رواية حب عصبي 💜 الفصل الثالث 3 - بقلم ميني💜

احمد..شبح لميس شبحه اخيرة وطلع
كملت ميس مع خالتها كل شي وخشت
ابرار..شني كملتو
وداد..اي ماشاء الله علاها ميس طلعت فالحه في الغرس
ميس..مش زيك خالتي
وداد..ربي يحفظك ان شاء الله
شهد..ما شاء الله ماشاء الله
وداد وميس ابتسمو وشبحو لبعض
وداد..شني بتنغري زي الصغار
شهد..شني ننغر لالا
وداد..قرصتها من خدودها قعدو يضحكو
ابرار..رن تليفونها
زكريا(خو تبرار)..الو
ابرار..ايوا
زكريا..اطلعي انى برا
ابرار..متبيش تخش تسلم على عمي ومرة عمي
زكريا..لالا مستعجل اطلعي بسرعه
لبسة ابرار وشاحها وطبعا كانت مشعبطه الدنيا بلوزة وسروال وجيلى وشاح مشجر (حالة مش مزعلة ولا لون 😂)
سلمت عليهم كلهم وصلت في ميس شبحتلها من فوق لعند لوطا ..هيا ميس نتلاقو
ميس ببراءة ..تعالي مرة تانيه
ابرار..الجايات اكتر
وداد..مرحبتين بيك امتى ماتبي
طلعت ابرار
وداد..هيا توا انى ندير دوش ونطيب العشى
ميس حتى هيا ركبة غسلت ايداها وقعمزة شوية تفرجت على التلفزيون ونزلت بتعاون خالتها
طيبو العشى ووتو ميس وشهد السفرة قعموة ميس معاهم على الطاولة في العشى ووداد كانت مش عاطية فرحتها لحد بسبب تحسن نفسية ميس
غسلو شهد وميس الماعين مع بعض وهما يهدرزو
ركبة شهد دارها تقراةلان عندها امتحان غدوة في الكليه
وداد..قعمزة وفتحت فيلم مصري تتفرج عليه
جت ميس وقفت وداد مدتلها إيدها تعالي ميس جنبي
قعمزة ميس جنبها واتكت على رجلاها وداد بدة تمسدلها على شعرها لعند ميس رقدة
وداد..شافت لقت ميس راقدة..تيمتي على صغر سنك يا ميس لاكنزنوكلك لربي
يااارب اكتبلها الفرح وين ما تمشي
بعد شوية وداد تتفرج على التلفزيون خش احمد
احمد..السلام عليكم
وداد..وعليكم السلام
احمد..جي قعمز على الصالون واشر بحواجبه على ميس..شني هادي ملقتش وين ترقد
وداد..خيرك ع البنت خلاها في حالها اللي فاها مكفاها متزيهاش
احمد..انى شن درتلها ..خلاها في حالها لاحول ولا قوة الا بالله
وداد..تنوض في ميس ..ميس ميس ماما نوضي لدارك ارتاحي
ميس..ناضت مسحت حيونها بإيدها شبحت احمد تغيرو ملامح وجهها لخوف
ميس..تصبحو على خير
وداد..انتي من اهله
ركبة ميس لدارها واحمد قعد شوية وركب حتى هوا لداره
.................
تاني يوم الصبح كان يوم جمعه وعطلة
ميس ناضت خدة دوش ولبسة قفطان شتوي حاير لونه زي الوردي الهادي كان طالع علاها يهبل ودارت شعرها ديل حصان وخلة خصلات طايحات

طلعت من دارها وتليفونها في ايدها تلاقت مع احمد حتى هوا كان طالع من داره
ميس..صباح الخير
احمد..صباح النور ويشبح لميس سرحان فاها
ميس..استغربة في شبحته ..خيرك؟
أحمد..مهبول خيرني شن لقيتيني اندير
ميس..شبحتله بملل وعاطته بظهر تبي تنزل
أحمد..شدها من ايدها بقوة وبنظرة كلها غضب..لما انى نقولك امشي تمشي لما منقولكش متتحركيش من مكانك فاهمه
ميس..حول يدك ..ايدي وجّعتني
احمد..خلاها توجعك باش لما تجي بتعاودي حركتك البايخه هادي تتدكري وجع ايدك
ميس..حول ايدي اييي
احمد..قتلك فاهمه
ميس..اي فاهمه نحي
احمد..طلق ايدها واشرلها بمعنى تقدري تمشي
ميس..معاش نبي ننزل خشت لدارها وصكرة الباب
احمد..شاف للباب على جنب وايديه في جيوبه دار حركة بفمه ونزل
وداد..احمد نزلت؟تعال افطر سخون
احمد..صبالخير
عثمان وشهد ووداد ..صباح النور
احمد جبد الكرسي وقعمز يتفكر في اللي صار قبل شويه مع منظر ميس كيف طالعه
وداد..باين علاخا ميس مش نازله
شهد..نمشي نشوفها
احمد..لا متمشيش كان بتنزل تعرف الكريق هنيلي روحك
شهد..حركة راسها بمعنى زي ما تبو
عند ميس
ميس..الو نسرين
نسرين..اااه حبي خيره صوتك هكي
ميس 😭..نسرين عادي تجي مضايقه هلبا انى
نسرين..حاضر ياقلبي تو نجي غير قوليلي خيرك
ميس..تعالي تو نهدرزو
نسرين ..اوكى باي
....
نسرين..بابا عادي نمشي لميس ضروووووري
علي(بو نسرين)..عادي لاكن ان شاء الله خير شن هوا الضروووووري
نسرين..تعبانه وتبيني نجاها
زهرة (امها)..خلاص بريلهاةمسكينه اوقفي معاها
نسرين مشت لعماد خوها في المربوعه
نسرين..اخي العزيز
عماد..لا
نسرين..غير استنى
عماد..مدام اخي العزيز معنها تعب ومشي وزحمه لا مفيش
نسرين..وراس خوي بالله عليك ميس صاحبتي تعبانه ضروري نمشيلها
عماد..ميس؟خيرها بلكي في حد مضايقها
نسرين.. لالا من اللي صار بس
عماد..كان هادا قوليلي عليه تعرفي والله نعدمه
نسرين..لالا مفي شي بترفعني؟
عماد..واي روحك
نسرين ..احلى اخ في العالم
.......
نزلت ميس
ميس ..صباح الخير
عثمان وشهد ..صباح النور
ميس..شهد وين خالتي
شهد..فيىالكوجينه اعتقد
ميس..مشت لخالتها ..صباح الخير خالتي
وداد..صباح الورد..نزلتي؟ نديرلك حاجه تاكلاها
ميس..لالا صحيتي انى نبي نقولك انا صحبتي بتجيني لو مفيهاش مانع
وداد..تتفصل امتى ما تبي
احمد خش للكوجينه وميس مشبحاتاش (دايرلها زي سلال القلوب ديما هوا وراها😠)
ميس..حضنت خالتها ..شكرا يا أحلى خاله في الدنيا وطلقت خالتها تلفتت لقتةاحمد واقف
نزلت عيونها وطلعت
أحمد..يام انى مقعمز مع الولاد في المربوعه
وداد..باهي وليدي تبي حاجه ع الغدى
احمد..اللي يريحك وطلع
رجعت ميس لدارها وبعد ساعه
نسرين.. الو ميس انى قدام الحوش افتحيلي وعماد يبي يشوفك يطمن عليك
ميس..اوكى اهو جايه
لبست عبايتها ووشاحها ونزلت
في الجنان..ميس حضنت نسرين استحشتك
نسرين..حتى انى
سلمت على عماد
عماد..اووووو ميسو وينك ليك وحشه معاش تباني ولا تجينا زي قبل
ميس..حتى انتم ليكم وحشه لاكن تعرف الظروف
عماد..كانت في ايده كيس مدها لميس
ميس..شن هيا
عماد..اشرلهاوعلاخا وقام حاجبه بمعنى مندري
ميس..فتحتها اوو رفايللو شكرا
عماد..لا شكر على واجب
ميس..تشبحله بنظرة كلها براءة لاطن نظرة عماد مكانتش بريئة كانت نظرة حب وميس مش لاحظة الشي هادا لان عماد ولا مرة بينلها حبه لانه بشخصيته يتحشم هلبا وطيب
عماد..هي متبي شي
ميس..شكرا بارك الله فيك
عماد..تبي اي شي تكلميني راه
ميس..تسلم
عماد..هي سلام
ميس..دارتله باي بإيدها
مشى عماد وخشت ميس مع نسرين
احمد.. واقف يشوفلهم من الروشن والدخان يطلع من ودانه😡..تو نورّي فيتك اليوم
عند ميس مقعمزة على السرير وتحكي لنسرين في كل شي يدير فيه احمد
نسرين..مش عارفه شن بنقولك الحق
ميس..طبيعي لان اللي يدير فيه متفهميشي
نسرين..متخلف عقليا
ميس..ههههه والله حق
خشت وداد دخلتلهم نسكافيه وكيكه
نسرين..صحيتي عميمة علاش متعبه روحك
وداد..مفيهاش تعب
ميس..زي منحبها بزبط النسكافيه يسلمو خالتي
وداد..صحه
طلعت وداد والبنات قعدو يتبادلو في الهموم مع بعض وتغدو في دار ميس العصر
نسرين بتروح ودعتهاميس ودارت باي بإيدها لعماد
عماد..دار كلاكس خفيف وباي
خشت ميس
ميس..خالتي شن تبو انديرلكم ع العشى
وداد..أشيه أشيه بنتي الفالحه بطيب العشى باهي امالا عشينا على دوقك انتي
ميس..ابتسمت واشرت بعيونها اوكى
خشت ميس بدت الدير في الدجاج لان بطيب زي الكبسه وسلطات
وداد..نعاونك غي حاجه
ميس..لالا ارتاحي خالتي تو اندير انى
وداد..باهي هاتي علاقل نقرضلك الخضره هادي (امتع السلطات)
قرضتها وداد وكملتها
ميس..خلاص خالتي جزء كبير من العشى واتي انتي تعبتي ارتاحي وانى تو نكمل
وداد..مفيهاش تعب
ميس..لالا وين من بكري واقفه ارتاحي شويه
وداد..باهي تو نمشي نقعمز شويه ونجي باهي؟
ميس..هزة راسها بأوكى
طلعت وداد وميس كملت الطيب والدور من الغاز للرخامه
احمد..صفر تصفيره قويه لعند شبحتله ميس
احمد..بتتواضعي وبديريلنا عشانا؟ شن بيصير في الدنيا ؟
ميس..ساكته ولا كلمه وتحط في السلطه في الصونيه
احمد..اشششش وين
ميس..برضو مردتش عليه
احمد..استفزه سكوتها معرفش شن يدير لقى صونيه جنبها دفها بإيده كسرها
المرش تنطر على رجل ميس
ميس..ااااه رجلي
احمد..قدم بيشوفها
ميس تبكي ..حوول ودفتله ايده
احمد..شدلها ايدها بعصبيه ووقفها رفعها جيهةالكرسي ..ارتزعي هنى وصوتكزمنبيش نسمعه
ميس..ساكته وتشبحله بخوف
احمد..جاب اللصقه والسبيريتو
احمد..قيمي رجلك هنى(على الكرسي التاني)
ميس.. قامت رجلها وكان الجرح من جيهة الكعبه صب احمد السبيريتو ميس مغمضه عيونها
زاد تاني ميس شدتله ايده بمعنى خلاص
يشبح احمد لايده اللي شادتها ميس وحط اللصقه ومشى من غير مايتكلم
ميس..معقد وناضت رجعت للكوجينه
بعد شوية
شهد..شني نساعدك حبي
ميس..اعتقد كله تمام
شهد..اممم شن رايك انديى حاجه حلوة زيني انى هكي
ميس..هههههه😂عادي
شهد..خلاص تو انديى كيكة التارت
ميس..اوكى
قعدو التنين مع بعض يطيبو ويضحكو وجوهم يهبا
وداد..احمد شوفهم كيف يهدرزو مع بعض وجوهم ياسلام عليه حتى ميس نفسيتها بدت تتحسن
احمد..اي كويس وفي داخله (تو نوراها ميس هادي ليلتها مغبرة)
ميني💜..على راسك مغبرة
احمد..كان يراقب في كل حركة الديرها ميس بدقه ضحكتها كلامها كل شي كان تحت المراقبة
ولا بعد شويه بدو يحطوا في العشاء على الطاوله الاكل وهو ش شربه خضار مع كبسه سلطات كمقبلات ك كان منظر السفره يهبل كلهم قعمزو
علي الطاوله ميس كالعاده مقابله احمد ميس تاكل بهدوء وبشويه احمد يشبحلها
وداد معاهم على الخط وكان عاجبها اللي صاير
عثمان.. يسلموا يديك يا بنتي بنه وصنه
ميس.. صحه عمي
وداد.. ايه بنت اختي زي امها فالحه وخالتها ربي يحفظها ان شاء الله
شهد.. اه وانى
وداد.. اكيد حتى انتي بنيتي ما شاء الله عليك
شهد.. واضحه مجامله باهي باه
وداد.. هههههههه لا والله مش مجامله
عتمان.. بايره انتي ا امتى الطيبي
شهد.. تو اني اطلعت بايره
قاطعهم احمد
احمد.. بما ان غذوه عطله نمشو للحوازة امتعنا
عثمان.. ما فيش مانع شن رايكم انتم
وداد.. عادي نمشو نغيرو جو
شهد.. يا ريت والله
عثمان.. وميس حتى انتي من العيلة شن رايك
ميس.. زي ما تبي عمي
احمد.. الكل يوتي روحه ساعه ثمانيه نطلعوا
وداد.. بكري هلبا 8
احمد .. خلاص يام 8 يعني8
وداد.. ربي يهديك يا احمد
اغسلو شهد و ميس الماعين شهد دارت شاهي والكيكه امتعها شربو كلهم وكلوا الكيكه
ميس.. تهبل الكيكه امتعك‏ شهوده
شهد.. الله عجباتك
ميس..هلبا
احمد.. هيا تصبحوا على خير
الكل.. انت من اهله
بعد شويه ركببو كلهم لديارهم
فتحت ميس باب دارها وخش وسكرت الباب لما تلفتت انخلعت ....😳
لقت احمد مقعمز على الكنبه ويشبحلها
ميس.. انت شن الدير في داري
احمد.. انى نخش وين ما نبي فاهمه
ميس خلاص طفح الكيل..لا مش فاهمه
شدها احمدمن شعرها بإيد وسكرلها فمها بإيده التانيه تو نفهمك انى بطريقتي
ميس..تتوجع وتبي تفك روحها منه لاكن مفيش فايده
احمد..يشبح لميس وحالتها هوا مكانش يبي يدير هكي لاكن الشي هادا مش بإيده اعصابه متحكمه فيه..طلق شعرها ودفها على السرير
ميس طايحه على السرير ودموعها ينزلو
احمد..رجع قعمز على الكبه ..نوضي قعمزي بندوي معاك
ناضت ميس قعمزة وهيا تبكي
أحمد..يشبحلها وساكت
ميس..مش تبي تدوي ادوي خيرك تشبحلي احمد ناض وقف قدامها وحط ايديه في جيوبه
..خدى نفس عميق شن علاقتك بيه اللي سلمتي عليه بكري
ميس.......
احمد..كرر نفس السؤال لاكن بعياط
ميس..باهي بشوية انتا تخوف فيا متخليش فيا نتكلم
احمد..رجع قعمز ويشبح لجيهه تانيه ويهز في رجله يخاول انه ميشبحش لميس لانه حس بروحه حيضعف
احمد..باهي اهو نسمع فيك
ميس..هادا عماد خو صحبتي
احمد..باهي خو صحبتك تطلعيله وتسلمي عليه وتهدرزي تاني شني انتم اتراك
ميس..انى من لما كنت صغيره نعرفهم يجونا ونمشولهم نعتبر فيه خوي وحتى هوا يتعامل معاي زي اخته بزبط
احمد..اي خوك ويجيبلك معاه شكلاته ولا وخدى الحكه امتع الكلاته حدفها لوطا
ميس..عادي هوا يعرف اني نحبها وجابهالي بس وتتكلم بكل هدوء
احمد..باهي افتحيلي ودانك واسمعيني كويس شن بنقول ..الفرخ هادا شن قلتيلي اسمه ؟ عماد اي
معاش نبي نشوفك تكلمي فيه ولا تشوفيه حتى بيجي يحط اخته قدام الباب ويمشي ولو تكررت الحركه هادي مرة تانيه صحبتك تحلمي مزال تشوفاها حتى بعيونك والحوش معاش نخلاها تجيه ومتقوليش نلاقاها في المدرسه لان وقتها حتى المدرسه حنحولك منها اعتبريه
تحدير اول وأخير
ميس..مصدومه فيه..قصصدي عاطي الموضوع اكبر من حجمه مش محتاج كل هادي العصبيه
احمد..متشي ماشي كلامي وسمعتيه وجربي تخالفيه وطلع وقربع الباب
تاني يوم كانت التجهيزات للحوازة الكل موتي حوايجه وشنطه ومستعد
بعد شوية نزلت ميس لابسه عبايه حلوة ووشاح مع شنطه ع الوردي وشوز نفس اللون
وداد..واتيه ميس؟
ميس..اي خالتي واتيه
شهد..خيره احمد منزلش مش قال الساعه 8
وتوا التمانيه وربع هيااا
عثمان طلع ولع السيارة وبعد شوية نزل احمد كان لابس توته سبور Adidas باللون الاسود ولابيض وشوز فخم ابيض وساعه سودة
احمد..صباح الخير وشبح لميس على طول شن لابسه وكأنه يبي يطمن علاها
الكل..صباح النور
ميس..متجاهلاته ومتبيش تشبحله
احمد..يساوي في ساعته ويشبحلها ..هيا اطلعو
وداد..هي طلعنا
وداد..شدت ميس ورفعتها لسيارة احمد (طبعا كانو ماشيين سيارتين)
وداد..ميس انى وياك نركبو مع احمد باهي
ميس ..تبيش لاكن مش قادره تقول لخالتها
عثمان ..وداااد
وداد..نعم
عثمان تعال اركبي هنى(ميصبرش على فراقها ياكبدي💜😂)
وداد..باهي خلاص ميس اركبي هنى باهي انى خلي نمشي عطلت على عمك
ميس..خالتي.......
مشت وداد
احمد..كان واقف على اساس يشبح لتليفونه لاكن عيونه على كل لقطة صايرة
ميس..نزلت عيونها بزعل مكانتش تبي تركب مع احمد
ميس غي داخلها ..كبف بنتحمله المعقد وووووك
طبعا عتمان وولع ومشى
واحمد..قاعد واقف وشاد تليفونه يستفز في ميس
بعدشويه وميس واقفه بملل تستنى فيه
احمد..هي اركبي
ميس..فتحت الباب التلاني بتركب
احمد..شد الباب مش سواق بوك اركبي القدام وفتح الباب القدامي
ميس....
روايات ميني💜
هادا اللي قدرت نكتبه بنات