رواية حب جنوني الفصل الثالث وخمسون 53 - بقلم سوزان ليث

بحنه اسد جنا يم غرام ودنركص امي اجتي كالت روحي جيبي صينيه الذهب نسيتها فاني لابست عبايه وخليت شال وداطلع جان شفت جلال وفهد وقصي ومحمد يم باب البيت مالتنا
صالي كومه مشايفه محمد فتره كلش طويله بحيث من شفته حسيت كلبي رجع يدك مره ثانيه متغير  مسوي لحيه حفيفه ومحددها ولابس قميص اسود وستره سوده طالع يخبل اني كلت السلام عليكم وهو رفع راسه شافني دنج بسرعه اني فتت لبيتنا اخذت صينيه الذهب وطلعت بس اريد ارجع اشوفه
طلعت ملكيته ظليت افر منا ومنا ادور عليه ماكو رايح يمكن بس يمه كلبي من شفته مدري صار بيه
رجعت للبيت نزعت العبايه والشال فعمتي كالت عفتي باب الشارع مفتوح كتلها لاسديته المهم طلعت كلت اسده وارجع ملابست شي فالباب جانت مفتوحه كلها داسدها جان احد يدفعها من براه فتحتها اشوف منو جان يصير بوجهي محمد ظليت صافنه عليه وكلبي يدك سريع هو ظل يباع عليه بسرعه خزرني كلي
دخلي جوه شكو طالعه هيج اني انتبهت طالعه بالفستان بسرعه نداريت ودارجع اني كلبي شنو حيطلع من مكانه وبالكوه امشي بالكعب لفت راسي اشوفه شفته يباع عليه بس هو بسرعه سد الباب عزه اني دخلت للمطبخ سحبت الكرسي وكعدت لازمه كلبي احسه حيطلع ماعرف خايفه منه او مشتاقتله او لان اول مره نتواجهه وره المشكله
اجتي عمتي ضربتني كالت ولج كاعده هنا دكومي دخلي جوه اني كتلها اي كعب ضوجني
كمت رجعت للحفله طبعا شوفته انطتني جرعه نشاط ظليت اركص عبالك ممصدكه شفته
والابتسامه منا لهنا الي يشوفني يكول شكد فرحانه لاخوها ميدرون شفت حبيبي
ظلينا على اغاني ساجده عبيد نردح فاني لزكت بحلكي اغنيه انكسرت الشيشه شكل لامي من اروح ظليت كلسع ارددها من خلصت الحفله رجعت بدلت ودارجع لبيت عمو اساعدهم بالتنظيف فاداطلع بالكراج جنت اغني انكسرت الشيشه شكل لامي من اروح وداسد بالعبايه ممنتبه بالكراج منو كاعد
يافشله الفشله اصدقاء اسد كاعدين ومحمد ولد عمي اثنين بحيث اني منتبهت عليهم هسه دخلت شوكت اجوي كعدو ظليت واكفه بنص الكراج ماعرف اكمل طريقي ماعرف ارجع همه بسرعه دارو وجوهم ماشفت اله نجريت وطلعت بره فتت لبيت عمي ومحمد عيونه بنص كصته وظل لازمني من ايدي
اني ظليت امتمت بسرعه كتله والله مادري بيهم كاعدين بره
محمد... ولج شنو متدرين بيهم صوتنا شعلاته جان
نبأ... والله العظيم منتبهت
محمد... وين بالج بس فهميني
نبأ... ظليت ساكته ميدري جنت افكر بيه
محمد... فوك القهر تغني انكسرت الشيشه بت .....
نبأ... والله مادري  بيكم كاعدين بره  ظل يباع عليه وخازرني بس عاف ايدي ظل يمسح بشعره يرجعه ليوره
محمد... شونج
نبأ... كلبي ياناس حيوكف كتله زينه وانت
محمد... ماشي حالي
نبأ... ظليت اباوع عليه وعيوني ممصدكه هو كبالي وديحاجيني شفته طلع جكاره وشعلها واخذ نفس شمره عليه اني ظليت بس اباوع عليه
محمد... اسد رجعلج التليفون
نبأ... هزيت راسي اي
محمد... ليش مخابرتيني
نبأ... خفت تفشلني  اخذ نفس من الجكاره ودار وجهه وزفره رجع باوع عليه
محمد... عادي اني مافشل اصدقائي
نبا... ظليت اباوع عليه كتله يعني بعدنا اصدقاء متغير شي
محمد... هواي امور تغيرت
نبأ.... ظليت ساكته ماعرف شحجي بس النظره الي يباوعني بيها نظره واحد مشتاق متلهف
محمد... دخلي جوه وماترجعين للبيت الا تخابرين احد يرجعج افتهمتي
نبأ... هزيت راسي اي عافني وطلع
اني ظليت اضحك على نفسي حسيت نفسي صرت فاره كدامه
دخلت للبيت البنات كلهم مبدلات وباديات تنظيف
فكمت انظف وياهم واني مبتسمه وكلش فرحان وهم جنت اغني انكسرت الشيشه يعني الاغنيه من تلزك بالحلك مصيبه
اجتي بت عمي كالت يولي منو كسرها وتغمزلي
كتلها شنيه كالت الشيشه كتله شنو يعني كالت عزه متعرفين شنو معناها كتلها هي شيشه ونكسرت شنو معناها جتي شاورتني اني بسرعه شهكت عزه بعيني كولي والله
هي خربت ضحك كالت يافطيره صالج ساعه تغنيها ومتعرفين معناها كتلها والله ماعرف ظليت اكول عزه بعيني نوب اصدقاء اسد كاعدين واغنيها وعزه واني اكول محمد يكلي فوكاها تغني انكسرت الشيشه
عزه بعيني اجتي رونق سولفتلها القصه هي خربت ضحك واصلا مثلي متعرف معناها
ظلينا نظف ونصنف على غرام الي خبلناها كلسع نكللها اجاك الموت ياتارك الصلاه ولو نكللها اسد ومادراك مااسد هي خطيه ظلت سد باذانها بالليل كعدنا كلنا نسولف فخالتها كلش حبابه وبس تشاقه ويانه
فكلتلها غرام باجر مو تفشلينا رفعي راسنا
فغرام ظلت بس تضحك تستحي تحجي فخالتها كلتلها باجر دلعي عليه لابسرعه ياخذ الي يريده فاني كتلها لايكسر الشيشه بسرعه  الكل خرب ضحك
بس هي غرام فاهيه ظلت دكول كافي وماريد اسمع وماعرف شنو
خالتها كلتله شبيج غير نعلمج دكلها ماريد اسد يعلمني خالتها دكلها ادري باجر يعلم لو يعمل دكلها خاله والله ابطل هسه اذا حجيتو بعد
فكعدنا نصنف عالمعازيم وراها صنفنا على نفسنه فغرام ظلت بس تباع علينا ماتحجي فرونق كلتلها

رونق... شبيج
غرام ... حسيت نفسي اختنكت بسرعه دموعي نزلت
رونق... ولج ليش تبجين
الكل كام وصار يم غرام رونق كامت تبجي وياها واني اضحك عليهم
اجتي ام غرام شافتهم يبجون ظلت دكول ماما مايصلح ومايصلح بعدين كعدت لازمه منا غرام ومنا رونق وتبجي والله شون يقهرون خلوني ادمع
غرام دكلها لامها ماما شون اعوفج
خالتها دكلها وانتي هسه ذكرتي باجر زفتج صدك جذب
ظلت نايمه على رجل امها وامها تمسح براسها وماعرف شتحجي وياها

احنا رجعنا لكعدتنا بعدين نعسنا فاني مرجعت للبيت نمت بيت عمو ويه البنات وبنات عمي جم وحده هم باتو ويانه

رونق... بالحنه اني لابست فستان اسود كله لمع من الصدر مستور الظهر كله طالع وطويل بالصالون رفعت شعري كله ونزلولي خصلات منا ومنا ومكياج خليت اوفر الحمره حمره رجعت للبيت لابست الفستان دخلت عليه نبأ دكلي عزه عبالك ممثله
نزلنا اني مخاله شاله عليه لان ماكو احد غريب ظلينا ناخذ صور ونركص
فجتني رساله من جلال دازلي صورته وكاتب اكيد اشتاقيتيلي
اني دزيتله 📱طالع حلو
دزلي 📱شكرا دزيلي صورتج اشوفج
دزيتله 📱لاماكدر فستاني ميسمحلي ادزلك صوره
دزلي 📱ماشي

فاني بين الصاله وبين المطبخ اوزع الضيافه دخلت المطبخ شفت جلال واكف باب المطبخ اني ظليت صافنه عزه بعيني ماكدر انطيه ظهري لان كله طالع هو ظل يباع عليه مثل الي نصدم بيه
بسرعه دنج راسه اني ركض دخلت جوه اجتي ايمان كالت جلال يريدج بالكراج
اني ظليت استحي اطلع اخذت شال خليته على جتفي وطلعت للكراج شفته واكف على صفحه من عالحايط قريب وره البيت
فاني جانت خطواتي اله بطيئه بسبب الكعب
فوصلت يمه شفته يدخن جان لابس قميص ماروني وبنطرون بيجي طالع كيكه.   كتله
هلو
جلال ... هلو
صحت عليه
اي
ليش
ميصير اشوف حبيبتي شون طالعه
ظليت مبتسمه ومنزله راسي فاجئني صعد راسي كلي
طالعه ملكه
ههه شكرا  شفته ظل يباع عليه واحسه خدران ومركز على شفتي اني ماعرف ليش رجعت  ليوره كتله حروح اني

شفته هو عدل وكفته وظل يمسح بالحيته كلي اي روحي وستري علينا
اني ظليت مبتسمه دارجع فاني خاله الشال عليه بس الشال طلع ممغطي ظهري كله طالع من جوه شويه
فسمعته تنهد اني مافتهمت فرجعت فتت
شويه واجاني مسج 📱لو دقيقه باقيه كدامي جان صارت مصيبه
اني ظليت متفاجئه بي وماعرف شنو اجاوبه دزيتله سمايلات
دزلي 📱تمنيت انتي مرتي جان اكدر اسوي الريده
دزيتله 📱لعد همزين مو مرتك
دزلي 📱ولج احبج
دزيتله 📱اني هم
هو بسرعه دكلي اني نطيته رفض دزيتله 📱ماكدر احجي
دزلي 📱صعدي فوك وحاجيني
صعدت فوك للغرفه طبعا ماعرف شبي دكيت عليه جاوب
هلو
حبيبي
نعم
احبج
مممم
شنو ممم
اي شكرا
احجيها
جلال
لا جلال ولا حلال احجيها مو شعليتي ابويه شعل
ههههههه اي اني هم
شنو
جلال كافي حنزل
كوليها
شنو
الي شالعه كلبي ومدتحجيها
ههههههه جلال والله هسه اترزل يله باي
ولج اوكفي والله هسه اجي عليج اذا محجيتيها وبعد بكيفج
ههههه اوكي احبك
خرب عشيرتج وين انطي وجهي هسه
هههههههه
نوب دنيا لليل جان جبت الشيخ وعقدت
ههههه عزه
ولج غير شفت كلشي
عزه شفت
الظهر يمه الظهر اوووف خليني ساكت ترى بالكوه صابر عليج
ههههههه جلال كافي يله حروح
اوكي حبيبي روحي 

نزلت واني ضحكه ممفاركتني ماعرف حسيت طايره من الفرحه وجنت اتمنى اطول اكثر وياه بالحجي بس كلماريد اقوي علاقتي بي الكه شي يكلي كافي
نزلت ورجعنا نركص كامت هاله تركص ويانه جانت طالعه كلش حلوه نبأ شافتها راحت كعدت صايره تكرهه هههه
اجتي يمي كالت يولي شطالعه تخبلين كتله هذا الطبيعي مالتي
كالت محتحنين على انمار ترى مشلعوع كلبه
كتلها صفحه انمار طويتها كافي ماريده خل يعيش حياته ويعوفني بحالي
كالت والله يحبج ولج حتى ابويه كل ميكله عالزواج صير عركه بيناتهم
لان ميريد يزوج
كتلها شعليه اني ازوج مزوج شي ميخصني اني بعد ماريده
عفتها ورحت كومت نبأ جانت مطنكره دكلي شكو تحجين وياها كتلها غير بت عمي قابل شنو رجعتها تركص اجه اسد يحني غرام اني لابست شال عليه واكفه يم اسد ندار عليه يكلي شو كلجن متغيرات شكو
كتله بسبب اللبخ هههههه
وره الحنه راحو المعازيم بدينا نظف البيت بقه كيك هواي فامي شالت قسم منه كالت هذا لبيت عمج خابري واحد من الولد يجي ياخذه فاني دزيت رساله لجلال كتله تعال اخذ الكيك
فندك الجرس طلعت فتحت الباب طلع جلال كتله شبسرعه اجيت

جلال... مو جنت واكف بره
رونق... مممم تعال فوت
جلال.. لا ماريد شو البيت صاير بس بنات شنو سالفه
رونق....اي بنات خالي وخالاتي ذني هسه اجيبلك الكيك
طبيت جوه شفت بنات خالتي واكفات يم شباك يباعن على جلال كتلهم شكو
حنين ... ولج هذا شكد حلو
رونق... اي
نوب ردت زينب دكلها ولج هذا احلا واحد بيهم
رونق... يابه شبيكم خوب حتاكلوا للولد اخذت الماعون وطلعت عليه كتله هاك يله روح
جلال... شبيج
رونق... مابيه روح يله
جلال ... دوكفي خل اشبع منج
رونق... ظليت واكف واباع عالشباك
جلال... دباعي عليه
رونق... جلال بنات خالتي واكفات يباعن عليك روح  شفته حك لحيته وباوع عالشباك ورد باع عليه ضحك تقرب عليه باسني بخدي عزه اني بسرعه رجعت ليوره ظليت صافنه عليه هو كلي
جلال ... حتى يعرفون انتي حبيبتي
رونق... اني ظليت ماعرف شسوي اباع عالشباك لو اباوع على جلال هو اخذ الماعون وكلي
جلال...ماشي حبيبتي يله باي
رونق... باي

دخلت جوه بنات خالتي لزمني ولج باسج عزه وليش وشكو
طبعا ظليت اضحك واكلهم عادي احنا متعلمين ويه ولد عمو هيج
حسيت نفسي باامريكا من حجيت هيج دخلت جوه كملنا تنظيف وكعدنا نسولف طبعا اني جنت فرحانه كلش بس من شفت غرام تبجي ماتحملت انفجرت وياها بالبجي اجتي امي طبكت ويانه جان شكلنا يضحك عبالك غرام حسافر بغير دوله
على كولت خالتي دكلي انتي اذا صحتيها وانتي بغرفتج تسمعج وهي بيت عمج

رحنا نمنا فاني جنت نايمه باوعت فراش غرام مابي احد كلت هاي وين راحت
كمت دادور عليها فتحت غرفه امي شفتها نايمه يم امي حبيبتي رحت دحست نفسي وياهم ونمت يمهم امي كعدت سولفنا من جنا صغار جنا شون نلعب ونشاقه ماحسيت الا صبح خالتي دكلي ولكم كوموا حتتاخرون

غرام ... وره الحفله صح جنت فرحانه لان اخذت الي احبه بس اكو شعور بداخلي ماعرف شنو حتى اسد شكد دك عليه وره الحفله مجاوبته ماعرف ليش وكلسع اباوع على امي واصفن عليها بالليل ماكدر انام صح جنت تعبانه كلش بس يمكن تفكير وتوتر وقلق وكلهن رحت بالليل بغرفه امي امي شافتني خطيه بسرعه كلتلي تعالي عرفت مجايني نوم
كعدت سولف ويايه
وتنصحني
ام غرام .. انتي هسه حطلعين منا حتروحين لبيتج الثاني الحمدلله انتي تعرفيهم وعايشه وياهم ورابيه عدهم والحمدلله اسد يحبج ويتمنى بس الرضى الج لا تضوجيه ابد اني ازعل عليج شيريد كليله صار من شوفيه عصبي اسكتي حتى لو حجى ورزل وفشار من يهدء عاتبه وحجي الي ضوجج
العناد مايرهم ويه الرجال

ظلت تنصحني واني بس اسمع اجتي رونق نامت ويانه رجعنا مثل قبل جنا هم نام ويه امي وره ماتوفى بابا

كعدت صبح على صوت خالتي عصفور الصباح
صفك وتكرص بيه  خلتني اكمز من الفراش طلعت الكل يباع عليه ماعرف شكو وعصبيه جنت اني رحت سبحت وبدلت ونزلت كعدت اتريك بت عمي تحجي ويايه خازرتها جان خالتي كعدت يمي كالت خايفه
باوعت عليها عبالك قرت عيوني كتلها اي
كالت لاتخافين تونسي هاي ليلتج بعدين تتندمين دكولين ليش مسويت هيج ليش معملت هيج
اي ان شاءالله
كملت اكل وكمت طلعنا اني وخالتي ورونق جلال  طبعا اسد ماشفته من البارحه دزلي مسج صباح الخير
مجاوبته ماعرف شبيه بس اريد اتعارك وياه
وصلت للصالون فنزلنا جوه جنت كاعده دانتظر سرايه خابرني اسد
جاوبته من وره خشمي احجي
ها حبي شونج
زينه
وصلتي للصالون
اي بس بعدني دانتظر سره
من تخلصين اجي عليج حتى روح ناخذ صور
اي
شبيج
مابيه
ولك شبيج جنج خايفه يولي
مخايفه على شنو اخاف
هههههههه اي مبين حبيبي لاتخافين يعمري انتي مو تحبيني
اي
اي هاهيه معليج بالباقي
اسد
عيونه
انت مخايف
ههههه لا من شنو اخاف
يعني توتر قلق البارحه بالكوه نمت
لا والله البارحه بس اريد انام حتى يجي اليوم واعرس
هههههه عود داشكيلك يله باي
اوكي حبي باي

كعدت شويه بالعشره بدت بيه سوتلي المكياج وشعري تسريحه عاليه كلش حلوه لابسوني البدله وبدوه يشدون  الحبال مال البدله خالتي شد ودكلي والله اليوم اسد يفشر علينا ضبت البدله ضب بحيث بالكوه كمت اجر النفس وبالكوه امشي بيها
الطرحه سوتها خليجي حتى يتغطى شعري بس المقدمه مبين بس كلش حلوه صارت

كملت وكعت بين مارونق تكمل جانو ديسولها مكياج اني كاعده فخالتي ظلت تاخذلي صور
خابرت اسد كتله كملنا اجه علينا فهو جان بره واكف ينتظرنا اني طلعتله وداعدل بالبدله ممنتبه اله صعدت راسي شفته يباع عليه ومتفاجئه عيونه تلمع من شافني من شفته نسيت خوفي وتوتري لان النظره الجان يباوعني بيها نستني كلشي تقرب عليه وظل يباع بعيوني وكانما ممصدك كلي
لعابتي شطالعه
ابتسمت اله ظل يباع عليه وكانما يريد يشبع مني
هو جان طالع كلش جميل القاط لابسه كلش حلو عليه صعدت بسياره بالكوه من وره البدله توجهنا للمصور  بنيه جانت تاخذنا الصور
مدخلت احد بس اني وهو
لعبت بينا طوبه كومه اخذتنا صور بحيث متعبت بصالون كد ماتعبت عد المصور بالاخير هو كلها كافي يابه ترى ورانه زفه

عاد خلصنا
جان بالي جم لقطه بس كلشي نسيت
رجعني للبيت ونزلت الكل بدا يهلهل من دخلت البيت امي حبيبتي من شافتني كامت تبجي اني ماتحملت بسرعه بجيت وخالتي تفشر عليه مكياجج تخربط. وكعدو يعدلون بي رونق طبعا ماشفتها من رجعت من صالون اجتي بت خالتي صغيره توته كتله صيحيلي رونق كالت فوك دتبجي ماعلف سبيها

اني ظليت اصيح عليه كمت اني وبدلتي وكفت يم الدرج اصيح علو رونق  عاد نزلت مبينه باجيه
باوعت عليه وحضنتها كتلها لا تبجين والله ابطل ومازوج
خالتي صيح مناك جذابه
خربتني ضحك
عاد رجعنا اخذنا صور وشغلات جان تفوت نبأ علينا رونق كلتلها ولج جابج انتي غير اخت العريس تجين بزفه كلتلها اي جيت اشوف غرام متحملت

عاد اخذت ويايه صور وراحت
طبعا الزفه من بيت جدي يجون علينا لان بيت عمي بصفنه  مترهم
اني جنت كاعده عمتي جابتلي ماعون بي تمن ومركه فاصوليا  كعدت توكل بيه
شويه وسمعت صوت مزيقه وجهال يصيحون اجوي جوي ......... يتبع ❤️