رواية حب أناني ( روايات ليبية ) الفصل السابع 7 - بقلم MBC LIBYA

#حب_أناني 7  ..❤

ريناد:اءءءء...لالا
يوسف:بصوت مليان جمود....انا يوسف اكبر دكتور في لبلاد وبويا مدير اكبر شركه يعني انتي مهما درتي مش راح تقدري توصلي للي تبيه
ريناد:واقفه تشوفله بصدمه بس قررت تقعد ساكته لانه من امس وهيا تفكر في لكلام الي يقول فيه يوسف شن قصده بيه ؟
يوسف:زاد ضغط ع شعرها....من الي باعتك تتجسسي فهميني ؟؟ احككي!!
ريناد:تبلع في ريقها بصدمه...شن تخرف انتا ؟
يوسف:بلكي تحسابيني راقد ع وداني ومنعرفش انك انتي طلبتي من بويا يكتبلك نص الشركه بأسمك!
ريناد:بصدمه ...سيبني نا مش فاهمه شن تقول اصلا !!
يوسف:قسما بالله كل شي حاسبله حساب وجهك المزيف ع اساس انك بريئه متخدعنيش بيه!
ريناد:تفجرت في وجه....تي حول معاش تشوف نفسك بعين طبعك شنهوا الي شفته مني باش تتهمني تي انا مستحيل نقعد هني دقيقه مدام انتا  خايف ع ورثتك
يوسف:ضحك بصوت عالي .....واو يعني تأثرت بتطلعي من الحوش وبويا بيردك وبيوقفو معاك وله عابيه ع حقك في الشركه وبتولي محافزه ليا
ريناد:أو ماااي قاد ع ذكاااء 😅...نا مش طامعه لا فيك ولا في الشركه ونا معنديش علم بي شي ...بس خلي نقولك ..وغيرت نبرة صوتها...نا مش راح نطلع من هنايا علشان ميسو متشوفش الويل زيني ...بس نبي منك طلب صغيرون ...ادور ع سبب الي خلا بوك يسجل نص الشركه بأسمي خير ماتقعد حاط راسك براس بنت مسكينه زيني ؟ ...وجايه بتطلع
يوسف:بصوت مليان ثقه ....بويا اول مايعرف انك خنابه حايغير رايه وحايسجلها بأسمي !
ريناد:بدون ماتتلفت....هههههه كنت شايفتلك مستقبل حلو بس بعد الي شفته اليوم ربي يكون معاك!!...وطلعت
يوسف:تجاهل كلامها واعتبره دوه بس ...وطلع !!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

ميار:تقدم في لعصير للبنات!
سهام:شاده ماترد الشكولاطه ...تفضلو!
غفران:صحيتي سهام انشاءالله في عرسك!
سهام:سلمها قلبي والفال ليك!
غفران:😅
جود:قوليلي غفو ...شن معاش كلمك إياد
غفران:بخبث ...لالا الحق معاش جبد سيرتك
جود:باهي باش قال انه بيخطبني
غفران:اءءء...الحق جود
جود:احكي شن في ؟
غفران:قال انه بنسافر الفتره هادي لانه في حد من عيلتكم كلمه وقاله ابعد
جود:كيف من بيكلمه يعني شن تقولي انتي لو في حد يعلم بينا مكنتيش توا جايه لعيد ميلادي
غفران:مالا كيف؟
جود:راهو جيتي تعزي فيا !
غفران:منعرفش مرات هوا يكدب لانه يتهرب بس نا خفت وقلت ضروري نقولك
جود:قصدك هوا طلب منك متقوليش
غفران:اي قالي نا بنسافر وقوليلها تسامحني وبس!
جود:بعد كل شي صار هكي طلع هوا حايشوف حسابه
غفران:شن بديري؟
جود:خليك برا المره هادي!
غفران:😨...ديري رايك!!

ريناد:مقعمزه ع صالون توزع في الابتسامات مره مره ..وتشوف لي صاحبات جود كيف راقيات وجميلات !

غفران:امتا عرسكم انتي ويوسف؟
ميار:الحق مقررين الاسابيع هادي كان سخر ربي!
سهام:اي يعني معايه
غفران:الف مبروك ...والفال لي جود!
كريمه:انشاءالله ..ونسيتي حتا عبادي!
غفران:بلعت ريقها...قصدك روح هوا
جود:ع اساس متعرفيش من الي امس يتصل بيه في ليل
غفران:😨😨...سكريه باهي!
ريناد:تشوفلهم بس متوجعه هلبا !بس مع هدا محبتش حد يشوفها ضعيفه خاصة في وقت زي هدا !!💔

ميار:تفضلي حبيبتي جود هادي هديتي
جود:احيه كلك ذووق...لهدية كانت عباره ع سلسله ذهب !
سهام:وهادي هديتي خيتو!
غفران:طبعا نا جبتلك هدية من نوع تاني !!
جود:من وين جاياتك الطيبه هادي!
غفران:😅...فتحتلها الباكو ..وكان جهاز نت !

غفران:حقا شن قصتها هادي ريناد
جود:بالله خليني ناسيه حشمتني قدامكم
غفران:بالعكس واضح علاها البنت جميله معقوله يوسف منضربش فها؟
جود:ترا فكيني غفو ع اساس متعرفيش انه يوسف يحب ميار وبيموت علاها
غفران:لا عارفه بس ريناد قنينه الحق
جود:عادي مش كل شي جمال!!
غفران:اممم كوويس...يستطفلو !

____________________

سهام:امتا بتقصو التارت!
جود:ناضت...ولعو الاغنيه توا نبي نقصها
غفران:ولعت اغنيه جميله ..والباقي يغنولها وطفو الاضواء وهكي ❤

ريناد:كانت تتفرج ع كل شي برغم انها تحب الحفلات بس جرحها مسمحلهاش وكلام يوسف وجعها هلبا بس كانت ضحكت مياسين مهونه علاها وهيا تتفرج علاها وتضحك ..مرات الانسان يوصل لمرحلة انه يضحي بكل شي علشان انه مضطر يضحي💔

__________________

لحضات كل صاحبات جود روحو  ❤
ميار:معاش بينت لانه ركبت لي يووسف 😊

______________
عبادي:خيرها غفران صاحبتك بدا شكله زي خبزة الحماس
جود:سكر فمك عاجبك شكلك مثالا
عبادي:لا عاجبك شكلك مالا كل مانشوفك يركبني اكتئاب
ريناد:ضحكت من بين كل اوجاعها
جود:شن خدمتك انتي غير انك تضحكي
ريناد:بصوا مستفز...لا تخصصي نضحك ع اشكالك
عبادي:نوضي جود تكلمي اهانه هادي راهو
جود:سكري فمك عاجبك شكلك جايبينك من شارع
سهام:جوووود عيب
ريناد:خليها تتكلم عادي ....لو نا جايبيني من شارع لكن متربيه كوويسسس
جود:بلعت ريقها بخوف...ع شنو تلمحي انتي؟
ريناد:نا ملمحتش انتي عندك نقص بي شخصيتك...ولعلمك نا ميأثرش فيا كلامك ولا كلام غيرك عليا لانه عارفه نضرات الناس لينا نا واختي ومع هدا مش راح نضعف!
سهام:خلاص سكرو الموضوع...ومتنسيش ي ريناد احنا عيلتك واهلك وسندك!
ريناد:بعيون يدمعو...لا نا اهلي ماتو ومهما كان منضمنش مستقبلي نا واختي مع اي حد وعارفه انكم مقصرتوش وعمي علي مقصرش معانا بس مع هدا اسفه فتره هادي بس وحانقرر شن نتصرف

جود:والله ديري خير لو تطلعي من هنايا !
يوسف:سسسسسكرري فمكك ي حيوااانه
جود:😨😨😨
ريناد:توقعت انه يوسف نازل بيهزبها!!
سهام:ربي يسستر😮
عبادي:هدا الي نبيه خوووشي😂😂
يوسف:وقف قدام جود...وربي مازال نسمع لكلام هدا تقولي فيه لي ريناد حاتشوفي شي مايعجبكش
ريناد::تشوف مصدومه!!
ميار:خلاص حبيبي اهدأ!
سهام::نوضي ريناد نركبوو مع بعض !
يوسف:مش محترمه نفسك نهائيا ي تااافهااا
عبادي: 😂😂
ريناد:خدت مياسين وركبو فوق!
جود:بخووف مقدرتش ترد...خدت بعضها وركبت!
يوسف:طلع مع ميار برا

__________________

فات الليل كله ❤
ريناد:رقدت جنب مياسين لكن الليله هادي كانت مختلفه ع اي ليله كانت موجوعه هلباااا تفكرت كل شي شين خيانة سراج واهلها الميتين وله مرت بوها الي لوحتهم وله يوسف الي يتهم فها ضلم وهوا مش عارف انه خطيبته ع ترا شنو ناويه ؟؟ حاسه روحها ثقيله هلبا عليهم 💔

يوسف:حااط كلام ريناد ويفسسر فيه انه ريناد تلمح ع ميار بخصوص شي وانه في سبب خلا بوه يتصرف هكي بس مننكرش انه يوسف حاس بشعور  غريب اتجاه ريناد ومش فاهم شي بس مع هدا طبيعي يحاول يسيطر ع كل شي ويبحث ويفسسر ؟؟🤞

سهام:في المطبخ ترتب وحصلت في الحووسه ومحبتش تنادي ع ريناد لانه حستها تعبانه وموجوعه 💔

جود:طبعا بعد اياد علاها خلاها تتسأل وهكي بس موجعهاش بشكل كبير  المهم عندها انه منفضحتش. وبس لكن كان في بالها انه الدوه الي قالها اياد مجرد هروب وسبل مكنتش تعرف انه حاتصير كارثه !!🤞🔥

_________________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

يوم جديد:-🆕️

ساعه 6 لعشية :-

ريناد:مطلعتش من دارها ...قعدت تهدرز ع جوري في النت ع ماسنجر ومعندهاش خاطر تنزل ولا تشووف حد بس واضح انه الحوش هادي بدونه!!

عبادي ومياسين طلعو بي سيارره!!

ترن ترن ترن :-

كريمه:الوو
يوسف:ايوا...اتفقت مع ميار اليوم بنرفعلها المهر
كريمه:ابتسمت...باهي ولدي امتا بزبط
يوسف:مع المغرب نرفعكم ...توا نا ناخد في حاجات تباها ميار!
كريمه:باهي مالا نستنا فيك توا نكلم لبنات!
يوسف:تمام نلقاكم واتين !
كريمه:تمام ..غير فهمني بوك بيمشي وله لا
يوسف:لالا انتم بس تتفاهمو ع موعد العرس وخلاص!
كريمه:اها تمام ع خير!
يوسف:تمام...وتسكر الخط !

سهام:حاطه زبادي ع وجها ...وتراسل في حسن! ❤

جود:طالعه من الدوش ...تسمع في تلفونها يرن.....غريبه رقم مني هدا ؟...فتحت الخط مافيش صوت وسكر..اففف ...ناضت اطلع في حوايجها من الدولاب...لن سمعت صوت رنة رساله !!☹

ريناد:اي اي هوا هدا...مالا نستاذنك توا خلي انوض نشوف ميسو لوطا
جوري:تمام عمرري ...بوسيهالي!
ريناد:من عيوني...سلام !

جود:نا شخص متعرفيشي لكن حاتعرفيه مع الايام ونحب نقولك نهاية عيلتكم ع يدي وله خوك الي حاسب روحه حاجه كبيره
لما يعرف اخته شن دايره؟؟...قعمزت ع سرير وهيا ترجف مع بعضها ....هدا مني شن يبي مني ...نهايتك قربت ي جود مستحيلاا 😭😭💔

طق طق طق:-

فتحيه:حسين نوض ي فاسد لتوا معقوله
حسين:تحت البطانيه...نااايض غير عندي خدمه
فتحيه:شن خدمتك ي فاسد غير تلعب ع بنات الناس!
حسين:تي اطلعي بنوض مش لابس حوايج
فتحيه:حزي والله ماتتحشم هي...
حسين:باش قتلك عندي خدمه😂
فتحيه:خزي بلا ربايه ...وطلعت!

ريناد:سهام ميسو وين؟
سهام:اها مقتلكش طلعت مع عبادي ترا شن بياخدلها من المحل
ريناد:اهاا باهي!
كريمه:بتمشي معانا ريناد ؟
ريناد:وين عمتي؟
كريمه:لحوش اهل ميار ماهو بنرفعولها المهر!
ريناد:لو الكل بتمشو عادي نمشي!
سهام:مالا وتي روحك من توا لانه المغرب بنطلعو!
ريناد:تمام حبيبتي ...ناكل ونركب نغير!
عبادي:وحنا جييينا
مياسين:خشت تجري حضنت ريناد
ريناد:توا نوريك مشيتي بدون ماتشاوري .
مياسين:ههه جت صدفه
ريناد:صدفه صار !

ترن ترن ترن :-
حسين:الو
جود:اهلين نا جود!
حسين:شن الجو ؟
جود:بنقولك حسين موضوع بس خايفه
حسين:احكي مدوريش!
جود:الحق نبي نشوفك وجه لي وجه !
حسين:ضروري؟
جود:اي ضروري !💔
حسين:توا ندير عليكم دوره وع اساس نبيك في موضوع ونحكو
جود:اوكى شكرا !
جود:تمام...سكرت الخط..عارفه انه حسين متع بنات بس عنده خبره في لمواضيع هادي ومضطرا تحكيله لانه حست الموضوع خطير شوويه!!

ساعه 7 المغرب:-

سهام: قدام لمرايا...غريبه تفوتي طلعه زي هادي
جود:شنو يعني بنموت لو ممشيتش؟
سهام:لا جديد عليك لكلام هدا...شكلك كبرتي؟
جود:فكيني مش ناقصاتك!
سهام:اسمعيني كويس انا عارفه الي قعد يصير وانشاءالله متكونيش بسببه متبيش تطلعي!
جود:لا نا مش هامني حد اصلا الا عيلتي
سهام:اي هوا شن ناقصك وانتي عندك عيلة زينا
جود:ادوي باهي وله اطلعي؟
سهام:انتي خيرك بس شن ناقصك باش تتعصبي؟
جود:بهي كويس البسي واطلعي..كلكم بتمشو؟
سهام:حاندير نفسي مسمعتش السؤال...خدت شنطتها وطلعت!!
جود:🙄

ريناد:لبست زي البشته مفتوحه تهبل لونها اسود وسروال اسود لاصق ع جسمها واضح ...مع لمسة مكياج خفيفه ونزلت هيا ومياسين!

سهام:غريبه متبيش تمشي
عبادي:لا الوضع معاش يطمن هكي
سهام:اسكت انتا بلا فتنه!
كريمه:باهي مرات مريضه ..وين ريناد منزلتش!
عبادي:اذكر القط ينزل ينط😂
سهام:مبردك الزحح🤦‍♀️
عبادي:خيرك انتي كانا مخطوبه خلاص يعني؟
ريناد:قعمزت ...احنا واتين وين العريس لتوا؟
عبادي:خشيبي اتصلي بي خوك ريناد تعبانه وايد
كريمه:فوق هوا توا ينزل!
يوسف:نازل من فوق يلبس في ساعته
ريناد:تشوفله كيف طالع يجنن...بدهشه...شنو هدا؟
يوسف:هيا وقت !
ريناد:يقتتتل🤤🤤

جود:الو
حسين:اهلين
جود:اهلي طلعو كلهم تعالا بتلقا عبادي بس
حسين:اممم...تمام لحضات بس ونكون جنبك ي اميرتي😂
جود:في خاطرها ياريت...اءء ههه تمام
حسين:هيا جايك جااااايك😂
جود:😅...وسكرت!!

يوسف:ساعتين ونجيكم
كريمه:اللطف مالا بنقولو كلمتين وبروحو
يوسف:هوا هاكه تتفقو وبتروحو !
ريناد:ع اساس جو اتراك!
سهام:😂
يوسف:تجاهلها...المهم زي ماقتلك!
كلهم:نزلوو من السياره!!
يوسف:طلع !!

حسين:وصل للحوش ...وركب طول لدار جود...طقق طقق
جود:خش عبادي
حسين:اشش انا حسين حتا عبادي وزعته
جود:شن درت انتا هكي يشكو في حاجه تانيه
حسين:تغيرت ملامح وجه...اسمعي جود
جود:خخ خيرك!
حسين:انا عارف بكل شي اديري فيه
جود:كيف يعني؟
حسين:قعمز ع سرير مقابلها...زي ماسمعتي!
جود:قق قصدك انتا الي تهدد فيا؟
حسين:ماشاءالله ذكيه وي خوك
جود:تنهدت بصدمه...حسين
حسين:اسمي متذكريشي في فمك ي رخيصه!
جود:😨😨..!
حسين:هما كلمتين!
جود:بصوت يرعش...ششنو؟
حسين:تعطيني شن نبي؟ وله اقسم بالله عيلتكم تدمر بسببك!
جود:طاحت ع الارض...💔

ميار:قدمت لعصير...وقعمزت
كريمه:هوا هدا يوسف مستعجل وحسن وقصه
م
سهام:تبتسم
ميار:اي هوا هاكه سادنا😊😉
ريناد:😁...ايي مش منك بالله!
اماني(ام ميار): انشاءالله خير ..وربي يهنيهم!
كريمه:انشاءالله يارب!
سهام:هدا المهر ي ميار
ريناد:امتا بتطلعي بتاخدي بتاتك!
ميار:الحق قررت نا ويوسف بنطلعو مع بعض نشريه
سهام:حلو والله فكره !
ريناد:ربي يهنيكم ❤
ميار:والفال ليك ريناد !
ريناد:سسلمك!
كريمه:انا الحق فكرت ندير عرس سهام في الصاله
ميار:وحتى نا في الصاله شي طبيعي هدا !
اماني:اهم شي يتم العرس ع خير زي بعضه عندي!
سهام:تبتسم...اي انششاءالله❤

حسين:طلع من دار جود يسكر في سوسته..!!
جود:منهااره كليااا ع سرير💔💔

عبادي:داخل للحوش...تي وينك ي كداب استنيتك ساعه في القهوه مجيتش
حسين:توا نرجع نتصل بيك بعدين..وسكر
عبادي:تي وهمي الزح...جوود جووود!

كريمه:هيا بسلامه نتلاقو ع خير
اماني:ع خير وخيتي انشاءالله !

سهام:هيا باي ميوره
ريناد:😅...سلام حبيبتي!
ميار:بسلامه 😍

عبادي:فتح دار جوود.....😮😮

ريناد:كيف ركبت السياره...وصلتها رساله....يتببببع!!!