الحياة مرة واحدة تعيشها، ومهما طالت بك فهي قصيرة، لذلك اختاروا ناس تشبه بياض قلوبكم، تشبه طباعكم وحنيتكم وطيبتكم، ناس تستحق انك تتعب علشانهم، وتتعب لهم، لا تقضي العمر تعبئ الفراغ بأي عابر، لا تشيل على ظهرك حمل بس علشان القارب يمشي، فبعض التوقف علاج إذا كان المشي يمرض .
...................................
........................................................
تجاهلوا الأخطاء الاملائيه عزيزاتي
.........................................................
"طول الطريق وانا نمت ماحسيت لحد ما كعدني وكلي وصلنا نزلت للبيت وهوَ شغل السيارة وراح "
كاعدة بالبيت مرتاحه نفسياً وجسدياً لحد ما أجاني مسج خلاني اكره حتى روحي '
نور: راسلي فدوه وكليله خل يجي امي صار لها اليوم ثالث بالمستشفى ووضعها حرج حبابه تريده لخاطري اذا عندي خاطر يمج اني اذا يصير بأمي شي بعد لا اعرفج ولا تعرفيني اخوي راح من وراج ساره رجعي خل تشوفه امي حبابه الله يخليج راح يضل بنفسها
سارة: شعلي انا لو دائماً انا الغلط واخوكم الصح عيب عليج هل كلام نور
اعرفي شلون توزنين كلامچ!
ودائماً يصير الي كاتبة ربج انا مامرضت والدتچ لو فعلاً هذه كلامج صح جان حتى ماشوفتها وجهي حتى بصلاتي جاي ادعيلها واخوج تعذريني ماكدر اراسله انا تكدرون تتواصلون ويا انتم
"طفيت جهازي كله حتى وانا بالبيت ما مرتاحه كمت سويت أكل كلت اغير شوي رجعت شغلت جهازي وشوي واتصلت امي"
سارة: ها؟
امي: ها؟ شنو ها؟
سارة: هلا يمه شلونج عذريني جنت نايمة ما مفرمت عقلي
امي: شوكت يتفرمت عقلج؟ يمه
سارة: هسه ثواني وأرستّه تدللين
أي ماما كولي شتردين؟
امي: ترحين للمستسفى وياي؟
سارة: شسوي مابيه شي
امي: أسم الله يمه اي ادري مابيج شي بس راح يرحن يشوفن عمتج كلش جاي تچالع
سارة: صدك يمه عليج الله ما تجذبين عليَ
امي: لا والله كلش وصلت يمه مابيها أمل بعد
سارة: دخيلك ياعلي اي اي يمه اروحن وياچ مري عليَ عفيه
امي: ساعة وأجي عليج كملي روحج
سارة: خوش يمه انا ماعنددي شي انتظرج
"سديته منها ولعبت روحي من الاكل كمت سبحت وبدلت وكملت روحي ولبست قميص طويل اسود وكيلوت أسود عريض وحجاب ابيض نسقته ويا نعالي تكرمون"
أتصلت ع امي لان تأخرت
سارة: شني وينج نمتي
امي: جايين اصبري
سارة: يلا ماما استعجلي
"سديته منها وشوي واجو عليَ صعدت وياهم واتوجهنه للمستشفى "
سارة: شنو هده جاين
امي: يمه المره مواته كلها تجي تشوفها غير
سارة: والله خطيه ما تستاهل
امي: اي والله يم الله بعد احنا بينه روح وهيَ بيها روح كلمن ويومه
"دخلنه عليها وجان حتى المغذي شايلينه منها تلفظ انفاسها الاخيره كلها كامت تبجي عليها نور وضعها كلش تعبان ابد ولا جنها هيَ خدودها يصب منهن دم وابو احمد متخربط كلها كامت تبجي صغير وجبير لا تحرك ايد ولا رجل بس تشخر بصوت عالي بدو يقرون عليها ووجهوها للقبله قرو وقرو واحد وره لخ كالولها مبريه الذمه وهيَ كلش منتهيه
سارة: علي چا وين احمد ليش مو يمها
علي: وين ادري ماكو ع اساس مايقبل يجي
سارة: ليش
علي: چلب
سارة: حشى الچلب
علي: اي والله امه واصله كلش شنو من قلب عليَ جاي تجالع حتى مساع الصبح بس بأسمه تصيح كوه يطلع من حلكها تريده وهوَ جهازه يدك ومايشيله
سارة: خاف جاي يشرب
علي: الله يعلم
"شوي ودخل عليها احمد وتلاكته نور تصرخ بوجه هيَ واختها الجبيرة "
نور: شنو من بشر انتَ صار لها شكد ولك تبجي تريدك عزيز كلبها كوه كوه تلفظ اسمك وتصيح اريد احمد ونجذب عليها ونكلها متخربط وانت كلشي مابيك كاضيها منا ومنا تستنكف تجي تضل يمها ساعة
"حجت وحجت وغلطت وفشرت محروك كلبها وهوَ بس يسمع لها ولا كال أي 'او للا
نور بصريخ : وين جنت وين
احمد: أجيت
نور: بعد وكت احمد بعد وكت امي راحتتت
سارة: علي روح يمها خطيه راحت روحها
علي: خليها تبجي غير امها
سارة: ولك خطيه روح يمها
علي: ماكو فايده توسلت بيها صار لها يومين بدون اكل حتى ماي ماتشرب بس تبجي وتصرخ ومن اكلها كافي تكلي كلبي محروك شنو الكافي
سارة: سوده عليَ ماتستاهل والله
علي: روحيلها انتِ بلكت تسمع منج تحبچ هيَ
سارة: اي رايحه حتى أخذها وياي
" رحت يمها لزمتها رايحه روحها ووجها يصب دم من التزلق دفعتني ع أحمد وضلت تصرخ وتصيح شهرتنه وخزتنه كدام الناس"
نور: يلا روحو مو صرتو هسه حنان وجايين تأدون الواجب كافي اجيتو شفتوها روحو كملو سفرات لبغداد وتونسو
"كامت نور تخبط وتشبش وتغلط رحت عليها شبكتها وضلت هيَ تبجي وانا ماتحملت بجينه سوه وطاحت بحضني شالها عليَ واخذها مني ضايج وعيونه كوه يفتحهن اخذها وطلع راحن وراها البنات رحت كعدت يم راس عمتي وبديت أقره عليها سورة يس وسورة الاخلاص قريت وقريت وخرت من يمها ورحت وره نور لكيتها نايمه ومركبين لها مغذي"
سارة: ها شبيها
علي: هبوط صاير عدها وهم ما ماكله ولا شاربه شي
سارة: جيب لها اكل وبطل ماي وعصير ههسه اوكللها واشربها غصباً عليها
لجين: ماتقبل توسلنا بيها
سارة: اكتلها والله
شهد: مجروحه وتكتلينها شنو هل عنف
سارة: لازم تصير قويه حتى تشيل فاتحة امها تريد حيل يا ابو الحيل
لجين: اخ والله يكسرون الخاطر علي اخو احمد صاير دم دم بس يبجي بدون صوت مرد كلبي مرد
سارة: اسكتي حتى كلبي كام يوجعني الله يصبرهم ويقويهم
شهد: الضابط ما متأثر
سارة: شخصيته قويه
لجين: لا يستنكف الجايف
سارة: كافي بنات شدراجن ما بچه
شهد: مبين ترى كلشي مابي
لُجين: هسه يكول مريض ماكدر ابجي
سارة: شبيج
لجين: اكرهه ولجن اكرههوووو
احمد: بعد شكي زييجججچ
لُجين: اشكه هسه والله اشكه شنو راح يطير نصك لو بقيت ويا خوانك
احمد: اي
ساره: وجعي
احمد: شكلتي؟
سارة: براحتك
"هز ايده وكعد يم نور يعدل بحجابها ويضم بشعرها اجه علي حط الاكل بيدي رحت يمه وكتله"
سارة: كوم شوي خل اكعدها واوكلها
"كام بكل هدوء وكعدت يمها هزيتها شكد ماكو ما كعدت اجو حطولها مغذي ثاني اكبر من القبله انتظرنه يمها اكثر من ساعة يالله كعدت شافتني ودارت وجها مني تبجي"
سارة: باوعيلي ولچ اسحج هسه هنا بالمستشفى اخليج عبره للدكاتره ترى انا ما كاتله اهلج حتى تدورين وجهج مني
نور بتعب: طلبت منج شي ورجعتيني مكسوره
سارة: هسه اصلحج تدللين
نور: تستهزئين يعني
سارة: شكلج يعني؟ هااا شكولن؟ شنو أتصل بأخوج اكله روح لنور هز يمها حنان انا شكو انا شعليههه حالي من حالج ترى لا تسوين روحج فقيره ومسكينه الحنين حنين مو اله يندفع لو جان حنين جان اجه وضل مكابل امه مابيدي شي حتى تتصلين وتتوسلين بيَه
نور: كلبي يوجعني امي ماااتت وضلت بنفسها تحجي ويا احمد
سارة: اخوج جاي يسمعج حتى صدك جذب ما رد عليج مابيدي شي وبعد لا تشبشيني ويا اذا عديها اكسر راسج
"هزت راسها ودموعها تصبب "
سارة: هسه تكعدين وتاكلين وتشربين عصير حتى تكومين ع حيلج مايصير تسوين هيج بروحج احنا بينه روح وامج بيها روح شدراج يجوز بعد دقيقه امج تصحى محد يعلم غير ربج حرام عليج تخلينها تشوفيج هيج مأذيه روحج راح تأذينها
نور: ياريت تشوفني ما تشوفني بس تجالع ساره بس تجالع
"كعدت ع حيلها تبجي وتلطم لزمها احمد كام يبوس براسها وهيَ رايحه روحها فتحت العصير وجبرتها تشرب منه شوي وماقبلت ابد تاكل"
سارة: اكلج اكلي شويه بس لفه وحده
شهد: شويه وولفه وحده؟ شلون رهمتيها
سارة: مو انا اشتهيتهن بدالها والله حرامات يرحن ابطني
احمد: ليش حرامات اكليهن بالعافيه
سارة: لا تحجي وياي
احمد: مو صوجج والله
"اتجاهلته ولا كأنُ أشوفنه"
سارة: نور حبيبتي انا حامل حرام عليج ترى تضل بفرخي
احمد: صدك
شهد لُجين: صدك من شوكت
ساره: قبل يومين حللتت
احمد: ليش تجذبين مو جنتي وياي
ساره: قبل لا أجي وياك ف كلت قبل يومين يووو شكد تركز شنو تحقيق هوَ
نور: جا اكليهن كلهن
سارة: ما اكل لحد ما تاكلين لفه وحده يلا حرام عليج راح اموت من الجوع
نور: سارة والله ما اشتهي والله اكليهن انتِ فدوه
سارة: والله ما اكل اكلي وحده بس وحده
نور: ما اريد والله
سارة: ترى ضوجتيني راح اكتلج والله اشمرج بالكاع اكطعج تكطع
احمد: والطفل؟
سارة: زربه عليَ
احمد بهمس : خاف وهمي
سارة بهمس : اكيد وهمي لان يجي بس من حبيب القلب خاف صدكت روحك
احمد: لا أيست منج كلش
سارة: هوَ الافضل
"فعلاً أكلت لفه وحده بس سااعة يالله كملتها "
نور: هاي اكلتها كلها لخاطرج يلا فدوه اكلي ذن
سارة: اسفه حبيبتي جذبت عليج انا مو حامل ومسويه دايت
لُجين: بربوكه
سارة: اشكرج
نور: تضحكين عليَ؟ وانا فرحت والله
سارة: وين فرحتي وجهج ازرك صاير
شهد: شدي حيلج نوري كلشي بيد ربج
نور: الحجي سهل وادري بيجن جذابات تردن بس تصبرن عليَ
ساره: كلشي بيد الله ومانكدر نعترض ع حكم ربج اذا جان اليوم او باجر صح انا وياج ماتكدرين وصعبه عليج كلش صعبه بس هذه الشي مو بيدنه اليوم هيَ وباجر احنا قوي روحج واي شي تحتاجينه انا يمج
"بستها وطلعنه من يمها ضل يمها احمد اسمعه يسولف وياها رحنه لعمتي الي نفس وضعها يزيد ماينقص
"
سارة: بنات انا تعبت وبطني ضلت تأذيني خل نرجع للبيت ما اتحمل بعد كلبي ضل يأذيني عليهم والله
شهد: والله حتى انا عيونيي ضلن يوجعني الله يساعدهم ربي اخذني قبل اهلي ماتحمل انجلط والله اشوف امي تموت كدامي ماجاي اكدر حتى اتخيل صعبه الله يهون عليهم ويبرد كلبهم
لُجين: حيدر صارله أسبوع مريض اكله امشي لدكتور يكلي مابيه شي وهوَ كلش حتى مايتحرك لحد ما البارحة كتله شبيك ترى وصلت حدها وياك كال هاي امي مو ام صاحبي شلون اروح واهون عليَ انا اريد واحد يهون ع كلبي شحال قلبه هسه
سارة: مابي شي قلبه جان ابغداد يفرفر بيَه
لُجين: كلت لحيدر والله يكلي سوده عليه
شهد: احلف عليهم شاخطين ذول والله يعني احمد ليش ما بجه ولا نزلت دمعه منه
سارة: اي والله اتمنى يبجي
لُجين: هم انا اتمنى يبجي احب الزلمه من يبجي افرح
سارة: تردين تضحكين عليَ؟
لُجين: اي
شهد: وجعي
سارة: أستغفرلله سدن حلوكتجن
شهد: شعجب ما حجى ع لبسج زوجچ
سارة: يخاف مني
لُجين: بعدين يطلعهن من عيونها والله تعجبت حتى انا كلت حتى ماسئلها ويامن اجت
سارة: طفن عيونجن الف الحمدلله يارب ضلت بس افكن منه
شهد: لا حرامات
لُجين: أنجبي
سارة: امشن نرجع وضلن يمي اليوم
لُجين: اي يلا
شهد: خل احجي ويا امي ونروح
سارة: يلا بسرعة
"حجت ويا امها نوعاً ما اقتنعت رجعنه علي للبيت والكل بقى بالمستشفى محد قبل يرجع"
سارة: ليش مايجيبونها للبيت احسن بعد هيَ مره منتهيه
علي: بالمستشفى احسن
شهد: شكال الدكتور؟
علي: كال عادي اخذوها للبيت لان مايفيد اي شي وياها بعد
لُجين: سوده عليه
"وصلنا للبيت مالنا خلك اي شي تعبانين وانا بطني متكطعه من الجوع بس ما اشتهي اكل دخلت سبحت كوه ع اعصابي والبنات هم سبحن كعدن يسوون اكل مشطت شعري وحطيته عطر لعبت روحي ركضت استفرغ بطني الفارغة"
شهد: شبيج يا
سارة: مادري شو موحلوه ريحته هذه سبلاش
لُجين: ماعندج ذوق ولج هذه مو حلوه ريحته والله تعبانه انتِ
سارة: يمه راحت روحي هاج اخذي ما اريده
لُجين: كثريلي حياتي عطورج كلهن ماركه
شهد: وانا كواده مثلاً
سارة: كومن اصفي عطوري صايره ما اهضمهن اريد اجددد
شهد: والله مسكين فوكاها ما راضيه عليَ ام الماركه زينتي راسه
سارة: عسااه
لُجين: الك الله يالفقير
سارة: تكومن لو لا
لُجين شهد: اي
"كعدت طلعت غراضي كلهن كلهن انطيتهن وكلت باجر اجيب جديد مرت ساعات ع كعدتنه واتصل علي اخوي"
سارة: ها خويه؟
علي: ام احمد ماتت
سارة: عليك الله تحجي صدك
علي: والله ساره روحي للبيت هناك
سارة: منو يوصلنا ولك منو
علي: اجاج مصطفى
سارة بدموع : كايمه كايمه يعني نلبس اسودددد
علي: لا لبسي احمر استغفرلله
سارة: شبي هذه سده بوجهي
لُجين: تستاهلين يلا كومن بنات خل نروح لبيت عمي ابو احمد
سارة: اوكفن خل اسبح
شهد: شنو السالفه حتى العروس ماتسبح مثلج
سارة: ريحتي مو حلوه بنات
لُجين: ولج عطرج يعط
سارة: انجبي لبسن اسود مني ثواني واجيجن
"دخلت سبحت وجلفت جسمي من العطر ووجهي حيل اجلف وارد ليوره نسيت روحي"
شهد: مو عرس يمعوده فاتحه فاتحه
سارة: اجيت اجيت
"طلعت بالبرنص لبست بدله سوده ومسحت كل وجهي والبنات كذلك شوي واجه مصطفى لابس دشداشه سوده وجفيه وصلنا لبيت عمي البيت محد بي فارغ بس زوجة علاوي وره ساعة اجن النسوان للبيت وكب الصريخ والهوسه الفجر جابو التابوت صريخ بجي ولطم ونعاوي حاولت اتأثر وابجي ماكدرت بقيت بس واكفه اشاهد بالبنات يصرخن نور وضعها يبجي الصخر وعلاوي ينبجي ع حاله اما احمد ولا بجه كلهم لابسين اسود شوكت لبسو مادري خذوها يشيعونها طلعو زلم ونسوان لبست عبايتي اطلع وياهن "
احمد: بس تطلعين اكسر رجلج
"نزعتها ودخلت للبيت شوي وردو النسوان والفاتحه صارت بالحسينيه للزلم اما النسوان بالبيت مرن الساعات ومحد شرب كلاص ماي كلها صريخ وبواچي صار الضهر وجابو اكل للنسوان كم وحده بس تغدت البقيه محد لها نفس تاكل"
" الكل يبجي عداي اريد ابجي ماكدر حاولت وهم ماكو ف كمت اشتغل تقريباً شلت الفاتحه انا لان اريد اشرد من انضار الناس
حاولت شكد والله حاولت ابجي ماكو وكلت هسه يأخذن غيبتي لان هنَ خبره بهل شي ف أجتني حجيه"
ام هادي: خاله انتِ جنتهم ؟
سارة: اي خاله ليش محتاجه شي؟
ام هادي: لا خاله حبيت اسئل انتِ مرة علاوي؟
سارة: لا زوجة احمد
ام هادي: عين البارده شحلاتج
سارة: عيونج الحلوه
ام هادي: ليش خاله ماشفتج ويا البنات بالمجلس
"جان قصده ما بجيت ولا لطمت ويا البنات "
سارة: حاولت بس ماكدرت جنت اشتغل جوه
ام هادي: حتى لو تبجين شوي
سارة: خاله ماجاي اكدر
ام هادي: مو زين عليج ادري صدمه بس مو زين لازم تبجين
سارة: ان شاءالله
راحت المره جنها ما قابله عليَ اجت نور سايحه روحها كالت"
نور: حبابه شوفي احمد ولج يحجون ويا وبس يضحك ومامصدك
سارة: يعني شسويله؟
نور: مادري حتلو تخلينه يبجي
سارة: اسمعه حزين يعني شسوي والله جاي تضغطين علي َ
نور: مو قصدي بس اخوي تسودن فدوه لخاطري جان حجيت ويا انا بس صوتي ماكو مايطلع
سارة: شلونج انتِ هسه؟
نور: ههه شلوني؟
"هزت ايدها وراحت تلطم بنص النسوان"
سارة: يمه كلها مسودنه لو انا شخط عقلي لان ما نايمه
"طلعت كملت شغل كلش تعبت بس استمريت وجهي صار احمر دم وكضتني الدوخه لا اكل ولا نوم شوي ورجعت عليَ نور"
نور: ها بشري شبي احمد؟
سارة: بعدني ما شفته
نور: ليش
سارة: شنو ليش اطلع بالشارع اصرخ وينك احمد تعال ابجي شبيج حبي غير يجي يلفي للبيت واحصره
نور: ما منج فايده هسه اجيبه للبيت
سارة: لا مايصير تطلعين انتِ
نور: جا ياهو يطلع ابوي والله تعبتيني فوك ضيمي انتِ الفاهيه بت الفاهي
سارة: مكسوره وتتجاوزين؟ راح اعذرج
نور: طلعي شوفي اخوي طلعي روحي بالشارع هسه متروس عالم تكيفين ع هيج اجواء
سارة: شبيج نور قصدج ااباوع ع حلوين احنا بيا حال وانتِ بيا حال
نور بدموع: طلعي
سارة: هسه اشوفنه بس اختفي من وجهي حتى للفاتحه بعد ما اجي حطو خدامات تشيل هاي الهوسه
نور: امشي لج غصباً عليج تشيلين الفاتحه
سارة: احترمج شي مكسوره وعلي اله افلش سنونج بحلكج
شهد: شبيجن فشلتنه
نور: ولج ذلتني والله ذلتني فحطت اريد اصرخ ماكدر
سارة: شسويت تكلي اكو حلوين بره طلعي شوفيهم بربج هذه حجي وحده مكسوره
نور: فورتي دمي
سارة: ذليتيني
شهد: هسه منو المضلومه عمي منا ناس وانت نور روحي جوه النسوان جاي تجي وتروح
نور:واحمد؟
شهد: جاي يلطم بالشارع مثل المسودن
نور: صدك
شهد: لا جذب شبيج هوَ زلمه هسه شايل الفاتحه كلها قابل مثلج صرتي جنج مومياء دخلي جوه وانت سويره روحي نضفي البيت لحسي لحس حتى يكولون مرة الجبير نادره
لجين: شنو بنكلادش
سارة: اندري جا ما تحركن رواحتجن شنو دكتورات فوكاها نور تصرخ عليَ ما قابله
شهد: عذريها مو بعقلها
"دخلت نور تبجي و
شفت احمد دخل للبيت رحت امشي مادري بدون خلك امشي جانو بره همه بس يطبون ويطلعون علمود الاكل والجاي والغراض ف كتله"
سارة: عادي توصلني للبيت؟
احمد: شتسوين؟!!
سارة: اغير ملابسي تبللتتت وكامت تلزك ع جسمي شوي استحيت منهن
احمد:لبسي من نور
سارة: عندي ملابس اوسع نور ضعيفه مو مثلي انا شوي اترس منها
"جان يحجي وياي عادي وطبيعي عبالك بفاتحه جوارينهم"
احمد: يلا امشي بس غطي وجهج كله
سارة: شنو السالفه
احمد: ما اخذج
سارة: هسه اشوفلي جلب ابن جلب ياخذني
احمد: انت مرة طلعي اكسر راسج كدام اليسوة والمايسوه
" غطيت وجهي ولبست عبايه وطلعت وصلت للبيت سبحت وبدلت ملابسي لبست بدله عريضه ومرتبه مشطت شعري ولفيته مببللل ف جان كاعد ع القنفه ورحت يمه لزمت جف ايده وكتله"
سارة: البقيه بحياتك
احمد: شبيج شنو البقيه بحياتي شجاي تحجين حتى انتِ وياهم
سارة: كلنا ع هل طريق بس ياريت تبجي اعرف انت مصدوم بس راح يأثر عليك وانا ما احب اشوفك متأذي
"كام يضحك بصوت عالي استفزني ماعرف ليش بس ضجت وانا منا محمضه منه "
سارة: بس باوعلي!
احمد: باوعت
سارة: انا هم ما بجيت خل نبجي سوه!
احمد: عليمن شبيج لا تسودنيني
سارة: امك ماتتتتتتتت
احمد: اكلييييي خره ليش تفاولين عليها
" وفريت وجهه براشدي ضل صافن وجهها باهت يباوعلي"
سارة: عوزك طول الناس خايفه عليك
" ولا رد ولا حجه اي شي ابد ضل ساكت اي والله ساكت بعدها صرت بطوله وحضنت راسه هنا هوَه نهار حرفياً كطع كلبي تكطع يبجي بكل حركه انا ماشايفته يبجي هيج بس كم مره بدون صوت بس هل مره يشهك وصوته مايطلع شلون المخنوك بادلني الحضن وبقه ساعتين بحيلهن يبجي وبصوت عالي وبكل مره يكول يايمه ليش تسوين هيج بينه
يحجي حجي يكطع القلب "
احمد: عافتني وراحت كله مني انا جلطتها انا جنت افكر بس بنفسي مافكرت عندي ام تسوه الدنياا مافكرت بكلبها فكرت بس بروحي
سارة: اشش
احمد: لا ماكو اش انا انه موتتها كله مني
سارة: جانت مريضه وتعبانه والموت حق علينا
احمد: انا مرضتها انا كله مني
"يبجي ويصرخ ركبتي انترست دموع حسيته صارله سنين مامطلعهن بقيت حاضنه وجهه حيل ويبجي بعدها دفعني حيل "
سارة: شبيك
" بقيت مصدومه منه وعيونه حمر دم "
احمد:روحي يلا روحي وانتِ هم راح ترحين انا مكسور بس مو مره وحده لا مرتين بيوم واحد خسرت امي وخسرت روحي انا المن عايش
"استمر يصرخ ويصيح فلش البيت تفلش بقيت كاعدة بمكاني خايفه يجيني شي والحك عمتي ضليت خانسه وهوَ يصيح"
احمد: هااا لمن عايشش انا لمننننن
احمد بضحك: ارتاحي كم يوم توصل ورقة طلاكج وبعد ماكو احمد
احمد: تصدكين لولا بس تجي الورقه بيدج انا انهي حياتي
"بقيت مصدومه ابلعها واسكت شسوي اكله اي خوش همزين شسوي والله كسر خاطري يبجي بحركه والله جنت مصدومه من كلامه "
سارة: ما اريد اتطلك انا اريدك
"واجيبها منا واوديها منا خفت علي والله جان الموقف صعب"
"ورجعت علي مثل ذبانه الجلب لميت راسه بحضني "
سارة: ما اعوفك انا مو حقيره لهل درجة انا وياك بالمره قبل الحلوه
"نزل وحط راسه بحضني "
احمد: الفراك صعب وداحس كلبي يوجعني ثنين هنه ثنين وراحن والله بس جسم والله
"جان قصده بس جسد بدون روح"
سارة: منو هنه الاثنين؟؟
احمد" انتِ من زمان كسرتيني وكسرتي الجبيره كملتها امي وهم هدت حيلي
"هنا بچيت بس بدون صوت بس دموع
مسحت وجهي وكومته حطيت ايدي ع خده"
سارة: كوم ع حيلك خواتك وابوك واخوك محتاجينك
احمد: وانه؟
سارة: انت سندهم ويردونك
احمد:وانه من يسندني ليش افكر بيهم ليش محد يفكر بحالي انا منو لي؟
سارة: انا لك ويمك
احمد: جنت ما افهمج من تكليلي انا ابجي بس من جوه
هسه فهمت صدك انا جنت ابجي احس روحي ممروده مرد والله الشعور هذه مو حلو اول مره احس بوجع كلبي چبير
اول مره اشوف روحي مكسور
"ابجي عيوني مايوكفن احسهن شلال بجيت شكد بجيت وهوَ كذلك ما سسككتت ابد حسيت الدنيا افترت بيَ ماكدرت بعد اقاوم شي اسود صار ع عيوني
لحد ماكعدت وانا جسمي خدران كله"
احمد: شبيج ليش وجهج صار اصفر
سارة: مابيه شي بس ما اكلت شي من امس وهواي افتريت وما نايمه
احمد: كومي اسويلج اكل ونامي ساعة
سارة: لا خل ارجع يم البنات
احمد: ولج جسمج يرجف يابنات ذن
ساره: اي خوش
"رجعت غفيت مادري بروحي كعدني
وكعدت شفت الدنيا ليل جايبلي اكل من الفاتحه"
احمد: كومي الساعة ب10 اكلي ورجعي نامي
سارة: ليششش
احمد: شنو ليش؟
سارة: ما كعدتني رحت يم البنات
احمد: البنات نامن ونور هستوني جبتها من المستشفى نامت هم
سارة: شبيها نور
احمد: سكرها نزل كلش
سارة: والله خطيه
"كعدت ابجي وارد ليوره كل ما اتذكر شكل نور واحمد ابجي اكثر واكثر ما سسككتت ساعة واكثر وانا ابجي وهوَ صافن عليَ متعجب"
احمد: شبيج
سارة: مابيه شي
احمد: الحمدلله والشكر
"باوعتله مصدومه"
سارة: شنو قصدك؟ ها
احمد: ماقصدي شي
سارة: تريد نتعارك؟ شوف ترى مابيه حيل انا حزينه
احمد: نتعارك محاضن؟
سارة: شنو قصدك
احمد: نامي زيتونه
سارة: اريد انام يم نور
احمد: مو طردتج نور؟
سارة: شوكت؟؟؟؟؟!
احمد: هيَ مساع تبجي وتكول طردتها وهيَ شالت فاتحة امي
سارة: لا يمتى جذابه
احمد: والله مادري منو الصدك ومن الجذب
سارة: ثنينه
احمد: شلون ثنينجن وهيَ تبجي عليج؟
سارة: مو شوف هيَ دزتني عليك مساع خايفه عليك تبجي وتطلك
احمد: تطلك؟
سارة: اي والله خبصتني خبص بيك تكلي روحيله خل يبجي كتلها شنو اشغله حزين ضلت تبجي وتصيح عليَه
احمدد: اي
سارة: وانوب تكلي طلعي بره اكو هواي حلوين بره
احمد: وهيَ وين شافت الحلوين بره
سارة: اندري اسئل اختك يجوز من طلعت لعلي
احمد بهدوء: ها حلو
"ضليت اباوعله انا شحجيت وشنو كلت صخام يمه"
احمد: وانوب؟
سارة: ماكو شي بعد هيج تعاركنه علمودك
احمد: عليَ لو ع الحلوين؟
سارة: ياحلوين احنا بوضع يسمح للحلوين ترى ناس مكسورين احنا شهل حجي شنو انتَ ماتستحي؟
احمد: شو جنها افترت عليَ!
سارة: وخر خل انام
احمد: عندي وياج حسابات كلش هواي
سارة: شوف وجهي يالون؟
احمد:اصفر
سارة: تريد تحاسب وحده صفره؟
احمد: اي
سارة: حسبي الله ونعم الوكيل ليش من شفتك وشفتني مدخن
احمد: حسب الشخص
سارة: انا مرتك
احمد: حلو كلتيها
سارة: اي انا مرتك حمد
احمد: مستشفى سافره وحدج مصطفى؟
سارة: بالغلط ماتنعاد
احمد: نامي
سارة: صار
"من الخوف نمت جفي فزيت الفجر وشفت احمد يصلي صلاة الصبح الجو بارد والبيت دافي بي ضوه خفيف كعدت توضيت وصليت صلاة الصبح ودخلت سبحت بماي دافي طلعت لكيته نايم ع الجربايه "
احمد: كعديني ب6
سارة: ماشي اروحن وياك
احمد: شبعي نوم ب10 اخذج هناك
سارة: لا فدوه فاتني هواي
احمد: هوَ شنو الفاتج شنو هناك ونسى ومادري
سارة: المفروض انا هناك الناس تحجي
احمد: لا تخليني اسب الناس وانزلهم هسه كلهم خليني انامن ساعة وكعديني ماترحين من الصبح وجهج اصفر نامي تلحكين
سارة: خوش
"طفيت الضوه ونزعت البرنص لبست تراك اسود شتائي صح قصير بس دافي ورحت نمت بمكاني شعري مبلل"
احمد: نشفي شعرج بارده بارده
سارة: لا حاره انا محتره
احمد: شنو مشغله تدفئ ومادري
سارة: مادري محتره
احمد: شو تعاي اشوفج خاف مصخنه
سارة: لا
"ما خلاني اكمل حجي جرني حيل عتني عت عليَ لزم وجهي بارد كصتي كذلك حط ايده ع رقبتي هم بارده نزل ايده ع بطني حاره"
احمد: جسمج حار
سارة: اي عادي كل مره هيج
احمد: انا بردان
سارة: اشتغلك التدفئ لو الهيتر
احمد: لا ما اريدهن
سارة: اجيبلك الديباج الثاني؟
احمد: لا شكراً
سارة: جا شتريد ماتكليييييييييييي
احمد: لا تصيحين خليني انامن
سارة: غير نعرف شتريد مو كلت بردان
احمد: شنو صعدت عندج الحنيه والاهتمام
سارة: صوج ضميري بس
احمد: طفي ضميرج ونامي
سارة: خوش
"درت وجهي منه ونمت قريب عليَ ضل يستغفر وحسيت بي انطاني ضهره كسرت خاطري كلت اكيد بردان بس لان نريد نتطلك هيج يسوي او مايريد يتعبني لان تعبانه قربت عليَ وندهته ع كيف "
سارة: احمد
احمد: شتردين
سارة: بردان؟
احمد: كلش
"كمت ع حيلي جبتله الديباج الثاني وشمرته عليَ جر الديباج وشمره بالكاع"
سارة: ليش فوك ما ضجت عليك وكلت خطيه
احمد: ترى عندي رجلين اكدر اكوم اجيب واغطي روحي
سارة: جا ما كمت
احمد: ما اريدن
سارة: والله لحيت جا شتريد؟
"ضل ساكت انا خليت وافتريت رديت اكمل نومتي ما بقى شي ل6 تغطيت وحسيت بي يجرني بحضنه"
سارة: شجاي تسوي وخر
احمد: ما اسوي شي أريدج
سارة: شنو ماتستحي
احمد: بردان بس شويه
سارة: ولا شويه وخر
احمد: لا تحقرين بعد نص ساعة واكعد خليني بحضنج
سارة: والله حرام عليك
احمد: والله خبصتيني ترى مرتي انتِ ما اريد شي منج انا اريد بس تجين بحضني
سارة: ماتسويلي شي
احمد: لا والله شسوي وضعي مايسمح لهل شي بس أريدن اغفى ساعة وحده بحضنج
سارة: والله صاير تكسر خاطري تعال
احمد: استغفرلله بعد انا يتيم عامليني زين
سارة: اسكت والله كلبي يوجعني عليك
احمد: لا تبجين عليج الله
سارة: لا والله راح احاول انسى وجهك وما ابجي طفي المبه حتى ما اشوفك
احمد: شنو لهل درجه وجهي مو حلو
سارة: لا أقصد وجهك من تبجي
احمد: شعلي الضوه غير وجهي باقي براسج هذه جنه لهانه
سارة: راح اسكت لان انت يتيم
احمد: والله ذليتيني
سارة: يلا تعال نام بحضني بس لا تبجي عليك العباس والله انقهر ويغمى عليَه
احمد: لا اتوبه اذا ابجي بعد يمج
" جرني بحضنه وشبكني حيل مو شبكه لا حسيت ضلوعي تكسرت "
سارة: احمد بس ع كيفك تكسرت والله
احمد: خوش
"رجع حضني ع كيف وباسني براسي بوسة مطوله وخر شعري عن وجهي رفع راسي وحط راسه بركبتي ثكل نفسه وغفى وانا بقيت متضايقه سحبت روحي منه ورجع دحس راسي بركبته وانا شميت عطره لو شامه مجاري افضل ركضت بسرعة للحمام كوه لحكت وذبيت الاكل كله اجه وراي خايف"
احمد: شبيج هاا؟؟؟؟
سارة: مادري لعبت روحي منك
احمد: مني؟
سارة: لا من عطرك معدتي كلبت
"تقرب عليَ وشميت ريحته رجعت مرة لخ استفرغت احس مصاريني راح تطلع من حلكي تقرب اكثر غسل وجهي وحلكي وطلعني راح جاب مشط
ومشط شعري سواه كصيبه وشغل الهيتر وسوالي ريوك "
احمد: تريكي خل اخذج وياي ب6 ونص هسه
سارة: ما اشتهي والله
احمد: جا ضلي ع 12 الضهر
سارة: راح اكل
احمد:اخفي البلصحن كله
سارة: اوك
"تريكت وغسلت وبدلت وهوَ هم لبس دشداشه والجفيه وطلعنه رحنه للبيت عمي جانو كلهم الزلم بره لزم ايدي وغطى وجهي لفني لف بجفيته ولزم ايدي قوي ووخر الزلم كلهم من الباب ودخلني جوه
"دخلت وجان البنات كلهن كاعدات يسوون ريوك للعالم تلكتني لجين وجها اصفر"
لجين: ها اجيتي كال مريضه كلش بالفراش ووجهج اصفر بس نايمة وتبجين
شهد: شلون صرتي
سارة: زينه بس شدعوة هيج مبالغ
فاطمة: بعد لازم يبالغ شو وجهج وردي شنو الاخبار الجديده
شهد: اذا انتِ مفلفله غيرج يحترم المصاب الي احنا بي
سارة: سكتي مالي خلك تعبانه ومعدتي ومحالبي موتني وجع مو طبيعي
لُجين: خاف ع الشهريه
سارة: يمكن خيه
زهراء: أسويلج شي دافي تشربينه
سارة: لا ما اشتهي
زهراء: انطيج علاج؟
ساره: ياريت متت من الوجع
امي: ها يمه شبيج؟
سارة: يمه بطني منا توجعني موتتني اسبح ارتاح وشوي ورجعت عليَ
امي: هاي صفحة رحمج يمه
شنو شايله شي ثكيل؟
سارة: لا يمه ابد بس الشهرية تأخرت عليَ
امي: اي هذه الوجع لها
شهد: بس ما اتوقع يوجعج ع العاده الوجع مالها يصير بالمحالب اكثر شي
سارة: اي حتى محالبي توجعني
لجين: تعاي اسويلج دارسين وشربي واخذي حبوب
سارة: خوش يلا
امي: لا تشربين شي يمه نامي ع ضهرج
سارة: والوجع يمه متتت
امي: يمه وجهج اصفر وعيونج بيض خاف بيج فرخ سويره
سارة: منين يمه احبل
امي: جا ذاك شكبره وشكده شنو منين تحبلين ليش تخليني اخرب هسه
سارة: يمه شبيج ترى وحدي كاعدة بالبيت منين احبل من زرف الحايط
امي: والله حبله
سارة: يمه لخاطر الله تحجين صدك
امي: اجيبلج تحليل حمل هسه
سارة: والله مو حامل يمه شوكت حبلت حتى ما اشتهي شي
امي: بأسم الله يمه بعد وكت يجوز منكط أبطنج
سارة: خوش جيبي تحليل بس اذا مو حامل اشهرج واخزيج
امي: عليمن تشهريني وتخزيني مبينه تصيحين لأمج وابوج حامل
شهد: يلا خالة ركضي جيبي تحليل حمل
لجين: اي يمه طيري طيري
زهراء: خايبات راح اودي حسين واجيج بسرعة
امي: واذا شافوج شتكولين لهم
زهراء: اجيب تحليل حمل
شهد: لمن؟
زهراء: الي
بربج يعني المن اكلهم لسارة
سارة: لا والله مو بكيفجن تشهرني تردن
امي: لا مايصير كولي شي ضروري لصيدليه وروحي
زهراء: يمي حتى حلفان احلف اهمشي اطلع
شهد: يلا انطلقي
"راحت زهراء جابت تحليل حمل واجت"
امي: يلا دخلي مادام من الصبح يبين بسرعة
شهد: هم شافج احد زهراء
زهراء: اي احمد ومصطفى وعلي وعباس ووليد وحسن وحسين وحيدر
لجين: هوب هوب شني السالفه لمن كلهم هنا
زهراء: لا واحد وره الثاني اولشي كضني احمد من الخوف ردت اكله مرتك حامل
شهد: خرب حضج شكلتي
زهراء: كتله شهد تخربطت ورايحه اجيب لها علاج نسائي هوَ اكيد فهم عليج الشهريه ذكي يفهمها طايره
شهد: والله بربوگ وماتستحين هسه لازم اختفي من الفاتحه كلها
سارة: شسالفه
شهد: عمي والله العظيم عيب ولو انتِ ماتستحين
لجين: وانوب ولج زهراء والبقيه
زهراء: واحد كتله علاج لمريم واحد كتله علاج لأمي واحد كتله لعمتي حيدر كتله علاج لـ لوجين مال معده يكلي سوده عليه ماتاكل مقهوره مايدري تاكل بالخمسه
لجين: انجبي ولج عباله انا كيوت ما اكل لحم بس اندومي
شهد: ههههههههههههههههههههههههههههههههههههههههههههههههههههههههه
امي: يلا حللي كومي
سارة: اي يمه هسه اوكفي خل تكمل
زهراء: وعلي ابن كريم كال وين كتله حبوب مال سهال لمرتك
سارة: يمه ههههههههههههههههههههههههههههههههههههههههههههههههههههههههه متتتتتتتتت
زهراء: احلى شي يكلي خطيه صار عدها من الخوف ولجن انا امشي واضحك وشفت واحد يخبل صار بيناتنه حب من اول نضره
شهد: هذه مو علاج قصة حب وجذب HD
لجين: وتالي
زهراء': اخر واحد حسن كال وين رايحه عمه كتله عمه العماك كون رايحه اجيب علاج مال قبض وسهال لفاطمة شهرتنه بالفاتحه تاكل وماتطلع بطنها
لجين شهد سارة: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
سارة: متتتتتت طشرتنه كل احنا
زهراء: انوب يكلي ها صرتي حنينه عليها هسه حبيتيها
كتله لا عطرت الفاتحه
سارة: اخ يمه بطني اوي ههههههههههههههههههههههههههههههههههههههههههههههههههههههههه
شهد:ههههههههههههههههههههههههههههههههههههههههههههههههههههههههه
لجين:فطسسستتتتتتت
امي: بنات النعال كافي هسه شيكولون علينا وانتِ يلا كومي حلليييي
سارة: يمه مو حامل شبيج
"كمت للحمام حطيت 5نقطات ادرار وانتظرت طلع سلبي خط واحد"
سارة': ارتاحيتي؟
امي: الفكر كلت اصير جده بس ما اضنها من وراج اشوفنه
زهراء: ولدج زوجيهم وشوفي احفادج تركضين وره هل مسكينه
امي: هل مسكينه صار لها سنة متزوجة شوكت تفرح الولد
سارة: اريد اتطلك انا شتحجين اتتِ
امي: جلطيني بعد يوميه سفرات وطلعات وبوس وحضن خلينه ساكتين وتردين تتطلكين شنو هل لعب هذه جهال انتم
سارة: اي جهال يطلكني وكل شهر يدزلي راتب والبيت والسياره الي
امي: اي مو هوَ هيج زوج وين كاعده وتتخيلين انتِ حيل خيالج واسع
سارة: هوَ كال
امي: يمه انتِ ليش مورمه كلبي هوَ كال هيج يحبج ويموت عليج غلط اي غلط والف مره غلط بس انطاج سسببب يمه تعبتيني والله انتِ بصوب والبيت بصوب ثاني تتوقعين من تتطلكين يقبل ابوج تضلين كاعدة بالبيت وحدج؟
سارة: يمه بيتي كلهن بأسمي
امي: يمه انا اعرف شي وانتِ تعرفين شي انا شفت ضيم هذن نجوم الضهر يمه انا شفتهن خاف عبالج هسه انتن تتدلعن وهذه لا وهذه اي جنت اذا ما اكعد الصبح واضل نايمه مادري من التعب ابوج يحرك غراضي وهدوميي شفت ضيم انا ضيم وع حب عشتو
سارة: يمه جيل عن جيل يفرق
امي: ماكو شي يفرق يمه جيلنا قبل احسن هسه من جيلكم بس انتن ابالجن شي وهل شي انا هم ردته ولحد الان اريده واتمناه الجن والحمدلله سويته الجن من البدايه مو تعبتن يالله حصلتنه
شهد: شنو هوه خاله
امي: خاله قبل العيال يحاسبونه ع الصابونه اذا غسلنه بيها وجهنه وتعبنه وتحملنه وصرنه خدم اكثر من الخدم هيج صرنه لهم بس حِميد مذمه نكروه منا لهنا يمشون ويصيحون شمسويات عود كلنا نعزل ونرتاح منين ترتاحين لا من الرجل البي خير ولا من العيال التخاف الله شوفونه المر ماكو شي حلو وجهال وربه وسهر وضيم اسود بأسود من حطيت بيت بطلاع الروح يوميه اصلي وابجي ردت كوخ اكعد بي انا وجهالي ولا الذل الشفته من عدها كلت بناتي ما انطيهن ويا عيال لو مدري شيصير لو روحهن بي
شرطت ع احمد بيت وشرطت ع حيدر بيت صح حيدر ماعنده بس حط الها بيت فوك وبابها خارجي مو ع اهله وشفت احمد شنو سوه علمودها ف مستحيل اخسره
سارة: كل ما اجيج تصديني ع هل سسبببب هذه
امي: اي يمه عليَ ماتلكين اليحبج واليصونج مثله نعرفه ونمون عليَ
سارة: تأذيت ونكتلت وشبعت دك كلهن مريت بيهن يمه
امي: مريت بأتعس منهن الحياة تجارب يبعد امج انطي فرصة
سارة: انطيت هواي يمه وحبيت
امي: ماحبيتي جبرتي نفسج لا تجذبين عليَ بزر بطني يمه انتِ
سارةة: لا حبيت انا
امي: لعبتي بذيلج هواي يمه هواي لعبتي احمد ما ضم عليَ ولا شي كتلتي الزلمه وما كال شي منو غيره يتحمل كل هل شي حتى التحبي راح يكتلج بالف نعال حشى السامع ويطردج بس ما سواها تدرين ليش؟
لجين: ليش
امي: لان يحبج هسه كليله موت يموت ومايكلج السسبببب
سارة: يكلي علمود الحلوين
امي: الله يساعده والله وبعد انتِ بكيفج انا انطيتج مختصر من حياتي والبنت دومها ع امها مثل حضها وقسمتها يجوز الصار الج كله بي صالح وخير مثلي
سارة: ماسويت شي انا يمه يمكن هسه متأذيه ورحمي تعبان كله منه
امي: كلشي مابيج مثل الورده لا تحطين هل سلبيات براسج وجع الشهريه هسه يروح عنج
سارة: تلوميني لان مو حامل شبيدي انا هذه امر ربي
امي: ما الومج انا يمه اشاقيج رزق رب العالمين شوكت مايجي حياه الله
سارة: اتطلك منه ما اريده ما تصديني اريدج تلميني
امي: المج دوم بس اذا جان ع غلط
دووم اشوفج غلط واصير وياچ
سارة: شوكت يمه شوكت
امي: جا كدامج يمه؟ هوَ مو كلشي بالصايح والغلط دوم العلا حك ويصيح ويغلط يضيع حكه
شهد: قصدها من يجي ويسولف عنج يم امج
امج ترده وتصير وياج بس مو كدامج وكدامه تصيح يعني هيَ وياج دوم بس انت ماتشوفين هل شي
امي: فكري زين يمه ابوج مايخليج تضلين ابحدج بالبيت اول شي يكوله تسوي نغل منه هاي مو بس هوَ يكولها حتى العالم وانتِ حمره صفره وهوَ هاويچ مستحيل مايدخل بيج الحرام عليمن هل دوخة الراس بادلي الحب والاحترام شوي شوي وشوفي الفرق واذا ماشفتي من اول شهر تعاي وانا ابيع محابسي واطلكج الله شاهد وداعة كلام الله بعد
سارة: خوش ان شاءالله
امي: ادري بي فات منا وطلع منا
لجين: خليها تنام يمه خل اكعد يمها احط ع بطنها شي دافي
امي: خوش رايحة يم النسوان انا وانتن هم تعالن من تجي الملايه
زهراء: اي طبعاً
شهد: اشوف كلام امج واقعي حاولي تفكرين زين بهل فتره هوَ محتاجج لا تعوفينه ابحده رديها اله هوَ هم ما عافج بوقت مرضج
سارة: بس هوَ جان السسببب هل مره مو انا
لجين: انطي فرصه حتى لو ماتنطين مستحيل يعوفچ
زهراء: اتوقع يجي يوم ويمل
سارة: ياريت
لجين: مستحيل وانتن كلجن شاهدات يزيد ماينقص ترى مرات احسه مريض والله مهوس ترى لا تلومنه أسمه " التعلق المرضي "
شهد: قريت هواي عنه ترى
" سايكولوجي دوك "
سارة: وتالي؟
لجين: تتقبلين الوضع والحاله والحب والاحترام والسايكو مالج
شهد:هههههههههههههه والله خطيه
لجين: الله يساعدج وينصرج ع اعدائج كومن خل نلطم بنات لطمة كون شافيه مال عمارچيات
شهد: يلا بنات لا تصيرن باردات اليوم اخر يوم
سارة: حتى انا اكومن وياجن
زهراء: بيج حيل؟
سارة: اي
"كمنه سوه دخلنا جوه بالنص وبدت الملايه تقره لطم وصريخ كوه كملت المجلس طلعت ميته من الوجع ووجهي صار احمر دخل احمد علمود العشه للنسوان وشافني"
احمد: شبيج سارة بعدج متأذيه
سارة: راح اموت من الوجع رحمي موتني
احمد: ليش ماكتيلي يعني هسه من اكفر بيج هم احد يلومني
"ضل يصيح وع الصياح اجو اهلي وخواته كلب البيت كلاب عليَ ضليت صافنه ومتأذيه "
احمد: انطوني عبايه وامشي وياي يلا
سارة: ما اروح وياك لو تموت ما اروح وياك
احمد': باعي لچ اسحج هسه هنا وحق ضلع الزهره اطلعج جنازه
سارة: اي ميخالف وما اروح وياك
احمد: تعاندين وجهج صار دم
سارة: شوي واصير زينه
احمد: رحمج ياغضب رحمج شنو انت كله عادي عندج لنفرض بي شي شلون يعني تضلين كاعدة عليَ
سارة: اطك واموت وافك منك
احمد: لا تخافين ما تموتين امشي وياي يلا
امي: كولو يالله شبيكم
احمد: تبجي من رحمها بس من احمد يكلها امشي تكله مابيه شي واريد اموت ليش حبي احمد يكرص
سارة: لا تلح ما اروح وياك
احمد: الله يصبرج ياروح
شهد: روحي اذا متأذيه كلامه صح ترى بالله بيج شي ولج
سارة: مابيه شي
احمد: تعال مصطفى تعال اخذها انتَ
مصطفى: وين اخذها
احمد: ها لا مو انتَ روح صيح لعلي اخوها
مصطفى: تضحك عليَ
احمد: اي اطلع صيح لعلي
مصطفى: لمن انا اخذها
احمد: اي حبيبي انتظرني اركبهن واخذها
"هز ايده مصطفى وطلع يصيح لعلي اخوي لبست عبايتي وطلعت ويا علي وهوَ طلع ورانه"
سارة: وصلني للبيت
علي: والدكتور؟
سارة: شبيك عليَ الشهريه وهوَ خبص الدنيا
علي: عليج الله عود صدك
سارة: اي شبيك ولك حتى ضل يغلط ويريد يذبحني
علي: اي مو فصلية ابو امشي للبيت ارتاحي ونامي
سارة: اي هوَ ياريت
"وصلني للبيت وراح بقيت كاعده نمت ع ضهري ورفعت رجلي هود وجع بطني بس جعت دخلت أسبح واسوي جسمي قشرته وياي هم حمام لمدة ساعة ارتاحيت طلعت اسويلي اكل أشتهيت اكل فنكر وديو سويتهن وكعدت اكل وأباوع شوي وانفتح الباب دخل جايبلي اكل حطه ع الميز ودخل يسبح بدل وطلع من البيت كله شسورت شعري وسحبته وحسيت روحي ميته من الجوع رجعت اكلت الي جابه احمد وحجيت ويا البنات شوي ونمت ع القنفه من التعب بالبرنص فزيت ب3 بليل لابسه ملابس انا وجواريب برجلي ونايمه بغرفتي وهوَ نايم يمي منطيني ضهره رجعت غفيت كعدت الصبح جسمي كله يوجعني وبعدني موجوعه احمد نايم ويشوخر اول مره اسمعه هيج يشوخر ويون من التعب رحت غطيته وشغلت الهيتر يمه الجو بارد وانا هم نمت بالصاله ع الدفو فزيت ب3 الضهر كل هذه نوم ومادري بروحي باوعت للغرفه ما موجود"
سارة: خوش زلمه مرتب الجربايه ومطفي الهيتر وغاسل الماعين ومرتب البيت والله كفو خل ارجع انام
"فعلاً كمت بدلت ملابسي ونمت جفي منا ل12 بليل فتحت عيوني شفته هستوه جاي ينزع بالجفيه ووجه حيل متغير وضعفان يشرب بس جكاير وچاي ولا شفته اكل شي سايحه كلش كمت من الفراش رحت وراه للحمام دكيت الباب"
احمد: منو
سارة: يعني منو ابوي مثلاً غير انا
احمد: ها شتردين
سارة: اسويلك شي تاكله
احمد: لا شبعان
سارة: شبعان لو رمضان
احمد: ها
سارة: خوش بالعافيه
"مارد رحت سويتله عصير برتقال وهوَ بعده يسبح كعدت انتظر وانتظر ماكو"
سارة: معقوله انتحر لان صار يتيم
انوب ينتحر وشكلك سارة ذبحته لان تكره وانوب اروح لسجن وانا حلوه وذول مايخافون الله الضباط طاكهم جفاف يعتدون علي واحبل بنغوله يمه وابوي يدري ويكتلني يغسل عاري دخيلك ياعلي
"كمت اركض فلشت الباب عليَ مايرد"
سارة:احمد ولك احمد لا تموت عليك العباس احمد يكتلوني والله
احمد: وسم كون ياهو يكتلج خل يجي هسه ويفكني منج ومن سوالفج
سارة: عبالي انتحرت ولك كلت رحت بيها
احمد: وين تروحين بيها قصدج تديحين فد نوب
سارة: لا خفت عليك والله
احمد: لو ما انا جا هسه انت بثوثج كلها وره ال12
سارة: شعندي وره ال12
احمد: تعلمينهم ع الصلاه
سارة:قصدك صلاة الليل اي عادي
احمد: تفرحين بربوگ
سارة: مابيها شي أكسب اجر وثواب
"فتح باب الحمام يباوعلي مستغرب شلون منتظرته ادك سوالف واشرب عصير"
احمد: ترى ماراح اشرد
سارة: شردتهم جا شسويلك اهمشي ماتموت بالبيت مالتي
احمد: ليش؟
سارة: اخاف من ثنين اولشي الشرطة وثاني شي روحك تضل بالبيت ماتقبل تطلع شي خذيته منك كوه مو برضاتك
احمد: هههههههههههه استغفرلله يارربي روحي نامي
سارة: هستوني كعدت
احمد: جا لازم اشرب حبوب راس
سارة: اجيبلك؟
احمد: اي ضروري
"رحت جبت علاج مال راس شرب حبايه وراح شسور شعره وبدل لبس اسود"
سارة: اكلك
احمد: ها
سارة: شنو شعورك هسه
احمد: ماكو
سارة: كلش
احمد: اي
سارة: خاف اكو بس ماتعرف تعبر عنه
احمد: تكدرين تعبرين عنه انتِ؟
سارة: اذا جان يستاهل احاول علموده
احمد: امي دوم تستاهل بس ماجاي اكدر اوصف شعوري
سارة: مؤذي
احمد: كلش وعيونچ
سارة: لو ميته انا هم تبجي عليَ هيج
احمد: لا
سارة: حقير
احمد: ماتستاهلين عيوني الحلوات تبجي عليج
سارة: عيونك صدك حلوات اتمنى يصير عندي طفل مثل عيونك
"ضل ساكت وساكت ويباوعلي ومركز وياي حتى وهوَ تعبان وانا كضيتها اجفص وارجع ليوره"
سارة: والله كلش حلوات مسحوبات ورموش هواي وبيهن لون انوب لو بنيه الزلم يضلون يركضون وراها ع سحبة عيونها التجذب
احمد: يارب ماتجيج بنيه
سارة: ليش تخبل تطلع
احمد: لازمني كلب ثاني لها
سارة: الله يساعدك بس يجوز تطلع بتك فقيره انا بنتي تطلع عليَ
"جرني بسرعة اله لوه ادي ثنيهن وره ضهري ولزم راسي من فوك قربه يم وجه وهمس بأذني "
احمد: ماكو بنتك وبنتي كولي بتنه ".
...................................................................
عِدله وَعليج اليوم دَم صبَت العَين
كُليلي حَالي شلوُن يوم
التروحيَن؟
عادل محسن .
......................................................................
اعتذر عن التأخير بس تعرفن ولادتي وطفل جديد ماجان عندي وقت ابد ان شاءالله مابقه شي واخلصها لكم كم بارت بس ✨.
.............................
علقن وصوتن بين الفقرات ورداتي 🌷.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!