رواية حب جنوني الفصل التاسع وخمسون 59 - بقلم سوزان ليث

ظلينا كاعدين نتفرج عالبنات وعالولد ونصنف عالكل تليفوني دك شفته جلال بلعت ريكي كلت  خوش حترزل
جاوبته الو  اجاني صوته
انتي وين
اني بالكليه ويه غرام
وشصخمين بالمهجومه
اغير جو اني ونبأ
وشنو اني طرطور مدكليلي
لا والله حشاك بس باع بالليل قررنا وانت جنت نايم
رونق شنو هالحجه مو ب 1 جنت احجي وياج شوكت اتفقتي
جلال هسه صار قابل شمسويه
شمسويه مو زين رونق خلي الكليه تفيدج اذا هيج

رونق... سد التليفون نداريت على نبأ
نبأ... حيجي مو
رونق... لا زعل لان مكلتله حروح
نبأ... يمعوده باعي ذيج الكاعده هناك صار ساعه مراقبتها هذا الكاعد يمها يمكن صديقها
رونق... صدك
نبأ... باع شون تتلوك خرب حظي
رونق.... ههههههه بس هو احلا منها
نبأ... اي يجنن لا لازم اشد حيلي وادخل طب اسنان شو كلهم حلوين
رونق... هههههه بالنسبه لمحمد نسيتيه
نبأ... اااخ محمد عنده سالفه بس اكشفه اكشفه بس ياويله اذا طلعت صدك
رونق... شكو هم دشكين بي
نبأ... لا حبي متاكد منه مو شك بس خل الزم الدليل
رونق... واذا عرفتي عنده وحده يحاجيها شسوين
نبأ... اشمر هاي بوجهه 💍 لا والله رونق صح احجي وياه هسه بس كلبي ممرتاحله ورى شي
رونق... ماعرف والله
نبأ ... امشي نتمشى

غرام ... دخلت محاظره وكملتها نزلت خابرت البنات ورحتلهم ظلينا نفتر بالاخير كالو جوعانين خل ناكل رحنا للكافتريا فهمه يستحون يطلبون اكل فاني كمت رحت داكص وصل واحد من ورايه كله واصل حسابها نداريت شفته فراس
كتله لا شنو واصل ماريد  ظليت اني ادفع فلوس للكاشير وهو يدفع فلوسي يخلي فلوسه
بالاخير نداريت عليه كتله ماريد محطلب شي عفته ورجعت كعدت يم البنات

نبأ... ها وين الاكل
غرام ... هسه فدشويه اروح اجيب ( كلت يروح فراس واكوم )
وره شويه شفته جاي علينا وشايل صينيه كال
فراس .. السلام عليك
نبأ . رونق .. عليكم السلام
فراس ... يعني حتى اذا عفتي الطلب ورجعتي ترى حسابج واصل
غرام ... لا عفيه ميصير هيج ماقبل والله
فراس ... لا اني حلفت قبلج
غرام ...خله الاكل عالميز وكال
فراس .. ترى عادي والله ماريد اكعد
غرام ... شون لازكه .. تفضل
كعد ونبأ ورونق صافنين علينا
كلت خل اعرفه على نبأ حتى يعرف اني ماعندي شي وياه
كتله هاي رونق اختي  ونبأ اخت اسد رجلي وبت عمي

فراس ... اهلا وسهلا نورتو الكليه

رونق... شكرا

فراس ... وين داومون
نبأ... احنا سادس بعدنا
فراس ... هاي شدو حيلكم حتى تجون يمنا
نبأ... اي ان شاءالله
فراس ... ماشي يله اني اترخص اخذو راحتكم
غرام ... شكرا عالاكل بس ترى الحساب يجي يوم وارده الك
فراس ... باانتظارج

غرام ... عافنا وراح باوعت عالبنات صافين عليه كتلهم هذا فراس الحجيتلكم عليه

نبأ... عزه هذا شون حلو
رونق.. لا ميله حلكه شكبره
نبأ... ولج شعده وياج
غرام ... ولي لزكه كله من وراكم صار يطلبني
رونق... سنوني توجعني حروح اخلي يكشف عليه
غرام ... انجبي احسلج

كملوا اكل البنات طبعا اني لعبانه نفسي من الاكل كملو وطلعنا شويه افترينا
تليفون نبأ دك
نبأ... هذا اسد
غرام .. اذكرت تليفوني مسويته صامت واصلا من البارحه سديته بوجهه محاجيته جاوبته لاسد وكلتله اي ميخالف اكللها  سدته ندارت عليه

نبأ.. جاوبي على تليفونج اسد حارك الجو عليج
غرام ... طلعت تليفوني داك كومه دكيت عليه بسرعه جاوب
نعم
شون وياج انتي  مدكليلي وين الخ....
شكو
من البارحه حارك الموبايل عليج وانت ممهتمه
اي معاجبني احاجيك
غرام احجي عدل ويايه ترى اجي اكسر راسج
اي هو انت بس تهدد
لج شو صايره صلفه انتي
لاصلفه ولا صخام عوفني بحالي وروح التهي بدوامك
ماشي غرام حسابج بعدين ويايه وسد التليفون

غرام ... سده
رونق... عادي اخوه قبله هم سده

غرام ... ضجت حيل منه من صدك اشتاقيتله وهالمره طول وتعبت والله
ظلو يفترون البنات ويصنفن ويضحكن اخذنا صور
ورجعنا بالخط وصلنا للبيت ونزلنا دخلت البيت سلمت على مرت عمي وسولفنا على روحتنا شويه وصعدت بدلت ملابسي ودخلت اسبح طلعت مشطت شعري ومددت جنت نعسانه كلش  نمت حسيت شي ديمشي على وجهي عبالي حشره شي
فتحت عيوني شفته اسد نايم ومحاوط خصري وديبوس بخدي

اسد... حبيبي التعبان
غرام ... نداريت عليه بسرعه حضنته اسد شوكت رجعت
اسد... ياروح اسد قبل شويه شبيج حبيبي
غرام ... ليش مكلتلي جاي
اسد... وانتي انطيتيني مجال لسانج رشاشه  صاير
غرام .. والله كلش محتاجتك
اسد... وهو يحضن غرام  ويبوسها من راسه ... حبيبتي اني يمج
غرام ... اشتاقيتلك هواي
اسد... ولج مو بكدي صاير مريض بيج اني والله
غرام ... ابتسمت اله كتله يله امشي ننزل اسويلك شي تاكله
اسد... ماريد حبيبتي ماشتهي كومي لابسي يله بين مااسبح
غرام ... وين
اسد... نطلع نفتر تغيرين جو
غرام ... وين روح
اسد... وين تريدين اوديج اوديج لو للمريخ
غرام ... ههههه
اسد... يله كومي حضري نفسج
غرام ... صدك
اسد ... اي كومي يله بسرعه
غرام ... عافني وكام يسبح اني رحت غسلت وبدلت طب واني اخلي مكياج اجه وكف ورايه يمشط شعره وهو يباع عليه داجر بالحمره
اسد.... ان شاءالله هيج يوميا رايحه للدوام
غرام ... هههه لا والله بس وياك اصير فنانه
اسد... لا والله شكولج يوميه ضاربه التخم ورايحه
غرام .... عزه اني
اسد... لا امي
غرام .... 😁
نزلنا اني وياه صار بوجهي جلال
جلال .... ها الوجهه يضحك
غرام ... دايما يضحك
جلال ... الفجر جان يبجي
غرام .... هرمونات حمل ههههه

طلعنا اني اسد فترينا كلي عاجبج تتمشين كتله لا ماريد اليوم هواي تمشيت بالجامعه
عادنزلن لمطعم كعده بالحديقه كلش حلوه واجواء عائليه طلبنا الاكل واني كلسع اباوع على اسد شكد مشتاقتله وشكد انيق القميص شون لايك لجسمه وتسريحه شعره وشواربه ذكرت قبل من جنت اخاف منه شون هسه احبه واموت عليه رفع راسه شافني اباوع عليه غمزلي كلي

اسد... ادري حلوه
غرام .... هههههه اكرهك
اسد... صدك ذكرتيني حسابج بعدين بالليل
غرام ... ليش
اسد.... حجيج مال الصبح مناسيه ترى وسده التليفون مال البارحه هم مناسيه بس خل نرجع محضرلج عقوبات ابو عقوبات
غرام ... هههههه والله روحي جانت طالعه وضايجه كلش وطلعت بيك الضوجه بعدين شنيه هاي عقوبات شناو تلعبني
اسد.... شناو على طريقتي 😉
غرام ... منحرف 😒
اسد... ههههه تموتين على هذا الانحراف
غرام ... عزه كافي شكد تحب قله الادب
اسد... ههههه اكو احلا منها
غرام ... ههههه اكلك اليوم اخذت نبأ ورونق ويايه
اسد... ادري خابرت صبح للبيت وامي كلتلي شعدج ماخذتهن رايحه تتونسين لو درسين
غرام ... اتونس هههههههه لا والله خطيه ضايجات وغيرن جو حتى يشوفون حياه الجامعيه ويصير عدهم حافز للدراسه
اسد... خوش حجه
غرام ... حقيقه هاي مو حجه
تعشينا وتمشينا شويه وتالي رجعنا فترينا بسياره وبعدين نزلنا رحنا لامي كعدنا شويه يمها
وراها رجعنا للبيت صعدت فوك للغرفه جنت فرحانه بدلت ونزلت
دخلت لكيت اسد يحاجي ابوه اني اكو مكان بين فهد ونبأ رحت كعدت بنص
فهد كلسع يشوفني شغله بتليفون صور او فديو يضحك رفعت راسي شفت اسد يباع عليه ويدخن باوعت عليه ابتسمت بس هو سوالي بحواجبه فوك
تمام يعني اصعد فوك عفتهم وكمت صعدت دقايق وفتح الباب اول مفات شمر السويج وباكيت الجكاير بصور عصبيه
كتله شبيك حبيبي
اسد... غرام مره وحده وبعد ماعيد وماريد نقاش اذا شفتج تشاقين ويه فهد لو جلال متلومين الا نفسج

غرام ... باوعت عليه متفاجئه كتله اسد شبيك ترى ذوله اخوتي
اسد... اخوتج مو اخوتج متشاقين وياهم
غرام ... شفته كام ينزع بعصبيه وضايج رحت يمه حضنته من وره كتله حبيبي اشتاقيتلك شكد جان عصبي وعاصر نفسه ومشنج بس حجيت وياه رخى ندار عليه وجرني من خصري

اسد... اي اغار عليج حتى من اخوتي ادري انتي معتبرتهم اخوتج وهمه نفس الشي بس ماكدر من اشوفج تحاجيهم وتشاقين وياهم بودي اكوم اجرج واكعدج بحضني

غرام ... اسد عشقي  انت والشي اليضوجك بعد ماسوي
ممكمله هالاكلام مشفته الا سوى عمليه اقتحام 🙈🙈🙈
..........
رونق... رجعت للببت بعد جنت خاله ايدي على كلبي خاف اشوف جلال بره الحمدلله ماكو دخلت بدلت ونمت تعبانه صار فتره مطالعه وفترينا هواي نمت من ظهر للمغرب لحد ماامي كعدتني كعدت غسلت ونزلت امي مسوي لحم بعجين سويت جاي وكعدت اكل باوعت عالتليفون كلشي مابي لامكالمه لا رساله كلت السالفه مو شقه هذا زعل
كملت اكل وصعدت دكيت على جلال يدك وميجاوب يدك وميجاوب عفته دزيتله مسج كتله 📱ترى كبرت الموضوع  تعرف لو لا

فشلني مجاوبني خابرت نبأ كتلها جلال وين كالت كاعد بالهول يتفرجون طوبه كتلها اكلج زعلان لان مكلتله صبح عالطلعه
نبأ... احسن لتعلمي كلشي تحجيله خلي عندج خصوصيه
رونق... يمه منو التحجي انتي اذا حكيتي شعرج دزيله رساله لمحمد قبلها د كليله عادي احك شعري

نبأ... هههههههههههههه انجبي احنا كلشي نحجي لبعض
رونق... هسه شسوي باخوج
نباأ... باعي شكد تنطيني واخلي يخابرج
رونق... هههههه شون تخلي
نبأ... شكد تنطيني
رونق... 5
نبأ... ماشي شويه شوفي داك بس لجاوبي ماشي
رونق... ليش ماجاوب
نبأ... معليج انتي لجاوبي وبس
رونق... ماشي ههههه شحسوين
نبأ... يله تحضري باي
رونق ... باي

كعدت انتصر باوعت عالساعه بتسعه وربع . تسعه ونص جلال يدكلي
ظليت صافنه عزه بعينج نبأ شون خلته يدك شكلتله متخربطه ميته
ظليت اضحك من كل كلبي ورد كطعه ورد دك وهم مجاوبته
عفته
وره شويه رجعت نبأ دكت كال
نبأ... ها خليته يدك لو لا
رونق... لج شون خليتيه
نيأ... شعليج اسرار دوله هاي المهم لجاوبي
رونق..اوكي اكلج خاف انتي دكين عليه
نبأ... ههههههههههههههه
رونق... ياكلبه والله عرفت
نبأ... بس الله عليج مو مشت عليج
رونق... ههههه شكد سخيفه لا ودكولي مو تفتحين عليه خط هسه شسوي
نبأ... عوفي هو جم يوم ويشتاق ويجي

.....
نبأ... بعد مادكيت لا محمد بالليل مو معناها مصدكته بس حتى اخلي ياأمن بيه وياخذ راحته وبعدين اصرف وره تقريبا اسابيع رجع نفس رقم الغريب يدك مرتين دك وراها دز مسج 📱كلشي بالدنيا يرجع لصاحبه الاولي

ظليت اباوع عالمسج ومداعرف منو هذا كل عقلي اكول غلطان بالعنوان ورجع دز 📱كلتلج مرده الي

اني هنا حسيت ايدي ترجف ماعرف ليش بس حسيت شي على محمد
ظليت ماعرف شسوي
اباوع لايدي ترجف ربي معقوله رجع لهاله واخذني حتى يقهرها
لالا هو يحبني هو كلي الي يطلع من كلبي ميرجع ممعقوله رجعلها زين اكله عالرسايل مادري شسوي
عفته ثاني يوم خابرته كلتله مشتاقتلك تعال اشوفك كل ميخالف من يطلع من دوام المغرب يمر عليه
وفعلا تحضرت اله لان حيجيني
ونزلت انتظره بعدين اجه سلمت عليه وكعدنا بس من شكين بشخص تحبوا صعب تتظاهرون ماكو شي شكد حاولت ابين ماكو شي بس ماكدر اسيطر على مشاعري
ظل يسولفلي على شغله وسوالف اكذب اذا جنت وياه جان هو يحجي اني صافنه عليه وافكر معقوله يجذب عليه وميحبني معقوله بعده يحب هاله ورجعلها
كتله محمد انطيني تليفونك

محمد... ليش
نبأ... هيج اتفرج صورك
محمد... مماخذ صور جديده كلها شايفتها
نبأ... اي انطيني اتفرج
محمد... دعوفج من التليفون مو دنسولف
نبأ.... محمد ليش متقبل تنطيني تليفونك
محمد... قابل شعندي حتى ماقبل هاج اخذيه انتي صايره بس شكين بيه واي ثقه ماعندج
نبأ... اخذت تليفونه عباله من يحجي هيج ماريده بعد بس من اخذت التليفون وجهه كام ينطي اللون اني اول شي رحت كلبت بصور هو طبعا اباوع عليه طلع جكاره كام يدخن ومتوتر كلش يعني هو الي فضح نفسه بهاي تصرفاته
ظليت اكلب بعدين رجعت للسجل مكالمات اشوف بارحه بالليل حاجي ويه احد ونصدمت صدمه عمري اكو رقم  مكاتب عليه شي بس وقت المكالمه 2 ص  يعني نفس ذيج المره هم يحجي بالتليفون
ظليت احفظ بالرقم لحد مطبع بدماغي ورجعت اريد ادخل عالفايبر هو سحبه مني كتله شبيك

محمد... ماحب هاي سالفه التفتيش
نبأ... منو كلك دافتش  انت من تاخذ موبايلي تحير شسوي بي يعني هم دتفتش
محمد... ممفتش اني
نبأ... والله بس الي عده شي هيج يخاف
محمد... نبأ كافي دخيل الله كمت اكره الجيه هنا من وره هاي تصرفات
نبأ... اوكي محمد مادام صرت تكره الجيه لهنا بعد لتجي ماشي عفته وكمت طلعت من الاستقبال صار بوجهي اسد كتله محمد يريدك عفته وصعدت فوك
ماعرف شنو داحس بي بس شك من يدخل بين اثنين الحب يطلع من نفس الباب
اخذت تليفوني وكتبت الرقم بسرعه قبل مانساه ياربي اني جاي اسوي ليش هيج ديصير ويايه ...

قررت اتصل بالرقم بس احس كلبي حيوكف هلكد مدك سريع
اتصلت بالرقم واني ماعرف الي داسوي صح لو غلط
دك دك دك جاوب صوت اجاني صوت بنيه .......يتبع❤️