رواية حب جنوني الفصل السادس وخمسون 56 - بقلم سوزان ليث

وره ايام دخل جلال عصبي ويفشر ويصيح امه ظلت كله شكو شبيك بس هو جان عصبي اول مره اشوفه هيج طب للهول اني والبنات ظلينا  بالمطبخ امه دخلت وره ماعرف عياط وهو بس يفشر الطبله زجاج دفرها ونكسرت امه تريد تفتهم منه ماكو بس عياط
اجه فهد كال شكو نبأ كلتله جلال ماعرف شبي دخل فهد وجلال بعده يعيط وراها طلع جلال شافني بالمطبخ ندار عليه كلي كوليلها لو اخر يوم بعمري اخذها
عافنا وطلع اني ظليت صافنه على نبأ اجتي عمتي كالت الولد تخبل يجي ابوه يصرف وياه
نبأ كلتله شبي
كلتله رونق ماتريده

غرام ... ظليت اني ونبأ وحده تباوع عالثانيه اني نصدمت شنو متريده اشرت لنبأ بمعنى شكو باعتبار  هي وياها اكثر مني
سوت بحواجبها ماعرف

اني صعدت لابست عبايه ونزلت عمتي شافتني باوعت عليه كتله عمه حروح افتهم صار
كالت ياريت والله جلال يحبها شفتي شون محروك كلبه لان كايله متريده
كتلها عمه يصير خير عفتها وطلعت وصلت يم باب نبأ صاحت اوكفي اجي وياج
رحنا اني وياها لبيتنا
دخلنا امي بالمطبخ تشتغل سئلت على رونق كالت فوك
صعدنا اني ونبأ على ورنق شفتها كاعده تقرا ومبين باجيه عيونها حمر
رفعت راسها شافتنا وردت نزلت راسها عالكتاب رحت كعدت يمها كتله روحي صاير بينج وبين جلال

رونق... مصاير ماريده بعد
نبأ... والله عرفت صاير شي من مخلاج تفوتين محاضره
غرام ... شنومخلاها تفوت محاضره
نبأ.... من اخذنا اليوم للدرس كلي نزلي انتي رونق عندي حجي وياها وجان مو طبيعي
غرام ... باوعت على رونق الي دموعها ظلت تنزل كتلها فهميني حبيبتي شصاير ليش مترديه مو اخير مره كتيلي احبه

رونق.... طلعت غلطانه ماحبه
غرام ... رونق... هو لعبه يوم احبه يوم ماحبه الولد اعصااب اجه للبيت يعيط ويصيح ويكسر احجيلي حبيبتي يجوز اكدر اساعدج
رونق... ظليت ابجي واني اذكر الصار

مثل اي يوم جلال يوصلنا للدرس بس هالمره جان مو على بعضه وصلنا للمحاظره ودانزل اول مره يلزم ايدي كال ابقي اريد احجي وياج كتله محاظرتي كال بعصبيه طز بيها
نبأ نزلت للمحاظره وحرك سياره اني ظليت خايفه  شبي
مشى مشى وصلنا مكان يصير مثل كراج مال سيارات
وكف السياره وندار عليه
شفته طلع تليفون وخله كبال وجهي وكال هاي شنو

باوعت على التليفون وفتحت عيوني هاي صورتي بحنه غرام واني طاكتها ومسويه حركه حتى ظهري يبين بصوره

كتلها هاي منين جبتها
جلال .... اتذكري المن دازتها
رونق... مدازه صوره لاي شخص منين جبتها
جلال... يضحك باستهزاء تريدن تعرفين مو اوكي
انمار دزها الي

رونق.... ظليت مصدومه شنو انمار دزها الها كتله بدون وعي صورتي جابها عد نمر
اني كلت نمر وهو تحول وحش
ضربني راشدي  محمل وجع وعصبيه وخيبه امل
اني لزمت خدي وممستوعبه الي ديصير حتى دموعي منزلت انصدمت بتصرفه
ظليت اباع عليه واني اشوفه يضرب بالاستيرن قوي  ويغلط غلط مسامعته حسيته هو مألفه

رجعت حجيت بصوت مخنوكه وكاتمه البجي
منين جاب صورتي

باوع وحجه عساس مو انتي الدازتها

رونق... ظليت اباوع عليه كتله منو هاي الدازتها اني صار يصرخ ويحجي
جلال ... لعد امي دزتها منو عده صورج ولج اني شفته راسلتها من جهازج
رونق... مدافتهم شنو بجهاز انت  شدكول
رجع  لعب بتليفون ونطاني تليفون
كمت اشوف سكرين فوك مكتوب  رونق قلبي
وبمحادثه بيني وين انمار وبيها صورتي واني كاتبه شنو رائيك بيه
ظليت ممستوعبه انمار هو الدز ذني الك

جلال ... اي الحيوان دزها ولج رونق انتي سوين بيه هيج ليش ولج حبيتج اكثر من نفسي لج اخاف عليج من نفسي اخاف اطخج خاف الله يعاقبني بعدج
هيج سوين بيها اذا مرايدتني شكو باقيه ويايه ليش دكليلي احبك وانتي وياه ذاك الجلب

رونق... هو يحجي واني دموعي. تنزل ظل يضرب  بالاستيرن ويحجي
ظليت ساكته بس ماكدر اكمل بسكوت كتله جلال انت مصدك اني الدازه صورتي لانمار

جلال ... شوفني سكرينات شون ماصدك شون مفهميني

رونق.. نزلت راسي بقهر هاهيه جلال اذا انت ماعندك ثقه بيه خلص

جلال ... شنو خلص
رونق... رجعني للبيت
جلال ... ماروح لاي مكان اذا ماتحجين  ليش سويتي هيج ليش ردتي تحركين كلبه بيه مو
رونق... ضحكت بوجع وقهر كتله جلال رجعني لبيتنا وماريد اشوفك بعد ماشفته يغير لزمني من ايدي حيل
جلال...احجي دافعي عن نفسج كولي مواني الدزيتهن والله اصدكج
رونق... ماكو داعي اكول انت مصدك كل الحجاه الك
جلال ... رونق لتخبليني داكلج شفت سكرين للمحادثه بينج وبينه

رونق ... شفته طلع تليفون وكال هاي مو الخلفيه مالتج مو هاي انتي مسويتها
ظليت ساكته وابجي صح صوره الشخصيه للمحادثه صوره اني اخذتها للورد مال الحديقه
واعرف انمار كاتب على اسمي رونق قلبي من جنت قبل وياه هيج كاتب
ظليت ابجي بقهر ليش حظي هيج ليش انمار دايما يشوه سمعتي سويتله مو هو الغدر بيه مو هو العافني

جلال ... كافي تبجين واحجيلي رونق
رونق... ماعندي كلشي احجي لان انت مجاي تسئلني جاي تحاسبني كانما صدك اني دازه الصوره
جلال ... رونق لاتختبرين صبري ودين محمد اروح اسحله ابن الكلب ذاك
رونق... ماكو داعي جلال هو لعبها صح خلاك شك بيه وللمره الثانيه رجعني للبيت

جلال... ماكو رجعه بعدنا ممكملين كلام

رونق... كتله ماشي اني اروح وحدي فتحت الباب جان يلزمني من ايدي حيل ويصرخ
جلال ... ووووين
رونق... عوفني ماريد اظل هنا  شفته مد ايده وسد الباب
جلال ... كافي اني حرجعج
رونق... حرك السياره ورجعني للبيت وطريق كله احسه حينفجر قابض الاستيرن بقوه وجكاره معافها وحده وره الثانيه

وصلني للبيت قبل مانزل كتله جلال اني بعد مافيدك روح شوف غيري وحده تكون كد الثقه عفته ونزلت وهو ظل ورايه ماعرف شيحجي ويصرخ دخلت لبيتنا ركض امي شافتني ابجي
اجتي ركض عليه
كتلها وكعت بالكوه صدكت لان ماكو اي اثر للوكعه
عفتها وصعدت فوك وتليفون ماسكت جلال بس يدك ورجع يدز مسجات

رجعت بذاكرتي واني اشوف نفسي ليش هواي انجرح من الي احبهم ليش ليش ماعيش حياتي مثل اي بنيه مثل غرام او نبأ مو هم عاشو قصص حب وكملو ليش ماصير مثلهم ليش
ظليت اندب حظي
بعد ماريد لاحب ولااي شي كلشي كرهوني بعيشتي كلهم

غرام ... زين منو داز صورتج للصخمان
رونق... ماعرف الصوره دازيها من تليفوني
غرام ... انتي انطيتي تليفونج لاحد بالحنه ياخذلج صور
رونق.. مادري هواي لازمو تليفون اصلا من اجه اسد نطيت التليفون لاشهد بت عمو باسم حتى صور فديو لان اني جنت ملتهيه
نبأ... اكص ايدي منا اذا ماتطلع هاله مسويه هذا الفلم
رونق... هاله بس مانطيتها تليفوني
نبأ... زين جلال شون يصدك هيج شي
غرام ... شون تريدي ميصدك دتكلج انمار داز المحادثه لجلال عود شوف شون اني ورونق نحجي
نبأ... حتى لو شنو يعني المفروض ميصدك
غرام ... رونق ليش ماكتيله مو اني ليش محجيتيله
رونق... لان منطاني فرصه ابرر اله شي هو جاي مصدك وخلص غرام اني مو مثلج اكعد اكله مو اني وانزل نفسي اله هو لو عده ثقه ميصدك وهاي مو اول مره
غرام ... يعني اني انزل نفسي
نبأ... هسه انتي عفتي المشكله واخذتي بس هاي الجمله
غرام ... شفت اسد يدك عليه
هذا اسد يدك
الو هاحبيبي
انتي وين
بيتنا
خير
من ارجع احجيلك
ماشي حبيبي

غرام ... لازم ارجع رونق لوشوفين حاله عمه والله تكسر الكلب
نبأ... والله حتى جلال اجه للبيت متهستر لج اول مره هيج اشوفه
رونق... رجعت ابجي مره ثانيه  واني اذكر صراخه وغلطه عليه والراشدي الوجع ميجي بس من الي نحبهم

غرام ... اني حروح اوكي
نبأ... اني باقيه هنا
غرام ... اوكي اني اشوف اسد وارجع ابات يمج اوكي  باجر اوف مالتي
طلعت رجعت للبيت عمتي كاعده بالمطبخ ويمها اسد واكيد حجتله اني دخلت سلمت وكعدت عمتي بسرعه كالت صاير يمه ليش هيج وضعهم
كتلها عمه سوء فهم تنحل ان شاءالله
كالت عمه ياسوء فهم جلال الهادء هيج يجي يصرخ ويكسر والله ماصدك

اسد كللها يمه كل اثنين ياما يتعاركون ويصالحون وهاي اني وغرام كبالج شكد تعاركنا واحد عاف الثاني بس بالاخير رجعنا
عمتي شالت راسها كالت ولك اسيد عبالك مادري بيك اعرف من زمان عينك عليها

غرام .... اني ظليت مبتسمه صعدت فوك لحكني اسد شافني كاعده وصافنه  كال شبي الحلو مالتي ضايج

حجيتله السالفه هو تخبل على جلال وشون مصدك وهذا غبي وكومه حجي  كال اني من يرجع احجي وياه وانمار اني اعلمه
كتله اوكي

عفته وكمت كلي وين كتله حنزل كال ها اني شكلت
رحت كعدت يمه كتله اسد ميخالف اليوم ابات بيت اهلي

اسد... لا طبعا
غرام ... والله رونق حالتها النفسيه تعبانه وبس تبجي هذا اخوك مدري شمسويلها ماقبلت تحجي شحاجي
اسد... خل يولي اكص لسانه اذا مسويلها شي بعدين حتى لو حجه هاي من حركه كلبه مصوره انتي يشوف صوره حبيبته فستان وطالع كلشي منها عد واحد ثاني هاي لو اني اااااخ جان رحت دفنته

غرام ... ماكو داعي حبيبي اعرف خبالاتك هسه تخليني انام بيت اهلي
اسد... لا تقبليها انام وحدي على رونق لتخافين رونق اقوى منج ومني واخلي نبأ تنام يمها

غرام ... اسد
اسد... عيونه
غرام ... تقربت عليه اشم بركبتها كتله عطرك طيب
اسد.... هو نفسه ممغيره
غرام .... اي اموت عليه
اسد... شبيج انتي
غرام ... شبيه
اسد... شو صايره بس تحضنين وتبوسين ودورين سوالف قله ادب على كولتج
غرام ... عزه هاي اني
اسد...  لعد اني
غرام ... اي والله انت من ترجع من دوام حتى ماي التانك يخلص كد مادخل اسبح من وراك
اسد..... ههههههههههه جا غير احبج
غرام... اي لعد اني هم جا غير احبك
اسد... مناسبه الكلام الحلو تعالي 😉
غرام ... اسد عوفني انت متشبع خرب شون قابليه
اسد.... ههههههه بكره تندم ياجميل
غرام ... ههههههه  ميخالف اندم اني حنزل اسوي عشه ويه عمه

نبأ .... خابرني اسد كلي انام يم رونق كتله اوكي غرام ماكدرت تنهزم منه
جنت كاعده يم رونق ودنسولف ودك محمد نسيت ماكلتله حنام يمج

رونق... كليله اني حنزل جوه اشوف ماما

نبأ... الو
ها حبيبتي شونج
الحمدلله
شو ماكو مختفيه
اي والله اني يم رونق
ها
اليوم انام يمها
وليش
ضايجين كلنا نتونس
ومرت اخوج وياج
هههههه والله كالت اجي بس ابو الاسود صادها
يوم الصيدج وماطلعج من غرفتي
هههههه محمد احبك
يابعد كل هلي وناسي ولج اعشقج
ماشي حبيبي اني حروح
اوكي حبي

رونق... صعدت مره ثاني لنبأ شفتها كاعده وصافنه عالتليفون
كتله الماخذ عقلج

نبأ... درت التليفون على رونق كتله باعي مو يخبل
رونق... فد شخصيه خاله صورته خلفيه
نبإ... يمه فديته اكو احلا من شخصيته شبيج والله حباب

رونق... لا عفيه كله ولا هالكلمه
نبأ.... ليش
رونق... باعي من جنت قبل ويه انمار غرام كل مشوفه دكلي والله حباب وراها طيح حظي
اسد جنت اشوف حبه لغرام وخوف وشون مداريها جنت دايما اكلها والله حباب. وراها تعاركو وراح خطب
من حبيت جلال كلت حباب وشوفي صار

نبأ... لا عزه محمد مو حباب هههههه
رونق... ههههههه

نبأ... جلال ديدك عليه
الو هلو جلال
نبأ انطيني رونق

ررونق... اشرت براسي ماريد

نبأ... جلال متقبل تحجي وياج
جلال ... فتحي سبيكر
نبأ... اوكي فتحت
جلال... ورب الكعبه وحق من انزل القران ماشاك بيج ولا عمري حشك بيج ودين محمد احبج انه مارايد شي منج لا تحرميني منج
رونقتي لاتلزميني من ايدي التوجعني اعرف اذيتج بكلامي اذيتج من مديت ايدي عليج بس ماجنت اشوف بوكتها من النار البيه

رونق... اسمع كلامه واني بس دموعي تنزل

جلال ... رونق كليلي شون اصرف واني اشوف صوره حبيبتي عد ابن عمي ويتباه بيها
رونق... جلال عوفني الله يخليك والله اني مافيدك يوميه حيطلع سالفه جديد عليه انمار 
جلال... انه مو ابن ابوي اذا ماعدمه العافيه اذا جاب طاريجج  بس كلشي ولا تكليلي اعوفج  ولج رحت سحلته سحل وتليفونه كسرته على راسه

رونق... ظليت اشهك وابجي
جلال ... لا تبجين اروح فدوه لكل دمعه تنزل كافي والله احبج
رونق... والله اني هم احبك بس ماريد تتاذه بسببي
جلال ... اتاذه اذا تركتيني  كافي تبجين

رونق... انت وين
جلال ... اني يم بابكم واكف
رونق... ادخل جوه
جلال... ماشي فتحي جهازج  لا تحرميني منج
رونق... ميخالف بس ادخل جوه

نبأ... عزه بعينج ولج شمسويه بااخويه ولج صوته يرجف
رونق... والله ممسويه شي
نبأ... تعالي هنا شو ماكلتلي مد ايده عليج
رونق.... عادي جرح الكلام يوجع اكثر من الضرب
نبأ... والله لحد الان مامصدكه السمعته جلال يحجي هيج
عزه لو مسجله صوته واكوم اهدد بي
رونق... شكد مكروه ابتعدي عني  خل افتح جهازي
نبأ... اي عيني هسه جنتي تعوين

غرام ... عدت ايام بمره جنا كاعدين بالمرجوحه اني ونبأ ورونق وعمي جان ديشتغل بالحديقه لان كلش يحب الحديقه هو دكلب بالتراب
ظليت صافنه عالتراب ماعرف ليش اشتهيته ادري شي غريب بس والله اشتهيته
كتله اكلج رونق

رونق... ها
غرام ... شون طعمه التراب
رونق... شمدريني كلولج عليه دوده الارض
غرام ... لا يعني مالح لو شون طعمه
رونق... شمدريني روحي ذوقي
غرام ... ظليت كاعده استحيت اكوم وحتى اتعجبت على نفسي شنو سالفه دنت نفسي على تراب خرب
دخلنا فاني جنت كاعده بصف اسد وهو شعل جكاره اني ماحب ريحه الجكاير بس من شعلها عيني كمت استنشق الدخان حتى اسد انتبه
كلي شبيج
كتله ريحتها طيبه
صعدت فوك واني الوب اشتهيت تراب
نزلت وطلعت للكراج كعدت بالكاع اخذت شويه من باصبعي خليته بحلكي جان اسمع واحد يصيح

فهد... خرب عشيرتج ولج كمتي تاكلين تراب
غرام ... كمت بسرعه اني اشوف فهد عاقج وجهه لعبانه نفسه كتله فهد شبيك شنو اكل تراب
فهد ... ولج انه شفتج اكلتي تراب
غرام ... لا مكلت عفته ودخلت رحت كعدت بصف اسد دخل فهد كعد مقابيلي وهيج كاشه نفسه مني شكله يخرب ضحك
فااسد كام كال حروح للاسوق داشتري جكاير اجيبلج شي
فهد من يمه كله فد كيلوين تراب بدهن الحر

اسد .. شنو
غرام ... اني اباع على فهد واعض بشفتي بمعنى لتحجي بس هو مايسكت
فهد... يابه شفته تاكل تراب من الحديقه
غرام ... اني هنا ماعرف شسوي ظليت مدنجه راسي بس سمعت اسد طكه بضحكه كله

اسد... وانت شعليك عافه وطلع بالليل
اني جنت كاعده عالجربايه وملازمي يمي وكاعده اقره دخل اسد جايب شغلات كومه ويه حلويات
كعد يمي واني جنت مندمجه بالقرايه ظل يلعب بكصيبتي
كلي

اسد... شنو سالفه التراب
غرام ... رفعت راسي عليه كتله اسد والله اشتهيته
اسد... ههههههههههههه ولج بويه اكو وحده تشتهي تراب
غرام ... والله اكلك ردت اضوك طعمه بس حظي جاب فهد وشافني
اسد.... ههههههههه غير دكليلي جان جبتلج حفنه واني صاعد
غرام ... اسد كافي تضحك شفته شغل جكاره واني يمه ريحتها شون طيبه اغمض عيوني واشم

تركررت هاي الحاله عندي احب اشياء اصلا لاعالبال ولا عالخاطر شغلات كلش تافه
بالكليه جنت مداومه فتت من يم الكافتريه فشميت ريحت بركر يابه شون لعبت نفسي ردت اذب من راسي
رجعت للبيت كاره كلشي حتى ماكلت اسد جان بدوام وثاني يوم نزلته

مداومت بقيت بالبيت بس عمتي سوي اكله بيها لحم اني نفسي تلعب كلش
عمتي انتبهت عليه كالت شبيج وجهج اصفر كتلها عمه ريحه مطيبه جانت سوي كباب طاوه

هي كالت ليش عمه والله تخبل ريحته
كتله لاايع بعد ماتحمل بسرعه طلعت صعدت فوك اشم هدومي كله ريحه بسرعه بدلت ورحت رشيت عطر
شبيه خرب شديصير بيه

بالليل دانام اسد كلي شبيج صاير اكلج قليل
كتله مادري اسد يمكن حصير فلاونزا شو تعبانه ومالي نفس اكل
تقرب عليه لزم كصتي كال ماعندج حراره
كتله لايمكن داخليه نومني على ايده وظل يمسح بظهري ويبوس براسي

ثاني يوم بالكليه داسولف لصديقتي على اعرضي كالت يولي خاف حامل شهكت كتله لا احنا ماجلين هذا الموضوع هسه ومريد كالت ولج اختي هم جانت مثلج خوبن اختي كامت تاكل صابون وتالي طلعت حامل

كتلها لا اني مو حامل كالت شوكت اخر مره جتج كتلها عادي بموعدها تجي ممتاخره صراحه خفت اكللها متاخره ماعرف ليش
رجعت بطريق اسد كلي شبيج انتي وجهج اصفر مريضه اخذج للدكتور
كتله لا ماكو شي رجعت للبيت صعدت بدلت ومددت اجه اسد مدد يمي ظل يلعب بشعري كلي
اسد.... شبيج حبيبي ذبلانه هيج

غرام ... اسد يمكن اني حامل ماشوف الا اسد كمز من مكانه

اسد... شون حامل يعني شون عرفتي

غرام ... اهدء شبيك فضحتنا داكلك يمكن يعني هواي سوالف دصير عندي
اسد... كومي اوديج تحللين
غرام ... هههههه شبيك حبيبي عبالك ممصدك
اسد ... كومي نتاكد
غرام ... عزه مابيه حيل هسه راجعه من دوام
اسد... كومي لاضوجيني كومي ياعيني
غرام ... شبيك مو جنت دكلي ماريد وكملي دراستج
اسد... ولج هذا حجي ولج ماصدك يصير طفل منج كومي يله
غرام ... كمت واني خربانه ضحك بدلت ونزلنا امه كلتله وين كلها هسه رايحين للصيدليه
طلعنا ورحنا اكو مختبر يمنا جانت بالربعه
رحنا يم المختبر جان هسه مفتح دخلنا ماكو احد البنيه اخذتلي تحليل وكالت خمس دقايق
رحنا كعدنا بالانتظار واني كاعده واباوع على اسد شون متوتر ويهز برجله
صاحت عليه رحت عليها كالت مبروك حامل
شعور كلش غريب نداريت على اسد بسرعه شفت ابتسامته ونظرته الي
طلعنا اني وياه ولا واحد يحجي اني امشي بشارع واضحك وهو يباع عليه ومبتسم ركبت بسياره
كلتله اسد شبيك

اسد...ولج حيصر عندي طفل
غرام ... ههههه عزه اسد والله مامصدكه اباوع على بطني كتله هسه شنو يعني بطني نونو

رجعنا للبيت بس الطريق كله اسد لازم ايدي وكلسع يبوسها صح جنا متفقين مريد طفل وعود ماخذين احتياطاتنا بس من صار شعور كلش حلو والحمدلله
وماجنت متوقعه هيج اسد يفرح

دخلنا للبيت لكيت الكل مجمعين حتى امي ورونق جانو ديشربون جاي العصريه
اسد وكف بنصهم كللهم ياقوم حصير اب
الكل ظل يباع علينا عمتي بسرعه هلهلت البنات جوي ركض عليه يباركولي امي عيونها مدمعه
هذا اليوم هو احلا يوم بحياتي
كل يوم يمر عليه واني ويه اسد جنت اكول عليه هذا احلا يوم حياتنا متخلى من مشاكل واحداث لكن بحبنا نكدر نعدي ونستمر

رونق وجلال ... قصتهم مانتهت لان الحب ماينتهي ولا تنتهي مشاكله
محمد ونبأ... عصافير الحب حبهم يوم بعد يوم يزيد ومتخلى حياتهم من الغيره

لكل شخص بينا قصه ولكل واحد من عدنا احداثه تختلف قصصنا منتهت مكمله ويجوز يجي يوم ونرجع نحجيها
الجزء الثاني 👇🏻👇🏻👇🏻 نزل كملوها للقصه

شكرا لكل شخص حب وتعلق بالقصه الكل مرايد تنتهي القصه بس حبيت انهيها حتى لا تملون منها هواي تفاصيل بس حبيت اختصر الاحداث
يجوز يجي يوم ونرجع نكملها
شكرا لكل شخص جان ويانه من بدايه القصه لحد هذا اليوم
انتظرووررا قصتنا الجديده
احبكم ❤️
سوزان ليث