رواية حب جنوني الفصل الخامس وثلاثون 35 - بقلم سوزان ليث

نبأ... كاعده بيت جدي اباع على محمد شكد حلو يربي حتى من ياكل شون مرتب وانيق
شال راسه صارت عيني بعينه اني بسرعه دنجت وره الاكل كعدنا الكل يسولف اني ظليت ادور محمد ماكو كمت كلت اشوفه بره بالحديقه مديت راسي شفت منظر ظليت مصدومه محمد واكف هو وهاله اني بسرعه رجعت وماعرف جسمي حسيته يرجف رحت كعدت يم البنات ظليت اكول شمنتظره مثلا لان دسويله سكرين حيحبج انتي غبيه هو حتى ميعرفج منو متعرفين شون كاتل نفسه على هاله شبيه اريد ابجي
رونق.. شبيج حبي
نبأ... مابيه
غرام .. نبأ محمد اجه سئل على سنابج بس كتله ماعرفه ولج عباله هاله
نبأ... من هذا جان يحاجيها بالحديقه
رونق.... وانتي ضايجه لان شفتيهم ديحجون
نبأ... لا شعليه بيهم ماعندي شي وياه اصلا اني ماحبه
غرام ... نبأ والله هو ميستاهل هاله ولج متحبه والله
رونق... غرام كافي عوفيها خل يولي

نبأ.... خلصنه العزيمه طلعنا جنت واكفه بالباب اني والبنات حتى يطلعون الولد حتى يرجعونه شفت محمد واكف وظهره علينا طلعت تليفون طكيتله صوره كلت والله الا اخبلك

رجعت للبيت فهو نزل سناب هو وجدي صوره اني دزيتله صورته الي اخذتها
هو بسرعه دزلي📱 انت منو
اني مجاوبته رجع دز📱 مجاوب انت منو
اني دزيتله 📱 معجبه
دز 📱تحجي لو اسويلك حظر
دزيتله📱 ترى اني بنيه
دز📱 منو انتي وشوكت اخذتي هالصوره
دزيتله 📱اليوم بيت جدك
دز 📱انتي منو من بنات عمي مو
دزيته 📱 لا وحده غريبه اني
دزلي 📱ماكو احد غريب اليوم جاي بس الاقارب

مجاوبته رجع دز 📱 وينج كولي انتي منو
اني مجاوبته

وره يومين شفته ناشر صوره هو واسد وكاتب ضلعي
دزيتله 📱منور
دزلي 📱شكرا
دزيتله 📱مو انت ضلعك
دز 📱 انتي منو

مجاوبته
ظل كل ماينشر شي اعلق عالصوره ونظل شويه نحجي ويحاول ياخذ مني معلومات بس اني ابد مانطيه
وحتى اني من انشر هو يعلق ونص كلامه انتي منو ومره عددلي اسماء بنات عمي كلهم بس اني وايمان وغرام ورونق مجاب اسامينا كلت عزه هذا اصلا حتى مو باله اني

هو يوميا ينشريوميا يمكن اكثر مني وينشر بس حتى يغور اصدقائه على عزومه على طلعه سوالف مال ولد
كام ينشر اني بس اشوف بس لا اخذ سكرين ولا اعلق
مره مرتين وراها دخلي دزلي📱 ليش متاخذين سكرين مثل قبل
دزيتله 📱مليت
دز 📱 مني
دز📱يمكن
دز📱محتكليلي انتي منو
بعد مجاوبته عفته واصلا كمت مادخل للسناب وصدك مليت

غرام .... امي قررت نروح لبيت بيبي واصلا نبقى هناك احنا متعلمين كل عطله روح نبقى شهر هيج يمهم فاني قبلها جنت كلش مطنكره على اسد لان مديفظ سالفه خطوبته ومليت كلش فهو جان بدوام خابرني كتله حروح لبيت بيبي فهو كلي متروحين اني طنكرت الا اروح وهو عاند ماروح المهم كلي اذا رحتي شوفي
شسوي وسد التليفون بوجهي اني عاندت
واصلا حتى اذا ماردت اروح شكول لامي مترهم يعني
المهم اجه خالي اخذنا ورحنا لبيت بيبي وداد لبغداد طبعا اسد ميدري اني رحت لان صاله يومين ميحاجيني وادك عليه لو مغلق او ميجاوب عود زعلان

بيوم الي وصلنا لبيت بيبي خابرني كانما كلبه حاسس اني مو بيتنا مجاوبته خفت
رونق جانت تحجي ويه نبأ كتلها سئليها اسد راجع كلتلها اي اني كلت من هذا دكلي
ظليت ماعرف شسوي ادك واخاف اترزل
دزلي مسج 📱جاوبي
دك اني كلت ماكو مهرب لازم اجاوب جاوبته
الو
انتي وين
( طبعا هو يعرف اني بيت بيبي لان راجع للبيت واكيد كلوله )
كتله بيت بيبي
وشكلت اني
اسد والله ماكدر شكول لامي انت تعرف كل عطله نجي
ماشي غرام اني اعلمج

وسد التليفون
عفته لليل خابرته ماكو ميجاوب ثاني يوم مدكيتله بالليل دكلي اني طبيت لغرفه بيبي وجاوبته
الو
شونج( طبعا يحجي وهو زعلان عود)
زينه وانت
احسن منج
دوم انشاءالله
شوكت ترجعون
ماعرف
ان شاءالله مثل كل مره الا تقبطون شهر
مادري يمكن
حجي يفيدج اسبوع جاي اروح للدوم من ارجع امر اخذكم
عزه واني شعليه خابر امي
مشتاقيتيلي
اي اشتاقيت
لعد انتي تقنعيها
ماشي
احبج
مو بكدي

ظلينا اسبوعين بيت بيبي واني بديت كول لامي اريد ارجع مليت وخليت رونق ويايه هم تريد ترجع بحيث امي ضاجت من عدنا فقبلت بالكوه خلتنا بيبي نرجع اجه اسد علينا رجعنا طبعا الطريق كله اني مبتسمه واباع عليه
وصلنا للبيت ودخلت طبعا اني احوص اريد اروح لاسد اخذت رونق وكلت لامي اروح نسلم على بيت عمو
طبعا فتنا سلمنا وكعدنا اتوسل بنأ حتى نصعد فوك متقبل الخبيثه الا تكمل غسل اماعين الفطور بالكوه صعدنا اني بوجهي لغرفه اسد
دكيت الباب وفتت شفت ديحجي بتليفون اني رحت يمه وهو يسويلي اش بصبعه يمكن وياه بدوام يحاجيهم  اني تقربت عليه بسته من خده هو فتح عيونه عود وخري
اني رجعت بسته هو دفعني وراح وكف بغير مكان اني رحت يمه ظليت العب بدكم قميصه وافتح بيهن هو كلسع يوخر ايدي ويعظ ايده عود صار عصبي حتى اوخر
اني خربانه ضحك هو ظل يحجي اي سيدي اي واي اني ظليت افتح بدكم قميصه نفتح قميصه كله وطلع صدره اني مشيت اصبعي على صدره هو بسرعه سد التليفون وجرني عليه وكلي

اسد... من اشتعلو عشيرتج خبلتيني سديته بوجهه الرجال من وره عمايلج
غرام ... هههههههههه عزه حموت صرت احمر
اسد... دتعالي والله لاعذبج مثل معذبتيني
غرام ... عزه اني بسرعه رجعتتله لا لا جنت اشاقه بس هو جان اسرع مني وجرني لحظنه

رونق... من جنت بيت بيبي وداد اجاني مسج من جلال كاتبلي 📱(مرتاح متونس ) عود يعني اني بغداد وونسه وطلعات وونسه فول
دزيتلي 📱مكانك ابد مو خالي
كتبلي 📱شوكت ترجعون
كتبلته📱 بعد منرجع حنستقر هنا
كلي 📱احسن نخلص منج
كتبتله📱 وين تلكه مثلي وحده حبابه ومؤدبه وصوتي ماينسمع
دزلي 📱هههههههههههههه وخاصه الاخيره كلش مينسمع

رجعنا لبغداد جان مباقي شي على نهايه رمضان فمثل كل بيت قبل العيد لازم تنظيف الزين الي يكسر ظهر فدكت الباب واحنا دنظف طلعت صحت منو محد ميجاوب منو هم محد يجاوب فامي طلعت كالت منو دك الباب كتلها ماكو احد يمكن جاهل ردت دكت الباب اني بسرعه فتحتها حتى اشوف الي يدكها جان يطلع جلال فات وسلم وكلها لامي وينها الشمعه الي ابدلها فامي كالت دخذي خل يبدل شمعه الاستقبال ومال غرفتكم
لان دترمش ديفوت من يمي كال جاهل مو اني باوعت عليه ومجاوبته

فات هو والدرج للاستقبال فاني واكفه لازمتله الدرج فكال اهوو هاي القاعده محتركه يمكن
كتله مسوي نفسك مهندس كهربائي بس حجيتها بصوت ناصي لان جنت تعبانه وبس اريد اكمل شغل صدمني كلي

سمعتج ترى ام اللسان

اني ظليت ساكته بكلبي كلت هسه ينتل والله عبالك حجيتها وهو سمعني بسرعه سوه ااااااااااااه شون عود انتل عزه اني بسرعه عطت جلال شون الافلام من البطله صيح عالبطل وجر الاسم
عزه اني كمت ارجف لان عبالي نتل جان هو يطكها بضحكه ونزل من الدرج كعد عالتخم خربان ضحك عزه اني لازمه كلبي جفلني من حلات روحي كمت اضرب بيه لان كلش خفت

جلال.... لا شكلج حموت والله ههههههههه شون صحتي جلال هههههههه
رونق... شكد مكروه والله لو صدك منتل جان خلصت منك
هو ضل كل شويه وطاكها بضحكه يذكر جفلتي واني ادردم عليه

كمل بالاستقبال فدنصعد فوك للغرفه حتى يسوي شمعه غرفتي اني وغرام فدرج ثكيل بس هو يكدر يشيله بس مكروه يريد يتعبني داصعد درج كلي تعالي شيلي ويايه
اني كتله ششيل مشيله انت ومسوي نفسك ابو عظلات والله يالله فاني شلته بس مجرد لازمته للدرج الثكل كله هو شايله فاني اصعد هو يدفع الدرج ليكدام ويخليني اريد اوكع واندار عليه ادردم مره مرتين عفت الدرج عليه وصعدت هو خربان ضحك
طبيت للغرفه هو اجه عدل الدرج وديصعد بدل الشمعه كلي كل شي بدنيا يرادله تبديل اذا موزين مثل هاي الشمعه
اني مافتهمت كلامه يعني شيقصد فمجاوبته اندار عليه كلي شدكولين انتي
كتله ماعرف
كمل فنزل سد الدرج وطلع
ثاني يوم اول يوم عيد ولازم الكل يروح لبيت جدي
فاني لابست فستان طويل  جديد مال العيد وشلت شعري عالي رفعته خليت مكياج خفيف  ورحنا لبيت جدي طبينا الكل موجود ظلينا نعايد ونسوي وكل شويه عم جاي ناطينا عيديات طبعا شفت انمار بس غلست ماسلمت عليه بس ظل كل ماروح لمكان احسه يلحكني مدري شيريد مني فطبيت للهول داخذ شاحنه جان مابي احد داطلع جان يفوت انمار كلي رونق خل احجي وياج
اني كتله انت شكد متستحي شتريد مني بعد
هو كلي كليلي صدك انتي وجلال حتنخطبون
اني هسه داكله منين جبت هالحجي جان يجينا صوت كاله اي عدك مانع اني نداريت شفته جلال ظليت فاتحه عيوني على جلال
انمار ظل ساكت ومصدوم فات جلال مدلي ايده كلي يله حبيبتي تعالي
اني ظليت اباع على ايدة بسرعه مديت ايدي لزمت ايده وطلعنا من الهول هو بسرعه عاف ايدي كلي روحي كعدي جوه ومخنزر عليه اني بسرعه طبيت كعدت بصف امي

فات جلال شفته كاعده ويهز برجله مثل الضايج
اني ظليت اباع عليه ماعرف خفت منه او خفت يفهم وكفتي ويه انمار غلط مادري بس حبيت اشرحله الصار
ملكيت غير حل دزيتله مسج 📱 جنت ادور شاحنه بالهول وهو الي اجه عليه
هو بسرعه باوع عليه دزلي 📱اذا مره ثانيه اشوفج واكفه يمه اطيح حظج

اني قريت المسج عزه شو هذا يكلي اطيح حظج اول مره هيج يجاوز كتبتله 📱ترى معليه اني هو الي مجلب كل ميشوفني يكعد يتوسل
دز📱مدكومين من مكانج لاشعل عشيرتج

اني مجاوبته ظليت كاعده يم امي شويه جتي نبأ صاحتني اني كمت رحت يمهم كاعدين كلنا اني والبنات

وراها صبو الغده فكمنا ننكل الاكل فاني جنت شايله صينيه فتت للاستقبال داخليها بالكاع حتى اوزع الماعين عالسفره جان واحد يصير بصفي كلي عوفيها شفته جلال ومخنزر عليه اني عفت الصينيه ورجعت للمطبخ كملنا وكعدنا كلنا ناكل وره الغده اني ذبيت شالي عالكاونتر وكفت اغسل اماعين اني ونبأ ولان محد يفوت للمطبخ من الولد
فالكل ينزع بالمطبخ الحجاب وحاره جانت
فكظيناها سوالف لحد مكملنا فرجعت دالبس شالي ملكيته عالكاونتر
سئلت منو ماخذ شالي محد يدري كتلها شنو سالفه بس شالي ديختفي
الكل دور ويايه محد لكاه ايه كالت هسه اجيبلج شال راحت واني وكفت يم درج داسولف بكلبي منو هذا الدياخذ شالاتي صدك جذب اني سامعه حرامي الاحذيه بس مو شالات
جتي ايه جابتلي شال لابسته ورحت للاستقبال داسئل احد شاف شالي. ماكو ظليت كاعده ضايجه على شالي لان جديد
كمت ادور على غرام فشفتها واكفه تحجي ويه اسد ودتتعارك وياه لان جايه سرى فاني وكفت يمهم همه سكتو
غرام ... شبيج
رونق... هم ماعرف منو اخذ شالي
غرام ... عزه منو اخذه خاف وحده من البنات لابسته
رونق.. ماكو احد لابسه ودورت عليه وماكو ادري منو دياخذ شالاتي
اسد .... يله ميخالف هو شال اني اجيبلج غيره
رونق... والله مو علمود شال بس هاي ثاني مره يختفي شال

عفتهم ورحت كعدت يم نبأ جتي يمنا هاله كالت
هاله.... هلو حبي شونج
رونق... هلو حبي
هاله... شنو مبدله رقمج
رونق... ظليت ماعرف شحجي كتلها اي
هاله... لعد ماعندي اني
رونق... اي مناطيته لاحد
هاله...  زين اكلج صدك جلال حيخطبج
رونق.... باوعت على نبأ الي مستغربه كلام هاله كتلها اي
هاله... زين مفكرتي باانمار
رونق... وليش افكر بي شو هو خطب ومفكر بيه
هاله... بس ترى هو ابويه جبره والله يوميا كابه المشاكل بينهم هو ميريدها واصلا يريد يفصخ
رونق.... حتى لو فصخ ترى اني مارجعلها وماريده وكليله يعوفني بحالي
هاله.... رونق حبيبتي فكري بي ترى هو يحبج ومن يوم الخطب هو ممرتاح لان كلبه يمج
رونق.... لعد اخذيه من تكومين
هاله... شنوه
رونق... كلبه
نبأ .... ههههه
هاله... ماشي رونق براحتج
رونق.... باوعت على هاله وهي دكوم ومراضيه لان حجيت هيج

نبأ.... شنو جلال حيخطبج
رونق.... ليش مدريتي اني واخوج نخطبنا
نبأ....لا دحجي شكو
رونق.... يمعوده حجه هيج كدام انمار حتى يعوفني خبلني وين ماروح اشوفه ورايه والله داشك هو ديبوك شالاتي
نبأ.... لا ماعتقد شيسوي بيها
رونق.... وين ديختفن حتخبل
نبأ.... ديله هو شال
رونق... شالين واثنينهن جديدات جانن وداعتج

نبأ.... اول يوم العيد رحنا لبيت جدي اني لابست بنطرون اسود وفوكاه قميص وخليت شويه مكياج
اني طبعا صالي فتره ممراسله محمد حتى مافوت للسناب من رحت لبيت جدي وشفته شو حنيتله من اجمعنا كلنا شفته دازلي مسج بالسناب

شو مجيتي سلمتي عليه لازم مجايه اليوم
اني رحت وكفت باب غرفه الاستقبال وطكيتله صوره طبعا غلقت الافلاش وصوت حتى لانكشف طكيتله وهو ممنتبه رجعت دزيتله صورته كتبتله لا موجوده هسه  فتت من يمك طبعا هو مشافني لان جان ديسولف

دزلي 📱لاياملعونه هاي صوره غدر اخذتيها واني داراقب اليفوت واليطلع شوكت اخذتيها
📱من جنت سولف ويه عمك
زين شلابسه 📱
ملابس 📱
تعالي عايديني📱
عايدتك📱
تعالي انطيج عيديه📱
ماريد📱

طبعا جنت كاعده عالدرج واراسله شفته طلع من الاستقبال عرفت ديفتش منو اللزمه تليفون اني ظميته وكعدت العب بشالي عود فقيره
هو حتى فات وباوع عليه كلت خرب حظك

ظل واكف قريب المطبخ ويراسل حتى يشوف ياهيه حترفع موبايلها
اني كتبتله📱ها لكيتني
اي عرفتج 📱

ورجع فات للاستقبال
كتله 📱منو
سحر مو 📱
ايع لا 📱

عفته بعد ماراسلته لان صار كلسع يكوم ياخذله فره من ديطلع بطرمه وكفت يم الباب داباع عليه فتحت تليفون داخذله صوره جان يندار عليه وشافني ظل صافن اني بسرعه حولت كامره الاماميه وسويت نسي اخذ سلفي لنفسي هو ظل شويه يباوع وطلع عزه اني شنو بطني كامت توجعني كلت يمكن عرفني
دزيله مسج📱 وينك شو ماكو بالاستقبال عساس اني جوه

بس مجاوبني شنو اني ظليت باقي اليوم كله بطني توجعني لان يمكن عرفني ومجاوبني بعد

غرام ... اول يوم العيد جنت كاشخه كلش وفرحانه من رحت هناك وره شويه انصدمت سرى جايه اني طبعا ظليت اباع عليها وماعرف شسوي كعدنا شويه كمت ادور على اسد شفته واكف يحجي ويه فهد اني وكفت يمهم فهد شكد حلو طبعه يعرف اني واسد سوه بس ميحجي شي ولا يبين انه هو يعرف بس وكفت فهد عافنا وراح
اسد... ها حبيبي شبيج
غرام ... شعدها سرى جايه
اسد... مو اني جبتها امي خابرتها ودزت فهد جابها
غرام ... اسد ترى اني مليت والله
اسد... والله هالايام وتفض بس صبري عليه
غرام .... ظليت ساكته تعبت من هالحجي
رجعت كعدت يم البنات فاجئتني سرى جتي كعدت يمي كلتلي شونج غرام
زين الحمدلله انتي شونج
تمام
طبعا اني مو كلش احجي وياها يعني ماسولف وياها هي كل مشوفني تحاول تحاجيني وتقوي علاقتي بس اني ماكدر
بس كلتلي غرام اريد اسئلج سؤال
كتلها كولي كالت انتي واسد بيناتكم شي .........يتبع ❤️
&&&&&&&
😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒