رواية حب جنوني الفصل الأربعون 40 - بقلم سوزان ليث

جلال ... ميكدر يحجي شي بعد اني طلبت ايدج من جدي.
رونق... ظليت اباع عليه مصدومه منه كتله ومنو كللكم اني اريد ازوج  وانت تريد تزوجني حتى تثبت لانمار اني اخذت حبيبتك

جلال... انتي مو حبيبته
رونق... جلال اني مازوج لاهسه ولا بعدين
عفته وطلعت رجعت لبيتنا صعدت لغرفتي  طكيتها بجيه كلش نقهرت على نفسي اجتي غرام ماكدر احجيلها انمار شكايل لان هسه دكول لاسد واسد احتمال يروح يموته ظليت ادعي على انمار من كلبي
ماعرف جلال ليش هيج ديسوي اني شعليه بعداوته ويه انمار
ليش ميعوفوني بحالي
حتى بيت عمي محروحلهم بعد

ت
غرام ... بيوم جان رجعت اسد طبعا اني شنو من يوم الي حجه ويه امي وامي منعت روحتي لبيتهم ماعرف ليش
رجع هو اول مارجع اجه علينا طبعا اني فوك سمعت رونق صيح عليه
نزلت كلتلي تعالي اسد اجه طبعا نزلت ركض ردت اوكع عدلت نفسي وفتت لكيته كاعد ويه امي اول مافتت هو وكف طبعا ابتسامتي من الاذن للاذن كتله هلو هو تقرب عليه متعلم يبوسني من راسي جان مد راسه باسني من راسي
امي كلتله عالاقل احترمني

اسد... ديله هسه قبل جنت اكعدها بحظني وماتحجين
امي ... اي هسه غير شي

غرام ... اني ظليت واكفه واباع عليه مشتاقتله جان امي صيح عليه
ام غرام ... ولج غرام شعدج واكفه هنا امشي سوي غده
اسد... لا ماريد جيت اشوفكم واروح
غرام ... اني ظليت واكفه ومبتسمه وهو ظل يباع عليه بعدين امي كلسع اذبله بسامير عاد كام راح وامي اول مراح ستلمتني رزايل على اثكلي والرجال ميحب الخفيفه ومن هالحجي

ثاني يوم نزلت واني مشيكه اروح للدوام ومادام اسد موجود يعني هو يوصلني جان امي دكلي
ان شاءالله هم اسد حيوصلج

كتلها اي مثل كل مره امي استلمتني ميصير وبعده مو خطيبج يعني عساس قبل خطيبي ظلت تحجي جان يدكلي مسكول كتلها اوكي حروح اكله امي متقبل اروح وياك سويت نفسي متوجهه للباب جان دكل ولج يامعزايه شوكت مقبلت ولي نكلعي
يابه طلعت واني خربانه ضحك

رحت صعدت بسياره
هلو
هلو حبيبي
شونك
شنو شوني البارحه شو مجيتي
والله امي مسويه عليه حصار مدري شبيها مدتقبل اروحلكم
ليش بله
عيب بعد ممخطوبين كلشي وكالت عيب ممخطوبين
ههههههه بس خل ننخطب واعقد عليج اريد وحده تحجي
هههههه

وصلت للكليه وكملت المحاضرات عادي رجع اخذني بس ماقبل الا نتغده بره لان ست الوالده مسويه منع علينا فهو خابرها وكلها هيه قبلت

جنا كادين بالمطعم كتله اسد من نزوج ماريدك جم يوم ودكلي ماكو دوام

اسد... واذا كلت حتعوفين الدوام
غرام ... باوعت عليه كتله اكيد بس بوكتها حتكسرني
اسد.... ماعاش الي يكسرج واني موجود ومستحيل اكلج عوفي دراستج صح قبل حاجيها بس وداعت حبي الج مجنت حسويها

غرام ... جنت تخوفني
اسد... يعني
غرام ... زين سوسو وين نكعد من نزوج
اسد... خرب اهل سوسو البيت بصف بيتنا المأجر حيطلع منه بس هالشهر وراها اني استلمه اعمره واصلح جم شغله بي
غرام ... نكعد وحدنا يعني
اسد ... اي اكيد حتى ناخذ راحتنا

غرام ... حجينا على جم شغله واتفقنا عليها طبعا هو ينطيني رئيه واني اقرر رجعت للبيت قبل مانزل كلي
اسد...ترى موضعيه هاي

كتله شكو
كال
اسد...يعني لا بوسه لا حضنه لا صخام شنو سالفه
غرام ... هههههه عبالي اكو شي دزيتله بوسه هوائيه كتله وهاي بوسه بعد شتريد ونزلت خربانه ضحك ظل يدردم

نبأ... ظليت ايام محمد يتصل ويدز مسجات كومه
شبيج منو وياج اني مزعلج جاوبي خبلتيني

كومه شغلات دز واني جنت اباع عالمسجات وبودي اجاوب واتراجع ظلينا هيج فتره وراها ظل اختفى كام ميدك

عرفت من اهلي امه مريضه وجانت بالمستشفى حتى امي راحتلها للمستشفى طبعا اني من سمعت امه كلت خل ادكله بس كلت من ادكله حنرجع نحجي ماريد بطلت
فبيوم امي كالتلي الي والايمان حضر نفسكم

حروح لبيت ام محمد نشوفها اني كتلها ماريد وعندي قرايه بس هي ظلت دكلي باجر جمعه وعطله ومن هالسوالف

العصر كمت ابدل لابست تنوره وقميص مقفل بي كلاو
خليت كحله وملمع شفه بس لابست حجابي ونزلت
اجه اسد اخذنا اني وامي وايمان وبيت عمي جمال طبعا جنا ناس فوك ناس بسياره وصلنا لبيتهم عزه اني كلبي يريد يطلع من مكانه ماريد اشوفه
دخلنا خواته استقبلنا ورحنا كعدنا يم امه خطيه مبين عليها تعبانه

فاني كاعده بصف رونق كلتلي
رونق... هسه يجي محمد ويشوفج
نبأ ... لا عفيه ماريد اشوفه بعدين اضعف

فام محمد باوعت عليه كلت فدوه ماجيبيلي هذا الماي فاني كمت اجيبلها جان قريب عليه نطيتيها ورجعت كعدت

رونق... اي داريها داريها ام رجلج بعد
نبأ.... حصرتني ضحكه ظليت اكرص برجلها

ماطولنه زياره المريض قصيره فامي كالت خابري اسد خل يجينا
ام محمد ماقبلت صاحت على بتها كالت امشي كعدي محمد حتى يوصلهم
امي ماقبلت بس ام محمد اصرت
اني من حجت هيج كلبي يدك سريع واحس نفسي عركت هو شويه ونزل سلم وظل يكول خليكم وخليكم
طبعا اني مباوعت عليه ابد ماعرف استحي او ماريد اشوفه واحن اله

رونق... رفعي راسج مو حيفضحنا عينه بس عليج
نبأ... من كالت هيج رونق ماعرف شنو الخلاني ارفع راسي شفته ديحجي ويه ام غرام وكلسع عينه تجي عليه

كمنا سلمنا وطلعنا فاني والبنات طلعنا اول شي واكفين بطرمه تعرفون النسوان من يكومون يردون يطلعون يحجون اكثر من ما جانو  كاعدين
غرام جانت تلعب بتليفونها. واني ورونق واكفات دنسولف فهو طلع للطرمه حتى يوصلنه

فات من يمي سمعته كال بسيطه نونو

اني من سمعته كلبي دك دك دك دك دك دك حجاها بنبره رجوليه وصوته قشعرني

ظليت جامده بمكاني رونق ظلت دكلي شكال وشكال مسامعته اني ماحجيت

صعدنا للسياره فاني مباوعت عليه من دننزل بقينا اني وغرام اخير شي جان يكول
اني اعلمج غرام

طبعا غرام ظلت صافنه عليه كتله شنو خطيه البنيه نصدمت

فاني ضحكت على شكل غرام

جان يكول اي غرام اضحكي اضحكي

عفته ونزلت غرام كالت هذا شبي كتله عوفي خل تفيده هاله
رونق كالت ولج طريق كله يباع عليج بالمرايه ماكللكم اني كلش فرحت من كالت هيج يعني حسيته مهتم بيه

دخلت جوه صعدت فوك ايمان كالت اكلج شبي محمد ليش بس يباع عليج
اني كتلها عزه ليش يباع عليه بس هي لوتيه كشفتني بسرعه خطيه منحجي شي الها هوايه لان شويه الله يسلمها متضبط لسانها يم امي

فشفته دازلي مسج📱 اشتاقيت ترى

اني شنو عيوني صارت قلوب الحب واحس طلعتلي اجناحات من الفرحه
بس ماجاوبت حدكولون ليش مبين يحبج بس حكللكم هو رايدني حتى يسد فراغه يعني كلبه بعده متعلق بهاله رايد وحده يشكيله يحجيله تعوضه مكان هاله بس مو اكثر ومحد يوكع بيها غيري

شفته ناشر بالفيس اغنيه فهاله معلقتله طبعا. هاله عدها فيس محد يدري بي بس احنا مو بنات استخبارات نظل نفتش لحد منتاكد هاي هاله فهي مسويه فيس محد يعرفه اعتقد حتى تعلقله براحتها

فجانت اغنيه نور الزين (مدري شبيه احس مشتاك )

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

طبعا اني سمعت  الاغنيه حسيتها عليه وظليت لازمه كلبي واسمعها بس قريت تعليق هاله كاتبتله( والله واني مشتاقه  )

قريت التعليق اختفت ضحكتي بسرعه سديت الفيس ظليت افشر عليهم هي وياه ماعرف يمكن ضوجوني ونقهرت

كعدت اقره دروسي وعفتهم بس بالي يمه ظليت افكر بي شكد صاير حلو يمه وشخصيه عزه من همس كلي بسيطه نونو
بوكتها كلبي تقلص ورجع ارتخى ماعرف انتبهت على نفسي مبتسمه واني اذكر
ظليت اضرب خدي حتى اصحه واطرد هالافكار

غرام ... قررو كعدتنا اني واسد ( الخطوبه ) صيرالجمعه الجايه طبعا امي خابرت خوالي كلتلهم حتى يجون
طلعنا اني وياه وامه رحنا اشترينا حلقات بس لان هاي مو حفله بس قراءه الفاتحه ونعقد
ام اسد كالت حفله النيشان اريد اجهزله العائله كلهم فرحانين وكل عمه شوفني دكلي ولج جنت ادري بيكم المهم طلع كلهم يدون ههههههه

فطلعت اني وامي رحت اشتريت فستان مال عقد اشتريت فستان مثل القفطان المغربي ابيض بس شكله عبالك بدله
كملنا مشترى ورجعنا
ام اسد جايبتلي قميص نوم ابيض وياه روب حتى اللبسه بالعقد بس اني ظليت اكمز ماللبسه وىاعرف شنو استحي
عاد كالو بكيفج اجتي رونق ونبأ مبينين مبعوثات حتى يقنعوني المهم كتلهم اللبسه بس اعقد انزعه

قبل يوم الخطوبه رحت لبيت عمي اودي لمرت عمتي جم شغله رايدتها من امي
فدخلت صالي فتره مداخله عدهم  اول مادخلت عمي كاعد وجلال وفهد والبنات عزه من دخلت كامو يصفكون وناس تهلهل
واني بس اضحك احس الكل فرحان
نزل اسد ونفس الحاله ظلو يصفكون ويهلهلون اسد ماصدك بسرعه خله ايده على جتفي
جان عمي يكوم يجرني منه كله عالاقل احترم عمها كاعد
طبعا اني شنو 😁 هيج شكلي الضحكه منا لهنا

عاد رجعت اسد وصلني بالطرمه قبل منطلع يسويله يابنيه يابنيه عالاقل بوسه
كتله عزه ترى اصيحلك عمي ههههه عفته وطلعت

عاد رجعت العصر جوي خوالي وبيبي وخالتي ولد خالي اثنين طبعا اسد تخبل شون ولد بيتنا ظل الليل كله يمنا

خالتي بس تشاقه ويانه اجتي عليه كالت هذا مناوي يروح شبي لازك هنا ترى باجر الخطوبه مو اليوم

رونق... خاله مو من هسه ديحجز مكان

خالتي .... هههههههههه روحي كليله سجلنا اسمه ليخاف
رونق ... خاله هو يوميا هنا اوكفي اكلج شكد عمرج
غرام ... 20 سنه
رونق... خاله صاله عشرين سنه هيج مكابلنه وكاعد
غرام ... شكد مكروهين لتحجون عليه ههههههه
خالتي ... ولج هذا شون حتزوجيه شكبره هسه يجعصج
غرام ... ههههههه اي هو هم يكلي
خالتي ... لا ترى هو مو سمين بس ضخم
رونق.... همه بيت عمي هيج حتى فهد وجلال هيج  عمي مخلف عمالقه
خالتي ... بس ترى شخصيه وحلو
غرام ... هههههه اي فدوه 🥰

رونق ... بعد ماشفت جلال ابد من اليوم الحجه ويايه لان صراحه لا اريد جلال ولا ريد انمار 
وانمار كمت اتمنى الموت اله لان هيج حجه عليه اثناء تحضيراتنا للخطوبه فعمي دز كراسي خاف نحتاج بالكعده لان هواي احنا فدكت الباب رحت فتحتها طلع جلال
مسلم عليه بس كلي فووتي جوه  حندخل الكراسي اني فتت ظليت اباع من شباك المطبخ  شو ضجت لان محجى ويايه عفته دخل جان يكول وين عمتي
كتله طالعه هي وغرام للسوك

طبعا  واكف يم باب المطبخ كلي ذني الكراسي واذا احتاجيتوا بعد اكو بيتنا وجبه

كتله اي شكرا تعبناك يوم نوكفلك بزواجك  ردت احجيه لان وجهه ثكيل عليه

باوع عليه ودار وجهه ديريد يطلع
كتله جلال  عفيه لتزعل عليه

جلال ... مزعلان
رونق... زين ليش تحجي ويايه من وره خشمك
جلال ... مو خشمي ميقبل احجي وياج فداحجي وياج من وراه
رونق... هههههههههه لا والله ترى اني ماحجيت بسالفه ويه اي شخص بس وياك
جلال... احسن لتحجين بيها  ونسيها يله باي

رونق ... عافني وطلع كلت يله المهم حجه شويه كملت شغلي جوي امي وغرام من سوك مسوكات وغرام جايبتلي فستان البسه بالخطوبه يخبل
لونه سمائي عدل وطويل وردانه للعكس  كلش حبيته وطلعني طويله

اجوي بيت بيبي ولد خالي اثنين جايين وياهم  بالليل بت خالتي الصغيره كامت تبجي تريد تشتري حلويات
احمد ابن خالي كلي تعالي ويايه اني ماندل خل اشتريلها المهم لابست عبايه وطلعت اني وياه وبت خالتي جلال جان واكف بشارع عزه من شافني صعدت بسياره ويه ابن خالي عيونه رادت تطلع من مكانها
بحيث خفت منه المهم رحنا للاسواق اشترو ورجعنا جلال على نفس وكفته ويدخن
فابن خالي ناعم فكتله احمد هذا جلال ابن عمي عود عرفتهم على بعض فجلال مد ايده سلم على احمد وطبينا جان احمد يكلي هذا ابن عمج شون ايد عليه راد يعوج ايدي بسلام
اني كتله اي هو هيج  بس بداخلي اكو شي فرحني ماعرف حسيته غار عليه حبيت هذا الشعور

لليل بالكوه اسد راح  الا غرام دزتله مسج كلتله بيبي ترى فات موعد نومها خطيه وكاعده علمودك عاد كام راح لبيتهم
عبالكم عاف غرام رجع دكلها ديتاكد هي فوك هالانسان مو طبيعي
بس خطيه كلش فرحان هو وغرام صراحه كلنا فرحانين

غرام ... اليوم جمعه وجان يوم خطوبتي صبح رحت اني وخالتي رونق للصالون خالي وصلنا

اني  حفيت وسويت تنظيف بشره وشغلات  وشعري سشوروا وشال قسم رفعوا

جان حلو وتغير مامسويه هيج قبل ومكياج خفيف خليت
كملنا واجه خالي رجعنا
من رجعت جانت ساعه بد2 ونص بين متغدينا بين ماشويه رتبنا شغلات صارت ب 3 عاد صعدت ابدل  لابست فستان ماروني جوه الركبه وبي شغلات تلمع خطيه خالتي جايبتلياه من بغداد
طبعا اسد يدك عليه ماجاوبه عود كلت حتى يشتاقلي 😁
اعرف ليش يخابرني يريد ادزله صورتي يشوف مكياجي خاف طوخ شي  فاني غلست مجاوبت

نزلت جوا شفت عماتي جايات عدنا وبيبي حكمه وجم مره كرايبنا
وجدي جان بالاستقبال هو وعمي وخوالي شويه وكالو ....... يتبع ❤️

صوتوا للقصه حبايبي 🥰