رواية حب الاعشى الفصل السابع 7 - بقلم xv

بعد ان وصلت عطوه بيت ام متعب و استقبلوها وضحى و الجازي، فأخبرتهم بانها تود ان تمكث عندهم بعضة ايام فرحت وضحى وكانها كانت تنتظر من عطوه ان تقول ذالك ، اخذتها الجازي معها للغرفه و فرشت لها الطراحه

الجازي
"تراتس واحشتن قلبي"

عطوه
"مب كثري يا الجازي "

الجازي تناظرها و هي تطقطق
"ايه و وش صاير معتس مع ضاري "

عطوه
"ضاري ؟ شدخلني فيه ما اعرفه الا انه اخوتس انتي و مزنه"

الجازي
"تكذبين علي يا عطوه"

عطوه
"ليش بكذب عليتس وانتي بحسبة اختي "

الجازي وهي ترفع حواجبها
"و من نزلتس عندنا"

عطوه
"جيت مشي"

الجازي
"شفتس من السطح "

عطوه
"هاه ، ايه كنت امشي و شافني قال اوصلتس و قلت ايه لانه اخوتس"

الجازي
"و وش دراه انتس عطوه "

عطوه
"انا اقعدت اناظر فيه لاني ملمحه عليه و طلع هو و جاني و وقف قالي بغيتي شي و علمته اني عطوه و قا..."

الجازي
"لا تكذبين علي يا عطوه هههههه تراني اعرف كل شي يصير بينكم ، تدرين انه غدى عوده بسببتس ، يومتس هجرتيه ظلمت الدنيا بعينه "

سكتت عطوه وهي تناظرها

الجازي
"لو ان فيه احدٍ يحبني كذا كان شفتيني طايره"

استحت عطوه و بان عليها وحاولت تغير الموضوع
"خل نعدل الطراحات"

الجازي
"استحيتي هههههه"

دق باب البيت

وضحى بصوت عالي
"انا فتح الباب خلكن فوق"

راحت للباب و فتحته

وضحى
"ضاري؟ وين مفاتيحك "

ضاري
"نسيتهن يمه ، يمه انا جوعاان ابي اي شي اكله "

وضحى
"ادخل المجلس و بجيب الاكل لك"

ضاري بستغباء
"ليش المجلس خلني بصاله"

وضحى
"عطوه هنيا"

ضاري
"وشنهو؟ عطوه هنيا"

وضحى
"ايه و اركد و خل حركات الوغدان للوغدان "

ضاري
" انا ما اسوي شي شفيكم تشوفني شري "

وضحى و هي ماشيه للمطبخ
"ايه ايه حنا نشوفك كذا خلك بالمجلس"

عند الجازي

الجازي
"شكل ضاري جاء"

عطوه وهي ترتب
"شكله"

الجازي
"متى تعرسون و تفكينا من حركات ضاري"

لفت عطوه عليها
"الحين ضاري ما خطب ورده؟"

الجازي
"امي حلفت يمين ان لو خطبها لاهي امه ولا تعرفه"

عطوه
"يعني كان بيخطبها"

الجازي
"من ورا قلبه"

عطوه
"بس كان يبيها"

الجازي
"انتي تدورين الزله ولا انتي تدرين انه يحبتس "

"اقولتس شي بس ما تعلمين احد اني قلت لتس؟"

عطوه
"قولي"

الجازي
"تراه شاري بيت لانه ضامن انه بياخذتس"

عطوه و هي تضحك ابستخفاء
"وش مضمنه "

الجازي
"افعالتس يا الغبيه"

عند ضاري

حطت وضحى الاكل لضاري و جت تطلع

ضاري
"يمه ابي أكلمتس بموضوع "

وضحى
"ان كان عن ورده فا تبطي عظم "

ضاري
"لا يمه مو عن ورده"

وضحى راحت و جلست جنبه
"وشهو يا ولدي "

ضاري
"ابي اخطب عطوه"

وضحى
"هاذي الساعة المباركه ايه ذا الكلام السنع مب ورده"

ضاري
"انا ما كنت ابي ورده ولا ادانيها بس كنت ابي احر عطوه"

وضحى
"ان قبلت بسوي عرس ماله لا اول ولا تالي"

ضاري
"يمه انتي اقنعيها تكفين"

وضحى
"خل يجي الليل و ابشر يا نظر عيني"

قام و حب راسها

ضاري
"احبتس يا الغاليه"

تسريع الاحداث

الليل الساعه ثمانيه -

نزل ضاري و تننح

وضحى
"يمه عطوه ادخلي المجلس ، الجازي روحي معها"

مشو و تغطت عطوه شافها ضاري و هي داخله المجلس راح لامه و جلس عندها

ضاري
"يمه كلمتي عطوه ؟ "

وضحى
"من جدك انت بكلمها قبل لا ترقد و قلت للاجازي ان ما تطلع معها تقعد تحت عقبها تطلع فوق"

ضاري
"يمه تكفين احسني مشتاق لها ابي اعرس و اشبع بشوفتها"

وضحى
"تراني امك مضيع انت ؟ "

ضاري
"ان ما حاكيتس احاكي من يا الغاليه"

وضحى
"يلا فارقني"

ضاري
"وشبتس قبيتي يا الغاليه"
قالها ضاري و هو ماشي

اخذ مفاتيحه وطلع

يا بنيات ضاري طلع تعالو

جو و الجازي قعدت عند وضحى

عطوه
"خالتي انا بروح انام"

وضحى
"مو كانه بدري يا بنيتي"

عطوه
"والله يا خالتي فيني نوم"

وضحى
"ايه ما يخلاف نوم العافيه"

طلعت عطوه للغرفه

الجازي
"متى بتلحقينها يمه"

وضحى
"خلها تقعد شوي عقبها بروح لها وش بتس مستعجله"

الجازي
"الحين يدخل ضاري و يقول حاكيها"

وضحى
"خل البنت ترتاح عقبها بروح اصبري"

بعد خمس دقايق

وضحى
"يلا بقوم اروح لعطوه"

طلعت فوق لعطوه و دقت الباب

عطوه
"ادخلي يا الجازي"

وضحى
"انا مب بالجاز..."

عطوه فتحت الباب
" هلا خالتي تفضلي"

وضحى
"يزيد فضلتس "

وضحى
"اقعدي يا بنيتي بحاكيتس بموضوع"

عطوه و هي تجلس
"سمي بس وش موضوعه"

وضحى وهي تضحك
"علامتس مستعجله "

عطوه
" طلعتي لمي فوق كان ناديتيني ولا اشقيتس معي "

وضحى
"لا تقولين كذا توني شباب"

ضحكو

وضحى
"خلنا عن الضحك متى ودتس تعرسين"

عطوه
"وش عرسه "

وضحى
"ضاري يبيتس يا عطوه"

عطوه
" بس ورده "

وضحى
"ورده بس عشان يقهرتس مثل ما قهرتيه بسعود"

عطوه
"بس من سعود"

وضحى
"الي تخانق معه ضاري"

عطوه
"ايه مسعود مسعود"

وضحى
"لا تغيرين الموضوع يا بنيتي ها وش قولتس تبينه ؟"

عطوه
"هو يبي عطوه يا خالتي"

وضحى
" لا يبيتس انتي بس فكري بالموضوع "

عطوه
"موافقه"

زغرطت وضحى على دخول ضاري و سمعها تزغرط
و درا ان عطوه وافقت

الجازي
"مبروك مبروك يا نظر عيني بتفكنا من شقاك رح بشر متعب رح"

خرشتكم بالاسم صح هههههه

لا يكون رقدتو المهم ارائكم