رواية حب جنوني الفصل الثاني وخمسون 52 - بقلم سوزان ليث

نبأ.... ظليت الليل كله منايمه بس ابجي مقهوره على محمد اريد احاجي احس جرحته بكلامي ظليت ماعرف شسوي حتى جوه بعد مانزلت خليت ايمان دكللهم نايمه
ثاني رحت للمدرسه طبعا اتختل بالبيت حتى ماشوف اسد رحت للمدرسه وعادي جنت نعسانه منايمه زين وكلشي مافتهمت من دوام رجعت للبيت وعادي دخلت للبيت شفت اسد كاعد بالمطبخ سلمت بس هو مرد السلام صعدت فوك بدلت ودخلت للفراش اجتي ايمان ظلت دكلي كومي اكلي من البارحه مماكله وصبح ماكلتي كتلها نعسانه عافتني ونزلت اني طبعا مغطيه راسي ومفتحه عيوني بس اني بغير عالم دافكر بمحمد هسه شديسوي ديفكر بيه ضايج مني زعلان يربي والله ماجان اقصد الحجيته بس ردته يروح حتى ليصير مشكله
باجر يسافر حيسافر بدون ماسلم عليه
غفيت كعدت على صوت رونق تكعد بيه لان عدنا محاظره بالخمسه العصر كمت طبعا بس وكفت دخت كلت يجوز لان مماكله رحت غسلت ورجعت بدلت رونق صافنه عليه كالت شبيج عبالك وجهه الميته
كتلها تعبانه ونعسان وماعندي لا طاقه ولا صخام

رونق... وبعدين ظلين هيج
نبأ... اكلج رونق جايبه تليفونج
رونق... اي هذا
نبأ... خل ادك على محمد من عدج
رونق... اوكي هاج
نبأ... اخذت التليفون ظليت صافنه عليه
رونق... متخابرين شبيج
نبأ... لا ماريد هاج
رونق... شبيج ليش
نبأ...ماعرف شكله بارحه هواي ضوجته فوك مجاي علمودي اني اكله ماريدك ارجع
رونق... باعي هو لو يحبج المفروض يعذرج لان انتي جنت بحاله نفسيه تعبانه
يله كومي عاد وعود كولي لجلال خل يفرنا ضايجه

نبأ... اوي مالي واهس واني حتى محاضره معاجبني اروح
رونق... شبيج نكله نشتري ازبري من هذا الاسواق بصف مكتب محمد حتى بالكي شوفيه
نبأ... عزه بعينج شون فكره اي اي باعي كليله انتي اني هسه يظل ساعه بين ماقنعه
رونق ... ديله

نزلنا اني ونبأ جلال بالحمام فهد كال اني اوديكم خاف يتاخر جلال
طلعنا اني ونبأ وحده تباع عالثانيه مريد فهد يودينا
المهم صعدنا ودانا للمحاظره
من كملنا نبأ كالت دكي على جلال حتى هو يجينا
دكيت عليه شويه وجاوب
ها حبيبي
هاي وينك
موجود اليوم مشفتج
اجيت بس انت بالحمام عبالي انت توصلنا للمحاظره
عدكم محاظره اليوم والله شو مادري غير ذكريني
اي عادي فهد وصلنا تعال انت رجعنا
اوكي هسه شويه واجيكم ظلو جوه

انتظرنا شويه وراها اجانا رحت اني صعدت يمه ونبأ بالخلف
كلي
جلال ... شونج
رونق ... زينه وانت
جلال .. زين بشوفج
رونق... ضوجه نبأ تعرفين شعاجبني
نبأ... بتعب شنو
رونق... ازبري من هذا  البشارع العام
نبأ... الله شهيتيني

رونق... باوعت جلال غير طريقه كتله هاي وين رايحين كلي
جلال ... شي عاجبج بس كولي
رونق....😁

نبأ... وصلنا للاسواق جلال نزل اني ظليت اباع على مكتب محمد لان هو بصفه المكتب ماكو احد بي بس ولد يمكن يشتغل وياه
ظليت ضايجه تأملت اشوفه

رونق... شو ماكو
نبأ... هذا حظي
رونق... يله ماكو محمد اكو ازبري ماكو فوق اثنينهم باردين
نبأ... ولي رونق ليش تكرهين محمد
رونق... ماكره عادي بس شايف نفسه ويفيك هواي واحسه نظيف ومرتب كلش اوفر
نبأ... خاف تغارين عليه
رونق... صراحه اي اغار عليج من عرفتي وانتي نسيتيني حتى من نكعد نسولف كله بيدج تليفون تراسليه
نبأ.... اوي حبيبتي تغار عليه امداج انتي دعيتي عليه وانكشفت
رونق.... ههههه لا والله

اجه جلال جايبنا ايس كريم ازبري ونطاني علاكه هم ونبأ
اني كتله
هاي شنو تقرب عليه وحجه بصوت هادء حتى نبأ متسمعه
جلال... هذني يرجعن الخدود كلهن تاكليهن
نبأ.... ترى سمعت 😒
جلال... اي طبج مرض واذا سمعتي
نبأ... مكروهين
رونق ... جلال حنرجع للبيت
جلال ... ليش عاجبج تروحين لمكان
رونق... ضايجه خل نفتر شويه
جلال ... لك انت تأمر  باوع على نبأ كلها شبيج كالبه وجهج
نبأ... مابيه راسي يوجعني
رونق... اي اذا مماكله شي من البارحه اكيد حيوجعج
شويه وجلال وكف يم مطعم كال هسه اجي نزل جابنا لفات انطه لنبأ لفه ( سندويش )  كلها اكلي يله

باوعت على جلال اوي شون حنين عليها من سمع مماكله شي راح جاب اكل علمودها انتبه عليه اباع عليه ومبتسمه بسرعه درت وجهي
هو ضحك بصوت عالي كال اكو اشخاص يبينون للناس عكس الداخلهم
نبأ... يعني شنو
جلال ... يعني مثلا واحد جوعان كلش ونكله جوعان هذا اكل بس هو يستحي ياكل فيكول لا ماشتهي اكل

رونق... اسمع لكلامه واعرف اني المقصوده نداريت عليه كتله ويجوز ذوله ناس خايفين ياكلون خاف يجي يوم ويعيروهم يكلولهم جنتو جوعانين وكلناكم

جلال ...  هااا اذا همه هيج يفكرون يعني ميعرفون الناس شكد تحبهم وبس تريدهم ياكلون
نبأ... كلشي مدافتهم كميه جواعاه  واكل هوايه بسالفه
جلال ... نبأ حبيبتي اكلي اخاف عليج ولتخافين مو جلال الي يعير بشي جان يشوفه حلم

نيأ...🙄

رونق... نبأ لتاكلين شنو اليظمن  محيعيرج بجوعج
جلال ... نبأ كلبي ميعير الي دخلوله ولو بيده يخليهم بصدره ويحفظهم
نبأ... والله مدافتهم شي كل هالسالفه علمود لفه شاورما
جلال ...نبأ اكليها قبل متبرد لان من تبرد صير مطيبه
رونق... ظليت ساكته  لحد موصلنا البيت دانزل كلي رونق بالليل اخابرج  هزيت راسي اي ونزلت
نبأ  دكلي انتي وجلال جنتوا تحجون ويايه وتبسمرون بعض

كتلها هسه افتهمتي الحمدلله
عفتها ودخلت جوه جانت امي كاعده تتفرج تلفزيون رحت يمها كعدت
كال
ام غرام ... ها شون المحاظره
رونق... زينه
ام غرام ... منو وصلكم
رونق... جلال
ام غرام ... ها .يمه شدي حيلج بالدراسه  رفعي راسي حبيبتي
رونق... ان شاءالله امي والله داقره واتعب هوايه
ام غرام .. الله ميضيع تعبج وتعب كل شخص يتعب
رونق.. لعد وين غرام
ام غرام ... تبدل تريد تطلع ويه اسد ديشوفون غرف النوم
رونق.... ها تطورات خل اصعدلها

صعدت سويت مداهمه عليها فزت خطيه

غرام ... شكد مكروه فززتيني
رونق.. هههههه اي حتروحين شوفين غرفه
غرام ... اي اعرف محيعجبني شي بس حروح
رونق... ممممم اخذي الجربايه جبيره
غرام ... ليش
رونق... ولج اسد خاف ينكلب عليج ويجعصج
غرام ... ولي شكد مكروه والله الا اكله
رونق... لا والله اشاقه

غرام ... يله باي

نزلت جوه شفت امي كالت ها خلصتي. اي خلصت
ام غرام ... مو تكعدين تتشرطين شوفي شي زين واخذي
غرام ... امي رايح اتفرج مو اشتري
دكلي اسد يله باي

طلعت بره صعدت ويه اسد ها حبيبي
هلا
وين حروح
مادري خل نشوف
مممم بغداد اكو هواي شغلات احلا
هسه خل نشوف الهنا
رحنا لمحلات مال اثاث شفت غرفه نوم تركيه بس كلش حلوه وصغيره رحت يمها كتله اسد هاي تخبل
باوع عليه كلي

اسد... احد كلج اني بابا سنفور
غرام ... ليش
اسد... هاي اكعد عليها تنكسر
غرام .... بس حلوه ظليت اباع عليها جان يجر ايدي ويكلي اكو احلا
ظلينا نفتر ماكو شي عاجبنا اثنينا اذا اني تعجبني هو متعجبه
خبلني وخبلته تقريبا افترينا على كلهم وراها رحنا كعدنا بالمطعم نتعشه فشافني مطنكره كلي
اسد... شبيج
غرام ... ماكو غرفه نفس الي بالي وحتجي نص السنه شوكت الحك ندور
اسد... وداعتج لو افرش بالكاع ازوج بنص السنه ازوج
غرام .... ههههههههه اي نفرش دوشك
اسد... لاضوجين ماخذ شغله اذا متعجبج
غرام ... ممممم بس هم ماسوي عند النجار
اسد.... هههههه اي ادري ليش ضوجين ترى اكو هواي موديلات يسويها حلوه حسب ذوقنا
غرام ... ما معليه
اسد... عناد يله اكلي
غرام ... اكلك حبيبي حجيت ويه محمد
اسد... اي حجيت
غرام ... اي شنو صار
اسد.. مصار
غرام ... يعني شنو مصار شحجيتوا
اسد... غرام سدي الموضوع
غرام ... ما اريد اعرف
اسد.. اسد وهو يذكر الصار
بوكتها محمد ظل يدك عليه هوايه بالاخير دزله مسج اني بره اريد احجي وياك
اسد طلعله ومحمد سلم عليه بس اسد جان خازره ومرد السلام
محمد كله
محمد ... اعرف غلطان واعرف اني خنت ثقتك بس اقسم بالله وداعت اخوتنا مجان بالي اي شي لعب اني اصلا ماعرفها منو جانت تذكر انت من كتلك اكو سناب بس يسويلي سكرين للصور

اسد... جانت نبأ
محمد ... اي بس صدكني هي مجانت تحجي ويايه اني الحجيت وياها ظليت اراسلها بس حجي عادي بس والله ماعرف هي نبأ بيوم العرفت ماحجيت وياها وكطعت اتصالاتي وياها بس اسد واحد من تتعلم عليه صعبه تركه

اسد... تعرف جنت ادخلك بيتي وانت خال عينك على اختي
محمد ... اعرف شتحجي اني الغلطان ماكلك شي بس انطيني فرصه نبأ معليها لاتعاقبها ولا تعصب عليها اني السبب اني الي حجيت وياها هي مجانت تقبل

اسد... وهسه شتريد اسويلك اخذك بالاحضان مثلا
محمد ... اسد انه اخوك وعضيدك والي يمسك يمسني انه ماريد شي انه جنت منتظرها تخلص سادس واجي افاتحك بالموضوع اطلب ايدها

اسد... مثلا تحجي ويه واحد ميعرفك محمد مو انت ترجف من تفوت هاله من يمك تريد انطيك اختي بس حتى تحرك كلب هاله
محمد ... اسد انت شون تفكر صدك جذب
اسد... لا هو هذا حتى لو مصارت هاي المشكله واني كشفتكم هم مجان قبلت تزوجها ماضحي بااختي علمود ترضي رجولتك كدام هاله
محمد... اسد انت هيج شوفني اني هيج حقير اخذ وحده حتى اغيض الثانيه علعموم اني تاركها لهاله صالي فتره كلش طويله وانت تدري بهذا الشي
اسد......
غرام ... يعني هسه انت ومحمد متزاعلين
اسد... لا مزاعلين ولامصالحين
غرام ... زين ليش مراضي صدك هو يريدها من صدك لنبأ
اسد... غرام صعبه اصدك لان حبه الاول هذا
غرام ... بس الحب الثاني يجي حتى يداوي جروح حبه لاول ويصلح شغلات الغلط الجان يسوي قبله
اسد... عوفينا من هالموضوع الله كريم هسه خل تخلص سادس ونشوف

نبأ... عدا اسبوعين اني ممحاجيه ولا شايفه محمد حتى مديجي بيتنا يعني ماعرف اخباره وكلش اشتاقيتله ماعرف هو مثلي لو لا
يوميا اروح للمدرسه على امل اشوفه وماكو
اسد بعد ميحاجيني
اجتي غرام عليه كلتلي
غرام ... روح اني وياج وانتي اعتذري منه  كليله بعد ماسويها
نبأ... ماكدر اعرف حيفشلني
غرام ... والله ميفشلج انتي اخته والله كلبه طيب دتعالي مادام بغرفته

نبأ... رحنا اني وغرام لغرفه اسد غرام فتحت الباب واني ظليت بره
سمعتها دكله
غرام ... حبيبي نبأ تريد تحجي وياك
اسد... ماريد تحاجيني
غرام .. اسد لخاطري بس اسمعها

طلعت غرام كالت تعالي
دخلت واني الخوف متملكني ظليت ساكته واباع عليه وعلى غرام هو جان ميباع عليه
غرام تاشرلي بمعنى احجي
اني كتله اسد اني اسفه والله بعد ماسويها
هو ظل ساكت
رجعت غرام كعدت بصف اسد وكلتلي اسد يحبج ميزعل عليج يله تعالي بوسيه
رحت يمه دنجت بسته كتله والله بعد ماسويها هو شال راسه شافني ابجي جان يجرني لحضنه يحضني حبيبي اخويه وسندي بالدنيا الله لا يحرمني منك ولا من كلبك الطيب

طلعت من غرفه اسد واني مرتاحه كلش لان اسد صالحني رجعت لغرفتي كعدت اقره بس ماكو اي واهس عندي يمكن محمد جان الواهس العندي يمكن جنت استعجل اكمل قرايتي حتى احجي وياه
عدت ايام هواي واني مشايفته ماعرف عنه اي شي مرات اسئل غرام دكلي اسد بعد ميحجي وياه
مرات اريد اتهور وادكله من تليفون وحده من البنات بس بعدين اتراجع اكول ماريد اني هسه بنظره جبانه وتخليت عنه

بمره جنا بالبيت كاعدين اجتي مرت عمي ام محمد زياره النا
فاني كيفت عبالي محمد وياها او وصلها ظليت كاعده وامي سولف وياها اريد جيب طاري محمد اريد اعرف اخباره
بعدين امي سئلتها عليه كلتلها والله مكظيها بس سفر يجي يومين ويرد يسافر شغل ومشلوع كلبه
فاامي كلتلها مزوجيه عاد كلتلها والله حرت يوميه جايبتله بنيه وهو ميقبل قبل جنت اشوفه عينه على هاله كتله يمه اروح اخطبها الك

اني شنو اسمع هيج تحجي وكلبي دك دك دك دك ومنتظره جوابها

كالت بس هو مايقبل يكلي ماريدها
امي كلتلها والله هاله زينه ورده ومحمد هم ورده والله لو عندي بنيه جبيره جان انطيتها اله اني شنو باوعت على امي وحسيت نفسي شبح زين اني شنو موقعي من الاعراب

وراها بدينا امتحانات نص السنه طبعا كظيتها قرايه والحمدلله خلصنا على خير وبدينا نجهز لعرس اسد

غرام ... رجع اسد من الدوام وراها رحنا عقدنا بالمحكمه  صرت مرته شرعا وقانوناً بمره رجعت من الدوام بالخط اسد كلي عندي شغل فرجعت شفت سياره حمل واكفه بيت عمو مهتميت دخلت لبيتنا ادك بالباب وماكو احد  كلت ذوله وينهم صدك جذب دكيت على امي ماكو ورونق دكيت عليها كالت احنا بيت عمو تعالي
المهم رحت لبيت عمو بالمطبخ الكل واكف سلمت عليهم كتلهم شكو هالجمعه رونق اجتي كالت جابو غرف النوم مالتكم طبعا اني ظليت اباع عليهم غرفه نوم ياغرفه اني بعدنا مختارينا غرفه طبعا ظليت اكل بنفسي سوه اليريده وجابها على ذوقه وكومه دردمت بيني وبين نفسي
سئلت على اسد كالو فوك ويه العمال
عمتي كالت ولج الولد يصعدون بالاخشاب شكلها حلو
فاني ابتسمت وهزيت راسي اي اخذت مفتاح البيت ودارجع امي كالت ابقي هسه حيكملون وصعدي شوفيها كتلها بعدين اريد ابدل تعبانه المهم رجعت وحدي صعدت نزعت شالي وظليت ماخذتلي صفنه بالمرايه ضايجه وره شويه جرس البيت دك نزلت كلت منو اسد كال اني المهم كلت الله جابك رحت فتحت الباب ودخل اني كتله هلو عفته ودخلت هو ورايه
كلي
اسد... شبيج
غرام ... مابيه تعبانه
اسد... ليش رجعتي للبيت
غرام .. اريد ابدل وحده جايه من دوام مثلا مترتاح
اسد... يابه شبيج عمي بطلنا بعد منسئلج
غرام ... يكون احسن
اسد... دلبسي شال وتعالي عندي مفاجئه
غرام ... ادري جايب غرفه نوم كلولي
اسد... ههههه لا والله مو هاي المفاجئه تعالي
غرام ... لابست شالي شون مجان ورجعت وياه دخلت ماكو احد كتله وينهم كال فوك ديشوفون غرفتنا ويغمزلي
داصعد درج كتله سويتها عند النجار كلي اي طبعا اني كلش ضجت
المهم اول مدخلنا اني واسد الغرفه امي وعمتي كامو يهلهلون ويطشون جكليت 
اني شفت الغرفه تفاجئت مجنت متخيله ولا شويه اسد ممكن يسويها
باوعت عالغرفه رديت باوعت على اسد كتله هاي نفسها الي شفتها بالفيس
ابتسم كلي اي
اني ظليت  متفاجئه هاي الغرفه لكيتها عند معرض بغداد كلش عجبتني كلش وشوفتها لاسد بوكتها ظل يكلي بغداد وشون ولون وهنا اكو احلا بس من صدك من شي يعجبج وراها شوفين غيره شوفي محلو لان الاول دخل بالج
الغرفه جان شكلها ملكي ظليت اتفرج عليها وضحكتي منا لهنا وكلسع اباع على اسد جان مجتف واكف يم الباب يباع عليه
بعدين نزلو الكل بقينا اني واسد
رحت يمه حضنته كتله حبيبي احلا مفاجئه

اسد... قبل شويه جنتي كالبه الوجهه
غرام ... هههه مو كلت جاب غرفه بدون مياخذ رائي
اسد... وانه اكدر
غرام ... 🙈🙈

وراها بدت امتحانات الكورس الاول وجنت شاده حيلي كلش اريد اخذ درجات زينه
كملت الحمدلله اخر يوم رجعت جان اسد بالدوام دكيت عليه كتله زينه وظل يكلي ولك حنزوج وفرحان كلش واني كضيتها بس اضحك
بدينا تجهيزات الباقيه صارت طلعاتنا يوميا تقريبا هو مرات يجي ويانه ومرات لا رحنا ناجر بدله هو جان قافل الا حجاب البس بعدين اني بطرقي الخاصه قنعته اسوي الطرحه مثل الحجاب وسويت نفسي حلف الطرحه عليه لف هو قتنع رحت اجرت بدلات الحنه
واجرت بدله العرس جانت موديل سندريلا
اجرت بدلات للحنه اثنين من اسد واثنين امي كالت على حسابها
واني مشتريه فستان

راحت امي ورونق يودون ملابسي فاني مرحت امي مقبلت خابرني فهد يكلي ليش مجيتي وياهم كتله امي متقبل دكول ميصير
كلي ولج انتي كظيتي خطوبتج كله بيتنا بقى على هذا اليوم
كتله روح كللها خبلتني من صبح اني وياها عراك
وراها اجه اسد كلي ليش مجايه وياهم كتله امي متقبل جان ياخذني ورحلهم صعدنا فوك امي شافتني كامت تحجي عليه عاد اسد كله عمه صل عالنبي غير غرفتها وهي تعدل ملابسها عاد كعدت اني ورونق نعدل ونبأ هم
كملنا جابو الفرشه فرشوها وهلاهل وجكليت واني خجلانه ومستحيه واسد كلسع جاي حاضني كدامهم خبلني
صعدو جلال وفهد فهد بس شاف الفرشه كمز عليها امه كامت ترزله يكلها يمه حتى يخلفون واحد يشبهني
اسد كله دكوم لاتطلع بنيه نوب ظل نايمه على كلبي محد يكلبها

بيوم كعدت على هوسه خالتي تكعد بيه كومي عاد حنتأخر كمت طبعا بالكوه جنت نايمه متاخره من وره بنات خالي وبنات عمي الكل يمنا لان اليوم حنه
كمت غسلت وبدلت نزلت بيبي وداد  بس شافتني هلهلت وذبتلها هوسه وخالتي يصفكن واني بس اضحك
رحت تريكت وبعدين رحنا للصالون اني ونبأ ورونق وايمان وخالتي ويانه
رحت ام الصالون استلمتني لبخ وكلسع اكلها فدوه مكياج خفيف
وسوتلي تسريحه جانت كلش حلوه اني شوفتها صورتها  وسوتها مثلها
مقبلت البست البدله كتلهم بالبيت البسها
رجعت للبيت بوجههي فوك لابسوني البدله جانت بدله ماروني نفش
امي صعدتلي شافتني خطيه كامت تبجي ودكلي شبسرعه كبرتي وحتزوجين
وخالتي كلسع دكلي ديربالج تبجين مكياجج

نزلت جوه كرايبنا كلهم جايين وهلاهل واغاني  حنه الولد جانت بيت جدي اسد كال حتى النسوان تاخذ راحتها بطبه وطلعه لان الحنه سواها بشارع 
صديقاتي اجوي والبنات يركصون ومتونسين كلش واني شبعت ركص هز هز هز ماكعدت امي كلسع تريد تكعدني وخالتي تكلي ديربالج هي مره بالعمر

صعدت بدلت بدلتي ثاني جانت عدله لونها ذهبي جاكتها للفخد ودلعه
البنات تخبلو عليها لان مشافوها  كظيناها ركص وصور دزيت صورتي لاسد واني واكفه وجاكه وصدر طالع لان ميقبل يجي يحنيني يكلي ماكدر اعوف الولد
شويه ودزلي 📱شتعلو اهلج على هذا الثوب
دزيتله 📱حصعد اغيره تجي تحني لو لا
دزلي 📱دزلي صعدي غيري وخلي باجر وره العرس لابسيلياه
دزيتله 📱تحلم اذا مجيت هسه البس بجامه وانام والله
دزلي 📱اجي خرب يومج بس ينصبون العشه اجي

عاد رجعت صعدت فوك لابست فستان جان لونه وردي نفش بس قصير
خالتي دكلي عبالك لعابه مال توته بتها

ظلينا نركص اجتي عمتي كالت اسد اجه يريد يحني ويرجع لحفلته اني بسرعه رحت كعدت
فات هو طبعا جان لابس دشداشه نيلي وشاد الغتره بطريقه حلوه  كلش
اني بس ابتسم تقرب عليه كلي ولك
يابه شطالع باجر مارحمج
اني كلبي سارعت دكاته كلش ومستحيه الكل يباوع علينا وهو كلسع يشاورني
امه جابت النيشان لان ملابسته  وكفناه يلبسه الي الذهب مالتي جان تخم فهو لابسني الكلاده وخبلني بس يهمس باذني شغلات قليله ادب
اني اكو شغلات قويه اول مره اسمعها منه ورجع لابسني تراجي والسوار والمحبس وكلسع يبوسني من كصتي
امه لابستني كلاده ومحبس هديه وامي لابستني سوارين بتوت
بيبي لابستني كلاده فلوس اني وياه رونق تباع عليه سوي نفسها تكح عود بيبي قديمه كلش ظل احد يلبس كلاده فلوس
عاد اجتي بيبي حنتنا وراها صعدت لابست بدله حمرا عدله ومن يم الخصر بيها شويه نفشه ونزلت هو طبعا بس يباع عليه  كومونا ركصونا بس هو ثكيل يعني مايحب يركص  عاد شويه وراح ظلينا نركص ونهوس ونسوي بدلتي المشتريتها ملبستها كلت عالسبعه اللبسه لان تعبت وتريسحه كامت تنفتح من هلكد مدبجت
الناس بدت تروح بقو بس الكرايب والسهره حلوت كلش الكل كام يركص خالتي شغلت كردي يبووو صار بس ندبج منعرف نركص كردي بس المهم نسوي اي اي اي
تونسنا كلش ومن صدك جانت احلا ليله بحياتي

نبأ.... بيوم حنه اسد اشتريت فستان احمر طويل عدل بس دلعه بي وبي جاكه رحت للصالون مكياج وتسريحه رجعت للبيت بسرعه بدلت وكفت عالمرايه معرفت نفسي تغير كلش اول مره هيج اخلي مكياج وهيج اسوي تسريحه
نزلنا رحنا لبيت عمو وبدا الدك وركص طبعا اسد رجعلي تليفون
بس مادكيت على محمد ابد بس جنت كلسع افوت عالفيس عالسناب مجان ينزل شي ابد
بحنه اسد جنا يم غرام ودنركص امي اجتي كالت روحي جيبي صينيه الذهب نسيتها فاني لابست عبايه وخليت شال وداطلع جان شفت جلال وفهد وقصي ومحمد يم باب البيت مالتنا
صالي كومه مشايفه محمد فتره كلش طويله بحيث من شفته حسيت كلبي رجع يدك مره ثانيه متغير  مسوي لحيه حفيفه ومحددها ولابس قميص اسود وستره سوده طالع يخبل اني كلت السلام عليكم وهو رفع راسه شافني دنج بسرعه اني فتت لبيتنا اخذت صينيه الذهب وطلعت بس اريد ارجع اشوفه
طلعت ملكيته ظليت افر منا ومنا ادور عليه ماكو رايح يمكن بس يمه كلبي من شفته مدري صار بيه
رجعت للبيت نزعت العبايه والشال فعمتي كالت عفتي باب الشارع مفتوح كتلها لاسديته المهم طلعت كلت اسده وارجع ملابست شي فالباب جانت مفتوحه كلها داسدها جان احد يدفعها من براه فتحتها اشوف منو جا............يتبع❤️
..............
داحس القصه صارت فلم هندي كلش طويله بس والله داحاول اختصر هوايه حتى اخلصها باقرب وقت 🥰🥰