصوت وكانت تبكي تحت الكاب
احمد..يشبحلها خيرها مفيش ولاصوت قام الكاب من على وجهها لقاها تبكي
ميس جبدة الكاب غطة وجهها
احمد..تكنطى و في داخله  للدرجه هادي متبينيش
ميس ..متكيه عالروشن لعند وصلو حوشهم مفيش حد تكلم
احمد..وصلنا
ميس ..فتحت الباب وبتنزل احمد يساعد فاها
ميس..ننزل بروحي
احمد..شدها من ايدها امشي وانتي ساكته وخشو
احمد قعمز على الصالون
وميس..بدت تشوف للحوش بعيونها كان اكتر من واااو الاتات الإضاءات كل شي كان راقي وكلاسيكي زي المسلسلات
بعد صمت دام تقريبا عشرة دقايق تكلمت ميس
ميس ..وين الدار
احمد..اشرلها بمعنى الحقيني مشو لدارهم فتح احمد الباب خشت ميس قعدة واقفه احمد قعمز عالكنبه
احمد..قعمزي خيرك واقفه زي المسمار
ميس ..قعمزة عالسرير
احمد..نحا الدجاكه والقرواطه لوحهم لوطا
ميس..خافت وخشت بعضها
احمد..فتح بطم السوريه كلهم
ميس..احمد ممكن تطلع لاني نبي نبدل
احمد..شبحلها ووقف وبدى يمشي جهتاها
ميس..خايفه مووووت.. ءءءااحمد خيرك
احمد..يقرب منها بدون ولاكلمه وشدها بلقوة
ميس.. بدت تبكي ،،احمد ابعد بالله عليك ابعد
احمد..يشبح لكمية الخوف اللي في عيونهاوفي داخله لهدرجه خايفه مني
لفها بسرعه وخلى ظهرها مقابله فتحلها خيوط الفيلو ورخاها ورجع قعمز عالكنبه ..فتحتهملك عارفك بتقعدي حاصله فيهم وتقدري تبدلي حوايجك في الحمام ولا في دار تانية لاني مش طالع من داري
ميس .. فتحت الشنطه خدة منها سروال وتيشرة وخشت بتغير في الحمام غيرة ومسحة المكياج طلعت
احمد لابس سرول توته من غير تيشرة ومتكي على السرير
احمد..خيرك واقفه خشي ارقدي
ميس ..قعمزة عالسرير متبيش تشبحله
احمد حس انها خايفه منه ومش حتقدر ترقد..خدى المخدة والشرشاف انى بنرقد عالكنبه وانتي ارقدي عالسرير
ميس..مطرمه شواربها باهي علاش في نفس الدار؟
احمد..لا بلكي تبي ترقدي في دار تانيه ارقدي بنتي ارقدي
ميس..شبحتله نضرة كلها حقد
احمد..معاش تشبحيلي الشبحات هادي
احمد ..حطهم ورقد وقعد يفكر 
ميس ..رقدة عالسرير وهيا خايفه من احمد
ميس ..نعسة وكانت زي البيبي وهيا راقدة
احمد ..مرقدش ناض شافها لقاها راقدة قعد يتفرج علاها بعدين خدى مخدته ورقد جنبها
الصبح ميس ناضت الساعه 8لقت احمد شادها وراقد
ميس ..تبي تفك روحها مقدرتش احمد اطلقني
احمد ..ارقدي وسكتي
ميس..اطلقني
احمد..ارقدي احسنلك
ميس..خافت وسكتت قعدة شويه بعدين ملة ورقدة ناضو الساعه11
ميس غسلت وجهها وصلة
احمد يشبحلها حتى تنوض من النوم حلوة
احمد نفس الشي غسل وجهه وصلى
ميس..نزلت وتت الفطور لاحمد
حطت بريوش وعسل وزبدة ونوتيلا وجبنه وزيتون و حطتهم عالطاولة
نزل احمد من الدروج ويشوف لميس وهيا ترتب في الحاجات
تلفتت لقاته نزلت عيونها وخشت للكوجينه
احمد ..قعمز عالطاولة ويفطر
ميس..شويه وجابة الشاهي جت في جنب احمد وتصبله في الشاهي بدون ماتشبحله
احمد..يشبحلها وكأنه ناوي يستفزها
لاكن ميس مكلماتاش وخلة روحها عادي 
احمد ..تعالي كولي
ميس ..شكرا منبيش وخشت للكوجينه فطر احمد وناض ميس قامت الحاجات وضمتهم ورجعت لدارها
احمد طلع قعمز في الجنان وكل تفكيره في ميس ورفضها ليه
ميس..وقفت في الروشن وتتفرج على احمد وهلبا اسئلة الدور في دماغها
شن السبب اللي يخلي احمد يتزوجها وبلغصب عنها
بعد شوية طلعت ميس من الدار ونزلت للجنان مع احمد
وقفت في الباب وتشبح لاحمد خايفه تطلع ويقوللها خشي
احمد..شافها واقفه  ،،تعالي كان تبي تطلعي
طلعت وقعدة تتمشى في الحديقه وتتفرج لانها كانت واااااو كلها عشب وورد وزي ماتحب ميس بزبط وكأنها هيا اللي مختاره كل شي على دوقها
احمد ..يراقب في كل حركات ميس بعيونه بدون مايحسسها 
وقفت ميس على شجرة صغيرة امتع ورد وتمس فاها شويه وجى كلب في جنب ميس
ميس..جرت بسرعه ولبدة ورا احمد وشاده في تيشرته
ميس..احمد ارفعه من هنى نخاف منه
احمد..تي ميدير شي ميخوفش
ميس..لالا بالله عليك ارفعه
والكلب قرب من احمد واقف تحت رجليه
وطبعا ميس ميته باللخوف وشادة تيشرت احمد بالقوة
احمد ..يضحك ههههههههه
ميس..معاش تضحك عليا
احمد..شدلها ايدها ونزل على ركابه للكلب يمسله في وجها ،،وحدفله عود امتع شجره بعيد خلاه يمشيله
ميس..انتبهت لايداها اللي شاداة احمد بالقوة طلقاته بسرعه واحمد مركز على كل شي
ميس..امتع مني هادا
احمد..امتعي اسمه صياد
ميس..من امتى عندك كلب معمري شفته
احمد..من زمان عندي ونخلي فيه في الحوش هنى
ميس..يعني هوا توا بيقعد معانا هنى
احمد..ايه وشن فاها
ميس..نخاف منه وتشبح للكلب بخوف
احمد..وانتي شن هوا اللي متخافيش منه
ميس..شن قصدك انى جبانه ؟
احمد..ههه متبيلهاش تنين يدوو فاها
ميس .. ورمشت عيونها ..مش جبانه
وجى الكلب جنبها هربت ورا احمد
احمد..هههههههههه شني كنتي تقولي
ميس..باهي خلاص مقلت شي بعده عليا معش نبي نقعد هنى نبي نخش داخل
احمد..خليك العبي مع صياد
ميس..بالله احمد شده
احمد..ههههههه باهي اهو شديته خشي هي
ميس..مشت جررري
احمد..يضحك..متزوج عيله
ركبة ميس دارها وقعمزة على سريرها تتفرج على التلفزيون
بعد شويه
خش احمد ميس تشبحله سرحاانه
احمد..هز براسه بمعنى خيرك تشبحي
ميس..نزلت عيونها
احمد.. خش بياخد دوش
ميس ..مقعمزة عالسرير تفكر
بعد شويه طلع احمد لاف الفوطه نص ميس نخلعة وغطة وجهها بلورغان
احمد ..يضحك فتح الدولاب خدى حوايج ولبس سروال وتيشرت
احمد..خلاص افتحي عيونك
احمد ..قعمز عالسرير
ميس ..واقفه تبي تمشي للحمام
ميس ..داخت
احمد..ناض من السرير بسرعه ميس خيرك
ميس يحركلها في راسها مفيش اي رد
احمد.. احمد يلبسلها في عبايتها
احمد..ميس تحملي
قامها وحطها في السيارة
احمد..يجري في الطريق
احمد..وراس ميس تحملي قريب نوصلو
وصل للمستشفى احمد قام ميس وخش بسرعه حطها عاسرير جى الدكتور شافها
الدكتور ..لو سمحت يا خوي ممكن تطلع شويه
احمد..لاشن نطلع متعك هادي
الدكتور ..يا اخ تفضل
احمد..خنق الدكتور انى مش طالع من هنى لعند نشوف مرتي  واحمد كان في نوبته العصبيه
الدكتور ..يشوف في ميس ركبلها تغديه واحمد يشوف وهوا ساكة
بعد شويه
الدكتور ..جى وقف على احمد
احمد..كان وضعه صعب شن وضعها
الدكتور .. الحمد الله مفي شي عندها هبوط هوا اللي خلاها تغيب عن الوعي  توا ركبنالها تغديه
احمد..نقدر انروح باها
الدكتور ..ان شاء الله تكمل جرعة التغديه وتقدر تروح باها
لاكن لازم تتنتبهولها شن تاكل لان معندهاش قوة في جسمها متقدرش تتحمل
احمد..ان شاء الله
الدكتور بيطلع
احمد..دكتور بالله عليك سامحنا انتا تعرف الوضع
الدكتور ..لالا مسامح مدورش ياخوي وطلع
احمد..مقعمز جنبها ويشبحلها
ميس ..ناضت فتحت عيونها انى وين
احمد..احمد في المستشفى دختي لانك مكليتي شي
ميس..ناضت تبي توقف
احمد شدها وين ماشيه
ميس .. نحوهالي من ايدي منبيهاش تبي تنحاها
احمد..شدلها ايدها خلاها متنحيهاش
ميس..نبي نروح انى
احمد..تو نروحو بعد شويه خلاها التم التغديه معاش الديري زي الصغار
ميس ..رقدة عالمخدة بملل
بعد شويه جت الممرضه نحتلها التغديه الحمد الله عالسلامه
ميس ..الله يسلمك
ميس ..ناضت
احمد ..هيا بنطلعو
ميس ..تساوي في وشاحها
احمد ..شدها من ايدها
ميس ..علاش تشد فيا من ايدي
احمد..باش كلهم يعرفو انك ملكي انى
ميس..نفخت بملل 
احمد ..خش الاسنسير وسكر الباب
ميس ..مغمضه عيونها خايفه لان عندها فوبيا من الاسنسير ولاماكن المغلقه
ميس..مش قادرة نتنفس
احمد..شدها وحط راسها على صدره اششششش مفي شي اهو بيفتح توا

روحو مع بعض وفاتةاليوم عادي جدا
تاني يوم
دخلت ميس الفطور للدار
أحمد..فتح عيونه كان ضي قوي هلبا
أحمد..تي سكري السرانتي خيرك صبح
ميس..الساعه11تعالى افطر
أحمد..يا والله نهار مبارك سكري بنرقد
ميس..أحمد الفطور واتي هيا بالله عليك تعالى
أحمد..يشبحلها قداش مرة مكلمك على حركات الصغار هادم
ميس..مدرتش حركات صغار
أحمد..ناض حدف البطانيه توا نضت لاكن عاوداها تاني الحركه اهيا خش للحمام ويتمتم
ميس..تضحك على منظره كيف معصب
أحمد..رجعلها شني يضحك فيك
ميس..حطت ايدها على فمها،، مضحكتش 
خش أحمد وسكر الباب لأن حركات ميس بيهبلوه
طلع يخلص في شعره ولحيته على المرايا  بعد مارتبت ميس الفطور على الطاولة
فطرو التنين مع بعض بعدين ميس ناضت قعمزة تتفرج عالتلفزيون واحمد فاتح تليفونه
احمد..البسي خلينا نطلعو
ميس..وين
أحمد..مستحيل متسأليشي السؤال هادا البسي بنمشو ندّهورو
ميس..الله خمسة دقايق نلبس ومشت بسرعه خدت عبايتها لبستها وأحمد بدل وطلعو مع بعض
في الطريق ميس وين بنمشو
احمد........
ميس..احمد رد علياا وين
احمد..شبحلها ويحرك في فمه وين تبي تمشي انتي
ميس..امممم نمشو لي الملاهي
احمد..بلكي تبني نخليك تلعبي قدام الناس
ميس..مش ضروري نلعب نشوفو صغار يلعبو وناكلو غزل البنات
احمد..ايي وهادا هواا؟
ميس..ايي
احمد..باهي رفعها احمد للملاهي كانت تشد في اي بنوتة ولا بيبي صغيره تبوسه وتلعبه
ميس..احمد شوف كيوووتي
احمد..قرصه من خده وضحك على جنب
وقف احمد على الراجل اللي يبيع غزل بنات وشرالها منه
ميس..شكراّ
احمد..سكر عيونه وفتحهم بمعنى الاجابه
ميس..كيف بتفتحها
احمد..لا لعند نركبو السيارة
ميس..علاش
احمد..تبيني نخليهم يشوفوك تاكلي
ميس..باهي خلاص
مشو لسيارتهم وخطمو تعشو في مطعم وروحو
.......
ميس ..ركبة لدارها
خدة دوش وبخة صنه ولبسة بجامه  وشعرها مفتوح لانها بترقد ورقدة في سريرها

وتتفرج على التلفزيون حب للايجار
ركب احمد خش للدار ورقد في السرير ويتفرج مع ميس
احمد..تعرفي الدلكي
ميس ..اممم نعرف
احمد..مدلها كتافه دلكيني
ميس ..قعدة الدلك فيه واحمد مسترخي
ميس ..ارقد هكي
احمد..رقد على بطنه
ميس قعدة الدلكله في عضلات ظهرة
احمد..وين تعلمتي ويغمض في عيونه
ميس..اششش متتكلمش
احمد..اااااه يوجع هنى
ميس..من كترة التمارين جسمك يتعب
احمد..مسترخي وخلاص
ميس..احمد شكرا على طلعة اليوم
احمد..مفيش شكرا كان مطلعتكش مني بيطلعك
ميس ..ابتسمت بخجل وكملت اللي الدير فيه
احمدرقد غطاته ميس ورقدة
الساعه 10ناض احمد لقى ميس مهناش غسل وجهه
واقف يساوي في شعره ولحيته
خشت ميس في ايدها سفرة الفطور صباح الخير
احمد..صباح النور
ميس تحط في الصواني على الطاوله الصغيرة يلي قدام الكنبه
ميس..تعالى افطر
قدم احمد وبدو يفطر مع بعض
طبعا احمد يشبح لميس ودايب فاها كيف تاكل وميس مش منتبهه لاحمد ابدا ولا كأنه موجود واحمد شاد روحه ميبيش يكلمها ولا يدير اي لقطه كملو فطور وميس لمة السفرة وناضت غسلت الماعين وولت لدار قعمزة عاسرير تتفرج عالتلفزيون
رن تليفون احمدوكان صوت بنت
امل ..كيف حالك استاد احمد
احمد..تمام كيف حالك انتي
ميس ..شبحتله انتي؟
امل ..استاد في اوراق مهمه لازم تشوفها يخصو العقد الاخير اللي وقعته
احمد ..تمام نتلاقو في مقهى الساعه 5
امل ..حاضر استاد اما مقهى
احمد..منعرفش تو نبعتلك اسمه في مسج وسكر التليفون
طبعا ميس متكنطيه لاكن متبيش توضح لاحمد
ميس ..من هيا هادي
احمد..شبحلها مدخلكش
ميس ..تكنطة
احمد..يبي يستفزها هادي الكبيدة
ميس ..الله
احمد..ايه شن الغريب يعني
ميس ..متكنطيه اي صح شن الغريب عادي
ميس ..تفجرة باهي مدام الكبيدة علاش متزوجني تزوجتها كبيدتك والله
احمد ..شدها من رقبتها تس تس تس صوتك ميعلاش عليا و هادي اللي كلمتني قبل شويه السكرتيرة في اوراق مهمة بتجيبهملي في المقهى لان الموضفين ممنوع يجو للحوش
وانى قتلك هكي نبي نشوفك تغاري ولالا
ميس ..لا علاش بنغار عليك عادي
احمد..هههههه صدقتك
ميس..متحشمه ووجها احمر
احمد..شدها من خدها في حد قالك انك احلى لما تتحشمي
ميس..ايه
احمد..عقد حواجبه مني قالك
ميس..مدخلكش
احمد..معاش تقوليهالي الكلمه هيا
ميس ..علاش خيرك انتا تقولي فاها
احمد ..ميييس
ميس ..فيش حد قالهالي من قبل
احمد..يضحك علاها
ميس ..حلوة السكرتيرة امتعك؟
احمد..مش احلى منك
ميس ..اكيد مش احلى مني ونفضة شعرها عليه
احمد..بشويه عليك
ميس ..تضحك اي قصدي انى حلوة هلبا مستحيل تكون هيا احلى مني
احمد..جبدها وباسها بقوووة
ميس ..تمسح في وجهها نزلت من السرير بسرعه وخشت للحمام وكانت متحشمه عالاخر
احمد..يضحك على موقف ميس
ميس واقفه تغسل في وجهها وتتفكر في الموقف غطة وجهها بايدها من الحشم
طلعت ميس
احمد..يشبحلها
ميس ..متبيش تشبحله قعمزة علكنبه وتلعب بتليفونها
في العشيه احمد دارد دوش و بدل حوايجه وطلع بيلاقي السكرتيرة عالخدمه
ميس نزلت
دارة كيكة بندق ونسكافيه وقعمزة في الصاله وفتحت التلفزيون
ميس ..اكيد بيروح جعان انوض نطيبله وخلاص
ناضت  الطيب في العشى طبعا ابدعت زي العادة سلطات وخبزة محشيه ورز ابيض وقلايه وبيتزا
روح احمد ويسمع في صوت حركه في الكوجينه
خش لقى ميس الطيب
احمد..وقف يتفرج علاها
ميس..احمد جيت خلاص امشي بدل وانى نوتي السفرة
احمد..تمام وركب لداره
ميس..رتبت الطاوله وحطت علاها كل شي طيباته وحطت من كيكة على جنب وحطت عصير وميه ومية شعير ورتبت السفرة بطريقه تهبل طبعا لان ميس تموت في الترتيب والتنظيم  الحاجات هادي
غسلت ميس الماعين وركبة لدارها احمد مقعمز مع جيرانهم في الشارع
ميس ..خدت دوش وطلعت لابسه روب الحمام قعمزة على كرسي السكماجه  الدير في كريمه في ايداها وفكة الفوطه من شعرها
احمد..احححم
ميس ..انخلعت لما شافاته لان كانت تحسابه لوطا مركبش للدار
احمد..يشبحلها
ميس..خيرك ركبة
احمد..شني ناخد منك اذن لما نركب داري
ميس..تنهدت بلقوة وخدة حوايجها وتلفتت بتخش للحمام تلبس
احمد..جى شدها من ايدها وجبدها كم مرة قتلك متمشيش قبل مانكمل كلامي
ميس..مغمضه عيونها وخاشه فبعضها
احمد..حط راسه على كتفها تكلمي
ميس..احمد نحي خليني نمشي
احمد..حس بخوف ميس منه طلق ايدها
ميس..  خشت وسكرة الباب لبسة وطلعت مشبحتش لاحمد خشت في سريرها حطت مخدة بينها وبين احمدوعطاته بظهرها ورقدة

احمد..شافها لقاها راقدة نحى المخدة اللي بيناتهم حدفها لوطا شاف لايد ميس كانت  حمرة هلبا مكان ايده لما شدها  قعد يمسلها فاها بأيده انتي تخلي فيا انديرلك هكي شدها ورقد
الصبح احمد ناض بكري خدى دوش ولبس وهوا طالع جى لميس وكانت راقدة متندريش عليه نزل باسها ويمسد على شعرها بعدين طلع
.........
ميس ..ناضت شبحت لقت احمد مهناش مشت غرفة الرياضه مهناش
ميس ..ادور عليه كأنها تبي تشوفه ضروري
ميس ..نزلت على امل تلقاه لوطا ملقاتاش
ميس..افففف شكله في العمل ..شن دخلني انى يمشي عادي شن بندير بيه بعدين ضحكت كيف تتكلم مع روحها
ناضت ضمت الحوش
.......
جلال ..احمد نبيك في موضوع
احمد..ان شاء الله خير
جلال.. نبي نجيب العويله يخطبولي اختك
احمد..يبي يستفزة معنديش خوات نعطيهملك
جلال..قام حاجبه شهد
احمد..شهد عاطيين فاها كلمه لولد عمي
جلال..تكنطى لاكن ميبيش يوضح لاحمد لاكن احمد كان فاهمه
جلال..مصدوم وساكت في داخله خيره مقاليش من قبل
احمد..خيرك تكهربة ياراجل نبصر عليك
جلال..تبصر ؟
احمد..يضحك انتا قريب تفجرت
جلال..يعني مفيش حد عاطي فاها كلمه بتعطيهالي انى
احمد..نعطيهالك يابرو معنديش احسن منك نأمن على اختي عنده
جلال.. نجيب العويله غدوة
احمد..يضحط خيرك مستعجل ياراجل
جلال..خير البر عاجله
احمد..باهي تعالو غدوه
.
روحت شهد وبوها
وداد..امشو بدلو وارتاحو شويه الغدى قريب يطيب
.
احمد..روح من العمل واقف في الصاله ويتفرج على ميس في الكوجينه تحرك في الطنجرة وتوتي في الغدى ومش منتبهتله كانت لابسة شورت جينز وتيشرة ابيض واسع  كتفها طايح بدون قصد ومدايره كعكه مع شوية مسكرة وملمع شفايف
احمد..خش للكوجينه
ميس..شبحتله جييت
احمد..لالا
ميس..مبردك 
احمد.. شبحلها فصلها بعيونه وكان بيهبل من منظرها خدى طرف امبطن ياكل فيه وركب

على سفرة الغدى