حب مبهم . الفصل الثاني وأربعون 42 - بقلم Sarahahmad

مالي وَمال النَّوْمِ يَهْجُرُ مُقْلَتَيْ
وَيَزوّدُ اللَّيْلُ الطَويلُ شَتَاتِي

وَيَعْمِّقُ الْجُرْحَ الَّذِي لَمْ يَنْبَرِي
وَيَزِيدُنِي شَوْقًًا لِيَوْمِ مَمَاتِي

فَالْقَلْبُ مَقْتُولٌ بِأَسْوَءِ عِلَّةٍ
إِنْ مَاتَ قَلْبِي مَا تُفِيدُ حَيَاتِي؟

........................................................
تجاهلوا الأخطاء الاملائيه عزيزاتي
.........................................................

'فتحت عيوني وانا أشوفه كدامي ونايم بسابع نومه كما خلقه ربي'

سارة: كوم ولك فوك شينك كوة عينك

"رفسته يالله تحرك وكوه ضل يباوعلي نعسان "

احمد: بس أربع ساعات واكوم

سارة: لا شويه ليش ماتضل اليوم هنا؟

احمد: تدللين

سارة: كوم لا ألم عليك العالم والله ولا تستحي

احمد: شوكت تفهمين انتِ مرتي يعني واذا نايمه بحضني شنو جريمه

سارة: لعبت روحي منك ومن نفسي هم تره انت خاينني وفوك هذه كله يوميه الكاك بفراشي والله عيب عليك اطلع من يمي وخليني محترمتك

احمد: بس شوي

سارة: بدون شوي كوم اطلع احمد اذا صدك تحبني تختفي من المحافظه كلها

احمد: صار

سارة: تضحك عليَه؟

احمد: اي

"كمت لفيت روحي بالروب ودخلت اسبح طلعت مالكيته بالبيت كله ارتاحيت لان راح قفلت بيتي وكعدت بغرفتي عدلتها وضليت اتصفن وافكر"

سارة: معقوله نومي صاير ثكيل ليش ما أحس بي

سارة: يعني حتى لو نومي ثكيل مامعقوله يأخذ الي يريده بدون ما أحس

سارة: والله عجيب حتى ما اشرب شي انا؟
ليش مكضيتها بس نوم انوب صايره شكبرني اوووف

"سكتتت روحي ورجعت لفراشي كذلك غفيت ومرت الايام وانا وحدي بالبيت ولا رسائل احمد ولا مراسلات ابتعدت عن الجهاز بس اكل وانام لحد ما اتصلت بيه نور"

نور: هلو شلونج

سارة: هلا حبيبتي الحمدلله انتِ شلونج امج؟

نور: امي تعبانه حيل

سارة: سلامتها شخيرها؟

نور: ماندري شبيها انوب يوميه يطلع بيها شي

سارة: وين هيه بالبيت

نور: لا اخذوها مستشفى

سارة: شو مادري ليش؟

نور: شسوي مالي خلك اسولف لازمه المصلايه ادعيلها

سارة: الله يشافيها ماتستاهل

نور: امين'''' اكلج؟

سارة: كولي محتاجه شي؟ اجيكم؟ !

نور: احمد وين؟

سارة: مادري بي خيه معقوله مو يمكم

نور: ماكو حتى جهاز ماعنده كاسره

سارة: شماله المسودن

نور: اندري خابرت لجين حيدر وسئلته عن احمد كلها ماعندي تواصل ويا

سارة: ماعرف الصراحه

نور: ليش تحجين ابرود هيج عندج عادي

سارة: اي طبعاً وين مايريد يروح خل يروح 7 احجارات وراه

نور: هذه احمد سارة؟

سارة: مايهمني ولا تدوخيني تردين شي اتصلي اجي اساعدج غيرها ما الج شي يمي

نور: سلامتج

سارة: باي

"سديته منها وانا فعلاً ما ضجت لان ما موجود عندي عادي ومرتاحه جداً اطلع للسنتر اشتري واتسوك وارجع للبيت محد يجيني ولا اروح لأحد فقط صديقتي تمر عليَ مرتاحه من دوخة الراس بس بنفس الوقت احس بوحده بس افضلي من هواي عالم دخلت سبحت وتمكيجت ولبست ملابسي ورحت بالنوم هكذا كضيت شهرين ضبط ع نفس الروتين الممملل "

" كعدت من نومي ودقايق واتصلت أمي عليَه "

امي: ها يمه شلونج

سارة: هلا بخير وانتِ

امي: الحمدلله والشكر أريد اروح لعمتج ترحين وياي؟

سارة: روحي انت مابيه اروح

امي: شبيج مابيج ترحين شهرين محد شايف وجهج هذه واجب

سارة: اوك شوكت ترحين؟

امي: ب8 بليل

سارة: مري عليَه

امي: ان شاءالله

"رتبت نفسي وانتظرتها ع ما اجت وفعلاً رحنا انا وياها جانت كلش تعبانه حتى صوتها ماتكدر تحجي وحلكها اعوج وامي كعدت تكلها كلشي مابيج بس تحاول تجاملها لان المره ماتفيد ابد "

" كعدنه بالساعتين جان البيت كأبه كلش ولا ينطاق نور التنزل دموعها وتمسحهن لحد ما كالت عمتي "

عمتي بصعوبه : كون اموت وارتاح

سارة: اسم الله عليج الله يشافيج وتكومين بالسلامه مايصير هيج تحجين وتدعين ع نفسج

عمتي: تعبت

سارة: االله كريم منا لباجر ميت باب كولي يالله صحيح الموت واجب علينا بس بعدج قويه مايصير تكولين هيج وراج هواي يضيعون

عمتي بصعوبه : كفيت ووفيت زوجتهم وكلهم مستقرين وكاعدين كلمن ابيته ضلت بس نوره وانا اعرف لمن انطيتها

امي: ميخالف حجيه كولي يالله جا هيه هيج

عمتي: امانه الله بنتي يمج ام علاوي حساسه وماتتحمل والله

امي: بعيوني والله بس كومي بالسلامه حتى نسوي العرس خطيه هيج تحجين كدامهم

عمتي: اريد أحمد

امي: والله ماندري عنه شي شعجب ما اجاكم

نور: ابد ولا اجه ولا شفناه حتى امي وانا كلساع اتصل عليَ ماكو

سارة: خطيه خاف طار بمهماته

امي بهمس: نجبي

سارة بهمس: شبيج

امي بهمس: نجبي

سارة: خوش

"كضتها عمتي بس تون احسها تبجي بدون دموع كسرت خاطري ماتستاهل والله بس ابنها جلب ضاله بحسرة الشوفه وهوَ كاضيها حزين ع الحب"

"كعدنه يمهن سالفه منا وسالفه منا لحد ماترخصنه وكمنا من يمهم"

امي: امشي وياي لبيتنه

سارة: خوش خل الم هدومي انتظريني

امي: يلا انتظرج شعندي

سارة: فايخه

امي: اي مثلج فايخه بس اكل ونوم

سارة: باجر اخذيني فريني ووديني لسوك

امي: اي اعرض بيج شيفكني ماتكليلي

سارة: ترى انا مطلقه شبيج

امي: من تتطلكين حقيقياً ساعتها اعرضج تدللين

"دخلت للبيت لميت ملابسي بجنطة ينعتب عليها وفلوس تكفي لثلاث شهور وفرات وطلعات كملت وقفلت بيتي وطلعنا لبيت اهلي اول اسبوع جنت بس اكل وانام ويم خواني ولا حسيت بالاسبوع ابد ثاني اسبوع كلت كافي بعد خل اطلع بس لو ادري هيج ما اطلع لو أموت"

سارة: اخذني للكورنيش

علي: بعدين نروح بليل احلى

سارة: ياريت ووديني لمدينة الالعاب

علي: تدللين شوفي البنات يرحن

سارة: اي يرحن

علي: وين تدرين يرحن

سارة: بربك طلعه وونسه مايرحن

حسين: اي دايحات

سارة: شوكت دايحين تره صارلي اشهر بس بالبيت محبوسه

حسن: اي هاي السجينه الي يطلعها يحصل صدقه

سارة: احبك

حسن: ماما اخذيني وياج

سارة: ولي ماما هوَ

حسن: شبيج ماما

سارة بضحك: امشي حبي

"اتفقنه نروح للكورنيش والبنات بس كلت لهن كلهن فرحن كملنا رواحتنه ورحت بسويت صح قصير بس عريض لون جوزي والبلوزه ابيض وطن ميكب اخواني من النوع كله فري وعادي كملنا ونور لبست بدله بينصل ولجين رسمي عادي وشهد بنطرون ضيك وبدي وستره كابوي ملابسها كله ضيك وهيج لان شبه محجبه كملنا وطلعنا بسيارة ابوي الطريق كله مشغل قصايد علاوي"

شهد: مكياجي وستايلي حاطلي حزين ولك انا راح انجلط من السادس

حسن: دجيب خل اشغل شي للحلوات خطيه

علي: فدوه حبيبي تلكه يمك جيس بي كرون ركبه ع راسك

حسن: وينه صاير مديله يكعد ويا ملابسي

سارة: عليمن كرن علاوي تره نحتاج نسمع شوي نغير

علي: ع اساس متدينه

سارة: انا مو متدينه بس اسوي واجباتي حياتي

لجين: شويه لها وشويه لربها شغلو ساجده نفسيتي زفت

حسن: عوزجن بطل عرك شنو بنات زربه

نور: يمعود كاتلنه الضيم انا بس واحد يكلي شبيج ابجي

علي: شبيج

"فعلاً نور ضلت تبجي وعلي اخوي يقنع بيها ويكلها ماتسوه حبيبتي وهيه تزيد بالبجي لحد ما كلها حسن"

حسن: يمعوده خرب الميكب والوردي ع خدودج

علي: نجب هيه ورديه

حسن: خزتنه انوب خشمها يصب

حسين: شكد تحجون كافي طلعه زربه

سارة: لمن اجيت انتَ

حسين: لان بلاش وع حسابج

سارة: ياخبيث

حسين: نجبي

علي: كافي شباب راح نسوي حادث

لجين: انا شلون اجيت وياك انت صخله ما اسرح بيدك

علي: والله حقج بس هاي الثوله ثبرتني

نور: انا ثوله علي انا

علي: والعباس انا بس مسحي دموعج حبيبتي خربت الحمره

سارة: بس نجبو وانا جايبه مكياج هواي

شهد: وين رايحه ماتكليلي

سارة: خاف اكل وتروح حمرتي يروحي

لجين: شعجب حاطة هيج مكياج وعدسات ماتحبين هيج انتِ

سارة: ضايجه سكتيي لا ابجي

حسن: لا حبيبتي انتِ تضربين الحزن بالنعال

سارة: والله صح علو الصوت خل نركص

"فعلاً علو الاغاني وضلينه نركص انا وحسن كاعد بصفي هوَ يهز ركبه وانا اهز اجتافي ومتنه ضحك"

علي: كافي وصلنا يلا نزلو

"نزلنا وافترينه شكد اشترينه هواي اكل ع طول الكورنيش ناكل ونضحك بعدين ردينه للمدينه جلفار صح مو كلش بيها هوسه بس فرحنه وغيرنه جو انوب طلعو بينه لغير مكان جانت طلعه من العمر غيرنه جو ورجعنه للبيت"

علي: ترحن لسيبه باجر؟

سارة: اي نروح

حسن: شنو وضعج جنج صخله متيهينها

سارة: شعليك رجلي قابل

حسين: لو يدري بينه يشوي ع اذاناتنه بصل

سارة: افصم ضهره

لجين: خافي ع روحج

شهد: لا حياتي حالياً هوَ خايف منها طلعي انا بضهرج

نور: شبيج هاي جذابه تريد تتونس براسج

سارة: بنات الي تخاف لا تروح باجر نخيم اصلاً بالسيبه وخلاص وخل الم بعد بنات ونروح ولي ماتروح طبها مرض

شهد: اروح
لجين: اروح
نور: اروح
حسين " حسن: نروح

علي: تمام هاي هيه لمن البنات ونتوكل باجر ان شاءالله

سارة: شغلي مولد الامام المهدي (عجل الله فرجه ) خل نسمع

علي: خوش

"ع طول الطريق نسمع وتنعاد لحد مانزلنا كلمن لبيتها نزلت وياهم لبيت اهلي ونمت جفيي من التعب

فزيت ع صوت جهازي يتصل وبس رقم سويته صامت وغطيت بالنوم لليوم الثانيظ كعدت ورتبت وضعي وكلنا كملنا واتفقنه نلبس كلنا لبس رياضي "

لجين: حيدر كال اروح وياكم

سارة: خل يجي هلا بي

لجين: خاف يجي ويا احمد

سارة: مايجي لا تخافين

لجين: مناك يجي مو ويانه يروح

سارة: شعجب قبل ترحين ويانه

لجين: لا يقبل ويا اهلي

سارة: فدوه

لجين: اي اكيد قبل شهر امي تسممتتت وانا وحيدر طالعين جاي نتسوك للبيت نكمله كلش وانت فاقده يتصلون عليج ماكو عود الجبيرة وامي وحدها ركض عفنه كلشي واجينه

سارة: خوش والله

لجين: وانت ميته صدك جذب

سارة: ولج والقرآن مادري بروحي تعرفين شنو مادري انام 24 ساعة وما اكل وقبلها انام واكعد الكه روحي مصلخه بحضن احمد تسودنت كمت حتى اخاف

لجين: شي اكيد يحطلج شي مثل المهدئات الي ينطيهن لج

سارة: انا هم شكيت تخيلي مره جاي اسبح قبلها انا شربت بطل ماي دخلت للحمام ولج نغمى عليَ بالحمام انوب لكيت روحيي بحضنه شلون وشجابني مادري

لجين: واضح يحط بالماي علاج او الله يعلم بعد

سارة: تسودنت ولج

لجين: وانت شنو موقفج من تكعدين؟ وهيج تشوفين نفسج

سارة: احس روحي مقرفه والله تخيلي خايني واكعد الكاه ماخذ الي يريده وانا مو حاسه

لجين: منو كلج ياخذ الي يريده

سارة: جا شنو يلعب بدلي صدك تحجين اكلج اكعد كما خالقني ربي شنو يتصفن

لجين: لهل درجة حيوان

سارة: فول حيونه

لجين: ايع كلهم هيج

سارة: شوكت تتزوجين انتِ هل فترة هواي تطلعون انت وحيدر

لجين: مابقه شي خيه مرات يكلي باتي يمنه

سارة: لا دير بالج

لجين: اكيد جا شنو غبيه واكثر جياته نص ليلل ولا يحترم حتى ابوي مايقبل

سارة: ابوج حرام بس ع حيدر من جان يجي احمد عادي

لجين: خيه احمد ابن عمنه يعني هيج هيج انتِ اله غصباً ع شاربه ياخذج ابن عمج بعد وين يروح منج ووين ترحين منه اما حيدر رجال غريب مو ابن عمنه

سارة: بس شريف

لجين: سوده عليَ حيل شريف

سارة: بعدين نسولف خل نطلع يلا

لجين: امشي

" طلعنا وتوكلنا كلنا للسيبه نيتنه نخيم هناك"

حسين: احسن شي تسوونه والله محتاجين هيج شي

سارة: اي والله

لجين: خل اتصل بحيدر واشوفه بالله

سارة: خوش

شهد: هاجن بنات سلسن ويايي

لجين: ها حيدر وين انت ووصلت ؟يا!!!! شهل سرعه صلاوات صلاوات باي

نور: ها

لجين: وصل وصل

نور: واحمد

لجين: شبي

نور: ما اجه

لجين: لا ماكو مايدري وين

"وصلنا واحنا طريق كله نتصفن جان حديثنه قليل جداً! "

سارة: اريد حمام وين

علي: هناك ومن تجين احنا هناك بمسافه دير بالج وهم نستقر هناك خوش

سارة: اي تمام

شهد: مو تشوفيلج درب

سارة: أنجبي

شهد: حبيبي القالي

"رحت للحمامات رتبت مكياجي وعدلت وجهي وطلعت شفتهم كلهم كاعدين يضحكون "

سارة: بنات جوعانه

علي: شوي ونشوي السمج

سارة: استعجل عفيه

حسن: ثواني بس نستقر اكلي دولمه

سارة: اوك

"طلعت الاكل النواعم وفرشنه السفره ووزعنه الاكل عليها ع ما كملو شوي صبينه التمن واخيراً جابو السمج كل هذه وحيدر يريد ياكلني لا مو ياكلني يشرب دمي لبسته وكملت امثل الونسه وانا بديت ادوخ مادري شمالني العالم كلها كاعده انا اغفي "

لجين: شبيج

سارة: نعسانه

شهد: كملي اكل ونامي

سارة: اي هوَ

"كملت اكلي وشبعت وكمت للحمامات غسلت وفرشة اسناني واكلت علج ورسمت حلكي البنات يمي كلهن كملن وطلعن
طلعت الدنيه تفتر بيه نزلت درجات الحمامات وجسمي خوه احس كوه امثل انُ انا امشي لزمت الحديده وصاحني صوت"

حيدر: شبيج

سارة بتلعثم: تكدر توصلني لهم بعدد دد ما اكدر اكمل

"غمضت عيوني بعد ولا دريت فزيت وانا بحضن احد احس بشخص يبوس وجهي وشفايفي رجعت غمضت ومادريت بعد "

"فتحت عيوني وانا بحضنه "

سارة: شنو

احمد: سلامتج

سارة: شتسوي هنا

احمد: اصحي يالله نسولف

سارة: وين علچي؟

احمد: ذبيتي

سارة: شوكت شنو شبيه انا وين البنات وين اخواني

احمد: ترخصت منهم حبيبي

سارة: رجعني

احمد: هل فترة تلعبين براحتج

" جنت اريد اكوم ماكدر جسمي وحتى لساني ثكيل بس عيوني مفتوحه كوه احجي حط راسي ع صدره ومكعدني بحضنه بالسيارة وجهي كلش قريب ع وجهه بس ما احس اريد اكمل نومتي وبنفس لحضه ما اريد "

سارة: اي صح متونسه كلش

احمد: شبعتي

سارة: رقموني هوايي

احمد: سهله شوكت تصحين

سارة: شنطيتني

احمد: هلمره مو انا سوالف ابو الكافل

سارة: خنيث مثلك ماكو فرق ثنينكم حيوانات

احمد: وانا راح اعلمج الخنيث شيسوي

سارة بضحك: مايهمني

احمد: طبعاً صلفه

سارة: نزلني

احمد: اولشي ترحين وياي بعدين تنزلين

سارة: وين

احمد: معليج

"دفعني من حضنه حيل روحي خاويه ونضربت بالسيارة شاطت روحي سكتتت وكملت نومتي نزل ماحسيت بعد لحد وانا جاي انرفع كعدت وانا بغرفه بارده ثلج ثلج احس جسمي قالب مال ثلج وضلمه كلش ما اشوف شي نايمه ع فراش دافي ومحاوطني بحضنه حيل "

................................................

اعتذر عن التأخير بس تعرفن وضعي شوي تعبان ان شاءالله مابقه شي واخلصها لكم كم بارت بس ✨
.............................

علقن وصوتن بين الفقرات ورداتي 🌷.