رواية حب أناني ( روايات ليبية ) الفصل العاشر 10 - بقلم MBC LIBYA

#حب_أناني 10

ريناد:وهيا تقرا في رساله ...😨😨...حقيييييير
جوري:تبلع في في الشوكلاته....منهوا
ريناد:يوسف!
جوري:خيره المسطوول؟
ريناد:يبيني نطلع باش نقيم الفيلو لي ست الحسن ميار
جوري:شنو يعني بتطلعي ع اساس ورجعت تاكل!
ريناد:اذكرت الاتفاقيه ...امممم نا بنطلع!
جوري:شنووو؟؟ تي شن جاك بتهبلي أنتي ريناد بيتقيميلها الفيلو
ريناد:اشش جوري خلي جنبك ميسو توا نحكيلك كل شي بعدين!
جوري:بري قيميلها الفيلو 😏😏
ريناد:اففففف..... وطلعت!

ترن ترن ترن:-
جود:وصلها مسج....اكيد طالعه حلوه اليووم صوري وابعتي نستنا فيهم نبي نشوفهم قبل ماروحو بي مرت خويا!
جود:حقير وتافه غير امتا نكمل موضوعي ونفتك من كل شي امتااااااا؟
حسين:ألو
جود:تمسح في دموعها...تمااام ي زباله!
حسين:من حقك تهزبي حتى انتي راكبه سيارة اخر موديل 😂
جود:نااضت وهيا مغلوله دخلت للحمام!

_________

ريناد:فتحت باب السياره....كيف تبيني نساعدك!
يوسف:نزل بكل اناقته وهوا يتمختل بي هدوء...بعدي شويه انا انزلها وانتي متخليش الفيلو يتوسخ
ريناد:بعدت من قدامه بدون ماتتكلم ..والله حاتشوف ي يوسف النحس !😏
يوسف:نزل ميار وبشويه وشد يدها وبدو يمشو ع اقل من مهلهم !
ريناد:في خاطرها....مش عارفه علاش المسمومات يتزوجو في اشخاص حلوين الا نا واحد شين حبيته خاني وطلع مجرم كان حبيت حلو راهو قتلني وتوا في القبر ويترحمو عليا ....وبكل ثقه شدت الفيلو... لن دخلوو!🙄

جود:خدت لروحها شوية لقطات قدام لمرايا وبي سناب وهكي ..ورجعت قعمزت ع طاوله!

خش يوسف وميار يدرجو في ممر الصاله لين وصلو للكوشه وعيون الناس عليهم
ريناد:مش قادره متحكمه في عيونها الي ذايبات في شخصية يوسف وجماله 🤤
رجعت قعمزت جنب جوري مش عارفه شنو حسيت فجاءه كأنه غيره بجد اول مره نغار هكي..خيرك ريناد شن دخلك بيه تلقي احلا واحسن منه عقاب واحد حقير وشايف روحه اصلا انا فارس احلامي قعد مبينش وطول الوقت وهيا مش منتبها لروحه انه شاد الكاشيك وتخبط ع طول
جوري:ي مجنوونه متقوليش خير فيتك...وله تحبي يوسف ومحكيتليش؟
ريناد:كيف جايه بتتكلم...شافت يوسف يشوفلها ..ابتسمتله😊
يوسف:رقص حواجبه بخبث...بمعنى متنسيش!
ريناد:😁...كلب حتى وهوا عريس قعد خبيث وبارد😑

يوسف:رجع يشوف لي ميار وخدو صور مع بعض ومع اهله واهل ميار وعماته وخلاته ...شد ميار من يدها وطلع بي فرح وثقة وسط اغنية رومانسيه هااديه!❤
ريناد:😏...خساره الجمال الي عاطيهوله ربي حراااام الززحححح تتلذذ فيه وحده زي ميار😣

_____________
لحضات وخش حسن للقاعه عشان ياخد سهام طبعا كان يجنن ومحلق تحليقة شبابيه تشبه تحليقة الي يحلق فها خوه حسين
ريناد:واحد حقير افففف لو خليتيني يا جود بس كنت فضحته قدام الكل المشكله زيه زي يوسف جمال وقلة الاحسان😟
الناس كلها يتهامسسو يحكو ع جمال العرس وجمال العرسان ونغرو بالمناضر ميعرفوش كل حاجه حلوهه شن وراها من بشاعه...

حسن:طبيعته هادي عكس خوه حسين...خدا سهام وطلع وطلعو كل العيله وراه لانه خلاص العرس تم والكل بيرحو وناس كلها بدت ترووح!!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ريناد:كل الناس تحساب انه العرسان نهايتهم سعيده ياارب خلاص تمو الاسبوعين وتم العرس توا بيبدا البركان حست الخوف رابطلها يداها طلعت هيا وجوري ومياسين وجود 🔥

ريناد:اول ماوصلت للحوش ركبت دوشت لي ميسو ورقدتها وغطيتها..بعدها خشيت للحمام ونا عقلي مش معاي يعني اول مره يصير معاي هكي بجد اول ماشفت انه العرس تم تفكرت كل شي وزاد خوفي طلعت من الدوش جففت شعري ولبست توتة النوم وخليت شعري مفتووح لانه منحبش نربطه لما نرقد استندت ع سرير ونا نفكر في الف حاجه كيف بنبدا وكيف بنفضح حسن ووين بنلقا الدليل وشن بيصير وشنو ممكن يدير يوسف فيا لو مدرتش زي ماقتله؟💔

كريمه رقدت وطبعا الضيوف كلهم روحو مافيش حد بايت عندهم ❤

سهام:واقفه في الغرفه متوتره ...ودخل حسن بعد ماقنع صحابه يروحو لأنهم دايرين العار برا ....حبيبي ❤
سهام:بصوت يرعش...اءءء روحو!
حسن:حط صبعه ع شفايفها...بديتي ليا ي قلبي
سهام:تشوفله بخوف...حسن!
حسن:عيوونهاا ي قلبه ي روحه ي كل شي حلو في حياته!
سهام:نزلت عيونها بخجل!
حسن:جي وراها ..وفتحلها السوسته
سهام:لبست روب الدخول الي كان طالع علاها يجنن!
حسن:يشوفلها ..مسكها من يدها وقعمزو الأتنين ع سرير!
حسن:حبيبي نا عارف انك متوتره وخايفه!
سهام:تهز براسها!
حسن:حب يغير الجو...نا جعان نجيب لعشاء نتعشو مع بعض
سهام:تغيرت ملامح وجها...اي اي وحتى نا جعانه!
حسن:هههه باهي سمعنا صوتك
سهام:😌😔
حسن:خدا سهام وطلعو للمطبخخ!!

ريناد:مش عارفه خيرني مش جايني نوم برغم اني نايضه بكري ومقعمزتش نهائي نتقلب كل مره ع جهة ...نضت طلعت من الدار ونسمع في صوت ميار وضحكها قالب الممر ...احيه حششمه احييه عاااار ...😨🤦‍♀️

سهام:حط لعشاء ع طاوله...ها حبي تبي عصير بيبسي وله سبعه؟
سهام:بيبسي
حسن:بدا يفتح في حافضات لأنه لعشاء كان من مطعم  وكله معلب!
سهام:نا من الصبح ماكليتش شي!
حسن:بدا يوكل فها هواا...فرختي كلها جنبي اليوم!
سهام:🤤🤤

جود:الليل كله متنكده وتبكي وحسين مخلهاش ترقد لأنه يحكو فيديو وطبعا الفيديو كله وهوا يطلب في 🔞

ريناد:خشت المطبخ ....فتحت الثلاجه طلعت طنجره مليانه كسكسي الي داروه في لغذاء حطاته في ماكرويف يسخن ...وطلعت باكو عصير وبدت تشرب كأنه تحاااول تنسسا حزنها شوويه💔

سهام:نا شبعت ي روحي
حسن:صحتين ياروحي ❤...وبدا يلم في الطاوله
سهام:ناضت تغسل في يداها
حسن:ذايب في منضرها ..وشعرها المفتوح ومكيااجها لقووي وجسمها الي يلمع 🤤
سهام:سكرت لمياه...وانتبهت لحسن انه يشوفلها...كملت هيا نرقدو!
حسن:حبيبي حرام عليك!
سهام:حسسسن
حسن:هههه حاضر...وقامها بين يديه لن دخلو غرفتهم وسكر بابا الدار برجله !!

ريناد:عبت بطنها بي الكسكسي وشربت حكة بيبسي كامله وشربت المياه..والله مافيش احلا من الماكله ...وركبت لدارها🤦‍♀️

يوم جديد :-

ريناد:ناضت وقفت قدام لمرايا كالعاده...تشوف في روحها كيف حلوه لأنه اثار المكياج باين فها ..لمت شعرها كووده فوق ونزلت خصلاتها الي زايدينها جمال...ونزلت!

جود:ماما بتمشو لي اختي سهام اليوم؟
كريمه:اللطف ياربي شن تحسابي زوجناها غير هيا بس في ناس هلبا يتجي تباركلنا عشان خوك
جود:اءءءءء...اي نسيت لكن مهما كان ضروري نمشو نرفعولها حوايجها ونشوفاها!!
كريمه:وانتي شن فكرك فها ع صبح باهي خلي نتنفسو نمشولها حتى في ليل !
جود:ابتسمت...اي تمام عادي!
ريناد:صباح الخير ..وقعمزت...مجتش جوري
جود:لا ماشفت حد ...هيا باش امس طلعت معاك!
ريناد:اي خطمناها ع حوش خالتها قتلي بنجيب بضاعتي الصبح نكون هنايا!
جود:مالا خلاص معندها وين ماشية توا تجي!
ريناد:ع قولتك!
كريمه:امس خوك عبادي لقا ع من يكسد!
ريناد:خيره؟ علاااش؟
كريمه:يسمع في صوت يوسف وميار قالبين الدنيا!
جود:اي الحق مش مكانهم حتى هوا مبالغ شويه ع فلوسه كلهم وقعد يبي يعيش معانا!
ريناد:حششمة الحق ع اساس يحكي ع الاحترام والاخلاق
جود:مالا عاجبها الفيلو الي لابستها وله تاج لكبير وهيا جبهتها مفروض السراج وحفتر يجو يتمركزو فها باش معاش يموتو الناس!
ريناد:😂😂😂...ووووهههه
كريمه:اششش غبر فيكم لو يسمعكم
جود:انا يفكني خير لا عوج منحباش!
كريمه:والي درتيه قبل اسبوعين مسساااوي هلبا!
ريناد:🙂🙂
جود:😨😨..المهم تهنو وله مازال؟
كريمه:اي تهنو امس بعتتلي اماني رساله!
جود:مسسرع ماصدقو!!
ريناد:خرااا علييهم!

_________
سهام:فتحت عيونها ع لمسات حنينه بورده حمراء ...ناضت بسرعه شافت حسن وجايبلها ورده!
حسن:صباح الحب❤
سهام:صباح النور 😌
حسن:مسح ع خدها ويبتسم...غزالتي استحشتك هيا نوضي!
سهام:حطت يدها ع خده...ومش اكثر مني عمري
حسن:باسها ع فمها بووسه طويله😘
سهام:ضحكت...تفطر؟
حسن:نا حجزت في مطعم بنفطرو برا!
سهام:اءء حضناته من رقبته حبيبي ❤
حسن:هيا نوضي البسي بسرعه قبل مايجي حد ونتحاصرو!!
سهام:اوكى...وقفت بتمشي!
حسن:سوسو
سهام:عيونها!
حسن:جمالك🤤
سهام:وجها بدا احمر وطلعت من الغرفه وهيا قلبهاا يدق ومش مصدقه الي قعد يصير!!❤

___________

ريناد:تي وينك الضهر بيأذن وانتي مجيتيش
جوري:تي اسكتي هاني شويه وبنطلع لن تملي من وجهي
ريناد:اي لأنه الحوش فاضي ونا نبي نحكي معاك!
جوري:ماتقوليليش خيرك في بدل ماتفرحي انه تزوج وتوا بيلها في مرته ومصايبه واحتمال حتى يطلعو يعيشو في حوش براحهم!
ريناد:يعيشو في حوش براحهم؟
جوري:اي واضحه يعني سيوره يبدو عيله كبيره
ريناد:اءءءء...اي
جوري:لا وضعك معاش يطمن بككل انتي!
ريناد:لالا المهم انتي تعالي ونحكو!
جوري:اي اكيد حانحكو لأنه رسمي صايره حاجه!
ريناد:باهي هي نستنا فيك ع نار!
جوري:وجهك!
يوسف:السلام عليكم!
ريناد:😳😳
ميار:شاد شوية اكياس في يدها...هدا كريب عجبنا حبيت نجيبلكم منه!
ريناد:اللطف انتم كنتو برا!
يوسف:اي وشن المشكله!
ريناد:لا بس محسيتش انكم طلعتو ونا نايضه بكري ع اساس!
يوسف:شنو حاطينك عساس علينا
ميار:هههههه ضحكتني يوسف!
جود:جابت سفرة القهوه ..وبدت توزع!
كريمه:شن انشاءالله عجبكم الجو برا ؟
ميار:اي حلو ي عمتي ويوسف مخلاش حاجه في خاطري وشافت لي ريناد...حتى الملاهي خطمنا عليه!
كريمه:دووم بنتي وربي يحفضكم!
عبادي:غير ردي بالك تتجكتري يوسف طلعك اليوم بس عشان من غدوه بيبدا في خدمة في الشركه
ميار:لالا حبيبي أجل كل شي بعد شهر
علي:صح ي ولدي؟
يوسف:لا غدوه الاجتماع اصلا!
ميار:😨..يووسف!
يوسف:غمزلها .بمعنى اسكتي!!
ريناد:🙂
يوسف:كيف حالك ريناد؟
ريناد:فهمت معنى سؤاله...😁كويسه
علي:وعلاش خشيت فها القضية هادي؟
يوسف:شاف لي ميار...والله في ناس حاب نفضحها!
علي:كيف ياولدي تخش ضدهم وانتا عارف بيرهنو الشركه
يوسف:مش الشركه بس حتى الحوش
كلهم:😳😳😳
ميار:😨😨
يوسف:ادعيلي ي بووي لأنه المره هادي هلبا يوس بينكششفو!
ريناد:حسست انه يوسف يلقح بكلامه!
ميار:انشاءالله تنجح حبيبي!
يوسف:😅

جوري:السلام عليكم
عبادي:😍😍
كلهم:عليكم السلام!
ريناد:جيتي واخيرا!
كريمه:سلمي ع عروستنا!
جوري:هادي عروسه ماعينها في وهيا تقولي متزوجه 4مرات وتوا متزوجه شباني بي احفاده!
يوسف:حبيبي اركبي فوق توا نلحقك!
ميار:تمام...🥺
ريناد:سكري فمك وريحينا مش ناقصنا!
عبادي:امس قالو في حرب كبيره
كريمه:اللطف وين هدا ربي يسستر!
عبادي:فوق في الدور الفوقي عندك جبهة كبيره مفتوحه !
يوسف:عارفهم يلقحو عليه...ناض لحق ميار!
ريناد:ههههههههههههه
جوري:اي جبهتها اكبر من جثتها😂
عبادي:وانتي خشمك اكبر من قيتاري
جوري:توجع شوي لكن ميه ميه🤣

ميار:مقعمزه تبكي !
يوسف:خيرك حبيبي علاش تبكي
ميار:انتا وعدتني تقعد جنبي وتوا تقول انك بتلها في الخدمه
يوسف:ياحبي افهميني انا غدوه بس بنحضر الاجتماع وبروحلك معاش طالع حتى المصحه سكرتها!
ميار:باهي حبيبي ...نا عندي اقتراح
يوسف:هااا احكي!
ميار:بما اني توا تزوجتك من حقي نكون معاك الوقت كله
يوسف:اي وشن المطلوب؟
ميار:نخدم معاك في الشركه في مكان بابا لأنه نا نفهم في شغله!
يوسف:سررح شويه...امممم
ميار:شنو يوسف فكر ورد عليا!
يوسف:اوكى لكن مش توا بعد شهر تمام!
ميار:اوكى حبيبي ...❤

_____________

ريناد:واقفه قدام لمرايا تدلع ...وتقيم في حاجبها وربي محلاني ...لكن ي ريناد لتوا جود مقالتش شي ع حسن والحقير يوسف عاطيني مهلة اسبوع!..حليلي لو مثالا محصلتش دليل الحيوان هوا مرته فرصتهم فيا ضروري اليوم نوصل لحل باش غدوه نقدر نطلع من الحوش براحتي ونجيب معاي الادله هدا لو في بصراحه نا مش مرتاحه في شي غامض يعني حسن معقوله لتوا مش خايف ينكشف والمشكله انه جود قريبته وربي الناس قعدت بلا ضمير 🤦🏻‍♀

طق طق طق
ريناد:ادخل!
يوسف:فتح الباب وخش....جيت نفكرك بي الموضوع
ريناد:خدت مفس عميق وقلبت عيونها بملل...قصدي انتا حقودي من يومك هكي؟
يوسف:فاتو الاسبوعين معاش مازالك الا ايام وبس
ريناد:ونا مش ناسيه شي اعطيني يومين اقل شي حانفضح التافه الي داير روحه راجل!
يوسف:كيف؟ انتي تعرفيه قصدك؟
ريناد:اءءء..لالا قصدي نا هكي نهزب ديما!
يوسف: انا معنديش وقت نضحك وله نبصر معاك شرف العيله حايضيع لو انتي موفيتيش بوعدك!
ريناد:فاهمه وعارفه انتا توا خليك في مشروعك ونا في مشروعي!
يوسف:هه...اوكى خلينا نشوفو انجاازكك
ريناد:وخلي نفكرك انه اول مانعطيك الدليل بتطلع انتا ومرتك من هنايا ومدخلكش بي اي شي انا حانديره
يوسف:كملتي؟
ريناد:واي قبل ماننسا انا بنبدا نخدم لانه انتا بتاخد مني حقي في الشركه قصدي من حقي نضمن مستقبل ليا ولي اختي وانتا طبعا حاتقعد ع جهة ومسكر فمك !
يوسف:كملي!
ريناد:اي قصدي بجد نا نحكي انا حره بنفسي نبي نعيش حباتي زي ماخططت من قبل !
يوسف:في لحضه هادي بذات ضعف وقرب منها...وباااسها ع فمها بوسه طويله
ريناد:دفاته بقووه...يوووسف!
يوسف:شدها بيديه الزوز....اششش متتكلميش متقوليش ولا حرف
ريناد:بخوف...اءء انتا متزوج وهكي تخون فها!
يوسف:اسمعيني ضروري تجيبي الدليل وتحولي الشك من راسي فاهمه
ريناد:تهز براسها...اي اي غير سيبني بس
يوسف:حانطلقك توا لكن فكري في كلامي كويس انا نحبك نحبك فاهمه!
ريناد:كيف شن تخرف انتا؟ انتا كنت تهدد فيا وتعطي في مهل ع اساس!
يوسف:طلق ريناد وشاف لجهة التانيه مش عارف شي ...وطلع
ريناد:تنفست بعمق...شن قعد يصير خيره يوسف مش طبيعي كيف يقولي نحبك وهوا يستنا فيا نغلط باش يتحكم ويدير مافي راسه!شنو الي قعد يصير في الحوش هدا ياربي😣🤦🏻‍♀

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

سهام:رجعت للحوش هيا وحسن بعد مافطرو برا وخداهم الوقت والدهواري لين تغذو برا...خشت دارها وهيا تحول في الجاكيت.!
حسن:جي من وراها وبدا يساعد فها باش تغير حوايجها
سهام:غيرت حوايجها ولبست روب شيفون قصير وموضح جسمها كله فوق طرف طويل مفتوح من جهة الصدر...حبيبي!
حسن:فتحلها خيوط الروب
سهام:تجمدت في مكانها!
حسن:لو مش جاهزه حبي حتى اليوم نفوتها
سهام:طبيعي مش راح ترفض...حضنت حسن !
حسن:زاد حضنها بقووه...🔞

_____________

ريناد:افففف...وربي مانعرف نولعخت الغساله غيبتك شماته ي سهام حطت حوايج مياسين وينها الفرخه من الصبح معاش شفتها استحشتها 🥺...في عز تفكيرها خطر ع بالها يوسف يلي مش قادره اطلعه من راسها خاصة بعد ماتزوج وتصرفات يوسف الغريبه الي تخوف وفي نفس الوقت تحسه أمان ليها ولي اختها في شعور غريب حساته مع يوسف لأول مره برغم انها اطمنت لكن تهديد يوسف مقدرتش تنساه وقررت انه اليوم تحكي مع جود !!

____________
ميار:كثرت خشاتك لي غرفة ريناد
يوسف:وشنو يعني زيها زي جود اختي!
ميار:لكن انتا متزوج توا يعني بتشوف لي مشاعري مستحيل نتحمل انك تخش لدارها
يوسف:خلاص حبي متستاهلش انك تزعلي منها
ميار:لا يوسف مش راح نسكت نا ريناد هادي مش مطمنتلها
يوسف:اففف مياار قتلك خلاص انساها
ميار:وشنو بينك وبينها باش دخلت لدارها
يوسف:بخصوص جود ماهو هيا خلتني نسكت
ميار:اءءء عشان الولد
يوسف:من حكالك انتي؟
ميار:بلعت ريقها...جود حكتلي من بيحكيلي يعني؟
يوسف:اهاا اي اي ..!!
ميار:لكن هدا ميسمحلكش تخش لغرفتها تاني فاهم
يوسف:اخر مره تتكلمي معاي باااسلوب هدا
ميار:ملااااح
يوسف:نوضي من قدامي ميار خير مانرتكب فيك جريمه!
ميار:اففففف..وناضت!!
يوسف:طلع الشنطه الي فها الأوراق وقعد يدررس في المشروع وحاط الاشخاص الي يبي يفضحهم قدام عينه ومخطط لكل شي !!

___________

الساعه 10ونص:-

ع سفرة لعشاء..
ريناد:سلام ي عيله...وقعمزت بدون ماتعدل ع يوسف
علي:غريبه مطلعتوش اليوم انتا ومرتك
يوسف:خليها من توا تتعود ع حوش وجو الطلوع تنساه
كريمه:مسكينه حليلها وخلاص!
ريناد:في خاطرها ..شن مسكينه وهيا راقده جنب كيكه كل يوم!...ربي يكون في عونها تسخف فيا..
كريمه:طلعها مسكينه مره مره تتدهور وتشوف الدنيا
يوسف:لالا لمراء نهايتها كجينه
ريناد:حسيت روحي في عهد القرملي
علي:ههههه اهون شويه منه اقل شي هدوكم يطلعو يصرحو بالسعي
كريمه:😂😂...قبل بوك لما تزوجني منقعدوش في الحوش
ريناد:تاكل في سلاطه..وين تمشو؟
كريمه:😂...من حوش صاحبه احمد لي حوش اشبح منهوا؟
ريناد:😂تي كيف هكي علاش؟
كريمه:زعميتا جو من مطعم لي مطعم ماهو مش لاقي شن يوكلني ونا ماشيه عليا انه يدهور بيا
ريناد:😂😂...قصدك مكانش عنده فلوس زي توا
كريمه:عنده فقرره😏😏
ريناد:خدودها ولو حمرر من الضحك والكوده الي فوق راسها زادتها حلاووه❤
يوسف:مقدرش يتحكم ف عيونه وينحيهم من علاها🤤🍓

_____________

سهام:فاقت من نومها لقت روحها في حضن حسن سحبت روحها من جنبه ودخلت للحمام دوشت ولبست وللمطبخ طول...فتحت الثلاجه طلعت كم حاجه خفيفه عشان لعشاء وفرحانه بي حسن الي كان معاها زي ماتبي واكثر 🍓

جهزت السفرة وخشت لغرفة النوم....

سهام:وقفت قدام لمرايا تبخ في برفان...حسن حسسن
حسن:فتح عيونه...عيونه!
سهام:ابتسمتله ...صح النوم
حسن:ههه ي روحي محسيتش
بالوقت ونا جنبك!
سهام:حليلي ...لعشاء واتي تعشا قبل وبعدين خش دوش!
حسن:باهي ي قلبي نا متوتر شويه
سهام:علاش حبيبي شن في؟
حسن:انتي عارفه انه غدوه المشروع
سهام:باهي حبيبي معاش تفكر في شي الي كاتبه ربي حايصير!
حسن:ي روحي لو انتي مش في حياتي شن كنت درت انا!😊
سهام:جمالك ي قلبي❤

طق طق طق :-
جود:حولت السماعات من ودانها لانه حست في حد يخبط ع باب...خش!
ريناد:خشت وسكرت الباب...جود كيف حالك اليوم!
جود:اممم..زي ماتشوفي حابسه روحي في الدار ونفكر!
ريناد:معليشي..بنقولك شنو صار في حسن معاش كلمك؟
جود:اءءءء...لا لي يوم الحفله كان يكلم فيا لي ليل!
ريناد:كيف يعني جنبه سهام ويكلم فيك انتي؟🙄
جود:بلعت ريقها...اءءء لالا قصدي بعتلي مسج بس وبعدها مدورنيش
ريناد:اي اي فهمت عليك..المهم توا شن بندير
جود:نا فكرت في خطة!
ريناد:شنو؟؟
جود:ضروري ناخدو منه تلفونه بأي طريقه!
ريناد:علااااش
جود:لانه صور متعي لما مع اياد عنده في تلفون!
ريناد:اي فهمت عليك...وبعدين بتفضحيه قدام الكل برسايل الي بينك وبينه صح؟
جود:اي اي وهكي يطلق سهام بدون مايفضح عيلتي ويشهدر بي صوري!
ريناد:نا لتوا القصه مش خاشه راسي بجد لكن توا كيف بناخد منه الصور انا!
جود:انا توا حانكلمه وع اساس انا وانتي بنتلاقو معاه في مكان
ريناد:ونا وانتي مش راح نقدرو ناخد منه التلفون!
جود:لا ي غبيه نا كلمت اياد يلحقنا هوا وصحابه وهكي نقدرو ناخدو منه الي نبوه!
ريناد:اوكى حلو ...وزعما مايسمعش يوسف بي شي!
جود:لا لانه يوسف غدوه لي ليل مش راح يفضا نهائي دابه داب المشروع متعه!
ريناد:اي فكره ..اوكى توا نا بنخش نرقد وانتي كلمي حسن واتفقي معاه!
جود:😅..تمام حبيبتي وشكرا ع كل شي !
ريناد:العفو 😊...وطلعت!!

_____________

فات الليل :-
ريناد:تفكيرهاا في يوسف وتصرفاته في شعور اقوى ممها اتجاها تحاول تكدبه قدام نفسها حاسه بي انه يوسف شي يخصها جزء من حياتها شي تعودت عليه برغم انه عنيف معاها بس في شي غريب تحسه معاه لانه منستش يوسف مهتم بها ويخاف علاها وكل يوم لازم يخش لغرفتها ويتسبل بأي شي وفي يوم عرسه يشوفلها وكان قريب منها واليوم ختمها وقال انحبك

يوسف:كان تفكيره في ريناد وبس برغم انه مشروعه كبير وكش ساهل بس مخلاش يوقف ع تفكير ع ريناد وميار في حصنه راقده لكن ريناد لخبطت جياته غمض عيونه وهوا يقول ياريتني ماشفتك

ريناد: وهوا متزوج حبيبته ع حب والكل يعرفو الشي هدا شن قعد يصير معايه يوسف مش انسان خبيث باش نفكر في شي ثاني لن تسكرو عيونها وملقتش اجابه لكل الأسئله الي في راسها!

يوسف:رقد مرتااااح ومطمن لأنه ضااامن نجااااحه لانه ششاد عليهم كلهم شي كبير !

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

ساعه 11 ونص...{ الصبح}

ريناد:حاضنه مياسين وتوكل فها ...خيركم شن في؟
كريمه:ماشيه جايه....مصيبه كان خسر يوسف الحوش والشركه كلهم بيضيعو
جود:غمزت لي ريناد
ريناد:نوضي ميسوو ارفعي السفره للمطبخ!
كريمه:حليلي حليلي القصه مبتش تنتهي حتى بعد البنت ماتت.وسكتت
ريناد:كييييف؟ من الي مات
جود:بنحكي متفنصيش!
ريناد:احكي احكي!
جود:بلعت ريقها!..

يوسف:نزل وميار وراه
كريمه:اشش ...صباح الخير
يوسف:كان لابس سروال اسود وسورية بيضاء داخل السروال وقرواطه موف مطفيه🔥
ولابس ساعه ماركه ...وماسك الشنطه وكان طالع يجنن🤤
ميار:الصباح الخير..وتبخ في البرفان ع يوسف
ريناد:تاكل ...كان تعرفي بس راجلك شنو كان يقولي امس بس...
كريمه:ربي يقويك وتنجح ياوليدي!
يوسف:ابتسم...انشاء الله!!
جود:بتردد...ربي معاك!
يوسف:شاف لي ريناد وريناد ابتسمت بي استفزاز😅..
يوسف:طلع بهدوء وركب سيارته!!

_______________

سهام:شاده البخاره وتبخر
حسن:ههه سلمها الي خايفه عليا!
سهام:ي عمري طالع تجنن
حسن:حط يده ع خدوده الزوز وضغط عليهم...تعرفي اروح نلقام موتيه روحك فاهمه!
سهام:ههه علاش ي عمري!
حسن:بنطلعو اليوم حتى لو خسر يوسف
سهام:بعيد الشر ...انشاءالله تربحو وتروحلي فرحان!
حسن:ضحك...ويلبس في كندرته...ادعيلنا ي حبي❤
سهام:ضحكت
حسن:وقف ...خدي مفاتيحه وباسها ع راسها وطلع
حسن:نحبببه ياناس❤🤤

_________

ريناد:كملي قصة يوسف!
جود:اي طبعا منار اخت ميار التوأم
ريناد:قصدك عندها اخت توأم
جود:اي المهم كانت تحب خويا يوسف!
ريناد:اي المهم في مجموعه تهدد في شعبان بوها
عبادي:قعمز جنبهم...في من تقرمو ع صبح؟
ريناد:اششش...خلاها تكمل!
عبادي:كملي كملي!
جود:اي خطفاها وقتلاها!
ريناد:مسستحيلاااا
جود:اي وعمي شعبان قعد حاط الحق ع يوسف لانه يوسف كلم منار تطلع باش يتلاقا معاها وشعبان كان منبه منار متطلعش لكن مسمعتش لكلام وطلعت !
ريناد:باهي وكيف حب ميار وتزوجها
جود:لأنه ميار تتلصق عليه وهوا ضعف معاها يتخيل فها منار. حبها وقنعنا كلنا انه يحبها وشوفي شن صار توا!
ريناد:بصدمه....ياناري يوسف قعد متأثر!
عبادي:تي اي تحساب روحها ميار يحبها يوسف مسكينه
كريمه:تي شن تخرفو انتم ؟ ميار تحب يوسف ويحبها الدوه هادي قديمه وحتى نساها!
عبادي:احساسي ميخيبنيش انه في شي يبي يوصله يوسف
كلهم:كييف؟
عبادي:اليوم اول خطووه ليه!
ريناد:وربي عيله مليانه اسرار وغمووض🌚

___________

مجهوله:الوو
عامر:اهلين اهلين
مجهوله:وصلكم المبلغ
عامر:اي وماتوقعتش تكوني كريمه معاهم
مجهوله:تستاهلو اكتر بس اهم شي متكسروش الي بنيناه
عامر:لا نا مستعد نعطيك اي حاجه مدام انتي عطيتينا المبلغ المطلوب!
مجهوله:حلو حلو ونستنا في اخر الاخبااار!
عامر:بإذن الله خير...😅
مجهوله:بسسلامه..وتسسسكر الخط!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

جود:وصلها مسسج...غمزت لي ريناد
ريناد:نااضت ووقفت جنب جود..شن صار؟
جود:البسي بسسرعه واطلعي توا نبعتلك العنوان!
ريناد:تمام وانتي مش طالعه معاي؟
جود:لا نا بنطلع وراك مع غفران واياد!
ريناد:اوكى...عبودي خليك مع مياسين !
عبادي:انا ومياسين عندنا مشواار خااص!
مياسين:😉😉

________

في الششركه:-

يوسف:نزل من السياره معاه حسن وصحافه كانت في كل مكان

لحضات وخش عامر وهوا والمحامي متعه في وسط الصحافه...

يوسف:ضحك ع جنب بهزوه
عامر:قعمز بكل ثقه والحقد مالي عيونه
يوسف:حط الاوراق ع طاوله ..وبصوت مليان جمود ..كم دافع؟

____________

ميلو حسن:المشروع هدا عباره ع رشوة يخص موضوع قديم مليشي علاقه بشغل الشركه بس عامر ورجاله هوا المشكوك فيهم في قتل منار الي شعبان سكت ع جريمه اول مادفعله عامر فلوس ويوسف بحث هلبا ع مجرم ومقدرش يوصل وهدا السبب الي خلا حساسيه بينه وبين شعبان بس يوسف وصل لي شي وحط الرهن في الشركه والحوش باش عامر يوافق ويجي وطبعا عامر مش حايجي لن تأكدله المجهوله انه مافيش ادله ضده وانه يحضر المشروع وهوا واثق من نفسه وهكي حضرو الكل بثقه انهم حايربحو الشركه ويوسف حايخسسر 🤷‍♀️
المحامي:يقرا في الاوراق الي مع عامر
حسن:شن يقول هدا ؟ انتا شن درت وجاي فاتح قصه بأسم مشروع وهيا جريمة قتل قديمه شن قعد ادير فهمني يايوسف؟
يوسف:حرك حواجبه بي استهزاء!!
المحامي:عطيني الأوراق الي معاك ي يوسف!

ريناد:خلصت التاكسي...ونزلت للحوش الي باين انه مهجور..وطلعت تلفونها ع اساس تتصل بي جود!!

يوسف:لحضه بس عندي اتصال مهم
حسن:خلاص انتا هكي حاتخسر
يوسف:الو ميار تعالي لششركه توا
ميار:ضحكت...ت تمام..حاطه في بالها انه يوسف حايسجل الشركه بأسمها او حاجه زي هادي؟

ريناد:خشت للحوش...الو جود نا وصلت ومافيش حد
حسين:هههههههههههه
ريناد:جوود 😨
جود:سسامحيني ريناد
ريناد:شش شن تقولي؟😧😧

يوسف:حط لفلاش ع طاوله
محامي:هدا شنوو؟
يوسف:حسسن شغل لفلاش !
حسن:ركب لفلاش في لابتوب!!

ميار:خشت....السلام
كلهم:عليكم السلام!!
المحامي:اهو مرتك جت هيا شغل خلينا نشوف
يوسف:مازال شخص 😅
محقق طه:السلام
عامر:😨😨....شن ناووي ادير انتا؟؟
يوسف:جريمه 7سنوات اليووم نكتشفو المجرم!!
حسن:ششغل لابتوب!
كلهم:😮😮😮
يووسف:😅😅......يتببببع