رواية حب جنوني الفصل الاول 1 - بقلم سوزان ليث

غرام... اني اسمي غرام  بصف ثالث متوسط اني شاطره كلش بالمدرسه بحيث اهلي متوقعيني اطلع دكتوره بالمستقبل اني اعيش بااحدى محافظات الجنوبيه
ابويه توفى واني عمري 10 سنين عندي اخت وحده اسمها (رونق )اصغر مني بسنتين اني و رونق وحيدات لامي وابويه  ماعدنا اخ يمكن هذا الشي هو سبب خلاني اعاني بطفولتي
اكثر شي متعقده منه والي اعتبره مصيبه الله بلاني بيها هو ابن عمي
(اسد ) الي ماطيقه ولااطيق احد يحجي بي هلكد ممكرهني بعيشتي
من جنت صغيره لحد هسه وخاصه بعد ما ابويه توفى صار تحكمه بينا كلش هواي وخاصه بيه جنت اكره هذا كرهي بده من جنت صف رابع ابتدائي
بوكتها جنت العب ويه ولد عمي وبنات عمي ولان كلنا نفس العمر جان لعبنا كله سوه جنا نلعب بيت جدي بي حديقه كلش جبيره
جنا نلعب بيومها (اسد) اجه لبيت جدي اسد اكبر مني ب 12 سنه
هو كلش ضخم طويل وعده عضلات بسيطه  اسمراني وشعره اسود بس الله شاهد كلش انيق ونظيف بس اني ماطيقه بسبب تصرفاته القاسيه ويايه
اجه شافنا نلعب كلنا من بين البنات كلها  صاح بس عليه وكلي غرام دخلي جوه بعصبيه. عمري مانساه شون صااح بيه كدام ولد عمي وبنات عمي
خلاني افز منه وادخل جوه واني ابجي
جنت استغرب من اهلي مجان يحجون وياه مجان يكلوله انت شعليك جان خاليه يدخل بيه كلش زايد
حتى بنات عمي من عدهم طلعه او سفره ويه اهلهم مجان يكلولي اجي وياهم مع العلم جانت رونق اختي يكلولها تروح وياهم جنت دايما اسمع يكلولي مابينا حيل مشاكل ويه اسد هاي الجمله دايما اسمعها من اهلي لذالك يوم بعد يوم جان كرهي لعمو( اسد) يزيد
بالرغم هو يصير ابن عمي بس جان اكبر اخوته واحنا جهال كلنا نخاف منه ونصيحله عمو بالرغم من هو يصير ابن عمنا لكن جنا نشوف ضخامته وطوله  جنا نشوفه وحش الكل يرجف منه من يجي لبيت جدي واحنا موجودين وجنا نشوف جدي وعمي شون يسمعون كلامه وياخذون رئيه
الشي الجان مصبرني على حياتي امي واختي الي جانو اهم شي بدنيا الي اختي هي صديقتي وبير اسراري وكلشي نكوله لبعض

من صرت صف ثاني متوسط بدت ملامحي الانثويه تبرز شويه
اني ناعمه كلش وطويله الكل يكلي انتي قزمه بس اني اشوف نفسي طويله  شعري طويل اسود من جنت صغيره ماكاصته شكد جنت اريد اكصه بس امي ماتقبل مع العلم رونق تخليها تكصه
عيوني كبار جوزيه لونها لون بشرتي بيضه يمكن لان بس كاعده بالبيت صرت بيضه من جنت صغيره جنت سمره مدري سواني هالبياض

مره جنت صف ثاني متوسط بيومها ابو الخط ماجه عليه وجانت امتحانات نص السنه عندي فامي كلتلي روحي على بيت عمج شوفي واحد من الولد يوديج
بيت عمي جابر ابو اسد  حايط عالحايط فرحت دكيت الجرس وظليت منتظره شويه وفتحلي وياريته مافتح

اسد ... اسمي اسد عمري 27 سنه  ضابط وعندي شغلي ويه ابوي عده املاك وخير الحمدلله اني اكبر اخوتي عدي 3 اخوه وبنات 2  ابويه مزوج اثنين واني من مرته الاولى الي الله اخذ امانته واني بالابتدائيه بعدها ابويه زوج خالتي اخت امي الي ماقصرت ويايه ابد وجانت الي امي الثانيه جابت من ابوي 3 ولد وبنات 2

(فهد . وفؤاد . جلال ) اخوتي الي اني ربيتهم على ايدي
(نبأ. ايمان) خواتي الي احبهم واخاف عليهم اكثر من نفسي

جان عمري 12 سنه بيومها عمي جمال اجه علينا لسه اذكر ملهوف ويكلنا حرمتي دتولد ابوي وامي الي هي خالتي واني اصيحلها يمه اخذو عمي ومرت عمي ورحنا للمستشفى طريق كله جنت اباع على مرت عمي شون جان تتوجع  والي اول مصارت حامل جانت دكلي اذا بنيه انطيها الك انت ربيها
لما ولدت جابت بنيه  اول مشافتني مرت عمي كلتلي اسد هاي الك انت الي تحميها من يومها واني اعتبر غرام مالتي محد يكدر ياذيها ولا يوصل صوبها الكل جان يخافون مني عمي ومرت عمي جانو ناطيني الصلاحيه بيها خاصه لان هي ماعدها اخ يحميها بس من اني صغير عمري ماعتبرت غرام مثل اختي يوم بعد يوم جنت اشوفها تكبر من جانت صغيره جانت كلش متعلقه بيه وتحبني اكثر واحد لكن وره مكبرت تغيرت صارت  تخاف مني وكل مشوفني جاي تختل مني
هذا الشي جان يضوجني جنت اعتبرها بنتي اني الي ربيتها اني الي جنت اطلعها واشتريلها  وزاد بعدها عني كل ما تكبر من صغيره صيحلي عمو جنت افرح لان جنت صغير على كلمه عمو بس ظلت صيحلي عمو لحد مكبرت وصارت مره

مره جنا كاعدي دنتريك صبح واني داريد اكمل حتى اروح للدوام دك جرس البيت كتلهم اني اطلع اشوف منو
طلعت فتحت الباب لكيت غرام كبالي هي شافتني وكامت تفرك بيدها وتمتمت بالكوه طلع الجايه

غرام... فتحلي الباب واني كمت ارجف كلش اخاف منه كمت بالكوه احجي  وصارت خطواتي ترجع ليوره

اسد.... كالعاده خايفه مني كتلها ها ولج شعدج مرايحه للمدرسه
غرام... عمو ابو الخط  تاخر عليه واني عندي امتحان امي كلتلي شوفي واحد من ولد عمج يوصلج

اسد... تعالي دخلي هسه خل اروح اجيب سويج السياره واوصلج

غرام..  اهووو الا انت توصلني خرب خظي .. دخلت جوه صبحت على بيت عمي هو صعد فوك ونزل كللهم حروح اوصل غرام واطلع مناك للدوام

طلعنا هو فتحلي الباب وكعدت اني بسرعه طلعت كتابي وكعدت اقره جان عندي امتحان احياء هو اجه صعد للسياره
السياره صارت عباره عن عطره يربي شكد راش عطر
اني جنت مسويه نفسي اقره حتى يخلص طريق بسرعه
هو صعد وشغل راديو جانت فيروز دتغني اغنيه( انا لحبيبي وحبيبي الي ) فسئلني اطفي مضوجج
اني هزيت راسي لا عادي

اسد...  قاريه زين
غزام... اي
اسد .. اريدج طلعين اولى مثل كل مره
غزام.. ان شاءالله عمو
اسد ... طلعت تليفون خابرت على خط مالتها  كلي سيارتي عاطله وماكدر لا اخذهم ولا ارجعهم وباجر هم ماكدر   سديته كتله منو حيرجعج ابو علي محيجي عليج سيارته عاطله

غرام... عمو اني ارجع ويه صديقاتي مشي
اسد... لتافيت عليه ورفعتلها حاجبي كتلها من يمته وجاي ترجعين مشي ويه صديقاتج
غرام ... كمت امتمت لا عمو والله مراجعه بس بس بس لان اليوم ابو علي محيرجعني كلت ارجع ويه صديقاتي
اسد... لا اني امر اخذج ساعه بيش تخلصين
غرام... مادري يجوز ب11
اسد ... انتظريني حتى لو طلعتي ظلي جوه بالمدرسه اني من اجي ادخل اصيحج
غرام: اي عمو
اسد... وصلت للمدرسه هي بسرعه تريد  تخلص مني فتحت الباب وتريد تنزل  اني كتلها غرام

غرام : نداريت عليه ها عمو شفته طلع 10 كلي هاج مصروفج
كتله لا عمو عندي مصروف قبل يومين نطيتني

اسد ... ميخالف هاج هاي
غرام ... من جنت صغيره واسد يصرف عليه وخاصه بعد ماتوفى ابويه تقريبا كل احتياجاتي هو يجيبها الي ورونق

اخذت الفلوس كتله شكرا
ونزلت بسرعه دخلت للمدرسه حتى مباوعت راح لو بعده

اسد .... يربي شون بريئه
بعد ماوصلت غرام للمدرسه رحت للدوام جان عندي جم شغله خلصتهن وراها ظليت اشتغل وكلسع اباع عالساعه خاف اتاخر عليها
صارت ب 10 ونص طلعت من الدوام رحت وكفت السياره يم المدرسه ظليت انتظر شفت بنات كامو يطلعون فدخلت للمدرسه شافني الحارس بسرعه ولان يعرفني بسرعه كلي هسه اشوفها كملت وراح
اني ظليت انتظر شويه واجتي ست الحسن تتمخطر وتضحك ويه صديقاتها هي شافتني بسرعه راحت الضحكه  وانتبهت لصدريتها شو هاي ضيكه شون دخلت بيها  شون ماانتبهت الها صبح  اني اعلمج غرام بس خل الزمج ..... ❤️ يتبع

..............
مرحبا رجعتلكم بقصه جديده انشاءالله عجبتكم القصه حب جنوني لتنسون التعليقات ولايكات حتى اعرف جم واحد حب القصه تفاعلكم مهم حتى اكمل القصه 👍🏻

الكاتبة
سوزان ليث ❤️