رواية حب عصبي 💜 الفصل الثاني 2 - بقلم ميني💜

طاحت ميس داخت
ناضو كلهم يجرو حاولو ينوضوها لاكن فاقدة الوعي
قامها أحمد حطها في السيارة وع المستشفى
الدكتور طالع
وداد..طمنا يادكتور
الدكتور..الحمد الله مفيش شي يخوف صارلها هبوط لانها ممكن متاكلش كويس لازم تنتبهو للتغدية امتعها
احمد..نقدرو نروحو باها
الدكتور..اي إن شاء الله توا ركبنالها تغدية التم تقدرو الطلعوها
احمد..بارك الله فيك دكتور
الدكتور..فيك بارك الله واجبنا هيا الحمد على سلامتها ومشى
خشو وداد واحمد لميس في الدار
وداد ميس توجع فيك حاجه
ميس..هزة راسها ب لا
وداد..شفتي لما متاكليش شن يصير
ميس..ساكته تشبح بس
رن تليفون وداد ومشت
احمد..متكي على الحيط ويشبح لميس
وداد..الو
شهد..ايوا ماما كيف حالها ميس
وداد..كويسه الحمد الله
شهد..خيرها شن صارلها فجئة
وداد..صارلها هبوط من قلة الماكله دارولها تغديه
شهد..تنهدت بإرتياح خوفتنا علاها  باهي انتم معطلين
وداد..لالا بتم التغديه نروحو
شهد..هي سلام
وداد..سلام و سكرة
بعد شوية تمت التغدية نوضت وداد ميس ساوتلها حجابها وطلعو
روايات ميني💜
السيدة الصغيرة💜
وهما مروحين في الطريق احمد طول الطريق يشوف لميس في المرايه ميس كانت متكية على المراية وراقدة
وداد..شافت لميس لقتها راقدة
وداد..احمد فاضي غدوة
احمد..(هايما نا ياروحي هايمه 😂)مردش علاها لانه كان سرحان في ميس
وداد..احمد ندوي معاك وينك
أحمد..ءءاااه اي معاك
وداد..فاضي غدوة
احمد..اي تبو حاجه
وداد..نبي نطلع نشري لميس حوايج لان حسيتها متحشمه تلبسهم قدامك وقدام بوك قصيرات وهكي واصلا هكي ولاهكي نباها تغير جو
احمد..يصير خير
....................................
شهد..مقعمزه في دارها تهدرز هيا وابرار
(ابراربنت عمها وفي نفس الوقت تقرا معاها في الكليه)
شهد..اي تعرفي مسكينه طاحت علينا رفعوها ماما واحمد للمستشفى
ابرار..احمد؟
شهد..اي احمد امالامني بيرفعها بابا ميقدرش واحمد بيطير في الطريق يعنيةيقدر يسعفها بسرعه خيرك
ابرار..لالا سؤال بس اكيد بيرفعها احمد ...احكيلي علاها بنت خالتك
شهد..شن بنحكيلك شكلاها متلا هيا متوسطه في طولها سعرها اسود مش طوبل هلبا عيونها سود هيا حلوة راه لاكن هادية هلبا متسمعيش صوتها اي معلومه تانيه؟هههههه
ابرار..خليتي خاطري نشوفها نجيكم غدوة ؟
شهد..اي تعالي تهبل حبوبة نعرفك علاها
ابرار..اي بنجي كان جابني الدراه زكريا (خوها)
شهد..اوكى..هيىباي تو بنرقد
ابرار..مرقد
شهد..يمرقدك
ابرار.. باي وسكرة
.........................................
وصلو للحوش
وداد..هيا ميس ماما وصلنا
نزلت ميس من السيارة سكر احمد الباب
وكل واحد ركب لداره رقد
تاني يوم الصبح
الكل كان مقعمز على طاولة الفطور ماعدا ميس
نزلت ميس من الدروج
وداد..ميس تعال افطري ماما
ميس..لا مخاتريش نبي نطلع للجنان شوية
وداد..ناضت شدة ميس من ايدها تعالي لازم تاكلي كان متاكليش تمرضي زي امس وجابتها لكرسي بصدفه مقابل احمد ميس كانت متحشمه هلبا وخاشه في بعضها وأحمد ملاحظ هادا الشي
احمد..طلع مزال في بناويت يتحشمو والله إلا باهي
عثمان ..احمد
احمد..ايوا
عثمان..اليوم جايك واحدزمن طرف اشرف صاحبي تزبطه ولا
احمد..اهه اي نعرفه خيره
عثمان..مش عارف جايبىسيارات من برا دفعه كبيرة يبو تأمين وقال بيجيك للشركه ميبيش تعطيل
احمد..تو نضموله اوموره
شهد..بابا هيا وقت على المحاضره
احمد..اخر مرة تقصي علينا لما ندوو
شهد..ومحاضرتي
احمدضرب الطاولة بإيده لعند ميس نخلعت
احمد😡..تنحرق محاضرتك عاوداها تاني الحركه هادي تشوفي شن يصيرلك  وكلمة تانيه مفيش مشي مرة وحده وترد عليا
شهد..سكتت وكإن كانت متعوده على الشي هادا
ميس..مصدومه فيه كيف خلق مشكلة من لا شيء وعصبيته الزايده على خاطر كلمه
روايات ميني💜
السيدة الصغيرة💜
عثمان..لا حول ولا قوة الابالله هيا بابا نوضي نرفعك
ناضو التنين شهد باست امها وطلعت
ميس..انى بنطلع للجنان شوية حاسة روحي مخنوقه
وداد..على راحتك اطلعي ماما
ميس ناضت طلعت
وداد..أحمد وليدي بشوية خوفت البنت بعياطك
احمد..علاش من كلمها هيا شن يخوف فاها
وداد..البنت وجهها اصفر من عياطك
احمد..فكيني من دلع النتايات
وداد..ربي يهديك
احمد..مش بتطلعو
وداد..اي كانك فاضي
احمد..معندي من دير وتو روحكم وهيا
وداد..خلي نكلم ميس توتي روحها
احمد..البسي تو نكلمها
وداد..بشوية وبهدوء مش متعوده على العصبيه البنت راه
احمد..باهي يام حسستيني الاميرا ديانا
وداد..اميرة امها وبوها مدلعينها اخر ظلعةهادي اللي عطاهالهم ربي
أحمد..باهي باه هي بسرعه البسو مستعجل
وداد..هي ديما انتا بصلتك محروقه وركبة تلبس
احمد..طلع لميس
ميس..كانت مقعمزة على كرسي وتشبح للحديقه بدون صوت
احمد..جبد كرسي وقعمز
ميس..شبحتله بصدمه
احمد..خيرك شفتي جن
ميس..شبحت لوطا لانها كانت تخاف منه هلبا
احمد..نوضي البسي بنطلعو
ميس..ووين
احمد.. البسي وتو تعرفي
ميس..مش خاطري نتلع (نطلع)اااءءانى ولا مكان
احمد..وأنى مخديتش رايك عطيتك علم بس
ميس تشجعت..قتلك منبيش
أحمد بعياط..وانى قتلك توااااا تنوضي توتي روحك عندك عشرة دقايق
ميس..مغمضه عيونها من عياطه  وناضت بسرعه
أحمد..ناقص غير فرخه بتكسر كلامي
بعد شوية نزلو ميس ووداد مع بعض وأحمد مقعمز في الصالة يلعب بتليفونه كان لابس تيشرت اسود وسروال اسود عليهم جبوطي قصير قهوي وسبيدرو فخم نفس اللون طالع يهبلل
وداد..هيا أحمد
أحمد..قام عيونه شاف ميس كانت لابسه عباية سودا ووشاح حرايري اسود وشوز ابيض سبورت كانت طالعه كيوت وتهبل رغم مفيش ولا نقطة مكياج في وجهها
احمد..حتى بالعباية طررف
وداد..رن تليفونها ومشت تتكلم بيه
أحمد..مقعمز ويشبح لميس منحاش عيونه بكل
ميس..تحاول متشبحش لأحمد لاكن شبحاته وتروها هلبا
ميس..خيرك اول مرة تشوف بنت
احمد..وقف قدامها وبنبرة تهديد ردي بالك تكلميني بلأسلوب هادا مرة تانية قاعد موريتكش وجهي التاني
ميس..تشبحل لجيهة تانيه غير احمد
احمد..اشرلها بمعنى امشي قدامي مشت ميس ولحقت وداد
روايات ميني💜
السيدة الصغيره 💜
في الطريق
ميس..متكية على الروشن واشبح للطريق
وداد..تهدرز على احمد لعند وصلو
وصلو للمحل وداد نزلتةعلى طول لان هادا المحل شبه محلهم ديما يجوه يشرو منه لان بضاعته كلها راقية ومن برا
احمد..تلفت لميس..اشششت انزلي
ميس..وين
احمد علاش تحبو كترة الدوة انزلي للمحل
ميس..فتحت الباب ونزلت بدون ما تتكلم لان متبيش تزيد معاه في الكلام
ميس..خالتي علاش جينا هنى
وداد..بنغيرو جو وبناخدولك حوايج
ميس..انى عندي حوايج
وداد..عارفه عندك لاكن عادي معليشي خلي ناخدو
ميس..لا منبيش بالله خالتي خلينا نروحو
احمد..فرخه خشي المحل وانتي ساكته
وداد..احمد بشوية ع البنت
احمد..شاف ميس كيف خاشه في بعضها منه سكت وكأنه وجعه قلبه علاها لاكن ميعرفش علاش ممكن لان مسخفاته او هكي هوا يقنه في نفسه لاكن كلا والف كلا يا أحمد 
شدة وداد ميس ودخلتها للمحل
نمشيلكم شويه
احمد واقف يهدرز مع صاحب المحل لانه بعرفه
طبعا على قد ما حاولت وداد مع ميس مبتش تاخد في الاخير ختارت وداد لبسة بسيطه متع حوش ميس خدتها باش تسكت وداد
جت وداد مدتهم لاحمد
احمد..إن شاء الله انى جايبكم هنى وليا ساعه واقفةعلى خاطر هادي
وداد..على مادرت فاها مبتش هادي وبسيف
أحمد..مش برايها هيا تاخد يعني تاخد ميمشيش كلامها عليا
وداد..وراس وليدي بشوية على البنت مزال متعودتش علينا وتتحشم منا
احمد..إن شاء الله يام انتي خوداها وامشو للسيارة وانى شوية وجاي
وداد..باهي ..ونادت ميس وطلعت هيا وياها للسيارة
قعمزو التنين في السيارة وأحمد قريب ساعه مجاش
فتحت ميس تليفونها تلعب بيه بملل
جى احمد حط الحاجات في الكوفنو وركب
وداد..وينك معاش جيت
احمد..عندي حاجهزمع الولد وعطلت
وانطلق للحوش طول وطبعا كلعادة عيونه على ميس وكل حركة الديرها في السيارة
وصلو للحوش نزلت ميس وركبة دارها على طول
احمد..نزل الشكاير ودخلهم
وداد..إشيه إشيه حتى في البتات مشروش هكي لمني هادم
احمد ..ليا انى وركب فتح باب ميس اللي كانت مقعمزة على السرير بعبايتها
ميس اول ماشافاته وقفت
احمد..حط الشكاير لوطا هادم ليك
ميس..لا هادي ليا واشرة على الكيسه الصغيرهويلي على السرير
احمدمسح وجهه بإيده..باهي هديكا وحتى هادم
ميس..لاكن انى مقلتش نبي
أحمد..انى قلت تبي مش ضروري تقولي انتي
ميس..تشبح للجيهة التانيه متشبحش لأحمد
أحمد..اكتر حركة تقهر فيه لما متشبحلاش تشبح لجيهة تانيه وكأنه مش موجود
طلع بسرعه وخلا الباب مفتوح
ميس..سكرة الباب وارتمت على السرير وتبكي من حركات احمد ومعاملته لاها لانها مكانتش متعوده ابدا على معامله هكي كانت دلوعة امها وبوها رغم ان حالتهم مش واااو لاكن ماشية اومورهم معاش بوها سادهم لاكن مدلعينها اخر دلع عكس توا عايشه في حوش كبير فيلة وكل شي راقي وغالي لاكن مكانتش تحس بربع السعاده اللي كانت حاسه باها قبل
رقدة ميس ومنزلتش ع الغدى
الساعه5العشية
وداد..شهد افتحي الباب
شهد..تتفرج على التلفزيون ..اكيد ابرار هادي وناصت فتحتلها
شهد..بربريتا شن الجو
ابرار..مليح شن جوك انتي
شهد..تمام التمام
ابرار..كيف حالك مرت عمي
وداد..الحمد الله يابنيتي شن حال بوك وأمك
ابرار..كويسين
قعمزة مع شهد في الصالة يهدرزو
نزلةاحمد من الدروج لابس تب شتوي أخضر داكن وسروال اسود يهبلل وساعه سودا نازل ويشبح لتليفونه
ابرار..ناضت بإندفاع مدت ايدها بتسلم عليه ..أحمد شن الجو
أحمد ..سلم علاها بدون مايشبحلها ورد.. ب تمام
قعمز احمد في الصالة التانية مقابلهم ومنحاش عيونه من التليفون
ناضت ميس من النوم لبسة كنزة صوف كإن مطرزة بليد سودا وسروال اسود ولبسة دندوف اسود ضعرها شداته ديل حصان
نزلت ميس من الدروج
ابرار..شافتها وسرحت فاها
شهد..ميمي تعالي سلمي على ابرار
قدمت ميس مدت اسدها لابرار
ميس..انى ميس كيف الحل
ابرار..انى ابرار شن الجو ياميس
ميس..تمام وقعمزة جنب شهد
ابرار..سارحه فاها وفي داخلها هادي بتعيش مع احمد في نفس الحوش مستحيييل نقبل نموت
طبعا أحمد من الجهة التانية مراقب كل حركه الديرها ميس
ابرار..ميس شن حو القرايا
ميس..الحمد الله
ابرار..اما سنه
ميس..تالته تانوي
ابرار..سكتت وبدت تفصل في ميس بعيونها
ميس..تحرك في صوابعها بملل
ميس..وين خالتي
شهد..في الجنان اكيد ع الغرسات تساوي فيهم
ميس..انى بنمشي نشوفها وطلعت
احمد..تبعها بعيونه لعند طلعت
ميس..خالتي
وداد..عيون خالتك امتى نزلتي
ميس..قبل شوية نزلت شن الديري
وداد..نساوي في الغرسات
ميس..عطيني نساعدك
وداد..تعرفي
ميس..كنا انى وبابا نديرو فيهم وخدت المقص بدت نقص في الورقات الصفر والدابلات
وداد.وجعها قلبها على ميس وبدت الدير معاها
ميس..خدت مالقي خاص بسقي وبدت تصب للغرسات تصب وتقيم في شعرها تحدف فيه على ظهرها لان يطيح على وجهها لما الطبص
كملت ميس من الغرسة وتلفتت انظربة في احمد لان كان واقف وراها ومشبحاتاش
ميس..توترت وخافت لان بلتله تبه شوية بلميه
احمد..قام حاجبه وكان بيقوللها ديري عيون لاكن لاحظ ميس كيف خايفه منه سكت
احمد..نفض التب متعه بإيده يام طالع تبي حاجه
وداد..سلامتك
احمد..
روايات ميني 💜

عارفه قصيره لاكن وعد حنعوضكم بحلقات احلى وأطول💜💜