رواية حب جنوني الفصل الثاني 2 - بقلم سوزان ليث

صارت ب 10 ونص طلعت من الدوام رحت وكفت السياره يم المدرسه ظليت انتظر شفت بنات كامو يطلعون فدخلت للمدرسه شافني الحارس بسرعه ولان يعرفني بسرعه كلي هسه اشوفها كملت وراح
اني ظليت انتظر شويه واجتي ست الحسن تتمخطر وتضحك ويه صديقاتها هي شافتني بسرعه راحت الضحكه وانتبهت لصدريتها شو هاي ضيقه شون دخلت بيها شون ماانتبهت الها صبح اني اعلمج غرام بس خل الزمج اني رجعت للسياره وهي ورايه تمشي

غرام... ماصدكت انزل من السياره ركض دخلت للمدرسه حتى ملتافيت عليه ولا سلمت عليه دخلت شفت صديقاتي نور وداليا ظلينا شويه نسولف وشويه وحده من عدنا دكول كافي خل نقرا ونرجع نسولف دخلت للامتحان  واي وحده شوفني من صفي دكلي انيالج اتمنى اخذ مخج هسه لان اني جنت بس اقره
دخلت للامتحان الحمدلله جاوبت الاسئله جانت مركزه كلش طلعت ساعه ب 11 الا ربع شفت صديقاتي كلهن طالعات من الامتحان ظلينا نحجي ونسولف وضحك اجه عليه حارس المدرسه كلي ابن عمج دينتظرج بره  طبعا اني كلت اهووو جنت ناسيته طلعت وصديقاتي جلبن بيه الا يطلعن ويايه حتى يشوفون اسد
لان هو جان فارس احلامهن  ظلت داليا صنف عليه ودكلي انتي معقده اذا اسد ميعجبج منو يعجبج نور كلتلها يجوز تحب النمور
فاني صدك ضحكت كتلهم يولي هذا مثل اخويه جبير نصدمت بعمو اسد كبالي بس جان عاكد حواجبه هو شافني وندار طلع من المدرسه
اني كتلهن يله باي باي وكمت امشي وراه بسرعه
صعدت للسياره هذا شحط السياره وطلع بينا اني ظليت اباع من الجامه

اسد.... نداريت عليها اباع عليها على جسمها اكول هاي شبسرعه كبرت شبسرعه صار جسمها هيج يجذب نداريت واني استغفر ربي
كتلها شونج بالامتحان

غرام... الحمدلله زينه

اسد... ماعندج اكصف من هاي تلبسيها

غرام.... جنت منداره على الجامه نداريت عليه لان معرفت شنو اليقصده
باوعته اشرلي بعيونه عالصدريه
اني ظليت مدنجه والعب بالمحفظه

اسد..... احجي ماعندج غيرها حتى اشتريلج وحده
غرام.... لا عندي
اسد.... متلبس هاي بعد ترجعين للبيت تنزعيها وسويها وصله مسح ذبيها ماريد اشوفها
غرام... هزيت راسي اي عمو .... كل ميحجي شي كرهي اله يزيد اكره نبرت صوته الي الي كلها اوامر
مادري على شنو بنات عمي كاتلات نفسهن عليه من جماله الخلاب
يعني هو صح حلو وطول وضخامه بس تصرفاته وعياطه اكره

رجعت للبيت بس وصلنا حتى منداريت عليه كتله مع السلامه نزلت حتى قبل ماسمع رده بسرعه دخلت للبيت

اسد ... ظليت واكف لحد مطبت لبيتهم يربي الصدريه من وره دمار عليها لازكه لزك بيها شون ممنتبه عليها
طبكت السياره ونزلت لبيتنا دخلت لكيت امي بالمطبخ
هاحجيه شونج

امي ... هلا يمه الحمدلله شو راجع اليوم من وكت مو عوايدك
اسد... مو رجعت غرام لان خطها عاطله سيارته
امي... دتعال اصبلك غده ماتريكت صبح زين
اسد.... لا ماشتهي حصعد انام شو ماكو احد
امي.... بنات فوك
اسد.... حصعد لحد يكعدني اني اكعد
صعدت لغرفتي  نزعت وغسلت ومددت شويه وغفيت

غرام ... رجعت للبيت شفت امي اول مشافتني كالت ها بشري

ضحكتلها كتلها الحمدلله سهله الاسئله

صعدت لغرفتي طبعا سويت مداهمه لرونق هي طبعا جفلت خطيه

رونق .... خرب بيج جفلتيني
غرام.... هههههه شون كمزتي خرب شكلج يخرب ضحك
رونق... هههههه ولي لعد منو رجعج

غرام .... اسد وداني ورجعني عوذه
رونق.... وشبيج كلبتي وجهج
غرام.... شوكت الله يخلصني منه والله مدمره حياتي
رونق.... ولج ليش والله حباب ابو الاسود
غرام.... اي كلش حباب مدري منين شايفيه حباب لو تعرفين شكلي
رونق... شكال
غرام... يكلي هاي صدريه بعد متلبس كصيفه سويها وصله مسح وظليت اعوج بحلكي اقلده
رونق... بربج لذبيها نطيني ياها اني البسها سنه جايه
غرام... منو كلج حذبها اصلا خل يطير كلشي حاشر خشمه
رونق... عزه بعينج حظلين تلبسيها شسوين اذا شافج
غرام... بابا ادري هو اكيد باجر حيظل الا يشوفني مبدلتها لو لا اني باجر حلبس ذيج واصلا اخير يوم باجر بعد وين يشوفني وره العطله ارجع لهاي 😎
رونق ..... والله اذا شافج كتلتج عمل شعبي 😦
غرام ... شعلي بيه هو ها شعلي كلشي مدخل نفسه

بدلت ونزلنا جوه امي جانت مكمله الغده شويه صبت كعدنا نتغده وظليت اسولف عالمدرسه وعلى المراقبين 

امي ... وره الغده اروح لبيت جدكم  داشوف جده حكمه كالو مريضه
غرام... شبيها بيبي خل نجي وياج نشوفها
امي... مو عدج امتحان كملي باجر واخذكم
غرام ... كملت غده  وصعدت اقره جان عندي فيزياء  اني جنت احب المسائل استلذذ من اقراها واحلها
ظليت اقره لحد المغرب كملت الامتحان ولان جان اغلب الامتحان مسائل فجان الامتحان سهل كملت  فبقى مسئله طويله شكد ماحلها اوصل للنص واكوم اخربط بيها فدكيت على فهد ابن عمي جان اكبر مني ب 5 سنين هم جان شاطر ودايما من مافهم شي اروح هو يفهمني فخابرته سئلته عالمسئله كلي تعالي خل اشرحلجياها كتله ماشي هسه اجي
ولان بيت عمي بصفنا لزك لبست عبايه اسلاميه واخذت رونق ورحنا لبيت عمي باوعت سياره اسد ماكو كلت الحمدلله ماكو بالبيت
دخلت لكتني مرت عمي سلمت عليها وكتلها وين فهد كالت بالهول روحيله رحتله جان كاعد هو والبنات ديتفرجون تلفزيون
فسلمت وكعدت بصفه يدرسني ورونق والبنات طلعن بره لان ظلن يسولفن لان هنا جانن بعدهن رونق ونبا سادس ابتدائي وايمان خامس ابتدائي جانو مخلصين امتحانات

فظلينا بس اني وفهد الي ظل يفهمني وينطيني امثله حتى افهمها تفاجئت بصوت خشن يكول وشعده ماخذ سيارتي خابرو كله خل يرجع داريد اطلع
اني بكلبي كلت خرب بالحظ هذا هنا مو ماكو سيارته جانت شو نزل من فوك

اسد ..... كعدت دنيا مغرب وهدوء كمت احس جسمي متكسر كمت ورحت غسلت ونزلت للكاع العب شناو اريد جسمي يتنشط كملت نزلت رحت لامي للمطبخ
امي... صح نوم شبيك هلكد نمت
اسد... اي والله تعبان جوعان شنو الاكل
امي... دانتظر شويه هسه حكمل العشه
اسد .... سئلت على الولد امي كلتلي جلال اخذ سيارتك كال داروح لولد صاحبه ميتاخر كتلها وشعده ماخذ سيارتي خابرو كله خل يرجع دريد اطلع
وفهد وفؤاد وينه كالت فؤاد ويه ابوك وفهد بالهول ديقري غرام عدها امتحان

كمت بسرعه رحت للهول لكيتهم اثنينهم مندمجين بشرح فتت كتلهم ها الله يساعدهم
فهد ... هلا الله يساعدك وينك شو مختفي اليوم
اسد .... جنت نايم
غرام ... اني ظليت مدنجه حتى باوعت على اسد اباعه بطرف عيني شعل جكاره وظل يفرك بعيونه وصافن علينا
اني كمت امتمت ويه فهد كمل
فهد .... ها هسه افتهمتي
غرام... اي افتهمت
فهد.... مو بعدين هناك تنثولين
غرام .... لان متعلمه اشاقه ويه ولد عمي ضربت فهد على جتفه بشقه  وكمنا نضحك نسيت اسد كبالي لتافيت عليه لكيته خازرنا
اني اخذت كتبي وداطلع كتلهم حروح
فهد ... اجتي عمتي من بيت جدي
غرام ... لا بعدها
فهد ... مو جنت بيت جدي وشفتها كتلها اوصلج كالت لا هي ترجع
غرام... اي راحت شوف بيبي مريضه
اسد.... وشعدج رايحه وعمتي ماكو ابقي من تجي روحو
غرام ... لا مو داروح اقره
اسد ... كعدي هنا اقري
غرام ... باوعت على فهد حاصر ضحكه لان يعرف اني اخاف من اسد طلعت لساني عيبت عليه 😝ورحت كعدت شويه وكام فهد
اسد جان يلعب بتليفون اني ظليت احوص اريد اكوم سديت الكتاب وكمت هو بسرعه لتاف عليه
غرام ... كملت حروح يم البنات وفلتت من يمه طلعت بره شفت البنات كاعدات  عالمرجوحه رحت كعدت يمهن وظلينا نسولف
شويه واسد صاح علينا شعدجن هنا يله جوه .... يتبع ❤️
..........
تفاعلكم حبايب حتى استمر 💋

سوزان ليث❤️