رواية حب جنوني الفصل الرابع وأربعون 44 - بقلم سوزان ليث

دخلت جوه البنات ظلو يباركولي وراها بدت محاضراتي بالبريك نزلت جوه اريد اشتري لان ممتريكه فشتريت وجيت كعدت على مسطبه اني جنت مدنجه دافتح البسكت سمعت صوت خشن كال السلام عليكم
رفعت راسي شفت فراس ظليت مستغربه صاله هواي مجاي عليه
جاوبته
وعليكم السلام
اكو سياج كبالي وكف يمه كلي
فراس ... شونج
غرام ... الحمدلله  شفته باوع على ايدي شاف الحلقه
فراس .... مبروك
غرام ... ابتسمت اله كتله الله يبارك بيك يوم الك
فراس ... هي وحده وراحت
غرام .... ماعرف ظليت لازمه جيس البسكت واضغط عليه من توتري حسيته يقصدني
فراس... هو نفسه
غرام ... صعدت راسي بعدم فهم
فراس... ابن عمج الضابط
غرام .... هزيت راسي ب اي شون عرفت
فراس... مكلج من اجاني وهددني
غرام ... ظليت اباع عليه وماعرف شحجي كتله اسد هددك على شنو
فراس ... سالفه وراحت
غرام ... اني اسفه من تصرفه والله ماعرف بس انت متعرف اسد شويه عصبي
فراس ... شويه لا هو العصبيه بعينها
غرام ... اوكي فراس اني اترخص منك حتبدي محاظرتي
فراس ... ماشي اخذي راحتج

عفته وكمت رحت للمحاظره ظليت افكر بفراس ماعرف ليش انقهرت عليه شكله كلش تعبان كلش ولحيه مكبرته عبالك جان بسجن
صار وكت خروجي طلعت اسد جان ينتظرني ركبت بسياره
هلو حبيبي
هلا بكلبي شونج
زينه
اي شكو ماكو
ماكو ( ظليت اباع عالطريق وافكر اكول لاسد على فراس لو لا اخاف اكله اجه حجه ويايه وهم يروح عليه وخاف ماكله واصير خاينه دنجت على ايدي شفت الحلقه ظليت اتلمسها رفعت راسي كتله

اسد
عيونه
اريد اكلك فشي بس اول شي اوعدني مسوي شي
كولي شكو حبي
لا كلي ماسوي شي وحلف
احجي عاد وداعت عيونج ماسوي
اسد انت كلتلي لاضمين عليه واليوم صارت شغله ترددت احجيها لو لا بس اني اخذت وعد على نفسي كلشي احجيلك

اسد... حبيبي احجي عاد
غرام .... اليوم جنت كاعده بالبريك واجه فراس سلم عليه وحجه ويايه
باوعت على اسد ظل راسه شويه عليه شويه عالطريق

اسد... اي وشراد
غرام ... مراد شي بس سلم وباركلي لان شاف الحلقه
اسد... هااا
غرام ... اسد انت رايحله قبل وحاجي وياه
اسد... اي رحتله
غرام ... وسويتله
اسد... حجيت وياه
غرام ... اسد الولد كام يشوفني يدير وجهه عني شنو الحجيته وهيج كام يخاف
اسد.... شعليج انتي
غرام ... باوعت عليه رجعت راسي عالكشن كتله بس ماعرف شبي مسوي لحيه متغير بس لايكتله
اني جنت خاله ايدي عالكشن الي بيني وبينا جان يلزم اصابيعي يجعصهن حيل وهو يكول 
اسد.....مو اكسرهن
غرام .... هههههه اشاقه اشاقه خرب ( اخذ ايدي باسها ورجعها لمكانها )
اسد... باجر التحق
غرام ... لا شنو تلتحق
اسد... والله هوسه بدوام وماعرف شكو

غرام ... كلش اضوج ميلتحق بالي يظل مشغول بي دايما وصلني للبيت ودخلت بدلت غسلت تغديت صعدت اقره عندي امتحان بس ماعرف شون غفيت
حلمت حلم كلش مزعج هذا الحلم الي تكعد تعبان من وراه كانما جنت تركض كعدت مزعوجه ومغرب
والحلم جان محلو مرعب كمت غسلت وكعدت اصلي

بالليل اجه اسد  بقينا اني وياه كاعده وحدنا امي ورونق ديسون عشه
فشافني ضايجه
اسد... شبيج حبيبي
غرام ...،... ماكو حلمت حلم يخوف وكعدت مغرب تكأبت  بزايد
اسد... ديله هو حلم
غرام ... خله ايده على جتفي وجرني اله صرت بحضنه كلي
اسد.. حشتاقلج
غرام ... اني هم والله ظل يبوس براسي  بحنيه
ابتعدت عنه كتله لتتأخر بداعتي
اسد... ان شاءالله بس ارجع روح نعقد محكمه
غرام ... اي اوكي  طلع فلوس كلي هاي خليها جوه ايدج بين مارجع
كتله لا ماريد عندي وشسوي بيهن
اسد... انتي هسه ترى مسؤوله مني
غرام ... ويايوم مجنت مسؤوله منك  اخذتهن وخليتها بصفي وتقربت لزمت خده وبسته حيل بشفته وخرت منه وكعدت
اسد.... لا لا ترى انتي تتحارشين
غرام ... حاوط ركبتي بايده وجرني عليه وصار يبوس ويتفنن بالبوس
سمعت امي امي صيح غرام يله تعالو عشه
كمت بسرعه منه وهو ضحك بصوت عالي على خوفي
رحنا تعشينا بعدها راح
ثاني يوم التحق
وعادي عدت جم يوم اتصال بيني وبينه وسوالف بيوم كعدت شفته دازلي مسج 📱حبيبي طالع واجب اني لايظل بالج

مسج جان دازه الفجر بس اني جنت نايمه اول ماكعدت دكيت عليه  عليه مغلق
كمت غسلت وبدلت ورحت للكليه وظليت كلسع ادكله مغلق
كملت محاظراتي ونزلت جوه انتظر بنات الخط لان احنا ننجمع وكلنا نطلع للخط
فجتي كوثر الي ويه فراس داوم ظلت سولف ويايه بس كلتلي
كوثر... فراس هواي يسئلني عليج

كتلها ترى مللني هذا اني بس اني بالكليه شو الكليه مليانه بنات
كالت
كوثر.... لا هو خطيه  هو ترى امه توفت  وصدك داوم كلش متغير اصلا ظل هواي ميداوم 
غرام ... يا الله يرحمها مادري شفته متغير ومربي لحيه بس مع هذا اذا سئلج عليه عفيه لتنطين اي معلومه

اجه الخط ورجعت تغديت وكملت خابرت فهد داسئلها اسد مخابرهم كلي لا
عفته كلت يجوز ماكو شبكه عنده تليفونه مخلص شحن
نمت كعدت هم خابرته ماكو نزلت تعشيت وكعدت اقره وكلسع ادك عليه ماكو عفته لان هو تجي فترات هيج يعني يكول ماكو شبكه او شحنه خلصان فعفته
ثاني يوم بدلت ورحلت للكليه يوم عادي مر جدا رجعت للبيت امي جانت مموجوده بس رونق كالت امي راحت فاتحه بيت فلان
المهم تغديت ونمت

نبأ... قبل يوم من سفره محمد خابرني كلي حجي للبيتكم داسلم على اسد نزلي خل اشوفج عود
ساعه والجرس ندك عرفت هو شويه ونزلت
جان كاعد بالهول هو والولد ماكدر افوت واصلا مقدميله الضيافه ماكو حجه افوت بيها ظليت بالمطبخ ولازمه تليفون اللعب بي

اجاني مسج منه 📱 وينج اريد اروح

دزيتله 📱 ماكدر افوت ماعندي حجه

مجاوبني شويه وطلع فهد شافني كلي تعالي لمي الكزاز
كتله ياكزاز كلي محمد وكع منه الكلاص
اني كتمت ضحكتي عرفت سوه هيج حتى يشوفني
اخذت ادوات التنظيف ودخلت عليهم هو رفع راسه
كتله هلو محمد

محمد ... هلو بيج يابه عذرينه وكع من ايدي الكلاص حنتعبج
نبأ.... فدوه الك رحت الم الكزاز طبعا المه بطئ كملت وطلعت طبعا حتى ماكدرت اشوف منه شي

رجعت للمطبخ كتبتله مسج 📱ترى مشفت منك شي
ردلي 📱 لعد اني الشفت حتى الكلاصات وشالوها كلها من كدامي
كتبتله 📱هههههههه يله شنسوي

طلع بالليل خابرني
ظلينا نسولف سوالف عادي وراها سافر لمن وصل دزلي مسج وصلت بس مخابرني
بالليل يله خابر طبعا جنت مطنكره عليه
جاوبته
الو
هلو نونو شونج
زينه همزين اذكرت نونو
ههههه والله اول ماوصلت انشغلت
اي عيني طبعا هاي دبي يا نبأ يابطيخ
ولج انتي تسوين عندي كل الدنيا
اي عيني شمحصلين منك بس الحجي
اافه عليج اني بس حجي
اي بالجذب ماكلتلي تعالي ويايه لدبي اونسج
يابه سهله الشهر الجاي هم عندي سفره لدبي عود تعالي ويايه
اي اجي بس شكول لاهلي ليش جايه وياك
كليلهم رايحه ويه صديقي اتونس والله اونسج ونسه من العمر
ممممم اي حتى اسد بسرعه طلقه براسي يحط
شحده غير اموته
لتحجي على اخويه مااقبل
لايابه احنا نكدر نحجي عليه
شسويت مسويت
والله اول ماوصلت سويت جم شغله وهسه اريد اطلع اتعشه
طكلي صور خل اشوف
هيج مشتاقتلي
لا مو الك لدبي اريد اشوفها
ههههههههه فكرت الي وعدلت الياخه
هههههههه شسوي بيك
خل اطلع وادكلج فديو وشوفي
صدك اي اوك

وره ربع ساعه تقريبا دكلي فديو عزه اني هسه دافتح خط جان اذكر شكلي بسرعه كمت باوعت لنفسي عزه شون شكول احتمال بس يشوفني يبقى هناك مايرجع
عدلت نفسي وخليت كحله ومرطب شفاه ولبست شالي 
خليت السماعه وفتحت كام

طبعا بالبدايه اني ظليت بس اضحك من الخجل اول مره افتح كامره وياه طبعا هو مايخجل سلم عليه وظل كومه يحجي ويايه واني اضحك
بالاخير وصل للمطعم طلب اكل وكعد ياكل ويسولف ويايه طبعا اشتهيت الاكل من دياكل وكلسع يكلي تفضلي ويايه
ماعرف شون اتفضل اكل الموبايل مثلا

كمل وطلع من المطعم وهم ظل يسولف بالاخير كتله اكلك صار ساعه فاتح كامره لحد الان ماشفت شي من دبي

عاد فتحلي الكامره الخلفيه وظل يمشي ويصور ويحجي هذا كذا هذا هيج
بعدين سده كال خل ارجع للفندق وادكلج
رجع هم دكلي فديو اني فتحته ظنيت ذكر شي او شاف شي بالشارع ودكلي شو تفاجئت بي مدد ويحجي
نوب اني اخجل اكله سد الكاميرا ظليت مشنجه

وكل شويه من يخلص كلامه يكلي لو هسه انتي يمي
بالاخير كتله وجنت سويت لو يمك( اني بالي حيطلعني يونسني بس هو تفكيره منحرف)

محمد.... جان مددتي يمي وسولفنا لان ايدي خدرت واني شايل الموبايل
نبأ.... هههههههه يله ماشي لعد روح نام هم خطيه تعبان اليوم
محمد... لا متعبان اريد ابقى اباع عليج
نبأ.... اني فرحت من حجه هيج  كتله ياعيني
محمد... اذكر امي بيج
نبأ..... طن كتله هههههههه يعني هسه اني امك
محمد.... انتي امي وبنتي وصديقتي وح وسكت
نبأ.... كل ذوله شكرا شكرا خجلتني يله روح نام واني باجر دوام ورايه اريد اكوم احضر غراضي ولو بعد الي شفته مالي واهسه انزل جوه مو عاد اروح للمدرسه

سديته وحضرت غراضي ومددت طبعا ظليت اتخيل اني يمه جان ظلينا نفتر ونطلع ونطب وشغلات بعدين نمت من التعب هواي وخيال

ثاني يوم هم  رجعت من المدرسه جان عندي امتحان انكليزي
كعدت اقره دزلي مسج📱اليوم ماكو
دزيتله📱 عندي امتحان انكليزي وداقره
دزلي 📱اقريج
دزيتله 📱ههههه لا ماريد اني اقره شدسوي
دزلي 📱كاعد بالكوفي
دزيتله 📱وحدك
دزلي 📱لا صديقاتي ويايه
دزيتله📱شكد مكروه
دزلي صوره لصديقه ممنتبه شون حلو
دزيتله 📱واو هذا شكد حلو بربك رقمه خل اصادقه
دزلي 📱جلدج يحكج مو (يعني تردين تنكتلين)
دزيتله📱شمسويه غير انت صديقي المفروض ساعدني
دزلي📱ولي نبأ كمتي جفصين
دزيتله📱شبيك اشاقه

مجاوبني بعد عرفته ضاج لان من يضوج يصيحلي نبأ مو نونو
بس كلش فرحت ماعرف ليش حسيته غار عليه 😁
كملت قرايه
رجع دزلي صور كومه مال عارضات مال ميك اب
كاتب شنو تردين

طبعا خجلت اكله شريد واصلا المكياج كله ماركه وكذا ظليت اكله بكيفك وساعه اكله ماريد جنت اشاقه
عاد كلي اكو بنيه تشتغل هنا هي اختارتلج

وراها دزلي صوره فستان يخبل مال سهرات كلي هذا يصير عليج

كتبتله عزه هذا يجنن مال فنانات كلي شكد قياسج كتله 36

اني احجي واكله محمد اذا غالي لجيبه واني عيني حتطلع عالفستان

رجع مااتصال عود بعده زعلان مني
دزيتله مسج📱محمد محمد محمد محمد محمد
دزلي 📱شكو
دزيتله 📱شبيك زعلت والله جنت اشاقه
دزلي 📱شوفي نبأ هذا الشقه ماحبه لشوفيني اشاقه وياج دكومين هيج دوسين ويايه زايد

دزيتله📱اول شي اني مجاوزت ثانيا جنت اشاقه وترى سالفه عاديه وانت كبرتها واصلا صديقك محلو وسام احلا منه (طبعا وسام صديق اسد ومحمد فشايفته حجيتها بشقه )

دزلي📱مو اكلج متعرفين تحجين

مجاوبته شبي هذا عصبي عليه اليوم كظاها بس زعل عفته دزلي مسج بالليل 📱حنام تصبحين على خير

مجاوبته عود زعلت منه

ثاني يوم التهيت مدرسه ورجعت جان عندي محاضره رحنا اني ورونق ورجعت شويه نمت كعدت اقره يعني التهيت اليوم كله لاهو دكلي ولا اني دكيتله

وعده يومين وهو ماكو اني ضجت صراحه واشتاقيتله واستحي ادزله صالي يومين مدازتله

عفته بيوم جنت كاعده داقره دخلت عليه ايمان كالت عيني حمودي رجع من السفر
كتلها شوكت كالت عساس متعرفين مو تحجين وياه كتلها والله صالي هواي محاجيه
كالت جوه هسه اجه
اني كمز بسرعه عدلت نفسي ونزلت ايمان دتحضر الضيافه واني واكفه يم باب الهول اسمع كلامهم اشتاقيت الصوته

ايمان كالت دخل الصينيه تردين انتي دخليها كتلها لا انتي دخليها عاد دخلتها وطلعت كالت اول مافتت شال راسه عليه يمكن عباله انتي الدخلتي

ظليت واكفه بالمطبخ اروح واجي اريد اشوفه عاد اجه جلال كال تعالو محمد يريدكم انتي وايمان طبعا اني شنو كلبي دك دك دك
عدلت نفسي ودخلنا اني وايمان
كتله هلو محمد حمدلله عالسلامه
بدون ميرفع راسه الي كلي الله يسلمج مدلي علاكه كلي هاي صوغه من دبي
ونطه لايمان هم علاكه

كتله شكرا تعبت نفسك
رفع راسه نطاني نظره تجدح كلي تعبكم راحه
عفته وطلعنا
صعدنا فوك اني وايمان نسابق ريد نشوف جابنا
كتلها ايمان ترى جابلج هديه علمودي

فتحتها جايبلي مكياج مجموعه كامله كلشي احتاجه وماركه اهم شي وعطر يموت وجايبلي تحفيه على شكل برج خليفه وجواها حافر اسمي كلش حلوه
وهاهيه
الفستان ماكو
ظليت اكول يجوز غالي ومجابه

لايمان جايبلها عطر  وهم برج خليفه وكاتب عليه اسمها

طبعا ظلت تكول شمعنى انتي جايبلج مكياج واني لا كتلها اني وصيته اول وتالي اني وياج نستخدمه اريد اسكتها

دزيتله مسج 📱 شكرا عالهديه
مجاوب
وره مراح
دزلي 📱ولو زعلان بس بالعافيه
دزيتله 📱الله يعافيك
دزلي 📱الفستان ماكدرت انطيه بعدين تاخذيه
دزيتله 📱عادي بس شو صاير اسمر
دزلي 📱ديله ليسمعج يكول جنت مهند
دزيتله 📱هههههههه لا والله بس صاير اسمر بزايد
دزلي 📱اي  احلا لو شدكولين
دزيتله 📱اكيد

ثاني يوم ماحجينه لان التهينا بالي صار باسد

رونق.... من يوم الحجيت ويه جدي بعد مارحت لبيت عمي استحي من جلال اصلا وكل مره اريد احجيله على انمار من شافنا سوه بيوم خطوبه غرام واتراجع
بيوم دكت الباب رحت فتحتها طلع كبالي جلال بيده صحن بي تمن (رز)جزر
كلي
جلال..... هذا امي دزته

رونق... طبعا اني مدنجه ماكدر اباع عليه كتله شكرا مديت ايدي اخذه بس هو ظل لازمه صعدت راسه كتله انطينياه

جلال.... ما

رونق.... ظليت اباع عليه دنجت راسي لان نظراته تحرجني
كتله لعد ليش جبته

جلال.... ليش مدتمرين لبيتنا
رونق... عادي ملتهيه بدراسه ظليت امتمت
جلال... رونق باعي عليه
رونق.... صعدت راسي عليه
جلال.... جدي
رونق.... بس كال جدي اني كتله جلال امي دصيحني اخذت الماعون منه ودخلت
وكلبي احسه حيطلع نصدم الولد سديت الباب بوجهه
ظليت اضحك على نفسي عزه شون فشله يربي هذا شون حزوجه

ثاني يوم رجعت من المدرسه عندي محاضرة اجتي نبأ كالت يله جلال يوصلنه ظليت اكمز وافشر عليه اكله كتلج كولي لفهد

نبأ... يمعوده فهد مطنكر يمكن متعارك ويه صديقته وبعدين هسه شحيسويلج حياكلج جلال

رونق... لا استحي منه

نبأ... الله يرحم من جنتي تلعبين وياه مصارعه حره

رونق... طلعت اني ونبأ اني صعدت ليوره وظليت لازكه يم الباب
مشت السياره اني ظليت اباع الطريق جان سياره فجاه تضرب بريك
اني بسرعه باوعت عالمرايه عليه شفته يباع عليه وغمزلي
اني ماكدرت اضم ابتسامتي لان سوه هاي الحركه حتى اباع عليه
شغل اغنيه
راشد الماجد اكثر شخص بالدنيا

طبعا كلش يحب راشد الماجد

انا اكثر شخص بالدنيا يحبك
وانتي ماتدرين وفيكي اموت وانا واحيااااااا
من اول يوم لين الحين
يااجمل اجمل الاشياء
ويااغلى من نظير العين
متى قلبك متى ممكن يصافح
بالوله قلبي ❤️
متى هل بال يتطمن على احساسي وعلى حبي
ابي هذا الغلا معلن
تعبت احب واخبي.........

طبعا اسمع للاغنيه ولااراديا عيني تروح عليه واشوفه نظراته الي
نبأ كلتله

نبأ.... اووو جلال شكد تحب هالاغنيه دغيرها
جلال... ولج هاي تحجي البگلبي

رونق... ابتسمت فرحانه بسوالفه هاي

وصلنا للمحاظره وكملنا ردت خابرته اجانه طبعا مرجعنا للبيت شويه اخذلنا فره واشترى ايس كريم النا
وجان كلش فرحان

نبأ دكله اليوم شبيك شو مدارينا
يكلها
شعندي غيرج اني

نباأ سوتله اي احاجيج يابنتي واسمعج ياجنتي

رجعنا من دانزل كتله يله باي

كلي رونق نداريت عليه
كلي اريد احجي وياج طبعا اني بسرعه توترت وظليت امتمت كتله قرايتي مدرستي امتحانات. سديته بوجهه
كلي ماشي كملي قرايتج وبالليل اخابرج كتله الله كريم ونزلت ركض للبيت

دخلت طبعا غرام مسويتنا مناحه اسد ماكو اسد مخابر اسد واسد

صعدت طبعا ظليت اخذلي صفنات شغلت اغنيه راشد الماجد نفسها وكلسع اعيد بيها واتخيل كلماتها كلها اليه 🙈🙈

كملت قرايتي ونزلت تعشيت وصعدت شفته دازلي مسج عالفايبر
كملتي قرايتج 📱

ظليت اجاوب لو لا اجاوب لو لا بس هو بسرعه دكلي ماعرف يمكن شافني من قريت المسج عاد جاوبته
الو
هلو شونج
زينه وانت
اني كلش زين
مممم دوم
رونق
نعم
شكو ماكو اخبارج
ماكو شي جديد
تذكرين مره جنا صغار وجنا نلعب طوبه بالكراج ومسوين فريق
اي اذكر جنا نخلي ايمان كولجي ( حارس مرمى) لان بطه بكوه تتحرك

ههههه اي تذكرين من شمرتي الطوبه وكسرتي الجامه مال غرفه الاستقبال

..اي عزه بوكتها شون خفت كمت ابجي
..اني بوكتها من شفت دموعج كتلج لتخافين حكللهم اني شمرتها
..هههه اي بوكتها عمو ضربك اني نقهرت عليك لان نضربت بسببي
...رونق مستعد اسوي اي شي بس حتى ماشوف دموعج دموعج غاليه عندي
... اممم
... من جنتي صغيره واني اعاملج غير عن كل بنات عمي ماسئلتي فديوم نفسج ليش
... ههه صراحه لا بس هسه صار عندي فضول اعرف
... خليه فضول عندج مادام معرفتيه
..... هههههه
.... حجيت ويه جدي متعرفين من كلي رونق الك شنو سويت
... مممم سويت
... ماكلج حتى الفضول يزيد
.... ههه خبيث محتسئلني ليش اني وانمار جنا بالاستقبال
.... رونق ماريد اعرف وماريد جيبين طاري انمار بعد انتي بس لجلال
.... اي بس اني اريد احجيلك
... ماشي اذا هذا الشي يريحج
... اني شفته ورحت رزلته مو حاجيته لان حجه عليه هيج كدامك وبس
... رونق عوفج منه خل يولي
.... جلال بس هددني اذا اقبل بيك يفضحني كدام جدي
... ورب الكعبه اذا جاب طاريج بحرف واحد ورب الكعبه اجنزه بمكانه
.... شكرا لان واكف ويايه من البدايه
.... انتي مثل الجوهره عندي ماخلي اي شخص يلمسها
.... مممم
.... رونق
.... نعم
.... احبج
....
هههه ظلي ساكته يجي يوم وتكوليها

ردت اكله احبك بس ماعرف شنو منعني يمكن ماريد  استعجل دماغي مشوش كلش بس كلش ارتاح من احجي وياه كانما يسحبني لعالم بس اني وياه

غرام .... ظل اسد تقريبا 3 ايام ماكو تليفونه مغلق طبعا تخبلت بهاي الايام ماعرف شسوي بيوم الثالث نزلت كتلها لامي حروح بيت عمو اسئل على اسد امي كالت روحي رحت همه هم ميعرفون شي وكالو هو طالع واجب وماعرف شنو
بس اني ماعرف كلبي يلعب كلسع اكول خاف نخطف مره ثاني ظليت اليوم كله اني التفكير كاتلني العصر كعدت اقره نعست فغفيت حلمت حلم اني واكفه بمكان مثل سطح مكان مفتوح وادور على اسد. واصيح اسد اسد وعود شفته واكف بعيد وكمت اصيح اسد بس صوتي ميطلع واعيط بالحلم بس بدون صوت
فزيت من النوم واني احس نفسي تعبانه كلش تعوذت من الشيطان كلت هاي لان دافكر بااسد ونمت ودنيا مغرب كابوس
نزلت جوه
ماكو احد بالبيت كلت معقوله عايفيني وحدي
خابرت رونق كالت اني بيت عمو هسه اجه وامي طالعه ويه عمه
شويه وجتي رونق
كالت حصعد فوك اقره وصعدت
لليل وامي ماكو صعدت على رونق شفتها تحجي بتليفون وبسرعه سدته كتلها امي تاخرت كالت ها اي خابرتها وهسه تجي
شويه وجتي امي بس مو على بعضها ابد حتى عيونها مبين باجيه
سئلتها شبيج كالت رجلي توجعني وعثرت وماعرف شنو اني رحت يمها كعدت بالكاع ظليت افرك برجلها وهي ظلت تمسح براسي
وتبجي
كتلها امي تردين نروح للدكتور اذا متوجعه كالت لا هسه اخذ دوه واصير زينه
دخلت جوه لغرفتها
اني رحت اسوي عشه نزلت رونق دخلت لغرفه امي دخلت عليهم بسرعه سكتو كتلهم شكو
بس ظلو يطلعولي حجج واصلا بالي مو وياهم يم اسد
تعشينا وامي ورونق احس بالكوه ياكلون
حتى خوفوني
كم مره اسئل يكلولي ماكو شي
وره العشه صعدت دكيت على اسد هم مغلق كعدت اقره بس بالي يم اسد اقره كلمه وارد الزم موبايل ادكله
نزلت جوه وصلت لنص الدرج سمعت رونق دكول لامي
يعني شنو ظل متدري

اني طبعا شنو احسن رجلي كامت متحملني بسرعه اجه بالي اسد مخطوف مثل ذيج المره بحيث بالكوه كملت نزله الدرج دخلت عليهم بسرعه تفاجئو بيه لان مطلعت صوت من نزلت

كتلهم شكو
واني احس اخاف من جوابهم اخاف من الي حيحجوا ظليت اباع مره على امي ومره على رونق اريد احد يجاوبني
امي كالت يمه غرام ا........... يتبع ❤️
..............
عوضتكم خوش تعويض والي يكول بارت قصير ياويله 👊🏻👊🏻

حبايبي عيد حب سعيد عليكم ❤️❤️❤️

والكل ان شاءالله يعيش بالحب والسعاده والفرح

احبكم ❤️