رواية حب جنوني الفصل التاسع وأربعون 49 - بقلم سوزان ليث

العصر رحت يمهم عود سويت حلويات اله فكعدنا اني وياه بالحديقه اني عالمرجوحه وهو كبالي عالكرسي وكلسع يكلي كافي تحركيها
ههههه يدوخ
فكلي ليش مكلتي جلال يريد رونق
كتله مادري ليش
اسد....اجاني و وصاير عصاب يكلي جايب لخطيبتي عريس والله ضحكني كتله واني شعرفني انت تريدها شو كظيتوا عمركم تتمالخون

غرام ... هههههه اي
اسد... اي سويتوا بينا انتي واختج خبلتونا بنات جمال سويتوا بينا
غرام ... هههه عزه شسوينا
اسد... انتي واختج متفقين عليه وعلى اخويه
غرام .... هههههه احنا محبوبات بسرعه ننحب
اسد... محد يحبج بس اني
غرام ... مممم لا هواي يحبوني
اسد... مو اكوم لج
غرام ...هههههه شبيك امي هم تحبني
اسد... صايره وكحه
غرام ... عزه اني والله فقيره
اسد... اي فقيره كلش

غرام .... هههه اكلك باجر حنطلع اني وامي وعمه للسوق نكمل تجهيز

اسد... ادري كلتلي امي

غرام .... اكلك حبيبي
اسد... كولي
غرام ... السبت الجاي مهر صديقتي
اسد... اي والمطلوب
غرام ... وعزمتني
اسد... وين بيتهم
غرام ... بالقاعه حسوي
اسد. ..السبت الجاي اني بالدوام شون تروحين
غرام ... كول لفهد يوديني
اسد... غرام السبت دوام عندي طلعين واني بدوام هاي سالفه ماحبها
غرام ... اي اسد كلشي متقبل
اسد... غرام لو بيتهم اخليج سالفه القاعه ماحبها
غرام ... هو انتي هيج لا قاعه تقبل  لا فندق تقبل كلشي متقبل
اسد... من ارجع اني اطلعج من صبح لليل
غرام ... ماريد  عفته ودرت وجهي وكمت اهز المرجوحه حيل
اسد... استغفر الله كافي
غرام ... ظليت مستمره اهزها حيل  شفته كام ولزمها ولزمني من فكي سويته عصبي
اسد... شبيج صايره مسمعين كلام بطلي هاي الحاله بس زعلين ترى والله افلش سنونج

غرام ... وخرت ايده واني ادردم عليه كتله حروح لبيتنا كلي
اسد... متروحين
غرام ... ضجت اريد اروح
اسد... ماكو روح كعدي
غرام ... عفته ومشيت جان يجرني من ايدي ويشمرني عالمرجوحه حيل  وصيح

اسد... كتلج كعدي
غرام ... اني ظليت اباع عليه وخازره بي نداريت عالصفحه الثاني وصرت مباوع عليه كلي
اسد... باعيلي
غرام ... ظليت ماباوع جان يدير وجهي عليه اني غمضت عيوني لو هو لو اني  ماريد اباوع هو ظل كلشي ميحجي فتحت عيوني شفته يباع عليه كلي
اسد... شبيج متخبله اني راجع من الدوام ارتاح انتي هيج سوين ترديني بعد مارجع اظل بدوام حتى تخلصين مني

غرام ... ظليت اباوع عليه ونقهرت صدك اني صايره بس ازعل
شفته كام وكعد عالكرسي مره ثانيه وكام يدخن
كمت كعدت يمي كتله سوسو  ميجاوب اسو ميجاوب كرصته من رجله هو على نفس وضعه
تقربت عليه كتله اليوم منطيتني بوسه مجاوب
كتله اسد لتزعل

اسد... غرام شايفه نفسج صايره عباره عن كتله من الزعل متحركه تعرفين نقطه ضعفي بيج وكمتي سوين شغلات ضوجني متقصده

غرام ... والله ممتقصده
اسد لسوي هيج غير انت حبيبي وادلع عليك
اسد
سوسو اسوو
عمو اسد

اسد... هههه وخري مني
غرام ... هههههههه شفتك ترى ضحكت
اسد... انتي ماعندج قرايه
غرام ... عندي بس بالليل اقره
اسد... ديله امشي للبيت اقري
غرام... دنحجي جان يجي فهد سلم وكف يمنا كلي
فهد ... انتي 24 ساعه يمنا صدك جذب
غرام ... هههههه شعليك انت جايه بيت عمي
فهد ... كمت اشوفج اكثر من امي
غرام ... ههههههه ليش ضايج انت
فهد... ميصير بابا كولي ناس تريد ترتاح
غرام ... هههههه اسد صيح بي
اسد... عوفها عوفها هسه تزعل ونبتلي نصالح
غرام ... دروحوا حروح بيتنا بعد ماجي هنا باي
اسد... اوكفي مخبله

اجه اسد ورجعني للبيت وكعدت اكمل قرايتي

ثاني يوم العصر طلعنا اني وامي ومرت عمي للسوق فترينا واخذنا جم شغله فتنا محل مال مفروشات الي يشتغل بي واحد ويايه بدوام من شافني اجه سلم عليه وعرفته على امي ومرت عمي

فخطيه ساعدنا هوايه ونزلنا من الاسعار
من رجعنا بطريق عمتي وامي ستلموني عالولد والله حباب والله عفيه عليه يشتغل ويدرس وسووا  نازل من السماء

من رجعنا  فدخلنا الغراض بيت عمي فجوي البنات ديشوفون الشغلات نزل اسد وكعد يتفرج فامه كلتله والله شفنا واحد بالمحل يشتغل طلع يعرف غرام

عزه اسد باوع عليه ورجع باوع على امه كلها اي ورجعت امه خطيه طلع وياها بدوام وكومه نزلنا وكال هاي لخاطر غرام اني بسرعه لزمت تليفون سويت نفسي مشغوله غير تسكت عمه حيكوم يكتلني اني كايلتله ماحجي ويه اي احد بشعبه من الولد

كامت امي اني بسرعه كمت وياها هو ندار عليه كلي ابقي كتله لا عندي امتحان داروح اقره هو ظل يباع عليه عود ابقي بس اني بسرعه  للبيت اعرف حيلزمني تحقيق

رونق... بيوم جانت نبأ مريضه وعدنا محاضره مجتي اني رحت وحدي فخابرت جلال كتله تكدر توصلني كلي شنو تكدر بس كول وصلني انتي تؤمرين
المهم صعدت وياه فاني جنت مستحيه منه دايره وجههي عالطريق كلي حبيبي
اني كلبي كام يدك سريع اول مره يكلي حبيبي وجها لوجهه
نداريت عليه واني حاصره الابتسامه

جلال ... احبج
رونق... ضحكت ونداريت عالطريق
جلال ... رونق
رونق... اني ظليت اباع عالطريق وكتله نعم
جلال ... باعي عليه
رونق... نداريت عليه شمرلي بوسه هوائيه ضحكني كتله كافي باوع عالطريق حسوي حادث
جلال ... تعالي روح نكعد مطعم شي يامحاضره
رونق... عزه
جلال ... شكو بيها مو خطيبتي
رونق... بعدني مو خطيبتك
جلال... باعي عليه واحجي شكد تستحين صايره
رونق... جلال كافي
جلال... زين تحبيني
رونق... ظليت ساكته
جلال.. زين كولي اي لو لا
رونق... ماعرف
جلال ... ماعرف يعني اي عندي
رونق... لابله
جلال .. وداعتج
رونق... لعد لا
جلال .... ماشي بس ترى تنوره تخبل عليج
رونق ... ممم شكرا
جلال ... علمودي لابستيها
رونق ... ....
جلال .... احجي
رونق.... اي
جلال... ويكلولي ليش تحبها
رونق.... ههههه جلال شبيك اليوم منطلق
جلال.... مو حيصير شي بيه هلكد مااكتم
رونق .... لا اسم الله عليك

وصلني للمحاضره كملتها ورد اجه اخذني فمرجع للبيت كتله جلال وين رايح
جلال.... ناكل
رونق... لا عزه والله امي ترزلني اذا تاخرت
جلال.. لفات نجيب والله جوعان مجوعانه انتي
رونق... اي جوعانه
جلال... خسى الجوع

رونق... راح جاب لفات واكلناهن بسياره وسوالف تونست وياه حسيت نفسي احبه ومتعلقه بي واصلا سوالفه احبها يحترمني ويحبني ويخاف عليه وشي الحلو بي من اسوي شغله متعجبه يكعد يكلي ويناقشني ميأمر وهاهيه

نبأ .... جنت كاعده بالهول وكاعد اسد وامي اني جنت مدنجه دالعب بتليفون جنت اراسل محمد وومنتبه للكاعدين امي
امي كالت نبأ عوفي التليفون 24 ساعه لازمته
باوعت على امي كتلها هسه لازمته والله ندارت على اسد كلتله كل ماتنزل من فوك بيدها هذا المصيبه
اسد باع عليه كتله والله بس بوقت استراحتي الزمه
كلي نبأ والله اذا جبتي معدل موزين لازينج صفر
باوعت عليه كمت منهم وصعدت فوك لازم امي تحرك عليه عد اسد اووف واسد غرام طلعت معدل لازم الدنيا كلها طلع معدل

لازمت كتاب الاحياء داقره دزلي مسج محمد كاتبلي 📱بعد يومين اسافر لدبي

اني كلت بكلبي بس سافر بس سافر لزمت التليفون ودكيت عليه
الو
ها نونو شفتي سفر خابرتي
هههههه لا والله بس ليش محجيت حسافر
اي سفره مستعجله
سفره مستعجله ممممم
تروح وتجي بسلامه
الله يسلمج ترى حشتاق
ممممم المن
لاسد
هههههههه هو هم حيشتاقلك
اروحله فدوه
المن
لاسد
ههههههههههه
اريد شغله منج
شنيه
بس تسويها
اي اذا اكدر
لاتكدرين
اوكي شنيه
باجر اريد اخذج من المدرسه
شون تاخذني
يعني لداومين وخل نطلع اريد احجي وياج
عزه لا شون يعني اغيب
اي اريد احجي وياج بشي ضروري
لا ماكدر عزه مستحيل
ليش
محمد ماكدر بعدين الي تريده كوله هنا
ماشي نبأ هاهيه انسي الموضوع
محمد ماكدر
كتلج انسي
اي اوكي
شحجيبلي مو دبي
ماجيب شي
ليش
ماريد اجيب
مو اني صديقتك
لا مو صديقتي
لعد شنو اني
اوووووف كافي نبأ
ماشي

غرام .... جنت كاعده اني ورونق دنسولف
جان اكو رقم غريب يدك عليه رونق
كال
جاوبي شوفي منو
لا ماريد اذا يعرفني يدز مسج

ظلينا نسولف وتليفون ماسكت مكالمه وره مكالمه
رونق جاوبي وجاوبي  واني معانده

اجاني مسج 📱 غرام اني محمد  جاوبي بسرعه

غرام .. هذا محمد
رونق... يامحمد
غرام .. محمد ابن عمج يمكن

رد دك
رونق ... دجاوبي عاد خل نشوف شبي

غرام ... الو
ها غرام شونج
هلو محمد ترى ماعندي رقمك لذالك مجاوبت
عادي اكلج غرام روحي لنبأ بسرعه جنت احجي وياها واسد دخل عليها .......يتبع ❤️
.......
بنات اعذروني اليوم مريضه بالكوه كتبت واسفه عالتاخير
احبكم ❤️