وأدري تحبني
بس مومثلي حَبيت
طب بداخلي وأعرف
المضمُوم شوف الغيره
بيه وياك ليوين أذا
تضحك لغيري
أعتبرك تخون .
........................................................
تجاهلوا الأخطاء الاملائيه عزيزاتي
.........................................................
اعتذر عن التأخير بس تعرفن وضعي شوي تعبان ان شاءالله مابقه شي واخلصها لكم كم بارت بس ✨
.............................
علقن وصوتن بين الفقرات ورداتي 🌷.
...................................
استمتعو
...................................
" نهاية البارت السابق"
"دفعني من حضنه حيل روحي خاويه ونضربت بالسيارة شاطت روحي سكتتت وكملت نومتي نزل ماحسيت بعد لحد وانا جاي انرفع كعدت وانا بغرفه بارده ثلج ثلج احس جسمي قالب مال ثلج وضلمه كلش ما اشوف شي نايمه ع فراش دافي ومحاوطني بحضنه حيل "
"دفعته رافضه فكرة قربه مني"
احمد: شبيج؟
سارة: شنو وين انا حاطني بثلاجة موته وليش بحضنك فوكاها نايمين؟ شهل تمضرط هذه
احمد: اكمل نومتي وبعدين اجاوبج
سارة: نامت عليك بلوكه كون
احمد: اي
"طلعت من الغرفه جانت شقه صغيره كلش مال نفر واحد بس مرتبه ونضيفه متكونه من حمام والصاله بيها مطبخ كلش صغير وحتى الحمام صغير تلفزيون صغير بس بالغرفه الي نايمين بيها غسلت وجهي ودخلت سبحت لبست نفس ملابسي بقيت كاعده لحد ما طكت روحي فتحت الثلاجه كلشي مابيها اسمها ثلاجه بيها بس قواطي ماعرف شنو بالضبط سديتها وجعت وعطشت كلش كمت ودخلت علي"
سارة: شنو ماتاكل انت ماتشرب كوم اكعد وديني للبيت اريد اكل اريد ابدل شهل خيسه هاي
احمد: كله جاهز
سارة: طبعاً تزرب فلوس ما اتعب نفسك
احمد: حلال حلال
سارة: مايهمني كوم اريد اروح للبيت
"كام ع حيله دخل سبح وبدل ورتب نفسه عبالك راح لعزيمه"
سارة: وين مولي؟
احمد: صاحبتي خابرتني ترديني
سارة: وانا شنو
احمد: مرتي
سارة: مو هذه قصدي
قصدي انا شنو هناااااااا
احمد: اجيب مسواك وتطبخين وتاكلين وتنامين
سارة: شنو هايشه؟
احمد: حشى الهايشه
سارة: احمممممممدد
احمد: وسم امشي غيري هدومج نروح ناكل شكد تحجين ماتسكتين شوي بس شوي سدي حلكج
ساره: اروح هيج
احمد: ماترحين هيج لو تموتين
ساره: ماعندي ملابس انت خطفتني
احمد: اي شهريني بعد وين خطفتج غير مرتي
سارة: جيبلي ملابس
احمد: عندي تراك جبير اسود لبسي
سارة: شنو خايف ع فلوسك اطلع جيبلي بدله حلوه ومكياج وكعب واريد اكثر بعد جيبلي كلشي احتاجه
احمد: اي مو ماخذج استعرض بيج مكياج ماكو حتى حمره ماكو تلبسين هذه طالع اشتري الج نعال واجي
سارة بتعجب: نعال؟
احمد: اي مثل وجهج
سارة: ليش تخليني اتجاوز عليك واسبك
احمد: بابا راح اجيبلج نعال يسوه عشيرتج يالون تردينه؟
سارة: مثل لون وجهك
احمد: استغفرلله عود تردينها
سارة: طبعاً ما تفوتني
احمد: يلا بدلي
سارة: اطلع خل ابدل
احمد: ما اطلع بدلي كدامي
سارة: لا والله اكعد خل استعرضلك بعد
احمد: ياريت
سارة: امشي اطلع لا اخرم عليك ادوخك والله
احمد: طالع بربوك
"طلع وبقيت اسب بي لحد ما تعبت كلش سبيته وسبيت اهله ما خليت شي يعتب عليه رحت للكنتور الي ع اساس كنتور طلعت التراك يدخلون وياي عشره يالله يبين تراك حتى مو حلو ساده كلشي مابي طويل وعريض ما عجبني ابد شوي واجه ما تأخر "
احمد: لا لا ماعجبني مسويج رجال
ساره: عاد احسن منك
احمد: عيدي
سارة: الرجال كلمته وحده
احمد: ليش تخليني اكسر سنونج بحلكج
سارة: يمه شوفني خفت
"شمر عليَ العلاكه ما عاجبه "
احمد: لبسي نطلع ناكل واشتري شنو تردين لان واضح مطولين هنا!
سارة: شكد يعني وشنو مطولين ما اريد ابقى يمك
احمد: ولا انا ميت عليج يلا امشي
"لبست برجلي الشبشب ونزلت ويا طلعنه من الشقه وسئلته"
سارة: وين احنا بيا محافظه
احمد: بتركيا
سارة: شنو تركيا بيها ملحان؟ اول مره ادري بيها ملحان
احمد: مثل وجهج اي اكو هواي
سارة: تروحلي فدوه
"مشينه مسافه ودخلنه بمطعم بسيط كعدنه واجه واحد يسئل شنو نطلب"
سارة: وين اكو بتركيا مرك فاصوليه
احمد: ببغداد احنا
ساره: ببغداد وجايبني وجهي املح ماتستحي
احمد: انت ملحه شسويلج
ساره: حسبي الله عليك
احمد: مطلوب شنو؟
ساره: جان جبتلي شي براسه خير تحجي صدك مطلعني بنعال وملابس رجاليه؟
احمد: اشتاقيت للأيام القديمه زيتونه
سارة: اتمنى افلش راسك وانعل الايام القديمه ع هل فشله هاي
احمد: خاف تردين فستان كله كرستال وكعب شفاف وحمرة حمره ومكياج طوخ وعدسات حتى يكولون شوف هذه المكرن الگواد شنو جايب
سارة: شنو جايب؟ انثى جميله
احمد: لا بربوك من بتاوين سدي حلكج واكلي لا اسحلج من بغداد للبصره بهذه لبسج
سارة: اريد كص
احمد: عجيب وين اكو واحد يتريك كص
سارة: انا انت شعليك اريده حار وحامض
احمد: ماتردينه طويل
سارة: شنو قصدك
احمد: قصدي لفه طويله
ساره: اي اريد ثنين
احمد: يعني واحد مايكفيج؟
سارة: مافهمت
احمد: احسن بارك الله بيج هسه ينزلن ثنين بثواني
ساره: واريد لبن
احمد: عندي لبن بالبيت
ساره: ليش تجذب كلشي ماعندك بالبيت بس بطاله الله لا يجذبني بيهن عرك
احمد: اي يروحي بعدين نشرب سوه
سارة: تمام خل ناكل
"بقى يباوع علي ماعاجبه ابد وانا ميته من الجوع نزل الاكل هوَ طلب مخلمه وجاي وانا كص ولبن بقيت اكل واسولف"
سارة: اقيم هذه الكص 6 من 10 لان بارد
احمد: منو مهتم لتقيمج
ساره: هسه بس يجي يمي افشله وافشلك انا اعلمك
احمد: فتحي حلكج وشوفي اذا ما سحلتج انا مو احمد
ساره: بس ثواني وانا اعلمك
احمد: استغفرلله
"اجه الولد وبقيت اعلق ع الاكل "
سارة: خويه اكلكم بارد صح حلو ونظيف بس بارد وماصخ حاولو تنتبهون ع الاكل
الولد: ان شاءالله
"ارتاحيت من فشلته هيه مو فشله بس عنده مايصير اكول هيج واسوي هيج شي عادي الزبون ينطي رئيه بالاكل وينبه ع الملح والاكل والترتيب بس يم احمد مستحيل يباوعلي متحلف بيَ لو يموتني اهمشي حجيت دفع الحساب ورجعني للشقه سح"
سارة: اصبر شبيك
احمد: دخلي لچ
سارة: لچ بعينك
"فتنه وجرني من راسي حيل بس ما اذاني جره عاديه"
احمد: شنو كتلج انا؟هاا!!!!
سارة: كتلي اجيبلج حمره وفستان وكعب شفاف
احمد: لو تموتين فهمتي لولا حتى الحمره العندج اكسرها
"دفعني ع الحايط حيل وأيدي كامت توجعني تصل عليَ والشقه بارده حيل حتى شي يدفي بيها ماكو بقيت بمكاني رجع صعد جربايه مال نفر وحطها بالشقه وطلع ماشفته لحد 3 الفجر"
"دخل جايب اكل وحلويات ومشتريلي ملابس عيب اكول ملابس لا تدفي ولا تستر ديباج واحد بس ماكو شي يدفي ابد تثلجت عزل المسواك وششمر عليه غراضي"
ساره: شنو ذن الملابس جايبهن تكود علي بيهن؟
"اجاني بسرعه عت شعري وضربني راشدي سوه خدي نار"
سارة: كسر كون بأيدك يا همجي يا جاهل يا ابو النسوان يا ماتستحي لو تستحي ما تجيبلي هيج ملابس بس ناقص غيره الله يعلم وين جنت تلعب رحت جبت ذن تتخيل البربيك الي تشوفهن بيَ
احمد: كملتي؟
سارة: لا رجعني للبيت والله وثم والله اشرد منا وماتشوف وجهي حتى فلوس عندي ابطاقتي كلشي عندي حتى للبيت ما ارجع وبعد ماتشوف ضلي
احمد: يلا طلعي
"طلعت حتى بدون حجاب فتحت الباب
احمد: وين وين شو مصدكه حتى الحجاب ماكو كله ڤري عيني
سارة: خليك رجال مره وحده بس وعوفني اروح مو كلساع تهوبز عليَ
"انا كلت هيج وماحسيت غير جر شعري جر شمرني بالكاع حيل"
احمد: هواي تتجاوزين وانا ساكت الج صار فتره كلش طويله منطيج ع مايچ
سارة: الحمدلله مارحت بدرب الموزين كاعده وساكته قابل زايره الملاهي واحد يطب واحد يطلع
احمد: جاي تسولفين أمنياتج بس من سابع المستحيل تسوينهن
سارة: اكيد ما اسويهن لان اخاف من الله قابل مثلك نافخ روحك حتى الله ما موفقك بحياتك
احمد: لا موفقني الحمدلله والشكر ما جاي اشوف أي نقص كلشي عندي
سارة: ههههههههههههههههههههههههههه امك جاي تصيح الغوث منك تجالع بالفراش وانت الخبيث كاضيها حبيات بالملاهي ساقط ابو النسوان الله لا يوفقك ان شاءالله
نزلت علي بلاء انا ام دوده فلفلت ع الصاحب دوده بعد كون لازمتها جا هسه انا بالجامعه جايبه تاج راسك وراس اهلك
"اجه سريع سحبني من رجلي وسطرني ع وجهي حيل كمت رجعت اصيح ورجع هفني براشدي صار وجه ازرك ع احمر "
سارة: كل قوتك تمد ايدك عليَ بس ماتصلح نفسك ابد كاضيها زنه بزنه عاصي اهلك حتى جهال مايصير عندك ولا مثل البشر عرست ولبست القاط كله ضل بنفسك حل بعد وبعد الله يسقطك وامك تروح ما راضيه عليك ولا حتى اهلك كلهم يكرهونك بس محد يوصل ربع كرهي لك
"رجع جرني من شعري حيل ويحجي بصوت كوه "
احمد: كافي سدي حلكج كافي
سارة: ضجت ونقهرت لان جاي احجي حقيقتك الخايسه اي هذه انت واحد ماتستحي ومحد يريدك حتى اصدقاء ماعندك ياهو يصادقك يموت سويتني منبوذه مثلك حتى اهلي مايردوني ضليت ابحدي حتى صديقاتي يخافن يجن يمي كله منك حتى كمت اخاف من كلشي اليكلي شلونج اخاف ارد علي كله منك
صار الي سنه وانا عندك حتى جهال مايصيرون عندك ورحمي مايتحمل اي طفل بي من وره ضربك الي
احمد: شنو هذه الحجي رحتي دكتورة
سارة: اي اي رحت تكلي ما يصير عندج كله منك انت السسببب من كد ما دكيت عليَ ارتاحيت هسه من كلشي فلست وحتى انا بس ارجع اطلب الطلاك واذا رفضت احط محامي ومستحيل ابقى يمكم مستحيل حتى أثر الي ما تلكون
"جان ساكت مثل المصدوم بشي جبيره ابد ما جاوبني وحجى وياي شي بقى ساكت بس حاطني وضاغط علي حيل بحضنه مثل اليخاف اروح وانا انجعصت جعص بحضنه سايحه روحي"
احمد: شلون يعني جاي تضحكين عليَ انتِ؟
سارة: ما مجبوره اجذب
احمد: يعني مستحيل تصيريين ام لجهالي؟
ساره: غدي وشمالني اصير ام لجهالك روح شوفلك وحده تقبل بيك وتحبلك وتجيب جهال الك مابقى شي وتطيح ورقتك هم يالله لجهالك
احمد ابرود: اذا هيج الحجي خوش اتزوج وانتِ ربي اطفالي
سارة: وين كرامتك وشنو اربيك جهال خدامة الخلفوكم
احمد: جا تردين تسرحين وتمرحين
سارة: وانت شعليك عسى ما اشتغل كواده انت شككككوووووو
احمد: اششششششش واذا ماكو جهال شنو اموت لا ما اموت عادي انا اريدج حتى لو ماكو جهال نروح نتمنى جهال حديث الولاده ونربيهم
سارة: لو تموت لو تجالع
احمد: ماجاي اصدك كلامج تحجين صدك انت يعني صدك ما تصيرين ام؟
سارة: اي
احمد: ليش احسج جذابه
سارة: هسه اگض احساسك وادكه بالنعال الجبته الي
احمد: شو فرحانه
سارة: وجهي ازرك ع احمر وين الفرحه بالموضوع هستوني مقتوله
احمد: تستاهلين
سارة: راشدياتك مو قويات شعجب
احمد: لان حالف ما امد ايدي عليج بعد هذن هيج خفاف
"فعلاً جان الراشدي مالته مو قوي ابد هيج تمسح ع الخد بس أذاني من جرني من شعري"
سارة: ضيف هاي هم للكلام مال الفوك
احمد: شنو هيَ
سارة: انت واحد جذاب
احمد: من عاشر قوماً 40 يوماً أصبح منهم
سارة: لعبت نفسي راح أستفرغ عليك
" ما صدكني وفعلاً استفرغت علي بس ابد ما لعبت نفسه وجان خايف عليَ"
احمد: شبيج شكو يوجعج شي
سارة: ريحتج مو حلوه وخر
احمد: والله هستوني سبحت وحطيت ريحه من هاي التحبينها يعني ذوقج خايس
سارة: وخر ريحتك خايسه
احمد: تحجين صدك؟
سارة: والله العظيم معدتي موتتني ريحتك مو حلوه احححمممدد
احمد: هسه اسبح كدامج واتعطر واجي
سارة: بس وخر عوفني
"كام وعافني دخل يسبح وانا غسلت والكاع نظيفه لان كله طاح عليَ رحت غيرت ملابسي لبست شي خفيف ونمت مادري كعدت الضهر مدري العصر ماكو ساعة بالشقه بس بتلفونه ومادري بي وينه محد اتصل وكلي اتصلو ابد هدوء كلش هدوء من كعدت ما شفته موجود وبس انا بدلت ولبست ملابس من عنده ردت اطلع ماعرفت شلون افتح الباب وتوقعت هوَ قافله غلست ونزعت ونمت كعدت لكيته موجود ومسويلي اكل وجايبلي ملابس مستوره وحجاب جديد وحتى حذاء ومكياج جايب حاطهن كلهن بجنطة سفر صغيره"
احمد: نروح لغير مكان؟
سارة: تحجي برهاوه رجعني للبيت لا اسويلك طركاعه شكبرها
احمد: انتِ أكبر طركاعه مرة بحياتي
سارة: ما مجبور
احمد: صوجه والله مو صوجي مايتحمل فراكج
سارة: رجعني للبيت
احمد: كومي حطي حمره وجهج صاير ليمونه
سارة: جوعانه
احمد: سويتلج اكل
سارة: اريد دولمه بس حاليه
احمد: منين اجيبلج
سارة: اطلع دورلي
احمد: يعني ضروري؟
سارة: اي صارلي هواي ما اكلتها واحب اتعبك
احمد: استغفرلله كومي بدلي نطلع ندور سوه
" كمت من الفراش ضل صافن خزرته و نزل راسه رحت سبحت صحصحت فرشت اسناني وحطيت مكياج خفيف لبست بدله ورديه وحذاء رياضي ولان البدله خفيفه لبست جوه شي ثاني حتى مايبين جسمي منها دفيت روحي ولبست حجابي وطلعنه نفتر لـ اكثر من مطعم افترينه هواي وهواي اشترالي شغلات كعدني بمطعم فخم"
سارة: اي واخيراً مكان براسه خير يلا اصرف فلوسك لمن ضامهن للملاهي
احمد: وصلت ترى كلش وصلت
سارة: اوي عصبي مايتحمل
احمد: سارة
سارة: نزلي الاكل يلا لعبت روحي منك ما اتحمل بعد
احمد: سهله
"نزلو دولمه حاليه مثل ماردت بس ماعجبتني مو مثل مال البيت اكلت شوي منها ودفعتها رحت ع الاكل مالته جان تمن ولحم واكثر من مروكات ومقبلات شكله يشهي"
احمد: والدولمه؟
سارة: حرك جيبك شبيك نزلي مثلك شنو موكلني دولمه
احمد: حتى ع نفسج تختلفين؟ والله امكانيه
" رجع طلب نفس الاكل اكله هوَ وانا اكلت مالته ورجعت اكلت الدولمه نزلي عصير طبيعي شربته حسيت روحي صارلي شكد ما ماكله رجعني للشقه"
سارة: راح انام من اكعد وصلني للبيت
احمد: صار
"رحت للفراش حطيت راسي غفيت كعدت لكيته وراي"
سارة: لمن لازك وراي خرب شرفك
احمد: ماكو غطى شبيج ميت عليج
سارة: اشتري تخاف ع فلوسك
احمد: نامي لا اكسر راسج واذا نمت يمج شنو بيه چرب
سارة: بالله قرب عليَ شوي
"ماصدك قرب شوي وشميت ريحته"
سارة: انا مو كتلك لا تحط هاي الريحه شنو لزكت بيها ريحتك تلعب الروح
احمد: اغلى منج هاي ترحيلي فدوه
سارة: عليمن ع الوصخ
احمد: ماعندج بريك هدوء منين اطفيج
سارة: كوم من يمي لعبت روحي منك
احمد: الله يصبرني ياربي شنو سالفتج
سارة: حسبي الله ونعم الوكيل عليك ولك ريحتك مو حلوه كوم من يمي راح اذب الاكل كله عليك شرط ع وجهك
احمد: الوصخه
سارة: مثلك
"كام من يمي صدك بس كام ضايج يشم بروحه دخل يسبح بهل برد هذه وطلع ضل كاعد بالصاله دخن وانا نمت مادري شنو صار بعد فزيت وانا بحضنه كعدت اشم بي مثل الچلب شميت ماكو ريحه رجعت نمت"
"شوي وفززني من النوم "
احمد: كعدي ناكل ونرجع للبصره
سارة: يالله
"كمت اكلت لفه وجاي وغسلت وبدلت وتوجههنه للبصره طول الطريق ساكت ماحجه ولا اي شي لحد ماقطعت الهدوء انا"
سارة: شوكت تطلكني
احمد: لو تموتين
سارة: انا اطلكك سهله
احمد: اوك انتظرج
"طول الطريق وانا نمت ماحسيت لحد ما كعدني وكلي وصلنا نزلت للبيت وهوَ شغل السيارة وراح
...................................
أن شاءالله باجر اكمل وانزل البارت القادم الكم اعذروني حبايب 🥹🦋.
...................................
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!