بعد تقريبا ساعه الاربع ناضت ميس (طبعا لان الحوازة بعيده)
احمد..شني نقول صبالخير ؟
ميس..عادي قول اللي يعجبك
وفتحت تليفونها تهدرز مع نسرين ماسنجر
احمد..يحاول يشوف مع مني تهدرز
ميس..جاها مسج ضحكت بهدوء
احمد فجئة سحب منها التليفون ميس انخلعت وتحاول تاخد تليفونها
ميس..عطيتي تليفوني خيرك
احمد..خيرني؟مهبول انى..والتليفون مفيش
ويفتش في التليفون
ميس..اللا عطيني تلفوني هادا من خصوصياتي منحبش حد غيري يمسه
احمد..يفتش ومش معدل..هادا بيقعد عندي لعند انضمله اوموره
ميس..عندي فيه هلبا صور وحاجات نبيهم
احمد..تبكشي 😡وافتي الباسوورد
ميس..شبحتله
احمد..مقلتش اشبحيلي افتحي
ميس..فتحت الباسوورد واحمد طبعا شافه وحفظه
احمد..كويس
ميس..سكتت معاش تكلمت وتشبح للروشن
وصلو للحوش ميس كان واضح انها معصبه من احمد هلبا نزلت بدونزماتتكلم وخشت جري لدارها
احمد..يشبح لتصرفاتها ويضحك..باهي و علاش الجري
ميس..مصح وجهه كيف ياخد تليفوني منقدرش نعيش منغيره لاكن حناخده تو تشوف باهي..خلاني ندوي معا روحي زي المهبوله
خشت خدت دوش ولبسة تب زيتوني مكتوب عليه بلاسود وسروالhd اسود وشعرها مقاماتاش طايح على وجهها وكتافها
مقاماتاش طايح على وجهها وكتافها
روحت وكلهم خشو ديارهم دوشو وارتاحو
ميس..طلعت من دارها لدار احمد وقلبها بيطلع من مكانه وقفت قدام الباب ياربي كان يشدني يقتلني
فتحت الباب بشوية بقت الدار ظلام ..معناها راقد خشت خطوة خطوة وخايفه يشدها
طبعا احمد قبل شويه
احمد..فتش التليفون كله
احمد..مفي شي والله طلعتي حق عاقله
نرجعو لميس اللي بتموت من الخوف حطت ايدها على الكميدينو كيف بتاخد التليفون جبدها احمد من يدها بقوة لعند طاحت عليه وشعرها طاح على وجهه ميس تحاول تفك يدها شدلها ايداها التنين بيد وحده ومد يده فتح السهارة وحول شعرها من على وجهه
احمد..شن نديرلك توت
ميس..قلبها يطق بسرعه ..ولاشي
احمد..ولا شي ..باهي واللي درتيه انتي ميتعاقبش عليه
ميس..تليفوني جيت نبي ناخده وعلاش العقاب
احمد..ضغط على ايداها بقوه
ميس..اااي توجع في يديا اطلق
احمد..انى مش قلت لما ناخد حاجه ممنوع حد ياخدها مني خصوصا من غير ادني
ميس..باهي اطلق اااه
احمد..احمدي ربك اللي جاتك هكي ومكسرتش راسك
ميس..ساكته وتشبحله
احمد..عيونها في عيونها وسرحان
لان في العادة لما حد يدير عكس كلامه يولع الدنيا لاكن هادي المرة لا
احمد..طلق يديها ..هيا توا اطلعي منبيش نسمع صوت
ميس..طلعت وسكرة الباب
حمد..اضحك على جنب
وخدى تليفون ميس فتح على الاستوديو يتفرج على الصور صور ميس
ميس مع امها وبوها وفي وحدة من
الصور ميس في حوشهم مع امها وبوها شادتهم من ايديهم وكانت الضحكه مرسومه في عيونها احمد قعد يركز في الصوره لان اول مرة يشوف ميس فرحانه هكي
كانو في صور لميس في عرس بنت عمتها لابسه قفطان ومدايره ميك أب طالعه تهبللل ووحدة لابسه سروال وبلوزه خياال طبعا احمد بعت كل الصور لتليفونه
ميس في العرس
احمد ..شاف صورة لميس كاتبه علاها( كونو ملاذ اللطف فالعالم سيء بما يكفي)
ابتسم ويكرر فاها بفمه ملاذ اللطف ماشي يالطف
احمد..سكر التليفون هادا التليفون مفيش اليوم طفى السهارة ولف البطنيه عليه ورقد
تسرييع في الليل
الكل مقعمز على طاولة العشى
وداد..ميس حبيبتي غدوة بتمشي للمدرسه ولا
ميس..اي بنمشي الصبح بيفوت عليا الباص
احمد..قام راسه ..يفوت عليك شني؟لا ياأبلة معندناش بناويت يركبو في الباص
شهد..بصوت واطي..ميس مترديش عليه
وداد..احمد بشوية ع البنت
احمد.. ياكل ويشبح للصونيه ..كلامي منيش معاوده الصبح انى طالع نوصلك للمدرسه سكرو الموضوع
ميس وشهد غسلو الماعين واحمد قاللهم ديرو شاهي
ميس..دارتلهم كلهم شاهي وجابت السفره مدتلهم كلهم وقالت..تصبحو على خير
الكل ماعدا احمد ..انتي من اهله
ركبت ميس دارها وتت حوايجها للمدرسه
ورقدة على سريرها وتفكر في عيلتها
ميس..وينكم ياماما ويا بابا لو كان انتم قعدين ميقدرش حد يعيط عليا كانو كلهم يحسبولي الف حساب لما كنت حي يابابا نعرف انك تسمع فيا حتى لو كنت مهناش لاكن انتم معاي عايشين في قلبي وقعدة على هادا التفكير لعند ماخداها النوم ورقدة
بعد شويه ركبة وداد لقت ميس راقدة غطتها وطلعت
روايات ميني 💜
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!