رواية حب جنوني الفصل الخمسون 50 - بقلم سوزان ليث

غرام .. هذا محمد
رونق... يامحمد
غرام .. محمد ابن عمج يمكن

رد دك
رونق ... دجاوبي عاد خل نشوف شبي

غرام ... الو
ها غرام شونج
هلو محمد ترى ماعندي رقمك لذالك مجاوبت
عادي اكلج غرام روحي لنبأ بسرعه جنت احجي وياها واسد دخل عليها وتليفونها نغلق ماعرف شسوي

غرام ... عزه يعني شنو اسد سمعها
محمد ... مادري غرام روحي شوفي صار اني اصلا بطريق جاي على بيت عمي
غرا... لا شنو جاي يمعود هسه اروح اشوف شكو بس لاتجي خاف اسد عرف انتي التحاجي نبأ
محمد.... مخايف من اسد بس اقسم بالله اذا ضارب نبأ او ماذيها شوف شسوي بي روحي ورديلي خبر

غرام ... اوكي اوكي يله باي

رونق... شكو
غرام ... اسد داخل على نبأ وهي تحاجي محمد ومحمد يكول تليفونها مغلق
رونق... يا يعني اسد كشفها
غرام ... واني البس عباتي بسرعه كتلها مادري مادري خل اروح اشوف
رونق... اني هم اجي وياج حتى متبين انتي روحي لاسد واني اروح لنبأ
غرام ... اي يله
نزلنا اني ورونق ورحنا لبيت عمو فتنا مرت عمي بالمطبخ هي وايمان وعادي ماكو شي بس ايمان تأشر بعيونها فوك
سئلت على اسد كلولي بغرفته صعدت واني عبالك اني الي مسويه هذا الشي جسمي يرجف وكلبي يدك سريع دخلت على اسد لازم ابين الموضوع عادي
شفته كاعد عالجربايه وبيده التليفون وجكاره ويهز برجله يعني شنو يعني عصبي
كتله ها حبيبي شدسوي صعد راسه كلي  بعصبيه
اسد...شو رجعتي
غرام ... دخلت وسديت الباب ورحت كعدت يمه كتله متريدني
اسد...
غرام ... شبيك حبيبي
اسد... ماكو شي
غرام ... اكيد
اسد... كتلج ماكو شي شبيج تلحين
غرام ... اوكي اوكي لتعصب باوعت عالميز تليفون نبأ
نداريت عليه كتله هذا مو تليفون نيأ
اسد... اي
غرام ... ليش يمك
اسد... سحبته منها لان مدتقرا بس لازمته
غرام ... ها باوعت على اسد وضعه مو طبيعي ابد يعني اكو شي
كمت نزعت عباتي وشالي ورحت مددت يمه هوطبعا بس يشرب جكاره
كتله شبيك حبيبي منو مضوجك
اسد... غرام نبأ تحجيويه محمد بتليفون
غرام ... ظليت اباع عليه بس عيوني ترمش ماعرف اسوي نفسي مصدومه لو اسوي نفسي اعرف
اسد... تعرفين مو
غرام ... ظليت ساكته
اسد... احجي
غرام .... شفته كام عدل كعدته ويباع عليه
كمت عدلت نفسي كلتله واذا حجت وياه شنو يعني
اسد... شنو شنو يعني داكلج دخلت عليها سمعتها تحاجيه
غرام ... اسد حبيبي همه مابيناتهم شي يعني صح يحجون بس سوالف عاديه
اسد... ولج عوفج من نبأ جاهله ومتفتهم ولج محمد هذا اخويه هيج يخون ثقتي
غرام ... حبيبي ليش هيج تفكر  يجوز استحى منك استحى يحجيلك
اسد... هذا مو عذر والله سكتت بس لان نبأ مجذبت عليه وحجتلي
غرام ... باوع يعني ماعدها شي وياه وبعدين حتى لو عدها المفروض تفرح محمد رجال اكيد يحافظ عليها
اسد... انتي شدكولين من كل عقلج ولج متعرفين البينه وبين هاله
غرام ... هو تارك هاله صاله فتره جبيره
اسد... باعي محمد يحب هاله من جنا صغار ولج هسه ماعنده وحده والله ماجان ماضجت هيج
غرام ... حبيبي اهدء ماكو داعي للاعصاب كلشي ينحل هيج هي لا جرمت ولاشي حجت وياه شنو يعني حجيهم جان مابي قله ادب وقله احترام للطرفين
اسد... انتي شدكولين لخاطر ربج
غرام ... اي اسد شنو فرقهم عنا همه هم ولد عم مثلنا شنو يعني اذا حاجاها مو جنت تحاجيني
اسد.... لج اني اعشق النفس مالتج وماعندي وحده ثانيه واحجي وياج جنت وكلمه احبج كلتها بس الج ماكلتها لاقبلج
نبأ بنيه وبعدها خام اي كلمه حلوه مهما جانت بسيطه  بس تنكال من ولد لابنيه اكيد حتأثر على البنيه 

تردين تقنعيني همه اصدقاء واني بكل مره يجي محمد وهي تدخل للصاله عيونها تحجي لان شوفه كدامه كل مره اكول غلطان متوهم لا مسويها بس للاسف

غرام ... باوعت على اسد هذا الانسان تركيبه غريبه يعني شكد هو عصبي ومرات صارم يكون بس عنده حنيه وگلب محد شايله هو صح متعصب من محمد لان خان ثقته بس مقهور على نبأ لان يدري تعلقت بي وصعبه البنيه من تتعلق بشخص تبطل تفكر بي

اسد ليش متحجي ويه محمد تعاتبه حتى ترتاح لاظل هيج خلصت باكيت الجكاير كله على كعده وحده

اسد... عوفيني غرام
غرام ... عدلت كعدتي اشرتله تعال نام على رجلي اعرفه من ضايج كل الحجي ميهدءه هو كانما ماصدك بسرعه مدد وخله راسه بحضني ظليت العب بشعره شكله كلش مقهور ترى صعبه هذا صديق عمر ه وابن عمه وهاي اخته

اسد... غرام كليلي شسوي
غرام ... اول مره بحياتي كلها اسد يكلي هيج صدكون ماعرف شكله نصدمت اسد يريدني اكله شيسوي
كتله اسد اولا محمد ترك هاله صاله هوايه ثانيا محمد ونبأ علاقتهم حلوه مابيها سوالف مكسره وهمه مجرد اصدقاء حتى لو هذه الصداقه تحولت حب شكو بيها محمد مثل طبعك واصلا انتو وياه تشابهون بتصرفاتكم يعني اذا محمد حس اكو شي غير الصداقه بينا وبين نبأ محيتردد يخطبها

اسد....

غرام ... لتفكر بهذا الموضوع عوفه هسه ماشي حبيبي هو محمد اكيد يجي يحجي وياك بس انت ياحبيبي متتفاهم 
شفته كام من حضني وباوع عليه

اسد... مثلا ترديني اخابر محمد اكله هاي شنو حبيبي مصادق اختي فديتك ولله

غرام ... كتمت ضحكتي بالكوه كتله لا مو هيج
اسد... غرام هاي اختي اختي
غرام ... وليش عليك حلال وعليها حرام انت هم جنت تحاجيني وسولف شمعنى هي لا

اسد... غرام اني مثل محمد يعني ولج اني من جنتي هالصغر وجنت اعتبرج بنتي واختي وجنت احبج وعمري ماحجيتلج كلمه بينت حبي ومن شفتج حبيتيني حجيت وردتج صيرين مرتي مردت العب واتونس ماشي للاسف شوفيني مثل بقيه الولد

غرام ... عافني وطلع من الغرفه اهووو هسه وكتي هيج احجي والله مجان قصدي لابست عباتي وكمت طلعت رحت لغرفه البنات فتحتها لكيت ايمان ورونق يم نبأ ونبأ عيونها حمر من البجي
رحت يمها كتلها حبيبتي شونج خوما مد ايده عليج

نبأ... غرام ياريته مد ايده عليه ولا النظره الي باوع عليه بيها ياريته ضاربني  ولا حجه وكلي خنتي ثقتي بيج

غرام ... كافي حبيبتي لتبجين اسد كلبه طيب هسه يهدء وحجي وياه
رونق... وشمعنى هو واخوته ربهم وحد مو يحجون ويه بنات
لو احنا عادي مو هم

غرام ... شبيج مخبله انتي اسد بس عرف احبه تقدملي وانتي شنو جلال مو خطبج يعني اثنينهم مشايفينا لعب

نبأ... والله محمد مديلعب ويايه حاجي اسد كليليه احنا بس اصدقاء

غرام ... والله كلتله وصالي كومه احجي وياه حتى زعل مني لان جفصت بالحجي بعدين ياصدقاء ولج خابرني محمد صوته يرجف هلكد مخايف عليج يكلي اني هسه جاي على اسد ولا يكلي والله اذا ماد ايده عليه ميصير خير يريد يتعارك ويه صديق عمره علمودج

رونق... كافي شكد بجيتي خرب يومج غرام همزين ماعدنا اخ اووف
غرام ... هههه اسد معوضني باكج كامل اخ واب وحبيب وزوجي
رونق... نوب كامت تتغزل بي دروحي هسه تعارك وياج
غرام ... اي اني غلطت بكلامي وياه نبأ كافي شكد تبجين لخاطر الله
وين تليفوني
رونق... خاف بالبيت
غرام ... اي نسيت اجيبه اذا محمد خابرني سوه بيه سكر اني حروح هسه محمد حارك التليفون بالاتصالات تجين
رونق... شويه واجي روحي انتي

غرام ... يله حروح اني تحبين اوصل رسالة لمحمد
نبإ... كليله لاتروح لاسد ماريد سالفه تكبر
غرام ... ماشي يله باي عفتهم ونزلت فتت بالهول شفت اسد كاعد ويدخن ويمه فهد كتلهم اني حروح فهد اندار عليه كلي
فهد...دبقي نامي يمنا هي ظلت بس النومه
غرام ... يااا انت شبيك ضايج مني والله انت تغار مني طبعا احجي ويه فهد وعيوني على اسد ميباع عليه اعرفه زعل فهد باوع على اسد واشرلي شكو سويتله مادري كتلهم يله باي حروح واطمن فهد بعد مشوف وجهي اخلص مني

فهد ... سبع حجارات وراج
غرام ... شكد مكروه يله باي
عفتهم وطلعت رجعت للبيت رحت شفت تليفون خطيه محمد كومه متصل عاد خابرته
الو
يمعوده هاي وينج
والله من الخبصه نسيت تليفوني
شونها نبأ
محمد نبأ تعبانه عفتها تبجي اسد عرف بيها تحاجيك واخذ تليفون منها
خرب بالحظ و خوما ماذيها
لا والله ممسويلها شي
الله عليج غرام
والله ممسويلها شي بس ساحب التليفون منها
غرام اني حوصل لبيت عمي جنت عاصي بالازحام 
تجي شسوي
اجي احجي ويه اسد غرام ماعرف شون حباوع عليه بس ورب الكعبه ماعندي اي نيه العب على نبأ

محمد اسد مقهور منك كلش واول مره هيج اشوفه عصبي لاتجي وتكبر سالفه حتى نبأ كالت كليله لا تجي

لا ماكدر اني رجال مو طفل حتى انهزم منه يله اني وصلت للمنطقه هسه شويه واوصل بيت عمي

اوكي محمد بس الله يخليك مهما حجه اسد لا تحجي
ماشي غرام يله مع السلامه
مع السلامه

كمت اني لبست عباتي ورجعت لبيت عمي خاف يتعارك اسد دخلت فهد جان بالمطبخ ندار عليه
كلي
فهد ... هاي وينج يمعوده صالج شكد مجايه
غرام .... ههههههه وخر فهد شكد مكروه
فهد... لج حتى الحجارات بعد 4 بيدي ممكمل شمرتهن وراج ورجعتي رجعتي
غرام ... مجايه عليك 😝 عفته وصعدت فوك دخلت عالبنات كتلهم محمد حيجي على اسد الكل وكف استعداد ونبأ جانت ساكته ردت كامت تبجي

نبأ... خابري احجي وياه ماريده يجي
غرام ... ماشي هاج دكي عليه

نبأ... دكيت على محمد بس مجاوب رديت دكيت جان يجاوب
ها غرام
اني نبأ
-حبيبتي شبيج ليش تبجين خوما اذاج اسد مد ايده عليج احجي
-لا محمد مسوالي شي بس اخذ تليفون محمد لتجي عفيه ماريد صير مشكله خاف ابويه يدري والله يبطلني من المدرسه

-ولج شبيج خايفه اني واكف كبال بيتكم هذا اسد ادك ععليه ميجاوب
-محمد عوفه الله يخليك اسد عصبي هسه روح
- انتي مخبله شروح
- محمد ماريد مشاكل فدوه ابوس ايدك جلال وفهد بالبيت والله يموتوني
- محد يمد ايده عليج والله اكسر ايدهم الي يطخج شبيج انتي
- محمد كافي اصلا مابيناتنا شي ليش جاي حدكله
- انتي شبيج شنو مابيناتنا شي
- اي مابيناتنا شي مجرد اصدقاء وهاي الصداقه ماريده بعد
- نبأ انتي شبيج بابا مو صاحيه والله انتي مصدكه الي كاعد تحجي
- اي مصدكته
- يعني متريديني نبأ
- اي ماريدك عوفني وارجع لبيتكم ماريد مشاكل
- ماشي نبأ براحتج طلعت رخيص عندج اني الي عفت الاخوه وصداقتي ويه اسد كلها خليتها وره ظهري ومافكرت بااسد يزعل يرضى كلت اهم شي انتي هيج تبيعيني
- محمد كافي والله حموت نفسي واخلص اسد هذا مو بس اخويه هذا ابويه تعرف من ابوك يكلك خنت ثقتي شنو يعني تعرف الاحساس الحسيته شنو احساس زباله
- ماشي نبأ اذا بعدي يريحج هاهيه بس لازم تعرفين شي واحد من يوم الي عرفتج انتي الي تراسليني ماكدرت اعتبرج مجرد صديقه
زين ولاتنسين اني واكف لاخر لحظه وياج

- محمد
- هاهيه نبأ يله مع السلامه

رونق... ولج شكو شو زاد البجي
نبأ... محمد عافني 😭
رونق.... عزه تخلى عنج
نبأ... لا اني كتله قهرته عباله بعته يكلي هيج اني رخيص عندج
غرام .... ليش هيج حجيتي وياه والله مبين يحبج
نبأ... غرام محمد واسد اثنينهم اعصاب يعني صير مشكله صير واني اريد المشكله تنسد

غرام .... كافي حبيبتي شكد بجيتي
نبأ... نزلي شوفي اسد وين خاف طلعله لان يكول ادكله ميجاوب
غرام ... اوووف ماشي حتزل
نزلت رحت للهول بس جلال وفهد فهد صعد راسه كلي مو هنا طلع
كتله وين
فهد ... اجاه انصال اكيد من صاحبته
غرام ... شكد مكروه
عفته وطلعت بطرمه مديت راسي بره يمه بسرعه رجعت راسي اسد ومحمد واكفين شفت اسد مجتف ويباع على محمد ومحمد ماعرف شنو يحجي

رديت دخلت مريت من الهول فهد صاح اكلج غرام
رجعت كتله ها
فهد ... ليش ماجرلج غرفتي ليش ظاله رايحه جايه 
غرام ... عزه شكد مكروه صاير انت
فهد... والله اني علمودج
غرام ... دروح عفته وصعدت فوك اول مافتت نبأ كامت عليه كالت ها
كتله اسد طلع لمحمد وديحجون بس وضع هادء

نبأ... كلبي حيوكف من دخل عليه اسد ظليت لااكدر اضم التليفون لا كدر اجذب واكله صديقتي يمكن جان صوتي عالي او دخل ديحاجيني عباله زعلت من كلي ازينج صفر اذا ماجبتي معدل
جانت صدمته بيه واضحه على وجهه ماحجه شي بس مد ايده بمعنى يريد التليفون جان كلبي يدك قوي خوف او رعب مديت ايدي وخليت التليفون بيد اسد باوع على التليفون جان مكتوب محمد
كال منو هذا
اني من خوفي بسرعه كتله محمد ابن عمو اسد ظل يباع عليه مصدوم كلي وليش تحاجيه اني ظليت مدنجه ماعرف احجي رجع عاد سؤاله كتله اني وياه اصدقاء
رجع عالتليفون كلب بي يمكن جان يقرا الرسايل شفته هز راسه باوع عليه كلي للاسف خنتي ثقتي بيج عافني وطلع والله لو ضاربني لو مرزلني لو موتني ولا النظره الي باوع عليه بيها كلمته مثل سيف بكلبي ظليت ابجي وافشر على نفسي ماعرف شسوي
حجيت وياه محمد من تليفون غرام لان تخبلت شنو جاي ويريد يحاجي اسد
اعرف اسد يمكن حينفجر بوجهه اسد هذا مو طبعه يظل ساكت على شي معصبه
محمد كل ظنه اني ماريده بس والله اني جنت خايفه صير مشكله واهلي يدرون بسالفه
ظليت كاعده وابجي وماعرف شسوي قهرت الكل مني

غرام ... نزلت مره ثاني شفت اسد كاعد بالهول ويشرب جكاير فتت وكفت يم الباب باوع عليه وندار مره ثاني عالتلفزيون اعرفه ممنتبه عالتلفزيون مبين ديفكر وباله الف فكره ماعرف محمد شحجه وياه رحت كعدت يمه بس ابد ممدارلي بال فهد بصفي كال شكو

باوعت عليه كتله ضايج مني بس حركت بس شفايفي حتى اسد ليسمع
فهد نفس الشي كال اذا انتي لابده 24 ساعه هنا ترديه ميضوج منج
باوعت عليه وخرب ضحك كتله والله حروح لبيتنا والنبي بعد ماجي هنا. كمت وكفت صاح فهد يولي تعالي اشاقه عفته وطلعت رجعت للبيت

وره شويه ندكت الباب اجه فهد واكف باب المطبخ صاح غرررررام اجيت عليه كتله شرايد
فهد ...... يولي شبيج زعلتي والله اشاقه وياج
غرام .... منو كلك زعلانه
فهد .....اي مو داكول انتي كلشي ميأثر عليج
رحت عليه ضربته بجتفه
فهد ......  ولج شبيج صايره متوحشه وين غرام الرقيقه
غرام.......... اذا اعرف اخوك ظلت رقه ظل صخام اذا هو يدلعني يصيحلي علاوي

فهد .... ههههههه هو شبي شو كالبها كلش
غرام ... ماعرف متعارك بدوام واجيت اني هم تعارك ويايه
فهد ... هاهيه لعد اليوم البيت منع تجول من وراه
غرام ... اي عفيه

وراها راح فهد

رونق... من جنت بيت عمو علمود سالفه نبأ وره متاكدت شويه صارت زينه نبأ عفته وكتلها حرجع للبيت
نزلت مريت من الهول شفت جلال هو جان ممنتبه اني وكفت يم الباب سويتله احم احم. هو بسرعه صعد راسه وابتسم من شافني  كلي

جلال .... اليوم الحب هنا
رونق... شنو جديد اني يوميا هنا
جلال ... تعالي كعدي
رونق... دخلت للهول كعدت كلي
جلال... الله بالخير
رونق... ههههه الله بالخير
جلال ...مشتاقين
رونق... شكرا
جلال ...ترى مشتاااااقين
رونق... اي شبيك شكرا هههه

دنحجي دخل فهد علينا كعد كال
فهد ... انتي واختج لازمين خفاره بيتنا
رونق.... هههههه ليش
فهد ... وحده تروح وحده تجي
رونق... جنت فوك اني
فهد ... والله هسه احاجي ابويه يسويلكم غرفه الج ولغرام هنا شو انتو ترجعون بيتكم بس تنامون

جلال ... شرايد منها هسه
فهد ... لا يابه شرايد منها منو يكدر يحجي وياها شو محاميها كاعد
جلال ... هو يباع على رونق ويغمزلها يكلها معليج بي يغار لان شيسمونها متكدر تجي
فهد ... ااااه مو هي حظوظ اني لو احب بت عمي جان حتى عمي زعل ويه ابويه
رونق... هههههههه
فهد ... اضحكي شكو عليج
جلال... خمسه بوجهك حتحسدها استغفر الله كومي كومي خل اوصلج لبيتكم حياكلنا بعينه
فهد ... جلال بس شيلها وعبرها السياج هي برغي بسرعه تنشال
رونق... جلال احجي وياه بس يعيب عليه
جلال ... خل يولي عوفي يغار لان المحروسه زرافه
رونق... ههههههه

جلال ... يله امشي

رونق... طلعنا اني وجلال بالكراج كتله جلال
جلال ... نعم
رونق... صدك اني كصيره
جلال ... احلا كصيره شافتها عيني
رونق... ممممم بس اني داسوي رجيم حتى اطول شويه
جلال ... شحدج اموتج رجعي مثل قبل ماحب الضعيفة
رونق... لا عزه شرجع مثل قبل غير اصير دبه غاز
جلال ... هههه ولج وين اكو احلا من المدبدبه صير بس مال عظ
رونق... هههههه

رجعت للبيت دخلت صعدت فوك رونق جانت كاعده لازمه تليفونها
من دخلت

غرام ... ها شنو الاخبار
رونق... ماكو شي حجيتي ويه اسد انتي
غرام ... مديجاوب على اتصالاتي حروحله هسه كلش نقهرت عليه شون جان مقهور
رونق... طبعا اني مصورت اسد حيسكت هيج من كتيلي اسد داخل على نبأ كلت هسه اروح اشوف نبأ مزوركه
غرام ... لا ترى اسد يموت على خواته مستحيل ياذيهن صح عصبي بس والله كلش حنين عليهم
رونق... ياعيني القرد بعين امه غزال
غرام ... ههههه ولي عفته وكمت وكفت كبال المرايه عدلت شعري رحت لابست غير بجامه ورشيت عطر هذا العطر اسد يحبه
خليت شويه مرطب بشفتي
لابست العبايه ورحت لبيت عمي امي بالمطبخ كالت شبيج رايحه جايه كلسع كتلها يوم اسد خابرني ديراويني شي
عفتها ورحت بيت عمي دخلت للمطبخ مرت عمي باوعت عليه كتله عمه انتي هم حدكليلي كلسع جايه رايحه
كالت لا عمه بيتج هذا يمه بس عبالي عمج لان تاخر
كتلها وين اسد كالت فوك

رحت صعدت دكيت الباب ماكو جواب رديت دكيتها اقوى صاح منوووو بصوت عالي فززني كلت اني بصوت هادء وبريئ مكلي ادخلي بس اني دخلت شفته مدد عالجربايه وخال ايده على عينه
طبيت وسديت الباب
ظليت واكفه هو متحرك نزعت العبايه والشال عدلت شعري رحت وكفت يمه وخرت ايده الخاله على وجهه باوع عليه وغمض كعدت يمه وايدي على صدره ظليت العب بدكم التشيرت كتله

حبيبي مجاوب كلبي روحي ماكو جواب
رديت تقربت عليه طبعت بوسه خفيفه على شفايفه كتله والله ماقصد ازعلك
تنهد بس مجاوب
خليت اصبعي يتلمس شواربه كتله اسد حاجيني
مجاوب تقربت عليه وبسته بس هالمره اقوى ابتعدت شويه وجر.........يتبع ❤️

.........

حبايبي شكرا الكل شخص تحمدلي السلامه فديتكم والله

حبايب النشر يوميا عدا الجمعه عدا شنو عدا الجمعه

احبكم ❤️

وووووخميس ومالي خلك ازعل مهما تستفزوني 🥳🥳🥳🥳