رواية حب جنوني الفصل الرابع وستون 64 - بقلم سوزان ليث

غرام... كعدت صبح على بجي جمال يريد يشرب حليب باوعت لمكان اسد فارغ تعلمت ابقى دايما وحدي خاصه بعد ما ولدت جمال حضرتله الرضعه وكعدت اشربه رجع نام جانت ساعه سته وربع كلت مابيها مجال ارجع انام لازم اكوم اتحضر للدوام
طلعت غسلت ورجعت اشوف شنو البس شفت تليفوني يهتز باوعته شفت رونق طلعت بره الغرفه وجاوبتها حتى ليكعد جمال

غرام...الو ...
رونق...الو غرام كاعده
غرام....اي شكو
رونق....اكلج خاف جلال يحجي وياج حتى تحجين ويه امي على زواجنا كليله امي قافله تريد عالاقل رونق صير ثاني ثالث كليه يله
غرام....اهووو شبي خبصنا بس يريد يزوج

رونق... كلش ديلح وتعرفين جلال اذا حط شي براسه واني ماريد سالفه توصل لجدي وهو البارحه بالليل كلي باجر اكول لغرام هم تحجي بالموضوع

غرام ....اذا على جدي بوده يزوجكم اليوم قبل باجر ميخالف اذا فتح الموضوع اكوله هيج

رونق .... بعدج زعلانه من اسد

غرام .... صاير الزعل شي عادي بينا

رونق ... ميخالف حبيبتي تعرفين اسد من يعصب ابوه ميعرفه

غرام ... يله ماشي خل اروح اكمل تبديل

رونق .... ماشي يله باي

غرام... رجعت لغرفتي اكمل حتى اروح للدوام شويه واجاني مسج فتحت لكيت اسد كاتب (احبج)
تركت التليفون وجهزت للدوام تقربت على جمال

ظليت ابوسه من ايده عفته ونزلت سلمت على عمه وطلعت للخط
جمال يبقى يم عمتي وشويه يم امي لحد مارجع
دوامي جان عادي محاظرات هواي ومواد صعبه مالحك اقره حتى اذا عدي فراغ بين محاضرات اكعد استغلها اقره
اريد بس اخلص لان تعبت كلش وويوميه اكعد اكول استعجلت وزوجت بس من اشوف جمال انسى الدنيا

علاقتنا اني واسد صارت بارده كلش حتى مشاكل صارت هواي على اتفه الاسباب مشكله اني صرت مو مثل قبل اكعد ابرر واحجي واتناقش وتطلع روحي لحد مااثبت وجهه نظري هسه صرت اريد بس تخلص مشكله حتى اخلص لاتناقش ولاحجي
ماعرف شنو سبب هذا البرود يمكن مني لان دوام وبيت وطفل يعني مداحس عدي وقت راحه ابد لو من تعامل اسد الي يريد كلشي كامل مكمل كانما مكينه اني كملت دوام محاضرات وسوالف ويه صديقاتي

رجعت من دوام شفت سياره اسد عرفت نازل دخلت للبيت واني مستغربه نفسي ليش هيج متغيره قبل بس اشوف سياره اركض ركض حتى ادخل ليش هسه الموضوع عادي عندي مع العلم صار كم يوم مشايفته لان اعرف كل اجازه تخلص بعركه

شفت عمتي بالمطبخ سلمت عليها وكلتلي جمال واسد فوك صعدت فوك فتحت الباب لكيت جمال نايم واسد مدد يكلب بتليفون اول مافتحت الباب التاف عليه وابتسم

غرام...هلو
اسد..هلوين
غرام....شوكت اجيت
ا
سد.... وره مطلعتي لدوام . حظلين واكفه يم باب

غرام.... انتبهت لنفسي كتله .. مو اتفاجئت بجيتك
توجهه عليه ونزل راسه باسني من خدي

اسد.... اشتاقيتلج . بعدج زعلانه
غرام ... اخذت تنهيده وظليت ساكته

اسد ... يايابه هاي تنهيده طالعه من كل كلبج

غرام ... ابتعدت منه كتله ... حبدل حتى انزل يم خاله اجهز الغده. لزمني من ايدي كلي ... وبعدين نظل هيج

غرام... مشيت للكنتور اخذت ملابس وطلعت للحمام
سبحت ورجعت للغرفه شفته هو راجع مدد بصف جمال وصافن بسكف اول مدخلت كال .. نعيما

غرام ... شكرا .. مشطت وكملت ونزلت جوه سويت زلاطه وايمان جانت واكفه لازمه تليفون
عمتي كالت... حروح اشوف الحجي حتى ننصب الغده

راحت عمتي اجتي ايمان كعدت يمي كالت ... غرام قصي شبيه؟
غرام ... شبيه
ايمان... يدزلج صور جمعه مباركه
غرام ... لا ليش
ايمان.... شو هذا كل جمعه دازلي جمعه مباركه واليوم ثلاثاء شو هم دازلي جمعه مباركه شبي هذا

غرام ... ههههههه صدك مطفي وانتي جاوبيه لو لا

ايمان .... لا طبعا اصلا اريد اكله لدز بعد تليفوني قبط بس جمعه مباركه

غرام .... هههههه لا عيب بس ليش بس انتي يدزلج شو ولا فديوم عبرني بجمعه

ايمان... اني ادري شبي حلمان اكو واحد يدز بيوم ثلاثاء

غرام .... داكللها خاف معجب بس سكتت كتلها مطفي هذا
عمتي دخلت للمطبخ كالت ... يله خل نصب الغده

غرام ... نصبنا الغده والكل كعد ياكل فهد مياكل مثلنا اله اكل خاص مسوي رجيم لان خطيبته كايلتله سمنان
اسد انتبه عليه ياكل بس شغلات مسلوكه كله .. بعدك مسوي رجيم !!!

فهد ... اي مبين عليه مو ؟
اسد... كلشي ممبين شو جنك سمنان
جلال ... هو يسوي رجيم بس ريوك وغده وبالعشه ينسى ابو رجيم

فهد ... اني انسى شوكت ناسيه واني وين اتعشى.

ام اسد ... يمه والله لو تبطل هالرجيم شو جنك العافيه

غرام... عمه مو لازم يوخر الكرش قبل العرس حتى القاط يطلع حلو عليه

ام اسد... والله ماسامعه رجال يسوي رجيم علمود عرسه شو البنات هنا المشلوعات كلبهن بهاسالفه

اسد.... يمه صدكتي هذا فهد وجهه مال تشريب يارجيم

فهد... مافديوم سويت شي اذا ما هبطتوا معنوياتي

غرام... معليك بيهم شبيك يغارون منك لان ماعدهم اراده للرجيم. حجيت هيج اسد باوع عليه رافعلي حواجبه عرف بسمار اله
كملنا غده وصعدت فوك جان جمال كاعد كعدت يمه ابوس بي مشتاقتله جان يسولف بس ممفهوم الي يحجيه
دخل اسد جمال شاف اسد صار يتلوكله حتى يشيله اسد كعد يمنا كله .. حبيبي انت بس انت الي بكلبي

غرام... رفعت راسي على اسد هو باوع عليه كلي ... شكو
كتله ... ماكو
اسد ....اي حبيبي ابو جوج بس انت كاعد ومتربع بكلبي

غرام .... ترى ابني يعني ماغار منه
اسد... ليش اني كتلج غيرانه

غرام ... ظليت اباوعله صفح .. جان يعدل كعدته كال
اسد ... شبيج ويايه
غرام ... مابيه
اسد ... بعدج زعلانه من الي سويته
غرام ... تعلمت على هاي تصرفات
اسد... بعد شكو لعد كالبه عليه جنت اذا ارجع للبيت عبالك عيد عندج وتعرفين من اعار اكو ماعرف شحجي
غرام.... تصرفاتك صارت تستنزف طاقتي وحبي الك
اسد ... شنو يعني بطلتي تحبيني؟
غرام .... اني عدي امتحان اريد اقره .. داكوم من جربايه لزمني من ايدي وكعدني مره ثانيه وحجه بعصبيه .... بطلتي تحبيني ؟

غرام... اسد عدي امتحان خليني اروح اقره
اسد ... متروحين لاي مكان قبل مجاوبيني
غرام ... يعني اذا كتلك لا تقتنع بيها واذا كتله اي شنو الي حيصير حتتغير وتغير تصرفاتك .. اني حجيت هيج هو ظل يباع عليه وعاقد حاجبه ظل ساكت
عفته ورحت لغرفه ايمان جانت تقرا هي متعلمه اني من يرجع اسد اروح يمها اقره لان جمال واسد ميخلوني اقره

يعني متفاجئت بيه فتحت الملزمه وسويت نفسي اقره بس اني جنت بغير عالم اذكر تصرفاته وشون تغير صار شخص شك بدمه واي شي صار كال لتخليني اكعدج من دوام قبل اذا احد سئلني وكلي متندمه عالزواج جنت اكول لا بدون تفكير هسه اذا انسئل اظل ساكته
ظليت احاول اقره
ايمان كالت . . . غرام تعرفين نبأ كابه بينها وبين محمد

غرام .... صدك ليش

ايمان .... ماعرف بس سمعت امي دكللها استهدي برحمن ولسوين مشاكل

غرام ... ليش صاير مشاكل
ا
يمان.... ماعرف امي محجتلي بس من سدته كالتلي
اختج حتموتني كل شويه مشاكل .

غرام ... هي هم الله يساعدها من طرحت وهي حالتها نفسيه كلش صايره
ايمان... اي خطيه
غرام ... الله يعوضها .
...............
رونق ... جنت كاعده يم امي وتحجي على جلال دكلي امه حجت ويايه علمود زواجكم بس اني كتلها بعد وكت همه لحكو خلي علاقل رونق صير ثالث حتى باقي تخلصه يمكم

كتلها... وهي شكالت
ام غرام... كالت والله اني وابوه هم كلناله نفس الحجي حتى ابوه كله يعني عالاقل خل يكمل اسد بيته حتى تزوج انت بس هو قافل .
رونق .... ظليت ساكته ...جلال صاير ماعده حجي بس شوكت نزوج شوكت نزوج بحيث كمت اتهرب منه من مكالماته من وره هالسالفه اني ماريد ازوج هسه اني بعدني اول وهسه اشوف دنيا ازوج واصير مثل غرام الي مرات انقهر عليها لان متلحك كلشي سوي سوك متكدر تروح
عدي خوفه اني اصلا من زواج واحس ممستعده .
صعدت فوك داقره شفت نبأ دازه مسج ..📱.. حجي لبيتنا عود تعالي .
دزيتلها ... 📱اوكي دكيلي من تجين

شويه دكت كالت تعالي لبست عباتي ونزلت كتلها لامي نبأ جايه تريدني حروح اشوف شبيها

رحت لبيت عمي غرام فتحتلي الباب .
رونق ... هلو
غرام... هلو ليش مجتي وياج امي
رونق ... مادري جيت اشوف نبأ تريدني
غرام... اي اجتي جوه

رونق ..دخلنا جوه سلمت عليهم وكعدت يم نبأ جان جلال ماكو
شونج
نبأ ... زينه
رونق ... شبيج شو زينه تطلع بالكوه
نبأ... ماكو شي
رونق ...تباتين لو ترجعين
نبأ... لا ارجع بالليل من يكمل محمد شغل يمر عليه
رونق .... تعالي نصعد فوك اشوف شبي وجهج يبجي
صعدنا فوك جانت ايمان كاعده تقرا كعدنا يمها كتلها نبأ
... شبيج ليش ضايجه
نبأ... مادري والله حتى اني ماعرف شبيه
رونق... متعاركه ويه محمد
نبأ ... لا
ايمان .... لعد شبيج مطنكره
نبأ... ام محمد صارلها اسبوعين بين يوم ويوم بس تسئلني مصار حمل ومصار حمل
رونق ... وانتي لحكتي منا طرحتي منا تريد حمل
نبأ... اي
شويه وغرام صعدت يمنا كالت شكو شبيها هاي
رونق ... مابيها سولف عمه ام محمد تسئلها عالحمل دايما

غرام ... يعني مبدئيا انتي مصارلج هواي يعني لازم شويه ترتاحين يله تفكرين بهذا شي

نبأ... همه ماعدهم هذا شي ميكلون هاي يجوز تعبانه يعني مو جسديا كد ما نفسيا ادري حدكلولي انتي مو اول وحده هيج يصير بيها والله ادري وسامعه هالحجي ١٠٠ مره بس والله مو بيدي والله يعني مرات اتخيل اني جان هسه حجيب وجان هسه احضر هواي شغلات والله كلبي يكوم يوجعني حتى محمد احسه ميحس بشنو دامر

رونق ... صدك تحجين نبأ محمد من خابر على اهلج يكللهم نبأ بالمستشفى صار عدها اسقاط تعرفين امي من رجعت من مستشفى دكلي محمد واكف على صفحه ويبجي

نبأ ... زعل بوكتها بس هسه موضوع عادي

غرام .... نبأ رياجيل مو مثل نسوان بالمشاعر البنيه بس تعرف نفسها حامل هاهيه حست صارت ام ودكوم تتعامل على هالاساس يعني هي هيج عدها فطره الله خالقها
رياجيل ترى اول مره يفرح من مرته صير حامل بس ترى ميحس هو اب لحد ميلزم طفل بيده

وبعدين اذا محمد يظل زعلان وانتي زعلانه شون حتعيشون بس زعلانين يعني لازم واحد منكم يكون اقوى حتى طلعون من هذا شي واذا على كلام عمه ترى تعرفيها هي مره جبيره وكلبها طيب يجوز تحجي هيج حتى عود تنسيج صار وانه لازم تبدين صفحه جديده.

رونق ... اي كلام غرام صحيح نبأ يعني انتي هم حاولي طلعين من هذا جو غيري شغلات منج حتى تتحسن نفسيتج

نبأ.... شسوي مثلا بس لدكلولي اصير حامل مره ثانيه لان هذا موضوع اني ماريده

رونق ... محد كلج صيري حامل بس غيري نفسج كصي شعرج صبغي شعرج طلعي اشتري ملابس جديده كولي لمحمد يسفرج لمكان غيري روتينج الي متعلمه عليه

نبأ...صايره تعرفين تفكرين

رونق ... قابل مثلج بقوقعه خل يصير عدج شويه انفتاح عالدنيا

غرام .... وانتي عساس شونج
رونق... شبيه
غرام ... جلال شبي ياهو الي يلزمه يكله احجي ويه رونق
نبأ... اي صح حتى الي هم كلي ذاك اليوم

رونق ... والله خبلني يعني عقدني نوب كل مديلح اني اقفل بزايد مظل احد محجه وياه بيني وبينكم اني اتحجج باامي اكله امي متقبل هسه لان شافت غرام شون تعبانه زواج ودوام وطفل

غرام ... احسن لتزوجين بعدج صغيره
نبأ... شوف منو تحجي
غرام.... اي والله شبينا احنا زوجنا هيج ركض بركض ليش محد مكلنا منصحنا كلنا لتزوجون
رونق. ... وانتي اذا احد ناصحج عساس جنتي محتزوجين
وانتي جنتي كاتله نفسج بس تردين تزوجيه😒

غرام ... غبيه لان والله
رونق ... اي اني ماريد اصير غبيه واكعد اكول لو ممزوجه ولو مدري شنو
غرام.... يله حروح اكمل قرايتي ... رحت لغرفتي شويه وندكت الباب مدت نبأ راسها .. غرام اريد احجي وياج بشغله ..
غرام ... تعالي .شكو صاير... اجتي نبأ كعدت يمي و مبين عليها متعرف شون تحجي سالفه كتله ... متحجين صاير
نبأ.... اكلج غرام هو عادي رجال ميتقرب لمرته ٤ اشهر وشويه
غرام.... يعني شون ميتقرب يعني قصدج علاقه صير بينهم

نبأ... هزيت راسي ب اي
غرام.... يعني اذا اكو ظروف ومشاكل عادي سالفه ليش شكو محمد ميتقربلج

نبأ.... لا مو هيج شون افهمج باعي بس يبقى بينا هذا كلام حتى رونق ماحجي كدامها هيج

غرام .... احجي عاد
نبأ... وره ماطرحت وره شهرين هيج محمد كام كل مايجي يمي اني ماقبل مالي واهس واخر مره قبل ٤ اشهر وشويه اجه يتقربلي بس بوكتها ضغطت على نفسي حتى ليضوج بس هو حس بيه وعافني من بعدها ابد متقرب

غرام.... يعني انتي وياه مزاعلين لو تحجون
نبأ... لا نحجي ونسولف وكلشي ماكو بس مثلا قبل جان يرجع من دوام يجي يحضني يبوسني هسه كلش ميقربلي اكول معقوله بطل يحبني

غرام.... لا عيني بس يجوز بزعت روحه منج هلكد ماصدين بي او يجوز منتظر انتي تبادرين بالخطوه 😉
نبأ....
اخاف
غرام.... من شنو مدكليلي
نبأ.... خاف ابادر ويفشلني

غرام..... ههههههههه لا لتخافين هالسالفه رجال ميفشل مرته
نبأ..... ظليت اباع على غرام
غرام ... شبيج تباعين هيج ممقتنعه بكلامي
نبأ... لا موهيج بس انتي كلش متغير تفكيرج
غرام..... كبرت وكمت افكر بعقلي اكثر مافكر بكلبي
نبأ.... ههههههه يوم الي ... اخذت غرام ورجعت للبنات كتلهم امشو ننزل جوه هسه امي دكول من جتي وهي فوك وسويلي سالفه ...

رونق....نزلنا جوه شفت جلال كاعد يم فهد يصلحون جهاز الخلاط
صعد راسه كلي اليوم مرتي عدنا

رونق .... اي جيت اشوف نبأ

فهد ... وهي يايوم مو عدنا
رونق ... هههه مسوي نفسك مصلح عود

فهد .... عود

رونق ... شونها شسمها😉

فهد... احسن منج

جلال ... تعالي كعدي
رونق ... لا حروح عندي قرايه
فهد .... دروحي شكد لزكه
رونق.....اني لزكه شوف اذا شفت وجهي بعد عفتهم وطلعت
سمعت جلال يصيح رونق
نداريت عليه كتله نعم

جلال ...شبيج خوما زعلتي
رونق ... هسه داحجي فهد مد راسه صاح ... هي هاي تزعل هي وله اختها .. جلال باوع على فهد وخزره عافنه وفات ندار عليه جلال كلي ... ترى تعرفيه يشاقه وياج

رونق .... منو كلك زعلانه ترى اعرف يشاقه
.. مدر راسه فهد والله ماشاقه احجي صدك

رونق..... هههههه هسه شتريد
فهد... شريط لاصق
رونق .... هههههه ... كتلهم يله باي
طلع جلال ويايه وصلني باب بيتنا فتحت الباب هو واكف يم باب كلي ... شوكت ماعدج امتحان كليلي

رونق... ليش
جلال... نطلع نتعشه بره صار هواي مطالعين
رونق ... ابتسمت اله كتله اوكي بيوم الي ماعدي اكلك
جلال ... يله دخلي جوه
رونق ... باي
جلال باي
.......
غرام... نزلت شويه يم عمتي كملت وياها كم شغله وصعدت لغرفتي اشوف جمال كعد لكيت اسد شايله يلعب وياه دخلت اني كله... اجتي ماما

اسد ... تعالي اخذيه يمكن جوعان
غرام... تقربت على جمال اخذه اسد هو ينطيني جمال حضني كلي ... مشتاقلج

غرام... اسد الولد حصرته وخر ... عافنا وظل يباع علينا اني حضرت ممه وكعدت ارضع جمال وهذا كله اسد صافن عليه
كلي ... غرام
غرام ... رفعت راسي اله
اسد ...شبيج ويايه
غرام .... مابيه
اسد... شنو جاهل اني ماشوف تصرفاتج ويايه
غرام... ظليت ساكته
هو زهك مني عافني وطلع
ظليت اذكر شون قبل ايام من سمعته يحجي بتليفون جان واكف بالكراج واني طلعت سمعت يكول ... اكلج ماريد ولا اريد اجي مجانت مره خبصتينا بيها

بوقتها تخشبت حرفيا بمكاني ظليت واكفه هو انتبه عليه بسرعه كال يله ماشي هسه بعدين اخابر يله باي وسده
سئلته ويه منو تحجي كلي ... صديقي يريد مني شغله .

اني ظليت اباع عليه هو بسرعه عافني ودخل جوه ايمان هم جانت واكفه سئلتها سمعتي الي حجاه اسد كلتلي لا مسمعت اني متاكده سمعت بس تخاف تحجي لصير مشكله
من وكتها واني ماعرف شسوي ماريد اسوي مشكله كلت يجوز سمعت غلط ولازم اتاكد قبل لاحجي مكلت لاحد على الصار .

رجعت من صفنتي على دكت الباب

غرام... ادخل
ايمان... جوج كاعد بابا يريده
غرام .... اي جيتي بوكتج هاج هسه شرب ممه اريد اقره وهو بقمه نشاطه
ايمان... جوجو حبيبي تعال
غرام... اخذت جمال واني كمت اقره ماعرف شكد مر وقت دخل اسد باوعت عليه ورديت اقره
هو خله تليفونه عشحن ونزل مره ثانيه
اني رجعت اقره سمعت تليفون اسد يدك كمت شفت مكتوب (علي دوام)
مكمل دكه ونكطع اخذت تليفون حتى انزله لاسد كلت خاف اكو شي
بعدني انزل درج اجه مسج ولرساله طلعت عالشاشه
من ..علي دوام.. مكتوب (ابو جمال المفتاح رجعته للحارس وتسلم نقذتني نردها الك اخويه )........يتبع

___________________________
مرحبا جماعه (حب جنوني )
شونكم شخباركم مشتاقين 🥰❤️
هذا جزء بي احداث هواي حشوفوها بالبارتات جايه
اتمنى يعجبكم
ونشر بين يوم ويوم ووووشكرا

سوزان ليث❤️