تحميل رواية «حب مبهم .» PDF

البارت الاخير من الجزء الاول ".

البارت من 11601 كلمة 🪶.

يلا هسة أستمتعوا حُلويني ، أحبكُم 💚.

ـــــــــــــــــــــــــــــــــــــــــــــــــــــــــــــــــــــــــــــــــ

سارة ــ

يَوم جديد بدأنا بيه

الساعة بالـخمسة الصبح ، گامت لُجين صلت وشوي واتصلت على حيدر سألته شوكت يوصلون ورَد عليها انهُم بالطريق يعني راجعين ....

خليتهم يحچون وطلعت بالحديقة ، سمعت علي يخابر ويضحك وأهلي كلهم نايمين

گعدت بالمرجوحة وحطيت السماعات بأذني واسمع اجنبي ماحاسة بالوقت الى أن اجت يمي لُجين

لُجين " شبيچ ؟ "

تَنهدت بهدوء ورَديت

" مابية شي "

لُجين بشقى " صگارچ بالطريق "

" اكلي نعل "

لُجين " العفو العفو ، سويلي مجال اگعد يمچ "

" تعالي "

گعدت بصفي وظلينا اثنينا نتمرجح

لُجين " شنو راح تسوين ؟ "

" شسوي ما اسوي شي مالي خلگ حچي ولا اجادل عوفيني هيچ "

لُجين " زين اذا تبقين هيچ ترتاحين؟ "

" ما ادري "

لُجين " شتردين بالضبط ؟ "

" ماادري "

لُجين " سارة شبيچ ؟ حتى لون وجهچ بهت شسالفة قابل راح ياكلچ ؟ "

رَديت عليها بأنزعاج

" لُجين گومي من يمي مصختيها ، شنو ياكلني وصگاري ؟ تخسين والله "

تجادلنا وبعدها گامت من يمي

لُجين " غمضي عيونچ خل اهزچ حيل "

" يلا "

غمضت عيوني فعلاً ودفعت المرجوحة قوي

لُجين " انا راح انام نعست امشي خل تنام انا وياچ "

" ما نعسانة "

لُجين " خوش داخلة انا "

" خوش "

دخلت جوة وشوي وطلع علي راح للحمام وانا اهز بنفسي بالمرجوحة الى أن اجاني

علي " شبيچ ؟ "

" مابية شي جاي العب "

علي " گومي نزلي كافي تخيلات خليني اصعد وهزيني "

" لا والله ؟ "

علي " والله اريد اعيش الحضة مثلچ "

نزلت منها وهو صعد وبقيت اهز بيه

علي " اقوى "

" راح تنگطع بيك مطي "

علي " الف رحمة على والديچ انا مطي ؟ "

" لا انا بس اسكت "

علي " كافي گعدي انتِ خل افرفرچ شوي "

" خوش يلا "

وگعد وظل يهز بية المرجوحة ويعيب علية لحد السبعة ونص واتصل احمد علية

غلست وعلي سوة روحه مايشوف ولا يسمع ولا يدري

علي " رايح انام عود خابري بسرية تامة "

" انچب ولك "

علي " انچبي يلا "

دخل وقفل باب غرفته ، چان باب غرفته على الحديقة يطل

رجع اتصل احمد ومارديت الى أن صارن عشر مكالمات فائتة صارت بثمانية ونص وانا گاعدة بالحديقة ولا مليت ولا تعبت

وهم اتصل ، تنَهدت بهدوء وفتحت خط

" شتريد ؟ "

أحمد بأنفعال " بنت الكلب الف مرة دگيت عليچ كلفي نفسچ وگولي هذا الچلب خاف صار بي شي ليش تغلسين ؟؟ "

" عار مايصير بيك شي "

أحمد " انا اعلمچ سهلة يلا لمي ملابسچ امر عليچ اخذچ "

" تحلم والله فلا ارجع وياك لو تموت "

أحمد " سدي حلگچ وانچبي تجين وانتِ الممنونة "

" لا والله ؟ "

أحمد " بالتسعة يمچ "

" نشوف منو يفتحلك الباب "

أحمد " خوش "

سد الأتصال وأنا دخلت جوة سبحت وسرحت شعري وحطيت مكياج خفيف لبست بدي من بدياته چنت جايبته وياي لون احمر وطويل ، ما أعرف ليش سويت هيچ لكن ماردته يشوفني وانا تعبانة وهاملة نفسي بسبب التفكير ، لبست وكملت و چنت ادري اهلي نايمين ميگعدون هسة ويشوفوني ....

طلعت صحن فواكه وگعدت بالحديقة اكل واتمرجح

ظليت افكر واتخيل شنو اسوي بيه لو فعلاً رجعت وياه ، شوي وحسيت انسحب الباب مال الشارع لأن هو چان بيه سيم بس واحد يجره ينفتح بسرعة ، ظَنيت إني اتوهم درت وجهي بسرعة وشفته واگف لابس بدي اسود وبجامة سودة عريضة والتعب مبين على وجهه بشكل ملحوظ ...

" شتسوي هنا ؟ "

أحمد بتعب " اريدچ ، امشي نروح سوة "

ظل يباوعلي من فوگ ليجوة بنظرات ما اعرف شلونها ، گمت واخذت گلبية ابوي چانت مشرورة على الحبل ولبستها بسرعة

" لا تباوع هيچ علية نضراتك نگسة "

أحمد " استغفر الله ، امشي وياي "

تقدم علية وانا ردت اروح لغرفة علي بس بسرعة جرني له

" وخر هسة اصرخ والله "

حط ايده على حلگي وشالني وطلعني

عضيت ايده بسرعة وحچيت مامستوعبة

" ولك حيوان انا بدون حجاب "

أحمد " محد يشوفچ "

" و الله؟ "

أحمد " وين تعرفين الله انتِ "

جرني جر وحطني بالسيارة ، ماظلت غلطة او مسبة ماحچيتها عليه

أحمد " اوگفي خل انزل وانا اعلمچ لسانچ طولان بربوگ "

" انت مو ماتريدني وانا رخيصة ؟؟ شكو تركض ورة هل رخيصة ؟ "

أحمد بأنزعاج " اشش شنو هل حچي ؟ ومن يمتى انا ما اريدچ ؟ "

" اوكي انا ما اريدك نزلني يلا "

أحمد " هاي وصلنا "

نزل بسرعة ورجع شالني وعضيته براسه وهو يمشي

أحمد " شنو چلب من صباحية الله "

" اي چلب نزلني ماتستحي حتى حجاب ماحطيت على راسي "

أحمد " اذا على الحجاب بس تدخلين بعد ماتطلعين فـ عادي مو ضروري "

" والله مو ضروري يعني تقبل اطلع بدون حجاب "

أحمد " اي اطلعي "

" متأكد ؟ "

سكت ثواني ورَد

أحمد " لا "

" تمام انا اعلمك "

أحمد " شلون تعلميني تنامين بحضني مثلاً ؟ "

" لو تموت بعد هاي احلام احلمهن وحدك "

أحمد " متأكدة ؟ "

" ما احچي شي بدون ما اتأكد منه "

دخلنا للغرفة وگعد على الچرباية وانا گعدت بمسافة قريبة منه

" رجعني للبيت "

احمد " ياهو يدري بيچ طلعتي اصلاً ؟ اهلچ اموات "

" اي طالعين عليك للأسف "

تمدد وانا گمت نزعت الگلبية وطلعت من يمه ، افتريت بالبيت احس اشتاقيت له هواي ...

گعدت بالمطبخ متعجبة ما اجة وراي ، رحت شفته نايم بالعرض على بطنه وبسابع نومة ... رجعت للمطبخ شغلت الطباخ وحطيت السچين على النار وگفت انتظرها تحمى وانا افكر شلون اخليه يحچي الحقيقة كاملة ؟

حمت السچينة اخذتها للغرفة بسرعة ، رفعت البدي مالته وانا ناوية فعلاً أذيه هل مرة

حطيتها على ظهره وصرخ صرخة يمكن وصلت لسابع جار

باوعت عليه وسويت نفسي بريئة

" اسم الله الزهرة بيك شي ؟ "

أحمد بألم " بربوگ شسويتي ؟ "

" شسويت ؟ "

أحمد بصراخ " حرگتيني ؟ "

" لا ماسويت شي ليش تذبة كله براسي ؟ "

أحمد " وهاي لي بأيدچ ؟ "

سكتت شوي ورَديت عليه بعدم اهتمام

" تستاهل حتى مرة لخ ماتخطف بنات العالم ياحيوان "

گام على حيله بسرعة وراد يضربني راشدي ، رفعت السچينة بوجهه وحچيت بتهديد

" بس تمد ايدك علية احطها بگلبك واموعك بتيزاب حتى اثر ما ابقي لك وارجع لألي لا من درة ولا من علم وكامراتك كلهن اموعهن وياك دير بالك والله وثم والله اسويها "

أحمد بأنزعاج " يلا تعالي تقربي تقربي "

" مبين ماتخاف ؟ "

أحمد " تعالي خل افرها واحطها بگلبچ "

" امشي لك رجعني للبيت لا اطلع وحدي "

أحمد " هيچ تطلعين ؟ "

باوعت لنفسي مخربطة والبدي نازل كلش

" عادي واذا يجوز يشوفني واحد ويوصلني "

أحمد " ويطلع گبل بيچ "

" يبقى اشرف منك "

تقرب علية بهدوء وانا وگفت گباله مارجعت بخطواتي

" ارجع والله هل مرة اسويها "

أحمد " ماتگدرين "

" سويتها مرة اسويها بعد "

أحمد " اذا انطيتچ مجال "

بسرعة اخذها مني وشمرها بعيد ، لزمني قوي وباسني وباوع علية ، ضربته راشدي بسرعة فريت راسه فر وهو انصدم سحبني وشمرني على الچرباية وضربني راشدي احس اذني صوفرت من وراه

أحمد بأنفعال " تمدين ايدچ علية ؟ اعلمچ اليوم "

" شتسوي يعني ؟ اخر مرة تشوفني شتريد سوي مايهمني "

حط ايده على فكي وعصره حيل حسيت شوي و اسناني تتكسر جريته من شعره حيل وهو تألم

أحمد " اظافيرچ طولانة لازم اگصهن لچ "

" اذا زلمة سويها "

وهو يعصر فكي حيل وانا اجر بشعره حيل

أحمد " عوفيني "

" عوفني انت بالاول "

أحمد " لا انتِ "

" فكني وافكك "

أحمد " مااعوفچ انا "

" حتى انا "

أحمد بمَكر " مو اگلچ تحبيني "

باوعت عليه بصدمة من تفكيره

" هوب وين رحت انتَ ؟ ترة ما اعوف شعرك مو غير شي "

رخت ايدي عنه وهو لزم أيدية بأثنين أيديه

إحمد " هسة ماتگدرين تتحركين "

ثبت عكسه على أيدي وچفوفه على وجهي لزمه حيل

أحمد " انتِ جبتيها لروحچ "

عضني برگبتي قوي احس شلع بلعومي شلع وانا اصرخ

" شبيك ماشايف ؟؟ "

أحمد " اي ماشايف "

رفعت رجلي وضربته ضربة قوية على رجله من جوة وهو توجع بس ماوخر

أحمد " بربوگ منو علمچ على هل حركات ؟ "

" محد "

أحمد " متأثرة بالاكشن هواي بس عفية اذيتيني "

" وخر جنك ثور فوگي نايم "

أحمد " شسالفة هيچ ماتتحملين ؟ "

" اي مااتحمل جسمي ضعيف مو مثلك ثور روح شوفلك وحدة ثانيه تتحملك انا ما اتحملك "

أحمد بألم " تتعودين تتعودين "

يحچي بس متأذي

أحمد بألم " هسة احير بيمن ؟ احير بالچوية لي بظهري لو برجلي بس فهميني ؟ حتى راسي گام يأذيني "

" تستاهل هسه اگدر ابلغ عليك واگلهم خطفني "

أحمد " شتگولين ؟ اجة زوجي اخذني من بيت اهلي ؟ يضحكون عليچ "

" مامعتبرتك زوجي انا لا تفرح نفسك "

أحمد " غصباً عليچ انا زوجچ رضيتي او لا "

" گوم لعبت روحي منك رجعني للبيت "

لزم شعر راسي بأيده حيل تأذيت بس ما بينت له

" وخر "

أحمد ببرود " منين تلعب نفسچ ؟! "

" منك "

أحمد " ليش ؟ "

" من تصرفاتك الخايسة "

أحمد " شسويت ؟ "

حچيت بسرعة وبنفس واحد وانا اباوع بعيونه وهو مركز علية

" حاولت ابلش من جديد وياك بس كل ما ابلش تبين على حقيقتك اكثر انت ما تحبني مجرد تحبني علمود شهوتك "

ضاج و ضربني راشدي

أحمد بأنفعال " سدي حلگچ وامشي انگلعي لأهلچ وجهچ بعد ما اريد اشوفه انتِ اسلوبچ هذا الجايف صدگيني محد يعيش وياچ حمدي ربچ انا قابل بيچ "

" اكو الف واحد غيرك يتمنى كلمة هلو مني بس انا ما اهتم اخر همي الذكور "

گمت من يمه وردت اطلع وجرني

أحمد بهدوء " استغفر الله ، ليش تستفزيني ؟ گتلچ يابة ساعة عصبية قابل صدگ انتِ هيچ ؟ "

" الى متى انت تدخلني بعصبيتك بكلشي ؟ منو الغلط ؟ سارة منو الي بلشت ؟ سارة منو ومنو ومنو كله سارة سارة سارة الله ياخذني وافك منك وافك منكم كلكم لعبت روحي منكم كلكم حتى ما اگدر احط عيوني بعيون اخوي وابوي احس روحي رخيصة ، كلامك عندي ايع مو حلو واذا عصبت شلون گدرت تنطق وتگول انا احب جسمها واختك مثيرة ؟ قصدك مثيرة بالفشاير لو بشنو؟ لعبت روحي من روحي وجايني احبچ واموت عليچ ؟ وين وين ؟؟ "

حچيت بسرعة ودموعي نزلت على خدي كملت كلامي الى أن توقفت عند سؤالي

أحمد " شنو وين ؟ "

" وين حبك هذا لي تگول عليه حب ؟ وينه ماجاي اشوفه ؟ انت تريدني بس لك مقيدني بكلشي مقيدني هذا لاتحچين وياه وهذا ممنوع هذا ماتلبسينه هذا ماتحطينه كلشي لا كلشي لا انا گاعدة وياك بسجن لا عبالك مرتاحة لا متضايقة حتى بيتك ما اريده ولا اريد اي شي منك مستعدة اتنازل عن كلشي بس عوفني وخليني بحال سبيلي ابوي يخاف من حچي الناس وامي صافة وياك وشويونة وياي انا ثگيلة على الكل "

نهيت كلامي بأنهيار وهو واگف گدامي يباوعلي و على ملامحه الندم

أحمد بهدوء " بس مو علية ، انتِ اخف من الهوى على گلبي "

باوعت عليه منهارة ورَديت وانا اصيح

" كلامك كله چذب ما اصدگ بيك ولا تحاول وياي ابد ما اصدگ بأي حرف تگوله "

شافني صرت عصبية اجة يحاول يهدء بية وانا ابتعد عنه

گعدني على الچرباية وجابلي گلاص ماي

أحمد بهدوء " نامي "

" رجعني لبيت اهلي ما اريد ابقى يمك اذا بقيت يمك اسوي بيك شي بعمرك ما متوقعه "

أحمد " سوي "

ألتفتت عليه وسألته ببرود

" والله ؟ "

أحمد بهدوء " والله اذا تردين ترتاحين سوي لي يعجبچ "

" متأكد ؟ "

أحمد بهدوء " اي اهمشي تسامحيني وتبقين يمي عسى ما تموتيني "

أومأت له

" خوش "

رحت جبت كرسي من المطبخ للغرفة

" اگعد "

گعد بدون مايحچي شي ، رحت للكنتور طلعت خيط يصير نايلون مثل مال الأساور بس اقوى

" سد رجليك "

أحمد " شتردين تسوين ؟ "

" اشوفك الحب "

احمد " شنو هاي جديدة ؟ "

" اي دامك حلالي ومابيها شي ليش ما اسويها ؟ "

فرح عباله الي بباله يصير ، سد رجليه بكل قوته شديت الخيط على داير رجله ورجعت على ايده نفس الحالة

" لازم اجرب قوتهن مو بسرعه وتفتح الخيط "

أحمد " جربي "

ضربته راشدي قوي وهو غمض عيونه بأنزعاج وحچة

أحمد " لاتعيدينها ترة احطچ بمكاني "

" افتح الخيط بالا "

أحمد ببرود " قوي "

جبته براشدي ثاني قوي

أحمد بأنفعال " سارة "

" افتح "

أحمد بأنفعال " قوي بنت النعال "

" انت النعال "

لزمته من شعره قوي وضربته راشدي قوي ، حسيت تجمعت سوالفه كلهن بعقلي ، نار الأنتقام اشتعلت بية ومستحيل اسيطر عليها بعد

اصابيعي انطبعن على وجهه وهو يحاول يسيطر على نفسه بصعوبة

أحمد " خلصتي ؟ افتحيه اليوم اراويچ نجوم الظهر بس فتحي اذا مرة وطالعه من ظهر ابوچ افتحي الخيط بنت الكلب اعلمچ اليوم "

گعدت گدامه وانا فرحانة گمت اضحك على شكله وهو عصبي

" والله حلوة شغلة الخطف "

حطيت رجل على رجل وانا رجلي واضحك وهو يباوع محترگ حرگ ، رحت جبت ببسي من الثلاجة وگعدت گدامه اشرب واضحك عليه

لا ضل كفران ولا ضل غلط ماگاله وانا مستمرة بالضحك

" هسة راح ابلش بالخطة بي "

أحمد " هواي مأثرات عليچ بنات التيك توك ورقية اذا ما احرمچ منهن اطلع گـ *** "

" اوف احمد اوف "

أحمد " وسم قبل شوي عصبية همزين ما انجلطتي وهسة تضحكين مسودنة انتِ ؟؟ "

" چنت امثل عليك بس طلعت غبي ، شفت مو گتلك تفقد علمود شهوتك ؟ مجرد گتلك اشوفك الحب ذبت وانتهيت "

أحمد ببرود " خلصتي ؟ "

" لا بعد شوي تحمل "

احمد " ساره زودتيها "

ضربته راشدي قوي وانا ملامحي خالية بس اباوع عليه

أحمد بأنفعال " حقيرة "

" اششش ما اسمع صوتك دوختني "

أحمد " حضري روحچ اشمرج بمستشفى مال المسودنين انتِ تشكلين خطر على حياة الناس "

" بس وياك "

أحمد بملل " تخوفين گمت اخاف "

" المفروض هيچ "

أحمد " كملي يلا كملي "

سكتت شوي وانا اباوع عليه

" ليش احسك تگدر تفتح نفسك بس جاي تتحمل علية ؟ "

أحمد بأبتسامة خاوية " لو اگدر چا كسرت سنونچ بس مااگدر ، منين جبتي ذن ؟ "

" اشتريتهن من زمان وينگصن بس بسچين "

أحمد " روحي جيبي سجينتچ وتعالي ام سجينة فتحيهن لا افتح راسچ "

" تخسى تفتح راسي ، راح احول على لتعذيب الثاني "

أحمد بملل " بس لو تخففين افلام انا بخير انتِ منا عقلچ مضروب وتشاهدين اكشن زربتي بالوضعية "

گمت من يمه وطلعت رحت حميت السچين ورجعت يمه

" هسة اخليك تصرخ لربك مثل ما تخليني اصرخ اعلمك الا اشوعط گلبك "

أحمد " گلبي معطب من وراچ ارحمي بحالي "

" سهلة سهلة "

رجعت للمطبخ شلت السچينة اباوع عليها وانا افكر بكل سوالفه السواهن بية رحت له وهو باوع علية بأستنكار

أحمد بتهديد " دير بالچ والله اجويچ بيها لاتخليني ارجع لأسلوبي القديم ، تغيرت علمودچ "

" اشش ولا اسمع صوتك "

رجعتها على الطباخ وارجعت

" عفيت عنك بعد لا تخاف "

جبت المگص وشگيت البدي مالته

أحمد " ليش احبه هذا "

" حتى انا احبه بس لازم هيچ حتى تحس "

باوع عليه مستغرب ، رحت جبت السچين بسرعة وتقدمت عليه چويته على مكان گلبه ، صرخ وسديت حلگه بأيدي وهو عيونه صارت نار

حچيت ببرود تام وانا اباوع عليه شلون يتألم

" ها حسيت بحرگتها ؟ هيچ گلبي چان يحرگني منك بدون ماتچويني بالنار انا انچويت من كلامك ، هوسة چانت براسي كله منك مرضي وجعي وضياعي كله من وراك ، بهذلتني حتى گمت اخاف انام كله منك حتى بأحلامي اشوفك حتى وانا احلم بيك تأذيني حتى بالحلم تأذيني "

احچي بألم واحس دم

وهو مركز بكل كلامي ، رجعت السچينة على نار ، حمت ورجعت يمه ، چويته بأيده ما انطى ردة فعل بس عيونه تحچي كلشي وهو مركز بوجهي

" بهاي ايدك كسرتني تكسر ظليت ليالي وانا مااگر انام من وجع جسمي ، گمت اشرب حبوب بسكتة حتى اسكت الوجع بس مايسكت يزيد يزيد ماينقص "

رجعت حطيتها حيل على ايده عقچ وجهه متأذي

" هذا وجعك قليل والله قليل ، انا تأذيت اكثر صح هاي چوية ووجعها بالگلب بس ريتك چاويني ولا مبهذل احوالي هيچ ، بهذلتني هواي خليتني من انام افكر بالف شغلة وانا چنت من انام احلم احلام وردية بنص تعبي من ابوي وانا احلم بالأحلام الحلوة بمجرد لمحت وجهك صرت اشوف كوابيس لا تلومني ...

من اگلك انت الشرير الوحيد بحياتي "

اخذت السچين رجعتها على النار وبقيت واگفة بالمطبخ ، نزلن دموعي ومسحتهن بسرعة ، رجعتاخذتها وحطيتها على رجله وحچيت بحرگة گلب وانا اتذكر فترة شَلل رجلي بسببه

" بهاي رفستني وشليتني گمت مااگددر امشي بسببك ضربتك لي چانت قوية ، من وراك گمت اشك بروحي انا صدگ مريضة بهاي رجلك رفستني وحسيت روحي طلعت بسببك وبسبب وحشيتك نزفت دم هواي ، شلت السجين وبعدها حارة حطيتها على الثانية

" وبهاي ضربتني حيل على بطني حيل بحيث گمت اتلوة من وجع رحمي صرت اصرخ بس صرختي من جوة مو يمك چنت ابچي من وجع جسمي بس بسكتة حتى ما اخليك تشوف دموعي "

سكتت وگعدت مقابيله وهو ساكت همين

" ماتحچي ؟ "

أحمد بهدوء " كملي "

" جاهز تسمع سوالفك الخايسة ؟ "

أحمد بهدوء " اذا ما اسمعچ انا اسمع منو ؟ فتحيني وكملي براحتچ ما امنعچ ابد لحد ما يزيح همچ "

" ما اظن يزيح ، الماضي يفتر وراي مايقبل يخليني اعيش مستقبلي دمرني "

عفته و رحت حميتها من جديد وانا افكر وكل شوي امسح دموعي

حطيتها على ايده اليمنى وهو يتألم بس مينطي ردة فعل لكن ألمه مبين بعيونه

" بهاي ضربتني وخليت حلگي وخشمي يصبن دم

على شي تافه ، كله منك انا اگول عن نفسي مريضة مرات اشك بروحي واگول انا الغلطانة بس انا مو غلط انا صح اسلوبي وياك كله بسبب افعالك تدگ الباب تلگة الجواب ، انا متخربطة والي يسألني على حالي اگله مادري لأن انا صدگ ماادري ، احبك لو اكرهك ؟ هم لا ماادري انا ماادري افكر بيك لو ما افكر بيك؟ هم لا ماادري شنو انا ماادري والله وثم والله تعبت گمت اصلي وادعي ربي ياخذ امانته لأن انا كلش تعبت التفكير اكلني اكل وانا بعدني ما صرت عشرينية من سوالفك كبرتني هواي احس روحي تعبانة وما اعرف لمن اشكي ؟"

دموعي نزلت وانا احچي بحرگة گلب ، ما گدرت اسيطر عليهن ولا امسحهن

" اكتم واكتم ومن انفجر اضعف ، انا مو قوية انا اتظاهر القوة انا تعبت اريد اموت بس هم ما اموت يومية اگول راح انام ومن اگعد انا يم ربي بس ماكو شي اگعد يمكم ، ما اريدكم واريدكم هواي هواي اكو هوسة براسي محد يسكت اذا سكت واحد حچوا عشرة ، اصوات براسي هنا محد يسكت ويريحني انت شتريد مني تعيش وياي ؟ عيش بس على الاقل لا تجرحني وتكسرني يومية ، انا مكسورة من اهلي لا تكملها علية انت هم ، داخلي متحطم هذن چوايتي لك مايوصلن ربع چوايتك لي ..... ما كافي ؟

فكر زين وخلصني من سجنك تريد تحرگ اهلي احرگهم بس خلصني واحرگني وياهم مااگدر اتحمل فراگهم وبنفس اللحظة اگدر ، انا ماادري بروحي شنو اريد انا بس تعبانة ....... فكرت بأختك ومافكرت بمشاعري ليش احمد ؟ انا مو بشر ؟ انا عندي احساس انا اكثر بنية حساسة بس ما ابين يعني اذا چنت غامضة هيچ تحچي علية ؟ انا حساسة اكثر من اختك انا مو قوية كافي تگول انتِ قوية وانتِ تتحملين انا ما اتحمل الكتمان موتني لا كلساع تگول انتِ ماتحسين وانتِ ماعندچ احساس انا عندي والله عندي ، محد يفهمني انا بذات نفسي ما فاهمة روحي شتريد مني ؟ ......... صفي بالك وخلصني منك ورااح اسامحك دنيا وآخرة اذا طلگتني "

كملت كلامي وانا اگله يطلگني لكن مثل ما گلت ما ادري اذا فعلاً اريد هل شي لو لا ؟ راح ارتاح لو لا ؟

رَد عليه والندم وتأنيب الضمير واضح على وجهه بسبب كلامي

أحمد " سارة ما اگدر بدونچ انا والله مااگدر افهمي وضعي ، ما اگدر على فراگچ "

" لا احمد تگدر والله تگدر محد يموت روحه على شخص تعيش وتتزوج وتكون اسرة "

أحمد بهدوء " اريد اعيش وياچ واكون وياچ بس انتِ لان الوحيدة الشاغلة كل تفكيري انا افكر بيچ أگعد افكر بيچ اكل تجين على بالي دوم على بالي حتى ما الحگ انساچ "

" تتأذى سنة سنتين بعدين تنسى "

أحمد بهدوء " يزيد حبي يوم عن يوم لچ مستحيل انساچ مستحيل لا تحاولين وياي انا قافل عليچ ما اعوفچ لحد ما الله ياخذ امانته انتِ بس لي ماعاش لي يمنعني عنچ "

سكتت أباوع عليه ما اعرف شنو احچي بعد ، احس تعبت من الحچي حتى ، فتحت خيوط رجليه بالسچين وهو گام بسرعة وجرني وياه

" وين ؟ "

أحمد " امشي وياي "

وداني للمطبخ وحط السچين على النار وچواني برجلي بس خفيفة

باوعت عليه وحچيت ببرود وعدم اهتمام

" لا تحاول تسوي مثلي لأن ما حسيت بيها ولا تأذيني لأن انا محترگة من جوة ماتفيد نار بنار "

أحمد " هاي الچوية انا ابردها لچ وابرد النار لي بگلبچ كلها اطفيها "

" ماتگدر "

أحمد " نشوف "

گعدني على الكاونتر وبسرعة باس الچوية لي برجلي

نزلت بسرعة لزمني وجرني له باسني وانا اباوعله ببرود ولا اهتميت ، صارت بـ2:00 ونص واحنى گاعدين

" وديني للبيت "

احمد بهدوء " خوش "

بدلت ملابسي ونزعت البدي شمرته عليه

" هاك كل ماتشتاق لي البس هذا "

أحمد " مو ضروري اجي اشوفچ مو صعبة عندي "

" نشوف "

بدلت وطلعنا وصلني للبيت بقى يباوع علية لحد مادخلت ..... دخلت جوة ماشفت احد بس لمحت امي تصلي كملت وحچت

أمي " وين چنتي ؟؟ "

" ويا احمد "

ظلت تصيح وتحچي علية

أمي " ماتردينه وتطلعين وياه بسكتة هاي يسمونها عيارة لو تردينه وترحين وياه وتسدين السالفة لان فضحتينا "

" شنو مسوية مسكورة ومادري ؟ "

أمي " لو مسويتها اشرفلچ چان كتلناچ وفضت السالفة "

باوعت عليها ، كلامها سچين انغرست بگلبي بس كل هذا ومابينت الها شي

" انصحچ روحي نامي لا تكملين صلاتچ لان ماتوصل باب الشارع ام لو شنو انتِ ؟ "

أمي " ولچ ساقطة بسيطة يجي ابوچ لو مايجي "

" واذا اجه شنو يعني تخوفيني ما اخاف وهم وصليها له "

اجت تريد تكتلني سديت الباب بوجهها وقفلته ونمت ....

گعدتني لُجين حچت وياي

لُجين " شكو ؟ "

" اجة احمد سحلني سحل واخذني وامچ تگلي تتونسين رايحة وياه "

لُجين " يعني خطفچ ؟ "

" اي هيچ شي حتى بدون حجاب وامچ تتخيل "

لُجين " نامي هاي بوخة عبالچ تسوي شي ؟ لا تهش ولا تنش "

" اي ارجع انام "

رجعت منمت وگعدت على صوت عالي ... امي وابوي يتعاركون فتحت الباب لُجين وطلعت هي سكتتهم وحچت لهم كلشي

لُجين " مرته ومن حقها تتفاهم وياه واذا هو خطفها واخذها شتردون تسوي ؟ اكلتوها حاصل فاصل "

علي " انتم واحد يجر طول واحد عرض البنت تريد طلاگ طلگها وفض السالفة واصلاً انا گتلها روحي حتى تتفاهم وياه لأن انتم مابيكم خير وتحلون السالفة الام تخاف ومادري منين الاب يخاف من اخوانه عليمن مادري "

خصم كلامه وياهم وهُمَ سكتوا واجة يمي

علي " يلا گومي خل نطلع ناكل برة "

" خوش "

لُجين " انا هم اروح "

" بدلي يلا بس بدون مكياج لان هسة هوسة وناس "

طلعنا رحنى للمطعم تعشينا واحنا نضحك ونسولف وراها اخذنا لمحل سبونج بوب مال موطة ، اكلنا والطريق كله احنى نضحك على لُجين وحيدر وانا أحس نفسي شوي ارتاحيت ، صح افكر بأحمد وشنو راح نسوي بس خلاص على الله بقت لأن تعبت ....... وصلنا للبيت دخلت بسرعة غسلت ونمت لثاني يوم گعدت وسهرت على مسلسل ماطلعت من الغرفة ابد اتصل علية احمد فتحت خط وسديته بوجهه وبعد ما اتصل ...... مَرت أيام عادية لكن انا وعلي بس حطينا محامي علمود يسويلنا شغلة الطلاق ........ الى يوم العيد الاربعاء الساعة بـ 12:00 ضبط عايدني و رَديت عليه فقط بـ وانت بخير .

ـــــــــ

اجتمعنا ثاني يوم كلنا ببيت جدي وگعدنا نسولف ونضحك ونلعب ، صاحني احمد ورحت گعدت يمه وهو ظل يحچي وياي الى أن هددني !

تهديد يخص البنات ، شهد واختها ولُجين وعماتي الصغار وگال افضحهن ... باوعت عليه وانا اسوي نفسي ما اعرف شنو يقصد

" تفضح منو وشنو عدهن هنَ حتى تفضح ؟ "

قربني عليه وحچة بأبتسامة خافتة

أحمد " تعرفين مو ضروري احچي واذا ماتدرين ترة سوالفهن كلهن اذا انطيهن يموتن تگدرين بس انتِ تساعدينهن وبكيفچ بعد ، ابوچ يدري هم بس ساكت ، وانتِ يامرتي هم وياهن فـشتگولين ؟ "

" والله انا مامسوية شي "

أحمد " اششش كلشي اعرف "

" وفلوس المحامي ؟ "

أحمد بهد ء " يرجعن لچ لا تفكرين اهمشي تكونين مرتاحة "

يحچي ويلعب بشعري بكل هدوء

" يخلص العيد ، خليني افكر واردلك الخبر "

أحمد " الجمعة اريد جواب نهائي لان البيت مو حلو بدونچاذا ما اتصلتي الجمعة وگلتلي تعال السبت شاهدي وسمعي بس الاخبار اطشرهن "

گمت من يمه وحچيت للبنات وهنَ گالن ارجعي واستري علينا ....

رجعنا للبيت وكلامه يفتر براسي ، اذا ما ارجع يطشرهن مثل ماگال وهذا كلشي يسوي يعني مو بعيدة عنه هل سوالف ، ظليت افكر الى أن قاومني النعاس ونمت ....

گعدت ثاني يوم الأمور عادية ، اكلت وكلمت رحت اغسل ودگ تلفوني ، شفت المتصل چان عمي ابو مصطفى

گلبي حسيته وگف لثواني ورجع ، فتحت الأتصال واجاني صوته

عمي ابو مصطفى " راح يجيچ احمد تعالي وياه "

" شكو ؟ "

عمي ابو مصطفى " توصلين وتعرفين "

سد الأتصال وانا بسرعة رحت طگيت تراك اخوي الاسود ووجهي ماچان بيه قطرة مكياج وشوي واجة احمد ، صعدت بدون كلام ولا حتى سلام وهو كذلك ، باوعت عليه عيونه بگصته وعصبي

وصلنه ودخلنا واجت فاطمة

فاطمة " شبيچ چنچ مطلقة ؟ "

" بس ابقى احلى منچ "

ضحك احمد بخفة وهي ضاجت ، گعدنا وشوي ودخل ابو مصطفى وابو احمد وابوي چان بالدوام هم ودخل بهدوم الشغل واجة علي يمي

علي " شكو ؟ "

" ماادري "

واجة عمي ابو فهد الي بس بالمشاكل نشوفه ... گعدوا وانا اراقب حركاتهم منتظرتهم يحچون عن سبب تجمعنا هنا

ابو احمد " عمي لي جاي تسوينه غلط "

" شنو الغلط ؟ "

أبو احمد " مال دعوة الطلاگ الخلعي هذا طلاگ مو لعبة "

احمد بأنزعاج " منو طلب منكم تتدخلون حياتنا ؟ "

ابو أحمد " انت انچب شنو مانتدخل ودعوة سجن وطلاگ شنو صغار انتم ؟ "

ابو مصطفى " كله من هاي هي لي تريد ترفع دعوة عليه "

علي ببرود " انا وياها سويها جمع مو مفرد "

ابو مصطفى " انت اسكت تريد تهجم بيت اختك

ماتخاف الله؟ "

علي " لا ما اخاف وشتريد تسوي سوي "

حچيت وانا اباوع عليهم واحد واحد

" انا بكامل قواي العقلية وانا ويا اخوي شكو بعد تتدخلون ؟ هاي حياتي مو حياتكم "

ابوي گاعد ساكت تمنيته يحچي ولو كلمة لكن ماكو ساكت اكيد لأن الأمر بأيدهم

ابو فهد " انتِ من عدنا واحنى ناس معروفين وكلها درت انُ تردين ترفعين دعوة على زوجچ وزوجچ ملازم له سمعته وهيبته "

حصرتني الصحكة وبسرعة ضحكت وأحمد يمي

أحمد " عيب "

ابو فهد " وعلى ابواب يترقى نقيب "

" مايهمني واذا يصير نقيب شنو يعني لازم اخاف ؟ "

ابو فهد بأنفعال " شلون تحچين وياي هيچ انتِ ؟ "

" متدخلة بحياتك انا ؟ لا ... بحياتكم ؟ هم لا فـرجاءً محد له حق يتدخل بيني وبين زوجي ... كلامكم على عيني وعلى راسي بس انا مقررة وما اريد انسحب "

ابو مصطفى بصراخ " تردين تغطين روسنا بالطين ؟ "

غمضت عيوني بنفاذ صبر وفتحتهن ، هذول ميفيد وياهم الحچي بأدب

" من زمان انتم مغطوطين عليش هسة صرتوا زلم علية وگمتوا تحچون وتصيحون ؟ "

گام بسرعة جرني وضربني راشدي سكتت ماحچيت شي وماحسيت الا بأحمد گام ودفعه

" رجعه له "

أحمد بأنفعال " منو سمحلك تمد ايدك عليها ؟؟ انا گاعد چان احترمت "

ابو مصطفى " انا وياك ترفع ايدك عليهة "

تدخل مصطفى واجة عليهم وعلي اخوي صاح بيه

علي " ارجع لا افرمت وجهك "

صارت هوسة وحچي وظل يشَمر حچي على علي

دفعه علي وتعارك ويا عمي ابو مصطفى واحمد فاككهم

ابوي بعصبية " صلفة عاركتي الزلم "

باوعت عليه حسيت بغصة بگلبي من كلمته

" شدعوة عيني هستوه طلع صوتك علمود اخوانك ، انا بنتك من لحمك ودمك شعجب ما طلع صوتك عليهم وصرتلي سند ؟ صارت سالفتي على لسانهم وصار اليسوة والمايسوة يحچي بية چان تذكرت المواقف الحلوة لبيناتنا ... صرتلك زلمة انا مو مرة زلمة صرت وياك چان اعتبرتني ابنك وطالع من ظهرك هسة حميت لأن احمد واخوي ضربوا اخوك الزين ؟ .......هذول الزلم لي تگول عليهم انا طشرتهم هذول جوه نسوانهم صايرين جراوي "

ظلوا يحچون وين الاحترام ويصيحون

" ماكو احترام دگيتوا الباب ولگيتوا الجواب انا انسانة ما استحي لي يحترم نفسه احترمه غير هيچ ماعندي كافي تتدخلون بشغلات ما تخصكم

انا بعمري ماتدخلت بشي يخصكم "

ابو فهد " انتِ مرة "

" اي مرة بس مواقفي اكثر من مواقفكم انا رجال وافتخر بهل شي ، محد مرخوص ويحچي عني وعن حياتي انا حرة شنو اريد وشنو ما اريد اهلي اتبريت منهم وانتم كذلك ابد ولا بيكم خير انت ابو مصطفى عمي الغالي تريد تبيع بنتك لواحد متزوج وتلعب ورة ظهرك ربيها بعدين تعال علمني ، انا ما اگلك اهلي ربوني عدل لا انا ربيت روحي بروحي ما احتاج واحد بيكم انا اسند نفسي كافي بعد ما اسكت .... وانت عمي ابو احمد چنت التجئ لك حسيتك اب حقيقي اجيت يمك لان احسن من ابوي وابوي حرامات اگول عليه اب تالي ماتالي تگلي تكاتلين الزلم ؟؟ هُمَ وينهم الزلم ؟؟؟ كل واحد نايم بحضن مرته وبس براسي صايرين كفو "

ابوي " احترمي طايحة الحظ "

" لان كلامي صح انا صرت طايحة حظ ؟ محد اجة وگال شبيچ وليش هيچ وشنو محتاجة ، كلمن راقد على عائلته وابو فهد هستوه ظَهر نفسه ويتكلم ابدلكم ، شكراً انا ما اريد تصيرون خير كفوني شركم احسن انا واعية واعرف شنو اسوي بالغة سن الرشد وهذا كافي وانتم شهود انا ما عندي اب ولا ام فقط اخوان وهم اخواني اذا لعبو بذيلهم اتبرة منهم واعيش لنفسي كافي وانا عايشة للناس تعبت وكله منكم شگال الشرف وشحچت السمعة الحمدلله شرفي راح لزوجي وبالحلال واذا چانت على السمعة فـ انتم ماعدكم سمعة من زمان "

ابوي " احنى علمودكم نريد لكم الخير "

" شنو احمد باچي بحضنك على الخير؟ "

ابوي " لا "

" هذا هو وانا باچر ارجع لزوجي ولبيتي محد يتدخل بية منا لآخر يوم بحياتي حتى على جنازتي لا توگفون انا لي اشوفه العائلة قوة وسند وللموت سوة بس انتم للأسف للغريب هيچ تسون بس لمنكم وبيكم تطيزونه وانا منا ورايح هم اشتغل مثلكم طز للكل "

حچيت وهُمَ فقط اكتفوا بالسكوت والسَماع

" جايبيني هنا شنو تضحكون على عقلي ؟ تخسون والله انا اضحك على العالم مو انتم ، دير بالكم تصيرون طرف خير بحياتي ما اريدكم ولا اتشرف بيكم كلكم مابيكم خير وجوة النسوان تصيرون زلم براسي "

احمد " كافي سكتي واحترمي "

" انت اشششش ولا تحچي حرف زايد "

أحمد " اعلمچ "

" شتسوي تراويني رجولتك وتضربني ؟ "

ابو مصطفى " زين يسوي بيچ تستاهلين "

ألتفتت له ورَديت وخليته يدنگ راسه ويسكت لأن سويت بنته فُرجة

" ديلا يكتلني ولا اراسل واحد متزوج وابچي عليه "

احمد " كافي سارة زودتيها امشي نروح "

" كلامي ما خلاص "

احمد " شبالعة مسجل ؟ "

علي " خل تطلع حقيقتهم خليها تريح بالها مو لعبة بين اديهم ، كملي احچي كلشي "

" احمد ترة الرجولة مو بالضرب والفشاير الرجولة افعال من تسوي زين وافعالك قوية وياهو اليجي يگول رجال ابن رجال مو تمد ايدك على مرة لا مو على مرة على طفلة ، تعتبر نفسك رجال لا والله انت ذكر "

راد يگوم وگام بوجهه علي

أحمد " سكتها گامت تتجاوز "

علي " هاي الحقيقة ليش ضايج ؟ اگعد خل تكمل ونروح "

گعظ احمد وعلي گالي كملي ، شوي ودخل علاوي اخو احمد

علاوي " شكو وجوهتكم صفر ؟ "

رَد عليه عليه اخوي

علي " وگفتهم على رجل وحدة "

ظلوا يضحكون اثنينهم وگعدوا سوة

أحمد " كملي سويتينا مضحكة گدام اليسوة ولمايسوة "

ابو احمد " ياهو مايسوة هنا ؟ "

أحمد ببرود " كلكم ماتسوون بس هي تسوة "

ابو احمد " سوتك ذكر "

أحمد بأبتسامة " مايهمني "

باوعت عليه وأبتسمت بخفة بس بسرعة رجعت ملامحي طبيعية ، وللصراحة حبيت هل شي منه

ابو مصطفى " اخذها وروحوا لمستشفى مال المجانين احسن لكم "

" هاي لان طلعت شوي من سوالفكم ضجت وسويتني مسودنة ؟ "

ابو مصطفى " اصلاً انتِ مو بعقلچ "

احمد " كافي محترمك لأن اكبر مني شنو مسودنة ؟ غير خيطت حلوگتكم "

ابو فهد " هسة اگوم اكسر رجليها "

أحمد " اذا زلمة گوم وانشوف منو يكسر منو "

ابو فهد " انت تفتخر عندك مرة تكاتل زلم ؟ "

احمد " اي افتخر "

" عمي انا ماحچيت شي لو احچي شي كلامك كله اطبقه واخلي طشاركم ماله والي واطبق كلامك وصدگ اصير كتالة زلم بس ساكتة انا اسكتوا عني لا افضح الاول والتالي "

جرني علي بسرعة

علي " امشي بس تبقين بعد تفضحين الاول والتالي "

ابو احمد " خل تفضح شنو تعرف بلا ليش ساكتة "

احمد " علاوي طلع اختك ووديها للبيت بسرعة "

شالني علي وهو يحچي بضحك وانا اصيح

علي " امشي فضحتينا "

" خل اكمممممل "

علي " انچبي "

رجعني للبيت ودخلت بغرفتي وظليت گاعدة بيها ما طلعت منها .... الى أن دخل ابوي علية وهو يباوعلي بنظرات خَائبة

ابوي " نزلتي راسي گدام عمامچ "

عافني وطلع ، ما اعرف شلون اوصف شعوري بهل لحظة لكن اقل شي اگدر اگول عنه انه اسوء شعور مَريت بيه بحياتي ......

لَمن واحد يشوف كل اهله متخلين عنه وميوگفون وياه وقت الي يحتاجهم راح يكون اسوء شعور

لَمن واحد يشوف اهله يحچون عليه گدام الي يسوة والي مايسوة وميدافعوله راح يكون اسوء شعور له

لَمن وحدة تكون تكره الشخص الي يحبها ومستعد يسوي اي شي علمودها و تتركه فقط لأجل غلطة او كِذبة وتروح تلتجئ لعائلتها الي متوقعة منهم يحموها ويوگفون وياها ويطلعون عكس المتوقعته ، يوگفون ضدها ويحچون عليها واليوگف ويدافع الها فقط الشخص الي عافته ولجئت الهم منه ، راح يكون اسوء شعور الها ايضاً ...

فَشلون وانا صارلي كل هل اشياء ؟ شنو شعوري وانا مَريت بيهن كلهن ؟ اكيد الجواب هو شعور شيئ لأبعد حَد .

ــــــــــــــــــــــــــــــــــــ

گعدت افكر بعائلتي وبكلشي صارلي من طفولتي لحد هذه اللحظة ، ما اتذكر شي حلو كلش عشته وياهم ، ما اتذكر حَنان من أمي علية ما اتذكر ابوي گعد يدرسني او يلعبني ما اتذكر اي شي حلو وياهم .... كل هذا وانا احبهم واهتم لهم لو صار اي شي

وأحمد ؟ ... احمد الي كرهته وجرحته همين هواي صحيح مو مثل جَرحه لي لكن ايضاً ماقصرت وياه انا

وگف وياي وما انطى بية گدامهم ، بالوقت الي انضربت بيه گدام ابوي الي ما حرك ساكن أحمد گام ودافعلي وماقبل وتعارك وياهم علمودي ، رغم تجاوزت عليه لكنه ما حچة ولا سوة مثل ماسوة ابوي الي المفروض يكون سند لي ...

خلاص بعد هاي هي لهنا وانتهت ، أرجع لبيتي ولزوجي المتأكدة انه ماراح ينطي بية او يخلي واحد يأذيني او يهيني

صحيح عصبي وطبعه حاد لكن على الأقل يحبني ويظل احسن من اهلي وعسى ولعل اگدر اغيره للأحسن بعد ويصير زين .

عفت تفكيري على صفحة وگمت غسلت وجهي ورجعت گعدت ووصلتتي رسالة من احمد

أحمد : ها .

سارة : وجعا .

أحمد : شبيچ ضايجة مني ؟ .

رَديت عليه وانا مبتسمة عباله بعده ضايجة منه ، يمكن اي بعدني شوي ضايجة لكن بعد الي صار اليوم وشفته ش لون حچة وياهم علمودي انزاح نص چبير من الضوجة

سارة : شگد مازوخي انت .

أحمد : شنو مازوخي ؟ .

سارة : حلو .

أحمد : لا مو بحلاتچ .

حسيته قصفني بس بغير صورة

أحمد " بالسبعة الصبح يمچ .

سارة : شنو حلمان بية ؟ .

أحمد : مشتاقلچ هواي حتى نوم ما راح انام .

سارة : نايمة بالسبعة .

احمد : مشكلتچ .

سديت التلفون وگمت لميت غراضي كلها ، فكرت قبل ما اروح احچي ويا اهلي شي لكن خلاص مالها داعي بعد

ــــــــــ

الصبح بالسبعة ونص چنت گاعدة اجهز نفسي وانا مكملة كل غراضي ، نزلت جوة ابوي بالدوام وبس امي ولُجين طلعن وراي ماحچيت شي ولا گلت شي ابد

نزل هو سلم على امي واخذ غراضي وانا صعدت وهو هم ووصلنا للبيت ..... نزلت بسرعة وخليته هو ينزل الغراض دخلت بدلت ونمت ماحسيت على اي شي

گعدت العصر لگيته نايم بصفي ، غطيته وگعدت سبحت وصليت وطبخت غدة خاف يريد

لميت البيت وعزلت ملابسي ، چان البيت نظيف كلش حتى الكاونتر نظيف يلمع .... گعد من النوم واجا يمي

" تريد غدة ؟ "

احمد بهدوء " لا صبيلي بس گلاص چاي "

صبيتله وغسلت ملابسه والحمامات وگعدت اطالع تلفزيون شوي واجة اعتذر مني

أحمد بهدوء " بعد ماتنعاد ، خلينا نبدي من جديد ولي گلته بساعة عصبية الله شاهد "

" خوش "

عافني بهدوء و دخل سبح وطلع ، بقيت كل مايحچي وياي ارد عليه برد واحد وبارد لحد ما سكت هو وانا هم بقيت ساكتة

الفجر گاعدين اثنينا بالصالة ....

أحمد بهدوء " راح تبقين ساكتة ؟ "

" شنو تريد احچي ؟ "

أحمد " ايشي احچي سولفي احب سوالفچ اصرعي راسي صرع بسوالفچ "

" ماكو شي احچي بيه "

أحمد " مستحيل انتِ تحچين هواي معقولة خلصت سوالفچ ؟ "

" من زمان انا ما احچي ويا اي بشر "

أحمد " اي ادري بيچ "

" شلون تدري ؟ "

أحمد " چنت اراقبچ "

" اي صح نسيت ، انت تضوج مني لان احچي هواي ؟ "

أحمد بهدوء" بالعكس كلشي بيچ احبه انا "

" شلك بهل كلاوات انت ماتحب لي يحچي هواي وانا جاي اصير زوجة مطيعة "

أحمد بهدوء " انتِ مو اي بشر انتِ تختلفين "

" اذا احچي منا لباچر يالا اسكت "

أحمد " احچي انا اريدچ تحچين "

" انا بس وياك احچي هواي "

أحمد " ادري "

" كلشي تدري "

أحمد " كلشي "

" شتريد احچي مثل شنو ؟ خليني لابستك احسن "

أحمد " مايصير انا مشتاقلچ ومشتاق لسوالفچ "

" تعال اگعد يمي خل اصرعك شوي "

اجة بصفي وگعد

أحمد " احچي يلا "

" تقبل اضحك عليك ؟ "

أحمد " عسى ماتاخذيني محتوى هم قابل "

" موافقة "

أحمد " سولفيلي من چنتي عند اهلچ شسويتي ؟ "

" بس اكل وانام ومقهورة وضايعة ومادري شمالني "

أحمد بضحك " حقج تفكرين بية ومشتاقتلي "

" تحلم والله "

أحمد " ليش تچذبين علية ؟ "

" انا ما اچذب "

أحمد " اي صحيح انتِ حتى على نفسچ تچذبين "

" يمكن "

احمد " يعني تعترفين ؟ "

" گوم من يمي بديت تزعجني "

أحمد " وين اروح؟ "

" هذا البيت كله شنو وين تروح ؟ "

أحمد " اريد ابقى گاعد بگلبچ "

" الله عليك صرت شاعر بغيابي "

أحمد " ميت ميت مو شاعر "

" والله سولفلي شلون تموت بغيابي ؟ "

أحمد " فراگچ كلش صعب "

" شلون ؟ "

أحمد " لو احچي منا لباچر ماتفهمين "

" ليش ؟ "

أحمد " غبية وماتحسين اظل ساكت احسن لي "

" يمكن اساعدك ليش ظلمتني "

أحمد " ساعدي روحچ يالا تساعديني "

" شلون اساعد روحي ؟"

أحمد بهدوء " حبيني "

" صعبة هاي "

أحمد " انا اساعدچ "

" حاول "

أحمد " والله ؟؟ "

أومأت له بهدوء مؤكدة

" والله "

أحمد " وخري ايدچ خل انام بحضنچ "

" شو ماتستحي ؟ "

أحمد " شمسوي بنت الخوش واحد قابل صاحبتي انتِ ؟ غير مرتي "

" يلا تعال بس لا تبچي "

نام بحضني وبقة ساكت وانا العب بشعره لحد ما نام على رجلي

" احمد گوم خل ننام "

گعد على كيف وظل يباوعلي

" بسرعة نمت ؟ "

أحمد بتَعب " تعبان "

گمت من التخم وجرني وشالني

" ترة هاي الغرفة شبيك "

أحمد بأبتسامة " زيتونتي مايصير تمشي لازم تبقين بس بحضني "

" لا والله "

أحمد " اي "

دخلنا للغرفة نام ونومني بحضنه ..... گعدنا ثاني يوم سوة وهو ظل بس يحچي ويحچي يريد يحچيني وانا طنشته

" صاير هواي تحچي "

أحمد " بس ما اوصل لچ "

" بس وياك احچي هواي "

أحمد " ليش لابستني ؟ "

" يمتى ؟ "

أحمد " تتجاهليني هواي "

" تعبانة جسمي يوجعني "

احمد بمَكر " جسمچ مشتاق لي "

" بديت تمسلت وخر "

أحمد " اشاقه اشاقه بس على كيفچ "

" ترة بعدني زعلانة "

أحمد " گولي من الاول ولا تسكتين "

" شلون تراضيني ؟ "

أحمد " بطريقتي انا اعرف شلون ترضين "

" شلون ؟ "

باسني بسرعة وابتعدت عنه

" ما رضيت "

أحمد " ويا الايام ترضين "

" صعبة ما ارضى بسرعة وراح اتدلل هواي "

أحمد " اذا ماتتدللين علية تتدللين عليمن ؟ "

" هم صح راح اتعبك هواي "

أحمد " قابل "

" ليش ؟ "

أحمد بأبتسامة " التعب منچ راحه بالنسبة لي "

باوعت عليه من فوگ ليجوة وانا كاتمة ابتسامتي

" مو چنك صاير رومانسي بزيادة ؟ "

احمد " ليش تستحين ؟ "

" لا بس احس مادري شنو "

أحمد " شتحسين بالضبط ؟ "

" احس كلامك حلو "

أحمد " لأن تحبيني "

" ليش لازگ بهل كلمة ؟! "

أحمد " حتى تستوعبين انُ انتِ تحبيني "

" واذا ما استوعب ؟ "

أحمد " شسويلچ اذا انتِ غبية بس اساعدچ لا تخافين والايام بيناتنا وراح تعترفين بهل شي "

" نشوف "

أحمد " اسبوع مني لچ اذا ما گلتي احبك واموت عليك بعد ما احاول وياچ واخليچ براحتچ "

" اسبوع ؟ "

أحمد " اي اسبوع اساعدچ غير هيچ تعذريني "

" وره هل اسبوع شيصير ؟ "

أحمد " غصباً عليچ تحبيني "

" اسبوع رقيق وياي ورة هل اسبوع غصباً علية ؟ "

احمد " اي اسبوع واحد "

" تتحداني ؟ "

أحمد بمَكر " لعبتي "

" اذا بهل اسبوع گلت احبك شتريد انطيك "

أحمد " خليچ صادقة "

" اي وانت هم "

احمد " موافق "

" اذا ماگتلك احبك بهل اسبوع تخسر وشنو اطلب منك تنفذ "

أحمد " قابل بس بدون چذب متفقين ؟ "

" متفقين "

ــــــــــــــــ

گاعدين سوة بالصالة وهو بتلفونه وانا هم ، عفت تلفون لان مليت وشغلت تلفزيون على اغنية رومانسية ، لازم اعدل الوضع شوي شوي

نصيت الصوت كلش

أحمد " حلوة ليش نصيتيها ؟ "

" ضوجة خل نطلع "

أحمد " انچبي مابية حيل ومالي خلگ اطلع "

" مو واعدني "

أحمد " ادري حبيبتي بس تعبان "

" خوش "

عليت الصوت وباوعتله

" گوم خل نرگص "

أحمد " تتشاقين صح ؟ "

" لا والله مابيها شي "

عفته بسرعة و رحت لبست بدلة قصيرة ولبست كعب ورحتله

" يلا گوم "

ظل يباوع ويضحك بحيث عيونه دمعن من الضحك ، اول مرة اشوفه هيچ يضحك من كل گلبه وضحكته تجنن

" اول مرة اشوفك تضحك هيچ "

أحمد بضحك " وين رايحة لبستي هيچ ؟ "

" هاي اشتريتها صارلي شهرين وما جبرتها اليوم جربتها لك ، اوگف "

احمد " ها "

" راح احط حمرة واجي "

أحمد " وجهچ متروس بربوگ لمن الحمرة ؟؟ "

" معليك "

رحت حطيت حمرة ورجعتله بسرعة طايرة

" يلا گوم "

" ما اعرف ارگص تعذريني "

" تفشلني يعني ؟ "

أحمد بمَكر " اعرف غير سوالف "

" هذن ورة الرگصة سويهن "

أحمد " متأكدة ؟ "

" اي "

گام ونزع البدي مالته وانا صافتة عليه

" ليش نزعته ؟ "

أحمد " چا بس انتِ نازعة ؟ "

" انا لابسة فستان "

أحمد " اليوم اشگه لچ "

" مو هو بكيفك غير جبته غالي شنو تشگه ، يلا تعال لا تمسلت هواي بديت تضوجني "

أحمد " خفتي ؟ "

" لا "

أحمد " متأكدة ؟ "

قلبت عيوني بملل ورَديت

" لا "

تقدم و لزمني من خصري وانا حطيت اديي على صدره

أحمد " المفروض على رگبتي تحطينهن "

" ما الوحك عزيزي طويل "

أحمد " يلا نمشيها لچ "

رگصنا شوي تقريباً خمسة دقائق

أحمد " كافي "

" شنو تضحك علية ؟ بعدني متونسة شبيك ؟ "

أحمد بهدوء " صدگ ؟ "

" والله "

رجع حط اده ورة ظهري وقربني اله ، ظلينا نرگص ونتأمل بعض نظراته چانت عبارة عن حُب وهَيام .... أجة ببالي سؤال او بالأحرى عِدة أسألة وهذا الوقت المناسب لطَرحهن له حتى يجاوبني عليهن

" شنو چان شعورك من رگصت ويا مصطفى ؟ "

أول مانطقت سؤالي نظراته تغيرت للغَضب والأنزعاج

" ليش عصبت؟ جاي اسألك سؤال خلينا نحچي عندي هواي اسئلة لك خليني اسأل وبعدين اسألني انت "

أحمد بأنزعاج " يعني هاي هم اسئلة ؟ "

" فضول لا اكثر "

أحمد " لازم اروي فضولچ ؟ "

" اي تريحني اكثر "

أحمد بتنَهُد " أسألي يلا "

" شنو چنت تحس بوقتها ؟ "

أحمد " ليش ماتنسين احنى مو دنبلش من جديد ؟ خل نعوف سوالف الماضي والأذية كلها خلينا بحاضرنا "

" صح بس فضول شسوي "

أحمد " عادي ارويه لچ ماكو مشكلة ، ضجت حيل وانقهرت "

نحچي واحنى نرگص على كيف على أنغَام الأغنية

" ليش ؟ "

أحمد بهدوء " حسيت اخذوا شي مني وعزيز حيل "

" ليش ماگتلي من البداية ؟ ليش بس ضربتني ؟ "

أحمد بهدوء " چنت مو بوعيي والله ، احس ما اريد اذيچ بس تنرفع ايدي وافقد ما احس على روحي من كثرة العصبية ، انتِ بوقتها تكرهيني حيل وبنفس اللحظة چنت فرحان لان اجيتي ويانا "

سكتت شوي وانا أتأمل وجهه ولأول مرة اعترف اعتراف خاص لنفسي انه شكله حلو ومُريح

" زين ليش بقيت تتواصل ويا فاطمة من ورة ظهري ؟ "

أحمد " الله شاهد علية ما خنتچ وياها بس نصحتها حسيتها مثلي صح قذرة بس چانت تحبني حاولت هواي انُ تسوي شغلات حتى سوالف طايح حضها بس ماگدرت تاخذ گلبي ، چان گلبي ينبض بس بأسمچ ولحد هاي اللحظة انا فرحان احس حتى لو اموت عادي حتى لو انشمر بجهنم مايهمني حالياً انا اسعد انسان ماتتخيلين شگد فرحان وانتِ بحضني احس فزت انا وكل تعبي لي تعبته بالاخير تعوضت بيچ وانا اشكر الله الف مرة لان انتِ مرتي وحبيبتي "

بقيت صافنة عليه ما اعرف شنو احچي ، لوَهلة حسيت بدموعي تريد تنزل من تأثري بكلامه وحُبه

أحمد بهدوء " ماتتخيلين شگد احبچ ، انا احس صرت مهووس بيچ وبتفاصيلچ وكلشي بيچ احبه احب اشرب وراچ واكل وراچ اتمنى محد يشوفچ غيري ولا تحچين ويا غيري تمنيت احطچ بغرفة واقدم استقالة واگعد يمچ بس اريد كون اربع وعشرين ساعة انا بس اباوع عليچ ، اشبع من تشبعين وارتاح من ترتاحين اضحك من تضحكين شي صعب انُ اوصف حبي لچ مااگدر اوصف حبي لچ ...... انا ميت عليچ ميت ، قليل هل كلام بحقچ اكره اهلچ لان يحبونچ اكره لي يحبچ اريد بس انا احبچ "

اباوع عليه وعيوني دمعت ، كلامه قَلب مشاعري واحساسي وكلشي بية ، قربني عليه و باس عيوني حيل

" زين لو ما رجعت وياك شنو چنت تسوي ؟ "

أحمد بهدوء " عبالچ صدگ افضح البنات ؟

لا من سابع المستحيل بس ادري بيچ تحبينهن وهددتچ حتى لو ما تجين ما اسوي بيهن شي هذن خواتي ومستحيل ابچيهن احبهن على محبتط لهن "

" وانا شتسوي اذا ما اجيت للبيت وياك ؟ "

أحمد بأبتسامة " سهلة نتطلگ وانا اسوي نفسي بالشغل ومن ارجع من الشغل اگعد ببيت ببغداد ومحد يدري شي وانتِ غصباً عليچ تجين وياي "

" واذا ما اجيت ؟ "

أحمد " ادخل لبيتكم مداهمة ووياي كم شخص اخطفچ واطلع"

" يعرفونك "

أحمد" محد يعرفني غيرچ ، اخبص البيت اجرچ واطلع سهلة حبيبتي كلشي سهل يمي اجيبچ وارجعچ لأحضاني "

أبتسمت بخفة وبسرعة رَديت

" بس متطلگين احنى "

أحمد " نتزوج مرة ثانية "

" تتوقع اقبل ؟ "

أحمد " تنجبرين "

" وبعدين ؟ "

أحمد " بعدين انت ماتگدرين تفارگيني "

" و شلون ؟ "

أحمد بأبتسامة " تحبيني "

" تتوقع اسويها ؟ "

أحمد " اي تسوينها لأن راح ابقة يمچ اربع وعشرين ساعة اعرف شلون اخليچ تحبيني "

" ليش ماجاي تحاول هسة وياي ؟ "

أحمد " لأ انتِ اصلاً تحبيني واذا احاول اكثر تبقين تحبيني اكثر واكثر من حبي لچ "

ضحكت على كلامه

" لا والله ؟ "

أحمد بأبتسامة " ليش تخافين ؟ حبيني استاهل ترة انا مستحيل تتندمين على هل حب جربي والله اعيشچ ملكة وطلاباتچ اوامر "

أبتسمت وانا اسوي نفسي عود افكر واضحك

" افكر "

بقينة نضحك لحد ما تذكرت من گال فاطمة تشبهني وسألته

" بشنو چانت فاطمة تشبهك؟ "

أحمد " چانت تحبني مثل ماچنت احبچ بس ماتوصل لحبي لچ يعني من الاخير تحبني وانا لابسها مثل مالبستني انتِ "

" چنت اكرهك انا "

أحمد " وانا چنت اكرهها فاطمة ، يعني احبچ وانتِ ماتحبيني وهي تحبني بس انا ما احبها نصحتها وگتلها انا ما اريد أذيچ وعيب تسوين هل سوالف تدرين بية انا احب سارة وجاي احارب حتى اكسب گلبها گلتلي انا احبك والله اسعدك ومن هل حچي گتلها محد تسعدني غير سارة گلتلي بس هي ماتحبك گتلها عادي اهمشي هي يمي مايهمني حبها اهمشي ارتاح بگربها گامت تبچي لأن انرفضت بس گتلها ابچي احسن من ما أذيچ بعد يومين تبچين وتنسيني گلتلي انت هم تگدر تبچي وتنساها گتلها لا تقارنيني بيچ انا احبها من هي صغيرة ماگدرت انساها لا سنة ولا سنتين انتِ هستوچ حبيتيني وبعدچ بالبدايچ الله يحفظچ اختي حاولي تنسين انا ما افيدچ گلبي لغيرچ وسديته بوجهها وحضرتها وراحت وانتهتتتتتتت "

گال اخر كلمة بشكل طويل وانا ضحكت وباسني على كيف

" كافي "

أحمد " رويت فضولچ "

" احمد ، ليش ما تنطي نويرة لعلي اخوي ؟ تره يحبها وظل يبچي لان سمع بيك ضربتها "

أحمد " سدي هل موضوع وانا معلية يريد يخطب خل يروح يم ابوي الشغلة مو يمي "

" انت قابل ؟ "

أحمد " بعد محد يهمني غيرچ لا اهل ولا بطيخ "

" يعني راح تركز علية "

أحمد " من زمان تركيزي عليچ وعقلي وگلبي يردنچ "

ضحكت وحچيت بسرعة

" تعال نتباوس "

أحمد بأستغراب " يا الله منچ من الشيطان ؟ "

" لا هذا ترند جديد "

أحمد بأبتسامة " احبهن لأن كله منهن گدرت اوصل لچ "

قرب وباسني وأنتهى يومنا بشي لَطيف وحلو ورومانسي ، چنت أول مرة احس بهل شعور المُريح والحلو ، شعور ما اگدر اوصفه ولا راح انساه .....

للفجر سبحت وهو لبسني ومشط شعري ، كل مايمشط شوي يبوسني

" عوفني انا امشط "

أحمد " اشش سدي حلگچ "

" ماينسد شسويله "

أحمد " اي حضي بس وياي ماينسد "

" يعني فرحان ضايج ؟ "

أحمد بأبتسامة " اسعد انسان انا شتحچين؟؟ گومي اسويلچ اكل واوكلچ "

أبتسمت بفَرح ورَديت

" يلا گوم هسة عجبتني "

سوالي معكرونية بالجبن طعمها يخبل وسوالي عصير فواكه وگعد يوكلني ، بقيت گاعدة أباوع عليه ولحُبه واهتمامه ، فجأة سألته

" بنظرك شعور الحب حلو ؟ "

أحمد " يخبل جربي وشوفي "

سكتت شوي وقررت أحچيله عن الي بداخلي ولو قليل فقط

" ماجاي اگدر جاي احاول شلون يعني؟ تعبت من هل محاولة"

أحمد بهدوء " ليش تتعبين نفسچ عيوني انتِ ؟

الحب مايجي من يوم ويومين صدگيني انا انتظرچ العمر كله على كيفچ لا تضغطين على نفسچ انا يمچ اليوم وباچر لحد اخر نفس بية لا تتعبين اروحلچ فدوة تتعبيني من تتعبين "

" انت شلون حبيتني؟ يعني الحب مو يأذي ؟ "

أحمد بأبتسامة " لا غلطانة انتِ حتى اذيتچ حلوة "

أبتسمت له وحچيت وانا احاول اوصله مشاعري او فكرة صغيرة عن مشاعري

" انا هم اريد اجرب شعور الحب "

أحمد " تگدرين ، سوي مثل ماجاي اسوي انا بس مو بكلشي اموتچ "

باوعت عليه وحچيت بضحك

" يعني من تراسل بنات لازم انا اراسل هم مايصير شلون اسوي مثلك "

أحمد بملل " انتِ عقلچ كله بسوالف جايفة وخايسة "

" اي والله صح ، اريد احس واحب واتمعشق "

أحمد " هاي جديدة "

" اي من تأليفي يعني قصدي احب هيچ احب بجنون شو كلشي ماكو والله اريد ابچي "

أحمد " ليش تبچين ؟ "

" انا بسرعة ينضحك علية هسة انا اريد احبك احس اريد احبك بس مادري شلون يعني شسوي حتى احبك ؟ "

حچيت بسرعة وانا مركزة بوجهه وهو ظل يضحك بقوة

" تضحك على اوجاعي ؟ "

أحمد بضحك " لا بوية لا "

" اي واضح "

أحمد " انا اعلمچ "

" شلون تعلمني ؟ "

أحمد " سوي مثل ماجاي اسوي "

" شلون ؟ "

أحمد " هسة مو جاي اوكلچ ، سوي مثلي "

" بكلشي اقلدك ؟ "

أحمد " بكلشي "

" حتى من تراسل بنات اروح اراسل شباب ؟ "

أحمد " حتى اموتچ مو عندچ بنات بعد شتردين تردين تجلطيني ؟ "

" انت گلت "

أحمد " انا امسلت حبيبتي تعاي گعدي بحضني "

گمت گعدت بحضنه وبديت اوكل بيه

" شو كلشي ما احس "

أحمد " سالفتچ داچة بعد گلبي تشلعين گلبي "

" اي صح "

صفن علية شوي وحچة

أحمد " احبچ "

عيونه يلمعن لمع من يگولها احسهه صدگ يحبني مو چذب بقيت أتأمل عيونه وهو كذلك

" عيونك حلوة من تگول احبچ ، احسك صدگ تحبني "

أحمد " هستچ يالا حسيتي انا احبچ ؟ "

" لا قبل يومين يالا حسيت "

أحمد " اي يا الله الفرج قريب "

" تضحك علية ؟ "

أحمد " لا لا بس فرحت لأن حسيتي انُ انا صدگ احبچ "

" بلا طلعت تمثل علية ؟ "

أحمد " گولي احبك "

" صعبة "

أحمد " بنت الكلب گولي احبك ماگتلچ صدگ بس گولي هل كلمة "

" اي عبالي غير شي "

أحمد " لا لا تخافين "

باوعت عليه وأبتسمت

" حمودي احبك "

أحمد " خرب روح حمودي "

" شنو تحس احبك لو چذابة ؟ "

أحمد " حتى لو تچذبين احسها صدگ "

" بلا گول احبچ "

أحمد بأبتسامة " احبچ زيتونتي "

" اي والله مبين عليك تحبني الحب واضح على عيونك "

أحمد " هن عيوني فاضحاتني "

" راح اگلك احبك افتح عيوني شوفني صدگ احبك لو اچذب "

أحمد " يلا "

" احبك "

أحمد " اوگفي ما ركزت گولي بعد "

فتحت عيوني بأثنين ايدية وحچيت بصوت عالي

" احبك "

أحمد " والله چذابة "

" اي يمكن صدگ چذابة شسوي بعد هاي حالتي يمكن انا صدگ ما احس وبدون مشاعر "

أحمد بملل " لا انتِ تحبين بس رقية "

" اي والله احبها هي والبنات احس انجذب لهن بسرعة احساس حلو من احچي وياهن "

أحمد " ولچ بس لا گي انتِ ؟ "

ضحكت وسويت نفسي افكر

" يمكن "

أحمد " اي هو هذا حضي انا مرتي گي امداني وامده حضي اي والله "

گومني من حضنه وشالني من البدي وداني للغرفة وانا اضحك

أحمد " نامي لا ابتلي بيچ وحق الله "

" تعال بعدني احچي وياك "

أحمد " نامي بربوگ ام البنات "

تمددت وانا اضحك واجه نام وراي .

ــــــ

گعدت الصبح سبحت ونگعت تربة بالماي على ماتريگت وكملت گمت رشيت البيت گلت قبل لا يطلع احمد

جاي ارش بيه وگعد

لمن گعدت ؟ "

أحمد " يعني مايصير ؟ "

" لا حبيبي ارجع نام "

أحمد " ليش ؟ "

" خل اكمل شغلي واگعد "

صفن علية وعلى البطل مال التربة والماي

أحمد " منو سوالچ هذا السحر ؟ "

باوعت عليه صفح وحچيت

" چنت اكاتل الزلم هسة صرت ام السحورة "

أحمد " يمتى سويتي ؟ "

" تربة هاي مو سحر "

أحمد " وهذا بطلچ شطوله شنو يسمونها هاي ؟ "

" لا تتدخل بسوالف النسوان "

أحمد " يانسوان غير جاي تسوين سحورة وترشين البيت "

باوعت عليه بلا هذا واحد شيحچي وياه هسة ؟ .... درت وجهي عنه وحچيت وانا ارش

" اي سحورة "

أحمد " لمن ؟ تردين تبتعدين عني وتخليني اكرهچ ؟ لو تموتين لو مو تسوين سحر "

" عفية شوي شوي جاي تطلع حقيقتك

مبين تعبت من التمثيل "

أحمد " سارة شجاي ترشين بالبيت ؟ "

" سحر اريد اسويك خاتم بأصبعي "

أحمد " صاير بدون ماتسوين "

" لا بعدك بعدك "

هز ايده وراح وانا كملت رش البيت ودخلت سويتله ريوگ

أحمد " هذا الچاي كلش خفيف ليش ؟ "

" حتى ينطي مفعول السحر لازم احطه ويا چاي خفيف "

صفن علية ثواني

أحمد " لا والله ؟ "

" ليش ضايج ؟ "

عاف الريوگ وگام وانا ميتة ضحك عليه ، غسل قوري الچاي وانا اباوع عليه واضحك

" لا تعب روحك صعدت فوگ البيت ورشيت الماي كله سحر "

أحمد " طرگاعة تلفچ شنو قرد؟ يمتى صعدتي ماتگليلي؟؟ "

" خبرة عزيزي "

أحمد " اي بعدين علميني "

عاف القوري وطلع راح جاب سيت ماي واجة خدر چاي جديد

" ليش تشمر بفلوسك منا ومنا ؟ "

أحمد " الفگر هو الف دينار غير انتِ تارسة الماي سحورة بعد يومين نشرب سحورة وناكل سحورة "

" حتى اسويك خاتم بأيدي "

احچي وأشرله بأيدي

أحمد " اذا تعيدينها بعد اكسر سنونچ بحلگچ خاتم هي گومي يلا صبيلي غدة "

" ما طابخة بعدني "

أحمد " اي والله عمي بنات اخر وكت على المزاج "

" عاد شلون عندي مزاج مو طبيعي "

دخل للمطبخ طبخ تمن وانا چنت مطلعة سمچ ، غسل المشواية وشوة السمچة واجة

" هسة بالـ11 بعد وكت للغدة "

أحمد " جوعان "

حضرت الصينية واكلت وياه وهو كمل وغسل وصبله چاي ، نظفت المطبخ وتوضيت وقريت قران لحد ما صار وقت صلاة الظهر صليت وكملت وهو گاعد يمي

أحمد " عبالچ تنقبل صلاتچ ؟ "

أنداريت عليه متسائلة

" ليش ماتنقبل ؟ "

احمد " من سحورتچ "

غمضت غيوني بنفاذ صبر وفتحتهن ، زعجني هواي تفكيره هذا

" والعباس مو سحورة هاي تربة رقية

گلتلي رشي البيت ورشيت "

أحمد " رقية راح تشخطچ "

" يعني انت مصدگ سحر وصعدت

فوگ البيت حطيت بالماي شي ؟ "

احمد " والله تسوينها كلشي اتوقع منچ چنتي اربع وعشرين ساعة معلگة على البيوت مو شي صعب تتعلگين على بيتچ "

" هم صح بس ما صعدت لان صايرة ثگيلة مو مثل قبل خفيفة هسة من تزوجت ثگلت "

أحمد " انتِ ثكيلة ؟؟! "

" بالوزن مو بغير شي "

أحمد " عبالي ، بس وزنچ حلو انثى مثالية "

" شكراً "

ابتسمت وسويت حركة مال خجلانة وهو ظل يضحك علية ، دخل سبح وشسور ونام انا هم شوي وتسرسحت ونمت وراه والعصر كله نايمين .....

گعدت المغرب صليت وگعدته هم

" اريد معكرونية من ايدك "

أحمد " مابية حيل "

" شبيك هي معكرونية نمونة ؟ "

أحمد بأبتسامة " صار من عيوني "

گام سواها واكلنا سوة

" اليوم ما وكلتني "

أحمد " خاف تتعودين حبيبتي اكلي بنفسچ وانچبي "

" حبك مزيف "

" اي مزيف بس اسكتي "

درت وجهي وظليت اكل وانا ساكتة

أحمد " ماتحچين ليش ؟ "

" مو تضوج من صوتي ؟ "

أحمد " يمتى گلت هيچ شي ؟ تلحنين السالفة من يمچ وانا دومي ظالمچ ، تعالي گعدي بحضني "

" شبعت "

أحمد " انچبي وتعالي "

رفضت وظليت اكل ، گام جرني وحطني بحضنه وگعد يوكلني

" شبعت كافي وخر ترة اشاقة وياك

لا عبالك صدگ اريدك توكلني "

أحمد " شكو بيها "

" اي هم صح "

كملنا و گمت غسلت الماعين ولگيته گاعد على التلفزيون ، صاح بأسمي وغلست صاح مرة مرتين غلست

أحمد " ام السحورة "

ضحكت ورَديت

" ها "

أحمد " تعرفين نفسچ ام السحورة "

" اي حياتي "

أحمد " صبيلي چاي "

" ما اشتغل عندك صب انت لنفسك "

أحمد " اجيچ ؟ "

طفرت للمطبخ و صبيتله ووديته

" هاك چنت اشاقة وياك "

احمد " لا تعيدينها "

رَديت عليه بأبتسامة

" صار "

ــــــــــــــــــــــــــــــــــــ

مرت هل ايام وحرفياً احمد تغير جذرياً وياي ....

بحيث كلش احس اهتمامه مبالغ بي ، يوكلني يسبحني يمشطني وانا ما احب هيچ يمكن لأن ما متعودة على هيچ سوالف ؟ ....... چنت ارفض يسوي ذن بس چان يجرني غصباً عني يسويهن .

بالليل سبحت وخليت مكياج وگعدت بالغرفة افتر ، احس عندي طاقة قوية وغريبة ما اعرف وين اوديها ، رحتله لگيته گاعد على التلفزين يباوع على حمد رمضان للمرة الف ولا يمل منه

گعدت يمه وحچيت وياه

" احمد خل نطلع "

أحمد " وين نطلع ؟ مالي خلگ وجاي اباوع على مسلسل "

" ترة هذا الف مرة شايفه ما تمل ؟؟ "

احمد " لا مثل ما كلساع تعيدين كوشي الفاشلة "

قاطعته ورَديت بتعجب

" كوشي فاشلة ؟؟؟ "

أحمد " اي مثلچ "

" خوش انا احبها "

أحمد " انا هم احب محمد "

" احمد شبيك مليت من البيت "

أحمد " وين اوديچ بهل ليل ؟؟ "

" مادري "

احمد " مابية حيل تعبان باچر نطلع "

گمت من يمه لأن ضوجني ، وگفت محتارة شنو اسوي اريد شي يونسني اطلع طاقتي بيه بس ما اعرف شنو هو

فجأة اجت ببالي فكرة ... الصالة مالتنا چبيرة وواسعة رحت بسرعة لبست جواريب طوال وگمت اركض وازلگ روحي

باوعلي مامستوعب الي اسويه من الملل

أحمد " هاي صدگ ؟! "

" شكو ؟"

أحمد " تركضين وتزلگين بروحچ "

" شعليك مو گتلك ضايجة ماكو شي اسويه "

أحمد " جيبي طفل "

" والله بطران منين اجيب الطفل ؟ امشي خل نتبنى طفل بالنهار لي وبليل لك "

احمد " عوزچ طول؟ انتِ جيبي طفل "

" مابية حيل اسكت خل اكمل لعب "

هز ايده ودار وجهه يكمل المسلسل ، گمت اركض واطيح للصراحة حلوة بس تكسر ... دار وجهه علية ورجع حچة

أحمد " اذا تتعورين اكتلچ من هسة بس تگولين اخ اكتلچ "

" انت زلمة تعال "

أحمد " اجيچ بس تتكسرين اكسر راسچ لبگدچ عدهن اطفال انتِ تركضين صدگ تحچين ؟ "

" شسويلك ماتقبل تطلعني جاي اكلك عندي طاقة مادري وين اوديها "

أحمد " نظفي البيت "

" والله كلساع اجلف بالبيت حتى وجهي جاي اشوفه بالگاع من گد ما نظيف مليت اريد شي جديد "

أحمد " سوي رياضة "

" ما اعرف "

أحمد " شغلي على اليوتيوب "

" سجلني جم "

أحمد " انچبي جم هي لعبي هنا وسكتي بس انا گتلچ اذا تتأذين اكتلچ فوگ الاذية مالتچ "

عفته و رحت نزعت هدومي ولبست بدي عريض كلش ولبست شورت قصير وعريض وجواريب طوال حتى من اطيح ما يطلع شي مني ، لميت شعري وفتحت تمرين حاول اسوي وارفع روحي بس كلساع اطيح سويت غيره وتعبت طفيت تلفون ورحت يمه .... هو يضحك علية مدري يضحك على المسلسل ضاعت ما اعرف عليمن ، رحتله فحطانة واحچي وياه

" تضحك علية ؟ "

أحمد بضحك " لا على المسلسل "

" مابيه نكتة المسلسل "

أحمد " هيچ شي ضحكني "

" خل نلعب "

أحمد " شنو جهال نلعب ؟ "

" هم صح حقك انا جاهل مو انت شايب "

أحمد " انا شايب ؟ "

" لو متزوجة واحد بالعشرين چا لعب وياي "

احمد " اي ثنينكم عوزكم مميات "

" احمد عوف هل سوالف گوم خل نلعب "

احمد " روحي ركضي خل اضحك عليچ "

" شنو تضحك علية "

احمد بضحك " والله تسلين اكثر من المسلسل "

گمت من يمه وانا محتارة شسوي بعد ، وگفت گدامه وحطيت ادي على خصري

" احمد گوم خل نرگص "

احمد " وخري لا اگوملچ واضح جسمچ يحكچ تردين كتلة مرتبة ترجع عقلچ براسچ "

" شبيك انگلبت علية ؟ مو گلت كلشي اسويلچ "

احمد " خلص الاسبوع "

" يلا احبك گوم خل نلعب "

احمد " مصلحچية "

گعدت يمه وحچيت

" والله عندي طاقة مادري وين اوديها "

احمد " يا الله منين اجتچ هل طاقة ؟ "

" مادري خل نلعب "

طفة التلفزيون وحچة

احمد " شتردين ؟ "

" خل نلعب "

احمد " شنو نلعب ؟ "

" هسة عجبتني ، راح اجيب بطل الببسي وافره اذا طاح عليك انا اسألك واذا علية انت تسألني وكلساع انوع واذا ماسويتهن ننطي عقاب "

احمد بغمزة " عجبتني "

" دير بالك "

أحمد " امشي جيبي البطل "

رحت اجيبه وركضت زلگت وطحت

احمد " حل ارتاحت الدودة ؟؟ "

" هاي بدل ما تجي تشوفني تضحك علية ؟ "

احمد " تستاهلين تطفرين جنچ قرد "

گمت وانا احس جسمي صار نار ويوجعني ، جبت البطل واجيت يمه

أحمد " تأذيتي ؟ "

" اي "

احمد " وين ؟ "

" هنا "

اشرتله على ظهري وهو يأذيني

احمد " دوري وراويني وين "

درت واشرتله على مكان ظهري

أحمد " جيبي الدهن "

" لمن ؟ "

أحمد " امرخ المكان حتى ترتاحين "

اقتنعت ورحت جبتله دهن الشعر وگعدنا بالگاع ، رفعت البدي شوي مرخه وتأذيت

" على كيفك هاي شبيك "

احمد " تدرين تستاهلين ، يعني كلشي ركض تره البطل مو ببغداد وتركضين بالمطبخ صيري ثگيلة "

" لأن انا صايره ثگيلة جاي اركض اريد اسوي رياضة "

أحمد " حبيبتي انتِ متزوجة شي اكيد تصيرين ثگيلة ويصير فرق بين قبل الزواج وبعد الزواج "

كمل وگعدت مقابيله

احمد " بعدها طاقتچ ؟ "

" اي مادري منين نزلت علية "

فريت البطل ووگف عليه

" اسألني "

احمد " ماعندي سؤال "

" شعجب "

احمد " كلشي اعرف عنچ حتى السنون لي بحلگچ حاسبهن "

" الله عليك يعني هسة ما تسأل افر البطل ؟ "

احمد " لا لازم اخذ حقي دام انا الفايز "

" شتريد ؟ "

أحمد بأبتسامة " بوسة "

" خفيفة مو طويلة "

احمد " حسب "

وخر البطل وسحبني وباسني ، عفته ورجعت فريت البطل وهم طلع عليه

" هاك استلم حتى باللعبة مچنص "

احمد " حسدتيني على هل لعبة امده حضي "

" لا مچنص بكلشي انت وگاعد حضك "

احمد " اي صح "

" اسأل "

أحمد " ابدل السؤال ببوسة "

" شني ماتشبع ؟ "

احمد بابتسامة " لا "

" بس شوي وبعد ماكو "

أحمد " خوش "

جرني وباسني بخفه ووخر وظل يباوعلي

احمد بابتسامة " احبچ "

باوعت عليه ما اعرف شبية ، احس تخربطت مدري ليش .. مابينت له شي ورجعت فريت البطل وهو گاعد مركز علية احسه مركز على جسمي وشعري الي مالامته عدل حمرتي الخربها وعيونه لي احسهن ذبلن كلش احسه تعب وهو يباوعلي ومركز وانا صافنة عليه

احمد " أسألي "

" ها ؟ "

احمد " أسألي وين صفنتي ؟ "

" شنو ؟ "

أحمد " البطل وگف عليچ "

" ها اسألني انت "

احمد " شبيچ ؟ "

" يمكن خربطنا "

احمد " شلون ؟ "

" المفروض من يوگف عليك البطل تسألني انت ومن يوگف علية انا اسألك "

احمد " واحنا شجاي نسوي وگف علية مرتين وبستچ بدل السؤال هسة وگف عليچ أسأليني "

" چا شمالني انا ؟ "

احمد " ذكية مو بأيدچ "

" اي صح ما الومك هسة وگف علية اسألني "

احمد " شبيچ بابا شاربة شي انتِ ؟ "

باوعت عليه فعلاً احس ما ادري شبية

" لا بس يمكن بوساتك خربطن احاولي "

ظل يضحك وانا هزيت راسي وسألته

" لو يرجع بيك الزمن هم تحبني ؟ "

احمد " تعرفين الجواب مو ضروري اجاوبچ "

" اريد اسمع منك "

أحمد " اي اختارچ "

" اختيار حلو "

احمد " ادري "

فريت البطل وطاح عليه

" اسألني "

أحمد " ما اريد اسأل "

" چا شتريد ؟ "

احمد " اريد ابوسچ "

" لعبت نفسي كافي حتى لعب ما اريد العب "

احمد " ليش تخافين ؟ "

" انا اخاف ؟ "

احمد " هي بوسة نمونة "

" اي "

احمد " تعزينها علية ؟ "

" اي ما اريد العب "

احمد " اذا ترفضين لازم تتعاقبين "

" شنو عقابك ؟"

احمد " اكو بيضة اشربيها "

" بدون قلي او سلگ ؟ "

احمد " اي "

باوعت عليه وتقربت منه

" تعال حبيبي تعال بوسني صدگ تحچي ؟

انا حلالك افا عليك "

احمد بضحك " من الاول صيري هيچ "

باسني وگمنا گعدنا على القنفة

اباوعله وجهه تغيرت معانييه لتَعب مظري حزن ما اعرف لشنو بالضبط ، حط ايده على رجلي ووخرتها

" شبيك ؟ "

احمد " بالغلط ست "

" ثگيلة "

احمد " اوي "

" من صدگ ايدك ثگيلة "

احمد بهدوء " ادري حتى انا ثگيل عليچ "

صفنت عليه شوي احس عرفت قصده بس سألت

" شنو قصدك ؟ "

احمد " تعرفين "

" لا بالعكس "

احمد " لا تضحكين علية "

" بشنو مقصرة وياك ؟ "

احمد " مابيچ قصور ابد "

" چا شبيك ؟ "

احمد بهدوء " ماتحبيني "

عيونه مركزة علية ويحچي ، حسيته مقهور كلش بس يحاول ما يبين هل شي

" مو جاي احاول "

احمد بهدوء " الى متى تحاولين ؟ "

" انت موگتلي انتظرچ ؟ "

احمد بتَعب " تعبت ،

كلامچ مزروع براسي مال مستحيل احبك"

باوعت عليه احس اجاني تأنيب الضمير

" تگدر تنساه "

أحمد " حاولت ماجاي اگدر حاولي تفهميني احسچ ما ترديني "

" لو ما اريدك ما اجي وياك "

احمد بأستهزاء " كله بالتهديد يالا "

" ان شاءالله ماكو هيچ بعد "

أحمد " انتِ لان تخافين من الله جاي تنطيني نفسچ لوما تخافين حتى ماتخليني اتقرب منچ ادري بيچ "

" غلطان "

احمد " لا مو غلطان كلامي صح تدرين اذا ترفضيني حرام عليچ فـ جاي تقبليين بهل شي "

سكتت وهو يباوعلي ، ماعرفت شنو اجاوبه ، گلبي يگول خطية وعقلي يگول صح تصرفچ

گمت ولگيت بجامته على الچرباية لبستها وگلت صوچ هل رجل خلنه هيچ يحچي ، لبستها ونخرطت مني عدلتها ورتبت البدي ومسحت حلگي كله وحطيت حمره حمرة وطلعت ... شافني بهدومه ظل يباوعلي

احمد " احبچ من تلبسين ملابسي "

ابتسمتله ورَديت " ليش ؟ "

احمد " ماادري احبچ "

مشيت ونخرطت البجامة يضحك من صدگ ضحك ضحكة من كل گلبه ، بقيت اباوعله واحچي ويا نفسي ، شگد ضحكته حلوه وهاي ثاني مرة يضحك هيچ يعني شبيه مايبقة هيچ يضحك ؟ والله حلو وهو يضحك ، شافني صافنة وحچة

احمد " شبيچ ؟ "

" لا تضحك بعد "

احمد " ممنوع ؟ "

" لا بس قبيح "

استمر يضحك وانا صافنة عليه ، جعل محد غيرك يضحك حرفياً صرت احس روحي مسودنة ، ساعة احبه واحب كلشي بيه وساعة لا .....

" شوف بجامتك كلساع تنخرط مني "

احمد " شسويلچ اذا انتِ هلگدوتچ "

" شدعوة هيچ خصرك عريض ؟ "

احمد " شنو قصدچ ؟ "

" قصدي انت عريض "

صفن عليه مستغرب وحچة

احمد " انا ؟ "

لحظة ادراك كفختني وعرفت نفسي چفصت بيها

" لا تفهمني غلط يعني انت خصرك عريض "

احمد " تضحكين علية ؟ "

" هسة انا جفصت ؟ "

احمد " اي ياريت تفكرين قبل لا تحچين انا فهمتچ غيري مايفهمچ "

جرني يمه و عدل البجامة ورتبها لي

" احمد "

احمد " عيوني "

" سويلي فطاير "

احمد " عدنا لحم ؟ "

" اي "

احمد " تعالي يمي "

رحنى للمطبخ و طلع الغراض وبلش يشتغل بكل ترتيب ، عجن العجينة وحمس اللحم والبصل البتيتة والبهارات كمل وعزله على صفحة واجة يمي

احمد " ما استاهل تبوسيني "

" مساع ضجت مني ؟ "

احمد بابتسامة " ما اضوج من روحي "

رفعت ايدي اثنينهن وحاوطت وجهه ، اح نفسي خجلانة معقولة احبه واخجل منه؟ لا مستحيل انا ما استحي منه ... ظليت صافنة عليه وهو يباوعلي

شوي وندسني

احمد " رسلان هواي يصفن اليوم شنو ماكل لحم مطاية ؟ "

" يمكن "

ضحكت وبسته بخده

احمد " بس هاي ؟ "

" هذا الموجود "

احمد " زحمتي نفسچ "

" عادي تستاهل "

ضحك و راح كمل لف الفطاير ودخلهن فرن ، صار المطبخ سكتة هدوء

" يمتى تروح لشغلك ؟ "

احمد " مو باچر عگبه ليش ؟ "

" اگول "

احمد " وين ترحين ؟ "

" هنا ابقة "

احمد " زين منو يبقة يمچ ؟ "

" علي اخوي "

احمد " يقبل ؟ "

" اي حچيت وياه وگال عادي اهمشي راحتچ "

احمد " زين براحتچ لي ترتاحين بي سويه "

" احسن ابقة هنا وانت اصلاً مخلي كامرات "

احمد " اي هيچ مرتاح انا "

كمل الفطائر وطلعهن وانطاني

احمد " اكلي "

" وانت "

احمد " شبعان ما اشتهي "

اكلت ورتبت المطبخ وطلعت منه لگيته يلعب بوبجي

" كافي عيونك راح يرحن "

احمد " تخافين علية ؟ "

" اي اخاف عليك انوب بعد ماتشوف وين انطي وجهي "

احمد " تخافين اصير اعمى ؟ "

" اي اريدك تبقى تشوفني "

احمد بابتسامة" ياريت اصير اعمى واشوفچ بس انتِ "

ابتسمت على كلامه

" ما تمل ؟ "

احمد " مستحيل امل من روحي "

طفيت الضوة ورحت نمت يمه ، جرني ونومني بحضنه ....

ثاني يوم گعدت كل عادة روتيني اتصل احمد على علي وگعد يوصي على علاج لي او اكل اي شي احتاجه كون مايرفضلي طلب

علي " شنو تعلمني؟ "

احمد " انچب وتسمع كلامي "

علي بملل " اي صار "

احمد " عفية هيچ اريدك "

سد الأتصال

احمد " نغل مثل اختك يعرفون شلون يضحكون على الناس "

" انا ؟ "

احمد " اكو غيرچ ؟ "

" عنده بعد اخت "

احمد " هذيچ دايخة بحيدر فاصلة عن العالم ولي يگلها هلو تجره بزيج بنات زربة "

" شكراً "

حطيتله اكل وسولفتله على نويرة وعلي

احمد " مالي علاقة لي تريده خل تسوي "

سدينا الموضوع وودعته وراح لدوامه واجة علي يمي .....

طول الوقت مايحاول يسكت ، كلساع يحچي وياي ويفتح مواضيع حرفياً ونسني هواي وسولفنا على نويره فرحان وگال تحچي وياي وانا هم بس متاني اكمل اموري واخبطها هي فرحانة وانا كذلك ...

مَرت الأيام بسرعة وعلي يمي واحمد بالدوام ويومياً نتراسل او نصعد اتصال ، ظليت اغلب وقتي سوالف ويا علي لو بقناة التليگرام ويا البنات هيچ مَرت الأيام الى ان رجع احمد من الدوام وراح علي .........

اسلوبه بقى نفسه زين وحباب ويهتم بية ولكلشي يخصني وانا ما انكر ساعة احب هل شي ساعة لا ...... گعدت العصر ضايجة ما اعرف شبية ، اباوع على احمد احس اكو شي بداخلي يگلي اخلصي منه جذب ميحبچ ، هَزيت راسي وگمت تعوذت من الشيطان رحت توضيت وصليت وگعدت ما اعرف شسوي

مَر الوقت وانا گاعدة عادي وهو گعد سويتله اكل ودخل سبح وطلع وگعد بالصالة ، اباوع عليه احس اريد اكتله اريد اخلص منه بس بنفس الوقت ما اريد !!

ــــــــــــ

گاعدين واحد بصف الثاني هو على التلفون وانا افكر الى ان حچيت وياه هيچ

" اريد فلوس "

احمد " شگد تردين ؟ "

" هواي "

احمد " حبيبي انا ماگاعد على بنك الرافدين شگد تردين ؟ "

" ما اريد "

چنت اريد حجة حتى احچي واغلط عليه افرغ حرگتي بيه وضوجتي

احمد " الكنتور بي 500 اخذي شگد ما تردين "

" ليش بس500 ؟ "

احمد " هذن لچ خاف تردين شي "

" شكراً ما اريد شي منك "

انداريت منزعجة ما اعرف شنو اسوي وشنو بية ، تقرب علية وحچة بهدوء

احمد " باوعيلي "

" ها "

احمد بهدوء " تردين علاج ؟ "

" لا ما اريد "

احمد " شبيچ مصخنة وضايجة ؟ "

" ما ادري مابية شي "

عفته وسكتت حسيت اريد اكتله يعني من صدگ اريد اذبحه واسويه وصلة وصلة وما اعرف شنو السبب ، چان احد يگلي اي سويها مثل التشجيع وانا ارفض صارت بداخلي مثل العركة واحد يشجع واحد يرفض ، نعلت الشيطان الف مرة ورحت حچيت ويا رُقية ، عسى ولعل تنصحني تحجي وياي لكن چنت رافضة استمع الها ، گمت توضيت وصليت ركعتين لَعلي اهدء شوي ، فتحت القران وقريت جزئين بعدين سبحت واستغفرت الف مرة كل هذا وانا تحت انظار احمد

صار المغرب كملت صلاتي وقاطعني بسرعة

احمد " بيچ شي ؟ "

هزيت راسي بمعنى لا وهو اجة گعد يمي وقربني عليه وشبكني حيل

احمد بهدوء " مو گتلچ احچيلي ؟ ليش ترفضين؟ مو گتلچ نروح دكتور ليش رافضة ؟ هل شي كله لمصلحتچ "

حسيت نفسي اختنگت ، دحست روحي بحضنه وبچيت هواي وانا اشكيله مني

" اكو شي بداخلي يريد يتخلص منك شسوي انا شسوي؟؟ مو بيدي والله "

ماحچة شي اكتفة بس يبوس براسي ويهدأني

احمد " ابچي ترتاحين "

بچيت هواي لحد ما نمت بحضنه مو حاسة على نفسي

گعدت لگيت روحي نايمة بحضنه بعدني وهو گاعد على نفس الگعدة ، باوعت للساعة ساعتين وانا نايمة بحضنه ولا حچة ولا اشتكى ؟

احمد " صرتي زينة ؟ "

" اي "

احمد بابتسامة " الحمدلله "

باس ايدي وانا اباوع عليه

" ماتعبت بهل ساعتين ؟ "

احمد " لا انا اتعب من اشوفچ بهل حال معقولة وصلتي لهل مرحلة كله مني ؟ "

" لا "

احمد بقَهر " اي اتمنى ما داخل لحياتچ حتى ماتتأذين هيچ "

" بعد ماتريدني ؟؟ "

صفنت عليه وحچيت حسيت شي بداخلي انكسر ، فكرت انه بعد ميريدني

احمد بقهر " اتمنى لو ماشايفچ "

" عالج كلشي هسة "

احمد بهدوء " مااگدر اعالجچ انتِ ، بس مااگدر ابعد عنچ هذا شي صعب مااگدر بدونچ احبچ ويومي بدونچ مايسوى شي "

سكتت وگمت غسلت ونزعت المحرم وحچيت وياه

" متندم لان عرفتني ؟ "

احمد " مستحيل اتندم على شي يخصچ انا احب اليوم لي شفتچ بيه بس جاي احچي هيچ علمودچ لان انا ما مقتنع ولا راح اقتنع اعوفچ انا بدونچ ما اسوى شي احسچ لونتي حياتي حتى البيت حبيته لان انتِ بيه "

ابتسمت له بخفة وگمت ارتب كنتوري وهو هم سكت وبعد مافتح الموضوع ، كلامه يرن بعقلي اتمنى اصير زينة عادية واحبه وابقى وياه سعيدة .

ــــــــــــــــــــــــــــــــ

مَرت الأيام طبيعية والحمد لله صرت افضل ونفسيتي افضل من قبل وجاي اتقبل احمد هواي ، صلاتي وقرآتي للقرآن خلني اتحسن واساير حياتي طبيعي ....

وگفت بالمطبخ جاي اسوي اكل وما احس الا تلفوني احترگ من الرسائل من رقم أم فاطمة ، اقسى كلام ممكن اسمعه يعني كلام حرفياً ماينقرأ كلش صعب ، عبارة عن شتم سب فشار انواع الفشار ....

طفيت الاكل ورحت لأحمد بسرعة

" شوف فاطمة راسلتني من تلفون امها "

اخذ التلفون وقرأ كل الكلام وعيونه صارن بگصته

احمد بعصبية " والله اروح اكتلها "

" لا ختولي خل نلبسها "

أحمد بأنفعال " اذا مو انا اكتلها انتِ ترحين

واذا ما كسرتيها اكسرچ "

" اي اروح ليش لا "

احمد " امشي اخذچ "

" مو هسة ختولي ما نهتم لهيچ كلام "

چنت احاول ابين نفسي طبيعية گدامه ، صح تأثرت لكنها فعلاً ماتهمني

احمد " شنو ماتهتمين ؟؟؟ موتيني ببرودچ موتيها والله موتيها واشوف ياهو يفتح حلگه وياچ اموته وراها "

" تمام اكسرها تكسر بس اهدء "

خفت لايصير بيه شي من عصبيته لان هواي عصب

حط اديه على وجهي وحچة بقلق

احمد " شلونچ ؟ "

" ليش شبية انا حتى شلوني ؟ "

احمد " لا تفكرين بكلامها هاي تغار منچ "

" كلامها كله ما يهمني ولا يأثر بية دام انا هيچ ضاغطتها خليها ميتة وانا ادوس عليها ما اهتم لهيچ زبالة "

أحمد " عفية حبيبتي "

ظل عصبي وانا كلساع اگعده وهو متحلف بيها يريد يروح يكتلها ، شوي وراسلني علي

احمد " هاي هي ؟؟ "

" لا علي ، هي بلكتها "

احمد " تولي ساقطة "

رديت على علي وحچيت له عن فاطمة وهو ظل يدز بصمات غلط وفشار عليها

سارة : شبيك انت الثاني ؟؟ .

علي : والله مشتهي اكتلها واجت من الله حضري سحلاحچ نروح نكتلها ونرجع .

سارة : اي عندي بيكيسي .

علي : قوي خوش من اجيچ اريدچ ترشينها رش .

متتت من الضحك عليه وهو يحچي بعصبية

علي : راح اجي .

سارة : تعال باچر ابوها بالدوام .

علي : خوش .

عفته وظليت اسولف ويا احمد وهو هم متحلف بيها بعده ....

ثاني يوم اجة علي العصر

علي " يلا امشي "

احمد " سلم بالاول "

علي " يا سلام انت اريد اروح اكسر هل خايسة ام الولد "

احمد بتشجيع " فلش سنونها "

علي " افا عليك يمي "

احمد " اذا ما سمعت بيها بالمستشفى هذا البيت ما تدخلين له والله وثم والله انا انيمچ بالمستشفى "

علي " اي حتى اوديك وراها "

ضحكت عليهم وانا فعلاً بداخلي متحلفة الها بكتلة مرتبة ، طلعنا ووصلنا لبيتهم

" انا اكتلها حتى بنت ببنت وانت ما يقدمون شكوة عليك "

علي " خوش بس كتليها عدل "

" تستهين بقدراتي ؟ "

علي " لا كفو "

دگ الباب قوي فلشه ، طلعت امها

ام مصطفى " هلا بيكم "

دخلت بدون سلام لگيتها جاي تكتب رحت جريتها من شعرها حيل وسحلتها بالگاع رفستها حيل ببطنها حرفياً طبقت كل لي طبقه علية احمد واضرب اقوى منه ، زلغت وجهها واستلمها علي وامها بس تصرخ وهي تبچي ، نزل عليها علي اكس مربع فشاير بالمختصر المفيد شهرها وخزاها وجابها براشدي خلة حلگها يصب دم ، لزمتها وحچيت وياها

" اذا تگولين علي مد ايده علية اقدم عليچ بلاغ على كلامچ وافضح سوالفچ لي چنتي تسوينهن ويا الولد وانتِ بكيفچ بعد"

ضلت تبچي وقبل لا اطلع دفعها علي وطاحت بالگاع ، گامت عود تريد تكتلني جريت الماسحة وكسرتها على ظهرها حيل موتتها تموت ....

طلعنا ووصلني للبيت وسولفت لأحمد عن الي سويته ، فرح وجرني وباسني گدام علي

علي " شني گـ*** انا كدامك ؟؟؟ بعت المستحى انت فد مرة "

احمد " بست اختك شمسوي انا ؟ "

علي " شلون تجبرني اكسر سنونك "

أحمد " خل اشوفك "

اجة يمه وانا اباوع عليهم وبسرعة حچيت

" گولوا يا الله "

جرني احمد مرة ثانية وباسني براسي

احمد بمَكر " بست اختك وين غيرتك؟ "

علي " استغفر الله استغفر الله ، يجي يوم وابوس اختك كدامك تذكر كلامي "

احمد " امشي لك حلم هذا فهمت "

علي " نشوف منو اليحلم "

عافنا وطلع وانا ميتة ضحك ، احس ارتاحيت لأن اخذت بحقي شوي من فاطمة ، بقيت طول اليوم اسولف ويا احمد وفرحانة وهو كذلك ....... وعادت ايامنا الروتينية ونزل للدوام وعلي اجة يمي وگضيناها سوالف ويا البنات بالتلي ، بقيت اسوي ترندات ويا احمد وهو وياي يسايرني ونصعد اتصال ونسولف وعادي

حَسيت هواي مشاعري تغيرت اتجاهه ، مشاعر حلوة ولطيفة

اريد اعيشها طول العمر وياه ، أتمنى ......

ــــــــــــــــــــــــــــــــــــ

اليوم يرجع احمد من الدوام ، والساعة هسة بـ 8:00 وانا مانايمة ، علي نايم بالديوانية وانا گاعدة منتظرة احمد وبالأحرى همين محتارة شنو اسوي من الملل ....

دخلت سبحت وحطيت مكياج عبالك مال اعراس لكنه حلو وراقي ، لبست لبسة تصير بدي كيمونة وشورت احمر وعليهم مثل النفنوف شفاف قصير ، چان هو موصيه لي بس مالابسته وهاي اول مرة البسه

كملت وصارت بالتسعة وماگدرت انام ، شوي واندگت الباب

فتحت له الباب ظل واگف يباوعلي من فوگ ليجوة

احمد " منو انتِ ؟ "

ضحكت وحچيت بدَلع

" انا مرتك "

احمد بأبتسامة " والله ولا عرفتچ شنو هل اغرائات ؟ "

" مو لك لا تتعب نفسك "

أحمد " لمن لأخوچ ؟ "

" لنفسي "

ردت اخذ جنطته وهو حچة بسرعة

احمد " عوفيها منو انتِ ؟ "

" شنو تضحك علية ؟ انا سارة "

احمد " وجهچ مال وحدة ساقطة ، ليش هيچ مايعة ؟؟ "

" هذا المكياج هيچ يسويني صح حتى انا حسيت نفسي وحدة بربوگ ما الومك "

احمد " بلا تعالي شنو هذا لي يلمع على حلگچ ؟ "

" شنو ؟ "

صدگته بسرعة ورحتله وما احس الا جرني وباسني قوي واخذني للغرفة .....

ــــ

نام هو وانا سبحت ولبست تراك طويل وطلعت لگيت علي گاعد

" ها شبيك ؟ "

علي " صدگ تحچين ؟! شنو هذا صريخچ ؟؟ "

وجهي بوقتها لو واحد يذبحني ماراح يلگى قطرة دم بية من الخجل

" يا يا صريخ ؟ ها اي صرخت طحت من الچرباية وطاح الميز علية "

علي " من تچذبين چذبي عدل ترة مايمشن علية "

درت وجهي عنه وانا بداخلي احچي على احمد الي خلاني بهيچ موقف گدام اخوية

" تعال اسويلك ريوگ خوية "

علي " اعوذ بالله رايح لأمي "

اخذ غراضه وطلع ، سديت الباب وراه وألتفتت اباوع على البيت

احساس وشعور بالراحة أنتابَني ، الحمد لله حياتي صارت افضل ويا احمد وگدرت اتقبله وأسايره واساير حياتي الي الله كتبها لي ، رحت للغرفة وشفته بعده نايم غطيته وتمددت بصفة صافنة عليه ، أبتسمت وغمضت عيوني فرحانة لحياتي الي بدأت ولو شوي تبتسم لي وتتحسن بفضل الله عَز وجَل .

في النِهاية يا أصدقائي

لَيس كُل مانُريد نَحصُل عليه

ولرُبما الذي كُنا نُريده فيه مَضرةٌ لنا ولَيسَ خيراً

وعَسى أن تكرهوا شيئاً وهو خيرٌ لكُم ...... لَعل الله كَتب لي حياة افضل مع أحمد في المستقبل غير الحياة الذي كُنت أَوَدُها ولا أعلم إن كانت جميلة مثل ما تخيلت ...

فـ رُغم ما مَررت به من ظروف ومآسي في هذه الحياة

جَعلتني أُدرك أن الله يجعل لنا في كُل شي بحياتنا فيه حِكمة .....

قَد يَظنُ البَعض بعد قرائته لقصتي إني لَستُ قوية ولستُ صاحبة كرامة أمام الذي كان جُزئاً بتدمير حياتي في البداية

لكن رأيتُم بأنفسكُم ؟ هل أستسلمت ؟ هل يأستُ من رحمة رَبي ؟ هل أنحرفت لطريق يُخالف شرع الله ؟

كُل هذه الأسئلة أجابتها هي " لا "

صَبرت وتحملت وهذا فقط وحده هو قوة وأرداة للسعي بتغيير حياتي للأفضل

قَد يكون " أحمد " .. جَرحني ، كَسرني ، سبب الكثير من الأذى لي ... لكن عَوضني عن هذا كُله بحُبه وحَنانه بعد ان تغير للأفضل أيضاً اعترافه بخطأه وظُلمه لي كان سبباً لمُسامحتي له ..... الله بعَظمته وجلالته غفورٌ رَحيم ، فما نحنُ البَشر أمام سَخاء وعَطف ومَغفرة الله ؟

كُلنا نُخطأ وكُلنا نَرتكبُ المَعاصي وهذا يُغضب الله عَلينا

لكن هذا لا يعني بأن الله أستغني عنا وتركنا

ماحَصل معي ومع أحمد أنما هو لَمِن تدبير العَزيز الجليل

يُدرك بأن أحمد كان عاصي له ومُخطئ في حقي لكن هل تركه هكذا ؟ لا .... بَل دَب في قلبه الهُدى والرَحمة والعَطف أتجاهي

لَين قلبه عَلَي وايقظ الضمير لديه ليُدرك ويتدارك لأصلاح الخَطايا الذي ارتكبها بحقي

ومن هنا نُدرك أن مَقولة ، يُهدي من يشاء بغير حِساب

هي واقع حال لما نحنُ فيه الآن ، فـ الله عَز وجَل أكرمنا انا واحمد بالهداية على بعضنا البعض وتغيير حياتنا للأفضل دون أن يطلُب منا شيئاً او نُهديه شيء ، والحمدُ لله على كُل حال .

" الـكــاتــبــة "

ألى هُنا يا أعزائي نَختتم قِصتُنا التي عِشنا بها جميع ما مَرر به أبطالها من فَرحٍ وحُزن ، وأود أن أقول شيئاً أخير لكُم

لا تيأسوا من رَحمة الله ابداً ولا تستسلموا

كُل شيء تعيشونه وتَمرون به في حياتكُم فيه حِكمة من الله

وأن الله يختبركُم ويختبر صَبركُم

لاتظنوا أن الذي يَصمت ليتلافى الشر بأنه ضعيف ، ولا تظنوا أن ألذي يحتمل الألم والمآسي والكثير من الهَم والظُلم في حياته مُستمتع بهذا ......

هو فقط يُدرك بأن الله سوف يمنحه حياةً جميلة وتُرضيه عندما يصبر ويحتمل الذي يمُر به من أختبار الله ....

فـ إن الله مع الصابرين وايضاً الله على كُل شئٍ قَدير .

شُكراً لكُم على متابعة قصتُنا الجميلة وألتقيكُم في أعمالٍ أُخرى ، مَع تمنياتي لكُم بالأستفادة من هذه القِصة .

احبكُم هواي زُمُرداتي 🦋🤍.

« بِـسـم اللهِ الرَحـمـٰـن الرَحيــم »

۞ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ ۞

ـــــــــــــــــــــــــــــــــــــــــ

- الكاتِبة -

مرحباً اصدقائي الأعزاء

اليوم سأبدأ معكُم الجزء الثاني من قِصة حُب مُبهَم

جزءٌ مَليئٌ بالأحداث والذكريات التي اجتاحت

" سارة " بَطلة قصتنا ...

أرجوا منكُم أن تقدموا كُل الحُب والدعم للقِصة فأنا أعتمد عليكُم زُمرداتـي

ــــــــــــــــــــــــــــــــــــــــــــــــــــــــــــ

.. الذكرَيات ..

هي لحظات تَبقى عالِقة ومُخلدة

داخل ذاكِرة كُل شخصٍ منا ، مَحفورة داخلنا

تَذهب بنا لعالم نعود فيه لكُل ذكرى سواءً كانت أردناها ان تبقى أو لا ..

ذكريات عندما حَدثت لَم نعتبرها مُهمة لنا لِظننا بأنها عادية ، لكن عند تذكرها نشعُر بقيمتها وتأثيرها علينا

منها من تُلامس القَلب بِحنية

ومنها من تُلامسهُ بأذية

ذكريات منها تكون مؤثرة بشكل جميل ولها رَنقٌ خاص ، حين نتذكرها نَشعر بالراحة ونَعود وكَأننا نعيش ذات اليوم وذات الذِكرى

وهناك ذكريات مؤثرة بشكل قاسيٍ ومؤلم

عندما تعود بنا ذاكرتنا لها ، نشعر وكأننا عانينا وتألمنا لِلـتَو ...

لكن ستبقى الذكريات الجَميلة هي من تتفوق وتفوز بذاكرتنا وقَلبنا ، مُتأملين أن تعود من جديد لنعيشها بالحظاتها

فـهي لازالت تَنبض بالحياة

الذكريات

ـــــــــــــــــــــــــــــــــــــــــــــــــ

سَارة ــ

بيوم من الأيام القديمة الي مَريت بيها وانا طفلة ، چنت گاعدة بحديقة بيت جدي الورة البيت ...

چانت دنيا عصر تقريباً ، گاعدة على المرجوحة اتمرجح شوي ودخل علية مصطفى ...

مصطفى " ها الملحة شتسوين وحدچ ؟ " .

باوعت عليه بأمتعاض ورَديت

" اكل خرة شنو الملحة ؟

انت شايف وجهك لولا؟"

مصطفى " لا ماشايفه شبي ؟ " .

" دسم حيل " .

مصطفى " انچبي وامشي نروح نشتري " .

" مابية حيل " .

مصطفى " على حسابي " .

" اذا هيچ اروح " .

گمت من مكاني بسرعة ورحت لـ امي ...

" رايحة اشتري انا ومصطفى " .

أمي " اي بس مو تتأخرين " .

أومأت براسي بسرعة وطلعت لمصطفى ، چنت ما محجبة او تقريباً البس بس شلون ما چان مرات البسه ومرات لا ، طلعت وانا بدون حجاب وشعري القصير ولادي كلش وبي كم خصلة لونهن اصفر چان بوقتها امي تريد تصبغ شعرها اصفر ومصطفى يمنا جرني ولطخ شعري كم خصلة ومحتار شلون يحافظ عليهن حتى ما يدمر شعري لازمهن بأيده وخصلات چانن كلش صغار لان شعري قصير .....

طلعت من البيت انا ويا وهو مستمر يضحك علية ..

مصطفى " وين كرامتچ

وانتِ تاخذين فلوس مني ؟ " .

" انا وياك ثنينا ماعدنا كرامة ، انت تستغلني وتاخذ فلوسي وانا نفس الوضع " .

مصطفى " اي صح حلوين " .

نمشي ونضحك مرتاحين وفرحانين ، چان مصطفى مراهق وانا صغيرة ، اشترينا وكملنا ودخلنا للبيت ... شفنا امي وزوجة جدي چانن يخبزن سوة گعدت انا وياه على المرجوحة اكلنا الحلويات ..

مصطفى " گعدي تخيلي انتِ اميرة وانا الامير ".

" اي گوم هزني " .

گام بسرعة وهزني بالمرجوحة واحنا نضحك ...

مصطفى " تردين اسويلچ بيتزا ؟ " .

باوعت عليه بتساؤل

" شلون تسويها وين تعرف ؟ " .

مصطفى " كلشي اعرف " .

راح اخذ خبز من الخبز الحار وراح للمطبخ ...

مصطفى " تعالي وراي " .

رحت وياه وهو دخل المطبخ ...

گص الطماطة بالنص وظل ينگع الخبزة بماي الطماطة ، بعدين حط فلفل اخضر وطماطة شرائح وچان بثلاجة زوجة جدي زيتون ....

مصطفى " خل نبوگه ختولي تاكل زيتون بالسكتة " .

" يلا بوگه " .

اخذه من ثلاجتها وحطه عليها وگصها مثلثات ..

مصطقى " ذوقي بيتزا مالتي السريعة " .

باوعت عليه بأشمأزاز مُصطنع وحچيت ..

" احسها وصخة مو نظيفة " .

مصطفى " لا شنو وصخة صدگ تحچين ؟ بكل طاقة عندي سويتها " .

" من ضاحك عليك وگلك سوي ؟ " .

مصطفى " مرات انا اتخيل واسوي بس اكلها كلها تصير بيها طعم حلو تذوقي وشوفي " .

قَلصت عيوني واكلت منها شوية چانت حلوة ..

" عوزها لمندوزي تصير تخبل " .

مصطفى بسُخرية " اي ونحط لبلبي هم " .

" لا شسالفة ؟ " .

مصطفى " وين اكو بيتزا عليها لمندوزي ؟ " .

" بعد هيچ تخيلتها " .

مصطفى " اكلي وانچبي

ترة بعد ما اسويلجچ شي " .

بقينا نسولف ونضحك خلصناها وطلعنا برة ...

مصطفى " راح اروح للبيت " .

" ليش ابقى "

مصطفى " لا اريد ارجع ادرس باچر اجي " .

" تعال بليل نروح للسنتر نجيب غراض لمَرة عمي " .

مصطفى " خوش اجي بثمانية " .

راح مصطفى وانا رحت لصديقتي لَميس ، طفرت عليهم من السياج بأمر منها لأن اهلها قافلين الباب عليها ، .خلت يمها لعبنا هواي وچان عدهم مسبح سبحنا بهدومنا وبدلت منها وصعدت طفرت ورجعت للبيت ، دخلت على كيف وگعدت شفت توم وجيري الى أن صارت بثمانية ....

اجا مصطفى ورحنا للسنتر جبنة لي طلبته من عدنا مَرة عمي ورجعنا ودينا الغراض لها وطلعنا ....

" رايحة اشتريلك موطة على حسابي " .

مصطفى " شعجب ؟ " .

" انچب شنو مامشترية لك ؟ " .

ضحك ورحنا اشترينا ورجعنا للبيت ...

مصطفى " باچر تجي شهد وعمتي وشهد تريد تركب بالبايسكل مالتي " .

" شدعوة هيچ فگر انطي لها " .

مصطفى " لا مايصير هيه بنية " .

" بس تنطي لي انا هم بنية " .

مصطفى " انتِ تختلفين " .

" شلون ؟ " .

مصطفى " انتِ ولد بالنسبة لي " .

درت عيوني وحچيت بأمتعاض ..

" اسكت احسنلك " .

سلم علية وراح .....

ثاني يوم من الصبح اجت عمتي والبيت صار هوسة بسبب صريخ الجهال ...

چنت اروح للسوگ يم ابوي ومرات ما اروح للعصر اجت ام مصطفى وياها فاطمة ، سوينة سباق بالبايسكلات وشهد تتعارك تريد ، وانا واگفة اتفرج عليهم ابد ماچان عاجبني شي .....

فاطمة " صار دورچ " .

" ما اريد العب انا " .

جعفر " ليش ماتردين ؟ اخذي المركز الاول " .

حچة صديقي وانا مركزة على كلامه ..

" وشنو جائزتي ؟ " .

جعفر " فاطمة تصير خدامة لچ يومين " .

ظلينا نضحك ومصطفى يضحك على اخته وهي ظلت تبچي ودخلت جوة ... صعدت لعبت وفعلاً فزت ......

مَرت الايام وانا صديقي المقرب مصطفى ، كبرنا سوة وتقاسمنا كلشي سوة ، بيوم من الايام صادف عيد ورحت انا ويا نجيب دجاج ذبح علمود امي تطبخ لان خالاتي جايات لنا ، رحنة انا ويا للسوگ نسولف بكل طاقتنا ونضحك وناكل ...

اشترينا الدجاج وطلعنا ...

" انطيني انا الزم العلاگة " .

مصطفى " لا ممنوع " .

" ليش ؟ " .

مصطفى " أنتِ بنية عيب " .

اخذ العلاگة وانا امشي چنت احس انا بوضع حلو مادري بس فرحانة والشمس قوية ...

مصطفى " انتِ هم تلعب نفسچ ؟ " .

باوعت عليه بأستغراب وسألت ..

" منين ؟ " .

مصطفى " من هذا " .

رفع ايده وما احب الا برأس الدجاجة بحلگي ...

تراجعت بسرعة وظليت اصرخ عليه ...

" ايييع "

بصَقت بالگاع بسرعة وركضت وراه وهو يركض وانا اركض وراه ، چنت صح ضايجة منه واريد الزمه انتقم لكن بنفس الوقت چنت اضحك واحسها فد لعبة ....

مصطفى " كافي اشاقة "

وصلنا للبيت قريب علينا كلش ...

مصطفى " اركضي خل اركض وراچ "

" مابية حيل "

مصطفى " خل نوصل بسرعة "

" ليش ماتركض انت ؟ "

مصطفى " لا ركضي وانا اركض لأن انا دائماً راح اركض وراچ "

" خوش عفية "

ضحكت بسرعة وركضت وهو مستمر يركض وراي .. وصلنا بسرعه للبيت وامي استلمتنا ...

أمي " شبيكم ؟ "

" تعبنا كله ركض "

أمي " چا هيچ هي ؟ "

" حتى نوصل بسرعة "

انطيناها الدجاج ودخلنا جوة ....

مَرت أيام واجت ايام وانا ما اطلع ولا العب الا وياه وچنت اوزن بين شغلي وبينه ...

هو چان چبير وطويل بس چان عادي بيننا نلبس مرات سوة ، اخذ فلوس منه چان بيناتنا ميانة حيل قوية والكل يشهد عليها .....

" شنو رأيك تصير الشرير وانا والبنات فتيات القوة ؟ "

مصطفى " شلون ؟ "

" تخطف واحد واحنا ننقذه "

مصطفى بملل " بطرانة "

" يلا عفيه اذا تحبني خل نلعب "

مصطفى بأبتسامة " خوش "

حضرنا ولبسنا مثل لبسهن ولعبنا حسب لي نشاهده على تلفزيون وفرحانين كلش هواي نتعب ونستمر لأن فرحانين ، بقينا نكرر هل شي دائماً ومصطفى بقى وياي نطلع سوة ونطب سوة حتى من چان بيتنا بعيد يومياً يجي ومرات يبات عدنا نگضيها لعب ....

گاعدين على الطابوگ قريب على البيت وانا اسولفله شلون اريد اطفر على جوارينا وهو متعجب ....

مصطفى " ليش ؟ "

" خمطوا الكمبيوتر مالتي "

مصطفى " قابل هو حقيقي شو بي بس لعبة الدودة "

" ميخالف احبه "

مصطفى " طفري واذا ماتگدرين

انا اطفر وابوگه "

ضحكت لأن ساندني وبعدها راح ...

گعدت الساعة ستة الصبح ومحد گاعد ، اباوع عليهم كلهم بسابع نومة ... گمت على كيف من فراشي و طلعت من البيت بسرعة ورحت طفرت على جوارينا ورجعت الكمبيوتر واخذته وانا فرحانة ....

العصر اجة مصطفى علينا وسألني وانا ابتسمت ابتسامة عريضة وبكل فخر رديت ..

" بگته ورحت "

مصطفى بضحك " والله لوتية "

بقينا نلعب ونضحك ومامهتمة لشي ، ورة يومين بالضبط اجو الجوارين وگالوا بنتكم طفرت علينا وباگت مالتنا الكمبيوتر ، چنت اسمعهم من الباب ، طلعت لهم بسرعة وحچيت ...

" لا تچذب يمتى طفرت ؟ وبعدين هذا مالتي "

ام فاضل " خاله حرام شلون تبوگين ؟ "

" حرام عليچ شلون تاخذين شي مو لچ حتى لو ابوگه حلالي "

رجعت تحچي وتلح گامت امي وانطته لها ..

امي " يمة مالهم "

هَزيت راسي بنفي بقوة وانا احچي بصوت عالي

" مالتي والله شوفي حتى اسمي عليه "

وهي ظلت تنكر ، ماتحملت وغلطت على المرة والولد ابنها چان اكبر مني ...

أم فاضل " بدون ترباية ماتحترمين "

امي جرتني وكتلتني گدامهم وانا صامدة واصرخ انُ الكمبيوتر مالتي ، راحوا وانا حلفت الا ابوگه مرة لخ واخذه لو يبقى آخر يوم بعمري .. ثاني يوم گعدت من الخمسة الصبح انتظر تصير بالستة ومجرد ما صارت طلعت وطفرت عليهم لگيت بيبانهم كلها مقفلة ، خليت ورجعت للبيت ثاني يوم صعدت على السياج مالتنا فوگ البيت وطفرت على بيتهم گطعت النت مالتهم الواير حتى بعد مايندگون بية وياخذون املاكي ورجعت للبيت ، العصر اجت امه تشكي مني يم امي وتگلها بنتچ هيچ وهيچ وامي تنكر لان ماتدري بية اصلاً وانا كل هذا سولفته لمصطفى ومصطفى يضحك ويشجع بية تعودت ما اضم شي عليه وهو كذلك ....

رجعوا سووا النت مالتهم وصعدت عود انظف فوگ البيت بس انا چذب وگفت اسمع رمز الشبكة مالتهم وگبل نزلت حطيته بجهاز امي وگمنا نكنك عليهم بدون علمهم ...

چان ماعدنا نت احنى ابد ممنوع فـ ورة فترة رجعوا غيروه وانا گلت مادام هيچ الا اگطع الواير مالتهم ، راحت امي للسوگ وصعد طفرت على بيتهم وگطعت الواير مال النت وخليتهم يتلاطمون شوي ودگوا الباب بس مافتحته ومرة لخ كسروا ، طلعت ومديت راسي من السياج وطلع ابنها وهي

ام فاضل " ماتستحين تطفرين

على بيوت الناس ؟ "

باوعت عليها بنص عين ورديت ..

" وانتِ ماتستحين تبوگين بالناس وتحلفين چذب ؟ يلا ولي منا الباب نريده ماعندنا فلوس نشتري مثلكم يلا اخذي ابنچ وانگلعي منا الخبيثه الحرامية "

ونزلت فد مره عليها غطت وجهه وراحت صعدوا سوووا الواير وكذلك چنت لابدة ورة التانكي مال الماي وسمعته چان نفس الرمز بس ضافوا صفرين اتصلت عليهم وامي تسأل منين وگتلها هكرته وفرحانة عبالها صدگ ، اجة مصطفى وكتله هيج وهيچ گال خل نطلع نلعب غميضة وياه ونكتله كتلة مرتبة ...

رحت دگيت الباب وطلع ..

فاضل " شتردين ؟ "

" تعال فاضل نلعب غميضة سوة "

هو چان مثل المعجب بية مرات يجي يدگ الباب وافتحه واگله شتريد يبقى بس صافن ويگول ها واگله وجعا واسده بوجهه ... صدگ بية واجة وياي اول مرة سماح بعدين لبد ورة السيارة ورحت وراه جريته من شعره چان وصخ وشعره طويل ..

" ابو الوصخ تبوگ مني "

گطعته تگطع بالشبشب حيل على راسه صار ازرگ انوب راد يشرد ولزمه مصطفى جابه براشدي قوي خلة وظل يركض ركضت وراه وشمرت عليه تراب ظل واگف بمكانه يبچي ..

" هسة تجي امك تصرخ چنها سعلوة "

مصطفى " تعال اوديك لأمك واذا تفتح حلگك انا اكسر سنونك "

فاضل " لا ما احچي بس خل اروح "

وديته للبيت وطلعت بوجهي امه ..

" هاچ خالة ابنچ كتلوه الشباب "

ام فاضل " خاف انتِ كتلتيه ولچ ؟ "

باوعت عليها وبعيوني نظرات البراءة المُصطنعة

" لا خالة شسالفة چنة نلعب شوفي شلون يبچي اصلاً انا وابن عمي دافعنا له "

ام فاضل " عفية عفية "

وفاضل مستمر يفرك بعيونه وهي تتمنى تعلسني علس ...

دخل للبيت مالهم وانا ومصطفى كيفنا وفرحنا ثاني يوم اجت تشتكي لأبوي علية ، انا چنت نايمة وابوي سولفلي گتله خيولي باگ مني لابتوبي لي جبته لي گال زين تسوين كتلي حيل اكره ابنها كتلته كتلة بابا .. وامي ما قابلة علية

العصر اجت امه يم امي هم تشتكي مني وليش هيچ اعامل ابنها واكتله وامي تجيبها منا وتوديها منا اخر شي كلتلها بنتي مو بعقلها خية عذريني گامت المرة وين ماتشوفني تگلي مسودنة وكل ما تگول هيچ انا اتحلف لها واروح اگطع واير النت مالتهم اخر شي فاضل كتل لُجين وخلة حلگها يصب دم وانا گلت لمصطفى وهو گال خل نخرب النانو مالتهم ...

صعدنا المغرب انا وياه بحجة نعالي انشمر فوگ .. گطعت وايراتهم كلها ومصطفى شلع النانو مالتهم وخسفه نزلنا بسرعة ورحنا للمحل حتى محد يشك اشترينا ورحت ويا مصطفى نلعب بالساحة نريد بس نشرد ، شوي واجة ابوي ورانة

ابوي " انتِ سويتي بالناس هيچ ؟ حتى واير الأمبيرية شلعتيه ووايرات الاضوية كلها ؟ "

سويت نفسي متفاجأة وانفي براسي ..

" لا بابا هل مرة مو انا حتى اسأل مصطفى "

مصطفى " اي عمي چنة ناكل اصلاً "

ابوي اومأ براسهو صدگ وصار ويانا ، رجعت للبيت والمرة واگفة تهدد بأهلي ...

ام فاضل " بنتكم المسودنة خسرتني 200 الف وايرات وكلشي "

امي واگفة و تنكر وابوي هم وانا لازمة الموطة واكل بيها واباوع عليها ببراءة ..

" دفعي فلوس خالة غير بيتچ هو "

وهي تتمنى تعلسني علس ، واستمريت هيچ وياهم واكنك عليهم انا ومصطفى ...

چنة بكلشي سوة يساعدني واساعده ناكل سوة نشرب سوة نطلع سوة نلبس سوة ، چانت أيام مليئة بالذكريات وماراح انساها طول عمري لأن هل ذكريات انحَفرن بداخلي الى الأبد .

ــــــــــــــــــــــــــــــــــــــــ

فَزيت من ذكرياتي على صوت احمد وفجأة خطر على بالي سؤال له ...

" صديقك الي توفى هم تشتاق له ؟ "

أحمد بهدوء " هواي "

" كل شگد تزوره ؟ "

احمد " بالشهر مرتين حسب شغلي بس اذا ماعندي شغل لا اسويهن اربع مرات بالشغل واروح يمه اكثر من اربع ساعات "

" هذا ميت وهيچ لو عايش شسويت ؟ "

احمد بهدوء " احتمال اگعد يمه "

" ليش ؟ "

احمد " شاركني بالحلوة والمرة چنت اضحك بس وياه چنت من اتعاقب يتعاقب وياي حتى يبقى يمي چان مايشرب گلاص الماي اذا مايجيب لي وياه "

چنت صافنة عليه وهو يحچي وانا بداخلي فقط اريد اوصل للنقطة الي اريد يفهمها ..

" هسة لو يتصل عليك ويگلك محتاجك تروح بس بنفس الدقيقة انا هم احتاجك تبقى يم منو؟"

احمد " صح انتِ غالية علية وما اگدر على فراگچ ثانية بس اكيد اروح اشوفه "

" اي صح "

بهت وجهي وسرحت بأفكاري وبداخلي اسئلة لا يوجد لها أي اجوبة تَشفي غَليلي ... زين ليش حارمني من السلام ويا صديقي ؟ مو صديقي وياه اخوي .. دمعة عيوني ومسحتهن بسرعة

أحمد بأستغراب " شبيچ وشهل سؤال ؟ "

تنهدت بصعوبة وجمعت شتات نفسي وحچيت ...

" وديني لبيت عمي ابو مصطفى "

أحمد " شبيهم هم كاتلة بنتهم وتردين ترحين؟"

ألتفتت عليه ورَديت بغصة

" لا بس عدهم بالبيت شخص عزيز على گلبي احس گلبي يوجعني لأن صارلي اشهر ما لامحة عيونه ووجهه وحچيه من يگول محتاجة شي خوية "

باوعلي بنظرات مادري شلون اوصفها لأنها چانت حرفياً غريبة بس انا متأكدة انُ چان يتمنى يكتلني ويشرب من دمي ...

" تفكيرك انُ انا احبه ؟ ظل على عقليتك بس انا احبه لأن هذا اخوي ، معزته مثل معزة البنات وعلي بس تفكيرك كلش غلط "

حچيت ببرود وانا اباوع بعيونه واحس نفسي باهتة حيل ما ادري شمالني ، اريد ابتعد عنه واريد ابقة وياه .... اريد اطلع وما اريد اطلع ..

گمت و رحت للغرفة وانا اتذكر سوالفنا انا ومصطفى وشلون يسويلي بيتزا بخبز بيت ضحكت وكل هل حركات چان احمد يباوعلي... گمت اضحك بصوت عالي وبشكل مُفاجئ له ...

أحمد ببرود " ها شخطتي ؟ الي باقي من عقلچ شوي طار ؟ "

" يمكن "

سكتت وهو هز ايده بيأس ..

" اخذني "

ألتفتلي ورَد بمُنتهى البرود ...

أحمد " لو تجالعين گدامي "

" براحتك "

بقيت ابتسم وعافني وطلع وانا بقيت اتذكر واتذكر واضحك ويا كُل ذكرى حلوة عشتها ويا مصطفى بصُغرنا .

ــــــــــــــــــــــــــــــــــــــــــــــــــــــــــــ

مَرحباً حَلوياتيييييييييي ، هذا البارت الأول من الجزء الثاني أن شاء الله تكونون استمتعتوا ويا نَهفات ومومنتات سرو ومصطفى 😭...

تصويت + تعليق = برتوت جديد ✨ .

قَدموا كُل الحُب للقصة ، احبكُم هواية هواية سيوووووو 🤍.

.

« بِـسـم اللهِ الرَحـمـٰـن الرَحيــم »

۞ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ ۞

ـــــــــــــــــــــــــــــــــــــــــ

المهم أعزائي هذا بارت 2 للجزء الثاني فوگ الـ8000 كلمة حرفياً طويل وحلو أن شاء الله تستمتعون بيه ، وراح احط شروط اتمنى تنفذوها حتى تخلوني اتحمس وتحفزوني انُ اكملها بسرعة بسرعة الكُم ومتى ما تنفذن الشروط ينزل بارت حلو وطويل لعيونكُم الحلوة

- الشروط -

500 تصويت

300 تعليق

تصويت + تعليق = بارت جديد

تجاهلوا الأخطاء الأملائية إن وجِدت

~ انجوي ~

ــــــــــــــــــــــــــــــــــــــــــــــــــــــــــــ

سارة ـــــ

مرت الأيام وانا اتصرف عادي ولا كأنُ صاير شي ..

بدأت اخذ من سوالف احمد و اطبق كلشي هو يسويه وچانت اول شغلة هي شغل البيت ....

چان وهواس النظافة طاغي عندي ، أيدي تنگص بالسچين عادي عندي ولا احس ولا انتبه ..

اسبح باليوم ثلاث مرات لكن گمت اقلل لأن وللأسف كل ما اسبح ما ارتاح اختنگ بالزايد وچان احمد يتنرفز على طول ليش ما ادري ..

گام كل مايجي يمي بس يكتفي ينومني بحضنه فقط من دون أي شي ..

" ليش زعلان مني ؟ "

أحمد بهدوء " محد يزعل من روحه "

" ليش هيچ مبتعد ؟ "

احمد بهدوء " تعبان ، صح انتِ يمي بس مشتاگلچ هواي وبنفس اللحظة مابية حيل كلش"

سكتت ونمت بحضنه و بدأت رحلتي بعالم الأحلام ، من الممكن تعتقدوها احلام وردية جميلة لكن چانت العكس .. احلام مزعجة ...

كلش اتعب وانا نايمة ، اصوات بأذني مثل الوشة .. كل بشر من يغمض يشوف سواد الا انا راح هل لون مني چنت اشوف بس ضباب ابيض چنت اتوقع احلم يوم عن يوم وانا اسهر نعسانة بس مااگدر انام شهر كامل وانا اعاني من هل شي بس سكتت گلت هسة من احچي يگولون مسودنة ..

بداية زواجي من أحمد چنت ما ارتاح بحضنه لكن هسة العكس تماماً ، صرت اخاف من انام وحدي ارتاح بس من انام بحضنه ..

ضغطت على نفسي وتقربت منه ابد ما رفضني بالعكس چان حتى من يبوسني بأشتياق ولهفة ..

ضلينه على هل وضع اسبوع كامل مثل طيور الحب بس چنت اجبر نفسي ومن اتقرب يمه اختنگ واحس بحرارة بصدري قوية ، هو يلاحظ هذا الشي ويسأل

أحمد " ليش جسمچ من يصير الليل

يصير نار ؟ مريضة ؟ "

أبتسمت بخفة ورَديت ..

" لا بس لأن دافية الغرفة "

احمد " ترة صيف والجو حار "

" اي شسوي انا يمكن عندي حرارة داخلية "

تنهَد بهدوء وسكت لأن انا أصريت انُ مابية شي وللصراحة اكثر لأن انا بنفسي مادري شمالني !! .

ــ يوم السبت ..

گعدت الصبح تريگت ورتبت المطبخ واحمد نايم ، رحت يمه اباوع بوجهه حسيت بأحساس حلو داخلي ، حسيت انا احبه ...

فتحت ايده ردت انام بحضنه بس گلن لا خل اصلي يالا ، رحت طبخت الغدة وكملته انتظرت يأذن گعدت اسوي الأعمال لحد مايأذن كملت كلشي وصارت بـ12:30 صليت وغيرت ملابسي لشي خفيف تعطرت ورحت فتحت ايده ونمت بحضنه ، بسرعة داره وشبكني ..

أحمد " وين چنتي ؟ "

" طبخت وصليت "

باسني وتقرب حضني وانا بكل مرة يتقرب مني أحس بنار تَهمش داخلي ..

نمت بحضنه بس ما ارتاحيت ابد سحبت روحي منه شوي شوي وهو غفة وانا احس ارتاحيت نمت ..

و گعدت العصر من النوم واحمد ماكو سبحت واكلت واتصلت عليه يرن ومايشيله شوي واتصل وهم مارديت عليه

وتمتمت بداخلي ' وحدة بوحدة '

شوي واتصل علي اخوي ورفعته ..

" هلا حبيبي ابو حسين شلونك "

علي " مشتاقلچ وزين بس الفلك شوفيها لي"

عرفت قصده على نور ..

" شبيها ؟ "

علي " گالت ماتريد صالون ولا تريد بدلة تگلي سارة تجهزني "

" هاي عقلها طاير مثل اخوها اتركها انا عندي هواي نسوان لك "

علي " الشرع محللل اربعة وانا اريد سبع نسوان ما اريد اربعة "

" وين تحطهن ذني لسبعة غير يطردك ابوي من البيت "

علي " هي وحدة يومياً يطردني ويقفل الباب اظل مثل اليتيم برة بالشارع انا والچلاب لحد ماينام واطفر ادخل لغرفتي "

" هسة اشوفلك الفاهية واحصرها لك "

علي " حيل كتليها وبردي قلب اخوچ "

كتمت ضحكتي عليه ورديت ...

" يهون عليك ؟ "

علي " فدوة لچ "

ابتسمت وانا اهز راسي ادري بيه چذاب سديته بسرعة واتصلت بنور وقابلتني نتذمراتها ...

نور " ولچ صرو لحگيني "

" احترميني انا مرت اخوچ الچبير شنو صرو ؟! "

نور " انچبي سارة وتعاي سويلي شيرة وحفيني "

" والصالونات شنو شغلهن بالله ؟ شيرة عادي بس حفافة وتنظيف بشرة "

نور " چا انتِ لمن موجودة ؟ "

" وهاي انا اظل اركض منا ومنا ؟ "

نور " والله مايحفَني عدل ولا يسون حواجبي عدل بس انتِ تضبطينهن "

" خل اشوف فارس احلامي وين تبخر وطار واجيچ الا اسحلچ من عطوبچ "

نور " حتى لو تهينيني انا قابلة بس تعاي "

" انتِ واخوچ تحبون لي يهينكم "

فشرت وسديته بوجهها حسيت راسي ثگل وجسمي ثگل وعيوني غوشت .. دگيت على راسي حيل بس ولا احس احس نفسي گاعدة بحضن شخص ضخم حيل ورابطني بحضنه هَزيت راسي و استغفرت هواي ...

خاف لان دايخة هيچ افكر ؟ .. ظليت سالفة تجيبني وسالفة توديني ، ظليت شگد ثكيل جسمي بس مرتاحة احس براحة مو طبيعية نعلت الشيطان وقريت المعوذات گمت توضيت وفرشت المصلاية صح بعد وكت للصلاة بس كعدت اقرة قرآن بس وانا اقرة مختنگة احس روحي محصورة بالنص ومنا حايط ومنا هم يتقربن والهوا ينگطع استمريت ويا ثكل راسي موتني كملت جزء قران وطفرت على الثاني بس اريد ارتاح متتت انسطرت سطر قريت الجزء الثاني وبلشت بالثالث وانا على وضعي قريت زيارة عاشوراء ما ظل دعاء ولا زيارة ماسويتهن قريت المعوذات لحد ما صليت يالله ارتاحيت بس لاحظت انُ اخربط بالصلاة وهاي اول مرة هيچ يصير وياي بحيث عدت مرتين لحد ما ضبطتها لان وانا اصلي احس گوة احچي مثل المخدرة ضبطتها يالله ارتاحيت ..

تمددت على القنفة واحس يمي احد ..

- اجة احمد ، بس ليش هيچ هدوء ؟ لو احمد چان سمعت صوت باب هوسة مستحيل يدخل بهدوء اذا مايرج البيت رج -

گعدت افتريت بالبيت ماكو انا چنت ما اخاف بس چان وراي مثل النفس الحار مثل الشخص لي تعبان وگوة يتنفس انفاسه حارة بس بنفس الدقيقه النفس ريحني استغفرت وحاولت امثل انُ انا خايفة بس ماخفت ابد ، رحت غيرت ملابسي ولبست روب احمر حطيت حمرة لونها احمر رسمت عيوني ودمجتهن بالون الاسود وجهي صار يخبل حسيته مثل النور ضحكت وانا اباوع لوجهي بالمرايه - يبوي طار عقلي -

رحت اتصلت على احمد يرن ومايشيله فصلته واتصل

- عود هاي شنو يسمونها ؟! - رفضته انوب اتصلت ورد

أحمد " ها شتردين ؟ "

" خوية عود من واحد يتصل عليك وماترد شنو معناها ؟ "

احمد " يمي جماعتي "

" تگدر تگول يمي جماعتي لمن يدگ وماترد انوب من ينسد تتصل "

أحمد " عود اطمنچ انا بخير "

" بخير مو بخير شعلي بيك دير بالك تطبق سوالف شغلك وجماعتك علية انا مرتك بالله احترگت انتلت "

احمد " عار مايصير بيچ شي خايف اموت انا وانتِ تظلين وهنا شلون الزمچ ماگدر "

- بلا هذا واحد شيحچي وياه ؟ -

" هذا الهامك ؟ "

أحمد " اي ، الاحمر يخبل هسة جاي جاي "

عگدت حواجبي بأستغراب

" يا احمر ؟ "

أحمد " هذا صاحبي لابس احمر بس شنو طالع يخبل يعني حتى انتِ ماتلحگينه "

بأستنكار " لا والله ؟ "

أحمد " وداعت عيونچ الحلوات الساحراتني وناعلات ابو ابوي "

" اي صح واضح اريد موز جيبلي "

أحمد " وين اكو واحد مفتح هسة "

" ترة بالسبعة ونص وابو عباس گاعد "

أحمد " يا ابو عباس ؟ "

" صاحبي "

أحمد " دقايق ويمچ "

" شبيك اشاقة ابو عباس ابو الايتام بنهاية السوگ "

أحمد " وين تعرفينه ؟ "

" شني وين چنت عنهم ؟ "

أحمد " راح امر للگصاب بلكت عنده گرون زايدة "

كتمت ضحكتي ورديت عليه

" لا روح لحسن دائماً عنده گرون زايدة ويلمعن بدون ما تمسحهن "

أحمد " وبعد شتردين ؟ "

" سلملي على بو عباس وگله رسلان يسلم عليك "

أحمد " استغفر الله "

" زلمة عمره ستين سنة اگعد واركد ، واريد مشمش وياك وجيبلي لبن واهمشي ككوو لان مشتهيته كلش "

أحمد " تردين تحليل مال حمل ؟ "

گلبت عيوني لأن اعرف قصده

" لا عليمن تشمر فلوسك ترة علية الشهرية ، يلا مو تتأخر وها جيب وياك عشاء ترة مابية حيل اسوي "

احمد " والغدة ؟ "

" باچر احميه لك "

أحمد " حتى انوم الجدر براسچ ويلا ولي رصيدي خلص "

" رصيدك وانتَ ترحون فدوة لي "

أحمد " طبعاً بوية وعشيرتي كلها تروح فدوة لـ اسمچ "

أبتسمت بخفة

" حمودتي "

أحمد " عيوني "

" جيبلي وياك طرشي مدبس "

أحمد " صار وراح امر علة الصيدلية "

ضحكت وسديته نص ساعة واجة جايب دجاج شوي وخبز وكل لي طلبته حتى تحليل حمل ..

" صدگ تحچي ؟ "

احمد " خاف تحتاجينه "

شلته وذبيته بالزبالة ..

أحمد " ليش بربوگ ؟ "

" تره مو حامل "

احمد " حلليي بي گدامي امشي "

" شنو تسودنت تره صارلي

فترة ما مشتريلي "

أحمد بتعجب " انا ما اشتري لچ ؟!

ولچ يوميو اروح اجيب علاگة اكبر من راسچ بس مايغزر بيچ "

" اي صح "

أحمد " گومي حللي گدامي "

" خل اشرب البن بلكت يصير ادرار واحلل تدلل "

اتعشينة وعزلت الغراض ، گعدت بالصالة وتذكرت التحليل وهو نساه .... طلعته من الزبالة گدامه وحطيته بصدري گمت شمرته بالحاويه لان ماردت أذيه وانا ادري مو حامل لو محللة بوقتها چان من الممكن تغير شي بس عنادي وتجاهلي هنَ الي تصرفن هل مرة ....

رجعت گعدت يمه سئلني

أحمد " حللتي ؟ "

" اي "

احمد " شنو ؟ "

" سلبي "

أحمد " خوش "

سكتت وهو كذلك .... چنت ادري بي يتمنى اگله اي چان يتمنى تصير عنده بنت ويسميها (روح) حتى الكل يصيحون لها (روح احمد) قاطعت سكوته وحچيت

" وديني لهلك "

أحمد " شتسوين ؟ "

" اشوف نور شنو محتاجة ودزت علية وهم اشوف عمتي "

أحمد " باچر "

" ليش مو هسة "

احمد " مشتاقلچ "

" اهو احمد هسه توديني "

رفض وبعد لح واقناع يالله

أحمد " وسم خوش اوديچ بس تعاي اسولفلچ سالفة "

سحبني وگعدت بحضنه ورجلي على القنفة باسني بس چان ضايج وكلش واضح على ملامحه انُ تعبان

" شبيك ؟ "

أحمد " مابية شي "

" ليش ضايج ؟ "

أحمد " توقعت تگولين ايجابي "

ارتخت ملامحي ورديت بأبتسامة خافتة

" الله كريم كلشي بوقته حلو "

أحمد " ضامة عليَ شي ؟ "

" مثل شنو ؟ "

أحمد بتنهُد " هيچ "

سكتت لأن اذا اكمل حچي وياه يگعد يستجوبني عبالك مجرمة ، باسني ودخلني بحضنه و ...........

سبحت وگعدت احچي ويا لجين وسولفت لها شنو يصير وياي ومن يتقرب علية احمد احس لازم انفره بس ضاغطة على نفسي واحس دائماً اكو وياي احد

لجين " ديلا هم مسودنة وهم بيچ جن والله مسكين هل احمد "

" حضرة جنابچ تضحكين ؟ "

لجين " والله بيچ جن "

وسعت عيوني وانا أرد عليها بشبُه انفعال

" شنو جن شجاي تحجين ؟ "

لجين " ولچ انا اربعة وعشرين ساعة ابحث عنهم عندي هواي معلومات انتِ عندچ جن عاشق من زمان تعانين منه بس ادري بيچ تتجاهلينه عود شخصيتچ قوية وماتخافين "

" فعلاً ما اخاف "

لجين " احسن لا تخافين اذا تخافين راح يتقرب اكثر انوب تحبلين من العاشق واحمد ينتحر "

ضحكنا وسولفنا كل توقعي تضحك علية لحد ما

لجين " هاچ رقم لمياء "

" شبيها هاي ؟ "

لجين " هاي عرف بس من بعيد خوش سحارة شوفيها "

" منيلچ هيج وحدة ؟ "

لجين " چا شلون جبت حيدر لطريق روحي جيبي احمد لطريق "

" صدگ تحچين صدگ هيج سويتي ؟ "

لجين " لا ولچ چذب شتدرين بية هيج اسوي بس لان انا البس منچ تحولت التابعة عند شيي وشوي حياتي بيها عرقلة شوفي شنو تگلچ هاي اذا تاخذلچ خيره على حياتچ المرة تهج وتشرد "

دزت رقمها حفظته

لجين " كلشي تسوي محبه وسحورة وخيرة وتسحب الجن تحصنچ تحصن "

" خوش بس مو هسه "

لجين " يمتى من اشوفج تركضين بالشارع مصلخة ؟ "

" حتى احمد يرميني طلقة ويگولهم غسلت عارها "

لجين " والله لو يدري بيچ اسوين سحورة يدفنج جوه البيت "

" ولج يمته مسويه "

لجين " لزمتها عليج بعد راح اطش الخبر يم فاطمه "

" حتى توصل لبغداد سارة ام السحورة

"

لجين " اي چنة كريم تسوي سحورة "

ضحكنا وسديته ، ثاني يوم الاحد رحت لنور سويت لها شيره من فوگ ليجوه چنها عجينه تروح وتجي بيدي حفيت وجههة سويت ماسكات لها طلعت بسامير وجههة حرفياً طلعت غير شكل بقيت عدهم من العصر لليل ونور قنعتني انُ ابات يمها واروح وياها للصالون

نور " عفيه نروح يوم الاثنين الصبح بالتسعة للصالون وانتِ امشي وياي "

" خوش اروح "

فرحت واتصل علي اخوي

علي " باچر ترحين اريدچ ترحين وياها لان هاي تفشلنا "

" لا خوش بنية بس دمغتها رجعت عقلها براسها "

علي " وابو شوارب مارجع عقله براسه ؟ "

" فارس احلامي يحتاج طلقة حتى يرجع عقله براسه "

علي بضحك ": شوفي رجلچ بلكت يقبل واحچي وياه بهدوء لان هذا گواد مايقبل هسة يصير براسي الرجل القيور "

" اي عفيه ، المهم يمي "

سديته واتصلت بأحمد

" اريد ابات يم اهلك "

احمد " لمن ؟ "

" حتى باچر اروح لصالون وياهن "

احمد " لا صالون ولا بطيخ ممنوع "

" ليش احمد انا تره ببيت اهلك مو غرب "

أحمد " ماگدر هسه شوية واجي ، الصبح ترحين لهم "

رفض رفض قاطع ، سديته لان صدگ ضوجني وساعة واجة ، شوي غيرت نفسيتي صح من بيت لبيت بس احسن چنت مرتاحة بيتهم بس من رجعت للبيت رجعت نفس الوضع بالذات من يتقرب مني احمد حتى هو احسه يريدني ومايريدني گعدنا انا وياه وفتحت موضوع الصالون

احمد " شتسوين رايحة ؟ "

" خطية وحدها "

احمد " لجين وشهد موجودات لو لازم اله كلچن ترحن "

" هي تفرح من تشوفنا "

رفض وجادلني درت ظهري وغطيت حتى راسي احس جسمي گب نار نار ..

احمد " شبيچ جاي تبچين ؟ "

" لا "

جر الغطى وشافني عرگانة

أحمد " شكو شبيچ مريضة ؟! "

" لا والله مابيه شي بس لان تغطيت هيچ "

احمد " لا تقنعيني من الغطى دقايق وهيچ صرتي تعرگين شبيچ ؟! "

" اريد اروح لصالون "

تنهد بهدوء

أحمد " بيش الساعة ؟ "

فرحت ورديت بسرعة

" بالتسعة علي اخوي ياخذنا "

أحمد " روحي حبيبتي "

ابتسمت بفرح - معقوله هيچ قبل بهل سرعة ؟ -

من الفرحة گمت بسته و ظل صافن

احمد " الحمدلله والشكر "

سبحت وحطيت ماي بالبانيو لي حاطه بس شكل بالحمام وحطيت ثلج صار الماي ثلج حطيت رجلي كش جسمي بالبداية بس ولا حسيت بالبرودة ، ظليت بيه بالساعة وشوي ودگ الباب احمد

احمد " وينچ سارة بيچ شي ليش تأخرتي ؟"

" ادخل "

دخل وانصدم اجة گومني وهو يباوع علية بأستغراب

أحمد " شبيچ شبيچ تسودنتي؟ ماي ثلج بيچ شي من كل عقلچ تسبحين بهيج ماي ؟ "

يحچي و يرجف

" شبيك تصيح علية تره ما احس بي جسمي نار والله "

لفني بالبرنص وطلعني

أحمد " بدلي اوديچ للمستشفى "

" مابيه شي "

أحمد " صوتچ ما اسمعه يلا بسرعة "

بدلت ورحنا للمستشفى الزبير دخلنا ولگينة دكتورة تريد تطلع وگفها وحچة وياها وانا مو وياهم ابد احس بنار بجسمي

الدكتورة " هناك روح تلگة دكتور خل يشوفها "

جرني من ايدي رحت امشي بس احس بس جسمي يمشي روحي بغير مكان دخلنا وظل يحجيله على حالتي

أحمد " دكتور هي ما مصخنة بس جسمها نار وخايف تصير عدها شمرة لان صخونتها قويه كلش "

حط بحلگي عودة

الدكتور " بلاعيمها مابيهن شي احتمال عدها صخونة داخلية "

كتبلي علاج وانطاني ابرتين

الدكتور " وديها للمرضة بره خل تضربهن لها هسه وخل تقيس ضغطها "

رحنه وضربتني من ضربتني حسيت وعييتت ما ادري شلون وليش هيچ

" وين انا ؟ "

غم گصته وهو يهز راسه بيأس

كملت الدكتوره وقاست ضغطي صاعد شوي يعني زين ، رجعنة للبيت

" مابيه شي تره "

احمد " والثلج لي بالماي ؟ "

" احب الماي البارد "

أحمد " بس مو جنچ مأوڤرة بالثلج ولچ حتى اهل السمچ ما سووا سوايتچ "

" تضحك عليه انا احس بنار "

احمد " وين ؟ "

" جوه "

أشرت بداخل صدري

أحمد " هسة اطفيها لچ "

غلست لان ادري بيه طايح حظ .. وصلنا للبيت دخلت گبل للغرفة نمت چفي شوي وحسيت اكو احد فوگي گلت هذا احمد وضليت مغمضة فزيت على خنگه لگيت احمد نايم بصفي ، غطيته عدل وانا رحت دحست روحي ورة ظهره كل ما اريد اغمض ماگدر لحد ما غفيت وگعدت بالسبعة ...

گمت حضرت غراضي ورحت سبحت وتريگت گعدت احمد وداني لبيت عمي بالثنتين الظهر واحنا على هل فره والشغل والغده والماعين وانا حتى مكياج ما حاطه وشوي و تجي العروس رحت كتلها بعد صار دوري المفاتيح بصدري غسلت وجهي لبست عدسات سويت مكياج شلون ما جان بسرعه بس كلش حلو صار مكياجي على الترابي وعدسات فتحت عيني بدلتي جانت من فوك دلع ومفتوحه ومن جوه مخصره على جسمي وبيها فتحه من يم الرجلين وهل حچي احط مكياج وانا افتر وياهن كل شوية ساره ساره

كملت وجهي وشعري طلعت عمتي صلت على محمد جانت زوجة علي اخو احمد تباوعلي حسيتها تغار بس غلست ....

المهم كملت كلشي ودخلت نور كلها صلت على محمد حرفياً طالعة تخبل بدلتها ذهبية ومكياجها كلش حلو مرتب مو اوڤر ومبالغ بي لا حيل حلو صورناها وچان الكل موجود وهي التوتر فول ، رحت يمها وحچيت وياها

" ها الحلوة شبيچ ؟ "

نور بتوتر " عفية ابقي يمي ولچ راح اموت من المستحى "

" شسالفة بالعرس شتسوين ؟ "

نور " ما اريد أريد اطلگ ولج ماعبالي هيچ "

" گولي يا الله "

شوي وركزت علية

نور " والله طالعةحلوة احمد ما شافچ هيچ لابسة ولچ ماتخافين من عيون الناس ؟ "

" شسالفه دشوفي وجهچ "

نور " انچبي ولچ انا عروس مو هيچ حلوه "

" اكلي خرة طالعة تخبلين والقران فد شي صدك صالونهم يخبل "

نور " اي فد حبابات حرامات ما رحتي وياي "

" رجع ماقبل الرجل الغيور "

نور " قهرني بس تعوضينها بالعرس "

" غصباً عليه "

ضحكت وشوي حسيتها ارتاحتتت شوي ودخل علي واهلي وناس قليلين وياهم جابوا الشيخ ودخلوا غرفة عمتي عقدوا وطلعوا والجكليت يتطافر عليهم كعدوا وكلها كامت عليهم تصور فـ امي كالت لا تصورن عيوني انتن لمن جايبين مصورة احنا وعلي هم كال ممنوع تصوير بس محد اصلاً انتبه لكلامه مثل الذبان عليهم ..

شغلنا الديجي وكلها كامت تركص من الركص فحطنه انوب لبسها الحلقة وهي ايدها ترجف

علي " لبسيني الفاهية شبيچ راح تموتين؟ "

رادت تبجي اله شوي ..

علي " فدوه لعيونچ طالعة تخبلين "

نزلن دموعها بسرعة وهو يباوع عليها

علي " شبيج يمعودة شحجيت غير طالعة حلوه "

نور " استحي "

علي " فدوة شلون احنا بهل حلوات"

گوة لبسته الحلقة لبسها ساعة جانت هي جايبتها هو انطاها فلوس بحيث كلشي جابت على ذوقها حتى لا بعدين تگول ذوق علي كله على ذوقها قطعوا الكيك واكلوا وشربوا العصير بعدين حطيت لهم موسيقى رومنسية ركصوا ...

چان الكل يباوع لهم جمالهم مو طبيعي لجين وشهد يركصن يمهم رومنسي وعلي يضحك عليهن ونويره ماتت من التوتر كمل وكالوا تسترن ركضنه لبسنه شالات دخل احمد وابوي وابو احمد وعمامي للعلم ماجانت عدنا نسوان غرب بس جوارينا وكلهن لابسات عبي يعني عادي جانت نور لابسة الكبوس مال البدله ومستوره كلش ماطالع شي منها وعمتي غطتها بعبايتها بعدين انا صافنه عليها ...

درت وجهي لگيت احمد يباوعلي وانا من فهاوتي عليهم نص صدري طالع خزرني غطيت روحي ورحت للغرفه فـ شوي وصاحني عمي

عمي " بدلي روحي ويا اختج واخوج ياخذون صور "

" وعمتي ؟ "

عمي " امج وعمتچ هم يرحن بس نور تريدچ حركات مدري شنو تريد "

فهمت قصده انا انُ اسويلهم حركات وكذا

- بكلبي عمو انا حتى عرس مامسويه وين اعرف للحركات -

هزيت راسي بأيماء وشوي واجة احمد

احمد " وين ترحين وصحيح لي سمعته ؟ "

" شنو ؟ "

احمد " ماترحين ؟ "

" ليش ؟؟ يردوني وياهم "

احمد " ماكو طلعه اكسر رجلچ اذا تطلعين "

سكتت وطلع وانا احس راح اطگ من اعصابي بس لزمت نفسي وظليت هادئة

گلتلهم ما اروح وراحت لجين وياهم وطلعوا جان الكل قابل اروح حتى عمي وابوي الكل بس هو رفض النوب من راحوا ..

صاحلي انا سويت نفسي عادي

" شنو شتريد ؟ "

احمد " بدلي ملابسچ بسرعه "

" لو تموت "

دخلت ودخل وراي جرني لغرفة اخته وقفل الباب وتشوفين البنات يدگن بالباب يعرفنه

" بطل هل مرض تبديل ما ابدل ، شتريد شنو انت جاهل ؟ "

احمد " بدلي ماتشوفين كلها تصور "

" واذا محد غريب ولا ولد بس نسوان

واصور وشتريد سوي "

كتلني وشگ الفستان مالتي وانا لازمة نفسي ما اريد ابچي ولا اضعف

احمد " اذا تطلعين اموتج ونشوف منو يطلع بظهرچ "

رديت عليه ببرود عكس داخلي المحترگ من تصرفاته

" اريد ارگص ويا نور "

احمد بأستنكار " تعانديني ؟ "

" اي "

ضربني راشدي

" لو تكطعني ما ابدل "

اجو من التصوير محد گال شي عرفوا احمد راحت عمتي گالت لعمي واجة صاحلي ، بدلت ملابسي ورحت

" عمو تقبلها والله مامسويه شي حالي من حال البنات حتى جهازي عنده وبدلتي مستوره طويله صح من فوك دلع بس لابسه حجاب وساتره روحي ماقبل اروح لصالون گلت عادي وماقبل اروح اطگ صور وياهم هم كلت عادي تالي يكلي غيريي ملابسچ ؟؟ "

عمي " انا اعلمه وانتي ماترحين وياه دخلي جوة ولا تبچين بعد "

باسني براسي وراح ، دخلت

نزعت العدسات ولبست تراك من نور وغسلت وجهي وگعدت ابچي شگد بجيت حتى عيوني ورمن

شوي واجة علي عصبي ..

" شبيك ؟ "

علي " شبيچ تبجين منو وياچ ؟ "

" محد بس عيوني ورمن من العدسات "

علي " چذب لا تچذبين "

عافني وطلع اتوقع تعارك ويا احمد لان حتى القاط تبهذل وجابلي جهازي

متعودة ومستحيل يرجع طبيعي ابد ولا يتغير چان علي فرحان كلش ويركص بحيث كلها تكله شبيك اثكل شويه بس احمد خربها عليه ....

وانا ، انا نزلت دموعي گدام اليسوة والمايسوة

جانت نضراته لي وتعابير وجه يباوعلي بنزرات ماعرف شلون افسرهن عبالك وحدة ساقطه گدامه وجاي تغري بي

وامي توسلت اروح وياها بس عمتي ماقبلت گالت تضل يمي وابني انا اعلمه و فستانج عليه وصالونچ ويا نور بالعرس كله علية واشوف ياهو اليحچي

ابوي هم ماقابل على احمد وراد ياخذني وياه

ابوي " ما لك مرة يمي "

احمد " غير رجلها انا وبكيفي شنو مرتي متصلخة گدام الناس بالله صورنها ونشرنها ماتدري كلهن يضوجن منها

ليش تعاندني ؟ "

كرهته كلش كرهته والله وفد تعبني حيل هوسة وراسي ظل يوجعني عبالي بس مكياج ونيشان بسيط لا والله حملني مسؤولية شكبرها افتر منا وارجع منا حتى مكياج ماحطيت مثل العالم

بحيث صدري نترس مفاتيح وصرت من الطرفين

من طشت العالم اجو دخلوا جوه يضحكون على نور عود وچان يباوعلي مصطفى مادري شلون بس انا افهمه شلون الضايج ويريد بس يسلم علية ويحچي وياي بحيث تعبت ومابية حيل احجي واسولف جنت قبل ارد على اكبر واحد هسه ولا لي حيل ضليت بيت عمي والولد كلهم راحوا ظل احمد يباوعلي عود امشي وياه ، عمي طرده من البيت واحمد خلة وراح كفينا الهوسة مال البيت كله ومن التعب كلها نامت چفي...

ثاني يوم خابرني علي وسأل علية

" مابيه شي "

علي " باچر اجي عليج اخذچ "

گتله لعمي و رفض هل فكرة

عمي " ماترحين تبقين هنا اريد اشوف زوجچ الشفيه بالله وين تاليتها وياه "

حچيت بضجر وانا دايرة وجهي

" عمو يريدني 24 ساعة جواه "

عمي " مو بكيفه وين عايشين احنا شهل مرض "

عمتي ماحچت شي گعدت تستغفر والكل ساكت دخلت لغرفة احمد القديمة وتمدتت على الچرباية ، اجت وراي فاطمة

فاطمة " ها مشتاقتله ؟ "

" تطلعين لو اسحلچ گدام اهلچ ؟ "

فاطمة " اشاقة اشاقة "

دخل علاوي اخو احمد ونور

علاوي " تردن شي من المحل؟ "

نور " اي جيب لنا حلويات "

" ما اريد شي "

علاوي " يمعودة احمد حرگ التلفون عليَ يگلي اذا ماتجيب شي لها اجي احرگك "

" اي صح صاير حاروگ ببايي "

علاوي " گولي انا هم اخوچ "

ابتسمت ابتسامة خفيفة

" سلامتك والله ، بس اريد انام مااگدر جيبلي وياك شراب حبوب منوم بلكت انام والله احس روحي تعبانة ويومين صارلي ما نايمة "

وانا چذب بس انام واگعد

علاوي " اشوفلچ الصيدلية "

طلع و نص ساعة ورجع جايبلي علبة بيها جَلي

" شنو هاي "

علاوي " منوم اكلي وحدة وتنامين رَغد "

صدگ اكلت وحدة گدامه خليته يطلع واكلت ثنين هن منوم بس مثل الجلي شوي وسلمت ماحسيت بشي نمت مرتاحة ولا دريت شنو صاير ولا حسيت ....

ثاني يوم اجه احمد باليل ابوه دز عليه

چنت نايمة انا وشعري كوشة وعيوني مورمات من النوم اشرب منوم وارجع ليورة واكل ما اكل ولابسة تراك اسود چَني مرة شهيد ، عين افتحها وعين اغمضها ... نزلت الهم بشكلي هذا وهُمَ مستغربين من شكلي

حچه وياه عمي و انا احس روحي سكرانة حچي اسمعه وحچي اسمعه مو بوضوح

احمد " شنو المطلوب "

رفعت اصبعي بأتجاهه واحچي وراسي يفتر فر

" والله الا اسويلك سحر اخليك تركض مصلخ"

علاوي اخوه ظل بس يضحك واحمد عاگد حاجبه بضجر

احمد " شمشربينها هاي المسودنة ؟ "

علاوي " جبت لها منوم لان كلتلي ما انام وبيوم واحد خلصته "

فتح عيونه بوسع وظل يكفر ويفشر على اخوه ، راد يگوم يكتله وعلاوي طفر

علاوي " هاي عرج مايطگها كلشي مابيها "

أحمد " گومي امشي وياي "

أومأت وانا راسي يفتر

" اي هسة "

حطيت راسي ونمت على القنفة

اسمع بس هوسة حسيت روحي بالجنة مستمتعه بالنومة وما أحس الا انكفخت بماي

گمت بسرعة اغلط عليه متناسية وجود ابوه الي هو عمي

" چلب ابن الچلب والله اكرهك "

عمي " الف رحمة على والديچ "

گعدت گوة مستحية منه بس مو بيدي

احمد " ها بوية ترجعين لو تبقين ؟ "

" طلگني بروح ابوك "

احمد " مو لعب جهال شو بالله وين العلاج بس لا تكبسلين "

راد يشيلني وعضيته بركبته شمرني بالگاع من گد ما اتأذيت بقيت نايمة بمكاني ...

عمتي " باچر تعال عليها ماتشوف حالتها"

احمد " يمة شلون تخلونها هيچ صدگ تحچون ؟ انوب تشرب منوم على معدة فارغة ماتخافون بالله صار بيها شي "

عمتي " والله مادري بيها شوف هذا اخوك الشفية والله محد يدري ، عبالي تعبانة گلت خليها تنام حتى مادري بيها ما تاكل "

احمد " ماشفتي وججههت شلون متغيرة شنو من بشر انتم هاي عود امانه عدكم بالله انا ساقط انتم شمالكم

والله لو صاير بيها شي احرگ البيت عليكم والكفل زينب "

عمتي " انت وصلتها لهل حالة حتى تسودنت من وراك "

عمي " احچي وياها بس تون توسلت بيها اخذها لدكتور ماقبلت تگلي نعسانة واحمد مايخليني انام وتعب العقد عفتها على راحتها "

باوع لعلي اخوه بغضب

أحمد " اخ لو الزمك الا اكسر راسك "

علاوي بملل " يلا اخذ مرتك العرمة وروح نام عساك ماگعدت زلمة زربة بس زيادة على البشرية مابيك خير "

ضاج هواي وماحچة شي اما عني اني فبعدني بمكاني متمددة واشاهد ، گمت اتجاهه وحچيت

" صاير زلمة وتضرب هيبات على اخوك احسن منك بالف مرة رجال معدل وانا لي گتله مااگدر انام روح جيبلي هذا العلاج "

أحمد " انتِ حسابچ بعدين "

" جرب وشوف والقران اموتك "

احمد " على اساس هسة انتِ مقصرة يلا امشي وياي خل اوديچ للمستشفى يتلاحگون عليچ حتى الحجاب راح طار "

جرني راد بس اتحرك وانا قفلت ولا طلعت وياه

راد يشيلني وحلفت عمي

" بروح ابوك لاتخلي ياخذني "

ابوه وگف بوجهه بس احمد ما اهتم

عمي " اذا تطلع من بيتي بعد ماعندي ابن اسمه احمد "

باوع عليه احمد وگوة لازم نفسه نزلني ووجه كلامه لي

احمد " باچر اجي اخذچ وغصباً عليچ "

ـــــــــــ

بقى كل شوية يراسل وابلكه الى الخميس باليل اتصل علية ...

أحمد " ارجعي باچر انا اصعد لدوامي "

" باچر الصبح اجي "

احمد " خوش "

خلى وسده بوجهي

- يعني فوك ما سوة سوالف لازم انا اتنازل ؟-

گعدت افكر بلي حچته وياي لجين ، رحت راسلت المرة شوي وردت علية

وحچيت الها سالفتي وگلت لها خالة هيچ وهيچ بية ...

لمياء " انا مو گتلچ علاجچ يمي ، بس بمقابل "

" جاهزة "

لمياء " هل مقابل هواي "

" جاهزة بس طلبي "

لمياء " الجمعة تعالي نبلش بالجلسة الاولى "

" يمتى " قبل المغرب "

" تمام "

سديته منها بس لاحظت انُ وانا احچي وياها اختنگت كلش مااهتميت ورحت للنوم فزيت بالسبعة على وسوسة يمي گمت بسرعة ماكو احد رجعت ردت انام بس ماگدرت

- معقولة من گد التعب هيچ جاي اهلوس لو شنو الموضوع ؟ "

صارت بثمانية ، گعدت عمتي حسيت بأمان گعدت وياها وصبحت عليها سويت ريوگ واكلنا انا وياها احس روحي ميتة جوع اكل مثل لما شايفة كملنا وغلست الماعين

" عمة وديني لبيتي "

عمتي " يمة انا ضد ابني ووياچ بس حاولي تكسبينه والله يحبچ وماكو بقلبه غيرچ "

" اي عمة حتى انا احبه واموت عليه "

عمتي " ولچ تضحكين علية "

ضربتني على ايدي بشقة وضحكت ، لميت غراضي ولو ماعندي شي بس كملت الي عندي ، رجعت للبيت ووصلتني رسالة من احمد

احمد " هسه البيت نور "

- بكلبي وين يدري ؟ -

راح عن بالي الكامرات الحاطهن بالبيت ماشاء الله ماتفوته فايتة ولا أكلة بايتة

" وشتريد ؟ "

أحمد " شلون صرتي ؟ "

" كلش زينة بس انا اعلمك "

رحت تغديت وكملت واتصل علية علي اخوي

علي " وينچ سُندس ؟ "

" ببيت عمي شتريد ؟ "

علي " يمتى ترجعين لبيتچ ؟ "

" من اوصل ارمش عليك "

علي " فگر مثل رجلچ "

" اي صح فاگرين ابوك وماندري "

علي " انا وصلت للبيت تعبان راح انام ومن توصلين دگي علية اجيچ "

" اوكي حبيبي "

سديته وضجت لان چذبت عليه وما اعرف ليش چذبت حتى .... كفيت البيت وسويت روحي انظف طفيت كاميرات البيت كلهن شوية واتصل احمد

" شكو "

أحمد " مااگدر احچي لازم واجب ليش طفيتي الكامرات ؟ '

" جاي انضف حبيبي اكمل مسح الشاشة واشغلهن "

سده بوجهي - ثول انا اعلمك اله اسطرك سطر بعدين ، يجوز لزموه يخابر -

ضحكت ودخلت سبحت ولبست تراك عريض وطويل اسود ولميت شعري رسمت حواجبي وعيوني حطيت گلوس وبس لبست حجابي ودخلته جوه البدي لان جان جبير وعريض لبست جنطتي صغيرة صفح بيها فلوس وتلفوني ومفتاح البيت لبست حذائي وحطيت على راسي عباية زينبية وطلعت من البيت الصراحة ماچنت خايفة لان احمد مو بالبيت واذا صادفني واحد عادي اگدر اچذب الا على فارس احلامي حتى چذباتي تضيع ...

دگيت الباب على جواريننا وگتله عمو توصلني ماحچة شي ووصلني للبيت بعد مرور ساعة بالطريق ...

وصلت لبيت المرة بعد اوصاف منها اندل الرجال ووصلت لها .. دخلت لبيتها چان مريح للعين فقط لكن داخلي انقمت ..

سلمت ودخلت جوة چانت تعرفني كلش زين هي ...

لمياء " نامي "

گُبل أمرتني بهل شي حتى گلاص ماي مانطتني ...

نمت بالطول بدت تحچي وتسلم

لمياء " صلي على محمد "

" اللهم صلى على محمد وآل محمد "

صليت وهي ذكرت جبرائيل وميكائيل

لمياء " شو جاي يگولون عنچ حلوة

ماچنت اثق بهل سوالف ولا اصدگ لكن گلت اجرب ونشوف

" وين شافوني ؟ "

صاحت علية بصوت عالي

لمياء " سكتي منو گلچ تحچين انتِ ؟ "

سكتتت وخوفتني كل هذا وانا مغمضة عيوني ولا فتحتهن احسهن مسدودات وبس سواد اشوف شوي وصار هل سواد بياض

لمياء " شنو تشوفين ؟ "

" بياض "

لمياء " وهسة ؟ "

" نفس الشي "

حچتت بينها وبين نفسها شوي ...

لمياء " اكشف لها وخل تشوف "

كل هل حچي وانا اعض بشفتي اكلتها اكل من التوتر شعور يخوف ما اعرف شلون اوصف شعوري بهل لحظة بالذات ...

شوي وشفت نورين واحد على اليمنى والثاني على اليسرة

لمياء " شنو شفتي ؟ "

" ثنين زلم بس نور "

لمياء " اي وهسة شوفيلي شنو شفتي ؟ "

رجعت مرة ثانية وانا اشوف ...

" سواد وثنين نسوان "

لمياء " مضرات لولا ؟ "

" اي ثنينهن اذني "

لمياء " احچي بعد "

" شحچي ؟ "

لمياء " لا تحچين من يمچ وابقي مركزة بلي تشوفينه "

رخيت جسمي بطلب منها وانا بالگوة لازمة توتري

لمياء " شاربته ولچ ؟ "

" اي شاربته "

لمياء " بأكل وشرب ؟ "

" اي "

چنت احچي واجاوب بس احس بدون وعي مثل المنوم المغناطيسي احس عقلي مو وياي احچي و فاتحة عيوني ..

شوي وصاحت

لمياء " جيبوهن لها راكعات "

غمضت واشوف ثنين راكعات بس بعبي الا شوية چان تسودنت من المنظر واحس جسمي يرجف

لمياء " ها ركعن ؟ "

" اي ركعن ثنينهن "

لمياء " راح احبسهن لچ

بعد مستحيل يأذنچ "

" خوش كملي "

كملت شغلها وكلامها

لمياء " شتحسين ؟ "

" جسمي ثگل "

حچت وياهم ..

لميتء " سحبوه "

هدئ جسمي وراح الثگل نزل على رجلي كلش صارت ثگيلة اريد ارفعها ماكو مثل الواحد مثبتها بالگاع شوي وعاطت بصوت وخلتني افتح عيوني بصدمة من السمعته ...

لمياء " فتحوا صدرها وفتحوا رحمها وسحبوه منها "

يُتبع .......

« بِـسـم اللهِ الرَحـمـٰـن الرَحيــم »

۞ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ ۞

ـــــــــــــــــــــــــــــــــــــــــ

تجاهلوا الأخطاء الأملائية إن وجِدت

~ انجوي ~

ــــــــــــــــــــــــــــــــــــــــــــــــــــــــــــ

سارة ــــ

صاحت بصوت عالي ..

لمياء " افتحوا صدرها ورحمها واسحبوه"

هي گالت هيچ وانا ما حسيت الا برجلي گامت رجلي تهتز ألتفتت براسي عليها مَذعورة ..

" خالة ليش تهتز رجلي شبيها ؟؟ "

ظليت احچي هواي حچي ما اعرف شنو هو واحس بنفسي ابچي بس بدون أي دمعة ... اهتزن رجلي ثنينهن وانا اباوع عليهن ، ما انكر شعوري بهل لحظة خوف قوي تمَلكني لكن من الصدمة ضحكت وانا اباوع لرجلي ..

لمياء " هسة شنو يوجعچ ؟ "

" راسي "

رٕديت وانا احس براسي ثگل بحيث ما اگدر احركه لا يمين ولا يسار ..

لمياء " سحبوا الوجع من راسها "

ظليت صافنة الى أن شوي وهدأ راسي ورجلي توقفن عن الحركة والأهتزاز البيهن چان اختفى بلمح البصر ..

كملت شغلها وانا گعدت گبالها ...

لمياء " ليش تبچين ؟ "

عقدت حاجبي بأستفهام ...

" مابچيت "

چنت احس بنفسي ابچي بس لا دموع ولا مبين على وجهي حتى ، حسب. ما اعتقد طبعاً ..

لمياء " واضح "

رفعت ايدي وتلمست وجهي بخفة ماكو أي رُطوبة على وجهي تدُل على إني باچية ...

- شبيها هاي شافطة -

لمياء " ولچ اسمعچ "

أبتسمتلها بمُجاملة ورَديت ...

" اشاقة حبيبتي "

جابتلي گلاص ماي وبي ماي ورد ، اخذتها من ايدها وشربته بجُرعة وحدة حَسيت نفسي چنت بصحراء ومگطوع عني الماي لفترة طويلة ...

لمياء " روحي للتواليت "

" ليش ؟ "

لمياء " روحي راح يصير عندچ ادرار "

" مابية "

لمياء " ولچ شگد تعاندين "

بقيت گاعدة تعبانة عبالك چنت بكابوس وهسة بين علية آثار الصحوة منه ...

صفنت شوية بتعجُب ،

- صار عندي ادرار فعلاً ؟-

رحت للحمام بسرعة ورجعت يمها ، مدتلي ايدها بداخلها حَجرة شكلها غريب ويرافقها زجاجة عطر زيتي صغيرة ..

لمياء " شوفي هاي الحجرة جبتها بـخمسين الف خصوصي لچ وهذا العطر بـخمسة وعشرين وقريت عليه لچ "

أومأت برأسي الها وانا اخذهن من ايدها ...

" تمام "

لمياء " هذا العطر يومية تحطين منه "

عطر زيتي بس حلوة ريحتة ، وكتبت لي حرز هم لبسته برگبتي .... انطيتها 150 ألف

لمياء " والباقي ؟ "

ابتسمت الها برٕوية وانا أرد عليها ...

" من تخلصين شغلچ واشوف نتيجة تدللين على الباقي وياهن هدية تلوگ لعيونچ "

لمياء " متفقين "

طلعت من بيتها وچان الرجال متانيني ، باوع علية ثواني ونطق ...

" عمو شتسوين هنا ؟ "

أبتسمت له بخفة ورَديت مجاوبته بچذبة حاولت اسميها بيضة بس تظل الچذبة هي چذبة ...

" بيت صاحبتي مسوية عمليه وانت تدري زوجي بالشغل واخوي هم شغل وعادي عدهم "

أومأ براسه بهدوء و مامبين عليه مصدگ بكلامي ...

وصلني للبيت ونطق بسرعة

" لا ادري ولا شفت ولا وصلت "

" مشكورة بوية "

" تدللين غالية "

دفعت كروته وانطيته 30 الف

" خليهن "

" لا تدلل "

انطيتهن اله ونزلت فتحت البيت ودخلت وانا اضحك بصوت ناصي ...

- حمودي راحن فلوسك للسحورة -

بدلت لبست خفيف شغلت الكاميرات واتصلت على علي اخوية ...

علي " هاي "

" تعال "

سديته بوجهه وانا ابين له انُ انا ببيتي حتى ييجي يمي بعد ...

ـــــــــ

مر يومين واتواصلت ويا المرة وگالت جلستچ الثانية الجمعة التجي ، شرحتلها وضعي وگلت الها ما اگدر اجي وراح اسويها بالبيت وهي تفهمت الوضع ...

بقيت انا وعلي بالبيت روتين عادي وسوالفنا المتخلص ...

ثالث يوم تقريباً يوم الاثنين بالليل ...

گعدت من النوم احس عندي وجع بظهري وببطني توقعت ألم الشهرية وما اعرته أي اهتمام كالعادة ... گمت كفيت البيت وشلت البراد وشلت القنينة وشلت قسم من القنفات جلفت البيت جلف وانا مو مهتمة لألم ظهري ابداً بس كل شوية اوگف شوية من الألم واكمل

صعدت على ميز الطعام مسحت الساعة الي بالمطبخ وطفرت ، ما حسيت الا بعيطة علي

علي " شبيج شاذي بالله تعورتي ؟ "

" كلشي مابية "

زاد الوجع ببطني مثل اللويات القوية تروح وتجي بداخلها ... دخلت للحمام سبحت بماي دافي و طلعت شربت حبوب ورحت من التعب نمت واننا نايمة احس ينزل علية شي دافي - يمكن اتخيل -

بقيت مستمرة بنومي الى أن گعدت وانفجعت بمنظر الدم المغرگني بس شفته بهت وجهي - يمة خلص دمي -

دخلت للحمام بسرعة غسلت والدم يزيد ماينقص وينزل بكثرة ... غسلت وطلعت نظفت المكان وانا الوجع ما كلني اكل ... رحت بسرعة راسلت رقية وحچيتلها السالفة كاملة وهي ظلت تحچي و نصحتني اروح لدكتوة

رحت حچيت ويا علي والعصر رحنة چان تسلسل رقمي بالحجز كلش بعيد تعبت من الگعدة واخذني الوجع يزيد ماينقص ... رجعنة للبيت وشربت علاج بس ماكو اي مفعول متأذية كلش صارت بالسبعة ونص بليل ورجعنة للدكتورة شوي ودخلت الها ...

" دكتوره انزف ومادري دورة او اسقاط لان الشهرية ماتجيني هيچ وفوگاها متأخرة علية "

حچيت الها بسرعة وانا الأفكار اكلت مخي اكل ...

الدكتورة " صارلچ شگد ماما ؟"

" يمكن شهر ونص او اكثر "

أومأت براسها ورحت نمت على السدية وسوتلي سونار

الدكتورة " مسقطة ماما ليش ؟ "

بهت وجهي وانا احاول استوعب كلامها. ..

" شلون سقطت وانا اشرب مانع ؟ "

الدكتورة " شگد عمرچ ؟ "

" 19 سنة "

دكتورة " ويا دكتورة قبلت تنطيچ مانع ؟ "

چانت تحچي بعصبية ..

" انا اخذ من كيفي "

الدكتورة " ماتردين رحمچ لو شنو فهميني شنو سالفتچ ؟ "

تنهدت وانا منتهية من الألم ...

" طويلة "

الدكتورة " كم طفل عندچ ؟ "

" ماعندي ولا طير لان بعدني صغيرة "

الدكتورة بعصبية " تردين تصيرين عقيم ؟ المانع ينشرب بس اذا چان عندچ اربعة اطفال هنا بيها مجال انتِ ولا طير وتشربين بدون علم احد ولا دكتورة ؟ "

" اي "

عاطت علية وانا تهز براسها بيأس مني ، ماچنت مهتمة هواية بس المهم عندي افتك من هل ألم ...

ضربوني ابر وحطولي مغذيات وانطتني وصفة تحاميل وگالت اسبوع وتجين اشوف رحمچ نظف لولا بس ماباقي بي هواي اخذتهن وحذرتني اترك المانع ، طلعت وانطيت الوصفة لعلي وهو يتسال شكو

" الدورة متخربطة بسببب الاتهابات "

سكت ماحچة شي بس چانت علامات الشك على وجهه ومبين ما اقتنع بكلامي ... جاب العلاج ورجعنة للبيت ...

حاولت انُ ما احچي لأحمد واخلي هل شي سر بس لحت علية رقية وانُ لازم اگول لكن هم ما حچيت وتَميت متكتمة على الموضوع ...

ورة يوم دَرة علي اخوي انُ مسقطة ومو التهابات وهل امور مثل ما گتله .. ضاج بس مابين لي استمر يهتم بيو وانا اگله مابية شي بس رفض انُ اگوم واتحرك ...

چان يهتم بية حتى للحمام هو ياخذني وانا اگله كلشي مابية بس مايقتنع ...

" گوم سويلي گلاص چاي "

باوعلي صفح وحچة ..

علي " مو چنچ طبتي ومابيچ شي ؟ "

انطيته النظرات البريئة وقوست شفتي بشكل لطيف مثل ما انا متخيلة شكلي بيه طبعاً ...

" متوجعة "

علي " احمد يتزوج وانا ابتلي "

" انا اختك حزام ظهرك "

علي " اي اي "

گام واتجه للمطبخ شوية واجة مسويلي عصير برتقال ...

" اريد چاي "

علي " ماكو شربي هذا زين لچ وطبيعي "

اخذت وانا ابتسمله ... گعدت اشرب واباوع مسلسل وهو طلع وجابلي حلويات

علي " هذا هم ككوو كلساع اكلي وعصاير لان وجهچ صاير اصفر "

ضحكت وهو ضحك وياي وباسني براسي

علي " اكو شي يوجعچ؟ اذا متأذية نروح لدكتورة "

أبتسمت له بمَودة لأهتمامه الجميل ...

" لا مابية شي بس وجع ببطني وظهري كم يوم وارجع طبيعية "

علي " ان شاء الله "

ـــــــ

مَر كم يوم وانا افكر وكترددة اذا اگول لأحمد او لا الى أن شجعت نفسي

- لازم احچي ويا احمد احسن وشنو يصير خل يصير ولو انا ادري بي راح يضوج بس هل شي احسن -

فتحت الواتس وراسلته .........

انـا: السلام عليكم

شلونك شخبارك صحتك عافيتك شغلك وضعك جماعتك؟

شوف انا مسويه مصيبتين على كولتك الاولى شوي طويله والثانيه صعبه راح اغردلك على الثانيه والاولى خل تكمل واغردها لك ..... شوف انا سقطت يمكن لان طفرت من ميز الطعام وشلت القنفات و شلت القنينه مال الغاز ودفعت الثلاجه وصعدت مسحت الساعه وجنت اجذب عليك اشرب مانع شهر وشهر اتركه بس والله مادري حامل حتى مالعبت روحي ولا حسيت بالحمل هسه تكول انتِ ماعندج احساس اي صح ماعندي

الله يعوضك ويرزقك بالطفل الصالح مع السلامة .

بباي !: شني ؟؟ .

انـا: سلامة قلبك .

بباي !: مافهمت شي .

بباي !: سارة عود صدك تحچين لو مقلب؟ .

انـا: والله مو مقلب هل مرة .

بباي !: ساره تجذبين عليه وين اكو وحده حامل ماتدري بروحها ؟؟

بباي !: وانتِ المانع تشربين بي حبايتين حبايتين .

بباي !: صدك جذب .

بباي !: ضجت وعلي .

بباي !: زين هسه شلون صرتي ؟ .

انـا: لا يمتى والله شهر اشرب وشهر لا .

بباي !: خوما تعبانة ؟ .

انـا: زينه بس وجهي اصفر .

بباي !: اخذي عليوي وروحي طبيب او روحي وي امج .

بباي !: شوفي شتكلج الدكتوره .

انـا: والله مادري عبالي الشهريه نزلت علي جان دم هواي بعدين فهمت ورحت للمجمع وكالو انوب ثاني يوم رحت للمستشفى ويا علي ..

انـا: اي رحت ماكو شي رحمي نظف .

بباي !: الله كريم .

بباي !: خوش.

انـا: بس كالو رحمج تعبان ماجاوبت شي كله منك انت لان تضربني على بطني .

بباي !: هسه صار الصوج بيه مو ؟ .

انـا: جا لو ما انت جا هسه انا حامل خسرت ابني كله منك انوب ولد .

بباي !: وين عرفتي ولد طركاعه لفتج .

انـا: احساس .

بباي !: شمسوي بت الخره ؟

بباي !: زربا بحساسج .

انـا: شكراً

انـا: كتلتني .

بباي !: ترا بنيشان اخوج بس راشدي.

انـا: وتعبت ونفسيتي زفت اثرت عليه بس مادري وداعتك مادري

انـا: ولا حسيت .

بباي !: ههههههههههههههههههه .

انـا: اي صار ضغط على بطني .

بباي !: كولي ماريد طفل منك

بباي !: ليش تجذبين

بباي !: خب ماتاكلين خره .

انـا: والله ماجاي اجذب بيمن احلفلك هل مره مادري .

بباي !: الراشدي شوصلا لبطنج ؟ .

انـا: حتى ماردت اكلك ماردت اكسر خاطرك

بباي !: لوتحلفين بميت امام ماصدك بيج

بباي !: هيج تخافين على خاطري .

انـا: لا تصدك اريدك تواسيني خسرت ابني.

بباي !: احس عندج شي عادي

بباي !: ومومهم .

انـا: اي طبعاً ادري بيك متحمس وتريد تصير اب

انـا: بس ما مقسوم .

بباي !: ههههههههههههههه

بباي !: ماصدك بيج

بباي !: يلا روحي ارتاحي .

انـا: ليش ماتصدك شسوي يعني ابجي شسوي جاي اكول مو بيدي مادري .

بباي !: الله كريم حبيبي الله كريم .

انـا: والله من الصدمه حتى كمت اضحك

انـا: لا تزودها علية .

بباي !: مامقسوم يصير عد احمد طفل منج

بباي !: الله كريم الكاتبه الله يصير .

انـا: لا يصير يصير .

بباي !: ساره هو هم ابني وصار سنين اتمنى يصير عندي طفل منج ومن صار ماطول شهر بطنج ههههههههههههههه

بباي !: يعني من حبلتي كبت النضافه عندج .

انـا: بس مو بيدي .

بباي !: الله كريم .

انـا: جاي اكلك مادري والله .

بباي !: خوشز.

انـا: هل مره انا بريئه .

بباي !: سوده عليه .

انـا: اسم الله عليك .

بباي !: خوش .

انـا: لاتضوج انا اجيبلك ولد .

بباي !: منين من سوق بلي ؟ .

انـا: لا على البلوتوث .

بباي !: فكاهيه حضرتج .

انـا: لا تضحكني والله مقهوره على ضناي .

بباي !: احسج تضحكين عليه؟

بباي !: ساره روحي لاحط ضيم الله كله بيج.

انـا: والله ماجاي اضحك عليك شبيك .

بباي !: الله ياخذ احمد ويرتاح

بباي !: كولي امين .

انـا: لا ما اكول .

بباي !: شعجب ؟ .

انـا: الله يعوضك كالولي راح يصير عندج ولد يخبل

انـا: يشبه فارس احلامج

انـا: اصبر الصبر جميل .

بباي !: روحي منا لا اخلي العالم تضحك عليج

بباي !: العرمة .

انـا: تروحلي فدوة .

بباي !: ام حلك الفاهي اروحلها فدوه هيَ

بباي !: اعرف المصيبه الثانيه .

انـا: شنو هي ؟ .

بباي !: سحورة .

انـا: منو كلك؟.

بباي !: ها يعني صدك تسوين انا اعلمج خل ارجع انوب تسوين سحوره بنت الخايس خوش عمي مرة احمد تسوي سحوره هيه ضلت بس هاي ماسويتيها سهله اجي لوما اجي اله اخليج تكفرين بالانكليزي بس هل مره ما اكتلج انا اعلمج تسوين سحوره بنت الحلو اصبرلي كم يوم ويمج اله اطلع ضيمي بيج الفاهيه بت الفاهي من ارجع ادك ع باب الشارع مرة احمد ام السحوره بسيطه حبيبتي بسيطه .

انـا: بسيطة لو صمونه .

بباي !: كركركركر

بباي !: لمولها ضحكه .

انـا: لا مو سحوره

انـا: لا تخاف .

بباي !: جا شني نعال بگصتج ؟ .

انـا: بس كلي هل فتره هم راسك يوجعك؟ .

بباي !: اكيد من الشمس وقله النوم .

انـا: تحس جسمك يوجعك

انـا: وتعبان ؟ .

بباي !: اكيد .

انـا: سوده عليه من الشغل .

بباي !: انجبي .

انـا: زين هم مرات تتخيل شي؟ .

بباي !: شتخيل ساره شبيج ؟ .

انـا: هيج حبي .

بباي !: يومين ويمج وهل مره اشوفج شلون يصير التخيل يصير خير .

ــــــــــــــــــــــــــــــ

ورها بيومين تقريباً حسيت نفسي أحسن وچان علي اخي مامقصر بأي شي ....

" انا خايفة من احمد خايفة يسويلي شي "

علي " ما اتوقع يسوي شي "

" يدري بية ما اريد اطفال وانا من زمان گتله تحلم البسلك بدلة بيضة او اجيب لك طفل"

ظل صافن علية يباوع بوجهي لثواني حَاسة بداخله يگول انا شلون عندي هيچ اخت خوافة وجريئة بنفس الوقت ؟ ..

" شبيك علي ليش صافن علية ؟ "

علي " مادري شگول وشنو اكلچ بس أخذيها مني أحمد مايسويلچ شي بعد "

" ليش هيج واثق "

علي " انا حچيت ويا أطمأني "

" شنو شنو حچيت ويا ؟ "

علي " يدري بكلشي بس چان يدري انت مبلغته يعني همزين سمع منچ وبعدين فهمته انا فـ هو ضايج من يجي استقبلي بأبتسامة مو تگلبين خلقتج الزفرة "

رفعت حاجبي ورديت بأستنكار

" انا خلقتي زفرة ؟! "

علي " لا انا "

" احسك ضام شي عني "

علي " لا تخافين انا البلبل الفتان مالتچ على كولت احمد بلبل فتان بس نمبر تو "

" منو نمبر وان ؟ "

علي " انتِ "

طگسناها بضحكة وظلينا نحچي ونضحك ضحك مو طبيعي يعيب علية وانا كذلك ...

" شوف انا بچيت من الضحك "

أردفت وانا امسح دموعي الوهمية من عيوني لكن للأمانة فعلاً دموعي اجت تنزل من گد ماضحكت ...

علي " باچر تبچين من الحزن "

سديت حلگي ووسعت عيوني

" صدگ تحچي ؟ "

علي بضحك " چذب چذب "

بعدها فتح وياي موضوع انُ اسوي عرس ويا ونعرس سوة انا وهو ولجين .....

" ما اريد ولا تحاول "

علي " شگد گلبچ قاسي صاير راسچ حيل يابس مو سامحتي وبديتي من جديد خلي هل جديد بداية عرسج وبدله بيضه اريد اشوفج بيها واشوف انوثتج شوي "

نَفيت براسي ...

" حالفة انا "

علي " انا مني مية الف للمجداية ونكفر عن حلفانچ "

" مو قصة مية عندي اگدر انطي شگد ما اريد بس من اتذكر الماضي انقهر احس روحي صدگ ضعيفة وسلمته كلشي بأرادتي"

علي " الف مرة گتلچ احنا ناس مو معصومين كلنا نغلط وهو صار هسه زوجچ بعد المن هل حچي ؟ وهذا كله صار من الماضي افتحي بداية جديدة ويا حرام عليچ تسوين هيچ بي اعنادچ يجيب بس الاذيه لچ "

"' ما اگدر افهمني مااگدر "

سكت ثواني وسألني سؤال خلاني فعلاً أفصح عن مشاعري الحقيقية ...

علي " تحبينه ؟ "

" اممم اي احبه بس الحب مو كلشي بالنسبه لي "

علي " يهتم بيچ ؟ "

" اي "

علي " يحبچ ؟ "

" اي "

علي " مقصر وياچ بشي ؟ "

" لا "

علي " حارمچ من شي ؟ "

" لا "

علي " يغار عليچ ؟ "

" بالضيم "

علي " كلهن انا ادري بيهن ادري بي مريض مريض بيچوحاولي تنسين "

" ماكدر "

علي " ويا الايام والوقت راح تنسين وراح تصيرين احلى ام وانا اصير احلى خال "

" تفرح بنفسك "

علي "' حتى اكسر راسچ اليابس جيبي طفل لنا خيولي احمد "

" منو يربيه ؟ "

حچيت وانا اباوعله من فوگ لتحت ...

علي " انتِ "

" منو يسهر عليه ؟ "

علي بضحك " انتِ "

" ومنو يبتلي بي ؟ "

علي " انتِ "

" گوم من يمي لا ارفسك "

علي " تنزفين وتزاكطين جنچ مطي طركاعة انتِ مو بنية "

" طفي عينك علي ترة مريضة انا "

سويت حركة البنت البريئة والتعبانة والي بأي لحظة يغمى عليها ، ضربني على راسي وهو كاتم ضحكته ...

علي " لا تچذبين حتى وانتِ تمثلين چذابة "

ضحكنة سوة بعدها حسيت روحي محتاجة انام وترخصت منه ودخلت غرفتي وانا احس انُ مشتاقه لأحمد ...

گمت اتخيل وامثل شلون احچي ويا باچر شلون افهمه انا مالي علاقة بحيث من كثرة التخيل والچذب نغمى علية ونمت .....

ــــــــــــــــــــــــــــ

گعدت بالأربعة العصر بحيث نمت 16 ساعة لگيت احمد نايم بصفي وانا ملابسي كلهن دم لعبت روحي ... وطفرت سبحت وغيرت ملابسي لشي خفيف وسويتلي حليب وبيض عيون اكلت وغسلت دخلت عزلت ملابسه وغسلت الحمامات بخرت البيت شگد نظيف البيت بس احسه مو مثل الي اريده ...

شوية حسيت ارتاحيت رحت طبخت وشغلت التلفزيون على قران ونصيت الصوت رحت تعطرت وتقربت يمه حركته وانا اهمسله بصوت ناصي ...

" ها احمد هلو هلو شلونك ؟ "

لا رَد ....

" هلو زعلان ماتگلي مرحبا ؟ "

احمد " ماتشوفيني ماعندي نت شكو تلزكين؟ "

" لو تحبني جان فعلت نت "

احمد " حاطلچ راوتر اكبر من راسچ بالبيت "

" لا انت فاصل فاصل "

أحمد " قريياً اتواصل وياچ هسة عوفيني"

" ماكدر اعوفك "

أحمد بأبتسامة جانبية " مو گتلچ تحبيني وتموتين علية "

گلبت عيوني ومسحت على شعره...

" ارجع نام حياتي انت مبين تعبان "

ردت أكوم وجرني ..

احمد " تعاي وين رايحة ؟ "

" انت مو فاصل اشوفلي شبكة لخ اعطل عليها "

احمد بأبتسامة " تعالي فعلتچ هسة "

أبتسمت ورديت ...

" مرحبا "

احمد " مشتاقلچ "

نمت بحضنه وباسني براسي ...

" تدري امس شتاقيتلك "

احمد " صدگ ؟ "

" والله "

أحمد " ليش مزحمة نفسچ ؟ "

" لا عليمن عادي مابيها زحمة "

رديت وانا كاتمة ضحكتي وهو يباوع علية ويسألني بهدوء ...

أحمد " ويمتى اشتاقيتيلي ؟ "

بَوزت شفتي وسويت نفسي افكر ...

" اممم تقريباً بـ12 بليل "

احمد " والله يابويه زحمة حرمات تشتاقين لي وانوب وره الـ12 "

" عادي مابيها شي غير زوجي واشتاقلك "

احمد " هذا عقلچ ما اريده يشتغل اخاف انوب تفصلين للأبد وشيرجعچ بعد "

" انت بس گول احبج وانا بسرعة ارجعلك"

ضحك بهدوء لكن ضحكته مو ضحكته الحلوة الصاخبة ... چان مبين عليه حيل تعبان ... صعدت نفسي له اكثر وبسته بخده وانا أتمعن معاني وجهه الحلوة ...

أحمد " خاف زحمة ؟ "

" لا هاي مال 15 يوم "

احمد " تشوفين مالتي لو لا ؟ "

نفست براسي بضحكة مكتومة ...

" لا ما اريد اشوفها "

شوي وتغيرت ملامح وجهه وتبدلت لثانية هادئة جداً وحزينة ...

" شبيك ؟؟ "

أحمد " صدگ ماتدرين ؟ "

باوعت بوجهه وعيوني دمعت وانا اباوع عليه بهل شكل ، مامتعودة عليه هيچ ...

" والله مادري "

حط ايده على وجهي وظل يحرك بأيده على كامل انحاء وجهي ...

" والله جاي تخوفني بهاي حركاتك "

احمد " تخافين ؟ "

" اي "

احمد " من يمتى تخافين انتِ ؟ "

" لي يشوف تصرفاتك لازم يخاف "

أحمد " مو تگولين انا دارستك واعرفك شنو انت ؟ "

" اي "

احمد ": شتشوفيني هسة ؟ "

" هدوء ماقبل العاصفة "

احمد " لا وعيونچ ذن الاحبهن هذاك چان احمد بالماضي ومات وخلص وقته هسة احمد الجديد "

" اممم يعني لازم ندرس شخصيتك الجديدة ؟"

احمد بأبتسامة خافتة " ادرسيها بس راح تتعبين "

" لا ما اتعب لان الحية من تغير جلدها كل فتره مثل شخصياتك يبقى اسمها احمد "

حچيت هيچ بنية اضحكه وفعلاً ظل يضحك حرفياً چانت ضحكته من كل گلبه ، سويت نفسي عود ضايجة ...

": تضحك علية ؟ "

أحمد بضحك " افا انا اضحك على روحي ؟ "

قربني له اكثر ونام فوگي وانا احس جمدت ما اعرف ليش ...

أحمد بهدوء " وجهچ وخدودچ ذبلانات وين راحن ؟ "

" من القهر راحن "

احمد " منو قاهرچ ؟ "

" خسرت ابني "

أحمد " زيتونة لا تمثلين ادري بيچ چذابة وما تتأثرين انتِ "

" شوف شوف تره عندي قلب وعندي مشاعر "

احمد " ما اشوفهن "

" هذا گلبي شوفه شلون ينبض "

أحمد " بالله خل اشوفه "

" حط ايدك وشوف "

لزمت ايده وحطيتها على گلبي ...

أحمد " ماينبض چذب "

فتحت عيوني بوسع ورديت احچي بسرعة ...

" والله ينبض بالذات من اصير قريباً كلش يمك يريد يطير ويطلع من مكانه "

ضحك وعيونه دمعت من الضحك وانا صافنة عليه - هذا شبيه ؟ -

ثواني واجتني لحضة ادراك متأخرة على كلامي وحسيت بوجهي صار نار وهو صافن علية ....

" احممم گوم اسويلك شي تاكله "

أحمد " خل اشوف گلبچ بالاول شلون ينبض "

" احمد شنو مو حطيت ايدك بعد شنو تضحك علية ؟ "

حط اديَ بأديه وحاوطهن وقرب باسني برگبتي وعضني حيل وانا صرخت ...

أحمد " شبيچ ؟ "

" ماشايف شبيك ؟ "

أحمد " ماتحملت "

دفعته بسرعة وگمت من يمه ...

حضرت له الاگل وانا گعدت بس اكل حلويات كمل وبقينه على هل وضع اسبوع ....

چان الوضع جداً ريلاكس لحد ما گاعدين انا وياه صادف يوم خميس ....

": احمد اريد احچي وياك بموضوع "

أحمد " چنت ادري عندچ شي ضامته "

" ليش ما سألت ؟ "

أحمد بأبتسامة " احب اخليچ على راحتچ لان اول وتالي ماتتحملين تضمين عني وتجين تكتينهن مثل الشاطرة "

" اي والله صحيح شلون دريت ؟ "

أحمد " حافظج انا حافظج "

سكتت شوية وانا اباوع عليه ...

احمد " يلا غردي "

تحمحمت وحچيتله على سالفة لمياء من الألف الى الياء ...

أحمد " منو وداچ لها كل هل مسافة ؟ "

" وحدي رحت وصلني جوارينه الرجال الجبير ابوهم "

احمد " وشسويتي عدها ؟ "

دار وجهه وسألني وصار عصبي بس يحاول مايبين ويلزم اعصابه ...

" انا هيچ اشوف وانا جاي اتخيل هواي شغلات من زمان انا اشوفهن بس چنت غافلة عنهن وانا طفلة اشوفهن من چنة ببيتنه القديم وابوي مرض وعملية سوة "

أحمد " اي ؟ "

" اي من زمان كلش "

احمد " مايهمني شلون ترحين وحدچ ؟

على الاقل اخذي امچ وياچ "

" ماردت أحد يدري بشي "

احمد " ونفرض صارلچ شي بالطريق انا وين انطي وجهي ؟ "

لزمت ايده وابتسمت له بهدوء ...

" حبيبي بس اسمعني وافهمني "

احمد بتنهُد " كملي "

" انا ماسويت شي غلط رحت كشفت بس وشافت حياتي "

أحمد " كل هذن خرافات وكلشي يصير ويانه الله كاتبه لنا ليش تلعبين سارة ؟

تدرين بية اكرة فكرة سحورة وهل سوالف مال المشعوذات "

" لا اوگف ماعدها هيج شي هل مرة يعني انت تعرفها كلش زين وهي تعود لنا من بعيد كلش "

احمد " ماتربطنة بيها اي صلة رحم ليش ترحين يعني انا اخر من يعلم ؟؟ "

" واول من يعلم ، احمد محد يدري "

أحمد " كله جذب وكله خرفات من يمتى وانتِ تصدگين هل خرفات ؟ "

" اصلاً انا رحت ومامصدگة "

احمد " بربوگ اذا مامصدگة لمن رحتي ؟ "

" مادري اشم هوى "

احمد " وين الهوى بالموضوع شو حارة ومسموطين سمط "

" احمد جاي اشاقة شبيك دخلت ومن شالت الغشاء عن عيوني والله شفت كلشي "

سولفتله عن جلستي الاولى وابد ولا صدگني

" انت مسوين لك عمل وانا كذلك "

اكتفى بأيمائة بسيطة من رأسه بس ادري بس ما يصدگ ولا راح يصدگ ...

ثاني يوم الجمعة چانت جلستي الثانية عدها بس هي تعرف انُ انا ماگدر اجيها فـ چانت جلستي على التلفون ...

سويت الجلسة الثانية وفتحت الرؤية عن عيوني شفت عمي...

لمياء " عمچ عنده محابس تضرچ وتخافين منهن "

" شلون ؟ "

لمياء " محابسه تخوف يعني لي متلبس بيچ يخاف منهن لان قويات ، شوفي اكو ولد واگف هم "

" اي جاي اشوفه "

لمياء " هذا يحبچ ودائماً يحميچ "

صفنت ثواني وسألتها ...

" شلون يحميني وهو منو ؟ "

لمياء " هسة تشوفينه "

فـ قربت وفتحت الغشاء اكثر طلع مصطفى ... ما استغربت لأن حسيت هو ..

لميتء " يحبج ويموت عليج لحد الان بس هي قسمه ما صارت و زوجج دره بالولد نزل "

" اي وخايفة منه "

لميتء " لا تخافين انا سديت حلگه لچ وراح يصير ساكت وينفذ بس لي تردينه اجيبه لچ خاضع "

لَمعت الفكرة برأسي بس چنت خايفة عليه بنفس الوقت ..

" لا تأذينه "

لميتء " لا بالعكس راح يرتاح لان اعصابه تلفانة ومابقه شي وتصيرين حامل عن قريب "

" ما اريد اطفال "

لمياء " تردين ارجعه ؟ "

" اي "

لمياء " مو بكيفچ هل شي ولا بكيفي راح يجي ويصير عندچ ضنة "

" ظهري يوجعني وماجاي اگدر انام اسمع اصوات بأذني واتخيل احد ينام يمي "

لمياء " لا تخافين وجع جسمچ كله جاي ينسحب وراح تتأذين بس تحملي وانا وياچ شوي شوي اسحبه لج وترجعين بغير شخصيه والكل يتعجب عليها "

اومات لها براسي وهي كملتلي جلستي الثانيه وبقت بس وحدة ولي هي تصير الجمعة القادمة ويومياً بقيت احط من عطر خاص لجسمي هي موكلة عليه ....

اجت الجمعة الاخيره وسويت جلستي الثالثة بس چانت كل ماتريد توكل علية تطفى الكهرباء وينفصل الخط مال الجهاز بعد محاولات عديدة يالا سويتها بالتسعة بليل وچانت جلسة مابيها شي مو مثل البقية ولي شفت بيها هذه مختلفة وماشفت شي ....

تحسن وضعي لفتره قليلة كلش وبعدها راسلتها وحچيت الها الي صايرلي و ماكو اي تغير قوي بحالتي وچان ردها لي ...

لميتء " خالة تعبني قرينچ كل ما احاول ترجعيني لنقطة الصفر ، ساعديني "

" شسوي يعني خالة جاي احاول والله "

لمياء ": اريدچ اقوى من قبل "

" ان شاءالله "

ــــــــــــــــــــــــ

مرت ايام عادية جداً علية ... صعد احمد لشغله وانا بقيت بالبيت ويمي علي كل ثلاث ايام أربعة اروح لبيت عمي او لبيت عمتي ام شهد او لبيت اهلي بس حتى شوي اغير شوي من نفسيتي وچان احمد قابل بس مامصدگ بأي شي من كلامي على المرأة ...

مرن هل ايام سريعات ولا حسيت بيهن لكن الي شفته بيهن هو تغير احمد لي چنت احسه ابد ولا يرهم علية ...

شفت التغير الچبير لي غيره بس علمودي شفت بيهن وكفاته لي حتى لو چنت على غلط هو وياي صار وياي على المرة

قبل الحلوة ...

چان مايصدگ بأي شي بس حاول يصدگ بس علمودي .... ما اگدر اگول انا اسوي مثله واحبه مثل ما هو يحبني ، لا هل شي راح يكون چذب وهو يدري بهل شي بس ....

اي انا احبه ما احبه بهوس مثل هوسه بس بديت اميل له ... تقبل سوالفي كلها تقبل سلبياتي قبل ايجابياتي وهل شي چان لصالحه ولصالح گلبي الي بدأ يحبه ويحب تصرفاته اتجاهي ......

ـــــــــــــــــــ

گاعدة اصلي الفجر وقريت قرآن ، ارتاحيت شوية وگعدت احچي واحمد ربي على كلشي صار وياي وعلى العوض لكن قاطعني صوت رسالة من احمد وانا اسوي تسبيحات الزهراء (عليها السلام) ...

الرسالة ✓

من أي فردوسٍ أَتَتْ عيناكِ

وبأيّ كوثرَ يرتوي جفْناكِ

هل كنتِ خلْقًا من محاسِنِ أمّةٍ

أم كُنتِ حُسنًا ما لهُ أشباهُ .

أبتسمت بحُب وبراحة مو طبيعية ورَديت ...

الرد ✓

ومن تلكَ الكلمات كأنها بيضُ صفائحْ

والفردوسُ والكوثر كلتاهما من عيناكَ يبرقان..

لاحُسن ولا جمال من بعد تلكَ الوجنات .

يُتبع ........

هاي هاي حلويني ، بارت اليوم لطيف خفيف وقفلة لطيفة مو تجلط حفاظاً على قواكُم العقلية والجسدية ما اريدكُم تنهارون نفس القفلة السابقة مواحححة ، احبكُم

تفاعلوا على البارت لا اجيكُم وتصير بالتواثي ها هاااه 🤨❤️‍🩹❤️‍🩹.

« بِـسـم اللهِ الرَحـمـٰـن الرَحيــم »

۞ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ ۞

ـــــــــــــــــــــــــــــــــــــــــ

تجاهلوا الأخطاء الأملائية إن وجِدت

~ انجوي ~

ــــــــــــــــــــــــــــــــــــــــــــــــــــــــــــ

فَتحت عيونها وهي تطالع سگف غرفتها بهدوء ، أيدها امتدت للناحية الآخرى من سريرها بِنية تگعد زوجها لكن القابلها هو الفراغ الي أحتله ...

ألتفتت تطالع انحاء الغرفة ما موجود ، أستقام جَذعها من السرير واتجهت للحمام لغسل وجهها وطلعت وهي تبحث بعيونها عن المَعني لكن لا وجود له داخل بيتها ...

تنَهدت بهدوء وهي تفكر بحياتها الصارت مؤخراً عادية جداً ونوعاً ما مُريحة ، من ناحية تخلصها من الأحلام المزعجة ومن ناحية تعامل احمد اللطيف معها .

ــــــ

گاعدة تأكل بهدوء ودخل زوجها ....

رفعت أنظارها من الصَحن وتتبعت خطواته وهو يدخل للمطبخ ...

سارة " وين چنت ؟ شو ماعندي علم ؟"

وگف بطوله الفارِع وهو يتكأ على حافة الكاونتر ..

احمد " يعني الا اگول ؟ چنتِ نايمة ماحبيت اگعدچ "

رفعت اكتافها ورَدت ..

سارة " اوك قنعتني بس وين چنت ؟ "

أحمد " چنت يم جماعتي "

رَمى بكلماته لها واتجه لغسل وجهه ، توجه الها وأستقر على الكرسي بجانبها ،سحب صحن الفواكه لناحيته شوي وبدأ بالأكل وياها ...

انطته نظرة جانبية وهو مستمر بالأكل ..

سارة " ترة هذا اكلي ! "

ألتفت لها وأرتسمت على ملامحه ابتسامة ماكِرة ..

أحمد " انا وياچ واحد حبيبة روحي "

أبعدت انظاهرا عنه بأبتسامة خافتة وبدأت بتقطيع التفاح اله ...

أحمد " نطلع ؟ "

خَرج سؤاله من ثغره بدون سابق أنذار للي ألتفتت عليه وهي ترفع حاجبها بأستنكار ..

سارة " منك من الشيطان ؟!! يالله راح يصير افراج على السجينة سارة "

أحمد " شسالفة ؟ "

سارة ": والله 24 ساعة انا بالبيت "

أحمد ": اخذج لمكان رهيب "

رفعت حَواجبها وقلصت عيونها ..

سارة " وين ؟ "

احمد " مفاجئة "

قَلبت بؤبؤ عيونها بملل وكملت اكل وهي تُشيح بنظراتها عنه ....

سارة " ادري مفاجئتك بالصحراء وبهل حر ما اروح ما اريد "

رفع اكتافه بعدم اهتمام ورجع يكمل اكله وهو مركز عليه ..

أحمد " انتِ الخسرانة "

عَم الصمت بينهم وهُمَ يكملون اكلهم ، استقامت تكمل غسل الصحون وهو اتجه لغرفته ...

ــــــــــــ

مَر يومين من الروتين الممل والأحداث اليومية المتكررة مرن يومين

دَخلت الغرفة وهي تطالع زوجها الغَاط بأعماق نومته ، لزمت موبايله وهي تفكر

- خلي اخذ حساب جهازه واضيفه بجهازي بس هو فاتح برامجي !يلا اخذ الحساب بس يروح لشغله انا افتح الصور والفيديوهات واشوف شكو ماكو بيه -

نقلت حساب الأنستا لموبايلها و كملت وحذفت كلشي ومابقت أي دليل يدل على أنها فاتحة موبايله ..

سارة ـــ

گعدت اگلب بالتيك وطلع لي شاعر چان يلقي شعر كلش حلو لفت نظري ...

من مواليد 2007 واسمه سجاد تابعته وراسلته خاص وطلبت منه ...

" اريدك تكتب لي شعر يمثلني "

شوي ورد علية ...

سجاد " تگدرين تجين لتلي ؟ "

" تمام خوية "

حولنا للتلي وچان كلش ثگيل وياية ...

سجاد " سولفيلي قسم عنچ حتى اعرف اعبر عنچ "

" انا احب الكتابة بس ماعرف شلون القيها او اكتبها "

سجاد " ميخالف انا اكتب عنچ "

سولفتله عني واخذني الحديث وياه لساعتين ضبط ...

گعد احمد وشافني اضحك وملامح التساؤل بدأت على وجهه ...

احمد " شكو تضحكين ؟ "

" اضحك عليك "

أحمد بأستنكار " شايفتني مهرج گدامچ؟"

": لا حشاك بس مايصير نضحك ؟ "

طفيت تلفوني وگمت سويتله چاي ...

فـ ظل يراسل الشاعر وگعد يعلمني انُ اكتب واتعلم شوي شوي وانا چنت كلش فرحانة لان شي هذا احبه گلت عندي وقت فراغ هواي كلش هواي اگعد اتعلم اشعر واونس نفسي ....

كملت وكل هذا تحت انظار احمد المُترقب بهدوء ...

طفيت جهازي بس مامسحت اي شي لان چان كلامنا كلش محترم وبنِية التعلم لا أكثر ...

بعدها دخلت للحمام سويت تقشير لجسمي وسبحت وطلعت لبست فستان حلو قصير ولونه عنابي و حطيت مكياج بُني ، شسورت شعري وبرمته وتعطرت وگعدت يمه ..

لاحظت تلفوني چان بيده حرفياً وجهي بهتتت كلش ماعرفت شسوي لان مستحيل يقبل احچي ويا غيره ...

باوع لوجهي بعدين تجاهلني ..

" شبيك شبي وجهك وليش عيونك حمر صاير شي احد اتصل عليك وسمعك شي ؟ "

سكت وما حچة شي ولا اي تعليق .. بس عيونه احس يطلع منهن نار نار التلفزيون چان مشتغل والصوت شبه عالي رحت گعدت بحضنه وحطيت ايدي على وجهه وحچيت وياه بكل هدوء وحب عكس الخوف البية .... لعبت بشواربه ووخر ايدي ..

احمد بأنزعاج " گومي وخري من وجهي "

" ليش اوخر حبيبي گاعدة بحضنك "

أحمد " ما اريدچ تگعدين بحضني "

" ليش ؟ "

سكت وما رَد ، ظل يباوع لتلفزيون وجسمه كله يرجف من الاعصاب

- رحت بيها لان الشي الغلط لي سويته حچيت ويا الشاعر (سجاد) وهم صغير يعني بگد اختي ماتسوة كل هل رجفة -

لزمت وجهه بثنين ادية ..

" سولفلي شصاير وليش هيچ ترجف ؟ "

بكل براءة وبكل انوثة ودلع نطقت كلماتي وهو بالگوة لازم اعصابه ..

أحمد " جاي تضحكين علية لو شنو فلمچ ؟"

" على شنو اضحك عليك گوم شوف وجهك بالمراية يخوف عبالك شيطان مو بشر "

احمد " انا شيطان ؟؟ شو ماخذة راحتچ بحضني "

" شني گاعدة بحضن صاحبي ؟ غير انت زوجي "

أحمد " حلو يعني هسة اعترفتي انا زوجچ مو؟"

" اي حبيبي ابو زعاطيطي "

والعب بشعري واتدلع وانا ميتة من الخوف

أحمد " منو مساع لي تضحكين وياه ؟ "

" انا اضحك ويا غيرك؟ افا شعندي غيرك انا احبل اجيب "

أحمد " هل مرة مختلف اسم صاحبچ "

" عيب عليك شنو هل حچي شايفني گدامك"

حط چف ايده على راسي من ورة وقرب وجهي عليه كلش صار خشمي بخشمه ويخزر بية ...

أحمد بغضب " تدورين مراهقين ولچ ؟ "

" عوف شعري هستوني سويته "

احمد " لمن مسويته ؟ "

" لصاحبي اريد اصور وادزله بلكت ينعجب بية "

شمر جهازي بالگاع وحط ايده الثانية على رگبتي بكل قوته يخنگ وانا ولا حاولت اتأثر ...

أحمد " ولچ بربوگ انا دمي يفور وانتِ باردة وطافية وبكل عين صلفة تراسلين بالشباب عبالچ تعبر علية ؟؟! "

يحچي بكل عصبية چان ويخنگ بية

وانا اختنگت هنا للصراحة ..

لزمت ايده احاول اوخرها من رگبتي واحس بالگوة احچي والكلام بالگوة يطلع مني بسبب الخنگة والحرارة الي اجتاحت جسمي ..

" افتح افتح انا هسة اشرحلك ولك خنگتني احمد "

رخة ايده وهو ناره اقوى من ناري ووجهه صار احمر وشرايين وجهه بارزة وحتى برگبته ويتنفس بسرعة ...

وخر ايده وگمت من حضنه بسرعة گحيت وتنفست براحة ...

احمد " خلصتي ؟ رجعي بمكانچ وسولفيلي لا اليوم اسوي كارثة حتى الله ما يفكچ مني "

رحت گعدت بصفه جر وايدية حيل وگعدني بحضنه ، حاوط خصري بثنين ايديه شال وحدة ولعب بشعري والثانية عاصرني بيها حتى انفاسه بوجهي صارت ..

اريد الحچي يطلع واحچي احس لساني أنبلع كلش ولا اگدر احچي شي احس جسمي وعيوني گوة افتحهن مادري ليش وشنو سبب هل شي الصارلي بهل لحظة وانا بين أيده وبحضنه ...

أحمد " احچي "

" انت قريت كلشي وكل الكلام"

احمد " عدته مرتين واريد توضيح منچ "

" والله مجرد كلام عادي وهو صغير يعني انا وين وهو وين ماكو شي غير هل كلام "

أحمد " چذابة تعرفينه "

" والله ما اعرفه "

گعدت احلف وهو ولا يصدگ مادري شلون حطيت ايدي على صدره وحاولت اتمسكن ..

" حبيبي ترة جهازي كله بيدك وتگدر تطلع الميت من قبره وبعدك شاك بية ؟ "

نزلت دموعي وانا احاول ابررله ، مسح دموعي وگعد يلعب بشفايفي وانا ظليت ساكتة ....

" شنو ماشايف شفايف؟ "

احمد " انتِ شگد بربوگ وصلفة ؟ بعمري ما شايف مثلچ "

" ولا راح تشوف "

لزم رگبتي من ورة وقَبلني بقوة وانا حسيت نفسي انقطع لدرجة رفعت ايدي وضربته راشدي ... ظل ساكت وصافن بوجهي ...

" والله مادري الله يكسر ايدي مادري شلون اجه بوجهك عود ردت ادفعك لان خنگتني "

رجعلي الراشدي بس اقوى طحت من حضنه بالگاع وهو تقدم شوية ناحيتي ...

أحمد " لا لا لا الحلوة طاحت "

رجع جرني من الگاع حيل همتني همت بعدها نومني على القنفة ونام يمي ...

ظل يباوع على وجهي ...

احمد " شوفي وجهچ الحلو شلون صار احمر"

وانا بهل لحظة فعلاً حقدت عليه بسبب ضربته ..

" الله يكسر ايدك ياحيوان "

جابني بالثاني احس صار وجهي نار رجع باوع لوجهي ونزل عيونه على جسمي وبعدها لعيوني وظل يضحك ...

" لو تموت ما تحصل شي "

احمد " وشلون تگومين وانت ضعتي يمي؟ "

" اكتلك والله شنو عبالك بس انت قوي "

ظل يضحك هواي وبصوت عالي ...

أحمد " كلچ على بعضچ بطول زري ، بس العنابي حيل حلو دوخني وحتى نسيت شنو ردت أگلچ بعد "

حسيت وجهه بهتت ، رجع قَبلني بس هل مرة لازم ادية ثنيهن بأيده خنگني وسحبت وجهي گوة وضربته كَلة على راسه ...

احمد " شنو ولچ صايرة ثور هايج "

" لا تشبهني بيك وخر خربت حمرتي الخايس"

احمد " عمت عينچ ترحيلي فدوة تلحگين نظافتي ؟ "

" اسلوبك خايس مو كلشي وركضتلي على السبح تره كلنا نسبح "

احمد " وشلونه اسلوبچ لي ينگط احترام"

" من تحترم نفسك احترمك "

احمد " سكتي لا تدوخيني خليني اكمل شغلي "

" يا شغل شو دوخر "

احمد " غير انت مسويتلي اغرائات "

" ذن لنفسي مو لك "

احمد " عفية كثري منهن احبهن "

قَلبني بخدودي وبعيوني وبشفتي خفيفة ، گمت عنه ورجع جرني للغرفة .......

مَرن هل يومين واشوفه ما مرتاح من الزم التلفون عرفته بعده شاك بية وما ثاق اصلاً عفت الجهاز ودخلت للمطبخ سويت حلاوة البسكت كملتها وانطيته منها اكل شوي وباوعلي ...

احمد " ماعجبتني "

" ولا انت تعجبني "

احمد بسُخرية " اه انعجبي بية اروحلچ فدوة مااگدر ما اتحمل "

" ايع چنك انثى بربوق "

احمد " اي جاي اقلدچ يل حية "

" وين شخصيتك ؟ "

احمد ببرود " ماعندي شخصية "

" واضح واضح "

بعدها سكتتت وشوية وباوعت عليه وانا موسعة عيوني بلطافة وهو بادلني النظرة بتساؤل ...

" خل نگوم نسوي كيكة البودينغ "

احمد " شني انوب هاي ؟ "

" جيبلي المكونات ونسويها سوة "

احمد " سجليهن "

رحت بسرعة سجلتهن ودزيتهن على الواتساب ... راح طلع وانا گمت غسلت ولميت شعري رفعته بس بأهمال ولبست بينصل وردي طويل بي فتحة من الرجل اليمنى وحطيت حمرة حمرة طوختها وگعدت انتضره دخل بس ما انصدم لان تعود على هل سوالف ...

احمد " واضح السهرة كلش حلوة "

" اي مثلي "

ضحك واجة قَبلني براسي

" ايع تحسسني عجوز "

احمد پابتسامة " بس طلبي وانا انفذ "

حطيت اصبعي على شفتي وهو ضحك ..

احمد " حيل متطورة "

قبلني بشفايفي بخفة و گمنة للمطبخ طلعت كاسة وحضرت الغراض مال الكيكة وچان جايب اشكال ...

احمد " عوفيها انا اسويها "

" وين تعرف ؟ "

احمد پابتسامة " علميني "

" خوب انا اسويها وانت باوعلي "

احمد " هيچ ما اتحمل "

" اممم ليش ؟ "

احمد " كيكة وتسوي كيكة حيل صعبة تدرين بگلبي خفيف ومايتحمل هيچ مناظر "

" اوي عيني "

احمد " ال اوي مالتچ تعبتني "

باوعتله صفح وهزيت ايدي ...

" ولا تستحي زايع المستحى فد نوب انوب الله بعد شيسوي بيك سرسري ودين ماباقي براسك "

گاملي وانا بسرعة رجعت ليورة وبيدي السچين ...

" اشاقة حبيبي "

احمد " لسانچ فلك لسانچ "

" امزح وياك والله "

أحمد " لا تعيدينها انا زوجچ مو صاحبچ"

" اوك ميخالف "

بعدها رجع گعد على ميز الطعام وباوعلي ...

" تعال تعلم "

گام ووگف وراي ...

احمد " گعدي بحضني وسويها "

" حتى حرام من نعمة الله شبيك راح تموت ؟"

احمد " شحاچي انا ؟ "

لزم خَصري وقربني اله وانا احس توترت وحتى ما اعرف اشتغل گمت ...

احمد " كملي حبيبتي وانا اباوعلچ "

" نضرانك تحرجني "

أحمد " الله "

ضحكت وهو ضحك على ضحكتي و راح گعد على الكرسي وانا حطيت المكونات على ميز الطعام وهو صافن بوجهي ...

" باوع شوفني شلون اسويها "

أحمد " اي "

" بس باوع عوف وجهي لخاطر الله "

احمد " مو مهمة امشي نروح ننام "

" شنو دجاج ننام بالتسعة ؟ "

احمد " ها اي صح كملي "

نزل راسه يباوع للصحن وحط ايده بأيد وفتفتت الكيك وانا خبطت الگيمر والنوتيلا اكلت خاشوگة من النوتيلا بعدها ظل يباوعلي وانا من شفته هيچ حسيت روحي غصيت ...

" شبيك والله حتى نسيت شلون ابلع "

گام على حيله وتقدم لي بنظرات ما ادري شلونها ، انصدمت منه

- هذا شبي يمة ؟! -

دفعني على الثلاجة وانا فاتحة عيوني بصدمة من السواه .....

يُتبع .......

ـــــــــــــــــــــــــــــــــ

سلام عليكُم حلويني

أن شاء الله يكون عجبكم البارت

اتمنى منكم تطبقون الشروط حتى أنزل البارت الخامس بأقرب وقت

شروط بسيطة جداً تگدرون تطبقوها بسهولة

ابد مابيها شي معجزة

300 تعليق + 400 تصويت = بارت جديد .

لُطفاً لُطفاً لُطفاً

هاي ثلاث مرات

من تكتبون تعليقات اكتبوا تعليقات تخص القصة مو ايموجي او نقاط لأن هيچ تضيعون علية التعليقات الأساسية وهيچ تعليقات مثل النقاط والأيموجي مابيها اي فائدة

لذلك ارجوا منكم من تكتبون تعليق كون يخص القصة وفقراتها وتبتعدون عن الأيموجي فقط او النقاط

اعتذر عن الأطالة لكن هذن الأشياء الوحيدة الأريدها منكم

مُلتقانى أن شاء الله في البارت القادم

ســـلام🩵.

"بِسـم اِلله الرَحمـن الرَحيـم "

انلتقي؟

واخُذك بينْ احضاني واضعُ رأسي بينَ ذراعيكُ واشُّد عليك لأطفئ كل حزن بداخلك ' واذ رأيتُك مسكتُ يداك فيهدأ قلبي من شعلتِ اشتياقهِ وانظرُ لعيناك وكأنك اعظم ما امتلكه قلبي!

واحدق بك وانظر الى لمعة عيناك وكادت عيناك تقتُلني وابتسامة

شفاكي تُمزقني عشق وارتوي بحبك يا ملذةُ فؤادي و أذهب عنك وافكاري مبعثرة بك وابحث عنك ولا اريد ان افارق عيناك

لنلتقي

.......................................................

تجاهلو الأخطاء الأملائية عزيزاتي

......................................................

سارة: خير

باسني بحلكي ورجع ضليت صافنه بمكاني رجع كعد وانا صافنه

احمد: حبيبي الصفنه للمطي مو الچ

سارة:لا كافي

احمد: كملي

رجع حط ايد بأيد بعدها رشيت الحليب ابو الككو ع الكيكة كملتها

سارة:شفت سهلة

احمد: كلش وتخبل

ادري بي باله مو يم الكيكه اصلاً طلع جكارة وورثها

احمد: يمتى تحنين عليَ

سارة:بيمن عمري؟

احمد: تنطيني من الكيكة

سارة: هسه خل تبرد وناكل سوه

احمد: يالله

گعدنه بالمطبخ واحد يباوع لثاني انا اباوع وابتسم وهوَ يدخن ويباوعلي وكلساع ويتحسر

احمد: تعاي كعدي بمكانچ

سارة: وين؟

احمد: بكيفج

سارة: بقلبك مثلاً؟

احمد: من زمان بكلبي انتِ عجزت أطلعج منه كل ما أريد أطلعج كلبي يضل يوجعني بس من بقيتچ بي مرتاح

*حسيته يريد يحجي هواي ومايعرف بيمن يبلش مايعرف شلون يكمل ممكن يستحي او يخجل يعبر عن مشاعره "

سارة: احس بيك تريد تسولف؟ سولفلي

احمد:ماعندي شي حبي

سارة: متأكد؟

احمد: اي متأكد

*كام يدخن بكثره

سارة: شبيككك ليش هيج تدخن

احمد: مو كتلج تعالي كعدي بمكانچ

سارة: بحضنك؟

احمد: اي تعاي بسرعة

*كمت وكعدت بحضنه قربني له وكام يلعب بحلكي

سارة: ليش تلعب بحلكي؟

احمد: احبه

سارة : هوَ انتَ اكو شي ماتحبه!

احمد: بس انتِ أحبج

*ضحكتت بس ماعرفت شنو ارد بعدها سكتنه ثنينه نزلت راسي العب بأضافيري وهوَ دفن رأسه بصدري وشبكني حيل بادلته الحضن

سارة: شبيك معوز حنان

احمد: كلش

سارة: ادري بيك

احمد: چا ما تحسين

سارة: ميت أحساسي اتجاهك

*سكتت وبقا حاضنني لفتره

احمد: سمسم!

سارة: ها حمود

احمد: تحبيني؟

سارة: اي

احمد: جذابة

سارة: بس انا مامجبوره أجذب

احمد: ما أصدك

سارة: ليش؟

احمد: مادري

سارة: لا غلطان أحبك

احمد: جنت اتمنى اسمعها منج واتلهف لهل كلمة حتى لو جذب '

سارة: وهسه؟

احمد: طفت هل لهفه وحرمتيني منها

سارة: بس هسه يختلف الوضع وقبل كذلك

*بعدها وخر راسه بس حسيته تعبان

سارة: احطلك كيك؟

احمد: لا

سارة: ليش؟

احمد: شبعت

*مافهمت قصده لان هوَه ما أكـل اصلاً كمت غسلت الماعين وكفيت الهوسة مال المطبخ كعدت بصفه أكـل كيك

سارة: ليش ضايج

احمد: انا؟

سارة: اي مو ع بعضك اليوم

احمد: لا مابيه شي

*كملت اكل وهوَه يباوعلي

سارة: ليش تحسسني راح اروح؟

احمد: ما اخليچ ترحين

سارة: سولفلي مسوي شي؟

احمد: لا شسوي يعني؟

سارة: خاف لاعب بذيلك

احمد: لا كصيته من شفتچ

سارة: ها يعني جنت چلب؟

احمد: أحترمي نفسج

حجاها وكأنُ ما عاجبه خله وكام من يمي غسلت صحني وطلعت كفيت الصالة افتر وافتر ''

احمد: كافي دوختيني

سارة: شسويت جاي الم الهوسه

احمد: أحسج تفترين ع كلبي كافي تعبتيني

سارة: شلون؟؟؟؟؟؟

احمد: هيج حبيبي

كملت وكعدت يمه

سارة: شبيك

احمد: بيه انتِ

سارة: ادري بيك من زمان بس هسه وضعك مو اوكي

احمد: كال لا اوكي من أنام بحضنج

سارة: كوم نام نعسان تعال انومك

احمد: ياريت

رحت للغرفه واچه وراي نمت واجه دحس راسه بحضني

سارة: 30 سنه وحده تنومك مثلي

احمد: اي مو كتلج طفل يمج انه أسكتي وخليني أنام

سارة: نام

احمد: لعبي بشعري

لعبت بشعره وصدك نام بسرعة وخرت أيددي منه جاي اكوم وجرني شبگني من وره

سارة: ما نمت

احمد: وين طايره ابقي بحضني

بقيت بس ولا أجاني نوم ب4 الفجر وانه نايمه بحضنه بدون ما اغمض سحبت روحي منه گوه رحت غسلت وجههي وتوضيت وقريت قرآن هواي وتوضيت وانا ماكو ولا نمت بقيت سهرانه لحد الساعة 12 الظهر طبخت ونضفت البيت وصليت وسبحت ورحت انام حطيت راسي من التعب ذبيت روحي كعدت المغرب لكيت احمد ماكو كعدت غسلت وخدرت الچاي وراسلت البنات گتلهن انُ يچن يمي فـ كلهن قبلن وكالن نجي بـ10 كتلهن هواي تعالن بـ8 كالن بعدنه حتى ما متعشين

شهد: اكمل دراستي ونجي بـ10 والله الي تروح بعد ولا اعرفها ولا تعرفني

سارة: اوك بـ10 بنات

لجين: تمام

نور: تم

شهد: تمت

أكلت وغسلت وتوضيت وصليت كملت وكعدت أستغفر وأسبح دخل أحمد

احمد: ها المتدينه خلصتي

سارة: اي ماتصلي انت الدنيا مغرب و وقت صلاة ليش كاطعها

احمد: صليت بالجامع انا

سارة: اي صدكتك

احمد: ما مجذب عليج قبل حتى اجذب هسه

سارة: خوش شدعوه اكلتني اكل

سگت وانا غيرت ملابسي ولبست تراك طويل ازرك وواسع

احمد: اليوم الديانه فول

سارة: البنات بـ10 يجن يسهرن يمي

احمد: هلا بيهن

سارة: وين چنت انتَ؟ شو ماكتلي

احمد: مو كتلج بالجامع!

سارة: صدقه لجامع مالك

احمد: شدعوه هيج تسهرين وتنامين

سارة: نمت وياك وكعدت طبخت وصليت ورجعت نمت

احمد: ها

*من الـ ها مالته فهمته ما مصدكني كعدت يمه '

سارة: تريد أكـل؟

احمد: لا اكلت بره

سارة: چا مو جنت بالجامع؟

احمد: اي قبل الجامع

سارة: بالعافيه

شغلت قرآن بالبيت وسورة البقره انا من النوع احب اسمع قرآن بكثره صح احسه يأذيني بس اجبر نفسي لان اعرف شيطاني كلش قوي وعندي سوابق لازم احافظ ع عقلي الباقي براسي وكذلك اصلي كل فرض بوقته لان شي اساسي بحياتنه مرات امر بفترات ما اريد اصلي وجسمي يخدر بس مستحيل اتركها لان بدونها انا اضيع اي فعلاً اضيع باوعت لأحمد يتصفح بجهازه كعدت بصفه وكذلك تصفحت بجهازي بعدها گلي

احمد: دخت نصي الصوت

جان قصده ع القرآن "

سارة: ولككككك خاف بيك جني

احمد: نجبي ونصي

سارة: بيك اعراض شوف لان دخت وتارك صلاتك

احمد: نكلبتي سيد

خله وكام للغرفه خلصت السورة وانا كاعدة اتصفح دخل يسبح من طلع اجه يمي خابر ع الحلاق ف كله احجزلي موعد يمك

الحلاق: ب8 ونص تعال

احمد: اوك

صدك راح وب9 اجه للبيت دخل سبح هاي انا اراقب وين اروح سبح اكل نام بدل طلع من المملل حفظت حتى حركاته اجه وكعد يمي

احمد: شلوني؟

سارة: تخبل

احمد: ادري قابل ما ادري

سارة: اذا تدري لمن تسئلني

احمد: هيج

سارة: خوش

بعدها كمت افتر اريدها تصير ب10 واشوفهن ماكو صار الوقت مايمشي كعدت بالصاله احجي وياهن ولا وحده ترد اجه يمي

احمد: تحجين ويامن؟

سارة: ويا صاحبي

احمد: اشوفج فرحانه

سارة: طايره طايره

شغلت تلفزيون ع توم وجيري وكعدت كلت لحد مايجن درت وجهي لكيته يباوعلي

سارة: شبيككككككك؟

احمد: غارق في عيناكِ

سارة: الله دير بالك لا تموت

احمد: قربت نهايتي

سارة: اسم الله

ضحك وبعدها كال راح اسئلج سؤال!!!!

سارة: اي اسئل حبي؟

احمد: اذا بيوم خنتج شتسوين؟

سارة: شسوي ما اسوي شي

احمد: هيج بكل بساطة تتقبلين الوضع؟

سارة: اي عادي شنو يعني

احمد: اوك

سارة: يمتى خنتني؟

احمد: ما خنتج

حجاها بس جان چذاب اي انا اعرفه چذاب بس سككتتتت

سارة: متأكد

احمد: اي

*بعده مستمر انا هم سككتت شوب وشفت من الكامرات اجت سيارة باب الشارع ندك واجن البنات سلمنا وكعدنه انا والبنات بغرفتي طلع احمد جاب لهن الضيافه

احمد: انا راح اطلع من البيت يم جماعتي واتأخر قفلن الباب

سارة: اوك

سوه هيج حتى نأخذ راحتنه بس يا راحة والكامرات بس غرفتي مابيها كعدنا بيها انا وياهن ضلينه نسولف ع اشتياقنه لبعض

شهد: بنات السادس شكني شك عود بعدني بس أراجع

سارة: ميخالف شدي حيلج بلكت تجيبين المعدل وتدخلين محاماه

لجين: ايع ششنو محاميه اريدها دكتوره

نور: لا اريدها صيدله

شهد: الضاهر جاي تحققن احلامجن براسي

سارة: اي

شهد: خل انجح هسه وبعدين تعاركن

كعدنه ناكل ونضحك ونسولف سوالف عشوائيه ف سئلت نور

سارة: شنو وضعج انت وعلي؟

نور: احس روحي ما أحبه

سارة: شلون ولچ ؟؟؟؟

نور: اعرف كلش زين هوَه اخوچن وما تقبلن هل كلام بحقه

لجين بصياح: طبعاً اشك حلكج ولج ساقطة تلعبين ع اخوي

نور: نجبي بس خل اسولف لچن

شهد: اذا تحسين نفسج مو جاهزه حاولي تستعجلين بقرارج لان علاوي ماله ذنب تضحكين عليَ

شفتها دمعت

سارة: سولفي احنا هم خواتچ

نور: شسولف وانتن اكلتني اگل بس خل احجي ليش هيج وياي

كامت تبجي وترجف

سارة: قربي يمي

اجت قريب مني لزمت اصابع ايدها وكتلها نتشاقه وياج واحنا نعرفج كلش زين بس سولفيلنا شصاير وياج حتى هيج تحجين ع علاوي

نور: عصبي وحساباتي كلهن يمه ومايقبل اطلع حتى مايخليني احط مكياج ويكول لبس ضيك ماكو حتى تراكات مايقبل البس ولا سويت حتى لسوك ويا امي لو عمتي مايقبل اروح ولا يقبل يأخذني كله لا كله لا

سارة: چا شوفيني انا اطلع لا امشي هم لا كله لا وتعودت وعشت انتِ ماجربتي ولا عشتي مثلي المفروض تتفاهمين ويا وتكليله اانا بنيه والي احتياجاتي

نور: والله كتله يكلي امج تجيب الچ كتله اريد ع ذوقي رفض ورفض قاطع

سارة: ميخالف انا احجي ويا واتفاهم ويا علمودج

نور: لا ما اريد أريده يفسخها ما احبه ولا يحبني ويريدني 24 ساعة بس أسولف ويا لعبت روحي من هل علاقه

شهد: علاقة ملابس

ضحكنه كلنا ......

سارة: مو كلتي احبه؟

نور: جان اعجاب بس البشر من تعاشرينه تعرفينه شنو هوَه

سارة: اي صحيح وبعدج بالبدايه

نور: البدابه هيج قاسيه چا شحال النهاية؟

سارة: شنو يعني هسه قفل؟

نور: اي وانتن اول الناس حجيت لچن واريد تنصحني حتى احجي ويا اهلي واخصمها

سارة: لا تستعجلين وعلي اخوي يحبچ

نور: لا غلطانه مايحبني علاوي ماينحمل احسه يريدني بس اله

شهد: دافره النعمه برجلچ والله علاوي مايستاهل لان يحبچ انتن تردن واحد يدمغ عليجن ويهين بيچن

درت وجهي عليها

شهد: شبيچ

سارة: چني تحسسسسستتت

شهد: انتِ تختلفين انتِ أحمد من كد ما يحبچ راد يحركچ ويحرك روحه بالبيت

لجين: يعجبني حارب علمود حبه وبالنهاية فاز

جانت نور تباوع وشارده ضجنه عليها حاولنا نغير جو لها بس ضجت ع أخوي كلش ما يستاهل هيچ چاي يشتغل ويتعب حتى يلمها ويخليها يمه وبحضنه ' سككتت لان همه كبار وبالذات نور اكبر مني فـ شي اكيد تعرف مصلحتها وين بعدها تناقشنه عن أهلنا وشهد بدت تسولف عن امها لحد ما صدمتنا من كالت .........................

يتبعععععععععععع

تجربه طبعاً كتبت هل بارت وانا مو كاتبة فـ انطوني رئيكم بالبارت والسرد اتمنى يعجبكم 🥹💕💕💕💕✨.

"بِسـم اِلله الرَحمـن الرَحيـم "

...................................

مُحتاج اسُولف وَابتسِم بالُمختصر مُحتاجَلك '

لو يمَي كُل هَاي الَبشر

انتَ الوحِيد اشتاگلك

چا ليش عَني تغَيرت؟

مُو تدري مُحتاجَك لأن

لا بية احِب غِيرك بَشر

لا بية اعِيش بدونك .

...................................

أهلاً عزيزاتي تجاهلو الأخطاء الأملائية

...................................

شهد: بنات أمي مريضة وأبوي بعيد عنها جاي أشوفها تريده وجاي أنقهر عليها

سارة: مايجي عليكم كلش؟

شهد: كل شهر يجي يجيب مصرف ويبقى يوم ويروح لو كلش كلش يوميين '

سارة: الله كريم تهون

شهد: شتهون وانا من فتحت عيني لحد الأن همه بعاد عن بعض

*للعلم أبوها مسافر وكل شهر يجيهم

لجين: بنات شبينه هيج احنا جنه مطلقات وارامل وكئيبات انا اريد اتزوج وارتاح

سارة: مفلفله تلحكين

لجين: عليمن غير اريد افك من ضيم اهلچ

سارة: شبيهم وياچ؟

لجين: نفس روتينهم كلش يتعبون

*تأفأفنه وسالفة طول وسالفة عرض صارت بـ2 بليل وضلت تبچي نور

شهد: شبيچ بنت الفگر عليمن تبجين؟

نور: فوك ماتبجين وياي

شهد: عايزه أبجي وياج هاي هيه

*بعدها كامت لجين تبجي وشاركت ويا نور

سارة بصياح : شبيجنننن ياااا

جميعاً نور ولجين: من ضيمنه

سارة: صدك تحجن

*تقربت شهد من لجين ونور وكامن يبجن ثلاثتهن بقيت صافنه عليهن

شهد: ماتبجين بنت الخايس أبجي ويانه احنا حزام ضهرج

لُجين: ماعدها لا احساس ولا مشاعر ولا ضمير ماتبجي ولججججج دمعي ويانه بالجذب

كل هذه وانا صافنه عليهن شبيهن ذن لحد ما شبعت ضحك عليهن

نور: شبيجن تخاف ع مكياجها خاف يخرب بعدين أخوي خاف يحصرها

سارة: نجبي ولج صدك تحجن ع شنو تبجن

*وكامن يزيدن ويزيدن بالبجي كمت جبت نعال واجيتهن وين اليوجعهن من البواجي للضحك صار صوتنه عالي واركض وراهن وهنه يركضن بالبيت وياهي الزمها اكطع النعال عَ راسها

لجين: والله جنت محتاجه نعالج

نور بصياح : احس رجع عقلي براسي احب علاوي واموت عليَ ولك علوشتي وينك

شهد بضحك : ما اريد نعال جيبي سجينتچ ولك رسلان استعجل ريحني من الدنيا

كعدت شهد تضحك وفحطانه وكعدت وانوب رحت جبت سجينتي واركض وراهن اركض وزلكت لُجين وطاحت فُوكاها شهد ومتنه من الضحك كامن وكتلهن وين؟ كامن يتطافرن وانا اركض وراهن طلعت نويره كدامي

سارة: ولج نور تضحكين عَ اخوي اليوم أكتلج واشرب من دمج واليطلع وراج اذبحه

تركض وتصيح!!!!!!

نور: ولج جذب ولك احمد الحكني راح أموت

دخل احمد وشافنه فحطانات وبيدي السجين ""

احمد: شنو هل مجهصه؟

سارة: شتسوي هنا!!!!

احمد: بـ3 ونص شفتجن تتراكضن عبالي صاير شي ماشفت دربي

سارة: كتلتهن حُبي

احمد: سمعت بواجي شكو؟

لُجين: وين تدري شنو تتسمع علينا ماتستحي

شهد: ماتشوفين الكامرات!

نور: عبالي شلتوهن وذن فيونكه

سارة: اي نسنس مثلج ذن

كعدن شوي واتصلن ع حسن أخوي اجه عليهن بالسيارة مال أبوي وسلمن وراحن

...................................

_طلعن عزلت الهوسه كلها وكعدت افكر واكول معقوله هاي نور تحجي الصدك وماتحبه ؟ زين شنو صاير بينهم وهيج وصلت لمرحلة تبجي منه؟ هواي اسئله كلش هواي " لحد ما قطع تفكيري أحمد وكال ...

احمد: شكو؟

سارة: نور ماتريد علي اخوي

حجيتها بوجهه بسرعة ضل صافن عليه"

احمد: شنو شنو؟

سارة: اي مثل ما سمعت وضلت تبجي تريد تفصخ

احمد: عادي ماكو مشكلة تلاحك نفسها قبل لا تتورط ويوكع الفاس بالراس

سارة: شنو قصدك اخوي شبيي؟

احمد: مابي شي بسس يعني هسه أفضل من ان يتزوجون وتزيد مشاكلهم

سارة: اخوي فاهم مو همجي

احمد: شنو قصدج بهل حجي؟

سارة: ماقصدي شي ليش تحسستتت؟

احمد: ومنو كلج تحسستتت لو تحبين تلطخيني بسوالفهم

سارة: انا ما ذكرت اسمك حتى الطخك جاي احجيلك عن لي صار مساع واختك تبجي وخل حجي بيني وبينك قابل انتَ قريب؟

احمد: سدي الموضوع نارهم تاكل حطبهم مالي علاقة احجي واتدخل بحياتهم وبعدين يرجعون حبايب والله ها أحمد يطلع بالگبح

سارة: ما مجبور تحجي بس جاي اسولفلك بيني وبينك وانت تحسستتت

أحمد: أرجع واكول ما تحسستت بس كلت شنو قصدج وانا كتلج وارجع اكولها نارهم تاكل حطبهم وك...عرضهم لان الي اريده اخذته والباقي طز

سارة: اوي شبيك حموضه ما تتحمل

احمد: انتبهي لطريقة گلامج لا أجي اكص لسانج

سارة: المفروض هسه اخاف؟

احمد: وغصباً عليج

خله وطلع من البيت رجع بـ6 الصبح وضل يومين ضبط شايل خشمه عليه و24 ساعة بالتلفون ويضحك وبوجهي ضايج

سككتتت ومرت الايام متشابها وهوَه مايحجي وياي ولا انا

وانا انام بالمطبخ وهوَه ينام بالغرفه لو انام فوك وهوَه بالصاله ياكل وحده وانا اكل وحدي شنو السسببب مادري جنت مرتاحه بالبعد بس أحس أكو شي مفتقدته قرب موعد التحاقه حضر ملابسه وراح بدون مايكلي اتصلت عليي ...

سارة: وينك؟

احمد: صعدت لدوامي

سارة: ما كتلي ليششش

احمد: نايمه بستج وطلعت

سارة: اوكي توصل بالسلامة

احمد: انتبهي لنفسج واكلي زين وعلاوي يرجع من شغله ويجي يمج

سارة: ماشي انتَ هم انتبه لنفسك

احمد: صار

سديته ورجعت نمت بس احس روحي ما نايمه ابد عقلي كاعد ماعرف شلون بس عيوني مغمضه كمت كعدت ع تلفزيون مرت ثلاث ساعات وانا بس مشغلة قرآن لأحظت انُ من اشغلة ما اتأثر بي وانا ثلاث ساعات مشغلته تعجبت كلت يمكن هذه شي زين ومادخت منه وراح الجن العاشق حسب كلام المره بس حسيت بممللل مو طبيعي واريد بس اكوم اريد اسوي شغلات بس ماعرف شنو هنه ما استسلمت وكمت توضيت وصليت وصليت وهوَه مو موعد صلاه لكن صليت وخدر كل جسمي احس عيوني طفت وبس سواد كمت وكعدت اقره قرآن قريت بكثرة بس مافهمت ولا شي عكس كل مره اقره بكل حب بدون ممللل كلت شنو يعني ما أحس ولا افهم ف رحت للكوكل وكتبت لماذا لا افهم من قراءة القرآن؟ وجان الجواب

إذا قرأ آية دون فهم لمعناها فلا يحرمه ذلك من كسب الثواب تلاوتها لعموم حديث التلميذ: من قرأ حرفاً من كتاب الله فله به حسنة والحسنة بعشر امثالها """ ولا فرق في ذلك بين القراءة في الجوال او المصحف بمعنى القرآن الكريم ".

وهم مافهمت بس لي فهمته انُ لي ثواب طبكت القرآن ودخلت سبحت ولبست فستان طويل وعريض كلت خاف يجي اخوي وكعدت انتظره وماكو اتصلت ع اخوي

سارة: وينك تأخرت

علي: الناس تسلم شبيج هيج گابه

سارة: اشتاقيتلك

علي: نغله تكسرين وتجبرين

سارة: اعجبك

علي: راح اوصل تردين شي اجيبلج وياي؟

سارة: اريد چلي منوم

علي: اوك

سديته وشي ساعة يالله وصل اجه استقبلته وشربت العلاج ودخت ونمت بحضن علي اخوي بالبدايه عباله بيه شي ف ضل يصيح بعدين

سارة: وسم بس بلش العلاج بنطي مفعوله

علي: كمزتيني عبالي بيج شي صدك تحجين

سارة: مابيه شي بس مشتاقه لمصطفى

علي: اضاهر جلدچ يحكج وفقدتي عقلج

سارة: يمكن

ضحكت بس بدوخه واشوف علي 3 حط راسي بحضنه وضل يلعب بشعري نمت ولا حسيت بشي منت لثاني يوم وانا نايمة بغرفتي شجابني يمتى اجيت مادري شفت الساعة صايرة ب4 كمت غسلت وجهي وطبخت غدَه وسويت چاي اتصلت عَ علي

سارة: وين انت؟

علي: يم صاحبي جنت اتغده هسه اجي

سارة: جا ماكعدتني اسويلك غده

علي: لا معزوم حبيبي هسه اجي

سارة: ع راحتك

كملت طبخ مادري لمن بس احس صار واجب اطبخ خلال هل 9 شهور كملت وكعدت اتريك غسلت ودخل علاوي

علي: صح النوم

سارة: صح بدنك حبيبي

اجه لزم خدودي وجعصهن

سارة: خير شبيك ماشايف خدود

علي: لا ولج شبي وجهج متفخ

سارة: يا غير نمت جفي ع وجههي

علي: عبالي تشربين شي

سارة: نجب كلشي ما أشرب طبيعيه حياتي

ودرت وجهي عنه "

علي: اوي شعدها الحلوه

سارة: صدك ذكرتني عندي موضوع وياك

علي: وحق علي ابن ابي طالب حتى انا تعاي كعدي خل نخططط

سارة: شنو تخطط ولك

علي: كعدي خل نحجي

"كعدنه ع ميز الطعام ونسولف"

علي: اريد احجيلج شي يخصني بس مادري شلون ابلش بس اريدج تكليلي شنو الصح وشنو الغلط لان انا دايخ وماعرف اتصرف

سارة: عَ اساس انا لي تعرف تتصرف

علي: صح ثنينه اغبياء بس انت راسج جبير

" طكيته ع ايده وضل يضحك "

سارة: يلا غردلي من البدايه

علي: اسمعي

قبل فترة كعدت اسولف لنور انُ انا اريد اشتري بيت وحدنه حتى تاخذ راحتها

سارة: اي خوش خطوة هاي

علي: شو هاي كامت تصيح عليه كتلها شبيج كمتي تنبحين منو داس ع ذيلج

سارة: شنو هاي

علي: شنو

سارة: قصدك هيه چلب

علي: لا چلبه

سارة: ما اسمحلك

علي: نجبي هييي لو سامعتها جان رحتي كتلتيها انا عبالي صاير شي وياها كتلها شبيج كالت والله انا اريد وياكم وشنو قصدك تطلعني ببيت وحدي اهلك مايردوني وضلت تخبط بالحجي وتصيح انا كلت هاي راح تموت بعدها كتلها ام خيسه الحساسه انا علمودج كلت ع راحتها وماتتقيد ابني فوك بيت اهلي اذا تردين واسويلج مثل الشقه حلوة ومرتبه وورديه مثل كلبج

سارة: اي خوش ولد لهنا

علي: حلو لهنا انا حلو؟

" ويأكد عليه "

سارة: كفو خوش ولد

علي: سدته بوجهي بس انا حيل تنرفزت وبلعتها كلت يجوز صاير وياها شي خطيه ما اضغط عليها بس الي اعرفه اهلها يحبونها ومايضغطون عليها

سارة: اي صح ماعدهم هيج شي

علي: سديته وضليت يومين انا دايخ وافكر بحجيها ونبرت كلامها وصوتها كلت من الممكن عليها العاده (الدوره الشهريه)

سارة: شلون ؟

علي: من تجيج انت تكتلين حتى امي من الاعصاب

سارة: اي صح هرمونات فول

علي: عذرتها وكل هذه ما اتصلت عليه لبستني وانا ذبحيني ولا تلبسيني

سارة: شبيك تتكشخ بيك

علي: هيعونها الف وحده تتمناني بس هاي دافره لنعمه

سارة: وتالي؟

علي: اتصلت عليها بليل بعد ما مر يومين ونص كتلها هلا حبيبي شلونج ومشتاقلج ومن هل حجي

سارة: اي

علي: ردت عليه من وره خشمها هلا بيك اني زينه

سارة: شمالها هاي البربوك

علي: لا تخربطين بالألقاب

سارة: ليش؟

علي: انتِ بربوك وهيه فوصه

سارة: اي نسيت

" ضحكنه وضربني بوكسي طيحني بالكاع يمي السجين كمتله"

علي: سامحيني ولج كلبي مكسور

سارة: قنعتني والله تعال كمل

علي: اي يا اختي كلبي مكسور

سارة: وتالي ؟

علي: حجيت وياها كيبورد كتلها اذا بيج شي سولفيلي وانا احلها لج

نور: لا مابيه شي

علي: حبيبتي صارلج سبوع نافرتني ولابستني اجيج للبيت تردين نطلع

نور: شكراً

"كل هل كلام لي حجيته اختصرته لي بشكراً

علي: براحتج سديته للأتصال وراسلتها كتلها اخذج نزور أهل البيت او سياحه نروح للمول وين تردين بس كولي

سارة: كلامك ورد كمل

علي: تكلي والله انا جنت افكر وحسيت انا وياك ما مناسبين صح انا احبك بس حب عادي واعجابي خلاني اتخذ هاي الخطوة كتلها يا خطوة كالت خطوبتنه غلط بغلط كتلها ليش غلط انت تحبيني وانا احبج كلتلي لا بس اعجاب ضوجتني وقهرتني سديت النت وطلعت وره سبوع اتصلت عليها كتلها كولي هل جلب مات صار له شي لو هلو بالغلط كلشي ماكو ولصراحه صرت عصبي ورفعت صوتي وكمت اغلط وافشر شنو يخطر ع بالج سدته بوجهي ولعبت نفسي منها اموت ولا مرتي هيج تسوي ماتوقعتها هيج اغيب شكد ومستحيل تبادر كله انا جنت دائماً الطرف لي يبادر ويهتم ولي تريده يجيها احاول اسولف شكد وياها واشاقيها بس ماكو نتيجه ابد بزعت منها ومللتني

"سككتتت دقايق "

علي: والله ضوجتني منها خلتني بأسبوع اشرب تگات جكاير وحده تروح وحده تجي وصلت 4 تگات بأسبوع

" سارة بصوت " عزااااااا ولكككك صدك تحجي شبيك جاهل

علي: قهرتني وما احتوتني جنت اريد شخص يحتويني يهتم بيه احسها جانت تمثل عليه

سارة: يجوز صاير وياها شي

علي: ماصاير شي

" شفت عيونه دمعن "

علي: ليش الدنيا تمشي عكس ويانه شسوينه احنا شو هل نصلي ومامشينه بطريق غلط من البيت لشغل للجم واصدقائي معدودديينن شفتها هاءئه وحبابه وبنيه كلش خلوقه شنو جريمة واذا نعجبت بيها رحت دكيت باب اهلها

سارة: تحبها؟

"ضل ساكتتت هواي وكام ضل يصيح وصار عصبي ويحجي بصوت عالي"

علي: اي احبها والله احبها

"كسر الكلاص مال الماي وصار الكزاز بالكاع وضل يرجف من الاعصاب "

علي بهدوء : شسويت لها احسها تلعب عليه انا (علي) تلعب وياي نويره

سارة: هدي حبيبي هدي دير بالك لا تتعور خل اشيل الكزاز

" واستمر يهدي ويصيح لميته ومادري ودست برجلي ع كزازه متت من الوجع بس شافني صرخت اجه"

علي: شبيججج

سارة: يمكن كزازه برجلي

علي: كال الله يكسر ايدي كله مني

سارة: لا حبيبي عادي ماصار شي

"رحت كعدت وسحبلي الكزازه بس حسيته يسحب روحي مسح الدم ومسح دموعه وكنس الكزاز واجه حط كرسي بصفي لفلي رجلي وعقمها وكعد بصفي "

علي: خطط الله دائماً هيَ الأفضل يمكن رب العالمين يريد لي الافضل منها لو يريد لها الافضل مني

سارة: تتخلى عن حبك بسرعة

علي: ماعندي طاقه انا تعبان ما اكدر احارب مثل أحمد

سارة: بس تكدر تحاول للمره الأخيرة

علي: خليني منتظرها بلكت يرجع عقلها براسها

و ما يؤخر إلا ليعوض

سارة: الله كريم حبيبي كلشي يصفى مايبقه شي ع حاله المقسوم لك يصير يعني يصير ولو جانت مقسومة لك ساعتها تصير لو وين تروح

علي: صح الله كريم

سارة: والنعم منه

"سكتنه وصار هدوء"

علي: احس اريد ابجي بس بنفس لحضه ما اريد ابجي

سارة: اذا هل شي يريحك ابجي

علي: ابجي وتلميني بحضنچ؟

سارة: كلي لك ابجي وياك اذا تريد

علي: لا دموعج غالية

سارة: فدوه لك

"" كام يبجي بس بهدوء لميته لحضني ودفن راسه بصدري نزل من الكرسي وحطيت راسه بحضني ضل يبجي ويبجي بس بهدوء ""

سارة: علمودها؟

علي: لا بيش الكيلو هيه بس عليه ضغوطات ومشاكل الأهل جنهن سيف چتال هيج يطعنن بيه طعن بچه

"" ووللأحظاات حسيت رجعلي الماضي خطفني نزلت دموعي ع خده ""

علي: مو دموع ذن بول شني السالفه انطي فتكك خل اكابلج منو الاقوة

"بس بلحضتها نبجي ونضحك سوه كام غسل وجه وغسلت وجهي ويا وطلع جاب لنا اكل من بره واجه كعدنه ناكل سوه

مرن يومينن وانا وعلي كئيبين كلش وحتى اكل ما ناكل يتصل ع نور وماترد عليه ومن اتصل عليها انا ترفضه عجزت اعرف شنو السسببب لي يخليها تاخذ هيج خطوة بحق اخوي كمت سويت حميسة لحم وببسسيي وطرشي وقدمتها كدامه ""

سارة: اكل لا تصير خاوي وانا اكعد افكرلك بحل

علي: حليش بويه؟

سارة: معليك

علي: اكلي وياي

سارة: اي اكل

"" كعدنه ناكل بس ساكتين عكس كل مره نسولف ونضحك""

سارة: علاوي حبيبي؟

علي: ها

ساره : أخذ نور لمكان بعيد واحصرها هناك وافهم شبيها مايصير تبقون هيج

علي : وين اخذها ؟

سارة: لمكان بي بس انت وهيه

علي: لكربلاء ؟

سارة: اي بس كون مو بين الحرمين خاف تغدرك كلشي ويصير هناك هواي يحرسون المكان شرطة وضباط

علي: اوديها للبستان مال صاحبي بس بعيد ع الحرمين

سارة: اي حتى لو فندي او اي مكان مابي ناس هواي

علي: شنو قصدج اخطفها ؟

سارة: لا كدام اهلها احرجها وكلهم نروح نزور وانت اخذها واحصرها بعدها

" سكتتت وكعد يفكر "

علي: ترحين وياي انتِ؟

سارة: لا شلون اروح وياك مايصير اريدك تحجي وياها وتفتهم منها الزبده

علي: وانتِ تبقين وحدج ؟؟

ساره : يمعود هوَه سبوع عادي اتحمل لو اروح لهلي لو لعيالي معليك بيه انا تمام التمام بس سويلك حل وخلص من هل هم

علي: خوش خل اخذلي اجازة أسبوع واتوكل

سارة: وهيه ؟؟؟؟؟

علي: انا اعرف شلون اجبرها

سارة: عفيه بس مو تمد ايدك عليها لو تسوي شي بيها

علي: لا شبيج صدك جذب

"كملنه اكل وشفته يحجي وياها "

علي: ردي بنت الخايس

نور: انت الخايس والله

علي: راح اتجاوزج بأخلاقي

نور: منيلك اخلاق ساقط

علي: يمتى لحكتي تفشرين مثل ساره طركاعه تلفجن كون

نور: لي يعاشر قوم 40 يوم يصير منهم

علي: اصدقتيي يازوجتي السابقه

نور: نجب علي

علي: فدوه لعلي

نور: شتريد؟مني گتلك ما اريدك وافق حتى احجي ويا اهلي وننهي خل خيسه بأسرع وقت

علي: بشرط

نور: وهوه؟

علي: ترحين وياي لكربلاء نزور أسبوع تبقين يمي اذا ماترديني بس نرجع نفسخ وانت بكيفج

نور: لو تموت ما اروح وياك اني اروح وياك صدك جذب اروح ويا واحد نسونجي وابو نسوان ما اريد روحي

علي: وحق ستر زينب ما اسويلج شي نزور ونرجع أسبوع واحد غير هل حجي ماعندي ترحين ومن نرجع نفسخ لو تضلين بذمتي واسوي بيج العمايل اطبق سوالف اخوج وانت قيسيها لان احنا نفس الخيسه ماكو واحد احسن من الثاني خاف اخوج بعده ما صار أب انتِ بسرعة تصيرين ام بيومين بس وهل شي راجعلج يازوجتي الحساسه

نور: طلكني فدوه

علي: لا تبجين نوره الحساسه هذه لي عندي تقبلين ع راسي ما تقبلين يطبج سرطان مو مرض حتى بعد تشوفين وجهي الخايس مو الثاني

نور: سم كون ببطنك

علي: اوي سندس قاسيه

نور: كرهتك شكد والله

علي: انتِ ونعاال الحمام

نور: تكرهني طلكني ما مجبور

علي: اي اطلكج بس بالاول اسبوع لكربلاء

نور: جاي تحسسني رخيصه

علي: لكربلاء مو للملاهي

ولو تموتين عليهن انتِ تعبدين ذاك المكان ع اخوج عرچكم دساس

نور: شنو قصدك؟؟؟؟؟

علي: سوالف كبار مايصير الجهال تحط خشمها

نور: اسبوع بس!!!!!!!

علي: اي يحلوه من البدايه وهيج حضري نفسج باجر نطلع

نور: مو جنك مستعجل خل يرجع اخوي ونروح

علي: ماراح احصرج رايحين نزور ونغير جو لا تخافين ما اسوي شي للحساسين

نور: خوش

علي: يلا ولي وكولي لـ امج البومه هم

وابوج مو اجي والكاج ماحاجيه اشك حلكج الفاهي بنت البومه

نور: احترم نفسك

وخلي نهايتنه حلوه

علي: ازرب ع نهاياتج يا فاشله

نور: اوعع معيدي

علي: شعدها المثقفه غير ريوكج تشريب دسكتي ام راس المربع اول مره اشوف بنيه راسها مربع

نور: اول مره اشوف زلمه عنده خصر

علي: شفهمج بهل سوالف الفاهيه بت الفاهي ع الاقل عندي خصر مو مثلج كرشج اكبر من كرش امي

نور: علاوي

علي: روح علاوي

نور: نجب راح ابجي والله

علي: اروح فدوه لدموعج انا

نور: لوكي

علي: بدون مضرطة واحجي ويا اهلج وكملي نفسج

""كملو وسد تلفونه ""

ساره :ها ؟؟؟؟؟

علي: كلشي ماشي ع الخطه

سارة: يا خطة ؟؟؟

علي: خطة الچلب '

"" ضحكنه سوه ""

سارة: كفو عنفها

علي: شنو ؟

سارة: ها

علي: والله متأثره هواي

سارة: اي متأثره بيك

"" ضحك وطكني ع راسي""

علي: تخافين ؟!!!!!!

ساره :منين ؟

علي: هم صح

"جان يقصد عن البقاء وحدي بالبيت المهم صار الفجر وطلع سلمت عليَ ورجعت اتصفح بالجهاز مالتي وما يجيني نوم ابد كلت يجوز ما نعسانه سويت اكل قريت كتاب فن للأمبالاه مليت سويت عصير برتقال سبحت ردت انام ماكو اتصلت عَ احمد ماكو كلت شي اكيد نايم لو لازم واجب بعدها كعدت عَ مسلسل (اسمه الحب) ختمت 11 حلقة بيوم واحد جانت قصته قريبة الي ماعرف بس هيج حسيت

...................................

علي .......

""طلعت من البيت وبالي يمها بس اني متأكد هيه ماتخاف وصلت لبيت عمي كريم ودكيت الباب عليهم سلمت عليهم جان عمي ومرة عمي كاعدين بس جانو فرحانين انُ اني راح اخذها لزياره عكسها هيه ضايجه فـ أمها نطقت وكلتلها ماما حبيبتي ابتسمي ""

علي: احتمال ماتكدر تفارك اهلها

ام نور: عمتي اول وتالي تجي يمكم نتعود وهيه تتعود ع هل شي

علي: صح كلامج

"" كعدت شوي شربت چاي وكتلها يلا نور نتوكل اخذت جنطتها وطلعنه ع طول الطريق هيه ساكته واني سكتتت عنها كتلها ' بكلبي اله اندمج ع هذه سكوتج تلعبين وياي سهله ركبنه بسيارة صديقي

مهدي: اخذها وتوكل بيها خويه

علي: خويه ماكدر هاي امانه والامانه شوي صعبه

مهدي: فدوه لك

علي:حبيبي تسلم اصعد وصلني وبكروتك

مهدي: لا ماكدر خويه

علي: مهدي اني بشاربك وصلني وبفلوسك

مهدي: اوصلك بس بشرط

علي: تأمرني حبيبي؟

مهدي: بدون فلوس

علي: راح تمشي اقل شي 8 ساعات وبلاش؟

مهدي: اي علاوي حبيبي احنا ما بيناتنه هيج احنا اخوان

علي: والنعم منك مشكور ماتقصر

" ركبنه وطلعنه الطريق كله هيه ساكته ولا حجت شي ابد ولا حتى طلبت حمام او اكل جنه نسولف اني ومهدي سوالف عاديه بعدها ""

علي: اطبك هنا خل اشتري شي

" نزلت اشتريت لها اكل وحلويات وجبت لها نسكافي اعرفها تحبه كوه اخذت وصلنا يم مطعم ""

علي: تنزلين تاكلين شي حمام؟

نور: لا ما محتاجه حمام واكل شبعانه جاي اكل حلويات

علي: براحتج

""كملنا طريقنه ولان السيارة حديثه ويمشي 7 ساعات ووصلنا لكربلاء بس ما رحنه للحرمين ف سلمت ع مهدي وراح

مهدي: انه راح ابقه هنا من تكمل اتصل عليه

علي: خوش حبيبي توكل

"" راح لزمت ايدها وسئلتني""

نور: وين رايحين

علي: للموت وين يعني غير نزور

نور: شنو نقلو الحرمين يم الزرع

علي: والله خوش صايره تحششييين امشي ولا تلحين تمشين وانتِ ساكته

نور: لا والله

علي: وعبدلله

""مشينه هواي صارت حمره من الشمس وصلنا للبيت حطيت الجنط ودخلت سبحت وطلعت لكيتها تفرك بأديها

علي: شسالفه تحسسيني مجرم وخاطفج

نور:ومنو يكول ماسويتها

علي: خاطف ناس من قبل ومادري بالله ابهريني

نور: مو خطفتني

علي: الله من وزع عقول انتِ وين جنتي اغبى منج بعمري كله ماشايف شلون ورطت كلبي مادري خره بعشيرتج ع هيج غباء وفهاوه

بس لصراحه تعجبيني

""سكتتت وماحجت اي شي""

نور: شتريد ليش اجينه للبيت

علي: اجينه نسوي طفل ونرجع

نور: عليك الزهره

ونشقت""

علي: وداعتج حبي

نور: اروحلك فدوه لا تسويها والله احمد يذبحني

علي: شنو مطلع صاحبتي غير مرتي وشعلي احمد 'ها؟

نور: والزهره مايقبل علاوي فدوه لا تسوي هيج

علي: لا تخافين انه مو كواد مثل اخوج

نور: احترم نفسك شنو اخوي مكود

وسكتتتت

علي: اي كملي ليش سسكتتيييي

نور: والله هاي ساره علمتني جنت ماعرف هيج حتى عبالي عادي ماعرف بس هيه كالت

علي: شكالت

نور:كالت مره احمد كلها كواده وكلتله شنو مكوده عليك ومادري

علي: هههههههههههه

نور: والله شبيك ليش تضحك هيج

علي: وعلي ابن ابي

طالب خوش مره

نور: اي صح

علي: عيب حبيبتي

مايصير هيج تفشرين انتِ بنيه وماتليق بيج هيج سوالف وفشاير البنيه حلوه بأخلاقها العاليه مو تفشر

نور: جا ماتعلم اختك هل كلام

علي: كل ما اعلمها تعفطلي

نور: تستاهل

علي: ترحيلها فدوه

نور: عادي واذا

علي: اروح فدوه لجن انه

نور: ها

علي: ها

"" بعد سكوتت دام لدقايق ""

نور: وخر خل اسبح احس حمضت

علي: سبحي حبيبي سبحي وفرحيها لليفه

نور: تروحلي فدوه

علي: اخخ

نور:وسم

علي:يسمني

نور .............................

"دخلت سبحت وطلعت جنت نوعاً ما خايفه يسويلي شي بس علاوي ماعنده هل سوالف بس بعد ماشفت محادثاته كلشي اتوقع منه والله مشطت شعري وحطيت عطر حسيت روحي نعسانه جان البيت طابقين صعدت فوك ودخلت بغرفه نمت ع جربايه ام نفرين وتغطيت ببطانيه طلعتها من الجيس لان انا تلعب نفسي من مكان وصخ بس البيت لصراحه يخبل ونضيف بس تصميمه مو اوكي نمت واحس كعدت ع حركه وراي زربت العافيه لان علي من النوع يطلع ماعنده مشكله سكتت ماتحركت ابد سويت روحي نايمه شوي واحس واحد يبوس بركبتي هنا مو زربت لا والقران كمت ارجف جسمي ضل يركص كلت اكيد هذه واحد دخل عليه سكران ولكاها فرصه يغتصبني ويطلع وافكار خايسه تجيبني وتوديني

لحد ماسمعت صوت علي ""

علي: شبيج تركصين

نور: اي مو مسودنه اركص يا ماتستحي خوفتني عبالي واحد سكران

علي: بس المسودن يبوسج

نور: اي والله صدك انت مسودن

علي: الف رحمه ع والديج

نور: وخر لعبت روحي ابو النسوان اكو واحد يسوي سوايتك والضوه ليش طافي انه اخاف من الضلمه والغرفه ليش ثلج

علي: انطي مجال شبيج جنج واحد يكتم ويكتم وانوب ينفجر هسه عليمن اجاوب انه

نور: عليهن كلهن يلا

علي: انه طفيت الضوه احب الضلمه وانه شغلت السبلت كلت اشبعج حنان ودفو حضني

نور: ايع ربي باع شلون ماتستحي وين اكو واحد هيج يحجي

علي: اي كلبي انه معيدي

نور: الاعتراف بالذنب فضيله

علي: اخ يل ذنب شكد ريحته حلوه

نور:شنو

علي: سلامتج ياورده

نور: وخر علي صدك تحجي عيب عليك

علي: شمسوي تره بوسه هيه

نور: تره راح نتطلك احنا

علي: شكد تتخيلين رحمه لربج طلاك ماكو لو تموتين

نور: مو بكيفك

علي: والله وطلع لسانك ياحلو

نور: هذه مو لساني

علي: اي لسان اختي مركب بحلكج

نور: اهو وخر علي وخر

""جاي اكوم ورجع نومني بحضنه كام من يمي ونام فوكي رفع ادي ولزمهن بأيد وحده جان لابس بس بجامه وشعره نوعاً ما كيرلي اسود جان وجه صح مو ذاك الجمال بس بي شي يخلي الواحد يصفن بوجه ابيض وعيونه سود صغار فكه بارز وعضلات بطنه كذلك انغرم بهيج شي مو هيج شي وانما احبه""

نور: وخر شجاي تسوي

علي: نلعب لودو حبيبي

نور: شنو لودو انه مو تلفون وخر

علي: لودو حبيبة قلبي لودو اويلي وافوز بحبج احاه ماتحمل

""كمل كلامه وباسني بشفايفي چانت هاي ثاني مره يبوسني وانا ابقه جامده لا احساس ولا بطيخ ماعرف بس خايفه

كمت ابجي وهوَه مستمر يبوسني اختنكت وانا دموعي يصبن يصبن حسيته كاتلني مو بوسه""

علي: شبيج غدي هيه بوسه شنو كاتل ابوج

نور: ماتستحي وحق الزهره اله اشهرك واخزيك يم احمد

علي: لا تصرخين لا ادفنج هنا والامير علي اخليج تصرخين ومحد يلكه حسج شنو تخوفيني ب احمد حتى احمد مايلكه اثرج والله

نور: شسويتلك انه علي شسويتلك فعلاً طلعت تضحك عليه انتَ

علي: اموت ولا واحد يتجاهلني اموت تعرفين شنو يعني اموت

""يحجي ويصرخ بصوت عالي""

نور:لا تصرخ عليه علي فدوه لا تصرخ لا يجي احد

علي: محد يجي البيت بس انه وياج بي ولا طير بي ومحد يسمع صوتج بس انه وطلعه ماكو لحد ما تحجين كلشي ونخصمها هنا غير هل كلام ماعندي

نور: اوك بس وخر خل نتفاهم خنكتني

علي: ما اوخر كاعد هنا ع كلبج تحجين لو اصلخ جلدج هسه

نور: كم لك شنو تخوفني

كلها تدري بيه وياك

علي: سدي حلكج ونجبي يلا

نور: النسونجي روح خلي تفيدك النسوان جايني عود شخصيتك قويه وتخوفني تره ما اخاف

منك

علي: وهاي الدموع الترست الفراش

نور: هاي دموع السعاده

علي: اي حقج والله وين لاكيتها واحد حلو مثلي نايم فوكاج

نور: حضي الزفر

علي: صح شكد زفره خرب عشيرتج

نور: علي

علي: عيوني

نور: لچم وحده حاجي هل كلام

علي: بس لج حبيبي انتِ

نور: ههههههههههههه

علي: اروح فدوه لضحكه

نور: شتريد هسه انت مني

"" حجيت ويا بجديه وردت اشوفه وين يوصل وشنو يريد بالضبط ""

علي: ما اريد شي اريد اعرف سسببب بعدج وعدم اهتمامج بيه

نور: انت السسبببببببببببب

علي: شسويتتتتتتتتتتت نور شسويتتتتتتتتت

نور: لا تصرخ لا تصرخ

""بجيت وعيوني غوشن مسح عيوني بجف ايده وضل يمشي اصابيع ايده ع وجهي""

نور: ليش هيج سويت انه بشنو قصرت وياك والله جنت اشوفك شخص ثكيل وواعي ومتفهم وماعندك سوالف خايسه ابد والله جانو من يحجون اسويك مقدس بحيث لي يسئلني عليك يكلي شلونه علي المقدس لهل درجة تالي تخوني خليتني انفر منك انتم طلعت الخيانه عدكم وراثه

"" كل هذه واني احجي بأنفعال وهوه مركز بكلامي""

نور: ليش علي ليش تخوني والله نقرفت منك شكد جنت احبك اذا اشوفك تتصل عليه اعوف الكل وابقه بس وياك اني جنت ما اعوف ابوي لو كاعد هسه من اشوف اتصال منك حتى ابوي ما اكعد يمه لهل درجه تالي هيج تجازيني؟؟؟

علي: شنو هل حجي

نور: بعدك لحد الان ماتعترف بخيانتك الي

علي: يمته خنتج كلبي

انتِ

نور: ههههههههههه

""كمت اضحك من كل كلبي""

نور: علي شفت كلشي يخصك والبنات وكلشي لا تنكر هل شي

علي: كلهن خواتي حبي بس انتِ مرتي

نور:هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

علي:وسم

نور:يسمك

علي:امين

نور: تدري اني مرتبطة وياك من ثنين حسابات

لولا؟

علي: وياج ولا ويا غيرج

نور:عليييييييييييييي

علي:عيون علي

نور: عاد هنه شلون عيون

علي: يشوفنج بس انتِ

نور: وعبير وأروى؟؟؟

علي: هذن انتِ

نور: لا حبيباتك هذن

علي: ماتنعاد واذا تردين انطيج حساباتي بس لا تعاندين وتخربين هل رابط

نور: يارابط

علي: رابط ساجده عبيد

نور: تحشش حضرتك

علي: لا انه اشرب بس عرك ما اخذ حشيش

نور: عليييييييي

علي: كلبي ونبضي وطىري

نور: يا

علي: وسم سامحيني ست نور الحساسه والدلوعه والكيوت

نور: لو تموت

علي: موته ام العود

نور: استغفرلله

علي: اسف حبيبتي

نور: خوش بس ابتعد عني

علي: ما ما

نور: وسم جنك مره ايع طلكني

علي: هييي مو تشوفيني اضحك بوجهج وتتمادين تره اكسر ضهرج

نور: اشاقه شبيك

علي: حتى انه اشاقه ليش وجهج احمر ولج بس لا صخنتي من جمالي

نور: ياجمالك غير راح تطلع مصاريني من حلكي

علي: اي هل اكول

نور: بلكت تحس وتكوم

علي: لو تحبيني جان تحملتيني

نور: وخر لا اكفر بيك زربتني بالحب لو ادري هيج فلا اتحرك بس فعلاً الفاس وكع بالراس

علي: اه

نور: غدي

""ووخر من فوكاي وهوه يضحك بقه يومين يقنع بيه انُ اسامحه ومايعيدهن ابد وحلف بكلام الله بس ماصدكته بس بنفس الوقت اني احبه بس سوالفه ويا النسوان غثتني انطاني حساباته كلهن

علي: شوفي بس انشر ستوري كلهن يدخلن لي ع الخاص شسويلهن ع كد السؤال والله

نور: يا سؤال غير اني مرتبطة وياك

علي: ادري بيج انتِ

نور: هلا هلا يمته تدري

علي: انتِ غبيه مسويه الحساب ع رقمج وطالع يمي بجهة الاتصال

نور: عليك ابو فاضل

علي: وابو فاضل وارتبطت بيج بس ذن النسوان شوفيهن انتِ ماكو شي مضموم عليج ابد وتكدرين تفتحين حساباتي يمج وفدوه لج هم

"" ارتاحيت نوعاً ما بعدها كام يجيب اكل للبيت وهوه يطبخ ولا خلاني اسوي شي بس اكل وانام بقينه 4 ايام بالبيت ومهتم بأصغر تفاصيلي وكلساع ويعتذر مني واني استغليت الوضع وكلساع اطلب شي ولا يرفضلي ابد ""

نور: علي

علي: ها كلبي

نور: خطيه اختك ضلت وحدها خل نزور ونرجع

علي: جاي اراسلها مابيها شي وهيه كالت ضل اسبوع وارجع غيرو جو

نور: يعني هاي سوالفها

علي: اي حبي انه رجال فقير منيلي هل سوالف مال الخطف

نور: اي صح انت فقير هاي سويره ملعبه

علي: ترحين فدوه لها وفدوه لمخها

نور: افتهمنه بس اسكت

علي: تعاي حبيبي

اروحلج فدوه تعاي نامي بحضني

نور: شنو لزكت خل نروح نزور شبيك صار لنا 4 ايام عبالك شهر عسل

علي: ضلت بس شغله بنفسي ويكمل شهر العسل

نور: شنو هيه

""سويت روحي مادري ولا اعرف وغلست عليها كلش""

علي: هيج حبي هيج

نور: اي هل اكول ناكل ونشرب ونسبح مابينه شي

علي: صح صح فدوه لعقلج

نور: يمته نزور

علي: باجر نزور ونبقه نفتر بكربلاء يوم كامل ونروح لنجف نزوره يوم كامل هم ونشتري ونرجع للبيت

"وفعلاً رحنه زرنه الامام الحسين( عليه السلام) وشكد دعيت لي ولأهلي ولساره والله يهديهم دوم وقلب ع قلب يخليهم بعدها طلعت وزرت لأمام ابو الفضل (عليه السلام) طلعت لكيت علي منتظرني رحنه اكلنا وافترينه واشترالي شكد شغلات وجبنه بديات نفس الشكل تطقيم وسوارات كذلك جان يوم كلش متعب بس ونسه وتغيرت نفسيتي""

علي: دعيت تبقين يمي وماتعوفيني

نور: واني دعيت يحفظك ابو فاضل لي ويهديك ويخليك سالم لي

علي: لو ما عيب من الناس وانت تستحين جا جريتج بحلك الكل يشهد علي

نور: عيب بين الحرمين

علي: اعوضج بعرسنه

نور: ان شاءالله حبيبي

"طلعنه للنجف زرنه الموته وقرينه الفاتحه عجبني احط ع كل قبر ورده ماعرف هيج عجبنيي"

علي: الكبر من شافج صار كيوت

نور: حضرتك تضحك عليه

علي: لا ابد بس نورت الكبور بشوفتج

نور: لو ساكت اشرفلك فشلتنه

علي: بصفتج شنو جايه تقرين الفاتحه لهم وانتِ ماشايفتهم

نور: ميخالف يبقون من عشيرتنه

""ضحكنه ثنينه وطلعنه من المكبره"'

علي:كون من نموت انتِ فوكاي يدفنونج

نور: الكبر واحد شلون رهمتها انت شنو يسوون طوابق لحضرت جنابك

علي: لعيونج بس تموتين اسوي لون كبرج وردي

نور: خوفتني والله احس راح اموت

علي: من عمري ع عمرج يبعد هلي

نور: جا ليش تحجي هيج

علي: كلنا ع هل طريق

لازم تتقبلين هل شي برحابت صدرج

نور: الله كريم

علي: يلا خلينا نفتر وناكل بعدها اشوفلج فندق ترتاحين ونتعشى ونطلع للبصرة

نور: ماشي حبيبي

""افترينه شوي وتعبنه كوة لكه فندق عَ اساس ابو نجوم بس النجمه الوحيده انه ههههههههه

دخلنه وسبحنه ونمت كعدت ب8 بليل وهوَه كذلك لكيته حاط راسه بصدري ونايم كمت عَ كيف غسلت وغيرت ملابسي وضميت غراضنه وفز علي""

علي: بيج شي

نور: لا كلبي ارجع نام بس عزلت غراضنه

علي: جوعانه ننزل ناكل

نور: بكيفك

""بدل وضميت ملابسه بالجنطة عدلت وجهي ونزلنه ناكل كملنا اكل وجابلي اكل لطريق وحلويات اتصل ع صديقه مهدي واجه لنا ""

مهدي: حمضت وانه هنا جني يتيم

علي: يلا هسه نرجع سوه

نور: صعدنه وكملت نومتي بالسيارة وعلي هم بس صارت مناوبات كلساع واحد يسوق

والحمدلله ع ما وصلنا للبيت وصلني لبيت علي ودخل وياي "

...................................

علي "

دخلت وسلمت عَ اهلها جانو فرحانين وهيه كذلك تلكتها امها هلا هلا بنوري شهل حله كله بوست امها خليت واترخصت وماقبلو كتلهم بالي يم ابو السوس اريد اشوفها اخذت غراضي ورحت لبيتها دكيت الباب وطلعتلي عكس الحلوه لي عفتها ورحت""

علي: شبيج ولج

ساره :ولك علي ماجاي انام تعبت والله تعبت

علي: تعالي حبيبتي شبيج

سوده عليه لو ادري ما رايح وين ادري هيج يصير

ساره: الزياره مقبوله حبيبي لا تهتم متعوده

علي: يامتعوده شوفي وجهج لو يرجع احمد ويشوفج هيج ينجلط جنج مومياء

ساره: دروح ع اساس من جماله هوه

ولك صارلي 5 ايام ضبط ما نايمه هههههههههههه

علي: وتضحكين ولجججج شنو 5 ايام

ساره: اي باليوم انامن ساعه لو ساعتين نص المسلسلات والافلام خلصتهن ع ايدي

علي: وشصار بعد سولفيلي

ساره

.................

"من طلعتو ورحتو وانا اكل ومتونسه بس وره يومين بديت اتعب نفسياً ما انام وطكت روحي سبحت وعدلت وجهي وحطيت حمره ورحت لسوك والقرآن امشي بدون وعي وصلت للصيدليه كتله اريد حبوب منوم مال كبار انطاني جلي جبت ب3 ألف اول يوم شربت 3 وطيط كلشي ماكو بعدها وره 6 ساعات شربت هم 3 وهم من الزفت للأزفت كمت اتخيل تخيلات مو حلوه وما اسبح احط حمره تلعب نفسي منها واستفرغت شكدددد لان حطيت حمره بعدها 4 ايام وانا ع هل وضع اغفى ساعه وباقي الساعات مثل الشخص المتعاطي جسمي نار اسبح بماي ثلج وما احس بي ابد لبست عبايتي وعدلت وجهي ورسمت عيوني ولبست نقاب حتى محد يعرفني مالي خلك علاقات وسلام ورجعت لسوك رحت لصيدليه "

سارة: خويه جاي اعاني من الارهاق وماجاي انام

" انطاني جلي كتله بكلبي هسه ادحسهن بطيبه كلبك "

ساره: بويه ذن مايفيدني عبالك حلويات اريد شي يسطرني سطر

ابو الصيدليه: اعتذر خويه اله وصفة دكتور

"" كتله بكلبي سرطان يلفك انت والدكتور بعدها بيدي 50 الف رحت للمجمع حجزت وكعدت ساعتين منتظره اسمي دخلت ع الدكتوره نزعت النقاب وكتلها دكتوره الله محمد يقبل شوفي وجهي وهالاتي ماجاي انام صارلي 4 ايام مدري 5 وماعرف كلشي ماعرف اريد انام تعبانه باوعتلي و كالت"""

الدكتورة: مابيج شي ماما وشحلاتج

"" كتلها بكلبي نجبي رحمه ل الله كتبتلي حبوب ويا دخلتي وياها صارن 40 الف طلعت منها وكلت هسه شجايبه انا ب40 صدك جذب واذا مانمت اجي اشهرها واخزيها بالعياده يا ضالمه كون سرطان 40 الف ولج بالله واحد حالته تعبانه وين ينطي وجهه شفت عندي 10 ألف رحت جبت كهوة وافتريت بالسوك وجبت لفات وعصير وموطه وطرشي ورجعت للبيت شفت واحد بطريقي صوفرلي كتله سرطان كون بحسك سسككت مدري نصدم وصلت للبيت شربت الحبوب واحس بديت اهلوس شفتها الساعه ب8 بليل غمضت عيوني وفزيت ب10 بليل كلت صلاوات ساعتين ب40 حتى التبياته ارخص كمت توضيت وصليت بس شنو صلاتي ولا مركزه بيها صليت 4 مرات وغلط بغلط مليت وعفتها لعبت روحي من روحي مليت طكت روحي سبحت وكمت ابجي ابجي بجيت وصرختتتتت اتصل احمد سديته بوجهه لان دريت شافني وطالعه من الحمام بس بالبرنص وشي اكيد يريد يحاسبني لان طلعت من البيت """

ساره: اهو هسه لي خلكك انا كاتلني الضيم

طلعت المعسل والفحم عمرتلي نركيله وكعدت ادخن دخنت ودخنت بس دختتت مامتعوده عليها بس اعرف شلون اعمرها بعدها شغلت قرآن صدكوني مو بوعييي والللههه سمعت سورة الكرسي اجتني لحضه ادراك

قبل من اسمعها احس بدوخه وانام هسه لا ابد ما اتأخر ولا احس بشي عليت الصوت وبديت اخاف احس واحد يراقبني

ساره: شسالفه هذه جني واذا شنو يخوفج لا مايخوفج انتِ اقوه منه

كمت اصبر نفسي وانا عوزي طكه وحده واطلع مصلخه اركض بالشارع

اتصل احمد واتصل عمي واتصل ابوي واتصل علي اخوي

كلهم ما قلدت لهم اتصل عمي ورديت""

عمي: بويه شلونج وينج

صاير شي

ساره: هلا زينه جنت نايمه

عمي: صح النوم بويه احمد حرك تلفون علي

ساره: صح بدنك هسه اشوفه

عمي: اي عمي واي شي تردينه كولي

ساره: سلامتك حجي

""سديت الخط واتصلت ع فارس احلامي""

ساره: خييييررررررررررررر

احمد: وسم ومرض يابربوك يا فوصه

ولج اجلطيني بعد اجلطيني فورتي دمي ولج فورتيني ليش تبجين اخوج الخنيث وين ليش ابحدج بالبيت اهلج اهلي وين كطيعه كون تكطعهم وافك منهم ولج شبيججج تبجين منو وياج

ساره: ايع دوختني

احمد: ها طبكنننن

ساره: لا تصيح تعبانه اريدك

احمد: بس هل اسبوع وانا يمج يابعد روحي شصايرلج ولج بويه ليش مطفيه الكامرات بيج شي سولفيلي شصايرلج

ساره: مابيه شي انتظرك

احمد: وين طلعتي وين رحتي

ساره: للكبور وانوب طردوني كالو مانتشرف بيج ورجعت ع وجهك

احمد: سودنيني بعد يلا عاشت ايدج بيش طالبه روحج شنو كبور تردين تموتيني ولج صارلج ايام ماكو شبيج تسودنتي

ساره: اي تسودنت ما مجبور عليه طلكني

احمد: بأسم الله الرحمن الرحيم شبيججججججج

ساره: لا تصرخ لا ابلكك والله ماعايزه دوخه اريد استرخي

احمد: الخنيث وين ابو الغراميات وين

ساره: اختك بيها صرع واخذها يشدها بشباك ابو الفضل بلكت تصير زينه بس ولو مو صوجك انت تحب واحد يهين بأختك

احمد: لا حبيبتي خل ارجع واخذج هم اشدج بالشباك اكله مولاي جايك انا لا ترجعني مرتي مسودنه بلكت تعقلها الي

ساره: اكله سلام الله عليك يا ابو الفضل رجلي سودنييي فكني منه

احمد: استغفرلله

ساره: باي لا تدوخني

"سديته بوجه وكعدت بدون ملابس فقط بالبرنص وشعري كوشه بدون مكياج ولا اكل كلاص الماي ما اشربه

تعبت وتعبت نفسيتي ليش مادري شنو السسببب صلاتي هملتها قرأني سبحي اعمالي ختماتي كلشي حرفياً صح انا اغلط مرات افشر اتجاوز بس بأمور الدين ابد ابد ماعندي تقصير وهنا انا بديت اقصر بيهن واحس مسويه ذنب عظيممم ماكو نوم سهر افلام مسلسلات فقط ياربي هسه انا شمسويه ليش هيج يصير بيه ماجاي اعرف الصح من الغلط شسويت والله تعبت اريد ابجي بس مابيه حيل اريد اصرخ بس خاف عبالهم صاير شي اريد اركض تعبانه ياربي ماعندي غيرك كمت توضيت ولبست تراك احمد اسود مشطت شعري بدون مكياج وجهي شكد صار باهتتت حلكي متشككك وابيض خدودي صايرات حمر احس روحي نار لبست جادر الصلاة وهل مره ضغطت ع نفسي وصليت صلواتي كلهن الفايتات شكد غلطت بس عدتها لحد ماضبطت كل الفروض كملت بس احس روحي ضايعه تعبانه اريد طريق صح ماكو عجيب شهل ضياع هذه انا ببيتي بس ضايعه اريد امي""

ساره: شبيج ساره شتسوين بأمج صدك جذب محد يريدج

صراعات احس بهلوسات ماعرف تسودنت مريضه مادري شنو السسببب دعيت وكلت يارب دليني ع الطريق الصح ع الشي الصح ان جان شخص او صحيني من هل دوامه هاي حطيت راسي ع المصلايه ودك جهازي""

المتصل(بباي) : بعدها احسها اشارة ماعرف هيج حسيت "

ساره:ها

احمد: وجعا التوجعني

ساره: خوش

احمد: شبيج حبيبة شصاير احجيلي

ساره: تعبانه وماجاي انام تعبت جبت شكد حبوب معدتي توجعني والله شسوي بعد

احمد: اخوج وين

ساره: بالزياره

احمد: شكو شصاير

ساره: اتركهم وكلي شتريد منه

احمد: شلون يعوفج وحدج وانا مخليج امانه عنده

ساره: انا طردته معليك

احمد: يمته يجي يمته

ساره: يوم القيامه شتريد منه

احمد: الله ياخذني وافك منج ومن ضيمج

ساره : ها تعبت مني اي جنت ادري هسه راح الم هدومي واطلع من حياتكم فلا ابقى يمكم دقيقه اكرهك واكرهكم ولكك امي ولك امي ما اتصلت عليه وكالت يمه تعاي يمنههه ولك اهلك النكسين محد كال تردين شي ولك كلهم جلاب وانت جلب مثلهم

" جنت احجي وابجي منهاره كلش ابجي بدون احساس وشعور""

سارة: ولك محد كال هاي تريد شي وهسه انت تدعي عليه الله ياخذكم وارتاح منكم

احمد: امين امين

ساره: من حلكي لباب السماء والله فلا ابريكم الذمه تعبتني ومرضتني اكرهك ما احبك اكرهك

احمد: مو شي جديد

اما عن اهلي واهلج ف احسابهم يمي وكلشي بوقته حلو الي اريده منج ياحلوه تصبرين يومين بس وانت ترتاحين وره هل يومين انتِ بحضني

ساره: اكرهك والله

احمد: حتى انا اموت عليج يروحي

ساره: ابقه سولف وياي

احمد: والكره

ساره: اموت منك

احمد : اموت عليج انا

""سديته بوجهه احسه ضوجني وانا منا مادري شمالني شنو اكله اكرهك ويكلي اموت عليج بعدين والله خطيه شنو اكله اكرهك انا يمتى اكره كمت الوم نفسي والوب مثل المره العدها ولادة وجاي تطلك وافتر ماتمشي الساعة رحت شربت حبوب وكل هذه ع بطن فارغه احس نفسي بايده ولا اكدر اتحرك خاويه كلش جسمي نهلان وحلكي وبلعومي يابسات اتعاجز اروي نفسي بكلاص ماي كعدت بغرفتي ع الجربايه كامن عيوني يغوشن فرحت كلت راح انام بس ماكو اي نتيجه مليت وكمت سبحت بماي بارد وخليت شعري يصب ماي وملابس حيل خفيفه نمت جوه السبلت بردت وما حسيت بعد كعدت منشوله بس احس روحي احسن شوي كدرت انام 4 ساعات سويت اكل واكلت شربت عصير برتقال حسيت روحي كلش جوعانه كمت اسوي اكل واكل واذا ماعجبني اذبه بالزباله بعدها طلعت تمارين ع البلازمه كلت لازم اتعب نفسي حتى انام هسه ب3 الفجر كمت اسوي حركات مادري شنو اسمهن اصلاً صعبات ولفظهن مايجي بلساني تمرنت لمدة ساعتين بس احس جسمي متشنج رحت توضيت وصليت بعدها سبحت وكعدت اقره قرآن قريت يمكن 4 اجزاء دخلت ب5 وما حسيت اله وانا نايمه فزيت ب10 الصبح مرتاحه ووجهي احسن من قبل

وهكذا بقيت كاعده لحد ما وصل علي اخوي للبيت

سردت كل هل كلام لعلي""

علي: سوده عليه اناملي ساعه وانوب احجزلج عند دكتور عبد الصمد ونروح نشوف شبيج ما اخليج تبقين هيج

ساره: اي فدوه تعبت والله اريد انام مشتاقه للنوم

علي: ادري بيج تحملي ساعات بس

ساره: تحملت هواي ضلت ع الساعات

""كام علي سبح ولف راسه ونام بقيت كاعده اسولف للبنات لي صارلي"

لجين: روحي لدكتور مايصير هيج تبقين وليش ماحجيتي ما كلتي مو جاي نحجي ونسولف ليش ماتكولين هيج بيه شنو نبززز احنا ع شنو ساكته جا ابوي اجه واخذج امي الكل موجود اخواني

ساره: مو مهم اكول

لجين: لا مهم كافي تتصرفين هيج تصرفات ما واحد مسودن بطلي برودج نعل سلفه سلفاي لو صايرلج شي ها لو صاير بيج شي كلشي مابيج وساكته وساكته طكت روحي وانا اكلج كافي ساره كافي كولي شنو بيج اكلج انتِ بخير تكولين اي محتاجه شي تكولين لا سلامتج

شبيج هذه برودج راح يدمرنه كلنا

ساره: وشكو تصيحين عليه اتوقع انا الجبيرة مو انتِ واعرف شلون اتصرف وجعي وكلشي ومرضي انا احله واطيب منه مو ضروري تتعاطفون وياي وتحسون بالشفقه اتجاهي

شهد: سلامات شبيجن مايصير كولن يالله

لجين: طبج مرض عساج شنو يصير بيج خل يصير خلي السكوت والبرود يفيدج وضلي ساكته ساكته لحد ما تموتين

ساره: امين

لجين اكليخرا خوش وبطلي هل سوالف الجايفه مثلج يا جايفه

ساره: مالج علاقه بيه كتلج انا الجبيرة واعرف اتصرف شعليج ياخي شعليج بيه

لجين: غصباً عليج رضيتي او ما رضيتي اتدخل بيج ونص انتِ اختي يصير بيج شي انا ياهو يفيدني دكاتره ومستشفيات موجودات نحطج وناخذج كافي تتعايرين

بالله تسودنتي ويين ننطي وجوهتنه نصير علج بحلك اليسوه والمايسوه

وبعدين ياجبيرة تره انتِ نو عقل نو اسلوب ماخذه الناس بالسانج لو واحد غير احمد من زمان شمرج ع اهلج بس هذه مو متدوهن بيج مبقيج عنده

ساره: قصدج يشفق عليه ؟

لجين: اي يشفق عليج بس انت نو احساس نو كرامه نو ضمير كلهن طافيات عندج انا الصغيره واعرف شلون اتصرف انتِ عقلج وين مادري

نور: شبيج لجين احترمي نفسج شهل حجي لا اجي اكسر راسج

لجين: سدي حلكج الفاهيه بنت الفاهي

شهد: لجين اكليخره مصختيها تره مايصير تحجين هيج جاي تكلج اعرف اتصرف وكلنا ندري احمد يحبها شهل مضرطه هاي ومهمه يصير هيه اختج الجبيرة

لجين: ولجن من حركة كلبي عليها طافي احساسها اريد اوعيها ع زمانها اريدها تحس بالدنيا طشت رشتتت

ساره ولا تدري شصاير 24 ساعة بدون اكل وبدون نوم وين ساره الجانت تكعد ب7 الصبح ووجهها لي يخبل رغم التعب بس حلوة وسوالفها تخبل من تسولف وتحجي تسكت اكبر شارب هسه تعالن شوفنها رايحه روحها

ساره: شكراً ع كلامج وع اهتمامج الي احسه مزيف لكن لي حجيتي يبقه محفور براسي وماكدر انساه يمكن الضربه تنسي بس الكلام القاسي ابد ماينسي بس همه كالوها محد يحس بالوجع غير صاحبه ف انت ماجاي تحسين بيه ولا تفهميني صحيح انتِ اختي وكلنا جنه سوه ع الحلوة والمره جنت افهمجن واحس بيجن واطلع لجن هواي طرق حتى تنسعدن تالي انا طلعت مسودنه بنظرج الف شكر لك يارب لان داتكشف وجوههة العالم لي

شهد: لا تجمع برو

نور: شبيج ساره شحاجين احنا

لجين: براحتج بس لا تتوقعين راح امشي وره كلامج وراح ابقه وراج وراج لحد ماتصيرين زينه

...................................

وستظل معتقداً انك بخير

حتى تجد نفسكَ مستيقظاً

في الرابعه فجراً

تفكر في كل شيء والا شيء

في الوقت نفسه!

...................................

سديت الجهاز منها حسيت لعبت روحي من الكلام وياها ابد ماشفت شي فادني شوي واتصل ابوي (اهو بيه حيل هسه انا)

سارة: الو هلا بابا شلونك

ابوي: هلا حبيبتي شخبارج

ساره: الحمدلله اليوم ذكرتني؟

ابوي: اي والله حبيت اسمع صوتج

ساره: بعد روحي شلونكم

ابوي: زينين

"كملنا حديثنه بين السلام وختمتها ويا"

ساره: في امان الله حجي

"سديته وسمعت علي يسولف بالجهاز لفيت روحي ونمت ع القنفه ربع ساعة وطلع علي من الغرفه جان نايم بغرفتي"

علي:اتصل احمد

ساره:شيريد

علي: يكول انطيها حبوب

ساره:خاف يريدني اكبسل مثله

علي: نجبي شنو يتعاطى رجلج

ساره: يمكن

علي: لا مستحيل لا تبتلين ع الزلمه

"درت وجهي ماعاجبني

شوي واجه بيده حبايه صغيرة كال هاج كبسلي يروحي شربتها وره 5 دقايق ولا حسيت احس بس براحه فعلاً نمت نوم مو طبيعي يوم كامل وانا نايمه كعدت مرتاحه كلش

صبحت ع اخوي وبسته بخده

علي: شنو نزل عليج وحي

سارة: يمكن

" سويت ريوك واكلنا سوه نضفت البيت ونضفت جسمي كله جنت هامله نفسي سبحت وقشرت جسمي كله ودخلت بعد سبحت بماي بارد احس صرت نضيفه كلش تعطرت وبخرت البيت شغلت قرآن صليت صلاة الضهر ولي فايتني غيرت فرشة الجربايه جلفت البيت جلف طبخت غده ب4 تغديت ويا علي اخوي

علي: راح اروح للفاتحه ويا عمامي وبليل اجي عادي؟

سارة: اي عادي بس انطيني حبوب من مال امس وروح

علي: ماعندي هيه بس وحده

سارة: جيبلي

علي: خابري احمد

سارة: خوش

" ف لميت الماعين وشسورت شعري لبست بدي من بديات احمد جبير بحيث صار دلع وشورت قصير حطيت مكياج واتصلت كام ع احمد

...................................

........................

..........

يتبعععععععععع

1_ تصويت بناتنه🥹

2_ وتعليق بين الفقرات

وبس استمتعو ❤️‍🔥.

"بِسـم اِلله الرَحمـن الرَحيـم "

...................................

تطَاردني يَوميًا

الأحلام التي لمْ أحققُهَا ..

وَالأشخاص الذِين لمْ أستطِيع

تجَاوزهُم

وَالأماكِن التي لا يُمكنني

نِسياناهَا

وَالأفكار التي تغلي بدَاخِلي

وَلا تهدأ

حَتى نفسِي القدِيمة

تطَاردني

يَوميًا .

...................................

أهلاً عزيزاتي تجاهلو الأخطاء الأملائية

...................................

ساره: ها

احمد: شنو ها

ساره: شلونك حبي

احمد: يروح حبج من شفتج صرت بخير

ساره: اهو وعلي تخجلني

احمد: لا عليج الله لا تستحين لا احرك روحي

ساره: شلونك

احمد: لا تلزكين حبي عندج شي سولفي ادري بيج مصلحجيه

ساره: مو صوجك صوجي انا مشتاقتلك

احمد: اوف مشتاق الي؟

ساره: كلش

احمد: مو بكدي

ساره: اكلك حياتي

احمد: كولي جعل محد غيرج يكلي

ساره: حبوبك وين

احمد: يا حبوب هذه؟؟

سارة: شبيك هذه الي علاوي انطاني منه!!!

احمد: ماعندي وحده وشربتيها

سارة: احم

احمد: وعيونج الحلوات

"بقيت ساكته ما مصدكه بي وهوه مركز يباوعلي"

سارة: شبيك ؟

"ضل ساكت

شوي ونطق "

احمد: تعبانه؟

سارة: لا مابيه شي بالعكس من سولفت وياك راح التعب

احمد: واضح من عيونج التعبانات من السهر

سارة: شسوي مو بيدي الحمدلله والشكر

احمد: ميخالف حبيبتي كلشي يهون من ارجع اشوفلج دكتور زين

سارة: ان شاءالله توصل بالسلامه

احمد: عمت عيني عليج ماتنامين شي انا مو يمج

ساره: اي صحيح

احمد: ههههههههههه

"سولفنه سوالف عاديه بعدها نزلت من الاتصال مرات الساعات وانا مو نايمه ابد احس نعسانه بس ماكدر انام كلت هسه لو عندي حبوب چا نمت وعلي مو هنا تأفأفت واتصلت ع علي اخوي"

علي: ها بيج شي صاير وياج شي شبيج حبيبتي

ساره: ع كيفك ولك مابيه شي

علي: ولج خوفتيني والله

ساره: لا حبي مابيه شي

علي: الحمدلله كولي

تردين شي اجيبلج وياي حلويات

ساره: اريد حبايه بداعتي اريد انام

علي: والله ماعندي لو عندي شنو اضم عليج وبعدين مانعرف احنا شنو هل حبوب مو زين تأدمنين عليَ

ساره: معليك اريد ارتاح شبيك فدوه لخاطري

علي: شوفي احمد

ساره: يكول ماعندي

علي: جا انا منين اجيبلج

ساره: الوصفه الاسم ماتعرفهن؟

علي: لا والله لكيتهن بجيس ابيض صغير حتى اسم ماكو والجيس عليَ حيه وبس

ساره: شنو اروح اكله اريد حبوب ابيض ناعم بجيس مرسوم علي حيه

علي:هههههههههههه

وجيبيلج باكيت جكاير وسمعي كاظم الساهر

ساره: تضحك عليه انت ولك اريد حبوب

علي: ولج نجبي منين اجيبلج اجديلج يعني

ساره: الله وياك واذا تدخل لبيتي اكتلك وكول ساره ما كالت

علي: اويلي راح نعيش جو رعب

ساره: ثيمالله حبي

"سديته بوجه وهوه يضحك احسه يضحك عليه

كمت افتر صار اليل وانا بدون اكل بس افتر لو اسوي رياضه تعبت جسمي كلش فحطتتت اتصلت بأحمد مارد مره مرتين وماكو بلعته بلوك

وره ساعتين ندك باب الشارع شفته علي اخوي غلست عليَ ضل يدك يدك وانا كاعده بمكاني باوع للكامرات وسوه بأيده بسيطة"

ساره: دروح تخوفني

"بعدها شفته يخابر

وراح كعد ع الطابوك لي يم بيتنه وره مده واتصل علية احمد ع تلي"

ساره: خيييررررررررررر

احمد: وكرصصص

ساره: شتريد هستوك تتصل ع حسب مزاجك وانا لازم اتقبل هل شي

احمد: وانتِ الممنونه

ساره: لا والله

احمد: تره ماجاي اتونس ع شط العرب حبيبتي عندي شغل

ساره: جذاب هذه حيدر ديحجي ويا لجين

احمد: يمته هذه حيدر يمي المسكين نايم جفي

ساره: قبل شوي

احمد: الف مره كتلج من تجذبين جذبي عدل

ساره: ديلا خوش

احمد: دخلي علاوي للبيت صدك جذب صارله ساعه بره عيب حبيبتي انتِ الجبيره الواعيه مايصير مهمه يكون هوه خطار ومن واجبنه نحترم خطارنه دخلي جوه هوه ينطيج الحبوب

ساره: الف مره كتلك لا تجذب عليه جذابين تضحكون عليه اكره الجذب احمد اكرهه

احمد: جا حلال بس يمج وحرام يمنه

ساره: جذباتي بيض

احمد: اويلي وياهن كلاص چاي

ساره: شنو هنه

احمد: بيضاتج حبي

"سديته بوجهه

وبقيت كاعده اباوع ع علي شلون كاعد ويدخن بره ولا تحرك استمريت اباوع علي لحد ما غفيتتت يمكن نص ساعه وكعدت لكيته بالحديقه مال البيت حاطه الفرشه ويدخن ناركيله هوه وصاحبه

تعجبت فلك شنو هل ميانه هاي

ضحكتتتتتتت ورجعت طفيت وتغطيتتتت نمت وكعدت تقريباً ب2 وعلي نايم بره بالحديقه كسر خاطري شوي واتصل عليَ احمد"

احمد: يلا فتحي الباب له عيب شتكول علينا الناس منومين خطارنه بره

ساره: علي مو خطار البيت بيته

احمد: جا منومته بره صدكككك جذبببببببببب

ساره: تعال اخذلك راشدي بعد

احمد: لو يمي اكسر سنونج

ساره: رجعت حليمه لعادتها القديمه

احمد: مرات الواحد تفيده حليمه

ساره: والحبايه؟

احمد: بجيب اخوج

ساره: اوك باي

"سديته وفتحت باب الصاله تعجبت تره يكدر يدخل من الشباج لان جبير ليش مادخل

سككتتت وكلت يمكن ماحب يضغط عليه او ما حب اخذ هل حبوب لو عجبته الكعده بره

طلعت وندهته"

ساره: كوم نام جوه حبيبي سوده عليه