رواية حب جنوني الفصل الحادي وأربعون 41 - بقلم سوزان ليث

من رجعت جانت ساعه ب 2ونص بين متغدينا بين ماشويه رتبنا شغلات صارت ب 3 عاد صعدت ابدل  لابست فستان ماروني جوه الركبه وبي شغلات تلمع خطيه خالتي جايبتلياه من بغداد
طبعا اسد يدك عليه ماجاوبه عود كلت حتى يشتاقلي 😁
اعرف ليش يخابرني يريد ادزله صورتي يشوف مكياجي خاف طوخ شي  فاني غلست مجاوبت

نزلت جوا شفت عماتي جايات عدنا وبيبي حكمه وجم مره كرايبنا
وجدي جان بالاستقبال هو وعمي وخوالي شويه وكالو اجوي اني عبالك اول مره اشوف بيت عمي كلبي دك دك دك دك شعور جدا غريب وحلو فاتت مرت عمتي ام اسد ونبأ وايمان وخالاته وزوجات عمامي نقسموا نص يمنا جوي ونص جوي وياهم
المشكله عمي حيطلبني من جدي يعني حيطلبني من ابوه

اجتي نبأ هي ورنق طالعات يخبلن كلش حلوات وكامن ياخذن صور ويايه
شويه وامي كالت صعدي لابسي سيت النوم صعدت البسه جان كلش حلو عبالك بدله الروب مالته يجنن طقوس يسوها من نكطع مهر

نزلت نسوان بدت تريد تاخذ صور الي بس ام اسد وكفت كبالي كالتلهم امانه الله محد ياخذله صوره اسد مايقبل وشوفها لابسه هيج
عاد ضمو تليفون
طبعا اسد مجان قابل اللبس سيت نوم يكلي شنو هالعادات
شويه وكالو قرو الفاتحه اني كلبي كمت ماحس بي لان احسه طلع من صدري  من الفرحه  ظلو يهلهلون ويطشون عليه جكليت
كالو اجه الشيخ حنكطع مهر خلوني يم باب والشيخ وره الباب يحجي

كمل الشيخ واني ماعرف هسه شنو صرت مرته لاسد لو لا
اجتي مرت عمتي تهلهل وتبوس بيه وبيبي حكمه  و وداد يبوسوني ويباركولي امي خطيه شفتها تبجي رحت بستها 

ظلت  بيبي حكمه ذب هوسات بس شنو عدنا مريه بالعشيره شويه عينها ليزر يعني تحسد
فبيبي من دخلت كالت هاي منو عزمها لان بكل عرس لازم تصير مشكله
فمن كطعت مهر هي كامت بوستني بيبي شافتها
جان ذب هوسه
( عين الحاره الحمزه يطفيها وعين البارده كل الهلا بيها )

وظلت تردد هاي الهوسه 

صعدت بدلت لابست القفطان وعدلت مكياجي ونزلت وكعدت
شغلو الاغاني
شويه وكالو حيدخل العريس  اني ايدي ترجف مدري ليش عبالك ماعرف اسد اول مره حشوفه
ظليت منزله راسي وسمعت هلاهل وهوسات عرفت دخل شلت راسي شفته لابس قاط طالع يخبل  اول مفات باس راس جده حكمه وامه وامي وظل يمشي شويه ويبوس عماته وخالاته بين موصلني موزع بوسات كومه
وصل يمي باس راسي وظل يباع عليه
بدا سباق بين جده حكمه وبين بيبي وداد  عالهوسات

جده حكمه من دخل اسد  كالت (اسمر ويخبل كل القوط تلوك عليه واسمر ويخبل )

بيبي وداد (فصوص روبه ياكفاهة وين دورها ولكاهة)

يعني وين دورني مو عمري كله كباله هههههه

كومه هوسات الكل فرحان شغل البنات اغاني
طبعا اني منزله راسي ماعرف ليش هيج مستحيه تقرب شاورني

اسد... طالعه تموتين

وظل كلسع يذبلي حجايه بعدين عمتي جابت الحلقات ولابسناها هو شفته ندار على امه مدري شاورها هي بسرعه جابتله علبه
لابسني هديه كلاده ذهب ولابسني سوارين
وكلسع يبوسني من كصتي
بالاخير عمتي كلتله دبوسها من خدها
وظل هو يضحك اعرفه استحى جان يكلوله الهوسه المشهوره بكل عرس عراقي

(بوسها ولك بوسها ولاتخاف من امها بوسها ولك بوسها ولتخاف من امها )

شو هذا مصدك لزم راسي وباسني من خدي  وكلسع يغمز لعمته حتى تهوسله هاي الهوسه ويرجع يبوسني

خطيه جده حكمه شايله عوجيتها وتركص فد فرحانه جانت وصراحه الكل فرحان مدري اني لان فرحانه اشوف ناس كلها فرحانه وحلوه 😁

نبأ ورونق وايمان كامن يركصن اجتي نبأ دجرني جان اسد يكلها عوفيها لااكوملج
خطيه خلاها تعوفني الخبيث

شويه الولد سوو اقتحام طبعا بلغو حتى يلبسون حجاب يردون يهوسوله لاسد  خليت شال على راسي وفاتو قفطاني كلش مستور

دخل فهد وجلال وقصي وعلي ومحمد ولد عمي وبدو يهوسون ويه عماتي وقصي اخذ عوجيه جده حكمه وصار يركص بيها
قصي  لان متعلم عليه يجي يمي يمدلي ايده يكلي يله لتستحين تعالي ردحي
اسد كلسع دافعه يكله دمشي لاطيح حظك  وكلسع قصي يجي عليه يتقصد يضوج اسد خربني ضحك

جرو اسد بس ظل يصفك رادو يجروني اسد رفعلي حواجبه عود لا
بس مسمعت كلامه شويه وصرت بنصهم اركص بس خفيف
عاد اسد شويه ورجعني كعدني
جان يوم كلش كلش حلو ظلو الولد يركصون  وطبكوا رونق ونبأ وجم وحده من بنات عماتي وياهم

عاد كملت الخطوبه دخلت للاستقبال سلمت على جدو وعمامي وخوالي واسد ويايه

طلعنا شفنا ممر فارغ وكفنا اني واسد يريد ياخذ بوسه بس كلسع طفل يجي ويظل يفشر اسد عليه وعلى اهله واني خربانه ضحك
كلي خل يرحون واخذج بغرفتي
بهذا اليوم عرفت اني سعادتي ويه اسد كلش جنت فرحان بهذا اليوم
تمنيت كل وحده تعيش هيج سعاده

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

رونق... رحت للصالون ويه غرام اني محافه ابد امي متقبل الا من ندخل كليه بس خالتي ظلت دكلي معليج باامج وانتي بقى جم شهر وتروحين للكليه توز بيه عاد حفيت بس تنظيف بس سبحان الله شون يتغير الوجهه عود جنت اكول مماثره عليه سشورت شعري ورجعنا للبيت طبعا امي استلمتني رزايل بس خالتي وكفت ويايه وحجت وياها على هي اختها الوحيده وهي هسه سادس وهي جم شهر وتدخل كليه بالكوه اقتنعت
خليت مكياج خفيف طلع تغير فضيع ويه الفستان والكعب طلعت فدشي اني اول مره انعجب بنفسي نزلت جوه امي شافتني ظلت صلي عالنبي هي وبيبي
بدو ناس تجي واني ملتهيه اوزع ماي وجكليت ومخبوصه  نزلت غرام كعدت شويه وجويه

بدينا نحضر ضيافه للزلم  جنت داحضر صينيه الماي  رحت يم باب الاستقبال واكف فهد اخذ مني الصينيه وفات شويه وطلع جلال نطاني الصينيه ظل صافن بوجهي اني طبعا خاله شال على راسي اخذت الصينيه كلي لاتجين هنا اني اجي اخذهن

رجعت حضرنا الكيك وعصاير وشفته واكف يم باب المطبخ نطينا صينيه الكيكه راح واجه فهد اخذ وجبه وقصي رجعو اخذ عصاير فاني داشيل الصينيه مال عصاير شالي زحلك صار على جتفي جلال هو ياخذها كلي عدلي شالج ومخنزر عليه بكلبي كلت شبي هذا
عدلت شالي  ورجعت يم غرام  كملو كطع مهر وبدت الحفله الركص صار فلس اني ونبأ ركصنا ركص  عبالك صافيناز وفيفي عبده  😂
فرحانه غير اختي  دخلو الولد كامو يركصون اني وكفت على صفحه عيب منهم بس فهد يركص ركص يخليج انتي واكفه تهزين اني جنت واكفه على صفحه ماعرف شون صرت كبال فهد واهز ركبه وياه 😂 
طبعا مكان الركص كلش صغير لان خالين كراسي وازدحام صايره
قصي طبعا ميركص بس يكمز خبلنا وهو شطول ويكمز وكلسع ضاربني بعكسه براسي مخبل

وجلال  بس يخزر بيه  طبعا هو بس يصفك مايركص وكلسع يكول يله كافي خل نطلع يحجي ويه الولد بس والله الولد سوو جوه كلش حلو

من داروح للمطبخ فطلعت للطرمه داشوف واحد من جهال جان شفت انمار واكف يم باب الاستقبال شفت حمودي ابن ابن عمي كتله اكو احد بالاستقبال كلي لا
اني شفت انمار واكف يم الاستقبال كلت الله جابك جان اطلع عليه هو ظل يباع عليه وبسرعه ابتسم عباله جايه اتغزل بي
اني جيت دارزله لان هيج حاجي عليه
اول مشافني كلي ولك شطالعه
اني انفجر انواع رزاله رزلته اول مره هيج احجي يمكن لان شغله اذتني ومست شي غالي عندي ترى شرف هذا يعني لو واحد من عمامي يسمع لو جدي والله يمكن يذبحني لو امي سمعت يمكن تموت بيها

كتله انت متستحي ليش اني شمسويتلك حتى هيج تحجي
انمار ... ماخليج تزوجين غيري وخاصه جلال اعرف من البدايه عينه عليج
رونق... من الله ياخذني حتى اخلص منك اني كمت اكرهك وماعرف شون جنت احبك والله كمت اشوفك نفسي تكوم تلعب

انمار ... ليش رونق ولج اني نمر نسيتي حبنا بكل سهوله
رونق... انت لو صدك تحبني مجان حجيت عليه هيج ولك تتهمني بشرفي ولك اني ايدك ملازمتها ماخفت عدك خوات مو الله يسلط عليهم مثل امثالك

انمار ... اني ماكلت لاحد كلت بس لاجلال حتى يعوفج شبي هيج لازك بيج فوكاها طلبج من جدي وحق الله اذا وافقتي الا اروح اكول لاجدي اني ماخذها لارونق واخلي يزوجج الي غصبن ماعليج
لتخليني اوصل لهيج مرحله

رونق... شكد حقير انت احقر خلق الله والله انت لو تبقى اخر واحد بدنيا ماخليك تلمس شعره مني
خاف الله الله يسلط على عرضك  هليتني اكره نفسي لان حبيت واحد مثلك

داطلع من الاستقبال للطرمه جان شفت بطرمه جلال وفهد وعلي من طلعت انتبهو عليه جلال بسرعه ابتسم الي بس ختفت ضحكته بسرعه من طلع ورايه انمار

نبأ..... قبل يوم الخطبه مال اسد جنت راجعه من السوك جنت ويه امي وايمان خطوبه اخويه غير اشتري ملابس جديده
وصلنا للبيت لكيت اسد ومحمد واكفين يم الباب اني شفت محمد
عبالك سهم صاب كلبي ظليت ماعرف شسوي شويه امشي وره امي شويه الوف وجهي وايمان بس تضربني بعكسها عود شوفي محمد وصلنا يمهم صعدت راسي لازم اسلم كتله هلو محمد شونك
هو كلي هلو بيج زين الحمدلله انتي شون كتله زينه ودخلت صعدت بدلت وداعدل الي اشتريته اجاني مسج منه كاتب 📱 وين جنتي 

اني بين الفرحانه وبين الي اكول انت شعليك ظليت لازمه تليفون اريد اكتبله واتراجع
مجاوبته
بالليل جنا ملتهين باجر خطوبه اسد فهو جان موجود يمنا فحظرنا العشه فكلنا كعدنا ناكل فاني جنت مسويه رجيم اتعشه زلاطه بس
كعدنا كلنا اني ماكدر ارفع راسي احس الكل حيعرف اني احب محمد

فداكل زلاطه فهد مد اخذ من زلاطتي فاني اعصر عليها ليمون هواي هو اكل وظل يحجي شكد خاله حامض ومن هالحجي كتله منو كلك اكل من زلاطتي
فاامي كلتله عوف زلاطتها ماعرف شتخلي بيها هي كاظيه وتريد ضعف نفسها اني باوعت شفت محمد يباع عليه
فكللها والله عمه يرادنا احنا نسوي رجيم
اسد كله مسوي منو لازمك محمد كله ماكو احد يسويلي زلاطه اني شنو هو كال هيج اسد ندار عليه بسرعه اني حسيت اسد كشفني بسرعه دنجت وكمت اسوي نفسي اكل بشراهه
وكلبي يدك يدك يدك صعدت راسي شفت اسد طبيعي كملت اني اول وحده ظليت كاعده كلسع اباع على محمد شون يسولف ويضحك وعنده حركه يحك لحيته شخصيته تموت

كملو اكل فكمت صبيت جاي وداوزع وصلت لاسد ومحمد بصفه نطيت لاسد وصلت لمحمد نطيته كال اي والله يوم زواجي فاني رفعت راسي باوعت عليه نظره حاقده ورجعت للمطبخ
طبعا ظلو يسولفون باجر شون روح وجم سياره عود ديصنفون وفهد يكول اني اطفر من الحايط وهذا يكله اني اطفر من سطح وهذا يكله طريق طويل شون حروح

ثاني يوم كعدت من صبح فتت سبحت وكعدت اسوي شعري سشورته وسشورت لايمان

كملنا غده وصعدنا نبدل لابست فستان اسود بي ذهبي لماع طويل
خليت مكياج شويه رسمت عيوني حلو كملت  ونزلت جنت شايله الشال بيدي نزلت جانو عمامي وزوجاتهم كلهم رحت للمطبخ ظلينا اني وايمان ناخذ صور
مرت عمي كالت عفيه ماي عمج يريد كتلها اي اخذت ماي ورحت باوعت ماكو احد من الولد كاعد بس عمامي طبيت كمت اوزع ماي وصلت للهاي صفحه ثانيه شفت محمد كاعد بس اني ظليت واكفه لابيه ارجع ولابيه اتقدم وشال ملابسه انطيته الماي هو شنو ظل يباع عليه كصني كص يمكن تفاجئه بشعري عباله كرعه
بسرعه طلعت رحت لابست شال بعديش بعد خراب مالطه

طلعنا بطرمه حتى ننجمع كلنا روح سوى طلعو اصدقاء اسد شون اصدقاء يمه صدقه يخبلون كل واحد طول وشون جسم اني وبنات عمي ظلينا نباع عليهم كلهم ضباط بس اني جنت اباع عليهم والله مو حبا بيهم بس شكلهم كلش مرتبين كلهم طول واحد وجسم واحد يعني كلش حلوين
عاد رحنا لبيت عمو جمال ظلينا ناخذ صور وهيج كملو وبدت الحفله ظلينا نركص
طبعا جانت هاله موجوده بيت عمو رايحه هناك اني قبل جنت شكد احب اسولف واضحك ويه هاله بس هسه صرت اموت منها ماعرف يمكن لان انقهر على محمد هلكد ممعذبته او يمكن لان صرت احبه

احنا نركص وهي كاعده ماتحركت كالبه خلقتها ماعرف شبيها
من دخلو الولد ودخل محمد وياهم هي بسرعه كامت وصارت تركص بنصهم وتروح توكف الا يم محمد وتركص ومحمد شويه يهز وشويه يصفك فد ضجت بالبدايه جنت بس اصفك واباع عليهم بحقد وبكلبي ادعي عليهم الله ياخذكم ان شاءالله
بس بعدين ذكرت مره كلي محبيت شقاج ويه قصي كلت اني اعلمك
جان افوت بنص اخوتي وركص وكلسع اوكف بصف قصي واهز جتف عالخفيف نداريت شفت محمد يصفك ويباع علينا كالب وجهه
كلت لعد بس انت تركص ويه حبيبت الكلب بس هذا قصي ميعرف يركص بس يكمز ذكرني بكارتون ويني الدبدوب هو جنه نمور هذا الي يكمز والله
طلعو الولد احنا ظلينا نركص ومتونسين كلش وكلسع اروح للمطبخ امد راسي للطرمه اريد اشوف محمد
وخاصه من شفت هاله ماكو دورت عليها بكل مكان حتى للحمام رحت وماكو ماعرف وين راحت شويه ورجعت كعدت
اني كلت اكيد جانت يم محمد  كلش ضجت وشايفين من تحسون هذا شخص خاص الك واجه شخص ثاني اخذ منك شكد تنقهر صح هو وهاله من البدايه سوه بس هو كلي اني بعد ماريدها لان تعبته

اجتي رونق كالت السماعات الصغار مالتكم روحي جيبيها لان العدهم كلسع اشكل وكلسع الاغنيه واكفه
لفيت شالي
طلعت للطرمه  هو بيتنا بصف بيت عمي سمعت واحد يكلي وين وين

نداريت شفته محمد بطرمه جان بس جهال ديلعبون

كتله داروح لبيتنا
محمد ... وين ترحين لبيتكم اصدقاء اسد كلهم بره واكفين

نبأ... وشعليه بيهم اني رايحه للبيتنا

محمد... امشي طبي جوه
نبأ..... باوعت عليه ونداريت كملت طريقي للباب جاان يكول

محمد...  اذا طلعتي اكسر رجلج

نبأ... عزه يكسر رجلي نداريت عليه ورفعتله حاجبي
كتله داروح اجيب سماعات شو هذا تقدم عليه وصاير عصبي كلي

محمد... شو انتي محد واكف بعينج ولج

نبأ... واني شمسويه
محمد... جوه تتمركصين ويه الرعن ذاك وهسه عادي طلعين والزلم كله بره واكفه وبعدين شبيج   ادك عليج مجاوبين ادز مسجات مجاوبين

نبأ... وانت ماجنت تتمركص ويه حبيبت الكلب مو

محمد... وانتي اي شي اسوي سوي انتي
نبأ... اي اي شي اسوي انت اسوي اني والله لان اني بنيه ماكدر اسوي مثلك

محمد... هههههه يعني اذا ابوسج هسه ترجعين تبوسيني
نبأ.... باوعت عليه وظليت صافنه عليه ماعرف شحجي ظليت امتمت نوب حجاها بنبره هادئه يعني ذبت
ظليت اعدل بشال
محمد.... اوووف والله حلو كافي تعدلين بي

نبأ... اني حطب جوه داريد اطب جان يكلي اوكفي نداريت عليه

محمد... اليوم اخابرج بالليل جاوبي عندي موضوع كلش مهم اريد احجي وياج بي

نبأ... اشوف
محمد... ادك جاوبين  من اول دكه لشلعين كلبي  محتاج احجي وياج

نبأ.... باوعت عليه بكلبي كلت انت بس محتاج تحجي مامحتاجني محتاج اذان تسمعك واحد يكلك انت مغلطان ويصبرك
كتله الله كريم

عفته وفتت جوه بس شنو كلبي راد يوكف من قربه عطره كلش طيب يسكر قاطعت فكره افكاري صوت هاله دكلي شبي محمد واكف يحجي وياج ...... ❤️ يتبع