رواية حب جنوني الفصل الخامس وستون 65 - بقلم سوزان ليث

  .............
اني استغربت كلت يامفتاح ياحارس
نزلت شفت اسد كاعد يتفرج تلفزيون انطيته تليفون كتله جان يدك هو اخذه مني وشاف رساله باوع عليه اني ظليت واكفه اشوف شيكول

اسد.... هذا علي ويايه بدوام
غرام... يامفتاح الي يكول نطيته للحارس .. هو ظل ساكت فرك لحيته كال ...مال غرفتي بدوام لان اقفلها من اطلع

غرام .... باوعت عليه عرفته يجذب بس اعرف شون اكشفك
كتله .. ها .. عفته ورحت على عمتي شفت جمال يلعب وياهم

عمتي ... ها تردين جمال
غرام... لا بس جيت اشوفه خاف مضوجكم
عمتي  ... لا حبيبي اليوم مزاجه حلو
غرام.... اي مو شابع  نوم وشارب ممه
عمتي ...اذا عدج قرايه روحي اقري اذا كام يبجي عود نصعده الج
غرام... اوكي . عفته وصعدت ظليت كاعده افكر برساله كلت هذا اسد وراه سالفه
كملت قرايتي  وجان عدي كم شغله سويتها ونزلت سوينا عشه كعدنا نتعشه

فهد عمتي سويله صدر دجاج شوي كاعد ياكل ويانه بس هو كلسع ماكل من اكلنا
جلال كله... مو رجيم
فهد .... هسه شماكل
جلال غمز لاسد حتى يحجي
اسد... فهودي منو جابرك سوي رجيم كلي مهدديك لازمين عليك شي ..
فهد... اي والله ابو جمال ماتقبل دكول اني ناعمه وانت ضخم
عمتي... وتفاجئت بيك هسه انت ضخم مشايفتك قبل .

غرام ... هسه واذا سوه رجيم اصلا صحه هذا شي . حجيت هيج ندار عليه فهد كلي....بس انتي مشجعتني بهذا البيت الحمدلله تربيتي بيج مراحت هدر .

غرام .... ههههههه اعجبك  بس انت داريني واني اشبعك تشجيع
فهد... ايباه مخلصه فلوسي انتي وابنج ودكولين داريني شبقيتوا بحالي حتى الحديده عارضها للبيع .
غرام.... ههههههه جنك عجوز
فهد ... التاف على اسد ... اكلك ابو جمال ماتبدلها صارت قديمه ويباع عليه

اسد.... ههههههه والله يراد نجدد
غرام .... باوعت على اسد
اسد ... يابه اشاقه شعدي غير ام جمال
غرام ... نداريت على فهد عيبتله 😛

كملنا عشه وتنظيف صعدت انوم جمال حبيبي بسرعه ينام بس كل شويه يكعد  نام واني كمت بدلت لابست بجامتي حتى انام من وكت حضرت ملابسي للدوام دخل اسد
كال... نام
غرام ...اي قبل دقايق .شفته تقرب عليه لازمني من خصري كلي ..شبيج ولادكولين مابيه لان اني حافظج

غرام... جريت حصره كتله ...ضام عليه شي
اسد ... شي مثل شنو
غرام .... اني اسئلك ضام شي عليه متريد اعرفه او تخاف اعرفه
اسد... ظليت ساكت اباع عليها كتلها كلشي ماضم عليج اني
غرام ... لعد ليش ممرتاحتلك واحس اكو شي متريدني اعرفه
اسد .... قابل شعدي مثلا مزوج عليج
غرام .... ابتسمت كتله حتى بيومها تنسى عدك مره اوكي
اسد... واني وين الكي وحده مثلج مخبله اقصد عاقله وحبابه
غرام...يعني هسه انت مضام شي
اسد.... هو غير اعرف ضام شايفه عليه شي
غرام... لا بس حساس
اسد.. يابه ام الاحساس على كيفج ويانه

غرام...بس اذا اكتشفت انت ضام عليه شي وشي ياذيني ويمسني صدكني حشوف غرام وحده ثانيه

اسد ... صايره تهددين جريتها لحضني قوي
غرام ... اي لعد بس انت تهدد وخر اريد انام
اسد ... تقربت بست خدها  ترى صايره مكروها
غرام ... صدك اني مكروه
اسد.... قابل اغشج.مشتاقلج ام عيون حلوه

غرام .... تشتاقلك العافيه . اعرفه يضوج من اكله هيج
اسد ....ليش ترديني اعصب عليج واني اليوم هادء وحباب
غرام .... هههههههه منو كايلك انت حباب ترى غاشيك انت لا هادء ولا حباب
اسد ... لعبت بشعرها كتلها والله احجي وياج بكل هدوء واكول هاي خطيه كتكوته بعدها ماتتحمل
غرام... وخر عمو ابو كتكوته اليسمع يصدك اريد اروح انام ورايه دوام
اسد.... ههههههه صار هواي مكايلتلي عمو
غرام.... تريد ارجع اكلك عمو
اسد.... حتى اكسر راسج تعالي اكلج شي ..........

.................
نبأ .... اجه محمد ياخذني بسياره
كلي.... تردين روح نكعد بمكان تغيرين جو
نبأ.... بكيفك
محمد ..... خل اوديج بمكان ذاك اليوم رحنا اني واصدقائي تعشينه بي

نبأ...رحنا كعدنا منتزه حلو وبي مطعم كعدنا وطلبنا عشه محمد ظل يباع عليه كلي ... شوكت ناوي تحن عليه

نبأ.... ابتسمت اله
محمد... والله ترى اني مو رجل الي
نبأ...ادري والله تعبتك ويايه بس محمد والله اني احاول اطلع نفسي من اني بي

محمد ... والله احبج والله اني ماريد منج لا طفل ولا شي بس رايد ترجعين مثل قبل نونو

نبأ...  واني هم احبك شعدي غيرك اني
محمد ... يمه شكد جذابه
نبأ... اني جذابه .. باوعت عليه بزعل🥺
محمد .... اي انتي عبالج حكولج لا وانقهر عليج
نبأ.... هههههه والله احبك . ظل يباع عليه ويدخن كلي
محمد ....نشوف

نبأ ... كملنا اكل وراها تمشينا شويه بالحديقه وهو لازم ايدي كتله ... محمد هم فديوم خطر بالك اني وياك نزوج

محمد .... لا ولو واحد جاي كايلي انت حتزوج نبأ جان ضحكت عليه
نبأ... ليش
محمد ... يعني انتي صغيره ومجنت اباوع عليج بنظره شون افهمج يعني مثلا من جانت بنيه تفوت من يمي يعني صير نظره مني اباوع عليها بس انتي ماذكر سلمتي عليه قبل علاقتنا  واني مثلا ركزت انتي شلابسه او ركزت بجسمج يعني تفهمين شون ماجنت اباوع عليج بنظره اعجاب

نبأ.... كول مجنت بالك ولا امر اصلا بالك

محمد .... بس نونو من يوم الي بدينا نحجي اني وياج وانتي صرتي كلشي عدي

نبأ... تذكر من اسد عرف بعلاقتنا بوكتها خابرتك وحجيت وياك حجي وكتلك لتجي اني وياك ماكو شي بينا

محمد .... يووو لا ذكريني بهذا اليوم من صدك بوكتها ماعرف صار بيه

نبأ.... هههههه شوف صارت سوالف كمنا نسولفها ونضحك

رجعنا للبيت عمتي جانت كاعده اول مدخلنا كال يمه جوي العصافير  خلتني اضحك كعدنا يمها نسولف شويه بعدين اني صعدت فوك

رحت بدلت وجنت اتحضر لمحمد ماعرف احس نفسي خجلانه اسوي هالسوالف لان صار هواي ممسويتها
نوب سمعت خطواته يصعد درج اني ركض رحت سويت نفسي فاتحح الكنتور اعدل بي
هو دخل عادي منتبه اني شنو لابسه اني شويه وادخل اكعد داخل كنتور هلكد ماخجلانه منه عبالك هاي اول هيج البس

هو اجه فات من يمي اخذ منشفته وطلع للحمام اني ظليت صافنه هذا شبي مشافني معقوله
سديت الكنتور ظليت اعدل بنفسي سمعت صوت باب الحمام نفتح اني رحت يم ميز مالتي اعدل بغراضي ومكياجاتي دخل هو اول مادخل حسيته انتبه عليه اني شنو صرت نادره ماظل شي ماعدلته هو اجه وكف ورايه يمشط ويباع عليه
اني  مسويه نفسي فد فقيره عود وكاعده اشتغل بكل ضمير
اخذ عطره وصار يرش اني شون احب عطره هذا
رفعت راسي شفته يباع عليه يعرفني اني احب هذا 
كلي .... نونو
نبأ.... مممم حضني من وره كلي.... شطالعه
نبأ .... ظليت مبتسمه كتله... مشتاقتلك هو بسرعه دارني اله
محمد.... كولي والله
نبأ.... والله بسرعه حضني جانت حضنته قويه كانما صارله هواي منتظر هذا الحضن وووووو......

حسيت صبح على صوت محمد يكعد بيه

محمد... صباح الخير ياحلو
نبأ.... صباح نور
محمد ... يله كومي
نبأ... باوعت ساعه ب ٦ كتله محمد ساعه ب ٦ مو بعد وكت هسه تطلع .. لان اني يوميه اكعد اسويله ريوك وارجع انام

محمد... يا بعد وكت كومي شنو انتي ناسيه دوامج شو ضاربته بعرض الحايط

نبأ.... اووو محمد عود باجر ابلش والله مابيه اليوم
محمد ... انتي يوميه باجر كومي ولج
نبأ... كمت واني افأف وادردم اكله اليوم صاير نشيط لو ادري كلشي ممسويتلك بارحه جنت احجي بصوت ناصي

سمعته يكلي اي نشيط غير بارحه رجعتيني عريس

باوعت عليه وطلعت للحمام كلت يمه مو اذان عده شون يسمع
غسلت وطلعت لكيته هو نازل اني بدلت  لبست تنوره سوده وقميص نيلي بي نقط ابيض خليت شويه مكياج خفيف وتعطرت ولبست شالي ونزلت جوه لكيته خطيه مسويلي لفات ومسويلي جاي كاعد ينتظرني
كلي تعالي اكلي حتى اوصلج

كعدت اباوع عليه خطيه شون مهتم بيه عبالك ابويه
كتله ليش منتظرتني اني اسوي ريوك

محمد... عجبني اليوم اني اوكلج من ايدي
نبأ.... اليوم مزاجك وردي تقرب عليه وباسني من خدي
محمد.... مو عساس معاجبج داومين اليوم شو تانقتي وعطرج واصل لباب البيت

نبأ.... لعد شون زملائي صار هواي مشايفيني غير اروح متانقه .. كرصني من رجلي كلي زملائك ويضغط برجلي

نبأ .... اقصد زميلاتي والله ... وخرت ايده ظليت افرك برجلي واضحك عليه
دخلوا عمتي وعمي صبحوا علينا .
بعدها طلعنا حتى يوصلني للجامعه
اني بطريق كلسع منزله المرايه اباوع على نفسي واعدل بشالي
وهو يباع عليه  قبل منوصل هم نزلتها كلي ... شكو متواعده شبيج مو ١٠٠ مره عدلتي حجابج

كتله .... اي متواعده
باوع عليه ومخنزر  كتله .. شبيك متواعده ويه صديقاتي

محمد. .. هو منو يعرفج شو يومين داومين وعشره بالبيت

نبأ... ههههههههه شكرا لرفع المعنويات
وصلت للجامعه ونزلت اتمشى عبالك رايحه اتونس نوب دخلت شفت شعبتي كلها لازمه ملازمها وتقرا سئلت بنيه داوم ويايه كالت مو اليوم امتحان عدنا
باوعت على نفسي اني حتى قلم مجايبه ويايه شون طالبه فاشله
...............................
رونق ... جنت اريد انام اجاني مسج من جلال ... الحلو شديسوي
رونق ... دزيتله مسج🤳 اريد انام ... دك تليفون شفته جلال جاوبته ... الو
... تنامين بدون ماتحاجيني
.... لا كلت خل ادخل للفراش واتحارش بيك
.... ها عساس انتي كد التحارش
..... لعد شبيه
.... واني كتلج اريد بوسه صرتي متجين لبيتنا
..... هههههه لا والله جنت ملتهيه بالقرايه اي شكو ماكو
..... ماكو . محجيتي ويه عمتي والله مو شلعتوا كلبي
.... جلال امي قافله على هالموضوع ترى
.... اخلي جدي يحاجيها
..... لا لدخل جدي
..... رونق جنج انتي الي متردين نزوج
.... لا موهيج بس جلال شبيك مستعجل ماحجينا بسالفه اذا مجبت هالطاري
..... رونق يعني شمنتظرين مثلا
.... ممنتظرين شي بس اني اريد اكمل دراستي ماريد ادرس وازوج واخلف وكله هيج سوه ماتمتع باي مرحله بيهن
..... باعي رونق تخلصين الاول وثاني بالعطله نزوج غير هالكلام ماعدي
..... واني ماريد ازوج هسه شنو غصب
..... هسه صارت غصب رونق
..... اي انت دتغصبني اسوي شي ماحبته هسه
.... ماحبته !
..... جلال
.... ماشي رونق زواج اني بعد ماريد ازوج مادام ماحبته خوش يله باي
.... جلال

رونق .... سد تليفون بوجهي مسحت وجهي بزهك هسه اني شدسوي .
رجعت اتصل بي مجاوبني مره مرتين ماكو
عفته كلت هسه عصبي خل يهدب

ليل كله افكر بجلال شبيه وياه اعرفه يحبني ويريدني ليش ماكدر استوعب اني وياه مزوجين ليش اخاف اخطي هالخطوه
كعدت صبح واني مودي محلو جريت تليفون شفت ماكو اي مكالمه ورساله من جلال
كمت غسلت وصرت استعد حتى اروح للجامعه نزلت لكيت امي كاعده بالمطبخ ....
رونق ... صباح الخير
ام غرام.... صباح نور يله كعدي تريكي قبل مايجي خطج
رونق .... كعدت بس اني مالي نفس اكل امي شافتني مو على بعضي كالت.... شبيج يمه شو الوجهه مكلوب

رونق .... محبيت احجي لامي شي كتلها.... مادري راسي يوجعني يمكن مشبعانه نوم
شويه واجه خط طلعت باوعت جلال ماواكف ينتظرني 
وهو من نخطبنا وهو ميروح دوامه الا اني اصعد بالخط
طلعت تليفون دكيت عليه هم مجاوب دزيتله مسج...
صباح الخير..
انتظرت على امل يجاوب بس مجاوب
وصلت للجامعه والتهيت بالمحاضرات وجان يوم طويل ميمشي
طلعت اتمشى اني والبنات بين محاضرات وحده من البنات  صديقتي رنا كالت... روح ناكل ترى اني ممتريكه وجعت
بان... اي خل روح ناكل
رونق.... اني ماشتهي بس امشو روح عالاقل مكان بارد شمس اليوم قويه تضرب براس
تمشينا للكافتريا كعدنا وبنات طلبوا اكل اني رحت اشتريت بسكت وعصير وكعدنا نسولف اباوع عالتليفون جلال لا داك ولا شي اني كلت ولا ادكله بعد مادام هيج جاهل مكالماتي ورسالتي.

رنا. .. بنات اكللكم شي بس لتباعون اكو ولد وراكم عينه مانزلت من علينا

رونق .... اني باوعت على رنا كتلها ... اوي كلبي خلصان من هالسوالف

بان .... نزلي عينج رنا لاضلين تباعين عيب شيكول عليج

رنا .... ولكم والله كلش حلو هي عيني تجي عليه

رونق ... ههههههه شون بله عينج تجي عليه
رنا.... عيوني ماتتحمل شوف حلوين
بان .... شكد قليله ادب صايره

رنا .... عاد حجت الشيخه
رونق .... يعني صح اثنينهن صديقاتي بس كل وحده تختلف عن الثانيه بان كلش متدينه ومتحب سوالف المكسره حتى لو بشقه وجديه كلش .
ورنا تحب تشاقه وتضحك وامنيتها تعيش قصح حب جبيره والعاشق الولهان يموت نفسه عليها يله يحصلها

رنا.... ولكم عززززززه
بان .... وصمه شبيج
رونق .... شكو
رنا ... هذا جامع الحلوين كلهم ومسويهم اصدقائه
رونق .... هههههه خرب يومج جفلتينا
بان.... ماعدج سالفه انتي بس هذا حلو وذاك يخبل اريد فديوم دكولين هذا محلو ومعجبني ماكو الكليه كلها عدج حلوين
رونق .... هههههه اي عفيه
خلصنا وكمنا نرجع لقسمنا لان حتبدي محاضرتنا الاخيره
وصلنا للقسم وكالو الدكتور مجاي اليوم ولغت محاضره

رونق  .... همزين والله مجان الي واهسه
رنا .... حرامات كمنا وعفنا شله الحلوين
بان .... هسه شحنسوي
رونق ... امشي نكعد بالحديقه لان اني خطي بعد ساعه ونص يله يجي بين ميكمل كل بنات الخط
رنا ... اني هم امشو يله

رحنا كعدنا بالحديقه وكعدنا نسولف ونصنف عالطلاب اني ورنا اما بان جانت تجنب تحجي بس مرات متتحمل تحجيلها كلمه بس من تحجي نموت ضحك
انتبهت على ولد واكف مسافه من عدنا بس يباع علينا
اني تقربت على رنا همستلها ... اكلج شوفي ذاك الواكف يم شجره صافن علينا شبي
باوعت رنا سوت نفسها تعدل بشالها حتى تباع عليه بدون ميحس
ضحكت على تصرفها عبالك جاسوسه ...

رنا ... ولج هذا نفسه الحلو الجان بالكافتريا
رونق ... صدك
رنا ... ولج خاف لاحكنا
بان ... منو هذا لاحكنا
رنا ... ذبان
بان .... اي اليوم شو ذبان هواي
رونق .... ههههههه باوعت على رنا غمزتلي تخاف تحجي لبان خاف ترزلها

رنا .... اكلج تصورين هذا يباع عليمن
رونق ... مادري بس اكيد مو اني حلقتي اكبر من راسه
رنا .... ماصور على شيختنا يباع
رونق .... ههههههه بقيتي بس انتي
رنا .... عزه عليه
رونق .... شبيج شو خفتي
رنا ... بطني وجعتني
بان... شبيكم بس تتهامسن
رنا .... كلشي ماكو شيختنا
بان.... والله اعرف سوالفج تلكين صايدتلج زلمه تحشين بي
رونق ..... ههههههه ظلينا نسولف ونضحك رنا دك الخط عليها وصل كالت .... والله كعده متتفوت بس هذا ابو حوراء دكلي يله حروح

رونق ... يله حبي باي
بان ... روحي ماوراج بس ذنوب
رنا ...يله باي حبيباتي تموتين عليه ادري بيج.

رونق .... ظليت اباع على رنا كلت هسه اكيد الولد يلحك رنا بس تفاجئت ظل واكف باوعت على بان وابتسمت كالت ... شبيج

رونق ... مابيه

ورق دقايق دك خط بان كالت  ... اجه الخط شون حتبقين وحدج

رونق ... قابل شكو عليه هسه شويه ويجي خطي مظل شي

راحت بان واني جنت متحمسه اشوف الولد شون حيلحك بان
بس شو هذا ظل واكف وكانما صار يتقرب باتجاهي
اني شفته هيج بسرعه كمت وصرت مثل بيب بيب امشي سريع

لحكت على بان جانت واكفه تحاجي بنيه وصلت يمها كالت ...ها خابرج الخط
رونق ... لا بس فرغت حديقه من طلاب كلت اوكف بره
بان .... اي يله امشي
رونق وصلت لباب الجامعه ودعت بان اني ظليت واكفه طلعت تليفوني اخابر ابو الخط بس نطاني رفض يعني حيوصل
ظليت واكف شويه ودك الخط ورحت للخط صعدت بي
.......

غرام.... كعدت صبح واني مشبعانه نوم كمت بسرعه لان فات عليه الوقت بسرعه رحت للحمام شفته مسدود ظليت واكفه جان يطلع فهد خال المنشفه على جتفه جان يكلي... يمه خرعتيني

كتله وخر تاخرت بسرعه دخلت غسلت باوعت على نفسي بالمرايه كلت فهد حقك تخترع من الكفشه
رجعت للغرفه بسرعه بدلت وكفت اخلي شويه مكياج
سمعت اسد كال.... اكو عرس اليوم
غرام... باوعت عليه  ورديت اكمل مكياج مجاوبته قصده لان اخلي مكياج ظل يباع عليه واصلا اني ماخلي بس كحله وماسكاره و حمره خفيفه كملت لبست شالي وجبت جنطتي احضرها هذا كله واسد يباع عليه رفعت راسي كتله .. شبيك صافن عليه

اسد... معجب يصير 😉
غرام.... ابتسمت اله كتله اي يصير . توصلني لو اروح بالخط
اسد... اوصلج شعندي غير ام جمال
غرام.... اسد لدكولي ام جمال كم مره اكلك احس صيح لمره جبيره
اسد... لعد شصيح ام احمد
غرام... كام غسل واجه بدل جمال جان نايم نزلنا وبسرعه طلعت وصيت عمتي على جمال قبل ماطلع
وصلنا للجامعه قبل مانزل كلي اوكفي..

غرام .... ها
اسد... اليوم حروح ويه جماعتي معزومين على غده بمزرعه اركان .

غرام... هم اركان
اسد.... هسه ياعيني مدخل اني بصديقاتج انتي هم لتتدخلين بجماعتي

غرام.... انت ممدخل اوكي احاول اصدك
يله باي

نزلت وداومت عادي اول دخلت جامعه شفت فراس دخل هو وصديقه اني ماهتميت اله صراحه لان من زوجت هو ابد مضايقني بعد على رغم مرات اشوفه يباع عليه بس من بعيد لبعيد

كملت دوام ورجعت لبيتنا لان جمال جان يم امي دخلت سلمت على امي واخذت جمال لحضني ظليت العب وياه ندك جرس امي جانت بالمطبخ تخضر غده
كلت هاي اكيد رونق رجعت من دوام
طلعت فتحت باب لكيت جلال ..
جلال... هلو شو هنا
غرام... اي مو امي خابرتني بالخط وكلتلي جمال عدي
ومقبلت ارجع كالت تغدي وروحي
جلال... ها . رونق رجعت
غرام ... لا بعدها يجوز هسه بطريق خابرها شوفها وين وصلت
جلال ... لا ماكو داعي بعدين اجيها
غرام ... سمعت صوت باب سياره نفتحت كتله ... يمكن جتي

رونق رجعت للبيت لكيت جلال واكف يم بابنا مانكر فرحت شفته نزلت واني احاول اخفي ابتسامتي
وصلت يمه كتله... هلو
جلال ... هلا
رونق دخلت البيت  وكفت بالكراج غرام عافتنا ودخلت
كتله... مو زعلان ليش اجيت
جلال ... مجيت عليج 
رونق ... لعد عليمن جيت
جلال ... اشوف جمال اليوم مشفته
رونق ... ياعيني شون عم حنين اجه يشوف ابن اخوه... طبعا احجيها بستهزاء ظل يباع عليه وخازرني
كتله... تعال ادخل حتى شوف جمال
جلال ... لا ماريد
رونق .... بكيفك حبينا نساعدك حتى شوف ابن اخوك

طبعا ظل يباع عليه هز راسه عود معاجبه كلي

جلال .... يله باي
رونق ... التاف عليه كلي ... نطلع العصر نفتر شويه

باوعت عليه شو حجاها مال واحد ضايج

ابتسمت اله رغم ضايج بس حلو كتله بكيفك
جلال ... لعد فد بسته من ادكلج طلعيلي
رونق .. تمام .بيك شي مو على بعضك
جلال ... مابيه يله دخلي حار جو
رونق ... تمام حبيبي ... من كلت حبيبي ابتسم بس بسرعه دار وجهه حتى يخفيها

راح جلال ودخلت صعدت بدلت ونزلت تغدينا وكعدنا شويه نسولف اني وغرام بعدين للخمسه دك جرس

غرام.... طلعت صحت منو سمعت صوت هاله طبعا معرفت صوتها الا هي كالت اسمها
فتحت باب صار شكد مشايفتها سلمت عليه هي وامها جايات دخلت واجتي امي وكعدنا نسولف وياهم
طبعا هاله ماسكتت لازمتني وتحجي فلان صارحني فلان يحبني ومدري منو خطبني ومدري منو سوالي
اني ورونق بس نهز راسنا ب اي نعرفها جذابه

رونق ... باوعت عالساعه صارت ٥ ونص واني بعدني مجاهزه وجلال كلي ب ٦
دزيت مسج لجلال كتله 💬 حبيبي ترى عدنا خطار خاف يطولون ومنكدر نطلع.                      
                                                    سوزان ليث
اجاني مسج 💬منو عدكم
رديت💬 هاله وامها
رد💬شعدهم ذوله
رديت 💬مادري جايين هيج يشوفونا
رد💬ب ٦ الكاج جاهزه مفهوم
رديت💬تمام

اعرف جلال يضوج من بيت عمي ابو انمار لان يعرف هاله كال ماشافتني تفتح موضوع انمار حتى وره ماخطبني جلال
التافت عليه هاله كالت. ... شونج ويه جلال
رونق ... الحمدلله زينه
هاله... شوكت تزوجون هسه لو من تخلصين
رونق... مادري بعدنا ممحددين
هاله... ها يله خوش احسن ممحددين لان متعرفين بالحظه كلش يتغير .
رونق... باوعت عليها كتله ... اكيد كلشي يتغير الا جلال مااغيره

هاله.... ههههههههه ديله من حوره شو شايف نفسه وميتحجه
غرام.... بس حباب ورده مال الله
هاله... يمعوده هاي بس وياكم شو بنات عمامي باقيات كلهن يكلن عليه شايف نفسه
رونق.... اذا هو ميشوف نفسه لعد منو يشوفها . طبعا اني احجي هيج وياها بس حتى اخليها تلصم ..

هاله ... يمه على كيفج اكلتيني بكشوري شبيج

كتلها... يله اني من رخصتج حروح لان اني وجلال متواعدين ولازم اروح ابدل مظل وكت

هاله... ها احنا هم شويه وحروح

رونق ... كمت صعدت فوك بدلت وجهزت صارت ب ٦  دك عليه جلال انطيته رفض ونزلت همه جانو واكفين يرحون يردون
طلعنا كلنا نودعم واني حتى اروح ويه جلال فتحوا الباب شفت انمار جايهم من شافنا بسرعه نزل من سياره اني طبعا مدري صار بيه كلت هسه يطلع جلال ويشوفه وخفت يصير شي
انمار مانزل عينه من عليه حتى هو يسلم على امي يباع عليه
امي سئلته ... شوكت تزوج
هو هسه يجاوبها شفت جلال صار وراهاني بطني وجعتني   باوعت على جلال خله ايده على جتف انمار كله اي كلنا شوكت تزوج ...... يتبع

______________________
حبيباتي شكرا لكل الي رجع يقرا حب جنوني والي دزولي فرحانين بالقصه ان شاءالله يعجبكم هذا جزء هم
ونشر بين يوم ويوم اليوم ٢/٥/٢٠٢٣ يوم الثلاثاء
حتى تعرفون شوكت انشر

الي قارين القصه ومتابعيني القديمين خل يعلقون والجديد هم يعلق واتعرف عليه

حسابي الجديد وماعندي غيره بالانستا