رواية حب أناني ( روايات ليبية ) الفصل السادس 6 - بقلم MBC LIBYA

#حب_أناني ❤ 6
ريناد:تلفتت برجلين يرجفو ...شافت واحد مشفشف لابس قيتارا وشاد شنطه كبيره...اءء مني ؟
عبادي:عززف بالقيتار شويه ....هههه هادي نغمة لي لقائنا
ريناد:تحاول تستوعب الي قعد يصير ...انتا مني؟
عبادي:اسف اسف اسف ...عارف اني خلعتك لكن متخافيش انا عبادي ولد العيله المنحوسه الي عايشين داخل هدا الحوش
ريناد:تضحك ع كلامه وشكله ودوته الطويله...اءء اهلين !
عبادي:شن اديري للوقت هدا برا؟
ريناد:زي ماتشوف كنت الوح في لكناسه
عبادي:يسلب في القيتارا ...امممم اوكى فرصه سعيده بعد اذنك مضطر نخش
ريناد:هههه لا عادي تفضل حتى انا بنرقد !
عبادي:اوكى اوكى ...باااااي ودخل!
ريناد:يهبل 🤦‍♀️

___________________

يوم الجديد:-🆕️

يوسف:خدا دوش سخون وطلع وقف قدام لمرايا يرتب في شعره...ترن ترن ترن
يوسف:الوو
حسن:اهلا يوسف وين انتا؟
يوسف:شويه وطالع للمصحه!
حسن:متمشيش تعالا لشركه شعبان داير اجتماع مهم
يوسف:فتح الدولاب ويطلع في حوايجه...معرفتش علاش؟
حسن:مش عارف بس الي فهمته انه مش ناوي ع خير !
يوسف:باهي اني عشرة دقايق ونطلع !
حسن:تمام نستنا فيك...سلام!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

سهام:ماما قولي لي يوسف ع لفلوس الي خلاهم  عنده حسن
كريمه:باهي خلي ينزل ونكلمه !
ريناد:فلوس شنو ؟
سهام:قلي حسن اطلعي اشري بيهم لبتات
ريناد:معناها عرسكم قريب!
سهام:اي قالي منبيش نعطل !
ريناد:الف مبروك حبي 💋
جود:امتا بتطلعي؟
سهام:توا لو عطاني!
يوسف:صباح الخير!
كلهم:صباح النور!
يوسف:فرخ عبادي علاش صارف البطاقه كلها شن درت بها؟
عبادي:عجبتني هلبا حاجات خديتها!
يوسف:اكيد خديت قيتارا جديده؟
عبادي:فهوومي!
كريمه:يوسف عطاك حسن فلوس!
يوسف:اي ..وطلع من الشنطه متعه زي ستوش فيه بطاقات
كريمه:هدا شني؟
يوسف:اكيد كلكم تبو تاخدو حاجات جديده للعرس..وهادي بطاقات درتها للكل
جود:خدتهم تشوف فيهم...هادي لي ماما وهادي ليا وهادي لي سهام ووو😨...حتا مياسين وريناد؟
مياسين:اي لينا بلكي مش عاجبك
يوسف:ضحك ع جنب...كلمو احمد يوصلكم نا طالع مرات معاش نرجع الا لي ليل!
كريمه:تمام صحيت ولدي!
يوسف:سسلام...وطلع!
كريمه:عبادي مافيش طلوع من الحوش
عبادي:😨...وعلاش؟
كريمه:خلي معاك مياسين واحنا نطلعو نشرو وروحو
مياسين:غمزت لي عبادي😉
عبادي:باهي متعطلوش!

________________

في الشركه:-
في الاجتماع "
المحامي:السيد يوسف وين لتوا؟
حسن:قرب يوصل
يوسف:السلام عليكم!
كلهم:عليكم السلام !
شعبان:تاخرت هلبا!
يوسف:عادي لو تأخرت راهو تأجل الاجتماع!
شعبان:المهم نا كلامي حكيته للمحامي
يوسف:خليه يسمعنا!
المحامي:سيد شعبان يطالب في حقوقه لانه بينسحب من الشركه
يوسف:بكل برود...اوكى هدا شي يرجعله وحقوقه حاياخدهم
شعبان:تنفرز لانه يوسف مدارش اهتمام ليه!
يوسف:تبي نحولك مبلغ لحسابك وله شيك
شعبان:الي تشوفه مناسب!
يوسف:تمام 🔥

حسن:ممكن نعرف سبب انسحابك!
شعبان:لانه علي مسجل نص الشركه بأسم ريناد بنت المرحوم
يوسف:تنهد بصدمه...وامتا لكلام هدا ؟
شعبان:اسأله هوا ونا ميناسبنيش نخدم في شركه وفي الاخير نصها بتكون لبنات!
حسن:اي من حقك!
يوسف:كيف بويا ميقوليش ع شي زي هدا وعلاش دار هكي ؟
حسن:متزعلش منه اكيد في سبب...وهوا اصلا قعد مصرحش حكا لشعبان بس!
يوسف:توا نفهم منه ووقف...نا طالع توا سلام !
كلهم:سسلام !

ريناد:بعد مالبست تصلت بي سراج ع امل تشوفه لكن طلع عندها مقفل ...اففف مش وقته ..!

سهام:نا واتيه امتا بنطلعو ؟
كريمه:احمد البرا يستنا كلمي جود وريناد قوليلهم وقت
ريناد:اني جيت !
جود:حتى نا جيت
عبادي:مياسين قوليلهم باااي
مياسين:باي
ريناد:رد بالك منها متخليهاش تغيب ع عيونك
عبادي:حاضر

______________
يوسف:ها حبيبتي
ميار:شن صار في الاجتماع
يوسف:بوك نسحب ومعاش يبي يخدم
ميار:شن السبب؟
يوسف:لانه بويا كاتب نص الشركه بأسم ريناد!
ميار:بصدمه...وعلاش شن دخلها هيا ؟
يوسف:مش عارف نا صدمني بوك اول مانرجع للحوش توا نفهم منه!
ميار:باهي حبيبي ..نا والله مش عارفه كيف نتصرف معاه قعدا نحاول نقنعه
يوسف:كيف ع شنو؟
ميار:ع الي امس تناقشنا عليه
يوسف:لا مش ع رايه انتي حبيبتي فاهمه وحاناخدك غصبا عنا
ميار:ونا نقدر نعيش بدونك اصلا
يوسف:ياروحي والله نحبك💋
ميار:مش اكتر مني!❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

ريناد:وصلنا لمحل كبير معروف ..فيه فروع طبعا
جود:انتي بتاخدني حوايج حوش قبل وله ؟
سهام:اي اكيد!
ريناد:خلي نا ناخدلك وربي ذوقي في الحاجات هادي حاجه
جود:سكري فمك ع اساس تفهمي
ريناد:شدت سهام من يدها ودخلو للمحل!
جود:نبي نفهم بس من وين جبتاها بس قاسمتنا في حياتنا
كريمه:اسكتي متكونيش حسوده راهو يولي عليك
جود:باهي باهي غير تعالي خشي معاي بنشوف قفتان حفله
كريمه:هيا بري!

نحكيلكم بي مختصر:-❤

جود: خدت حوايج للعرس والحوش ماخلتش شي في خاطرها !❤
سهام:شبه كملت بتاتها وفي نواقص لكن لانه بتطلع ع طول الاسبوع مخدتهمش طبعا ريناد صح مش متعوده تكلع وتشري بس ذوقها كان يجنن وخدت لسهام كل شي ع ذوقها يهبل !

ريناد:خدت لمياسين حوايج والي تشوفه تتخيل ع ميسو تاخده  وشرت لروحها قفتان غالي يجنن وهكي ❤

_بعد ماكملو قررو يتغذو في مطعم ❤

كريمه:شن بتطلبو!
ريناد:نا خاطري في كبة مشويه واووو
جود:خوديلي مشاوي
سهام:نا جعانه اي شي تحطوه بناكله
قرسون:تفضلو ..مدلهم لكتاب!
ريناد:ختارت شن يبو...مع مشروب شاني ونوع سلاطه !كريمه:زعما شن صار في ميار امس!
سهام:نا قلي حسن لكن ردو بالكم تحيبو سيرة قدام يوسف!جود:تي احكي!
سهام:انه شعبان معاش يبي يوسف ياخد بنته واحتمال يطلع حتى من الشركه!
جود:نهاري...مستحيلا يوسف يسيب ميار لو يموت
كريمه:تي خيرا هوا عارفهم يبو بعض علاش يفرق فيهم
ريناد:ي ناري ...ربي يهديه انشاءالله لا !
جود:😏😏...ميار تحب يوسف اصلا ونا متأكده انه حايتزوجو معاكم انتي وحسين!
كلهم:انشاءالله يارب❤

مياسين:الي باعنا بلاش راح كأنه مجاش هوا مات وله عاش
عبادي:علي صوت لما تقولي بلاش
مياسين:الي باعنا بلاااااش
عبادي:يعزف بالقيتار...ايوا جمالك ميسو !
مياسين:جعانه عبودي!
عبادي:تعالي نخشو للمطبخ عندي اكله اجنبيه حاتعجبك
مياسين:اي هيا وريني !

__________________

ريناد:ميسسسو وين نا جيت
مياسين:ي روحي واخيرا شن خديتيلي!
ريناد:تي كل شي حاجات تجنن
مياسين:نحبك ي ماما !
عبادي:قصدك امها انتي مش اختها
ريناد:شن رايك انتا ؟😅
مياسين:هادي اختي 😂
جود:تعالا ركب لبضاعه فوق سادك دوه
عبادي:اسكتي تي انتي مفروض تخشي محلات رجاليه
جود:ماما قوليله يسكت
عبادي:اديرس في روحها برستيج ونوتيلا تي وربي الي يشوف وجهك توا لما يحطك في الحضر واحتمال يسكر النت
ريناد:😂
جود:😠😠
________

في ليل ساعه 1 :-

ريناد:غطت اختها مياسين .... ولما تلفتت لمحت خيال حد...طلعت تشوف شافت يوسف كيف داخل غرفته...شن كان يدير هدا هني؟ كيف بتدخل فكرت تمشيله وتششوفه!

يوسف:قعمز ع مكتب يفكر
ريناد:طقت مرتين...ودخلت
يوسف:شن كنتي تحلمي بيا؟
ريناد:دخات قعمزت ع كرسي ...لا بس شفتك كنت تراقب فيا جيت بنشوف شن مشكلتك معاي!
يوسف:ضحك بهزوه...اممم وليني احسن من الاول فاهمه وراكزه
ريناد:😅😅
يوسف:وباش تحافضي ع نفسك وع اختك سراج معاش تكلميه وتبعدي عليه نهائيا!!
ريناد:وكيف عرفته اسمه سراج.؟
يوسف:وارزني معاش تتصرفي زي المجنونه انتي هني امانه ونتمنا تفهمي كلامي!
ريناد:حياتي واموري الشخصيه مافيش حد يدخل فها ..ومعاش تلحقني لانه نا متربيه. ومستحيل نغلط
يوسف:هههه انشاءالله تكوني هكي ومعاش تعاودي اللقاء
ريناد:😨...شي يرجعلي ...المهم شن صار في خطيبتك؟
يوسف:وشن دخلك فها تسألي؟
ريناد:عادي سألت عليكم براحتك تصبح ع خير❤
يوسف:استني بس
ريناد:شنوو؟؟
يوسف:وقف قداامهاا وقرب منها!
ريناد:تباعدت عليه....خيرك؟
يوسف:خيرك خفتي؟
ريناد:انتا مش طبيعي!
يوسف:تغيرت ملامحه ...انا عارف الي قعدا تخططيله شنهوا
ريناد:هههه تي نا حتا حوش بأسمي نا واختي معنديش ومخططتش اني نشري وانتا تقول نخطط وانك تعرف
يوسف:ممثله محترفه؟
ريناد:دفاته بقووه انتا خاطب خليك بعيد وحركاتك هادي فوتها مع وحده رخيصه

يوسف:ضحك بهزوه....انا في حياتي مافكرت فيك كاانثى
ريناد:لشنو ناوي توصل انتا؟
يوسف:للي تبي توصليله انتي!
ريناد:انا عار عليا حتا انك تكوني عدوي
يوسف:واااو انتي مني اصلا!
ريناد:نا وحده هلبا عليك حاتتعرف علاها مع الوقت!
يوسف: ههههههه....برافو ريناد ونا نستنا تعرفيني ع نفسك ع احر من جمر
ريناد:واحد تافه...وطلعت!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

بعد مرور يومين :-❤

ريناد:نفس الشي تتصل بي سراج تلفونه مقفل مستغربه كيف اول مره يصير هكي  وطبعا كلام يوسف وحقده وقلة ثقته فها مش عاجبها حاسه انه يوسف سامع شي وانه هيا عكس مايفكر هوا 💔

يوسف:طبعا يستنا في ميار شن ترد عليه وشن بيقرر بوها لانه ناوي يتم فها خلاص ويتزوجها !😅❤

اما سهام مش فاضيه بككل لانه تكمل في تجهيزات العرس وكل يوم من الصبح تطلع تشري في بتاتها 🤷‍♀️

اما جود تجهز لعرس سهام وعيد ميلادها وتخطط شن بدير؟❤

وعبادي ومياسين هبال وخلاص ومياسين خلال يومين بس حفضت هلبا اغاني ومصدعه الحوش بيهم زي حال عبادي زمان لما هبل عليه في جرته😂

___________________

ترن ترن ترن :-
ريناد:الو
جوري:اهلين حبيبتي!
ريناد:ها شن صار معاك
جوري:الحق مش عارفه شن بنقولك!
ريناد:كيف خيرا سراج احكي؟
جوري:في الحبس وبيعدموه الايام الجايه!
ريناد:بصدمه...علاش!💔
جوري:عنده هلبا قضايا تاجر حشيش وناااصب ع زوز يبو عليه فلوس في جو نص مليون واخر جريمه طلع قاتل ولد جيرانهم لانه اغتصب اخته ولعب علاها!
ريناد:بالله كملتي بصارتك
جوري:وراسك انتي زي مانحكيلك ...ونا الحق كنت نعرف انه تاجر وهكي بس متوقعتش لدرجه هادي
ريناد:مستحيلا الي نسمع فيه سراج يخوني
جوري:ونا مصدومه لكن الله غالب تحسبي فيه ربي
ريناد:🥺🥺 ....باي جوري نكلمك بعدين
جوري:غدوه توا نجي نشوفك متزعليش روحك خليك قوويه هوا خانك وربي حايجازيه
ريناد:تت تمام...وسكرت التلفون...وبدت تبكي مش مصدقة بعد السنين هادي سراج يطلع هكي حست نفسها غبيه انه لتوا مكشفتاش وذكرت كلام يوسف وعرفت انه هوا يعلم بكل شي وحست كرامتها نهانت ونكسسرت هلبا ناار في قلبها وهيا تذكر في كل شي ومصدوومه💔
_________

يوسف:يوقع ع خروج مريضه عنده ...ترن ترن ترن :-
يوسف:الو
ميار:بصوت فرحان...حبيبي
يوسف:عيونه!
ميار:بابا وافق حبي !!
يوسف:اصلت بيوافق غصبا عنا!
ميار:هههه ي قلبي ...لكن قال حددو العرس في اقرب وقت!
يوسف:تمام ي روحي انا بنشوف حسن ونقولك الموعد
ميار:تمام عمري نا عزمتني جود ع عيد ميلادها!
يوسف:اوكى نشوفك يعني نا عندي حالات مازال نكمل وروح!
ميار:باهي حبيبي باي!!
يوسف:باي!!!

مياسين:رنووود ..لبسيني قفتان
ريناد:كانت فاشله ودايخه ...علاش؟
مياسين:عيد ميلاد جود هيا بسرعه نبي نطلع حلوه بيصورني عبودي!
ريناد:ناضت بحيل مهدود ...دوبك قدرت تفتح الدولاب
مياسين:نبي نلبس قفتاني الاصفر!
ريناد:اسكتي باهي! خليني اركز!
مياسين:🥺
ريناد:لبست مياسين ومشطتلها شعرهاا
مياسين:مش حاطتلي روج!
ريناد:اطلعي ميسو وسكري الباب بسسرعه!
مياسين:باهي مش نازله انتي؟
ريناد:لا مريضه شويه ردي بالك تطلعي خليك مع عبادي!
مياسين:حااضر!

______________

سهام:تجهزز في كل شي هيا وكريمه وعبادي طبعا حشيشته حفلات وهكي شبه هواا نضم وطيب كل شي 🤤

جود:في غرفتها تلبسس يعظ مااتصلت بي صديقاتها كلهم !!

كريمه:علقتو الزينه!
سهام:ولدك علقهم متخافيش يهني!

في لحضات تعبت الصاله بي لبنات وكل وحده لابسه احلا من التانيه عاد جود متصاحبش الا في الواااو 😏...والاغاني والاجواء كانت تجنن ومياسين ترقص تهببل !!

سهام:توتي في لعششاء هيا وميار ❤

اما ريناد كانت في عااالم تااااني💔💔

_______________________

من بين الجو الي يجنن والاجواء الحلوهه والاغاني الي تهببببل وكل شي راقي وذووق !
كريمه:ميسو نادي ريناد تنزل!
جود:بلكي ع خاطر مقلتلهاش تعالي
كريمه:تفهمي في الاصول هلبا عاااد!
مياسين:ركبتت بتنادي ريناد!

ميار:اي مش مصدقه واخيرا وافق
سهام:يعني بتتزوجي معاي!
ميار:ههههه اي والله ❤

مياسين:حبيبتي رنود تبيك عمتي كريمه لوطا
ريناد:باهي توا ننزل اسبقيني
مياسين:تمام ...ونزلت!!

_____________

ميار:استغلت الجو...وركبت فووق ...دخلت لدار يووسف!

ريناد:كيف طالعه من غرفتها...لمحت ميار طالعه تجري من غرفة يووسف...شن ادير هادي هني وعلاش طالعه خايفه...تخطت خطواتها ..ودخلت لدار يوسف
...تفتش بعيونه ملقتش شي !
يوسف:فتح الغرفه ودخل...شن اديري هنايا قعدا ناويه تخنبي!
ريناد:اءءءء....لالا ....يتبع!!