رواية حب جنوني الفصل الخامس 5 - بقلم سوزان ليث

رونق... ابن عمج يريدج
غرام... شيريد مني
رونق ... مادري
غرام... رحت للهول لكيته هو وامي دك سوالف وضحك
وكفت باب الهول هو بسرعه رفع راسه اني كلتله تريدني

اسد... تعالي ساعه يله تجين
غرام...  ظليت اباع عليه هذا شال علاكه كلي هاج هاي هديتج
كتله... لا عمو ماريد
اسد... تعالي كرعه اخذيها للعلاكه
ام غرام.... ولك دشوف شعرها كله هذا ودكلها كرعه
غرام .... رحت اخذت العلاكه فتحتها لكيت باكيت مرسوم عليه تليفون
فتحته شفته جايب موبايل الي
كلش فرحت بي باوعت عليه كتله شكرا  رحت بسته من خده
من الفرحه بتليفون اني عادي ابوسه هو لان تقريبا هو كل الوكت يمنا يعني نعتبرا اخونا جبير تعلمنا  حتى بالاعياد اني ورونق نبوسه

اسد... اجتي باستني وكعدت تلعب بتليفون صراحه فرحت لان فرحت بالهديه
ام غرام... شيخلصنا بعد هي بلا تليفون منشوفها نوب صار عدها تليفون
اسد... لا ايام الامتحانات ينشال منها
غرام ... باوعت على امي واسد ورجعت دنجت العب بتليفون اجتي رونق شافتني وجتي لزكت بيه تباع ويايه وكلسع دكله لاسد واني مو نجحت مجبتلي تليفون كللها من تنجحين من ثالث معدل عالي اجيبلج عود
مرت الايام وبده الدوام وصرت صف رابع علمي بس بدت القرايه تصعب فجنت من ارجع من المدرسه اقره لليل ومرات الفجر اكعد اكمل او اراجع      سوزان ليث
فمره ابن عمي اسعد جان عرسه فحنته سووها بيت جدي ومال نسوان بيت عمي فشتريت فستان قصير ساده لونه ازرك وبي حزام من نص رفيع اسود ربع ردن ومكياج وشعري بس مسشورته وفاتحته ماكدر اسوي فد تسريحه لان طويل فلو كبايه لو ذيل احصان لو افتحه لان حنه بس نسوان فكلنا جنا لابسين فساتين
فجنا بيت عمي ابو اسعد كاعدين وهوسه نسوان كلها صفك وناس تركص وهاله بت عمي صير اخته لاسعد جانت تردح

اني جنت استحي اركص
فجتي رونق تلهث وجهه اصفر كتلها شبيج

رونق ... اني رونق صف ثاني متوسط حياتي عاديه اهم شي عندي بالدنيا امي واختي غرام ابويه توفى واني عمري 8 سنين امي هي صارتنا اب وام بنفس الوكت جدي وعمامي معافونا ابد وكلشي همه متكفلين بي مع العلم ابويه عده تقاعد بس همه الي كله عليهم
مره جان عدنا حنه ابن عمي اسعد فرحنا اني جسمي خشن يعني الي يشوفني عباله اني الجبيره مو غرام فجان جسمي مليان شويه مو هواي شويه فجنت لابسه فستان قصير نفس مال غرام اختي بس اني لون ماروني ومسويه شعري كيرلي وخاله مكياج شويه لان عرس امي تقبل اخلي فصعدت فوك بغرفه هاله جانت غراضنا داجيب تليفون امي حتى اصور فدخلت جبته داطلع لكيت انمار ديطلع من غرفته جان لابس دشداشه نيلي ويشماغ شاده طالع كلش حلو احب اشوفه دايما ونظراته الي احبها
فتت منه كتله هلو انمار ماشوف الا ايد سحبتني ورجعتني ليوره

انمار ... رجعت للبيت بسرعه ابدل لان جنت ويه الطباخ واكف رجعت للبيت هوسه صعدت بسرعه فوك سبحت وبدلت بطلعتي فاتت وياريتها مفاتت اخذت وياها كلبي رونقتي ماصدك شفتها شطالعه تخبل ماتحملت سحبتها ورجعتها عليه هي ظلت متفاجئه بتصرفي

رونق .... ظليت صافنه ومداستوعب الديصير ظلت عيوني بس ترمش واحس كلبي يطلع من مكانه

انمار ... ظليت لازم ايديها ماتحملت كتلها شطالعه شنو هالجمال
رونق ... ظليت  بس ابلع ريكي ماعرف شحجي ماعرف الاحساس لالي صار عندي
انمار ... رونقتي انتي بس الي
رونق ... اني دفعته وركض جوه ردت انجبح من الدرج ثولني ثول رحت كعدت يم غرام واني دكات كلبي تقرا الف ارتباك خجل خوف مشاعر هواي ظلت غرام شبيج وشبيج بس مكتلها كلت مو وكتها
من ارجع اكللها

غرام ... تونسنا بالحنه اصلا مجان اكو احد غريب بس احنا ملينا البيت بالليل خلصت الحنه وبدو يعزلون فاني جنت كاعده العب بتليفون داكلب جتني رسالة من اسد 💬 اذا كملتو حتى اوصلكم لان حرجع للبيت

رحت سئلت امي كالت بعدنا ممخلصين شغل كليله انمار يرجعنا
دزيتله 💬 لا انمار يرجعنا بعدنا ممكملين
دز 💬 شكد وتكملون
دزيت 💬 مادري امي دتشتغل ويه عمه جنان بعده ممخلصه
دز 💬 كملو وخابريني اجيكم
دزيت 💬 ماشي

اسد ... ماكدر اكول ليش بنفسي اشوف غرام اليوم شون طالعه
ظليت بيت جدي وره مخلصت الحنه واني جنت تعبان وراجع من دوام وقبلها منايم  بس ظليت منتظرهم حتى ارجعهم حتى اشوف طفلتي

غرام ... نسيت اكول لامي اسد كال انتظركم يوصلنا فكملو شغل كالت لانمار يوصلنا
.
رونق ...طلعت دنرجع للبيت  شفت انمار كاعد بسياره هو الي حيوصلنا  ظليت الطريق كله اني اباع بجامه لا زكه وجههي بيها

انمار ... ماصدكت اوصلهم ظليت طريق كله اباع عليها بس اريد تباع عليه  من وصلنا دتنزل باعت عليه اني 😉 غمزتلها هي بسرعه نزلت

غرام ... دخلنا للبيت صعدت  بدلت ورحت غسلت وشلت شعري ذيل احصان باوعت على رونق شبيها هاي من جينا صافنه على نفسها بالمرايه  لحد هسه كتله .. الوووو وين وصلتي

رونق ... 😁 هياني .. غرام اكلج فدشي بس الله عليج لتحجين عليه

غرام... انجبي لج متحجين

رونق ... من داصعد اجيب التليفون مال امي من فوك بيت عمو
غرام ... اي
رونق ... شفت انمار فوك دانزل جرني من ايدي وصار قريب كلش عليه وكلي هاي شطالعه
غرام.... عزه انمار
رونق ... اي وكلي انتي بس الي
غرام... خليت ايدي على حلكي 🤭. انمار
رونق ... والله اني صدمني ماعرفت شجاوبه عفته وركضت نزلت
غرام... من جيتي كعدتي يمي جنتي تلهثين
رونق .. اي
غرام... لا لا صدمني انمار معقوله
رونق ... والله اني هم
غرام ... صح انمار خوش ولد بس انتي بعدج صغيره شون يسوي هيج بس اشوفه الا ارزله
رونق ... لا الله عليج هسه يكول عليه فتانه وزعطوطه
غرام... ولج وشبيج انتي مكيفه لان حجه هيج
رونق... 🙈 مادري بس فجاه حبيته
غرام... عزه بعينج من كلمتين حبيتيه خرب بيج
رونق... لا هاي مو اول مره دايما يباع عليه هو من يشوفني مو جنت اكلج
غرام... لا روقه هاي سوالف مو مالتنا احنا صغار وتعرفين امي .. ظليت احجي وياها وافهمها
....

اسد ... انتهيت واني انتظرهم يخابرون شفت انمار اجه كتله ادري ماخلصو الجماعه

انمار... ياجماعه
اسد... بيت عمي جمال خرب انتهيت اريد ارجعهم
انمار.... قبل شكد رجعتهم يمعود
اسد.... يعني هسه بيتهم
انمار.... اي يمكن قبل ساعه هيج رجعتهم
اسد.... ماشي كمت
انمار... وين ابن العم
اسد.... تعبت وانتهيت اروح جفي للفراش  يله مع السلامه
عفتهم ورحت للسياره اغلي غلي
محمد.... ها وين رايح
اسد..... راجع للبيت
محمد.... شبيك تتعارك ويه ذبان وجهك
اسد..... مسحت وجهي اوووف اووووف
محمد.... يابه لك هاي من كل كلبك طلعت
اسد... اي اي
محمد.... شكو مدتحجي
اسد... يمعود صالي ساعه انتظر بيت عمي جمال ارجعهم تالي انمار يكلي رجعتهم وهمه يدرون بيه انتظر
محمد.... يله يمعود عبالي فد سالفه وضايج ودخن
اسد.... دوخر من يمي لا ادفرك
محمد... اكلك علمود سالفتي
اسد... ياسالفه
محمد... ويه بت عمك
اسد.... ها اي شسويت مو كلت احجي وياها
محمد... حجيت وماحجت شي بس شكلها مكيفه
اسد.... لك ابو جاسم منو متريدك انت
محمد... خل تخلص عالاقل مدرسه واحجي بيها بس رايد منك فدشي
اسد... احجي
محمد... اريد رقمها
اسد... كلولك بداله اني وشعرفني برقمها
محمد... دشوفه عند خواتك عد بنات عمي جمال
اسد... ومنو عده تليفون هو بس غرام
محمد... دشوفه بربك
اسد... اشتعلو اهلك ابن كلب على اخر عمري اشتغل اجيب ارقام استحي عالاقل من اخوتها
محمد... ديله عيني هاي لان انت حايط على حايط ماتحتاج لا تليفون ولا مسجات
اسد... دمشي لاانعل الي خلفوك
محمد.... ظل تهرب ظل
اسد... هههه والله مابيه حيل اجاوبك تعبان واريد اروح انام
محمد ... ماشي بس لتنسى بداعتي
اسد... الله كريم يله مع سلامه

رجعت للبيت واني تعبان ومنا هاي ثوله اعرف هاي سوالفها بس بسيطه اني اعلمج
طبيت للبيت كبل رحت بدلت وغسلت وجفي على الفراش
كعدت صبح على تليفوني يدك باوعت بتك عين محمد
ها ولك شرايد من الغبشه داك

محمد... ولك ياغبشه ساعه ب 11
اسد... هسه شرايد
محمد... ماجبتلي الرقم
اسد... يارقم
محمد... هاي عود وصيتك البارحه
اسد..... انعل ابوك وانعل بت عمك هم وعمك والعشيره كلها واني من عفتك رجعت نمت شوكت اخذه بالحلم
محمد... دكوم يله دبرلي رقمها بداعت الاخوه
اسد... طايح الحظ دولي
محمد... انتظرك بربك
اسد... افتهمنا يله ولي

شويه ظليت بالفراش بعدين اخذت تليفون دكيت على غرام
طولت الدكه يله جاوبت
الو
هاولج
هلو عمو
.اشتعلو اهل عمج بارحه مو كلتلج اني انتظركم حتى ارجعكم
.غرام ... عزه جنت ناسيته ... ظليت امتمت نسيت والله
.نسيتي اني اعلمج بس خل اشوفج 
. ظليت ساكته
. كولي لامج اليوم اتغده يمكم
. اي ميخالف
. يله باي
. باي

غرام .. اووو شون نسيت خرب هسه يجي يرزلني
رحت كتلها لامي اسد حيجي عالغده كتلها اني حروح يم هاله

ام غرام... شعندج هو وره الغده كلنا حروح
غرام ... مو كلتلي اجي تريدني اسوي شعرها ( طبعا اريد اطلع من البيت حتى ميشوفني اسد)
ام غرام ... منو يوديج
غرام ... هسه اخابر انمار يوديني
ام غرام ... دخذي هدومج وياج ترى من اجي كلشي ماجيب مو دكليل نسيت وجيبيلي
غرام .. لالا مو حاخذ كلشي ويايه رحت حضرت هدومي وغراضي للعرس وراها خابرت انمار كتله تعالي
شويه واجه طلعتله وصعدت بسياره  ظل واكف
كتله يله متمشي

انمار ... متجي رونق؟
غرام .... لا تجي ويه امي 🌝
باوعت على انمار ضاج لان مجتي رونق كتله انمار شتريد من رونق

انمار.... لتافيت على غرام شريد منها
غرام.... انمار رونق حجتلي الصار البارحه
انمار.... تردين الصراحه
غرام... اكيد
انمار... احبها واريدها الي ومنتظرها تكبر شويه واجي اتقدملها
غرام... اذا حتنتظرها تكبر شكو لعد البارحه خليتها تعرف
انمار.... مادري ردتها تعرف مشاعري
غرام... انمار اني واثقه بيك واعرف انت شكد تخاف عليه وعلى رونق ومثل ماهي اختي انت هم اخويه بس رونق ترى هسه بمرحله مراهقه يعني يجوز بسرعه تنعجب بيك وتحبك وره فتره متريدك
انمار.... دافهم قصدج بس اني رايدها رونق صح صغيره بس تفكيرها اكبر من عمرها ادري بيج خايفه عليها تريدين اجي احجي ويه عمتي واخليها تعرف اخلي ابويه يطلبها منها

غرام... بعد نقاش طويل اني وانمار عرفت شكد يحبها ويريدها وجنت اتمنى يصير لرونق لان ماكو منه انمار خوش ولد وحباب
بس اتفقنا ميسوي شغلات نفس البارحه
رحت لبيت عمي جان هوسه صعدت فوك هاله بالغرفه 

اسد.... كمت فتت سبحت وبدلت نزلت جوه كتلهم حتغده بيت عمي جمال ورحت لبيت عمي
دكيت الباب فتحتلي رونق الباب
رونق... هلو عمو
اسد... هلا دبدوب شونج
رونق... عمو لدكلي دبدوب
اسد.... ههههههه ها شبي دبدوب
فتت للبيت
السلام عليكم
ام غرام..... وعليكم السلام هلا يمه تعال اكعد
اسد.... شونكم شكو ماكو طلعت جكاره ادخن
ام غرام... والله ماكو شي سلامتك
اسد.... وين غرام
ام غرام... راحت لبيت عمك هاله محتاجتها
اسد.... شوكت راحت قبل شويه خابرتها
ام غرام .... قبل شويه خابرت انمار اجاها
اسد.... ها خير ان شاءالله .. ظليت ساكت عرفت هربت مني لان تعرفني حرزلها
كملت غده ورجعت للبيت حضرت ملابسي للعرس وبدلت واخذت امي والبنات وديتهم لبيت عمي ورجعت لبيت عمي جمال اخذت عمتي ورونق وديتهم بيت عمي علمود عرس اسعد
اني ظليت واكف بره يم الزلم

شويه وكالو يله حنطلع للزفه ظليت واكف طلعو النسوان نص بالكوستر والباقين تقسمو عالسيارات ظليت ادور غرام ماشفتها شون طلعت لعد
ركبت بسياره امي جانت ويايه ومرت عمي ام غرام طلعنا وبين موصلنا للبيت العروس نزلو نسوان فاتو اني ظليت واكف يم محمد

هاله.... طلعت من البيت جان وكت الزفه فجنت لابسه فستان طويل مال محجبات وكعب عالي وشويه مكياج شفت كبالي محمد جان واكف وممنتبه عليه واكف يدخن ظليت واكفه جتي غرام عليه

غرام.... ها وين حنصعد
هاله... خل نصعد ويه محمد الله عليج
غرام.... وشمعنا محمد
هاله... الله عليج حبابه
غرام.... اهو هاله محمد جنا اسد بربج امشي نصعد ويه انمار لو بالكوستر
هاله.... لا اوي شنو بالكوستر ماصعد ويه انمار عاد يظل يفيك علينا
دمشي بربج نصعد ويه محمد
غرام ... دوكفي خل اصيح رونق رحت دورت عليها لكيتها صاعده بالكوستر ويه بنات عمي
رجعت لهاله كتلها امشي والله ادري بسوالفج ليش تردين صعدينا ويه الحقنه
هاله... لدكليله ريد نصعد وياك خلي هو يكلنا
غرام ... ديله يمعوده ليشوفني عمو اسد ويرزلني دمشي عاد
بالكوه فلتت وكفنا اني وهاله وره سيارات ظلت هاله تتلوك متريد دكله لمحمد تالي محمد شافنه اجه ركض علينا

محمد.... ظليت ادور هلول ماكو لمحتها واكفه وره سياره هي وغرام ركض عليهن

هاله... عزه اجه اجه
غرام ... ديله عيني جون سينا
هاله... دشوفي شون طالع بالنيلي يموت
محمد.... ها الله يساعدكم
غرام ... هلو محمد
هاله... هلو
محمد... شعدكم واكفات هنا ليش ماصعدتن
غرام... مو هاله تكره الكوستر ودندور احد يصعدنا وياه
محمد... اويلي ماصدكت .. دمشوا صعدوا ويايه محد ويايه
هاله.... رحنا للسياره غرام صعدت ليوره وخلت الكدام الي تفتهم والله صعدت اني ليكدام وهو اجه صعد
محمد... صعدت وبدت سيارات تمشي باوعت على غرام دايره وجهه عالجامه نداريت على هاله جانت تباع عليه شافتني باوعت ندارت ركض
ضحكت على شكلها
ظليت كلسع شاعل اغنيه حب وعشق وشغلات رومانسيه وهي بس مبتسمه وكلسع تنطيني نظرات

غرام.... اوف يربي شون ملل عبالك طالعه ويه اثنين مخطوبين شون حركات عبالهم ممنتبه عليهم

وصلنا لبيت العروس نزلنا اخذنا العروس وصعدنا ففريناهم شويه تليفون اجه مسج من اسد💬 وينج يا سياره صاعده
جاوبته 💬 اني وهاله ويه محمد

شويه وجان تجي سياره اسد تمشي بصف سياره محمد ومحمد كلسع كاسر عليه ويضحك
اسد لابس مناظر وقاط بس بدون رباط طالع حلو
اني شفته بسرعه درت وجهي ليكدام كتله محمد اسبق عمو اسد بربك

محمد... ليش
هاله... مو تخاف منه
غرام .... ضربت هاله على جتفها لان اعرف محمد كلشي بحلك اسد كتله لا مو امي تخاف وانتو كلسع واحد كاسر عالاخ
محمد.... ديله هاج سبقته بعد شتردين
غرام ... رجعنا لبيت عمي وزفه وركص فطلعت ادور على رونق مشفتها فطلعت للطرمه مديت راسي شفتها كلها زلم رجعت فتت

رونق ...رحنا لبيت عمي واني جنت لابسه تنوره وبدي اسود بي ذهبي وشال ومكياج شويه وترست نفسي عطر وكلسع اروح اعدل نفسي بالمرايه رحنا لبيت عمي ورحنا جبنا العروسه ورجعنا فجنت كاعده عالدرج الحذاء كلش اذاني جان يجي انمار اني ظليت منداره مباع عليه

انمار... طبيت للبيت شفتها كاعده عالدراج ومدنجه رحت يمها وكفت ... شبيج كاعده هنا
رونق.... مابيه بس جوه هوسه
انمار.... ظمي شعرج طالع منا
رونق ...... عدلت شالي باوعت عليه ابتسم
انمار.... ليش جنتي تحجين ويه جلال
رونق... باوعت عليه هذا شون منتبه عليه ... عادي غير ابن عمي
انمار.... ابن عمج على كد السلام مو تردحين بالحجي وياه مفهوم
رونق... هزيت راسي اي
انمار... كومي كعدي جوه هنا الباب كلسع مفتوحه وداخل ولد
رونق... اني كمت بدون ماحجي دامشي صاح

غرام ... ظلو شويه بعدين زفو العرسان صعدوهم لغرفتهم فا امي كالت يله حتى نرجع للبيت فكالت لانمار حتى يوصلنا فطلعنا وصلنا لبيتنا دخلنا للبيت فكعدنا شويه نسولف عالعرس ونضحك جان جرس الباب يندك جانت ساعه ب 8تقريبا
فاامي طلعت شويه ودخل اسد بيده ......❤️ يتبع

ادعموا القصه للاستمرار حبايب ❤️