رواية حب جنوني الفصل الثالث وأربعون 43 - بقلم سوزان ليث

محمد... اليوم اخابرج بالليل جاوبي عندي موضوع كلش مهم اريد احجي وياج بي

نبأ... اشوف
محمد... ادك جاوبين  من اول دكه لشلعين كلبي  محتاج احجي وياج

نبأ.... باوعت عليه بكلبي كلت انت بس محتاج تحجي مامحتاجني محتاج اذان تسمعك واحد يكلك انت مغلطان ويصبرك
كتله الله كريم

عفته وفتت جوه بس شنو كلبي راد يوكف من قربه عطره كلش طيب يسكر قاطعت فكره افكاري صوت هاله دكلي شبي محمد واكف يحجي وياج

كتلها داطلع ومقبل يكلي زلم هواي بره عفته ودخلت جوه
راحو كرايبنا ظلينا بس احنا وجم وحده من عماتي
وهاله بقت هم بس كل شويه دكوم تطلع بره وتجي بمره كامت كمت وراها شفتها طلعت وكفت بطرمه شويه ودخل محمد من بره
ظلو واكفين سوه ودك سوالف اني شنو حقدت حقد على محمد

رجعنا للبيت وصعدت بدلت وغسلت ونزلت خطيه اسد جايب عشه من بره جنت مقهوره كعدت اكل وخربت الرجيم

صعدت شفت محمد داكلي مرتين ودازلي مسج 📱 اني شكلتلج

دكلي جاوبته بس احجي من وره خشمي
نعم
نعم الله عليج شونج
زينه
مشتاقين
تشتاقلك العافيه
شبيج
مابيه كول شنو تريد تحاجيني
شبيج مستعجله بس تردين تروحين
اي تعبانه
اي طبعا كظيتيها ركص ويه قصي ليش متعبين
ليش انت متعبت من ركصت ويه هاله
اول شي مركصت وياها هي جتي تركص
وانت مصدكت
ههههه شبيج كالبه وجهج عليه
كتلك مابيه تعبانه
ليش تعيطين
مداعيط
احجيلي احنا مو اصدقاء
ههه اي
شبيج شو ضحكين
ماكو شي اي شونك انت مبين اليوم رجعت العلاقه
ياعلاقه
ويه هاله
ها لا اني الي يطلع من كلبي بعد ميدخل
بس هاي هاله حب الطفوله
هههههه كلتيها حب طفوله يعني راح
مممم
نونو شبيج ليش متغيره عليه
ممتغيره بس ملتهيه سادس وقرايه وتعب
اها حقج لعد
هسه شنو تريد تحاجيني بي
نبأ شبيج تريدين تروحين روحي ترى ملازمج
اي اريد اروح
اوكي يله الله وياج

سد التليفون بوجهي ظليت صافنه عالتليفون ماعرف ليش هيج جنت احاجي برود وكلسع رافعه صوتي عليه ليش هيج سويت
كلبي منطاني رديت خابرته بس مجاوب مره ثاني جان يجاوب
نعم
نعم الله عليك
شكو دكيتي مو تردين تروحين
محمد اسفه والله بس ضايجه
ليش بله منو مضوجج قصي
اوو انت جلبت بقصي
لا شعليه بي بس اني اخاف على صديقتي غير
ها لا لتخاف
والله لو يمي هسه جان كتلتج كتله
ليش يمه ماعندي اهل ترى اكول لاخوتي
عاد كلشي ولا خوتج اي شخبار العريس
والله العريس بالغرفه هو والعروس
هههههه يابه روحو كلوله اليوم مو عرسه
ههههههه لا همه دايما يكعدون بالغرفه
شيسون
يسولفون
شيسولفون
شعليك انت
ههههههههه كتله تعال وره الخطوبه نطلع كلي دطير
هههههه باعك بسرعه
لا هو من زمان بايعني
ههههههه يله انت هم يجي يوم وتبيعه
هههههههه تعالي نبيعه اني وياج هههههه
( طبعا من حجه هيج حسيته ذبها حتى يشوف ردت فعلي بس اني ضحكت عود ديشاقه )
بس ترى اليوم معرفتج
ليش
يعني فستان وشغلات
هههههه اي غير خطوبه اخويه
بعد يومين عندي سفره لدبي
ها ليش ونسه لو شغل
يعني هو شغل بس ونسه وياها
ههههههه اي الله ربك بس ترى هي زرق ورق
ههههههه حجي يفيدج هذا
يله تروح وترجع بسلامه صديقي العزيز
الله يسلمج صديقتي شتردين اجيبلج ويايه
والله مال اكلك لا وسلامتك ترى ماعندي هاي الفقره
هههههههه عود انتظر دكليلي سلامتك
ههههههه لا عيني
كولي شتردين ومن عيوني
لا لا خجلتني بس هم ماكلك سلامتك
ههههههه
باع  جيبلي مكياج  مناك
اوو شعرفني بهاي سوالف اني
لا الله عليك صديقتي اخوها جايبلها مكياج مناك يجنن كله اصليات
اي ماشي وبعد
يعني بكيفك ملابس شي ماكول لا
وبعد
كافي دكلي بعد ترى والله هسه اكعد اكتب قائمه طلبات
ههههههه  بعد بعد بعد بعد
هههههه لا والله بس اذا غاليات لاجيب
الغالي يرخصلج صديقتي

سديته منه بعد ماسولفنا شويه وكلسع يذبله حجايه ويريد يسويها شقه
اووو شكد قاومت بس ماكدر خلينا عود احنا اصدقاء

رونق....داطلع من الاستقبال للطرمه جان شفت بطرمه جلال وفهد وعلي من طلعت انتبهو عليه جلال بسرعه ابتسم الي بس ختفت ضحكته بسرعه من طلع ورايه انمار
اني بسرعه دخلت للمطبخ وكبل طبيت جوه ظليت وكفه على صفحه اباع على غرام شون فرحانه هي واسد تمنيت الله يديم فرحتهم كلش
اسد رجال وابد مايوم قلل من رجولته حبها من كل كلبه ومستعد يسويلها كلشي بس تطلبه مو مثل انمار راح خطب ومن شافني رجعت اعيش حياتي طلع عليه حجي يمكن بسببه اهلي يموتوني
الله ياخذك ياانمار من كلبي دعيت عليه

بالليل اسد سوه عشه بيتهم رحنا يمهم بعد مابدلت جان جدي وجده حكمه وعمي الصغير ومرته جان الكل كاعد يسولف بس اني صافنه
صار العشه وكعدنا ناكل طبعا جلال مباوع عليه ابد وحتى محجه بعد ويه وره العشه اجتي امي عليه كالتلي جدج يريد بالاستقبال شمسويه
اني طبعا شنو احس جسمي كام يرجف اول شي خطر بالي انمار كايل لاجدي بالكوه طلعت كتلها ممسويه
كالت دروحي بالاستقبال دخليله
طبعا امشي واحس رايحه للموت رجلي مدتحملني دخلت للاستقبال شفت جدي وجده حكمه كاعدين وكفت يم الباب واني ابلع ريكي كتله جدو ردتني

الجد ... اي بنتي تعالي
رونق.... كمت اتقدم خطوات بطيئه بااتجاه وايدي ورجلي احسهن قالب ثلج وصلت يمهم كعدت بصف جده حكمه
جده حكمه خلت ايدها على ظهري وابتسمت بوجهي كالت

جده حكمه ... جدج رايدج بسالفه
رونق ... باوعت على جدي وهزيت راسي
الجد... سمعي ابنيتي انتي بت الغالي الله يرحمه وانتي واختج مسؤليتي من مات ابوكم  الحمدلله هسه اختج صارت على ذمه رجال
وصارت مسؤليه زوجها

رونق... ظليت اسمع لجدي ومداعرف شيريد بكلبي اريد اكله بدون مقدمات احجي شكو

الجد ... ابن عمج جلال رايدج وانمار هم رايدج واثنينهم طلبوا ايدج مني اني محجبرج اذا انتي مرايدتهم اثنينهم محجبرج اني بس بنتي فكري انمار يكلي انتي رايدته وابو جبره يخطب وهسه هو مرايد خطيبته وجلال انتي تعرفيه ورابيه يمهم تعرفين مايه ونعمه الولد ومايختلف عن اسد
فانتي كولي شنو رائيج

رونق... ظليت ساكته وماعرف شحجي بيبي شجعتني وكلتلي حبيبتي اني وجدج منجبرج لا على انمار ولا جلال ولا على اي شخص شتريدين انتي يصير

كتله .. جدو اني ماريد انمار انمار لو يريدني مجان راح خطب

جده حكمه... اي والله ولا عاب حلكج
جد ... اي كملي
رونق... وجلال حباب ومشايفه شي عليه بس جدو اني اريد اكمل دراستي
الجد ... محد حيخليج تتركين دراستج بس جلال يريد يحجزج اله
رونق... ظليت ساكته ماعرف شحجي بداخلي اكو شي يكلي وافقي شبي جلال تعرفيه وحباب ومايوم اذاج وشي يكلي شون توافقين وهو يعرف عندج علاقه قبل باابن عمه
ظليت حايره ماعرف شسوي وبنفس الوقت خايفه من انمار لان نذل كلشي يسوي وبس جلال يعرف سالفتي وياه ويكدر يوكف بوجهه

كتله جدو كول لجلال اني اله بس بشرط اكمل دراستي
شفت جده حكمه جرتني وباستني وكالتلي والله ماتلكين مثل جلال

الجد ... يله على بركه الله الله يقدم كل الخير الكم ونعمه الشباب جلال اهم شي يخاف الله بيج

رونق ... طلعت من الاستقبال واني ماعرف شون حجيت هيج يعني شنو اني هسه موافقه على جلال رحت كعدت بصف امي بسرعه ندارت عليه كالت ها شيريد جدج
كتله ها مادري
كالت شنو متدرين شيريد صاحج كتله ها هو عود يكلج عفتها وكمت استحيت اكللها
رحت بالمطبخ وكفت يم نبأ ظليت افرك ايدي وماعرف شسوي

نبأ... شبيج
رونق... جدي جان مسوي ويايه اجتماع
نبأ... صدك شبي
رونق... انمار وجلال طالبين ايدي منه
نبأ.... عااا جلال
رونق... اي وانمار هم
نبأ... عزه بعينج انه واحد مجاي انتي اثنين جايين بنفس الوقت
رونق... عابت شكولج
نبأ... وانتي المن اختاريتي والله اذا اختاريتي انمار اجفص بطنج
رونق... لا كتله ماريد انمار
نبأ... يعني تردين جلال
رونق... اي يعني مجرد جلال حجزني اله
نبأ... عزه ولج حبيبتي حصيرين مرت اخويه ولج تعالي
رونق.... مخبله شبيج وخري بس تبوسين
نبأ... جان سوينا اليوم خطوبتكم ويه اسد
رونق... كتلج بس حجزني
دنحجي جان يدخل جلال جان بره باوع عليه ودار وجهه مبين عليه ضايج
نبأ كلتله
جلال جلال

رونق... اني باوعت على رونق واتوسل بعيوني متحجي
جلال ... شكو
نبأ.... جدي جوه شوفه يمكن يريدك
رونق... عافنا وفات جوه طبعا اني شنو وكع كلبي عبالي حدكله بسرعه ضربت نبأ
نبأ..... اااااخ هههههههه شبيج وجهج صار اصفر
رونق... امداج استحي منه
نبأ... لتستحين لتستحين هذا زوجج المستقبلي
رونق... كافي كبر اكلج وين غرام دريد روح
نبأ.... فوك يم اسد
رونق... يبو شحيخلصنا اليوم
نبأ... هسه تنزل غرام حامل
رونق.... ههههههههه اي اي عزه قبل شويه جيت للمطبخ داشرب ماي شفت منظر +18
نبأ... جذب شفتي الله عليج
رونق... امشي تردين اشهر بااختي وزوجها
نبأ... ديله عيني هسه صار زوجها
رونق... ههههههه امي سئلتني عليها كتله بالمطبخ متدري فوك وياه
نبأ.... بربج تعالي نصعدلهم
رونق... اي امشي اصلا ريد روح تعبت اليوم من صبح كاعده
نبأ... امشي امشي  ههههه
رونق.... شون ضحكه خبيثه

غرام .... بعد ماخلصت الخطوبه وراح الناس اجه اسد اخذنا نتعشه يمهم اني ظليت بالقفطان مقبل انزع رحنا بيت عمي طبعا كلسع اباع على حلقتي ممصدكه لابسه حلقه اسد
جنت كاعده بين عمي ابو اسد وجدي وعمي خال ايده على ظهري وديحجي ويايه وديكلي هذا بيتج وانتي حالج حال نبأ وايمان واني معتبركم انتي واختج بناتي
ظليت مبتسمه والكل يسمع لكلام عمي فات اسد جان ديجيب العشه شاف عمي خال ايده على جتفي
كله
اسد... ها يابه سالمين ترى مريتي هاي
ابو اسد... هههههه تعال اخذها ليش عايفها
غرام .. اني شنو صرت هالصغرني ماعرف شويه ابتسم شويه ادنج مستحيه من الكل وخاصه امي
اجه اسد كعد بصفي ظلو يسولفون ويحجون كمت رحت للمطبخ لكيت البنات ديحضرون العشه وكفت اساعدهم وكلسع امدلهم ايدي البيها الحلقه عود اشوفهم هههههه وهم يكلون شفناها شفناها
كعدنا تشعشينا كلنا
اسد كلسع شايل شي من كدام فهد خاله كدامي بالاخير فهد ضاج كله
فهد ... اسد اسد
اسد.. ها
فهد ... ها ك هاي خاشوكتي ( ملعقة) خليها يم غرام

صار الكل يضحك عليه فشل اسد وره العشه اسد كلسع تعالي فوك تعالي فوك بس ماكدر كل ماكوم من مكاني احس الكل يعرف حروح على اسد شون احراج
بالاخير دكت صديقتي ساره فكمت للمطبخ احجي وياها خطيه ماكدرت تجي للخطوبه فدتباركلي
ماشفت الا اسد محاوطني من وره وديبعد بشعري على صفحه واني صرت احجي بتليفون وادفع بي بس حايط ميندفع انفاسه الحاره على ركبتي جسمي احسه قشعر من وراه

سديت التليفون نداريت عليه شبيك عزه ماكدرت اكمل سالفه ويه ساره

اسد.... امشي نصعد فوك عندي موضوع وياج
غرام ... اسد وخر عني لحد يدخل علينا  لزم ايدي وكلي تعالي وجرني وصعدني فوك ظليت اتلفت منا ومنا ماعرف ليش خايفه احد يشوفني  دخلنا للغرفه وجرني عليه

اسد... صرتي مرتي
غرام ... هزيت راسي ب اي كتله شعور غريب
اسد... جم يوم وروح نكطع مهر بالمحكمه
غرام ... اوكي
اسد... ليش طالعه هيج حلوه
غرام .... مممم حلو هذا القفطان
اسد... انتي المحليته
غرام ... حاوطت ركبته بايدي كتله كلش فرحانه
اسد... احبج
غرام .... بعدني ممجاوبته  اخذ شفايفي وبالبدايه شويه قاومته بس بعدها  استسلمت اله ماحسيت الا ندكت الباب شفت نفسي  نايمه نص جسمي عالجربايه ورجلي بالكاع وهو فوكايه كام عني بسرعه وكمت  بسرعه عالمرايه عزه لا حمره باقيه لاتسريحه اكو دكم يم صدري كلها مفتوحه عزه كمت اعدل بنفسي وهو راح فتح الباب
من فشلتي سويت نفسي اعدل الجربايه ماعرف ليش
عاد طلعت رونق ونبأ
مديت راسي من الباب رونق تاشرلي تعالي وحاصره الضحكه خل روح
نداريت على اسد كتله حروح امي صيحني دنرجع للبيت
خل ايده على جتفي وكلها لرونق كولي لعمتي اسد يكول عوفي مرتي اني ارجعها

كتله اسد لا عيب عفيه هو خزرني عاد رونق ونبأ نزلو
اني وكفت يم المرايه ادردم اكله هسه شون انزل ميكلون حمرتج وينها
اجه حاوطني من خصري كلي
اسد... كليلهم باسني وراحت
غرام ... هههههه اي
اسد... نهايه الشهر نزوج
غرام .... لا عزه شبسرعه عفيه  عالاقل خليني اكمل ثاني
اسد.... حجي يفيدج اني اريدج يمي اليوم قبل باجر
غرام ... هيج تحبني
اسد.... اوووووف تعالي اكلج شكد احبج
غرام ... لا لا شكرا  ماريد هههههههه خل انزل والله امي حترزلني
اسد.... شطلعت ويه امج

غرام ... نزلنا جوه طبعا صار بوجهي فهد بس شافني نازله فوك مبين حاصر ضحكه
فتت من يمه كتله شكو
كلي ماكو شي سلامتج

لفت راسي على اسد داكله يله خل روح وجان انصدم بوجهه اسد حمرتي ملطخه وجهه  اني بالكوه حاصره ضحكتي بسرعه طلعت للطرمه هو ورايه نداريت عليه وضحكت هو كلي ولج شبيج
كتله وجهك كله حمره
اسد خرب يومج واني اكول الكل يضحك راح على الحنفيه بطرمه فتحه وكام يغسل وجهه وكلسع يكلي راحت واكله لا حمرتي لازك بيه
اسد ... من اشتعلو عشيرتج على هاي الحمره
كملت وطلعنا وصلني للبيت
اول مارجعت بدلت وفتت سبحت وكبل للفراش
ثاني يوم كعدت شفت ساعه ب 12 الظهر عزه كمت متكسره
مر اليوم عادي
اسد اجه العصر شافني جان جايبلي داطلي لان احبه
يوم الاحد جان دوام كمت غسلت وبدلت ومكياج ونزلت جوه اجه اسد وطلعت
وصلت للكليه ونزلت اول مدافوت شفت فراس مقابيلي ظل يباع عليه بعدين نزل راسه 
اني استغربت صالي شكد مشايفته ومتغير كلش ومسوي لحيه

دخلت جوه البنات ظلو يباركولي وراها بدت محاضراتي بالبريك نزلت جوه اريد اشتري لان ممتريكه فشتريت وجيت كعدت على مسطبه اني جنت مدنجه دافتح البسكت سمعت صوت خشن كال السلام عليكم ❤️........ يتبع

———————
🤗🤗🤗🤗🤗🤗🥰🥰🥰🥰🥰

منو اكثر اثنين تحبون ازيد مشاهدهم
اسد وغرام
رونق وجلال
محمد ونبأ