رواية حب عصبي 💜 الفصل العاشر 10 - بقلم ميني💜

على سفرة الغدى
احمد..غدوة جلال بيجيب عيلته بيشوفو شهد
ميس..حقا
احمديقلد في صوتها..ايه حقا
ميس..خالتي عندها علم
احمد..قتلها بكري شويه
ميس..يييي اكيد متوترة وحايسه في روحها نبي نمشيلها
احمد..بعد العصر نرفعك كلن تبي تمشي
ميس..حقا
احمد..ضحك اي حقا
بعد شوية
احمد ركب لداره رقد رقد لانه مروح من الشغل وتعبان بعد تقريبا ساعه ميس ركبة لقاته راقد قعمزةفتحت تليفونها لعند اذن العصر صلت وجت لاحمد تبي تنوضه
ميس..احمد
احمد..راقد ميسمعش
ميس ..احمد تمس في وجهه نوض
احمد ..شدلها ايدها وجبدها عليه
ميس..نخلعت وقعدة مصدومه عينها في عينه
احمد.،منحبش من ينوضني من النوم
ميس ..احمد اتلقني وهيا نوض ارفعني
حمد..شادها بأيديه التنين ويشبحلها النوض ونطلقك ونرفعك مش هلبا ؟
ميس ..تبي تفك روحها متقدرش
احمد..متحاوليش
ميس ..هيا احمد بالله خالتي بروحها متوترة متعطلناش
أحمد..تبيني نرفعك
ميس..اي ياريت
أحمد..باه بوسه
ميس..خدودها ولو حمر
احمد..شني قلتي بوسة النوض نرفعك توا ولا معنديش علاش مستعجل اهو قاعدين
ميس..احمد علاش الدير هكي
احمد..شن اندير
ميس..شي هيا نمشو احمد
احمد..اكيدة امي توتي توا وحالتها حاله
ميس..اي ياروحي على خالتي
أحمد..بوسه نرفعك لخالتك
ميس..طبست باساته بوسه من خده وهيا وجها أحمر لعند خلاص
احمد ضحك وكان يموت في شكل ميس لما تتحشم ..فكها وناض ناخد دوش عالسريع ونطلع
ميس ..تستنى في احمد
احمد ..طلع لاف الفوطه نص
ميس..غمضة عيونها متتحشمش انتا omg
احمد..يضحك علاها ويلبس في حوايجه
احمد..خلاص افتحي
ميس ..فتحت عيونها
احمد..هيا البسي عبايتك والحقيني
نزلت ميس ومشو لحوش وداد وخدو وداد وشهد ومشو كلهم مع بعض
مشو محل ماعين شرو ماعين حلوات حجزو كيكات ونسكافيه احمدرفعهم لمطعم بيعشيهم
قعمزو في المطعم وداد وشهد شدو المنيو ويختارو وميس تتفرج عليه متعرفاش احمد نادا الكرسون قاله على الطلبات وطلب لميس على دوقه مشاوي وسلطات شهد شاورما ووداد كباب احمد زي ميس
احمد ..طول الوقت عيونه على ميس الي تاكل ومش منتبهه معاه
بعدين روحو للحوش
شهد..شدت ميس من ايدها تعالي معاي نبيك ميس مشت معاها يجرو التنين للدار
وداد..تضحك بشويه متجروش
احمد..عندهم طفوله متأخره الزوز
وداد..تضحك قاعدات صغيرات خليهم
احمد.. هيا وحده عمرها 23والتانيه 18صغيرات شني
وداد..خلي يعيشو ياماتهم
.......
ميس وشهد يختارو في لبسه تلبسها شهد غدوة
ميس..القفطان هادا طالع عليك احلى
شهد.خايفه هلبا
ميس..متوتريش روحك ياعمري إن شاء الله كل شي يمشي بخير
شهد..إن شاء الله
......
نزلت ميس من دار شهد
احمد..هيا يما حنى بنروحو متبي شي
وداد..سلامتك ديرو بالك في الطريق
ميس..سلمت على خالتها وحضنتها
وداد..احمد رد بالك على بنتي تزعلها ولا الديرلها حاجه تشوف
احمد..ان شاء الله يما
وطلعو التين روحو للحوش احمد لداره وميس اول ماخشت رن تليفونها شهد تتصل قعمزت في الصالون تكلم فاها واحمد ركب داره بدل وقعمز عاسريره يتفرج
بعد نص ساعه ميس..ركبة دارها احمد مقعمز يتفرج على فيلم رعب
احمد..الحمد لله على السلامه وين هادا كله
ميس..نكلم في شهد
احمد..على شني
ميس..على غدوة
احمد..هادي خطبه هكي  املا في العرس كيف بديرو
ميس..منعرفش خلي يجي العرس ونتفاهمو
ميس ..غيرت لبسة شورت واسع فوق الركبه باللون الاسود وفيه خط ابيض وتيشرت اسود

وشعرها مفتوح كانت طالعه كيوت  رقدة في السرير
واحمد..دايب فاها
تشبح للتلفزيون والصوت كان عالي هلبا
ميس..احمد رعب هادا
احمد..اي
ميس..غطة وجهها ومزال تسمع في صوت السلاح والضرب
ميس ..نخاف منهم الفلام الرعب
احمد..متتفرجيش 
بعدين..صارت لقطة قويه هلبا في الفيلم 
ميس..عيطت
احمد..اصصص جبدها تعالي هنى بديريلي العار رقدها في حضنه اقعدي هكي
ميس..كل ماتخاف تغطي وجهها باحمد
واحمد..كان عاجبه الوضع  وميبيش يطفي التلفزيون باش ميس تقعد
لعند ميس رقدة عنده
احمد..شبحها لقاها راقدة طفى التلفزيون
يلعب بشعرها ..يفكر في داخله وحركات ميس كلهم قدام عيونه .. ويلف في شعرها بأيده لعند رقد
الصبح ..ناضت ميس قبل احمد  
ميس..خدة دوش ومشطت شعرها ديل حصان مع خصلات طايحات سروال اسود واسع وتيشرت قصير لعند حاشية السروال من قدام وطويل شويه  من تالي لونه اصفر نزلت قبل احمد طيبة فطور لاحمد وتت السفرة بريوش وعسل وشاهي وقهوة وحليب وجبنه ودحي وساوت السفرة وتستنى في احمد بدت الضم في الحوش وتلمع
نزل احمد وقعمز يفطر
ميس..استناني نلبس و ارفعني حوش خالتي
احمد..قعمز يفطر البسي بسرعه وانزلي
وميس..حاضر ومشت
احمد..يشبحلها وكان تعرفي قداش حلوة
نزلت ميس لابس عبايتها وواتيه
احمد..هيا
ميس..خليني نقيم الحوسه هادي بسرعه؟
احمد..بسرعه هي متعطليش
ميس..امباه
احمد..يدخل معاها الماعين للمطبخ وميس لعند تغسل كملو وطلعو
وصلو حوش وداد
احمد..انزل مع ميس فتحلها بابا الحوش
احمد..خشي هي
ميس..وانتا مش خاش
احمد..لالا عندي شغل انى 
ميس ..دارتله باي بأيدها ،،،مع السلامه
احمد..طلع وكان فرحان بتصرفات ميس معاه
.......تسرييع
العشيه كل شي واتي و تمام السفر والبخور وشهد لابسه وواتيه ووداد نفس الشي الحوش مفرش وملمع و مستعدين لأستقبال الضيوف

ميس نزلت من فوق احمد مقعمز في الصاله ووداد التحوس والتشوف في الحاجات كيف منظمه
ميس..احمد
احمد..نعم
ميس..روح بيا نبدل ونجي ؟مجبتش حوايجي
احمد.. اي البسي واطلعي هي
ميس..شكرا
احمد..شبحلها بدون مايرد
ميس لبسة عبايتها ونزلت
ميس..خالتي انى بنروح نبدل ونجي
وداد..بري بنيتي بدلي على راحتك وتعالي
ميس..حضنت خالتها ..ربي يحفظك لينا
وداد..بادلتهاالحضن..ويحفظك ياحنينه
احمد..هيا كان تم المشهد 
ميس ووداد ضحكو
طلعت ميس مع احمد وصلو للحوش خشت ميس للمطبخ بتوتي شوية ماعين بترفعهم معاها واحمد ركب داره
ركبت ميس الدار لقت احمد مقعمز على الابتوب
ميس ..وقفت عالدولاب وتحك في راسها مش عارفه تختار خدت قفطان ابيض لفوق الركبه رقبته نازله شويه وكمامه ضيقات لعند المرفق بعدين وسعات قماشه جوبير وخدت قفطان ازرق كحلي هادي لتحت الركبه وربع كم يرتبط من الوسط  و حطتهم على الصالون ومش عارفه تختار بينهم احمد..يتفرج علاها لعدين ناض طلع كيسه زي متع الهدايا وعطاهالها
ميس فتحتها وكان قفطان حاير باللون الاسود وكعب اسود

احمد..البسي هادا اليوم وطلع من الدار
حطتها وخدت حوايج عاديات وخشت دارت دوش وطلعت قعمزة استشورت شعرها ودارة مكياج طبعا هادي اول مرة بعد يوم العرس الدير مكياج ولبسة البدله اللي جابها احمد وكانت تلبس في الاكسسوارت خش احمد شبحها

احمد في داخله صاروووووخ تبارك الرحمان  لدرجة انه مش قادر  يحول عيونه من علاها
ميس..حاصله في السلسله مش عارفه تسكرها
ميس..اوووف احمد تسكرهالي؟
احمد ..هاتي ..وجى يسكرلها فاها
ميس.. واقفه قدام المرايا وكيف فتحت العطر امتعها وتبي تبخ منه
احمد..متبخيش منه اهوا بخي اي شي تاني
ميس..استغربة كلامه لاكن اكتفت انها تحرك راسها بمعنى الايجابي وتلفتت للمرايا وتساوي في قفطانها
حمد..معاش قدر يتحمل جبدها بلقوة وباسها بوسه طويله وطلقها
ميس..متحشمه احمد نحي
احمد..وقف قدامهاويقلد في صوتها مش منحي
ميس..ميس معاش وقت ضروري نمشو
احمد..ميصير شي كان عطلتي شويه
ميس..ساكته بعد شويه
تليفون ميس يرن
ميس..على طولةقدمت خداته ووردة وقلبها بيطلع من مكانه من حركة احمد
ميس..الو خالتي ..شويه وجايبن ..حاضر مننساهمش ..سلام
ميس..خالتي قالت هيا تعالو
احمد..........
ميس..تشبحله بأرتباك وميته من الخجل
واحمد..لاحظ ارتباك ميس وكيف متحشمه  ..هي البسي واطلعي انى في السيارة
ميس..تمام لبست عبايتها وطلعت
.....تسريع
جو الناس وشافو شهد
ام جلال فرحانه بشهد وعاجبتها
خوات جلال يهدرزو
ميس ..تمد في الضيافه
طبعا كل شي كان تمام
ربيعه ..(ام جلال)عندكم شروط
وداد..عندنا شرط واحد هوا شهد اخرلها سنه لازم تكملها
ربيعه..ان شاء الله هادي عادي منختلفوش فاها
وداد..ان شاء الله ربي يقدم اللي فيه الخير
ربيعه ..كنتك ربي يحفظهالك واضحه بنت عيله
وداد..بنت اختي ماشاء الله علاها عاقلة ومتربيه الحمد الله ربي رزق باهاوليدي
ربيعه..عاد ان شاء الله تكون كنتي زي كنتك
وداد..تضحك ان شاء الله
شهد..متحشمه لان الكل عيونه علاها
ميس..مقعمزة جنب شهد
ميس..شهد بعد شويه بتطلعي اهدي متتوتريش حبيبتي اوكى؟
شهد..شدت ايدها بخوف اوكى
بعد شوية
ربيعه ..هيا شهوده اطلعي نبو مقابله
شهد خشت للمربوعه متوترة السلام عليكم
جلال ..وعليكم السلام
شهد ..قعمزة
جلال..كيف الحال
شهد..تمام الحمد الله كيف حالك انتا
جلال..كان عيونه على شهد وعاجباته
شهد..متحشمه ومحطتش عينها في عين جلال
....تسريع تمت المقابله وحددو موعد التلبيسه وروحو الناس وضمو البنات الحوش وتواالكل مقعمز في الصاله
احمد..شاد تليفونه
وداد..اه يارجليلاتي خلااااص كله جي مع بعضه
ميس.. اكيد هادا كله من عمايل واحد نعرفه (تقصد احمد)
احمد شبحلها وقام حاجبه بمعنى تو نتحاسبو علاكلام
ميس وشهدوداد ميتين ضحك
وداد..دوم هاضحكه ان شاء الله
احمد..هي البسي بنروحو الوقت تأخر
ميس..ناضت ركبة لدارهم اللي هيا دار احمد قبل بدت ليهم لما يجو حوش العيله يكون عندهم مكان ليهم
احمد..قعمز جنب اخته
شهد..شبحتله باستغراب لان احمد اول مرة يدير هكي
احمد..صح جلال راجل وولد عيله وصاحبي لاكن كان متبيش على راحتك  مفيش حد يقدر يجبرك على شي وانى عايش
شهد..تشبحله ومصدومه في كلامه
احمد..خيرك
شهد..حضناته ربي يخليك ليا
احمد ..حضنها وهادي من الحاجات اللي ميديرش فاها ابدا
قعمز احمد مكانه
نزلت ميس لابسه عبايتها
احمد..هي متبي شي
شهد..سلامتك
طلع احمد وميس وراه
روحو لحوشهم
تليفون احمد يرن
احمد..الو مهيمن ..تمام اهو طالعلك هي
ميس..شبحتله
احمد..خشي انى بنطلع نشوف الراجل
خشت ميس ركبةبدلت حوايجها لبسة قفطان واسع لعند الركبه باللون وردي الهادي يهبل

وشعرضها كعكه مرخيه ومقعمزة تمسح في المكياج خش احمد للدار بشويه بدون متحس بيه ميس
احمد..قرب منها وحط ايده على كتفها
ميس..نخلعت وشافت احمد في المرايه
ميس..خلعتني
احمدجبدلها التوكه من شعرها وطاح على ظهرها ورقبتها
احمد..خليه هكي معاش تقيميه
ميس..متجمده في مكانها
احمد..يشم في شعرها تعرفي قداش طالعه حلوة ؟
ميس..أحمد انتا كويس
احمد..فحياتي مكنتش كويس زي اليوم ووقفها قدامه
ميس..تشبحله بصدمه من اللي يدير فيه
احمد..تعالي هنى وحضنها بأقوى ماعنده ويشم في ريحتها 
ميس..ساكته ولا حرف ومتجمده في حضنه
احمد..خلاص ياسر تحملت هلبا وقامها وحطها عالسرير .......
ناضت ميس قبل الفجر لقت روحها في حضن احمد وتدكر في اللي صار ووجها احمررر خشت للحمام خدت دوش وصلت وولت لسريرهابترقد جبدها احمدوحط راسها فحضنه ورقدةاحمد غارق في احلامه كأنه اول مرة يرقد هكي
ناض احمد الصبح لقى ميس في حضنه قعد يلعب بشعرها ويناشب فاها
ميس..امممم خليني نرقد
احمد..نوضي جعان
ميس..تتكسل على احمد
احمد..يتفرج على حركاتها الطفوليه
ميس..صباح الخير
احمد..صباح النور
ميس..شافت الساعه حى12ممشيتش العمل احمد
احمد..مرتي نوضتني للعمل؟
ميس..اسفه والله محسيت على روحي وحتى منبه نسيت مدرتاش
احمد..حط يده على وجهها ميس نزلت عيونها لوطا بخجل
احمد.. علاش تتحشمي مني
ميس..........
احمد..قيمي عيونك اشبحيلي
ميس..شافت لعيونه لاكن كانت النظرة مهزوزة عيونها يشبحو لوطا ولاحمد نظرة التوتر
أحمد..شد راسها بإيديه التنين خليهم عيونك في عيوني متنحيهمش انتي مرتي منبيكش تتحشمي مني
احمد.. متعرفيش قداش نحبك
ميس..حضناته بدون ما تتكلم
أحمد..قوى من حضنه لاها وهوا يشم في شعرها رن تليفونه معدلش عليه
ميس..أااأحمد تليفونك
أحمد..فوتيه
ميس..مرات حاجه مهمه
لف احمد ايد ميس علاها وحط احمد ايده وخدى التليفون من الكمدينو وقاعد شادها ..ااها .. تمام شن اومورك انتا ..وين راح من بالي مرة وحدة ..شويه ساعة تانيه وجايك هي..سسلام برويي
ميس..إن شاء الله خير
أحمد..عندي موعد مع الراجل نسيته
ميس..باهي انتا خود دوش ع السريع وانى نوتي الفطور وجت بتمشي شدها ورجعها ليه
ميس..تشبحله وترمش في عيونها
احمد..يحطلها في خصلاتها ورا ودانها
ميس..أحمد معاش وقت عليك بيفوتك الموعد
أحمد..اكتر حاجه نحبها لما يطلع إسمي من فمك
ميس..خدودها حمرررر
احمد..قرصها من خدودها شن قلنا ع الحشم مني ..ومننكروش ان احمد يهبل في ميس الخجولة ووجها لما يولي احمر
ميس..ضحكت وتبعد في وجهها من عليه.. ايييي خدودي
احمد..باسها من خدودها التنين ..وهادم خدودك
ميس..هنى خلاص قعدة تابته في مكانها
احمد..ضحك ضحكه قويه على منظر ميس ..هي وتيلي حوايجي ..وخش للحمام
ميس..حطت ايداها على خدودها من الخجل مصدومه