رواية حب جنوني الفصل الثامن وخمسون 58 - بقلم سوزان ليث

رونق... مر اسبوع واني بعد ماشفت جلال لان حتى محاضرات ماعندي وماروح لبيت عمي كاعده بس اقره صح مشتاقتله واريد بس اشوفه واحاجي بس ماكدر لان كلش متغير وصاير شخص ثاني واحد بس معصب

خابرتني غرام كالت نبأ خطيه شحالها مريضه واني صدك هذا الاسبوع محاجيه ويه احد وهي جانت تجي بطلت كتلها شبيها كالت يمعوده تعالي شوفها خطيه معدتها سوتها ظلمه عليه اني ظل بالي عليها  كتلها والله جان اجيت بس ماريد اشوف جلال كالت لا جلال طالع اني كلت خل اروح اشوفها مادام ماكو
لابست العبايه ونزلت رحت لبيت عمي طبيت عمتي وعمي كاعدين سلمت عليه وصعدت فوك لغرفه البنات دخلت شفت غرام ونبأ كاعدات عادي سلمت نداريت على نبأ كتله

ها شبيج كالو دتموتين
فال الله ولا فالج يومج قبل يومي
ههههههه نداريت على غرام كتلها شبيها لسانه يلعلع

نبأ... اسم الله عليه حسدوني
رونق... هههههه من جمالج .. رحت كعدت يمها شويه وغرام طلعت كالت اشوف اسد
وره دقايق الباب انفتحت اني عبالي غرام رجعت تفاجئت طلع جلال اني باوعت عليه ورديت باوعت على نبأ حسيتها لعبه حتى اشوفه

اني بسرعه كمت كتله يله نبأ باي حروح
وكف بطريقي جلال وكال بصوت حاد

جلال ... خل احجي وياج
رونق... ماكو حجي بينا
جلال ... نبأ طلعي

رونق... طلعت نبأ ودسد الباب بس هو خله ايده وفتحها بكلبي فرحت ميريد يختلي بيه فدوه شكد يخاف الله بس مكروه ماريد ابين اشتياقي اله كلش تعبني ذيج الفتره

جلال ... رونق اعرف زعلانه مني بس وداعت الي زرع حبج بكلبي مو بيدي ولج اغار عليج والله اموت كل دقيقه وكل ثانيه و انتي مو يمي

رونق... تنهدت بتعب كتله ... جلال تعبتني. وكل مره نفس الشي وترجع تعتذر واني اقبل بس الى متى اني وياك ممتفقين اذا انت دكول اسود اني اكول ابيض اذا اني اكول يمنه انت دكول يسره والله تعبت

جلال ... رونق عفتج كل هاي المده بس حتى ترتاحين لان اعرف تعبتج بس هذا الخربطه بالحجي مال ممتفقين وماعرف شنو ماريدها اني احبج ولك ياامه الاسلام والله احبها

رونق... جلال صوتك لحد يسمع صدك جذب

جلال.. ولج خل يسمعون بالكي يحنون عليه ويزوجونا
روتق... اني حروح للبيت
جلال ... اوكفي بعدنا ممكملين حجي
رونق.. وكفت وظليت اباع بعيونه وشويه على لحيته ولا شفته خرب نظره مالتي مال وحده منحرفه نزلت راسي

جلال... خرب عشيرتج ودكلي كل واحد يروح لحاله لج هاي نظرتج هسه كافيه عندي وتثبتلي اني شنو عدج

رونق... ارتبكت منه وظليت اتهرب بعيوني  شفته مد اصبعه شون الاطفال من يريدون يصالحون كلي 🤙🏼
جلال ... نصالح

رونق... حركته ضحكتني مديت اصبعي وصالحته هو كمل باس اصبعه وخلاه على كصته خربني ضحك

جلال... اروح فدوه لهاي  الضحكه  احبج والله
رونق... ظليت مبتسمه وكلبي بسرعه نسى الي سواه بيه

.....

نبأ... ومن كعدت بالبيت عطله حتى نقرا لاخير السنه محمد كال اني بعد ماخابرج بالليل حتى تكعدين تقرين ونتحمل جم شهر بين متخلصين المهم وافقت وعادي اخابره شويه قبل مينام واسده بس منطوله مثل قبل
فمره جانت ساعه ب2 ونص بالليل كاعده اقره وتعبت باوعت على الموبايل كلت خل ادك عليه فكرت كلت هسه نايم بس كلت عادي هو يفرح

لزمت التليفون واني فرحانه انصدمت يكلي مشغول
رديت مره واثنين هواي كله مشغول
تخبلت حصير ب 3 ويامن مشغول ظليت ادك ادك ماكو كله مشغول اني تخبلت كمت اللوب خابرت رونق لان احنا نسهر نكعد نقرا شالته كالت ها شبيج

كتلها السالفه كامت تضحك كالت يمعوده عبالي شي يجوز يحجي ويه صاحبه كتله لا هو ماعنده هذا السالفه يحجي ويه اصدقائه بالليل كالت باجر انتي سئليه كتلها اوكي

سديته وبعد مدكيت على محمد ثاني يوم ترددت اسئله لو لا كلت خل ادك اليوم اذا ممشغول يعني بارحه عادي
طبعا على اعصابي احجي وياه واسوي نفسي عادي
وبسرعه اجتي الافكار براسي يخوني ويحجي ويه بنات صار دنيا ليل ب2 كلت خل ادك عليه دكيت ونصدمت هم مشغول اني هنا ردت اموت رجعت دكيت مشغول كله مشغول
عفته بعد مدكيت كلت باجر اسئله  طبعت اني ويه كل مشغول دموعي صير اضعاف
بالكوه والله نمت احس مضايقه ومالي واهس حتى قرايه ماريد اقره

خابرته ثاني يوم وسولف وياه فكتله حمودي البارحه شسويت وره مسديته وياك

نمت والله ولا حسيت للصبح

اني هنا اختنكت لان جذب عليه  بالكوه ساكته كتله ها يعني رتاحيت بالنومه كلي اي والله جنت منتهي
اني محجيت شي عفته وكملت سوالف وياه كلش عادي
ثالث يوم بالليل كلت هالمره اذا مشغول بعد ماريد خل يروح يزوج الي يخابرها شنو اني وهو ليش ديخوني الافلام كلها براسي اشتغلت
رجعت لزمت التليفون وايدي متقبل ادك عليه لان اذا دك هالمره ومشغول بعد هاهيه انتظرت ودكيت عليه وادعي مومشغول ماكدر اعوفه والله اموت من دونه بس نصدمت لان هم طلع مشغول ظلت عيوني دموع  بس تنزل اكثر من مره مشغول
هاهيه بعد
كتبتله رساله 📱 مره سئلتني شنو الشي الي اذا سويته بعد متريديني كتلك الخيانه وانت صرت تضحك كلتلي كلشي اسوي بس ماخونج
بس انت مسويت شي بس خنتني

رسلتها انتظرت استلمها وغلقت جهازي وبقيت اني ودموعي ابجي واشهك من كل كلبي مجنت مصوره هيج يسوي ولا دقيقه تخيلت
ظل كلبي يكلي يجوز ميحجي ويه بنات يجوز صديقه زين يجوز مشكله بالشبكه يجوز ويجوز كل الاحتمالات خليتها بس مجاي اصدك ب ولا وحده 3 ايام مشغول وبالليل وره ميسده مني ويكلي حنام اني اذا سويت هيج شنو ردت فعلا

.......
غرام ... ماكدرت احجي لاسد على فراس ماعرف كل ماريد اكله صير شغله والتهي وراها التحق اني جنت اداوم ويه بطني لان اني ضعيفه شويه طلعت مادري من الحمل مدري هلكد مااكل
نوب حظي كل مااحد يجي اني داكل
نزلت العصر جوه جنت مشتهيه مشمش هو خطيه اسد من يروح للدوام يسوك كلشي ويخلي بثلاجه بس اني جنت مشتهيه ومو وكت بمشمش منازل بسوك بعده
رحت الوب
شفت جلال كتله جلال عدك روح للسوك كلي ليش محتاجه شي كتله اي اريد مشمش صفن عليه كلي منين اجيبلج هذا بعد منازل
اني كتله يله ماريد عفته ورحت للمطبخ شفت عمي ومرت عمي بره كاعدين بالحديقه طلعت يمهم كعدت سوالف بس اني بنفسي مشمش

صعدت خابرت اسد واسولف وياه كتله مشتهيه مشمشه
كلي خرب عشيرتج منين اجيبلج هسه كتله مادري مشتهيته واريده حامض وقوي
اسد... ادري اني بكال ماشي تددلين هسه اشوف احد من الولد يجيبلج اذا اكو

غرام ... لا كلت لجلال كال ماكو بسوك لدكول ماريد
بقيت اسولف وياه وراها سديته كعدت اقره وراها لابست رحت لبيتنا كعدت اسولف ويه امي خطيه كامت طلعتلي طرشانه كالت اكلي منها هي مشمش بس مجفف اكلت جم وحده ورجعت للبيت وكفت اساعد نبأ وايمان بالعشه دخلو فهد وجلال
فهد اول مادخل خله علاكه سوده كلي هاج ست الحسن
كتله شنو هاي كال شنو مشمش

لعبتي نفسنا بين ملكينا

يا تعبتو نفسكم والله نداريت على جلال كتله مو كتلك ماريد

جلال ... هو اني لو بيدي كلشي ماجيب غير خابرنه اسد سوه انذار علينا
فهد ... شون سالفه هو هناك مرتاح وهنا هاي تشهى واكع فهد بيها
غرام ... هههه غير انتو ولد عمي شيالين همي شعدي غيركم
فهد ... اي هاي بس ترى مستورد هذا
غرام ... هزيت راسي وطلعت العلبه من الجيس وغسلت جم وحده وكعدت اكل صح مابيها طعم بس سد نفسي الدنيه الكلسع مشتهيه شي كملت وكعدت فهد يباع عليه كلي ها هسه ارتاحيتي اكلتي مشمش

غرام ... هههههه اي بس مطيب كلش
فهد ... امشي لا اركعج بهذا
غرام ... هههه والله انت تغار مني  شفته كام كلت خل اضوجه كتله اكلك فهد

فهد ... ها
غرام ... عود من اجيب فرغلنا غرفتك اريد اسويها للنونو لان قريبه على غرفتي. شفته ندار عليه ورفع حاجبه
فهد ... امشي طيري انتي ونونو والله اليتقرب من غرفتي احركها
غرام ... عادي احركها عود نعمرها ونخليها للنونو
فهد... بسيطه غرام اني اعلمج

عافنا وطلع اني والبنات خربنا ضحك عليه من كل عقله يضوج من اكله اخذ غرفتك

وره جم يوم بغرفتي كاعده اقره دخلت ايمان كالت غرام اريد اكلج شغله

كتلها كولي كال نبأ متحجي ويه محمد وغالقه تليفونها

كتلها عادي همه يصالحون ويزاعلون

ايمان ... لج لا هالمره جبيره سالفه حتى حلقتها نزعتها وتليفونها غالقته وصار مرتين محمد يجي للبيت يسئل عليها متقبل تنزل هسه هو جوه وابويه كلي صعدي صيحي نبأ
صعدت كتلها كالت كليله ماريد انزل وخل يعوفني بحالي ولج تعيط حتى خفت لاحد يسمعها وهسه ماعرف شكول لابويه

غرام ... ياا هذا شمسوي مصيبه وهيج كالبه عليه
ممم نزلي كوليلهم نايمه واكعد بيها متكعد لان الليل كله تقرا

ايمان ... ماشي روحيلها انتي شوفي شبيها خابري رونق تجيها

غرام ... ماشي روحي انتي كمت اني رحت لانبأ شفتها نايمه ومغطيه وجهه رحت كشفته كتلها ها شكو البقيه بحياتج منو مات

ونبأ... غرام عوفيني بحالي
غرام ... شبيج حبي شوفي عيونج مورمات من البجي صاير
نبأ... غرام محمد يخوني
غرام ... عزه شون عرفتي
نبأ... ولج 3 ايام ادك عليه بالليل كله مشغول
غرام ... انتي مخبله وهيج استنتجتي يخونج
نبأ... لا غرام حتى اخر مره من اجه كتله انطيني تليفونك جانت اكو صور عده ظل يتحجج ومابي شحن اني صدكت بس من كام يطلعلي مشغول تاكدت
غرام ... مممم غير تحجين وياه تتاكدين خوما هيج هي
نبأ... ماريده بعد لعبت نفسي منه ماريده
غرام ... يابه شبيج هو صرصر وتلعب نفسج منه صدك جذب
ميصير لازم تواجهي تحجين وياه يجوز مظلوم ليش هيج اتهمتي بسرعه
نبأ ... ظليت ساكته وافكر يجوز صدك تاهمته وماعنده شي واني كبرت السالفه
فتحت تليفوني لان من وره السالفه غلقته ومافتحته شويه وبدت الرسائل تجي اصلا كميه الرسائل هواي بحيث صرت ماقره
بس جاوبني على رسالتي داز 📱نبأ شبيج فتحي التليفون لاتخبليني خل افهمج .

وراها داز شغلات كومه رسايل والله احبج وماخنتج وشبيج تخبلتي  ولاتكبرين الموضوع ماكو شي

اني ظليت اقره بالمسجات وابجي كلت لنفرض اني ظالمته وهو جان نايم من دزيتله المسج وره 4 دقايق مجاوبني
واجتي اشعارات من الشركه هذا الرقم متصل كلسع تجي رساله

داقره ودك التليفون اقره حبيبي
واني دموع

غرام ... جاوبي شبي وافتهمي منه لصير مخبله بسرعه تحكمين عليه يله

عافتني غرام وطلعت اني اخذت نفس قوي وجاوبته
نعم ( واجاني صوته الحاد العصبي الي زرف اذني)
-ولج انتي مخبله غبيه شنو هالتصرفات صدك جاهله ومتفتهمين شي ليش هيج جاوبي

-ليش تليفونك جان مشغول
- نبأ من كل عقلج انتي دشكين بيه
- ليش تليفونك جان مشغول
-جنت احاجي صديقي لتخبلين بسرعه سويتيني خاين
- صديقك يوميه تحجي وياه وصديقك الا ور 2 تحاجي شنو انت
- نزلي نبأ جوه اني هسه الوف السياره واجي لبيتكم
- ماشي محمد

سديته وظليت ساكته وافكر اكول خل افتهم منه يجوز صدك يحاجي صديقه
كمت غسلت وجهي ونزلت جوه كعدت بالمطبخ شويه ودخل جلال كال محمد بره بالكراج يريدج

طلعت للكراج شفته كاعد عالمرجوحه شافني كام
اني صرت اتقدم اله وكعدت يمه حتى ماسلمت عليه
تنهد وكعد  ندار عليه كلي

نبأ شبيج حبيبتي ليش هيج مسويه بنفسج هاي كله علمود شفتي تليفون مشغول من انعل ابو التليفونات ياابو الاخترعهن لج باعي العيون صاير بيها

- اذا دكيت عليه بالليل وشفته مشغول واني كايلتلك حنام جان سويت
- جان كصيت راسج
- ها ليش ماعندك ثقه بيه
- نبأ كتلج صديقي جان عنده ظرف وجان يسولف ويايه تريدين اخابرلج الولد اسئليه حتى ترتاحين
- ماكو داعي ظليت ساكته بس كلبي ممرتاح ليش مداصدك بي
- بعدج زعلانه
- ظليت ساكته
- ولج لو ادري هيج تحبيني جان يوميا اخابر حتى هيج تغارين عليه
- محمد بيوم الي اعرف انت تخوني وداعت حبي الك ماابقى وياك دقيقه
- كافي مخبله اني اكدر اخون هذا الجمال من اروح فدوه لهذا الحلك الي يهدد
- ابتسمت اله وتنهدت مضطره اصدكه
-ولج هيج دموعج رخيصه بسرعه ينزل
- محمد كافي سد الموضوع
- ماشي ام اللسان بس والله اذا غلقتي التليفون مره ثاني والله اجي اطيح حظج
- 😒

......
غرام ... جان اليوم اربعاء رجعت من الدوام وجنت تعبانه لان مختبرات عدنا وكله وكفه طبيت للبيت سلمت عليهم وصعدت جنت مطايقه احد ومحتاجه اسد يمي بدلت وغسلت حتى متغديت مددت ونمت كعدت على نبأ ورونق يهزن بيه كومي وكومي
كمت صحت بيهن شكو

رونق... شبيج كومي دنيا مغرب
غرام ... كمت كعدت واباع على رونق ونبأ كتلهم شكو ريا وسكينه مجمعات اكيد اكو مصيبه

رونق... ههههههه شمدريج
غرام ... شكو اعرف نظراتكم
نبأ... غرام باجر عندج امتحان
غرام ... لا ماعندي
نبأ ... خل نجي وياج للكليه
غرام ... ليش
رونق... ضايجين ريد نغير جو
غرام ... مممم ورجولتكم عندهم علم
نبأ... اني اليوم الليل اكله بس ميكول شي
رونق... واني ماعندي رجال حره نفسي
غرام ... وجلال مو بعدين اشوفه هناك قبلنا
رونق... هههههه لا معليج بي شكلتي
غرام ... ماشي باجر عندي محاضره وحده اطب وانتو ابقى فرفروا بين ماطلع نتغدا ونفتر ونرجع
نبأ... عااااا حماس حماس  بس غروم كولي لامي حتى تقنع ابويه حبابه
غرام ... ممممم نشوف حجه اخذكم ويايه

وفعلا نزلت كلت لمرت عمي باجر حاخذ رونق ونبأ ويايه للكليه حتى يشوفون اجواء الكليه ويصير عدهم حافز للقرايه خطيه مكالت شي بسرعه قبلت عساس اني مزوجه وجبيره

بالليل دك عليه اسد جنت مطنكره عليه لان تاخر بنزلته وشويه تعبانه نفسيتي قرايه وحمل وشغل حتى مالي واهس امشط شعري
خابرني يسئل عليه واني بس اي و لا ماعندي غير كلمه
هو حس بيه ضايجه شبيج ومنو وياج بس اني ماعرف شبيه
حتى مطولت وياه كلتله اريد انام وسديته
حضرت هدومي وكملت ونمت اني مختنكه ولعبانه نفسي من نفسي
حلمت فد حلم مزعج فزيت من النوم ابجي نوب ماكو احد يمي حسيت نفسي ماعندي احد وبجي بجي بجي خابرت نص الليل على اسد خطيه هو بسرعه جاوب فاز عباله بيه شي

شبيج صاير
-مصاير شي بس حلمت حلم يخوف ( واشهك وابجي طلعت الخنكه كلها )
-اروح فدوه لكل دمعه لاتبجي تحركين كلبي تعوذي من الشيطان كلبي هو حلم .
-اسد محتاجتك وكل ماحتاجك انت ماكو تعبت متحس بيه انت متحبني واني هم ماحبك واكرهك خل يفيدك الدوام الي عايفني علموده ( طلعت خبالاتي )
- يروحلج فدوه الدوام لاتبجين رويحتي انتي خرب عشيرتج ولج كافي هسه ابني يكول شبيها امي كالبتها مناحه
- اسد تعبت والله اني حروح بيتنا ابات من تروح للدوام
- كافي حبيبتي شتردين سوي مسحي دموعج يله لاكسر راسج
مثل الجهال تبجي ام دميعه
- شوكت تجي
- هلايومين ان شاءالله ماتاخر
- يله باي
- شبيج حبيبتي شترديني اسوي بس كولي شنو الي يرحج
- ماكو شي خليك بدوام لاتجي ماريدك بس تعرف والله ياريت مامزوجه وباقيه بيتنا يله باي

سديته بوجهه وشمرت التليفون وكملت بجي بعدين كمت غسلت ونزلت جوه البيت هدوء ماكو احد الكل نايم
فتحت الثلاجه شفت جدر بي تمن( الرز) احمر ودجاج طلعت صبيتلي وكعدت اكل
يعني اني مجوعانه بس اكل من ضوجه جفلت على صوت يكلي اكو احد ياكل تمن ساعه بالربعه الفجر

نداريت شفته جلال

غرام ... خرب جلال والله فززتني طلع صوت من تمشي
جلال ... شمدريني انتي كاعده هنا شبيج هيج ضاربج الجوع ونازله الفجر
غرام ... اجه جر الكرسي وكعد يمي كتله ضايجه وفزيت من حلم زعجني وخابرت اسد طلعت خبالاتي عليه
جلال... يله همزين طلعتيها على احد
غرام ... رجعت اكل  كام جاب خاشوكه وكعد ياكل ويايه
كتله مو اكو واحد ياكل تمن ساعه بالربعه الفجر
جلال ... اشتهيته
كعدنا ناكل هو جدر صغير باقي من الغده خلصنا اني وجلال وراها كلي
جلال... كومي شوفينا شي نحلي بي
غرام ... كمت دورت ماكو شي كتله تاكل دبس وراشي
جلال ... جيبي جيبي طلعينا خبزه هم
غرام ...رحت خليت دبس وراشي وطلعت خبزه وكعدنا ناكل ودك سوالف خلصت كتله اكلك معدتي كامت توجعني يمكن اكلنا هواي
جلال ... لا شكلنا قابل
غرام .. كمت غسلت الاماعين ورجعت كتله تكرز حب
جلال ... اي
غرام ... صعدت جبت كرزات عندي ونزلت وكعدنا نكرز كومه سوالف حجينا مابقينا سالفه تعتب علينا من الاربعه ناكل للسته وكلسع اكله معدتي توجعني يمكن اكلنا هواي وهو يجاوبني لا قابل شماكلين هههههههه
جلال ... تشربين سفن يهضم الاكل
غرام ... اني وياك بقوطيه وحدا لان حنفجر من الاكل عاد نطاني باكلاص وشربت
كمت كتله عزه جلال سته وربع عزه حصعد ورايه دوام وصعدت بالكوه امشي صاير عندي تخمه بس ارتاحيت جنت محتاجه احجي وافض فض وجلال من يحجي وياج كلامه يريحج شفت اسد داك عليه كومه ودازلي مسجات خطيه ظل باله عليه بس اني مجاوبته بدلت وكملت دخلت عليه نبأ مبدله والضحكه للاذن واصله

نبأ... كملت اني ورونق هم مكمله
غرام ... اني هم كملت يله ننزل نروح لبيتنا ننتظر الخط

رحنا لبيتنا  رونق مكمله ظلينا واكفين بالكراج لان هسه يجي الخط
كتله رونق جلال كتيله حتجي ويايه

رونق.. لا لان اكيد ميقبل من اوصل اكله
نبأ... يمعوده يروح يسوينا سالفه هسه
رونق... ليش هو وينه
نبأ.... ماعرف
غرام ... خطيه من 4 ويايه كاعد بالسته عفته وصعدت يجوز نام
رونق... جنتو سوون
غرام ... ناكل نوب معدتي توجعني كلش
نبأ... شكلتي
غرام ... كلشي وداعتج
رونق... ظلي اكلي حصيرين دب
غرام ... ابقى حلوه

رونق... اجه الخط وصعدنا وصلنا للكليه ونزلنا اول مره اجي ويه غرام نمشي ونصنف ونضحك وغرام كافي خزيتوني كافي
ههههههه ظلينا نتمشى ونسولف غرام كالت اني حروح للمحاظره انتو افترو لو روح للكافتريا اكعدو بين ماكمل
راحت واحنا ظلينا كاعدين نتفرج عالبنات وعالولد ونصنف عالكل تليفوني دك شفته جلال بلعت ريكي كلت خوش حترزل
جاوبته الو اجاني صوته
انتي وين ...... يتبع ❤️