تحميل رواية حب حياتي بقلم شهد أحمد pdf

تعريف الشخصيات والفصل الاول

اسيل: بنت عندها 23 سنه ف اخر سنه ف كليه طب عندها اخ واحد اهلها ماتوا من خمس سنين ومش عندها غير اخوها و ولاد خالتها بس هى بنت زاى القمر عينها زرقه و وسعه وبيضه وشعرها بنى طويل وجميل جدا هى محجبه وطولها حلو مش قصيره يعني

معتز: اخوه اسيل وبيحبها جدا ومفيش اهم منها عندو وليها اب وام وكل حاجه بيشتغل ف الشركه بتاعت بابها هى مش كبيره اوى بس كويسه وهو بيخليها تنجح كل شويه هو عنيه بنى فاتح وشعرو اسود لمع وحلو جدا وجسموا رياضه وحلو وكل البنات هتموت عليه بس هو مش عايز حد غير اخته بس وعندو اتنين صحاب بس وبيحبهم اوى

محمود: ابن خالت معتز واقرب حد ليه وبيحبوا اوى وبيشتغل معاه ف الشركه هو عينه زرقه و وسعه وحلو وشعرو بنى وجسموا رياضه وحلو وكل البنات هتموت عليه بس هو بيحب يتسله شويه 🤷‍♂️ وعنده اخت واحده صحبت اسيل جداا

رودينا: بنت خالت اسيل وبتحبها اوى وصحبتها الوحيده هى بنت مش حلو زاى اسيل بس شكلها حلو عينها بنى و شعرها قصير ومحجبه وعندها 22 سنه ف كليه تجاره اخر سنه ونفسها تشتغل ف الشركه بتاعت معتز او عشان بتحب معتز اوى بس خايفه تقولوا عشان عارفه انوا بيحب اخته بس

عمر: صحب معتز بيحب معتز جدا و بيعتبرو اخوه بجد هو وحيد مش عنده اخوات خالص ابوه وامه ماتوا من زمان وهو كان عايش مع عمو بس مشى ف شقه لوحده هو بيشتغل مع معتز ف الشركه هو عيني عسلي و شعره بنى و جسموا رياضه زاي معتز ومحمود يمكن اكتر منهم كمان هو بيحب الضحك والهزار جدا بس لما بيتعصب بيتحول فعلا

دول ابطالنا اللى ليهم دور مهم وهيفضلوا معانا ع طول والباقي هنعرفهم بعدين 😊

حب حياتي

꧁الفصل الاول ꧂

ف بيت اسيل الساعه 8 الصبح تقوم اسيل من النوم تفتح عينها اللي زاي البحر وتقوم تخد حمام وتخرج تصلى وبعدين تلبس وتنزل تحت تشوف اخوها بيفطر

معتز: صباح النور ياروحي

اسيل: صباح الورد ياروح روحك

معتز: صحى مزاجك حلو

اسيل: طبعا ياحبيبي انهارده اول يوم ف اخر سنه ف الكليه لازم يكون مزاجي حلو عشان اخلص منها ع طول بقا و احقق حلم بابا وماما

معتز: اكيد ياحبيبتي انا واثق فيكي انك هتعرفي تعملي كده

اسيل: ادعيلي انت بس ياحبيبي وكل حاجه هتكون كويسه

معتز: ربنا معاكي ويوفقك يارب

اسيل: بس مش عاوزه غير كده

معتز: طب يلا عشان اوصلك الكليه

اسيل: ماشي ياحبيبي بقولك صح انا هروح مع رودينا بعد الكليه هنجيب حاجات

معتز: ماشي ياحبيبتي لو عاوزه حاجه قوليلي تمام

اسيل: تمام ياعم خلاص بقا

معتز بضحك: بقا انا معتز يتقالي ياعم

اسيل: مش عجبك حضرتك 🤨

معتز بخوف مصطنع: ابدا ياباشا انا اقدر بردو

اسيل : ايوا كده ناس متجيش غير بالعين الحمرا

معتز : خلاص يابت انتي هتخدي عليا

اسيل : انت تطول اصلا يلا هتاخر

معتز: يلا ياختي

و مشيت راحت الكليه وحضرت المحاضرات بتاعتها وبعدين كلمت رودينا

اسيل : انتي فين يابت

رودينا: اهو هدخل عليكي

اسيل: طب بسرعه بقا

وقفلت معاها وبعدين خدت بالها ان ف شاب واقف بيبص عليها هى عملت مش واخد بالها عشان متحصلش مشكله زاي اللي حصلت قبل كده معاها ف الكليه اول سنه بتفتكر اللي حصل

فلاش بك

اسيل كانت واقفه مستني معتز يخدها و هى واقفه جى شاب عليها

شاب: اى اللى ياقمر مستني مين

اسيل مردتش عليه

شاب: اى ياقمر مش هتردي عليا ولا اى

اسيل : انت عايز اى يااخ انت

شاب: نتعرف ياقمر

اسيل بقرف: نتعرف مين يااهبل انت امشي يلا من هنا

شاب: مصيرك تيجي براجلك انتي ومشى

اسيل: قرف ع الصبح

وبعدين معتز يجي خدها والشاب ده شافها وهي ماشيه مع معتز

شاب: ما حلوه اهو و بتمشي مع شباب انا هوريكي

و تاني يوم اسيل كانت مستني معتز بردو وجى الشاب ده تاني

اسيل بصوت واطي: مش هنخلص ف يومنا انهارده

الشاب: اى ياحلوه مستني بتاع امبارح ولا واحد تانى

اسيل : ما تغور من هنا بقا

الشاب: ليه بس هو انا مش زاي الباقي ولا اى

اسيل: باقي اى ياحيوان انت

الشاب: ما تيجي بس وانا هخليكي مبسوطه

تعال انت وانا اللي هخليك مبسوط ياروح امك 👊

روايات شيقة

الشاب: تعالي بس وانا هخليكي مبسوطه

تعال انت وانا اللي هخليك مبسوط ياروح امك 👊

اسيل بتشوف مين لقيت محمود و معتز قدامها

اسيل: معتز يلا ونبي بلاش مشاكل

معتز بعصبيه: انتي مجنونه عايزيني امشي و اسيب الزباله ده كده يرخم عليكي

الشاب بعصبيه هيندم عليها دلوقتي: هو حلو ل ناس و ناس لا ولا اى ما احنا حلوين بردو

قبل ما يكمل الكلام كان خد بوكس 👊من معتز وغيرو كتير لدرجه ان الشاب مش قدره يقوم خالص و طبعا الكليه كلها اتجمعت وحصلت مشكله كبيره و من ساعتها محدش بيقدر يقرب من اسيل خالص

رودينا: اى يابنتي بتفكري ف اى

اسيل: كنت بفتكر اللي حصل اول سنه ليا هنا

رودينا: بس متفكرنيش ده معتز فضلت شهرين يجي معاكى كتير عشان محدش يكلمك بس

اسيل: فعلا من ساعتها محدش يقدر يقول كلمه بس حتا البنات بتكلمني عشان معتز بس 🤦🏻‍♀️

رودينا: كويس عشان ميكونش ف صحاب غيرى

اسيل بضحك: ماشي ياختي يلا عشان متتاخرش انتي عارفه معتز لو اتاخرت هيعمل اى

رودينا: لا ياختي ع اى يلا بسرعه

ومشيت راحت المول وفضلت تلف كتير عشان هتجيب هديه لى معتز عشان عيدميلاده انهارده و هو زاي كل سنه مش مهتم او فاكر اصلا

اسيل: ها اخيرا جبت

رودينا: فعلا ده انا تعبت اوى لحد لما جبت اصلا

اسيل: طب يلا بقا عشان نلحق نروح البيت عشان نشوف الحفله بقولك انتي ماكده ع محمود و عمر كويس

رودينا: اه ياستي وقولت ل محمود يعزم بقيت اصحاب معتز

اسيل: تمام اوى كده انا هروح اشوف بقيت التجهيزات وانتي تروحي تلبسي وتجيلي ع طول تنام

رودينا: اكيد باى

اسيل: باى

و اسيل رجعت البيت تاني تشوف التجهيزات و خلصت كل حاجه وبعدين رودينا جت عشان تساعدها و كل حاجه جهزت خالص

اسيل: انا هطلع البس بقا عشان قرب يوصل

رودينا: فعلا يلا بسرعه

وطلعت اسيل تلبس و لبست فستان اسود طويل و عليه طرحه حمره و كوتش ابيض و شويه ميكب خفيف خالص عشان معتز ميزعلش و نزلت كانت قمر قمر يعنى

رودينا ب اعجاب: وااا اى القمر ده يابنتي

اسيل بكسوف: بس بقا وبعدين يلا كلمى محمود شوفى فين و الباقي فين

رودينا: لسه كنت بتكلم معاه قالي خمس دقايق بس و هيكون هنا و هى بتتكلم الباب كان بيخبط

اسيل: طب يلا روحي افتحي الباب اكيد هما

راحت فتحت كان محمود و عمر و باقي صحاب معتز

رودينا كانت قمر بردو كانت لبسه فستان ازرق و طرحه بيضه و كوتش ابيض و بعض الميكب

رودينا: اى يامحمود هو معتز هيجي امتي

محمود: قالي ربع ساعه و هيمشي كلمى انتي يا اسيل شوفى فين

اسيل: تمام هتصل دلوقتي

اسيل: الو أنت فين دلوقتي

معتز: اهو ياحبيبتي نازل من الشركه

اسيل: طب يلا ياحبيبي لماتقرب اتصل عليا عشان احضر الاكل

معتز: حاضر يلا باى

اسيل: باى

اسيل: نزل من الشركه وهيجي ع طول

محمود: تمام ف اى حاجه ناقصه

رودينا بضحك: عيب عليك هى اسيل بتحتاج حد عشان تعمل العيد ميلاد ده عيدميلاد معتز يابني بتقول اى

محمود: فعلا عمرك يا اسيل مخليتى حد يساعدك خالص ليه

اسيل: عشان انا مش عندي اهم من معتز وكمان انا بحب كل حاجه بتتعمل اكون انا بس اللي اعملها مش حد تانى

عمر: فعلا يا اسيل انتي نعمه الأخت والله

اسيل بكسوف: شكرا ياعمر اه يلا هو خلاص قرب يجي دلوقتي

محمود: فعلا يلا ياجماعه نطفي النور

معتز بيفتح الباب فجأااا

روايات شيقة

معتز بيفتح الباب فجأ النور مطفي خالص

معتز: اسيل حبيبتي انتي فين

فجأة النور يرجع و معتز بيشوف الكل موجود و الحفله شكلها حلوه اوى

اسيل: كل سنه وانت طيب ياحبيبي عقبال مليون سنه

معتز بحب: وانتي طيبه ياروح قلبي

محمود: كل سنه وانت طيب ياصحبي

معتز: وانت طيب ياخويا

عمر: كل سنه وانت طيب يازوز

معتز بضحك: يابني بطل ام الاسم ده بقا 😂

عمر: عيب عليك ياكبير تعرف عن صحبك كده

معتز: ابدا ياخويا

رودينا: كل سنه وانت طيب يامعتز

معتز: وانتي طيبه يارورو

اسيل: طب يلا عشان التورته

معتز: يلا ياحبيبتي

معتز بيشوف التورته وبعدين بص لى اسيل

معتز: دى اكتر حاجه حبتها ياروحي

اسيل: كنت متاكده انها هتعجبك

معتز: طبعا هو ف حاجه تستاهل غيرها

اه التورته كان عليها صورت معتز واسيل و ابوها و امها عشان كده عجبت معتز جدا وبعدين جى وقت الهديه

محمود: اتفضل ياعم

معتز: حلوه اوى ياصحبي

كانت ساعه حلوه جدا

عمر: اتفضل ياباشا

معتز: حلو ياصحبي

كان برفان حلو من النوع اللي معتز بيحبه

رودينا: اتفضل يامعتز

معتز بيفتح الهديه طلعت صوره ليه هو و اسيل حلوه اوى و مرسومه كمان مش طبع

معتز بفرحه: حلوه جدا شكرا بجد يارورو

رودينا: اهم حاجه انها عجبتك بس

معتز: اكيد طبعا اى يا اسيل فين الهديه بتاعتك

اسيل: عيب عليك هو انا اقدر بردو

طلعت بدله حلوه جدا

اسيل: دى مش هتلبسها غير يوم فرحك ان شاءلله

معتز حضنها: اكيد ياروحي حلوه اوى ذوقك ع طول جميل

اسيل: اهم حاجه انها عجبتك بس ياحبيبي

وبعدين فضلت الحفله شويه وبعدين كل واحد روح بيته

تاني يوم الصبح اسيل صحيت بدري عشان تروح الكليه نزلت تحت كان معتز لسه موجود

معتز: صباح النور

اسيل: صباح الورد ياحبيبي

معتز: اى صاحيه بدري انهارده

اسيل: اه عندي محاضره بدري ياحبيبي همشي انا عشان هتاخر

معتز: طب خلى السواق يوصلك ماشي

اسيل: تمام ياباشا باى

معتز: باى خدي بالك من نفسك

اسيل وهي بتخرج: حاضر

ومشيت راحت الكليه وحضرت المحاضرات كلهم التلفون كان بيرن بتاعها

اسيل: الو

مجهول: الو اسيل

اسيل: اه مين حضرتك

مجهول: انتي متعرفيش انا مين خالص بس خدي بالك من نفسك و اوعي تمشي لوحدك دلوقتي خالص

اسيل: انا مش فاهمه حضرتك عاوز اى بردو

مجهول: اسمعي الكلام بس هو انتى فين دلوقتي اصلا

اسيل بستغرب: هو انت مالك اصلا وبعدين عشان اريحك قدام الكليه وهمشي

مجهول: ادخلي جوه تانى بسرعه

اسيل: ادخل ليه

مجهول بعصبيه: ادخلي جوه بقولك حياتك ف خطر

اسيل: خطر اى انت بتقول اى هو فجأة وهي بتتكلم عربيه وقفت قدامها ونزل منها واحد

روايات شيقة

اسيل: خطر اى انت بتقول اى هو فجأة وهي بتتكلم عربيه وقفت قدامها ونزل منها واحد وشدها العربيه خطفها وقبل ما هى تلحق تعمل اى حاجه كانت نمت خالص من البنج وبعد ساعات كانت بدات تفوق

اسيل: اه انا فين بتبص قدامها كانت ف اوضه ضلمه خالص ومفيش حد خالص

اسيل: انتوا يا اللي هنا حد سامعني طب انا بعمل اى هنا

وبعدين الباب فاتح ودخل واحد جسم طور الصراحه

الراجل: اخرسي بقا

اسيل: طب انا بعمل اى هنا اكيد حضرتك غلطان

الراجل: لا مش غلطان ياحلوه و أخرسى بقا عشان معملش حاجه متعجبكيش

اسيل بخوف بس مش واضح: ولا تقدر تعمل حاجه اصلا وبعدين انا جعانه

الراجل: اعملك اى يعنى جعانه

اسيل: يعنى جعانه عاوزه اكل انت بخيل ولا اى

الراجل: أخرسى هجبلك اكل واجي متحاوليش تهربي ياحلوه المكان ف الصحراء وكمان ف راجال كتير اوى بره والصراحه انا مش ضامن تفضلي زاي ما انتي لو خرجتي من هنا 😉

اسيل فهمت الكلام: تمام انا عاوزه اكل دلوقتي

الراجل: هجيلك تفح اسكتي

...................

معتز ف الشركه دخلت السكرتيره

معتز: خير يامنه ف حاجه

منه : اه يابشمهندس السواق بتاع حضرتك بره

معتز بستغرب: طب خلى يدخل

منه: تحت امرك يافندم

و دخل السواق

معتز: ف حاجه

السواق: الست هانم يابيه

معتز: مالها حصل اى

السواق بخوف: اتخطفت

معتز بصدمه: نعم ياروح امك اتخطفت ازاي وانت كنت فين

السواق: ياباشا والله انا كنت عند العربيه وهي كانت خرجه من الكليه بتتكلم ف التلفون و فجأة عربيه وقفت قدامها وخدتها ومشيت ع طول ملحقتش اعمل حاجه والله يابيه

معتز بعصبيه: يعني اى اختي اتخطفت ده انا هولع فيكم كلكم منه

منه بخوف: نعم يافندم

معتز بعصبيه: ابعتيلي محمود و عمر دلوقتي حالا

منه: حاضر حاضر

وبعدين خمس دقايق كان دخل محمود و عمر

محمود: ف اى مالك

معتز: اسيل اتخطفت

محمود بصدمه: نعم ازاي ده هي مش كانت لسه ف الكليه

معتز قالهم اللي حصل

عمر: طب اكيد ف كاميرا مرقبه ف الكليه صح

معتز: اكيد طب يلا نروح هناك بسرعه و اه كلم محمد يجي ع هناك تمام

محمود: تمام يلا

.................

عند اسيل كانت قعده خايفه هي كانت بتقول كده عشان الراجل ده ميحسش انها خايفه بس هي مرعوبه

اسيل: يارب طلعني من هنا يارب ونبي 😭

وهي قعده دخل الراجل

اسيل: ما تقولي بقا انتوا عايزين منى اى

انا اللي هقولك يا اسيل

اسيل بتشوف مين لقيت نفس واحد بس الوش مش باين خالص عشان الضلمه

اسيل: طب ممكن تقولي انا هنا ليه

مجهول: حساب قديم وبيخلص بس

اسيل: حساب قديم مع مين

مجهول: اخوكي و ابوكي

اسيل: بس بابا مات من خمس سنين و معتز مش بيعمل حاجه غلط

مجهول: عارف ان ابوكي مات بس لما مات انتي كنتي صغيره لسه بس دلوقتي انتي انسه و فاهمه مش عيله ولا مش انسه

اسيل: اخرس ياحيوان انا اشرف منك ومن عيلتك كلها

مجهول: طب اهدي بس ياقطه كل حاجه هتعرفيها ف الوقت المناسب بس انا دلوقتي عرفتك انتي ليه هنا بس مش عايز وجع دماغ معاكي فاهمه

اسيل: فاهمه

و خرج تاني و اسيل فضلت تفكر طب هو بابا عمل اى طب معتز ماله بردو

اسيل: يارب انا مش فاهمه حاجه بس الاكيد انى لازم اهرب من هنا

حاولت تخرج كتير بس معرفتش

اسيل: يارب اعمل اى دلوقتى اه انا هندي الطور اللي بره دلوقتى وهقوله عاوزه ادخل الحمام وطبعا هيوديني هنا و ساعتها اتصرف يارب خليك معايا ونبي فضلت تخبط ع الباب كتير عشان يفتح و فعلا فاتح الباب

الراجل: خير عاوزه اى

اسيل: عاوزه ادخل الحمام

الراجل: وانا اعملك اى

اسيل: توديني الحمام سهله اهى

الراجل: استني لما استاذن الكبير

اسيل: بقولك عاوز ادخل الحمام لسه هتروح تستاذن

الراجل: طب يلا تعالي

و دخلت اسيل الحمام و كان ف شباك جوه حاول تكسر الشباك من غير صوت عشان محدش يسمع و فعلا نجحت وخرجت بس اول لما خرجت ف واحد شافها وهي فضلت تجري كتير و هو ورها و فجأة وهي بتبص عليه وراها واحد طلع قدامها 😳..........

روايات شيقة

وهي بتجري بتبص وراها واحد طلع قدامها فجأة و ضربها ع راسها و اغم عليها

الراجل: انت غبي عملت اى مش الكبير قالنا محدش يعملها حاجه اهو دماغها اتفتحت ياذكي

الراجل 2: يعنى كنت اسيبها تهرب

الراجل: لا كنت مسكتها ع الاقل مش تضربها كده

الراجل 2بخوف: طب هنعمل اى و الكبير لو عرف هيعمل فينا اى

الراجل: مش عارف تعال نقولوا عشان هي لازم تروح المستشفى دلوقتي

و راح قالوا

مجهول: انت غبي انت وهو ازاي تعمل كده عارف لو حصلها حاجه هوديك ف دهيه

الراجل 2: والله ياباشا انا مكنش قصدي انا كنت مش عايزها تهرب بس

مجهول بعصبيه: وانت بروح امك مش هتعرف تمسك بت وانت قدها مرتين كده

الراجل 2: اسف والله ياباشا

مجهول: لما ارجعلك بس قدامي ع العربيه عشان نلحقها

.................

معتز وصل الكليه هو و محمود و عمر ودخل أوضة العميد

معتز بعصبيه: عايز اعرف ازاي الامن يشوف واحده بتتخطف ويسكت ميعملش حاجه هي زريبه 😡

العميد بخوف من شكل معتز: اهد بس يامعتز بيه وهنشوف الكاميرا دلوقتي و اكيد هنشوف رقم العربيه

معتز: اخلص هاتها

العميد جاب سجل الكاميرا و شاف اسيل وهي بتتكلم ف التلفون و فجأة عربيه وقفت قدامها وخدتها ومشيت ع طول بس العربيه من غير ارقام

معتز: العربيه من غير زفت والله العظيم لو اختى حصلها هولع فيك و الكليه كلها انت فاهم

العميد بخوف: والله ياباشا احنا مشوفناش حاجه

معتز: هنشوف بعدين المهم اختي

محمود: اهد بس و احنا هنشوفها اكيد اللي خدها هيتصل واحنا هندور عليها كمان

معتز: فين محمد

محمد: انا اهو

معتز: عايزك تشوفلي هى فين عن طريق التلفون بتاعها بسرعه قدامك ساعه واحده بس تكون عرفت

محمد: حاضر هشوفلك دلوقتي حالا

...................

ف المستشفى

مجهول: شوفها يادكتور

الدكتور: حاضر هندخل نشوفها حالا

بعد ساعه الدكتور خرج

مجهول: هاا طمني هى كويسه

الدكتور: احنا خيطنا الجرح و ان شاءلله شويه وهتفوق

مجهول: تمام يادكتور

بعد ساعتين كانت اسيل بدات تفوق

اسيل: اه انا فين

مجهول: انتي ف المستشفى

اسيل: انت مين

مجهول: انا صحب معتز

اسيل بستغرب: معتز مين اصلا

مجهول بصدمه: انتي مش عارفه معتز مين

اسيل بتعب: اه مين ده حد اعرفوا يعنى وبعدين انا مش فاكره حاجه خالص ليه هو انا اسمى اى اصلا

مجهول: طب ثواني بس

وخرج بره لى الدكتور

مجهول: حضرتك هى مش فاكره حاجه خالص بجد

الدكتور: احنا هنعمل تحاليل وهنشوف بس ممكن اه فعلا تكون مش فاكره عشان الخبطه كانت كبيره ع راسها

مجهول: تمام يادكتور

و دخل تانى عندها

اسيل: انت كنت فين انا معرفش حد هنا ممكن تخليك معايا

مجهول: اكيد طبعا

اسيل: طب انت اسمك اى

مجهول: اسمى عمار

اسيل: طب انا اسمي اى

عمار: اسمك قمر

اسيل: قمر حلو اسم قمر طب انت مين

عمار: انا خطيبك .............

روايات شيقة

معتز فضل يدور عليها ف كل مكان مش عارف يعمل اى

معتز: يعنى اى اختي فين مفيش حد اتصل حتا

محمود: اهد بس والله هنلقيها ان شاءلله

معتز بدموع: يارب يامحمود يارب 😢

عمر: خليك جامد كده بس عشان نعرف هى فين

معتز: اعمل اى طيب تلفونها و اتقفل خالص ومش عرفين هى فين ومحدش اتصل كمان لو عايزين فلوس و احنا ملناش اعداء اصلا هتكون فين و مين اللي خطفها و ليه اصلا

محمود: مش عارف والله بس ربنا يستر

معتز: يارب يامحمود يارب ونبي 😔

................

بعد تلات سنين ف مكان بعيد

قمر: اى ياعمار كنت عايزني

عمار: اه ياحبيبتي كنت عاوز اعرف هتعملي اى ف الصفقه الجديده

قمر: هشوفها لو كويسه و هتنفعنا هخدها لو لا خلاص

عمار بتوتر: بس دي من مصر هتنزلي مصر

قمر: اه هنزل ده شغل وبعدين انا بقالي كتير مش بنزل مصر من ساعت الحادثه وبعدين انت نسيت اني لسه مش فاكره حاجه ياعمار لحد دلوقتي

عمار بتوتر: اه صح بس ياحبيبتي هتنزلي ليه خلاص هنزل انا لو الصفقه عجبتك

قمر: انا قولت عاوزه انزل مصر ياعمار هنزل اشوف الصفقه بنفسي تمام

عمار: تمام ياقمر بقولك صح

قمر: اى

عمار: احنا مش هنتجوز بقا بقالنا اربع سنين مخطوبين

قمر: قولتلك لما افتكر ياعمار مش هعرف اتجوز وانا مش فاكره حاجه خالص عن حياتي قبل كده وكمان الدكتور قالي انى هفتكر مع الوقت بس بقالنا تلات سنين مش عارفه افتكر حاجه

عمار بتوتر: ان شاءلله هتفتكرى ياحبيبتي متخافيش

قمر: ان شاءلله اوعدك ياعمار انى لو رجعت من مصر مش فاكره حاجه بردو هنتجوز ع طول اول لما ارجع لندن تانى

عمار: تمام ياقمري

قمر: طب يلا ناكل بقا عشان اروح انام

عمار: ماشي ياقمري

..................

معتز: منه

منه: نعم يافندم

معتز: ابعتيلي عمر و محمود

منه: تمام يافندم اى اوامر تانيه

معتز: لا

منه: تمام بعد اذنك حضرتك

بعد خمس دقايق

محمود: اى يامعتز خير

معتز: احنا لازم نقنع الشركه دي انها تخد الصفقه

محمود: اكيد دي هتكون مكسب كبير لى الشركه

معتز: فعلا احنا بقالنا اكتر من اربع سنين بنحاول نكبر الشركه و اخيرا بق ليها اسمها

عمر: فعلا ياصحبي ليها اكبر اسم ده الكل بيخاف منك ياعم 😂

محمود: فعلا ياصحبي ده احنا ساعات بنخاف منك 😂 انت مكنتش كده خالص

معتز: فعلا مكنتش كده بس اللي كانت مخليني طيب و كويس مشيت مش عارف فينها مع اني اسمي كبير اوى بس مش عارف ارجعها او اعرف عنها حاجه بس انا حاسس انها لسه عايشه

محمود بحزن: ربنا يرجعها يارب احنا قلبنا البلد عليها مفيش وجود خالص

عمر: ان شاءلله تكون بخير يارب و ترجع تاني بالسلامه

معتز: ان شاءلله يارب

....................

ف لندن ف بيت قمر او قصر مش بيت كمان قعده قمر بتشوف شغلها ف المكتب

قمر: تمام الصفقه كويسه جدا ان شاءلله هنزل مصر تاني يارب افتكر حاجه بقا

و هى قعده دخلت الخادمة بتاعتها

الخادمة: القهوه ياهانم

قمر: هو انا مش قولتلك قبل كده بلاش هانم دي اسمي قمر بس

الخادمة: حاضر ياقمر القهوه اهى و

زاي ما حضرتك طلبتي

قمر: تمام يا فرح اخرجي انتي

خرجت فرح وبعدين قمر اتصلت ع عمار

قمر: الو

عمار: اى ياقمر شوفتي الصفقه

قمر: اه و هى كويسه جدا اعمل حسابك هننزل مصر بعد بكره

عمار بصدمه: اى بعد بكره ........

روايات شيقة

قمر أتصلت ع عمار

قمر: الو

عمار: اى ياقمر شوفتي الصفقه كويس

قمر: اه وهي كويسه جدا اعمل حسابك هننزل مصر بعد بكره

عمار بصدمه: اى بعد بكره

قمر بستغرب: اه فيها حاجه

عمار بتوتر: لا لا مفيش بس هو هتنزلي بسرعه كده ليه

قمر: عاوزه اخلص الشغل بسرعه وبعدين انا بعت رساله لى الشركه اننا هنوصل بعد بكره

عمار: طب انا هحجز بعد بكره وانا هروح معاكى

قمر: تمام باي دلوقتي

عمار: باي

................

ف مصر ف فلا معتز

كان قعد بيشتغل ف المكتب و معاه محمود

محمود: اى يابني مش كفايه شغل كده انهارده

معتز: خمس دقايق بس هخلص الوراق ده

محمود: طب انا هشوف التلفون

معتز: تمام

وبعدين وصلت رساله و محمود فاتح يشوف و كانت رساله من قمر انها هتنزل مصر بعد بكره

محمود: معتز تعال شوف

معتز: ف اى يابني

محمود: الشركه اللي ف لندن قبلت الصفقه و هينزلوا بعد بكره

معتز: بجد طب وريني كده

و راح يشوف و فعلا

معتز بفرح: الحمدلله الحمدلله يارب احنا لازم نعمل كل حاجه تمام و فوق التمام كمان دي صفقه مهمه جدا جدا عشان بعدها هنفتح فرع لى الشركه هناك و هما هنا والشغل هيكبر جدا عن دلوقتي اخيرا بحقق حلم ابويا فينك يا اسيل تفرحي معايا كان زمانك ياروحي حققتي حلمك و حلم بابا وماما ارجعي بقا

محمود: هترجع والله هترجع اصبر بس

معتز: لحد امتي بصبر تلات سنين هعمل اى اكتر من كده بس ياربي

محمود: كل حاجه هترجع زي الاول واحسن كمان والله

معتز: يارب يامحمود

محمود: طب يلا نخرج نسهر بقا

معتز: من امتي وانا بسهر معاك اصلا وانت مش هتتعدل عشان اختك دي

محمود: ياعم انا بعيش حياتي فيها اى يعنى و اختي و محترمه مش زاي البنات دول وبعدين متخافش انا مليش دعوه بى البنات انا بسهر مع اللي بكفهم بس اللي هما شغلين كده مش اكتر

معتز: بردو حرام طب و ربنا فين من كل ده مش عيب عليك اختك الصغيره تكون بتصلى و عارفه ربنا كويس و اخوها الكبير بتاع بنات و كده

محمود بزهق: ياعم مفيش حاجه ف كل ده عادي يعني بقضي وقت حلو بس سيبك منى انا همشي

معتز: ربنا يهديك

محمود: ايوا ادعي ربنا يهديني بس

معتز: طب يلا ياصايع من هنا هطلع انام واه متتاخرش عشان هنعمل اجتماع بكره بدري

محمود: تمام ياكبير سلام انا

.................

(طبعا كلكم بتسالوا فين رودينا هى بعد لما اسيل اختفت فضلت واقفه مع معتز كتير و قالتلوا انها بتحبوا بس هو قالها لا انتي زاي اختي و هى تعبت كتير و سافرت امريكا من سنتين و مرجعتش لحد دلوقتي)

..................

بعد يومين نزلت مصر بنت جميله كلمه مش هتوصف حاجه فيها حاجه قمر و هى قمر بشعرها الطويل الاسود وعينها الزرقه شبه البحر الوسعه و بيضها زاي الثلج نزلت مصر من اخر مره من تلات سنين

قمر: اخيرا رجعت مصر تانى حاسه احساس حلو اوى ياعمار لو اعرف كده كنت رجعت من بدري اوى

عمار بخوف: اه مصر حلوه بس لندن اجمل بردو

قمر: طبعا لندن حلوه مفيش الكلام بس دي مصر حاجه تانيه خالص غير اى بلد ياريت العالم كله حلو زاي مصر

عمار: اه اه طب يلا عشان نمشي نروح الفندق وبعدين هنروح الشركه نقابل مدير الشركه هناك ونتفق

قمر بجدية: تمام يلا بينا

..............

ف الشركه عند معتز

معتز: اى يامحمود النااس وصلت

محمود: اه ياعم و نص ساعه وهيكونوا هنا متخافش ياصحبي

معتز: تمام فين عمر

محمود: كان مع مراته ف المستشفى عشان تعبانه شويه

معتز: الف سلامه طب اتصل عليه شوف هيجي امتي

محمود: تمام

محمود: الو فينك

عمر: اهو معاها ف المستشفى المفروض تخرج دلوقتي

محمود: طب تمام خلص وتعال ع طول عشان النااس هتوصل خلاص

عمر: تمام اقفل دلوقتي بقا

محمود: ماشي ياعم سلام

وبعد نص ساعه

محمود: معتز اجهز النااس وصلت تحت

معتز: تمام ربنا يسهل الحال يارب

محمود: امين يارب

و الباب كان بيخبط و دخلت منه

منه: استاذ معتز النااس وصلت بره تدخل حضرتك

معتز: طبعا بسرعه

منه: تمام يافندم

و خرجت و دخل عمار وبعدين دخلت قمر اللي اول لما معتز شافها وقف

معتز بصدمه: اسيل 😳

روايات شيقة

دخل عمار وبعدين دخلت قمر اللي اول لما معتز شافها وقف

معتز بصدمه: اسيل 😳

محمود: مش ممكن

قمر: هو ف اى

معتز: اسيل انا معتز اخوكي

قمر بصدمه: اخويا بس انا اسمي قمر حضرتك

معتز: قمر مين انتي اسيل اختي

عمار بتوتر: حضرتك هى اسمها قمر اكيد شبه بس اخت حضرتك قمر عايشه ف لندن

محمود بتوتر ان ممكن الكلام ده يكون صح و ده شبه بس: طب خلاص دلوقتي يامعتز

معتز: لا طبعا اختي قدامي من تلات سنين و تقولي خلاص شبه ده مستحيل

قمر بصدمه اكتر: نعم تلات سنين

معتز: اه انتي متعرفيش

قمر بحزن: حضرتك انا مش فاكره اى حاجه ف حياتي خالص عملت حادثه من تلات سنين و مكنش معايا غير عمار اللي المفروض خطيبي ف انا مش هقدر اقولك حاجه دلوقتي بجد

معتز: انتي اكيد اسيل طب هسالك سؤال بس

قمر: اتفضل

معتز: الحادثه كانت هنا ف مصر ولا ف لندن

قمر: اه ف مصر

معتز حضنها ع طول: انتي اسيل اختي و بنتى انا مستحيل معرفكيش

قمر اتصدمت من اللي حصل بس كانت مطمنه و بتقول ممكن فعلا يكون ده اخويا طب انا مش عارفه افتكر ليه و ليه عمار ساكت اكيد ف حاجه ف الموضوع

قمر بعدت عن معتز: بص حضرتك انا لسه مش فاكره بردو ف تعال نعمل تحاليل نتاكد احسن

معتز: تمام يلا

قمر: عمار يلا

عمار: هو انتي صدقتي الكلام ده ولا اى ياقمر

محمود: ف حاجه ياحضرتك

عمار: اه ف اكيد انتوا بتعملوا كده عشان هي غلبانه وهتصدق ما ياعيني عاوزه تعرف اهلها من بدري ف البشمهندس بيعمل كده عشان يضحك عليها بس لا ده بعدك

معتز بعصبيه: اضحك ع مين ياروح امك دى اختى كل البلاد عارفه ان اختي اتخطفت من تلات سنين وانا لحد دلوقتي مش عارف فين وبدور عليها وبعدين هضحك عليها ليه

عمار بتوتر: عشان تخد فلوسها اللي بره و الشركه وبعدين ما بره بردو عرفين ان قمر مش فاكره حاجه يعنى سهل تعرف كده عشان تضحك عليها

محمود بزهق: بس اسكت انت يامعتز بص يابا معتز راجل اعمال محترم والكل بيحلف بكده و ليه اسمه ليه يعمل كده دي حاجه يعملها واحد من الشارع بس معتز طول العمر ابن ناس و محترم ويعرف ربنا ف احترم نفسك معاه عشان متزعلش وبعدين احنا هنعمل التحاليل ونشوف مين الكداب اللي فينا تمام

عمار: تمام بس لو مش اخته احنا هنمشي

قمر: ف اى ياعمار احنا نزلين من لندن لى مصر عشان الشغل اصلا ده موضوع تانى وبعدين انا عاوزه اتاكد

عمار بتوتر: ما انا مقولتش حاجه بردو

قمر: خلاص يلا نروح

و هما خرجين ودخل عمر

عمر كان فرحان اصلا مش شايف حد

عمر: هكون اب يابشر هكون اب يامعتز هكون اب يامحمود

معتز بضحك عليه: الف مبروك ياصحبي

محمود: ازاي بس يعني ده منظر اب 😂

عمر بببص قدامه: اخرس ياض انا اوووو هو ف ناس هنا انا بوظت الدنيا صح

قمر بضحك: لا لا ابدا انت شكلك كان حلو اصلا وانت فرحان ان هيكون عندك ابن الف مبروك

عمر راكز مع الصوت و الشكل و فضل ساكت شويه

عمر بصدمه: مش معقول اسيل و بشعرك كمان وانت ساكت يامعتز عادي كده احيه هو ف اى ياجدعان

معتز بضحك: تخيل بقا

محمود: يابني دي قمر مدير عام الشركه بتاعت لندن ياغبي بس بسبب الشبه الكبير ده و كمان انها مش فاكره حاجه خالص هنروح نعمل تحاليل و نشوف يارب تطلع هى

عمر بفهم: يارب ياخويا بس انا معرفش ان اختك قمر كده لو اعرف كنت متجوزتش و خدتها ياخويا 😂😉

معتز بعصبيه: اطلع بره ياحيوان مش عايز اشوف وشك بتعاكس اختي قدامي

عمر: ياعم خلاص بهزر معاك ده لو جميله سمعت تولع فيا و ف اختك و فيك كمان

عمار: طب يلا مش خلاص بق

عمر: مين الاخ

قمر: ده عمار مدير الشركه و كمان خطيبي

معتز: نعم ياختي اتخطبتي من غير معرف ده يومك اسود يلا نمشي احسن

قمر: يلا

...................

و راحت عملت التحاليل هى و معتز و كل ده و عمار خايف

عمار: هى هطلع امتي

معتز: كمان يومين ان شاءلله

عمار: طب يلا احنا ياقمر نروح الفندق

معتز: طب ممكن طلب ياقمر

قمر: اكيد طبعا

معتز: ممكن تيجي الفلا بتاعتنا هوريك حاجه

عمار: نعم تروح بيتك وانا سوسن حضرتك

معتز: ع فكر هى اختي تمام و كمان عاوز تيجي مش هقول لا لحد و كمان محمود معانا تمام و اخرس عشان بدات اتضايق منك

عمار بتوتر: طب وانا اعملك اى بتضايق منى

محمود: من الافضل تروح تسال اى حد معتز لما بيضايق من حد بيحصل فيه اى قبل ما تتكلم

قمر: خلاص ياجماعه يلا انا موافقه نروح يمكن افتكر حاجه لو اختك بجد

معتز بسعاده: طب يلا

.................

و راحت الفلا وكلهم معاهم

قمر اول لما دخلت

قمر: مش معقول 😳......

روايات شيقة

قمر اول لما دخلت الفيلا

قمر: مش معقول 😳

كان موجود صور كتير ليها بس بالطرحه صور ف كل مرحله من عمرها

قمر: ده بجد كل الصور دى بتاعتي انا

معتز: طبعا ياحبيبتي كل صوره منهم ليهم ذكريات كتير ياحبيبتي دى مثلا كان يوم النتيجه بتاعت الثانويه العامه و دى كانت اول يوم ف الكليه و دى كانت اخر صوره مع بابا وماما الله يرحمهم

قمر: الله يرحمهم يارب

محمود: و دى رودينا اختي كانت اقرب حد ليكي صحبتك الوحيده

قمر: طب هي فين

محمود: سافرت من سنتين مقدرتش تستحمل انك مش موجوده مشيت و لحد دلوقتي مش عاوزه تنزل خالص وانا مش عارف اروح عندها عشان الشغل كتير هو بكلها فديو بس

قمر: هترجع تاني ان شاءلله

محمود: اكيد هترجع عشان انتي موجوده خلاص

معتز ساكت عشان عارف السبب الحقيقي و مش هيقدر يقول حاجه

معتز: ممكن اطلب منك طلب تانى ياقمر

قمر: اكيد

معتز: ممكن تفضلي هنا

عمار: نعم ياخويا ازاي ده

معتز: انا قصدي تقعد ف الفيلا لحد يوم النتيجه ما تطلع بس نفسي احس ان اختي معايا من تلات سنين 😔

قمر: انا موافقه اقعد عشان انا مرتاحه هنا فعلا

معتز: طب تعالي اوريك الاوضه بتاعتك

قمر: تمام يلا

و طلعت معاه تشوف الاوضه

محمود: طب البيت بيتك ياعمار هروح اعمل مكالمه

عمار: براحتك عادي

و خرج محمود مفيش حد غير عمار

عمار: انا لازم اتصرف قبل ما تطلع النتيجه لازم مش ممكن تبعد تاني

و طلع التلفون عمل مكالمه و قفل

عمار: كده عمرك ما هتبعدي عني تانى ياقمري

.........................

محمود خرج يكلم رودينا

محمود: اى يابت مش هتيجي بقا

رودينا: بعدين يامحمود

محمود: طب انا عندي ليكي مفاجأة حلوه اوى

رودينا: مفيش حاجه حلوه بعد اسيل 😔

محمود: طب اى رايك ان اسيل موجوده جوه

رودينا بصدمه: اى اسيل رجعت تاني طب ازاي حصل اى قولي ونبي يامحمود

محمود: اهدي بس هقولك و قالها كل حاجه حصلت

رودينا: مش ممكن تكون شبها بس يامحمود

محمود: مين دي يابنتي تعالي بس انتي و هتعرفي بنفسك انها اسيل بجد

رودينا: طب انا هحجز و هنزل بكره بس متقولش لحد خالص تمام

محمود: تمام هستناكي بكره

رودينا: تمام ياحبيبي باي

محمود: باي

رودينا بعد لما قفلت فضلت تفكر ازاي هتنزل

رودينا: يارب ازاي ارجع اشوفه تانى بعد ما قالى لا ازاي بس انا خدت موضوع اسيل حجه عشان محمود بس دلوقتي مفيش حجه تنفع يارب خليك معايا ونبي و اقدر اتحمل

............

عند قمر

معتز: دى بقا الاوضه بتاعتك

قمر: حلوه جدا تخيل نفس الاوضه بتاعتي ف لندن

معتز: عشان هي نفسها اللي عملت الاوضه هنا هي اللي هتعملها هناك

قمر: نفسي يكون معاك حق فعلا انا خايفه اتعامل مع اى حد وكمان رفضه اتجوز دلوقتي عشان انا مش فاكره حاجه ومش هعرف اكمل وانا مش فاكره حاجه خالص كده

معتز: انتي اتخطبتي ازاي انتي مكنتيش مخطوبه اصلا

قمر: لما فوقت من الحادثه كان معايا عمار ساعتها قالي انو خطيبي و كمان اهلي ماتوا و اننا كانو ف شغل هنا بس احنا عايشين ف لندن و سافرت لندن و مرجعتش تاني غير دلوقتي

معتز: ابن.... ماشي تطلع بس النتيجه وانا مش هخلى يعرف يتكلم بس

قمر: هو معملش حاجه وحشه معايا ابدا ده انا اشتغلت معاه ف الشركه و بقيت مدير عام الشركه و كمان قعده ف قصر هناك و كمان محاولش يقرب منى خالص مع ان كان ممكن يستغل كل ده و يقولي اننا متجوزين بس هو معملش كده ف بعد اذنك بلاش تعمل حاجه ليه

معتز: حاضر ياقمر مش هعمل حاجه بس انتي مش هترجعي لندن تانى انتي مش هتبعدى عنى تاني كفايه تلات سنين

قمر: حاضر تطلع بس النتيجه و كل حاجه هتتحل

كل ده كان عمار هيدخل عند قمر بس وقف لما سمع كل الكلام ده

عمار: بق عايز تخدها منى تمام يامعتز يعني انا مغلطتش لما عملت كده قمر ليا لوحدي بس

................

تانى يوم قمر صحيت و لبست و نزلت تحت كان معتز و محمود و عمار بيفطروا

معتز بحب: صباح الخير ياروحي

قمر: صباح النور

محمود: صباح الخير

قمر: صباح النور

عمار: صباح الورد والياسمين ياقمري

قمر بكسوف: صباح النور

معتز: خلاص ياعم دي اختي

عمار: لسه لما النتيجه تطلع الاول

معتز: هستحملك بس لحد لما تطلع بعد كده هوريك

عمار: ماشي

قمر: خلاص ياجماعه مفيش حاجه

معتز: حاضر

عمار ببرود: حاضر ياقمري

معتز كان هيتكلم بس الباب كان بيخبط

محمود: خلاص ياجماعه انا هروح اشوف مين

محمود بيفتح الباب كانت رودينا رجعت

محمود بصدمه: مش معقول رجعتي

رودينا: اه ياحبيبي رجعت

محمود حضنها

معتز من جوه: مين يامحمود

محمود: يلا ندخل

و دخلت معاه معتز شافها اتصدم عشان مكنش متوقع ترجع

قمر: مين دي

رودينا: اسيل حبيبتي و جريت حضنتها

قمر حضنتها عشان حاست انها مرتاحه

رودينا: مش عارفه انتي وحشتيني ازاي انا كنت قلقانه عليكي اوى ياروحي

قمر: بصى انا مش فاكره حاجه خالص بس انا مرتاحه ليكي و اكيد هتكوني صحبتي حتا لو مطلعتش اسيل

رودينا: اكيد طبعا بس انتي اسيل انا متاكده والله

عمار: بكره كل حاجه هتظهر

رودينا: مين ده

قمر: ده عمار خطيبي

رودينا: نعم ياختي خطيبك منين

قمر: هقولك بعدين تعالي نتكلم

رودينا: يلا

و مشيت مع قمر و طلعت الاوضه فوق معتز كان وقف و زعل اوى انها متكلمتش خالص معاه و اليوم خلص كانت طول اليوم قمر قعده مع رودينا او معتز تسمع منهم حاجات عنها

يوم النتيجه ف المستشفى

معتز: ها يادكتور النتيجه اى

الدكتور: .........

روايات شيقة

يوم النتيجه ف المستشفى

معتز: ها يادكتور النتيجه اى

الدكتور: الصراحه انسه قمر مش اخت حضرتك

معتز و رودينا و محمود بصدمه: نعم

معتز: ازاي ده دي اختي انا متاكد

رودينا: اكيد ف غلط دي اسيل مش ممكن تكون مش هى😔

قمر بحزن: مش عارفه اقول اى كان نفسي اكون اختك بجد بس 😔

معتز: انتي اختي مش ممكن لا

محمود بحزن: خلاص يامعتز مينفعش الكلام ده هي مش اسيل

معتز بدموع: لا مش ممكن هي اسيل دي بنتي ازاي مش هى قلبي هيكدب عليا مش ممكن مستحيل 😭

قمر: عشان خاطري متعملش كده انا مش عاوزه اشوفك كده اعتبرني اختك طيب

معتز: ازاي اعتبرك وانتي اختي 😢

قمر: هو انا اطول يكون القمر ده اخويا

رودينا: احنا هنفضل صحاب مع بعض صح

قمر: اكيد طبعا

عمار كل ده واقف فرحان و ساكت

عمار: طب اى مش يلا ياقمري

قمر: اه ماشي معتز انا هشوفك بكره ف الشركه بقا عشان الشغل

معتز بيحاول يكون كويس: تمام ياقمر هكون ف انتظارك ان شاءلله

قمر بابتسامة حزينه: ان شاءلله 🙂

و مشيت راحت الفندق و معتز رجع البيت تانى دخل اوضه اسيل و رودينا رجعت بردو الفيلا و محمود راح الشركه

ف الشركه محمود دخل المكتب و بعد خمس دقايق بظبط كان عمر موجود

عمر: اى ياباشا اكيد معتز خد اخته و مشى و احنا هنلبس صح 😂

محمود: ياريت والله بس طلعت مش اسيل

عمر: ازاي ده دي اسيل بجد مش معقول يكون ف شبه لحد كده

محمود: مش عارف والله بس معتز كان عنده امل كبير جدا بس دلوقتي حالته وحشه جدا

عمر: طبعا ده ياعيني فضل تلات سنين مستني و لما تيجي تطلع مش هى طب و قمر قالت اى

محمود: كانت زعلانه جدا و حاولت تخفف شويه عن معتز و رودينا بس بردو الكل زعلان ماعدا الرخم ده

عمر: عمار اكيد انا مش مرتاح لي خالص

محمود: ولا انا بصراحه بس اكيد لو ف حاجه هنعرف عشان معتز قالي ان قمر اتكلمت معاه و قالتلوا انها عملت حادثه و صحيت كان عمار موجود معاها و قالها انها خطيبته و كمان اهلها ماتوا و الغريب اكتر ان الدكتور بتاعها قال فتره و هتفتكر بس لحد دلوقتي مفيش حاجه

عمر بشك: لو اللي ف دماغي صح هيكون عمار ده غيار التحاليل اكيد عشان محدش يعرف انها اسيل و طبعا هيحاول يبعدها عن هنا

محمود: ممكن فعلا لان هي مش عارفه حاجه خالص طبيعي هتصدق اى حاجه تتقال

عمر: انا هكلم الراجل بتاعي يرقب الزفت ده و نشوف هنوصل لحد فين

محمود: تمام اى جديد كلمني انا هروح اشوف معتز و رودينا بقا

عمر: تمام وانا هنا متخافش

محمود: سلام

عمر: سلام

......................

عند معتز

(معلش هنقلب حزين شويه 😢)

كان قعد ف الاوضه بتاعت اسيل بيعيط

معتز بعيط: ليه يارب انا متاكد انها اسيل ازاي مش هى يعنى انا بعد لما اتحرمت منها كل ده هتحرم تاني منها طب ليه بس يارب 😭 و فضل يكسر كل حاجه

رودينا من بره عشان الباب مقفول

رودينا بدموع: معتز عشان خاطري افتح ونبي بلاش تعمل ف نفسك كده عشان خاطري 😭

معتز بعيط: سبيني لوحدي مش عايز حد غير اختي هى فين 😭

رودينا بعيط: هترجع والله العظيم هترجع افتح بس عشان خاطري 😭

معتز: ااااااه قلبي وجعني عليكي يابنتي هى فين بنتي فين انتي فين يا اسيل 😭😭😭

رودينا بعيط: عشان خاطري افتح ونبي يامعتز ونبي 😭

فضلت رودينا تحاول معاه بس مفيش صوت خالص

رودينا بعيط: معتز رد عليا ونبي انت ساكت ليه طب انا هكلم محمود و لسه هتروح لقيت محمود دخل البيت

رودينا: محمود ونبي الحقني معتز كان ف الاوضه بتاعت اسيل و فضل يكسر كل حاجه موجوده و فجأة الصوت مش موجود ولا بيتكلم خالص تعال نشوف ف اى ونبي 😭

محمود طلع يجري ع فوق

محمود بقلق: معتز افتح عشان خاطري انا محمود معتز

مفيش رد

محمود: طب ابعدي انا هكسر الباب تمام

رودينا: حاضر

محمود فضل يحاول يكسر الباب و فعلا فتح

محمود: معتز انت فين

رودينا بصدمه: مش معقول معتز 😳........

روايات شيقة