رواية حب عصبي 💜 الفصل السادس 6 - بقلم ميني💜

ناضت ميس الصبح الساعه 6:30دوشة وتت روحها ولبست حوايج المدرسه بدله ثانويه طويله مع سروال مش ضيق هلبا شنطه باللون الاسود وشوز اسود مع تجبوطي اسود بسيط وحلو وشاح اسود نزلت للمطبخ الدير في فطورها بريوش مع حليب بلقهوه واقفه على الغاز اطيب فيه نزل احمد لابس سروال جينز اسود مع سوريه بيضه وسبيدرو ابيض ساعه فخمه باللون الاسود شعره مشوكه بطريقه حلوة وقف من غير ولاصوت فجأه ميس تلفتت لقاته انخلعت
ميس ..بسم الله الناس الصبح تقول صباح الخير وانتا طيحتلي قلبي
احمد ..اصكتي دوة عاالصبح وقعمز على كرسي الطاوله في الكوجينه
ميس ..تفطر؟
احمد ..لابناخد قهوة من الطريق
ميس..حطت فطورها عاالطاوله وتاكل بهدوء
احمد ..يراقب فاها
ميس ..مشفتش حد ياكل من قبل ؟
احمد ..لسانك يبي قص
ميس ..قامت وغسلت الماعين
احمد.. فاتح تليفونه يلعب بيه
احمد.. ربع ساعه وطالعين
ميس ..قعمزت وهيا ساكته تحس بالملل
احمد ..هيا اطلعي
ميس خدة شنطتها وطلعت احمد وراها وسكر الباب ركبو السيارة
في الطريق احمد..الساعه كم تطلعو
ميس.. تتفرج عل الروشن ردة الساعه1
احمد بعد شويه ..شني مش من مستواك
ميس ..شني!
احمد ..تشبحي للروشن كأنه مفي حد موجود
ميس ..احمد ،علاش تبي تشري مشكله معاي من دون سبب
احمد..هههههه علاش من وليتي انتي نبي نشري مشكله معاك متشوفيش روحك عل الفاضي لانك لاشيء
ميس ..مصدومه من كلامه وساكته
احمد ..خيرك تكلمي لا نضربك ضربة نقلبلك وجهك
ميس..........
احمد بصوت عالي.. تكلمي
ميس.. شن بنقول يعني نعرف اليتيمه بنت العيلة البسيطه معيشتها خالتها عندها لان معندها حد اوكى؟وانتا ولد العيله الغنيه عيلتك وراك صحابك وراك لاكن انى لا معندي حد وراي متسندا عليه ودموعها ينزلو ارتحت توا ؟هادي هيا الحقيقه نعرفها مش ضروري تقولهالي
احمد..سكت وحس بتأنيب الضمير على كلامه اللي قاله وكل الكلام حرقه اكتر شي (معندي حد وراي متسندا عليه)احمد في لحظه يبي يقوللها انى وراك لاكن مقدرش
احمد ..نازل بناخد قهوة تبي حاجه نجيبهالك معاي
ميس ..thank you وتشبح للروشن
احمد ..شبحلها ونزل من السيارة
احمد بسرعه وجى
ركب للسيارة شاد قهوته وطاسه تانيه فاها كبنتشينو وفي ايده وكيسه
احمد ..اشربي كبتشينو مزال الطريق زحمه وعطاها شوكلاته كيندر بوينو مدهالها
ميس ..شكرا منبيش
احمد ..تشربي ولا نردك للحوش مفيش مدرسه
ميس ..شنييي
احمد ..زي ماسمعتي
ميس ..هزة براسها وخدة الطاسة شربة شويه اه🤢مش حلوة تعمتها وتعابير وجهها 🤢🤮
احمد ..ضحك خدى منها الطاسة صبلها سكر وحركها وعطاها ولع السيارة ومشى
ميس ..في خاطرها واااااا شن الانسان الغريب مرة يضحك وفجأءة ينقلب omg
ميس ..فتحت الشوكلاته وعطاته
احمد ..شبحلها وخدى من الشوكلاته كلى
ميس.. تاكل في الشوكلاته امتعها بهدوء
احمد ..مستغرب من براءة ميس انه بعد اللي قاله رجعت عادي ونست كل شي
بعد شويه
احمد ..هادي هيا المدرسه؟
ميس ..ايه
احمد ..درس قدام المدرسه عطى لميس تليفونها كان صار شي كلميني
ميس..ممنوع نجيبوه معانا للمدرسه
احمد..خليه معاك لأي ظرف
ميس.. خدت التليفون وهزة راسها بokفتحت الباب بتنزل
احمد ..استني طلع من جيبه خودي هادا مصروفك
ميس ..تشبحله مستحيل
احمد ..بيتكلم ..
ميس ..ميس قاطعاته please احمد لا please
احمد .. اوكى
ميس.. نزلت وسكرة الباب
احمد..عزيزة نفس ياميس
احمد..يستنى فاها لعند خشت للمدرسه
ميس خشت لقت نسرين حضنتها
نسرين وينك استحشتك
البنات يعزو في ميس
ملاك..معاش بتركبي في الباص
ميس.. على الارجح لا
نسرين ..من بيرفعك اامن جابك اليوم
ميس ..تو نهدرزو
ميس ونسرين شدو في بعض باي يابنات
الاء..شني متبوناش نسمعو
نسرين..اسرار دولة
نسرين وميس قعمزو في مكان
نسرين.. اوكى من جابك
ميس ..احمد.
نسرين..احمد نفسه
ميس ..ايه قال معندناش بنت تركب في الباص
نسرين..باهي احكيلي شن صار الايامات اللي فاتو
ميس تحكيلها رن الجرس وخشو
..................
شهد في الجامعه مع ابرار حكتلها انهم مشو للحوازة
ابرار..مشت معاكم ميس
شهد ..اكيد ميس بدت من العيلة
شهد..انى وماما مشينا مع بابا في السيارة وميس مع احمد
ابرار ..انصدمت مع احمد ؟
شهد.. ايه لاكن تعرفي الجو كان واو
حتى نفسية ميس بدت تتغير للاحسن
ابرار ..ساكته وفي نفسها اكيد حتتغير نفسيتها شوفاها مع مني
ابرار ..كويس مسكينه اللي مرة بيه مش شويه
ابرار شهد اليوم بنجيكم انى استحشت عمي عتمان وعمتي وداد اللي هيا هيا مرة عمها
شهد ..اوكى نستنا فيك
..........
احمد في الشغل احمد خاش الموضفين اهلا استاد احمد
احمد.. اهلا
خش احمد وجلال ..مقعمز وينك يا راجل امس عندك مواعيد علقتني فيهم
احمد ..مشينا الحوازة
جلال ..شن جو العيله وعمي عتمان
احمد ..تمام
تسريييبع
احمد الساعه 12:15 خدى تليفونه وطالع جلال نضم الاومور انى طالع
جلال :وين طالع
احمد : هههه خيرك انتا درتلي زي اللي متزوج في السنه الاولى
جلال :ههههههه انتا جوك تغير متجيش وتطلع قبل الوقت مش عارف
احمد :ماشي بنروح ببنت خالتي من المدرسه
جلال..اووووه
احمد..فكنا متبداش هيا انى طالع
جلال ..هههه هيا ماشي يابرو
طلع احمد
جلال..ضحك على جنب والله شكلك طحت ياصاحبي
تسريييبع
احمد وصل للمدرسه درس السيارة قاعدين مطلعوش شويه وطلعو ميس طلعت احمد يشوف فاها لاكن هيا لا
ميس ..خليني ندوره احسن ما ناكل على راسي
نسرين.. ههه خايف ميس
ميس ..مش خايف لاكن متعرفيشي لما يتكنطى
ميس.. شبحت السيارة اكيد هادا هوا هادي سيارته(السيارة فخمه ومميزة الكل كان يشبحلها)
ميس ..سلمة على نسرين وحضنتها باي
نسرين ..باي
ميس ..ركبة للسيارة السلام عليكم
احمد ..وعليكم السلام وينك من بكري واقف نستنى في حضرتك
ميس..دورة عليك لاكن مشفتكش
احمد ..هادي اخر مرة فاهمه؟
ميس ..فاهمه يااحمد فاهمه
...........
في الحوش شهد..ماما
وداد ..روحتي
شهد..حضنتها استحشتك
وداد ..هههه وين بوك
شهد ..شهد في الشارع مع عمي محمد جارنا
وداد ..هيا اركبي بدلي حوايجك وتعالي كولي حاجه
شهد ..حاضر
وداد ..حضرلك الخير
شهد ..اه نسيت اليوم بتجينا ابرار
وداد ..مرحبتين باها امتى ماتبي
..............
احمد ..فاتح راب ومعليه
ميس.. تتفرج على الروشن وساكته بعدين فتحت التليفون
والطريق كلها هدووووء
ميس ..احمد خلاص راسي وجعني من الاغنيه
احمد ..شني علي صوتك
ميس.. عاودتها تاني واحمد سمعها
احمد ..لاانى نقرر نبي نسكر ولا نفتح
ميس.. قلبت عيونها 🙄
احمد ..شدها من ايدها بقوة منحبهاش الشبحه هادي
ميس .. اطلق ايدي ااااي
احمد.. طلق ايدها ويشبح لطريق وكل مرة عركه مع حد في الطريق
وصلو للحوش
ميس ..بتنزل
احمد .. مزال مقلتش انزلي
ميس.. اااه omgخلاص والله تعبتني يااحمد بعيون دبلانات
احمد ..انزلي
ميس ..نزلت خشت سلمت على خالتها واحمد وراها
وداد ..اهلا ببنتي الحلوة هيا امشي بدلي وانزلي نتغدو
وانتا احمد بدل وتعالا نتغدو
ميس ..خالتي متستنونيش عالغدى تعبانه شويه بنرقد
وداد ..كيف بتقعدي منغير ماكله هكي
ميس..مخاطريش توا بعدين ناكل
وداد..على راحتك
ميس.. حضنت خالتها نحبك انى
وداد ..عيونها دمعو حتى انى نحبك
احمد ..يتفرج شن مناسبة هادا
وداد ..منغير مناسبة
ميس ..ركبة بدلت لبسة توته ورقدة

احمد.. خش داره رقد
صوت جرس الباب شهد فتحت
شهد..ابرار شن الجو سلمت علاها خشي
ابرار..تمام شن جوك انتي
شهد..كويسه
ابرار..سلمت على وداد وقعمزت مع شهد يهدرزو ابرار كانت تستنى ميس تنزل
.....
ميس ..مقعمزه على سريرها تقرا لان فايتها هلبا حاجات وكانت مشغولة
عندها امتحان فلسفه
طق طق طق..
ميس.. تفضل
وداد.. خشت ميس انزلي هدرزي مع البنات جت ابرار
ميس.. خالتي مش فاضيه نقرا لان فاتوني هلبا حاجات في السبوعين اللي غبتهم
وداد..ربي يوفقك يابنيتي باهي عالاقل كولي حاجه مكليتي شي اليوم
ميس ..حاضر خالتي شويه وننزل
وداد.. باستها سلمها ياربي تسمع في كلام خالتها
وداد.. طلعت
ميس ..رجعت لكتابها تقرا
بعد تقريبا نص ساعه
احمد ..نازل من الدروج
ابرار ..ناضت احمد سلمت عليه شن الجو
احمد ..بدون اهتمام تمام
احمد ..قعمز على الصالون وفتح تليفونه احمد وكأنه يستنى في ميس تنزل بيشوفها قبل ما يطلع
ميس ناضت وقفت عالمرايا ساوت شعرها ولبست كبوس اسود فيه كورة صوف وشعرها وخصلاتها طايحات من الجناب ومنتوف اسود ريش
ميس.. نزلت شافت ابرار سلمت علاها
ميس ..اهلا
ابرار ..اهلابيك
شهد ..مي مي تعالي قعمزي جنبي
ميس.. جت قعمزة جنبها
ابرار ..ميس شن جو المدرسة (ميني💜..هادا السؤال اللي حافظاته )
ميس ..تمام
ابرار تراقب في احمد طول الوقت وهوا يشوف لميس وكانت بتموت
رن تليفون ميس
ميس..فتحت الخط وناضت من جنبهم مشت للمطبخ تتكلم
احمد..كان يبي يعرف من المتصل بأي طريقه لاكن ميقدرش ينوض لانه حيلفت الانتباه
عند ميس،،
نسرين..شن الجو ميمي
ميس..تمام شن جوك انتي
نسرين والله كويسه المهم بنقولك على امتحان الفلسفه اقري الاسئله امتع الباب مهمه
ميس..الله باهي تو نقراها لاكن خايفه تعرفي
ودار الحديت بينهم لمدة ربع ساعه تقريبا
عند احمد،،
طبعا كان متوتر ومش عارف كيف بيدير بس واخيرا قرر انه ينوض
ناض احمد واتجه للمطبخ
وميس كيف كملت المكالمه وكانت بتطلع او هووب احمد قدامها في باب المطبخ
ميس..نزلت عيونها وكانت بتطلع
احمد..استني من كان يكلم فيك
ميس بهدوء..صحبتي
احمد..باهي وعلاش نضتي تتكلمي بعيد
ميس..منحبش نتكلم جنب حد
احمد..باهي هاتي التليفون
ميس ..مدتله التليفون
احمد..فتح الاتصالات وفعلا كانت صاحبتها
ميس..واقفه وتشبحله
احمد..هاكي تليفونك
عند أبرار..كانت بتجاها جلطه تبي تعرف علاش احمد مشى ورا ميس
ميس..خداته وطلعت
احمد ..يام طالع انى تبو حاجه
وداد.. سلامتك رد بالك في الطريق
احمد ..طلع
ميس ساكته وتشبحله
وداد ..ميس حبيبتي بري كولي حاجه
ميس ..ناضت حاضر
ميس طيبة دحي وكلت
طلعت قعمزة مع البنات يهدرزو والجو كان حلو مستمتعين طبعا ابرار كانت تحاول تخفي كرهها لميس
دارو البنات نسكافيه
تسرييع بعد اذان العشاء وداد طيبة العشى البنات تعشو ابرار كانت طول الوقت عينها على ميس وكانت بتموت منها
ميس الدخل في الماعين للكوجينه غسلتهم
وداد نعاونك
ميس..لالاخالتي ارتاحي هما شويه اصلاالماعين
وداد ..سلمها فالحه وطلعت من الكوجينه
شهد تتكلم في التليفون
ابرار خشت لميس
ابرار شدت ميس من ايدها
ميس..نحي ايدي خيرك
ابرار..بتبطلي حركاتك هادم ولا لا
ميس .. حركات شني
ابرار ..حركات المسكينه تبي تاخدي اهتمام الناس
ميس ..تشبحلها
ابرار..شوفي ياميس حركاتك هادم ممكن يفوتو على خالتي وشهد لاكن ميفوتوش عليا واحمد ابعدي عليه
ميس ..شن تقولي انتي
ابرار..مديريش روحك عبيطه احمد ابعدي عليه لان حنى العائلات الراقيه ناخدو من بعضنا مناخدوش في الفقراء اللي ساكنين عند الناس يصرفو عليهم ويسكنوهم عندهم ولو احمد ومرة عمي عاطيينك حجم فهادا لانهم ساخفين عليك فقط غير هكي انتي متسوي شي في نظرهم ياحشرة
ميس مصدومه من كلام ابرار وخلاص بتبكي دموعها بينزلو بس شاده روحها
ميس ..sorry انتي مريضه نفسيا امشي لاقرب دكتور يعالجك
وطلعت قعمزة في الجنان تبكي
ابرار ..كلمها خوها زكريا قالها وتي روحك
زكريا ..خش بيسلم على عمه عتمان و وداد
ابرار مع شهد في دارها
وداد ..ناداها عثمان في المربوعه
ميس مقعمزة في الجنان
خش حد شبحت تحسابه احمد
انصدمت لقاته ولد وهيا من دون حجاب
زكريا ..السلام عليكم
ميس.. مرتبكه وعليكم السلام من تبي
زكريا ..انى خو ابرار جاي بنروح باها
زكريا ..عمي عثمان قاعد ؟
ميس ..ايه في المربوعه وخشت بسرعه
ميس.. ركبة لدارها
زكريا هدرز على عمه شويه وروح بابرار
زكريا ..قاعدة عندهم البنت اللي امها وبوها ماتو
ابرار..قصدك ميس ايه قاعدة قالو بدت من العيله
زكريا ..في خاطره اسمها حلو زيها طرف
.......ميس في دارها تقرا
احمد روح الساعه 12:30ركب لداره شاف ضي دار ميس قاعد والع فتح الباب وخش ميس مقعمزه تقرا عاالسرير وتلعب بشعرها
ميس ..انتبهت لاحمد
ميس ..تصدق،مستغربتش ابدالما شفتك تعودت على انعدام الخصوصيه
احمد ..مزال حتتعودي في داخله
احمد ..شن اديري قاعده نايضه لتوا اخر مره الوقت هادا نبيك راقده
ميس ..انتا شن ادير قاعد برا لتوا
احمد .. شدها من شعرها معاش تكلميني بالأسلوب هادا احسنلك وربي نقتلك
ميس.. اطلق
احمد ..انى نطلع امتى مانبي ونروح امتى مانبي محد يقدر يمنعني فاهمه؟
احمد ..طلق شعرها وطلع
ميس.. تبكي وحدفت الكتابات من عاالسرير
احمد ..يفتش في الكاميرات كالعادة شبح ميس مع زكريا
احمد.. بسرعه لدار ميس
ميس ..كيف بترقد
احمد ..علاش واقفه مع التافه اللي اسمه زكريا
ميس.. من زكريا؟
احمد ..زكريا ولد عمي من غير استعباط وكان وكأنه حتجيه نوبته العصبيه
ميس ..خافت اااحمد اهدى شويه شوف انى مقعمزة في الجنان فجئة خش واحد نحسابه انتا بعدين لقيته ولد قتله انتا مني قالي انى خو ابرار جاي بنروح باها وسأل على عمي عتمان صدقني احمد والله مقصدي نطلع من غير حجاب قدامه
احمد ..هادي اخر مرة تصير مرة تانيه معاش تكلميه الفرخ هادا اخر مرة هادي
ميس ..حاضر معاش نكلمه
احمد ..طلع لداره وكان هادي نحا فلنته وتلوح عاالسرير ورقد
.....زكريا كان يفكر في ميس طول الليل
الصبح ميس واتيه تستنى في احمد يرفعها للمدرسه
احمد ..نزل هيا اطلعي توا ناخدو فطور من الطريق
طلعو التنين
احمد ..وقف على المقهى خدى فربى فراولة لميس وقهوة ليه وخدى بريوش ليهم فطرو
وصلو للمدرسه
احمد ..تلقيني امدرس السيارة هنى منقعدش نستنى
ميس.. اوكى
ميس.. في المدرسه مع نسرين
الاء ..شن الجو ميس توضيح (الاء منافسة ميس في المدرسه وتحبش ميس)
ميس ..تمام
الاء ..نقصد الجو بعد وفاة امك وبوك
ميس ..نصدمت ولاصوت
الاء ..خيرك شن صارلك تبكشتي يا يتيمه ولا معاش عندك حد يجي يدافع عليك في المدرسه بعد ماتو امك وبوك هههه التنين في نفس اليوم سبحان الله
نسرين ..دفت الاء خيرك تبي تنضربي شكلك
الاء ..انتي خلاص بديتي اقل وحدة معندكش شي حتى ام اب لا
ميس ..تبكي
نسرين ..ميس متبكيكش وحدة زي هاداي
الاء ضحكت ومشت مع صاحباتها
نسرين ..شدت ميس حضنتها هادي وحدة مريضه فوتاها انتي تعرفاها علاش ادير هكي هيا تنافس فيك في القرايه وتبي تأتر عليك متعدليش علاها
ميس.. كانت طول الوقت زعلانه في المدرسة .
....في المرواح
ميس طلعت توجهت للسيارة وركبت
ميس..السلام عليكم
احمد..وعليكم السلام ورحمة الله يشوفلها وعيونها حمر وخشمها احمر كان واضح انها كانت تبكي
احمد..خيرك شن في
ميس..تحاول الدرق وجهها مفي شي خيرني
احمد..متعرفيش تكدبي واضح عليك راه
ميس..وانى منكدبش مفي شي
احمد..ميس خيرك تبكي واضح كلامي
ميس..انهارت بلبكى مرة تانيه
،،خلاص مشكلة صغيرة مع بنت و خليني منبيش نتكلم
احمد..محبش يضغط علاها اكتر وخلاها ع راحتها لاكن داخله يغلي يبي يعرف شن صايرلها
ميس..تشبح للروشن وتتفكر في كلام الاء
احمد .. وقف ونزل جاب اميه وكلينكس وعطاها الميه ميس شربة رشفه صغيرة وحطتها
احمد..كمل سواقه لاكن طول الوقت عيونه على ميس بدون ماتحس
وصلو للحوش
نزلت ميس سلمة على خالتها وركبة لدارها رقدة ع السرير وحاطه المخدة على فمها وتبكي بأقوى ماعندها خشت علاها شهد ونصدمت من شكلها
شهد بصدمه ..ميس خيرك
قربة شهد وقعمزة جنبها عالسرير
ميس ..حضنتها وتبكي قالت عليا اقل وحد ومعنديش عيله
شهد..مني قالت ءءءامميس اهدي شويه واحكيلي
ميس..تحاول تكتم شهقتها وحكت لشهد اللي صار
شهد..تمسح على ظهر ميس
ميس..شهد متقوليش لخالتي شي باهي
شهد..اهدي خلاص مش حنقول
ميس ناضت تبي تبدل حوايجها
طلعت شهد وخلتها تبدل على راحتها
لقاها احمد بيخش داره
احمد..شهد خيرها
شهد.. ميس؟
احمد..ايه خيرها تبكي
شهد..في بنت في المدرسه ضايقتها قاتلها يتيمه وعندهاش حد وعزرتها بأمها وبوها لميتين المسكينه فتحتلها جرح كان بشويه بشويه يتسكر
احمد..منغير ردة فعل خش لداره وهوا معصب
قعد يتمرن بهمجيه ويردد بفمه هيا ضعيفه هلبا كيف تخليهم يأترو فاها
هيا ضعيفه
،،،،،،،،،،،
نزلت ميس الساعه5:30
كانت لابسه سروال ابيض مع كنزة صوف للركبه عاللون الوردي الهادي علاخر قايمه شعرها كلعاده كعكة فوق مرخيه وخصلاتها نازلات مع ملامحها الباهته من كتر البكى و شبشب ريش ناعم دارة نسكافيه وطلعت قعمزة في الجنان وكان الجو صقع هلبا سرحانه وتشرب في الطاسه اللي في ايدها
احمد نزل يبي يطلع مع صحابه ويحسابها قعده في دارها
طلع من باب الحوش تفاجئ لقاها مقعمزة والريح الطير في الخصلات على وجهها
احمد..وقف يتأمل فاها شويه وهيا تشرب في نسكافيه ملامحه بدو يحنو شويه لاكن سرعان ما ردهم ملامح جديه
احمد..احححم
ميس..تلفتت تفاجئت بوجوده
احمد..خشي الدنيا صقع هلبا تمرضي
ميس..خليني شويه ونخش انى نحب الجو البارد
احمد..قلت خشي
ميس..بالله عليك احمد خليني بالله
احمد..يشبحلها وقايم حاجبه
ميس..بالله
احمد..شويه وخشي ومعاش الديري حركات الصغار
ميس..هزة راسها باوكى
احمد.. شبحلها شويه وطلع وخلاها
طبعا احمد طول الطريق شكل ميس مفارقش خياله ابدا
تاني يوم احمد رافع ميس للمدرسه وكالعادة فطرو في الطريق
احمد..ركب للسيارة ومد لميس كبتشينو وكيك
ميس ..شكرا
احمد..اححم بنقولك على موضوع البنت اللي امس
ميس..اما بنت
احمد..متستعبطيش عليا البنت اللي روحتي تبكي منها
ميس..نزلت عيونها من قالك
احمد ..انى سمعتك تحكي لشهد المهم بننزل نتفاهم معاها
ميس..لا احمد بليز
احمد..علاش خايفه ولاشني
ميس..لا علاش بنخاف لاكن مش حلوة اللقطه زي صف الاول يعني
احمد..شبحلها متقعديش تبكيلي في السيارة لما الديرلك حاجه
ميس بابتسامه..فكرتني ببابا الله يرحمه كان هكي يقولي ديما
احمد..ابتسم ابتسامه صغيرة كويس فكرتك ببوك
ميس..نزلت عيونها وتتفكر في بوها
فلاش باك
ميس..تبكي وشادة ايدها
عمر(بوها)..خيرك تبكي
ميس..يوسف ضربني على ايدي(يوسف ولد عمت ميس)
عمر..تو نوريه
عمر ..يوسففف
ميس..بابا متضرباش بالله
عمر..كان منضرباش يبدا يعاود فاها
ميس..حضنت بوها سامحه
عمر..باهي ياودي لاكن متجيش تبكيلي بعدين لما يضربك
ميس..اننلا بنكبيلك
عمر..ههه مفيش معاك فايدة
نهايه الفلاش باك
وصلو للمدرسه
ميس..مع السلامه ونزلت من السيارة
فات يوم دراسي عادي ميس ونسرين يهدرزو مع بعض ويفضفضو وطبعا ميس تتصرف عادي وكأن نست اللي قالاته الاء وطبعا الاء مش عاجبها اللي صاير وتفكرلها في مصيبه تانيه
في المرواح طلعو البنات ميس شبحت احمد
ميس.. سلمت على نسرين،،هيا باي نسو
الاء اهيا ياخالتي شوفاها مع مني بتركب (خالتها ابله)
احمد يستنى
الابله ..ميس تعالي شويه
ميس ..نعم يابله
الابله..مني هوا اللي روح بيك امس
ميس ..ولد خالتي
الابله ..ولد خالتك ؟ يعني صاحبك متتحشميش تقوليهالي
ميس ..لا مش صاحبي سألتيني وانى جاوبت علاش نتحشم
الابله ..ضربة ميس كف قليلة ادب
ميس ..ولابعد ماتو اماليك معاش في حد يشدك
احمد ..فتح باب السيارة بسرعه وجى يجري
جبد ميس وراه
احمد ..خيرك معاها
الابله ..مني حضرتك
احمد ..خيرك معاها واضح كلامي
الابله ..اه انتا صاحبها اللي روحت باها امس جاي حتى اليوم
الابله 2..عيب عليك ميس معروفه باخلاقها واحترامها في المدرسه
احمد للابله اللي ضربة ميس ..تكنطى احترمي نفسك احسن ميصير شي ميعجبكش
الابله ..لاااا خوفتني
احمد استني شويه
احمد.. ميس اركبي في السيارة
نسرين ..مشت مع ميس
احمد للابله
احمد.. وديني لما اندمك عل مدة ايدك علاها وكلامك اللي قلتيه
الابله ..دير اللي تقدر عليه واللي عالي خيلك اركبه
احمد ..خلاص استني نوتيلك في مفاجئه ،حنخليك عبرة لاي حد يفكر يقربها ولايقول كلمه علاها
احمد ..ماشي للسيارة
وقف اتصل بجلال
احمد ..الو
جلال ..ها يابرو
احمد ..بصوت عصبي جلال صاحبك اللي في وزارة التعليم كلمه خليه يجي للقهوة انى ساعه وجاي
جلال ..خيرك فاصل شن في
احمد ..مش فاضي توا بعدين نهدرزو
جلال ..ماشي
نسرين شافت احمد جاي
نسرين..انى بنمشي احمد جى مسحتلها دموعها خلاص ميمي معاش تبكي باهي
احمد ..ركب السيارة خيرها هادي
ميس ..دموع على خدها حكتله اللي صار
احمد ..كان متعصب علاخير باهي في حاجه بينك وبينها الابله هادي
ميس ..بنت اختها نفسها اللي امس الاء منافسه ليا في المدرسه
احمد ..شن اسمها
ميس.. امال *****
احمد ..كويس عطى لميس اميه اشربي
ميس ..خدة شربة رشفه صغيرة
بعد شويه ميس رقدة وكان قاعد فاها صوت البكى
احمد ..شبح لميس لقاها راقدة
احمد ..يتأمل فاها وربي لما اندمها وربي
وصلو للحوش
احمد ..بينوضها ميس اششش
ميس.. مسحت وجهها وناضت
احمد..وصلنا انزلي
ميس ..مش نازل انتا
احمد ..لا قوليلهم عندي شغل مش جاي عاالغدى
ميس ..اوكى
خشت ميس
سلمت على خالتها وشهد
ميس ..انى راكبه لداري نبدل ونجي
......بعد شويه
............
احمد ..سلم على حسن
احمد..شن الجو ماشيه؟
حسن ..تمام
جلال مقعمز ويتفرج
احمد ..بنخش في الموضوع طول في ابله اسمها امال **نبي قرار الفصل امتعها في اسرع وقت
حسن ..ساهله لاكن ان شاء الله خير
احمد..تقدر تخدمني ؟احمد كان والع
حسن ..محلوله توا انضملها اومورها غدوة يوصلها قرار الفصل انتا عطيني اسم المدرسه وتتبع اي بلديه والباقي عليا انى
احمد..بارك الله فيك مش حننساهالك طول ماانى عايش.
حسن ..مدور شي الاومور طيبه
خلاص انى مشيت (تبي اي خدمه في اي وقت مدور شي تليفون بس )
جلال..منور يا برو
مشى حسن
جلال ..شن في خيرها
احمد ..حكاله
جلال ..عرف انا احمد طاح على راسه وبدى يحب بنت خالته لاكن مقال شي قدام احمد باش ميعصبش اكتر
احمد..رجع للحوش كان هدوء وقت قايله كل واحد في داره
احمد ..خش لداره بدل حوايجه وخش لغرفة الرياضه مطلعش مع التمرين المستمر (الرياضه كانت المهرب الوحيد لاحمد وكان تنسي فيه لاكن منساتاش ميس )يتريض لاكن ميس مفارقتش خياله ابدا