رواية حب جنوني الفصل الثامن وثلاثون 38 - بقلم سوزان ليث

صعدت لغرفتي فتليفوني بجنطه طلعت داخلي عالشحن لكيت محمد دازلي مسج عزه اني شنو كلبي احسه تقلص بسرعه فتحت المسج لكيته دازلي 📱 خفت عليج نونو

اني ماعرف التليفون بيدي واكمز من الفرحه ممصدكه رسلي مسج
ظليت اكمز وافتر بالغرفه
🥰🥰🥰🥰🥰🥰

دزيتله 📱 لان ضعت
دز📱 اي
دزيتله📱 مممم شكرا لان خفت عليه

وره دقايق دك عليه طبعا اني ايدي ترعش وكلبي حيطلع من مكانه
جاوبته
الو
شونج
الحمدلله وانت
الحمدلله
صار سكوت شجعت وسئلته
ليش بطلت تسئل عليه
ماكدرت حسيت نفسي اخون اسد وماكدر هيج
بس احنا ممسوين شي احنا اصدقاء
صح اصدقاء زين انتي ليش مسئلتي
خفت منك
ليش
لان كشفتني
متعرفين من رونق كالت نانا اني كمت اشوف منيه الي حجاوب رونق من شفتج انتي نصدمت صراحه

مو كلتلك اني بالنسبه الك مموجوده
لا والله موهيج بس انتي بالكوه سلمين عليه
زين ليش هسه رجعت تحجي ويايه
ماعرف اشتاقيت لاسوالفج
الحنين الى الماضي
اي احتمال
نونو  شنو سالفتج ويه قصي
شنو سالفتي
شقاكم عادي يعني
اي اني وياه متعلمين نشاقه وحتى رونق وغرام
بس اني محبيت شقاج وياه
مممممم بس اني متعلمه اشاقه وياه حتى اهلي يعرفون بهذا الشي
اني كلتلج محبيت شاقج وبعد بكيفج
اكلك شي اني هم اشتاقيت اسولف وياك
هههه واني هم خليتيني اشك بكل بنات العشيره
ههههههه واكيد اني مجيت على بالك اصلا
ههههه لا اجيتي بس بسرعه رحتي

ظلينا نسولف بس سوالف كلش عادي يعني احنا اصدقاء مابيناتنا شي
بس ليش كلبي دكته صير سريعه من يدكلي لو احجي وياه ليش احب احجي وياه واحس الوقت يمشي بسرعه
اي صح يجوز لان اصدقاء 😉😉😉

رونق.... من رحنا للزياره ونزلنا زرنا فطلعنا بره انتظر الباقين يجون جنت واكفه يم غرام شافت اسد اجه هي راحت عليه جلال جان ويه اسد من راحت غرام هو اجه عليه بيده علك كلي هاج لبسي هذا

كتله يا شكرا مديت ايدي اله حتى يلبسني كتله صاير دللني
جلال.... وياريت يغزر
رونق.... ههههههه هذا مانزعه لحد ماكمل سادس
جلال.... تاكلين حلاوه دهينيه
رونق... اي الله مشتهيتها
جلال ... امشي روح نجيب
رونق... رحت على غرام كتلها حروح ويه جلال نجيب حلاوه لزكت ويانه الا تجي عاد اسد اجه ويانه فهي لازمه ايد اسد وتمشي كدامنا جان جلال كلي

جلال... وانتي شبيج متلزمين ايدي
رونق... باوعت عليه كتله وشنو اني طفله
جلال... لعد غرام طفله
رونق... ردت اكله هو حبيبها بس سكتت كتله هو ابن عمها وعادي
جلال... واني مثلا شنو ابن الخدامه مو ابن عمج
رونق... هههههههه اي ابن الخدامه
جلال... خل ارجع الا اكول لامي دكول عليج خدامه
رونق... اني شعليه انتي الحجيت تفاجئت بيه لزم ايدي كتله هد ايدي
جلال... اش خاف ضيعين وانتي قزمه حتى منشوفج
رونق.... وخره بابا لاصيح اسد والله ... باوع عليه وخزرني وهد ايدي
وصلنا يم ابو الحلويات فاني وغرام واكفين واسد وجلال طبو يجيبون حلاوه
اجوي كل واحد جايب باكيتات رجعنا فرحنا كعدنا يم الامام
فجلال طلع الحلاوه وصار يغور بيه اني رحت يمه كتله انطيني

جلال... روحي لابن عمج ينطيج
رونق... مو انت ابن عمي
جلال ... لا اني ابن الخدامه
رونق... ماشي حروح على ولد عمي سويت نفسي داكوم جان يكلي هاج مثل الجهال بسرعه تزعل
اني اخذت الباكيت وكعدت اكل كتله جلال
جلال... ها
رونق... شوكت تزوج
جلال... ليش
رونق... ريد نركص والله ضايجين
جلال... دكلي لا اضربج بهذا
رونق... ههههههه
جلال... رونق اسئلج سؤال
رونق... اسئل
جلال... انتي شنو رئيج بيه
رونق... باوعت عليه يعني اول مره احد يسئلني هيج سؤال كتله والله انت ماكو منك حباب وشكد ماضوجك مضوج مني وتصخرلي وهواي واكف ويايه ومدافع عليه شفته كام يعدل بياخته كلي

جلال... لالالا ترى خجلتيني
رونق... ههههه لا والله صح اني اضوجك بس والله اني احب اشاقه وياك ماعرف باجر عكبه من تزوج مرتك يمكن ضوج من عندي بس احاول اقلل شقه
جلال .... هههههه من كلج اني حاخذ وحده غيرج
رونق... اني جنت مدنجه داكل الحلاوه من كلي هيج احس الاكل راد يطلع من خشمي ظليت اكحكح كتله هههههههههه والله عدك سوالف .. طبعا هو جان يحجي من صدك بس اني كلبتها شقه لان معرفت شحجي
شفته هو ابتسم ابتسامه خفيفه ودنج راسه

بسرعه اني كمت يمه رحت كعدت يم نبأ احسن بطني كامت تلويني

غرام ...  وره العيد امي اجتي جان بيت عمي جتي كالت مدريتوا مو اسد فصخ خطوبته
طبعا اني جنت ادري بس لازم نسوي نفسنا متفاجئين 😟😧😮

رونق... ليش
ام غرام .. والله شمعرفني شو سئلت امه دكول كلي ماحبها وماريد اظلمها واني اريد غيرها
كتلها منو الي يريدها بس كالت ماكلي بس شو اني حسيتها متريد دكلي

غرام ... اني شنو بطني كامت توجعني حسيت انفضحت صعدت فوك خابرت اسد 
دكله انت كايل لامك عليه صدمني كلي

اسد... اي هي سئلتني انت منو بالك كتلها غرام
غرام ... عزه بعيني يعني عمه هسه تدري اني وياك سوه
اسد... لا ابويه انتي كتلها بس اني رايدج وهاهيه
غرام ... اسد انقهرت على سرى
اسد... ولا يهمج هسه اروح اردها
غرام .. حتى اموتك لا والله بس ذيج المره من حجت ويايه كلش جانت متفهمه موضوعنا
اسد... اي لان ماره بمثله  الله يوفقها
غرام ... امين
اسد... باجر حروح احجي ويه جدي
غرام ... عزه بطني كامت توجعني خاف يكول منا فصخت منا حتخطب
اسد... لا مايكول خل انطي خبر حتى بعدين احاجي امج
غرام ... اسد كافي عزه كمت اخاف
اسد... متخافين وانتي ويايه افتهمتي
غرام ... سوسو احبك
اسد... يالله نوب صرت سوسو
غرام ... هههههه اسو
اسد... مو اجيج
غرام ... ههههههه

اسد... ثاني يوم رحت لجدي حتى احجي وياه علمود غرام جان جديد  طالع فكعدت يم جده حكمه اسولف وياها بين ميرجع فكتله

حكمه اليوم جايج بطلب بس كون توكفين ويايه

جده ... خير يمه كول

اسد... اريد اطلب غرام من جدي شدكولين يوافق
جده ... واخيرا ولك لو اعرف اهلهل جان هلهلت
اسد... اجه جدي وكتله رايد غرام والله معارض كلي اخذ رائي امها وتوكل على الله

رجعت للبيت كلت خل اسبح واروح لمرت عمي احاجيها ماسمعنا غير الباب الخارجي نهجمت بالدك ويصيحون الحكوا جلال.......يتبع❤️
.........
هذا بارت قصير لخاطركم نزلته حاولت انزل العصر بس جنت طالعه
🥰🥰🥰