رواية حب جنوني الفصل الخامس وخمسون 55 - بقلم سوزان ليث

سمعت صوت اسد يصعد الدرج ويغني اني بطني كامت تلويني بزايد
فتح الباب واول مفات كال واخيرررررا
اني باوعت عليه ماعرف ليش حصرتني البجيه بس هو بسرعه اجه كعد يمي كلي شونج
اني هزيت راسي زينه
تقرب عليه كال شون افتح هذا مضوجتج عالطرحه
كتله ماشات وكفت عالمرايا وكمت افتح بالماشات والماكدرت عليهن هو وخرهن وكعت الطرحه ظل يباع عليه كتله شكو كال هذا شعرج جم ماشه بي
اني ضحكت كتله والله كومه خلت بي
اسد.... اليوم صباحي ان شاءالله
غرام ... ههههههه عفيه اريد ادخل اسبح
اسد... اي حبيبي دخلي بحمام الهنا واني حنزل جوه
غرام ...اوكي بس افتحلي البدله ظل يفتح بالحبال مال البدله كال خرب يومه منو هيج ضابها اني ضحكت اذكرت كلام خالتي بدت البدله ترخى اني كتله كافي اني اكمل
هو ضحك كال شبيج تستحين مني كتله اي كال ماشي حنزل جوه اسبح واتوضى مو تنسين توضي هزيت راسي اي
طلع واني بدلت ورحت سبحت جسمي وطلعت لكيته بعده مصاعد  لابست بسرعه قميص النوم المحضريلياه تسريحتي  بعدها  جهزت نفسي وركض لابست زي الصلاه وكعدت انتظره هو دخل شافني كال ها حجيه
ضحكني جان شكلي يضحك كتله دانتضر حتى نصلي سوه
هو اجه فرش سجاده الصلاه الي واله وصلينا اني وياه كملت كمت هو ظل يدعي اني نزعت ملابس الصلاه عدلت نفسي  وكعدت عاقله هو كام صفط السجاده وظل يتحرك منا ومنا وعيونه عليه راح مشط شعره الغرفه مليانه بعطره اجه عليه يمشي وايده بجيبه كعد  يمي كلي الله بالخير
كتله الله بالخير شونج زينه
ظل يمشي ايده على رجلي واني مشنجه وكلسع اوخر ايده ويرجع يلزمني من غيرمكان تقرب الي وصار يبوسني ابتعد عنه كتله اوكف داحجيلك اليوم صار بصالون طبعا بس ردت اضيع وقت هو ظل يباوع عليه واني كمت اخرط بالحجي ماعرف اجيب منا اودي هناك هو صافن عليه بالاخير كلي ترى هي براسج براسج كتله شنيه كلي الي دتهربين منها
باوعت عليه عزه شون كشفني ظليت اضحك كتله منعسانه اني خل ننزل جوه
كال شعدنا جوه وهو ايده على الروب ينزع بيه
كتله نتفرج فلم شي شعدنا من هسه نايمين هو ظل يباع بعيوني سكت كال تعالي افتح شعرج
اني كيفت كتله اي ظل يجر بالماشات كومه كومه بالاخير نزل شعري كله باوعت عالجربايه سياره  حمل ماشات جانت بشعري كتله عزه واني اكول شبي راسي ثكيل
هو ظل يلعب بشعري ويتقرب زايد ظل يبوسني بكل هدوء ويسولف كلمات الغزل صرت اباع بعيونه واحس نفسي تهت بي ووووووووووووووووو 💪🏻

ظلمه وبدت تبرد......
والوضع يصعب....
واحدنا على الاخر لو بعد  يقرب .....
وغرفه معطره واثنين مستحيين ....
وعطشت حيل مدري لشوفتي للماي....
ومن ريجي بقت تشرب....
عليش مقيده بثوب يابت روحي ....
يالتعرفين من نكشر الرمان مايخرب.....
على حروره شبكتي امدح وياج...
جا هو النخل ممنون لوما الشمس مارطب ....

يااول شيبه من عدج وياول ضحكه من عدج ....
يامستحيه شحلات المغرب بخدج....
استخف من اوصل لحضنج ....
ياكيمر عرب يا طعمج.....
اهلج لما يجوعون يتريكون من خدج ......

فتحت عيوني دنيا  الصبح اول مافتحت عيوني حسيت شعور غريب كمت اتلفت بالغرفه منا ومنا باوعت اسد نايم بصفي احساس غريب شخص نايم بصفج وتليفوني  بس يدك اهتزاز
باوعت لكيت رونق دازتلي كومه رسايل
دزيتله هلو
بسرعه جاوبتني صح النوم
كتلها عزه ساعه ب 11 ولا حسيت كالت اكيد عيوني متحسين لازم البارحه سهرانه كتلها اي كالت يله اني وامي مبدلين وكاعدين شوكت تكعدون ريد نجيب الريوك كتله اي تعالو كالت اوكي حبي شويه ونجيكم

باوعت اسد كعدته بس يسوي مممم يمعود كوم امي حتجي  فتح تك عين وابتسم كلي صباح الخير ياحلو
غرام ... صباح النور حبيبي  يله كوم امي حتجي جيب ريوك
اسد... اي

كمت بسرعه اني رحت غسلت ورجعت للغرفه ركض طلعت كلابيه لابستها خليت مكياج سريع وهو صافن عليه كتله عزه كوم امي حتجي كلي اي شبيج
دك الجرس اني كمت دافتح الباب جان ينضرب اصبعي عااا رجعت كعدت افرك بصبعي هو بسرعه اجه لزم رجلي كلي على كيفج ياعيني شبيج مستعجله
اني كتله مابيه شي كمت كتله حنزل الحكني
نزلت اني اعرج اصبعي يوجعني طلعت فتحتلهم الباب وفاتو امي ورونق
امي ظلت تبوس بيها وحاضنتني ورونق دكلي بارحه نمت مرتاحه لان انتي ماكو
دخلو جوه جايبين غراض كومه خلوها عالميز شويه ودك الجرس طلعت رونق فتحتها دخلو ام اسد وجده حكمه وعمتي
بين مداسلم عليهم نزل اسد كامو يهلهلون من نزل هو سلم عليهم
فااسد باوع عليه كلي كومي سوي الريوك حتى يتريكون ويانه فاني كمت شويه اعرج من وره اصبعي جده حكمه بسرعه كالت ولك اسد سويت بالبنيه شو تعرج
كلها شسويلها غير ماتكعد راحه بس تكمز اني باوعت عليه فاتحه حلكي عزه بعيني
عفته ورحت للمطبخ لحكتني رونق ورايه تفتر مثل الذبانه سويتوا البارحه وسويتوا خبلتني وليش تعرجين  اذاج سكتت من دخلت امي لازمتني بدالها ها بشري شنو الاخبار اني ضحكت كتلها امي كافي استحي
عاد هي هلهلت  اني ظليت اباع عليها بكلبي اكول خرب شون فضيحه يعني البارحه الكل يعرف جنا نسوي 
حضرت الريوك امي مابقيه شي مجايبته كعدنا ناكل فاني كعدت بصف اسد  جده حكمه سولف على العرس وناس ومواضيع عامه
شويه وراحو اني بقيت الملم اماعين الريوك ماشوف الا ايد حاوطتني وتبوس بركبتي
نداريت عليه حاوطت ركبته كلي تعالي عندي موضوع وياج ويأشر بجواجبه لفوك
كتله لا شكرا اعرف مواضيعك
هو ضحك ظل يباع بعيوني ويلعب بشعري كال شكد احبج اني
كتله مو بكدي  البارحه نمتي زين
ماكدرت انام الا دخلت سبحت
حسيت عليج ماكو الفجر
اي سبحت ونمت
نمتي بحضني
هههههه اي شمدريك
حسيت عليج فتحتي ايدي ونمتي
اي اعرف انت كاعد جنت
شون بله عرفتي
رموشك ترمش وانت نايم
ههههههه يالوتيه

هو يحجي ويبوس بيه واخذني فوك وووووووووو💪🏻

عدت ايام ورجعو بيت عمو للبيت طبعا اني مجنت مستحيه عادي اصلا محاسه مزوجه بس من ادخل لغرفتي ورونق اصلا كل الوقت يمنا امي تجي وتروح   اسد ماطلع من البيت من زوجنا بكل مكان يريد حضن وبوس هالانسان عنده طاقه بهاي سوالف ماتخلص
اجتي يوم سبعه فاني كاعده من صبح كمت سبحت ونزلنا اني واسد تريكنا ورحت للصالون اني والبنات
ماسويت شي اوفر تسريحه بسيطه ومكياج خفيف
رجعت جانت دنيا ظهر صعدت فوك ارتاح لان بعد وكت ابدل دخلن البنات يمي كعدن يسولفن دخل اسد ظل يروح منا ويجي منا ويفتح بالكنتور ويسده عرفته يريد يحاجيني فاني كتله محتاج شي هو رفع راسه كال اي اريد ابدل
عاد البنات بسرعه طلعن هو تقرب عليه وظل يبوس ويكلي اشتاقيتلج من صبح ماكو يمي كتله اسد مكياجي حيخرب
كال خل يخرب  ظل يبوس بالاخير ندكت الباب وكمزت اني فتحتها شفتها نبأ كالت امي دكول تعالو تغدو
كتله اي نداريت على اسد كتله يله نتغده ونزلت بسرعه كعدت اني وتسريحتي عالغده فهد مقابيلي
رفع راسه ونزله رد رفعه عرفته يريد يصنف
كلي هاي جم طابق
كتله شنو كال هالعماره وياشر على شعري كتله خمسه بعينك

تغدينا وصعدت ابدل فاني عندي فستان محضرته للسبعه
بدلت واسد ماكو وكفت داعدل نفسي دخل اسد طبعا مسوي نفسه زعلان عود
اني كملت ورشيت عطر هو يحبه رحت وكفت مقابيله كتله شنو رائيك باوع عليه من فوك ليجوه ودار وجهه رحت كعد بحضنه كتله شبي الحلو زعلان
كال كومي لا مكياجج يتخربط عود يصنف
كتله فدوه الك حبيبي مكياجي وتسريحتي واني وعشيرتي
ظل ساكت واني العب بشعره
كال تعرفين اجازتي حتخلص
كتله لا شبسرعه
كال مضل شي كتله يعني حتعوفني وحدي  ظل ساكت كتله اروح بيتنا اني ماكدر انام وحدي هنا
صعد راسه باوع عليه انطيته ابتسامه البرائه كال لازم تتعلمين شون كل ماروح للدوام انتي تروحين لاهلج
كتله اسد والله اخاف انام وحدي كل عمري انام ويه رونق واجيت هنا انت يمي
كلي اي تعلمي هي بالبدايه صعبه بعدين تتعلمين ظليت ساكته
كتله يله كوم اسبح حيجون الناس
كال اني شعليه هي سبعه للنسوان اني شلي شغل بيها
كتله والله لعد وين حتروح كال حروح بيت جدي
كمت من يمه كتله اوكي اني حنزل ملابسك محضرتهن الك هز راسه اني عفته ونزلت جانن عماتي جايات
كعدت يمهن اسولف واضحك شويه ونزل اسد سلم على العمات وطلع
وبدت الناس تجي وشغلو اغاني والبنات يركصن كوموني بالبدايه لا ماريد تعبانه بعدين اني صرت بنص وهز هز هز
تونسنا كلش خلصت السبعه وناس راحت
اسد بعد مراجع اني صعدت دخلت سبحت وطلعت وكفت اجفف شعري دخل اسد
كال ها الله يساعدهم خلصت حفلتج
كتله اي خلصت ندار عالغرفه شافها مليانه هدايه عالجربايه وبالكاع وعالميز
اسد ...شنو هاي عالم الهدايه الداخل بي
غرام ....هههههه شفت كلها هدايه
راح كعد عالجربايه جر هديه ظل يهز هز بيها كال هاي كلاصات كتله شمدريك كال مبين من الخرخشه
رحت كعدت يمه فتحها طلع صدك كلاصات
ظلينا نفتح بالهدايه كومه شغلات جايبينا
الغرفه صار عباره عن جلادات وهدايه
راح هو يريد يسبح اني عدلت الغرفه وعطرتها ولابست قميص نوم وكعدت عالجربايه العب بتليفون هو دخل لاف المنشفه على خصره باوع عليه ودار راسه بدل وراح غسل بالعطر واجه كعد يمي لازم التليفون
باوعت عليه بكلبي كلت شبي اليوم شو مطنكر رحت يمه كتله شبيك كال تعبان كتله صدك عبالي نسهر اليوم
باوع عليه ورد باوع عالتليفون
كتله اسد شبيك حبيبي
اسد...غرام اذا احجي مازعلين
غرام ... لا مازعل
اسد... غرام هسه اني وياج مزوجين يعني مو مثل قبل مخطوبين يعني قبل جنتي براحتج تجين يمي تروحين تستحين مني عادي بس هسه شغلات اختلفت
يعني من شوفيني اني بالغرفه مو تعوفيني وتنزلين من شوفيني اريد ادخل اسبح تبقين تنتظريني لحد ماطلع شوفيني شمحتاج
غرام ... بس اني حضرت ملابسك ونزلت
اسد... اني احب تبقين يمي لحد ماكمل
غرام ... مممم اوكي وبعد شنو تحب
اسد... احبج انتي لاضلين مستحيه مني لحد اليوم تستحين تبدلين كدامي
اسد هي فترة واتعلم
ماشي نشوف وانتي شنو التحبي ومتحبيه احجيلي
غرام ... اسد اني كلشي احب بيك اصلا انت حافظ الي احبه والي اكره
اسد... ليش احس ضوجين من اتقرب يمج
غرام ... عزه اني رحت نمت على صدوه كتله اسد اموت على قربك انت شدكول باس راسي
اسد... تحبيني
غرام ... اموت عليك
وظلينا نسولف ظل يلعب بشعري جبناها من جنا صغار لحد ماكبرنا

نبأ... اني بعد ماحجيت ويه محمد ابد بيوم السبعه جنت لابسه فستان عدل ومسويه شعري ذيل عصان عالي ومكياج جنت اركص وكل ماندار اشوف ام محمد تباع عليه وابتسم بوجهه خلصت السبعه
نظفنا وكملنا وصعدت سبحت ومددت جنت الكلب بتليفون اجاني مسج من محمد كلت شعجب كاتب 📱امي جابتلي عروسه اليوم

اني عدلت نفسي دزيتله📱منو هي سعيده الحظ
دزلي 📱وحده اسمها نبأ بس اني اصيحلها نونو

اني كلبي دك دك دك دك الابتسامه رسمت على وجهي
ماعرف شدز
دزيت 📱 وانت شكتلها
دزلي 📱شكللها واني كتلها عليها
دزيتله 📱ومنو كال هي تقبل
دزلي 📱تقبل غير اكسر راسها اذا كالت لا
دزيتله 📱تحلم
دزلي 📱نشوف

وره جم يوم جنت اقره اجتي غرام عليه كالت ولج كومي كومي
كتلها شكو كالت ام محمد جوه
طبعا اني ظليت صافنه
كالت ولج كومي عمه كلتلي كولي لنبأ تبدل وتنزل
اني كمت كتله غرام هذا المخبل سواها
كالت ديله طلعت ملابس لابست ونزلت اني وغرام جان ام محمد واخته الجبيره وياها اني دخلت سلمت عليهم وكعدت بصف غرام
ظلو يسولفون
بعدين ام محمد باوعت عليه كالت لامي احنا اليوم جاييكم عدنا امانه عدكم
اني هي حجت هيج احس اطراف صار بيها شلل
رجعت حجت جايه اطلب هالحلوهزوتاشر عليه لوليدي محمد
امي ضحكت وباوعت عليه اني ظليت منزله راسي وغرام تكرص بيه
امي كلتلها والله ياام محمد مالكه احسن من محمد بس لازم اكول لابوها
عاد عمتي كالت عوفي ابوها الحجي يحجي وياه
بس ترى هالمره محمد طلبها بالسانه
امي ضحكت كالت ونعم من محمد

كامت غرام اني كمت وياها اريد اختفي رحت للمطبخ كمت اكمز اني وغرام عااا ممصدكه
احلا شعور من الي جنتي تحلمين بي يصير الج
بالليل جنا نتعشى
ابويه كال اليوم الحجي كلي طالبين نبأ لمحمد
جلال وفهد صعدو راسهم يباعون على ابويه ويباعون عليه اني وجهي ظل بالماعون استحي اباع عليهم
فهد كله اي يابه وشكتله ابويه كله ماكو احسن من محمد خوش ولد وتربيتنا
جلال كله والله محمد ماكو احسن منه

اسد جان بالدوام مو هنا عاد ابويه كال خل يرجع اسد ونشوف شيكول

اني دكات كلبي يمكن الكل صار يسمعها
وره العشه امي صاحت عليه عود تاخذ رائي ردت اكلها موافقه بعلو صوتي بس كلت عيب اسوي نفسي ثكيله
كتله امي بكيفكم امي ظلت تحمد بمحمد وسولف بااهله

صعدت من الفرحه ماشتهي اكل كعدت فاتحه الكتاب والضحكه منا لهنا
اجتي غرام يمي كالت خابرت اسد وكلتله على محمد كتلها اي شكال كالت مكال شي كال يصير خير
كتلها يعني قابل لو لا كالت اي شكله قابل

طبعا كل هذا اني ومحمد ممراسلني ولا اني راستله استحي منه
اجه اسد وابويه كله اسد وافق وكلهم انطوهم خبر موافقين
بيوم الي امي خابرت ام محمد كلتلها موافقين

بيومها دزلي مسج📱(لو أنك بقربي الان لاهديتك عناقاً يجعلك لاتفرق بين نبضي ونبضُك)

ظليت اقره بالمسج اكثر من مره وممصدكه
دزيتله 📱 انت الهواء الذي بدونه افقد الحياة
رجع دكلي بس مجاوبته عاد هسه شيخلصني من لسانه ورجع دك هم مجاوبت
عافني
حددو كعده وره اسبوع من انتشر الخبر بين عمامي هاله دكت عليه بس مجاوبتها
رجعت دزت مسج شتائم عليه وانتي خطافه وتاخذين فضالتي كومه حجي
رجعت دزيت المسج لمحمد كتبتله هذا هاله دزته
خابرني ظل يكلي عوفيها ومعليج بيها هاي من غيرتها ومن هالسوالف
بيوم
الخطوبه رحت اني وغرام للصالون سويت مكياج وتسريحه بسيطه
رجعت البيت هوسه الكل عماتي بي وزوجات عمامي وبكل صلافه هاله جايه وشلابسه لبس يخزي
اني صعدت لابست فستاني اوف وايت المحضرته  وكعدت بالغرفه ماريد انزل  هاله كلش ضوجني وجودها
ظليت كاعده لحد ما رونق كالت يله تعالي نزلت الكل جان جاي ظلو يسولفون وهاله تباع عليه وخازرتني
شويه وكالو قرو الفاتحه الكل صار يهلهل واني كلبي يدك سريع
صاحوني حتى اكطع مهر
كملنا عقد ورجعت كعدت الكل جان يهلهل كالو حيدخل محمد اني هنا حسيت بروده في اطرافي 
دخل جان لابس قاط رصاصي طالع يجنن وبيده بوكيه ورد يجنن
وصل يمي نطانياه وباسني من راسي وكعدنا وظلو عماتي يصفكن ويركصن
همس باذني  كل هالجمال اليه

اني كلبي تقلص حسيته ورجع كمل دك من الفرحه ظليت بس مبتسمه لابسنا الحلقات وجايبلي كلاده ديلبسنياها همس باذني احبج
اني بسرعه باوعت عليه ظل يباع بعيوني ومبتسم
نزلت راسي لان ممصدك اسمعها منه اول مره يكولها
ظل كاعد يمي وكلسع اباوع عليه مثل الممصدكه الي ديصير
اجتي هاله دنجت بوستني جان دكول عود اخذتي مني بس ترى مرده الي
اني ظليت اباوع عليها عافتنا ورجعت لمكانها ظل محمد يباع عليه ويكلي شكلتلج هزيت راسي ماكو شي
جنت ناويه ماضوجها بس من حجت ويايه هيج
شلت التيفون وظليت اخذ وياه سلفي رحنا للاستقبال البنات ظلو ياخذونا صور
اجتي اخته لامحمد كلتلها دعوفوهم شويه وحدهم
عاد طلعو وبقينا اني وياه
ظليت كاعده ومنزله راسي هو اجه كعد يمي
محمد ... شبيج حبيبي
نبأ.... ماكو شي
محمد... ماريد شي يضوجج
نبأ... مضايجه بالعكس فرحانه
ظل يباع عليه ويتلمس وجهي بكل هدوء كال
محمد... صرتي مرتي
نبأ... ظليت مبتسمه اله
محمد... احبج
نبأ... باوعت بعيونه كتله اموت عليك  هو ابتسم وقرب وجهه ظل يبوسني بوسات هادئه بخدي اني جنت ارجف واني بين احضانه شعور غريب وحلو بنفس الوقت
رجع نزل على ركبتي وصار يطبع بيها بوسات الي تخليني اخدر
رجع لزمني من خصري وقربني اله وصار قبلاته لشفتي بهدوء لحد ما حسيت لمساته صار جريئه ويبوس بيه دفعته كتله محمد لحد يدخل علينا
هو كعد عدل نفس واني كعدت كمت اعدل بنفسي باوع عليه كتله حمرتي راحت

محمد...هههههه مبقى اي اثر منها
نبأ... عزه بعيني شون حطلع هسه اني
محمد... هههههه هسه قابل اني وياج وحدنا كاعدين شدنسوي الكل يعرف اريد ابوسج
نبأ... عزه عزه كمت منه وكفت كتله محمد انت متفق ويه اختك مو
محمد... ههههههه لعد شون اضوك ذني الصار شهور واني ذايب بيهن

نبأ  .... ظليت مبتسمه اله رحت كعدت يمه كتله محمد هاله كالتلي هيج وهيج
هو عقج حواجبه كال
محمد... معليج بيها خل تولي اني لو اريدها جان رجعتلها لتنقهرين منها اني اصرف وياها
تغار لان انتي  الي بكلبي هسه

نبأ.... من شوكت بكلبك اني
محمد... يووو من زمان من جنا نحجي واني وياج واني ماعرفج
نبأ..... اكو واحد يحب شخص مشايفه
محمد... اي حبيت خوفج عليه سؤالج عليه كلامج شقاج كلشي حبيته بيج ومن عرفت بيج انتي نبأ متعرفين صرت كل شويه اتخيلج يمي
بس انتي كظيتيها عليه صديق وصديق
نبأ.... هههههههه جنت اشوفها حجه حتى احجي وياك
محمد... بس تخلصين امتحاناتج نزوج
نبأ... شبسرعه
محمد... ترى هسه اخذج ويايه
نبأ... هههههه لاوالله ظل لازم ايديه ويلعب بصابعي ويسولف دكت الباب اني ابتعدت عنه فتحت الباب رونق كالت نبأ عمه دكول طلعو
اني رحت يمها كتلها جيبيلي حمره راحت جابتلي حمره عدلت حمرتي وهي واكفه خازرتني كتلها شبيج
كالت وين راحت حمرتج
كتله طارت هههههه
كالت شكد اكرهكم عافتني وطلعت نداريت على محمد كتله يله نطلع اجه يمي باسني من خدي وطلعنا اني وياه هو لازمني من ايدي وطبينا عليهم  ماكو احد غريب الكل عماتي
شويه ودخل اسد علينا اني بسرعه هديت ايد محمد مدري ليش خفت من اسد هو اجه بوسني وباركلي ورد بارك لمحمد كله كافي لزكت شوكت تروح لبيتكم
محمد كله اليوم ابات يمكم
اسد ضحك وطلع
انتهت الحفله والكل راح بس محمد بقى يمنا اني صعد نزعت الفستان لابست كلابيه كلش حلوه
نزلت شفت الولد كاعدين يم محمد اني دخلت الولد كامو باركولي فاني داطلع اسد صاح نبأ هذا المن باقي تعالي
اني استحيت كتله اي هسه عفتهم وطلعت للمطبخ كعدت يم البنات

غرام ... صار وكت دوام اسد لازم باجر يلتحق اني ظليت قبلها كلش ضايجه لا ن حيلتحق هو ظل يشاقه ويايه بالليل  دخل يسبح اني حضرتله جنطته هو طلع شافني داحضر جنطه اجه عليه باس ايدي
وظل حاضني بالليل
نومني على ايده ظليت حاضنته تعلمت عليه موجود ماعرف شون هيج حبقى وحدي
صبح كعدت من الفجر كمت جان بعده نايم كمت بهدوء رحت غسلت ونزلت سويتله ريوك رديت صعدت حتى اكعده شفته هسه طالع من الحمام
كلي ها وين جنتي

كتله سويتلك ريوك
اسد... ماكل من اطلع
غرام ... هاي قبل اصلا حتى سويتلك لفات للطريق
اسد... رايح سفره
غرام ... خاف جوع رحت يمه اساعده بملابسه وكفت اسد دكم قميصه هو ظل يبوسني كملت كتله اسد مو تتاخر عليه
هو ظل ساكت رجع باسني قوي كال واني اكدر
اخذ جنطه ونزلنا جوه كعد يتريك كلي  تعالي كعدي هنا وياشر على رجله رحت كعدت بحضنه هو ظل يبوس بديه سمعت عمي ديكح اني كمز من حضن اسد وهو خرب ضحك عليه اجه عمي كله ها حتروح كله اي حروح عاد  شويه وكام اني ظليت واكفه باب المطبخ هو شغل السياره تحمى واجه عليه لازمني من خصري اني حضنته كتله حشتاقلك حبيبي
هو ظل يبوس بيه بعد سلم وراح
اني دخلت عساس بنفس اليوم ابدي اداوم بس اجلتها لباجر ثاني يوم داومت وظلينا نحجي بالتليفون اني وياه وكلش اشتاقيتله كلش
وكلسع اكله دزلي صورتك
فااجه موعد نزلته اني بيومها جنت بدوام رجعت شفت سياره واكفه اني بسرعه دخلت سئلت عليه عمتي كالت فوك
اني صعدت ركض فتحت الباب هو جان دياخذ ملابس من الكنتور باوع عليه وفتح ذراعه الي اني ركض رحت حضنته حبيبي مشتاقتلك هوايه هو ظل يباع بوجهي ويبوس بيه
اسد.... ولج موبكدي بس اريد ارجع علمودج
غرام ... ظليت حاصنته كد ما مشتاقتله
اسد... شون حنظل هيج
وخرت منه دانزع الشال هو اجه حضني من وره سحبني للجربايه وووووووو💪🏻🙈

وره ايام دخل جلال عصبي ويفشر ويصيح امه ظلت كله شكو شبيك بس هو جان عصبي اول مره اشوفه هيج طب للهول اني والبنات ظلينا بالمطبخ امه دخلت وره ماعرف عياط وهو بس يفشر الطبله زجاج دفرها ونكسرت امه تريد تفتهم منه ماكو بس عياط
اجه فهد كال شكو نبأ كلتله جلال ماعرف شبي دخل فهد وجلال بعده يعيط وراها طلع جلال شافني بالمطبخ ندار عليه كلي كوليلها  لو اخر يوم بعمري اخذها
عافنا وطلع اني ظليت صافنه على نبأ اجتي عمتي كالت الولد تخبل يجي ابوه يصرف وياه
نبأ كلتله شبي
كلتله رونق ماتريده.......يتبع❤️

حبايبي باجر البارت الاخير انتظررررروااااا 🥰🥰

الشعر للشاعر علي المنصوري ( ليله حمراء )

ووومبروك الكل الناجحين  انشاءالله الموفقيه والنجاح الدائم ❤️❤️