رواية حب جنوني الفصل السادس وثلاثون 36 - بقلم سوزان ليث

رجعت كعدت يم البنات فاجئتني سرى جتي كعدت يمي كلتلي شونج غرام
زين الحمدلله انتي شونج
تمام
طبعا اني مو كلش احجي وياها يعني ماسولف وياها هي كل مشوفني تحاول تحاجيني وتقوي علاقتي بس اني ماكدر اظاهر كدامه طبيعيه
بس كلتلي غرام اريد اسئلج سؤال
كتلها كولي اني كلت حتسئل عالدوام على شغله ابد ماصورت تسئل كالت انتي واسد بيناتكم شي
اني طبعا صدمني سؤالها وممتوقعه اصلا تسئل هيج سؤال
وماعرف شجاوب بس ماردت اقهرها او استحيت منها
كتلها لا طبعا
فاجئتني ابتسمت كلتلي بس اني اسد من سئلته مانكر
اني ظليت ساكته ماعرف شحجي اول مره انحط بهيج موقف
كلتلي اني عرف اول يوم شفتج بالخطوبه من كمتي تركصين جانت عيونج فاضحتج
بس جنت اجذب نفسي اكول لا
تاكدت من اهمال اسد اليه وجنت اتقصد احجي كدامه عليج اريد اشوف ردت فعله بعدين سئلته ومانكر بالعكس حجالي كلشي بينكم
اعرف حدكولين انتي ماعندج كرامه تعرفيه ميحبج وبعدج وياه بس صدكيني اني انتظر ابويه يرجع من السفر واخليه يفضها

غرام ... ماعرف شحجي فاجئتيني بهذا كلامج سرى اسد بالنسبه الي مو بس حبيبي ولا مجرد ابن عم لا هو شي اكبر من وعيت عالدنيا اسد ويايه وكلشي اريده يجيبه الي بدون ماحجي يعرف الي احبه والي اكره يعرفني حتى اذا اجذب عليه هواي شغلات يعرفها عني
صارت مشاكل بينا ودخل العناد بيناتنا خلانا نخسر بعض بس جنت اموت بكل مره وهو مو ويايه

سرى ... غرام اني هم جنت احب ابن عمي بس ابن عمي سافر راح المانيا وجنا متواعدين على هواي شغلات وسافر لان يكول هنا ماكو مستقبل

غرام ... زين ليش ماخذج وياه
سرى ... ماكدر كلي اني رايح لشي مجهول لازم اكون نفسي يله اكدر ادز عليج بس ظل سنتين هناك وهو كلشي ممسوي كتله ارجع اهلي يردون يزوجوني مقبل يرجع وكلي اني ماصدك اطلع شيرجعني كلي لا توافقين  بس اني مجان عندي حجه ارفض

غرام ... وعادي خلاج تنخطبين
سرى ... اني تركته من مقبل يرجع حسيته تخلى عني بس من عرف اني نخطبت خابرني يبجي ويكلي ارجع بس لاتزوجين
غرام ... خطيه
سرى ... ظروف لعبت بي لعب وتعب وين ميروح مسدوده بوجهه اني جنت انقهر عليه واني اشوفه هيج  من قرر يسافر ويه كومه شباب طلعوا تهريب اني مقبلت خفت عليه جنت هواي اسمع ناس غركوا بالبحر بس هم عاند الا يسافر
غرام ... واسد يدري
سرى ... مممم تقريبا من حجالي عليج حجيتله شويه
غرام ... ومسوه شي
سرى ... لا بالعكس جان كلش متفهم واصلا كلي خل يرجع اني اشوفله وظيفه
غرام ... لا ممعقوله اسد
سرى ... اي والله ترى اسد كلبه طيب ويحب هواي يساعد
غرام ... اي صح بس عصبي وهواي يغار
سرى ... اكيد كل واحد يغار على الي يحبه
غرام ... زين وهسه يشتغل ابن عمج
سرى ... لا لان ماعنده اقامه دينتظر بس تطلع بس سمعت من اهله يدرس مدرسه يتعلم لغه
غرام ... والله ماعرف شكلج الله يجمعكم عن قريب
سرى ... هههه لا ماصور بعد نرجع هواي امور استجدت عندي

يعني كلشي اصورت بس مال سرى تحجي ويايه هيج كلش مو بالي كلش  نقهرت عليها معرفت شحجي شكول ظليت كاعده واحس الكل عرف بعلاقتي بااسد مو بس سرى ماصورتها هيج متفهمه

كمت رحت ادور على اسد شفته كاعد يم عمامي وكفت يم الاستقبال هو ممنتبه طلعت لغرفه جده حكمه دزيتله مسج تعال اني بغرفه جده حكمه
مطوله واجه اني بس فات رحت حضنته قوي يعني الايام الفاتت كظيتها كله مطنكره عليه ومرات اشك بي يضيع وقت
اسد... شبيج غرامي احد مضوجج

غرام ..... لا بس اشتاقيتلك
اسد..... لا لا هيج الموضوع اختلف
غرام .... حاوطني من خصري كلي تعالي
... اسد يمعود  لاحد يدخل علينا
اسد...... واريدها من الله حتى يزوجونا يسترون علينا
غرام .... هسه قرب باس خدي الباب انفتحت بسرعه اني دفعت اسد وفاتت جده حكمه جان تباع علينا اني ظليت اباع على اسد واباع على جده
اسد.... ها حكمه جابج هسه
جده حكمه ...... لا ياملعون انتو شعدكم بحجرتي شعدك كاظ هاي واكف تحب بيها
غرام .... اني طبعا حسيت ضغطي هبط من الفشله
اسد.... ديله حكمه تعالي احبج انتي هم
جده حكمه.... يا لا يا عديم التربيه ولج وانتي عديمه الحيى شعدج هنا طلعي يله
غرام ..... يمه طلع ركض وجده تضربني على ظهري بعوجيتها بقى اسد يمها

نبأ... رجعنا للبيت ولليل ومحمد ماكو دزيتله سمايلات ماكو عزه اني كلت هاهيه عرفني ومديجاوب عفته وبعد مجاوبته بعدين فكرت بيني وبين نفسي كلت خاف يحجي لاسد ويكله اختك
تراسلني كمت بسرعه مسحت السناب كلت خاف اسد يفتش جهازي عزه بطني كامت تلويني من الخوف
خابرت رونق حجيت الصار نفس الشي كالت هذا كشفج اني خفت بالاكثر جانت اسوء ليله مرت بحياتي حتى احلامي كلها لو اسد طاب للغرفه يكتلني لو تليفوني ضايع احلام جانت مرعبه
كعدت صبح نزلت سئلت امي وين اسد كالت طلع ويه محمد عزه اني شنو قطره دم ماكو بيه حتى ماتريكت صعدت فوك لابست عباتي ورحت لرونق كلت عالاقل هناك غرام تحجي ويه اسد اذا كتلني حجيت للبنات خربن ضحك عليه ورونق كظتها كله تستاهلين كتلج معليج بي  توسلت بغرام تخابر اسد شوف صوته زعلان فرحان وين هوه
خابرته وسدته كالت عادي صوته مضايج من شي كتلها وين هو كالت ويه محمد صديقهم عازمهم

لليل اني بيت عمي امي دكت عليه كالت متجين عاد شنو حتباتين
قبل ماطلع كتلها خابري اسد شوفي بعده فرحان خابرته غرام كلتلي ولج يحجي عادي واصلا كلي من ارجع امرلج جايبلج حلويات
اني طمئنيت شويه رجعت للبيت وره شويه سمعت صوت اسد يصعد الدرج ويحجي ماعرف ويه منو سمعت صوت باب نسد يعني بعد اسد ميعرف اني نمت ثاني يوم هم مر كلش عادي
بالليل كلت خل افتح حسابي بالسناب اشوف بله فتحته شفت محمد ناشر صوره اله اني ماسويت شي بس شفتها هو بسرعه دخل كلي هاي وينج يمعوده وين هالغيبه
اني ظليت ماعرف اجاوبه لو لا رديتله اي جنت مشغوله
كتب محدكليلي منو انتي ترى والله حتى كمت احلم بيج

عزه اني كلت هذا بعده ميعرفني واني صالي يومين عايشه برعب كتله خلينا نتفق اتفاق اني ماكدر اكلك اني منو لان اذا عرفت بعد متحاجيني بس اني احب احجي وياك واسولف
كلي هيج اني محبوب
كلتله ربما
كلي زين المطلوب شنو كتله خل نصير اصدقاء احجيلك عن يومي وتحجيلي عن يومك وعادي
كلي زين يصير صديق ميعرف صديقه
كتله اي عادي هواي ناس بالفيس عدها اصدقاء مشايفيهم كلي ماشي خلينا اصدقاء ولو ماعرف ليش متقبلين دكولين
كتله لان انت اصلا حتى اذا صرت مقابيلك هم مشك بيه
كلي ليش عود كتله لان اني وحده مموجوده اصلا بالك
كلي تمام خلينا اصدقاء بس ثقي بالله اعرفج وبيوم الي اعرفج مارحمج
كتله اي لترحمني عود
وراها صرنا يوميا نحجي سوالف عادي صرت احجيله سويت اليوم شكلت شربت هو نفس الشي صرت دايما اتابعه اكلت شربت نمت ارتاحيت يعني جنت متونسه وياه هو بهاي الفتره ابد مكال بعد انتي منو صرنا واحد يعرف الثاني بس جان دايما بكلبي خوفه بيوم الي يعرف اني
مره سئلته انت هم حبيت قبل
كلي لا كتله متاكد كلي اي كتله بس اني اعرف غير شي كلي شتعرفين كتله انت حاب قبل ويمكن لحد هسه وياها
كلي لا والله عفتها كتله ها يعني حاب قبل كلي اي بس جنت مغشوش
طلعت متستاهل ظل يسولف على علاقته بهاله وشون حبها وسوالها كلشي  تريد يجيبلهياه هو يحجي واني جنت اتمنى يحبني ربع حبه لهاله كلي اني محاجي لاحد قبل عن هذا الموضوع انتي اول وحده
وظل كل مضايج من شي يحجيلي ويسولف واني نفس الشي فمره سافر لبنان عده شغل فنزل سناب جان طالع فراسم عالرمل كلب وبنصه علامه استفهام
فاني كتله شنو معنى هذا كلي هاي الج لان انتي متقبلين دكليلي اسمج معرفت شكتب خليت علامه استفهام
كتله ها خوش بسمار ترى
رجع من لبنان كلي جبتلج هديه واريد انطيجياها كتله ماريد كلي لا اني جبتها وانتي دكولين ماريد كتله ماشي بس خل افكر شون اخذها منك

رحت على ام الافكار رونق حجيتلها كلتلي خرب شون وبس تاخذيها يعرفج ومن هالحجي اني كتلت نفسي الا اخذها هاي اول هديه من محمد بس ظلت رونق تخوفني عاد كتله خليها يمك هسه عود بالعيد انطينياها عيد الجبير

مرت ايام وكام اذا تاخر ماحجي وياه يضوج ويظل يحجي عليه وينج وبيمن ملتهيه
وحتى بيوم الي اطلع ومن ارجع مثلا اكله جنت طالعه يضوج يكلي شنو طلعين بدون متحجين حسيت بااهتمامه زاد بيه
حتى مره ظل يراسلني بس اني جنت احاجي صديقتي بالفيس فرجعت عليه حتى اجاوبه ظل وين جنتي ويامنو تحجين ماعرف ليش دايما يشك بيه كتله جنت داحجي ويه صديقتي بالفيس هو تخبل ظل يرزلني وموصوجج صوجي اني راكض وره زعطوطه مثلج متحترم وكومه حجي اني طبعا صافنه شبي هذا تحول دزيتله هدي شبيك بعد مجاوب ظليت ادزله ميجاوب كلت هذا زعل لان مجاوبته بسرعه ظليت اعتذر منه هو يشوف المسج بس ميجاوب

فااني عفته بعد مادزيتله مر يومين هيج هو من كيفه دخل حجه ويايه كتبلي وينج
فاني بسرعه جاوبته هياتني
كلي تعبان
كتله ليش
كلي اريد اسمع صوتج تعبت بس كتابه
اني ظليت افكر مجاوبته اني هم عاجبني احجي وياه صوت بس اخاف انكشف
هو صح ميعرف رقمي بس خاف يكتبه بتليفون اسد
جانت الساعه بسته المغرب كتله بالليل هسه ماكدر

رحت على رونق ظلت متشائمه هسه يكشفج هسه يكشفج بالاخير كالت مسحي رقمج من تليفون اسد وخلصي واسد اصلا ميدك عليج
زين اسد مينطي تليفون شون كالت كليله دخابر غرام اريدها بشغله هو بس يسمع غرام يخدر ههههه
بالليل رحت يم اسد جان كاعد بالهول كتله اريد تليفونك ادك على غرام تليفوني فوك ومابي شحن هو بسرعه فتحه ونطانياه  اني بسرعه مسحت رقمي ودكيت على غرام شويه وكطعته ورجعت التليفون
صعدت بغرفتي اني عندي بس فايبر بس مكاتبه اسمي عليه خاله قلوب
بالليل كلت اذا مكلي على رقمي ماذكره هي صارت بتسعه جان يدزلي وين رقمج
اني ظليت متردده انطيهياه وبين اريد احاجيه المهم انطيته رقمي هو بسرعه دك اني ظليت ارجف وبسرعه نطيته رفض رد دك قبل متنتهي دكه فتحت خط بس محجيت جاني صوته يمه كلبي يدك سريع اول مره هيج احس ظل يصيح الو الو ليش متحجين خاف خرسه  اني ضحكت كلي الحمدلله طلع صوتج كلي شونج

زينه (جنت مستحيه ومتوتره وفرحانه )
تعرفين اليوم كلت اذا مدز رقمها بعد ماحجي وياها
ممممم
زين هسه اني شنو اصيحلج
ماعرف
والله الي يسمعج هيج تحجين يكول هاي شكد تستحي ميدرون لسانج شطوله من تكتبين
ههههههه
زين كليلي صديقاتج شيصيحولج حتى اصيحلج بي
نانا
شنو هذا دلع مال يااسم
هههههه ماعرف
زين اني حصيحلج نونو
ممممم ليش اني نونو
اي ماعرف ليش احسج صغيره واصغر مني بهواي
ممممم مو هواي هواي
زين والله عاجبني اشوفج
لا ماكدر
ليش خايفه يعني اذا اعرفج حاكلج مثلا
لا مو تاكلني بس اعرف اذا عرفتني متقبل تحاجيني
ليش ماقبل شنو سبب
مادري هواي اسباب خلينا هيج
ماشي نونو براحتج

ظلينا فتره نحجي بتليفون وتقريبا عفنا السناب مرات ينشر شي فاني مادخل اشوفه من يخابرني يظل يكلي ليش هيج عايفه بيتنا لا دخليله لا تنظفيه ويخليني اضحك  عود لان مادخل للسناب  ومن ادخل يكلي سدي الباب وراج البارحه عايفه الضوه مفتوح يخربني ضحك
كمت كل ماطلع اكله ومن ارجع اكله حتى كام يسئلني شلبس من اطلع وصار تقريبا متحكم بحياتي 
ميعدي اليوم اذا مو مرتين او اكثر متصلين ماعده مكالمه بالليل الطويله جنا كومه نسولف حتى من يروح للشغل يظل يحاجيني مسجات

فصار العيد الكبير وتعرفون اول يوم العيد شنسوي عفيه عليكم روح لبيت جدو فاني شيكت وتعطر مع العلم هو حتى اذا فتت كباله هم ميشك بيه فرحنا للبيت جدو اني طبعا عيوني دور عليه منا ومنا عايدت عمامي وفتت جوه عايدتج عماتي وجدي وجدتي وباقي الموجودين
فتت للاستقبال لكيت  كاعد ويلعب بتليفون طبعا اني مسويه تليفون صامت لان خاف يدك ويكشفني ادخل للحمام ادزله مسجات
وهو لح خل اشوفج خل اشوفج خبلني فاني بعد مجاوبته ظميت التليفون وكمت اروح واجي اشوف تليفون على اذنه يمكن يدك عليه لح كلش الا يكشفني اليوم

صار الغده فنصبو السفره وكعدنا كلنا ناكل وكلسع ارفع راسي اشوفه ياخذله فره على وجهه بنات عمي وعمتي  يمكن ديحاول يعرفني بس حتى ميوصل لجهتي كلت خرب حظي حتى مشك بيه وكلف نفسه وباوع عليه

رونق كاعده مقابيلي صاحت نانا نطيني الصمون
اني شلت الصمون ونطيتها  رفعت راسي شفت
محمد صافن عليه  اني بسرعه دنجت ماعرف شبي يباع عليه
رديت صعدت راسي عليه شفته هم يباع عليه ومخنزر عليه اني بسرعه دنجت بس شنو ايدي كامت ترجف رجف ماعرف كشفني  او لا واذا كشفني شون عرفني شو اني حتى ساكته

ظليت مدنجه هو كام كال الحمدلله وترك الاستقبال وطلع طبعا اني احس رجلي انشلت حتى ماكدر اكوم وره شويه دخل للاستقبال كعد عالتخم ويلعب بتليفون 

ااني  من شفته يباع عليه واني تركت الاكل وكعدت ماكدر اكوم

كملو اكل فاني مجلبه برونق  ماكدر احس حموت طبيت للحمام شفته  مداك عليه ولا داز رساله
اني بعد مادزيتله لان مبينه انكشفت بس ماعرف شون عرف
ظليت حابسه نفسي بالمطبخ ملازمه البنات ماكدر لا ارجع للاستقبال ولا اروح لاي مكان ماعرف اول مره هيج اخاف خاف يعوفني
£££££££
صوتوا حبايبي فديتكم ❤️