رواية حب وحنين🔞🔞 الفصل السادس 6 - بقلم Nada hs

#حب_وحنين

الجزء السادس

nada hs
حنين
فرشت ام ضياء اليه والها ع الارض واخذت الحجيه للتواليت  ورجعت خلتها بفراشها وهم مگدرت تسكت.. من خلت راسهه ع المخده لحد ماغفيت بعد مادريت اذا سكتت لو لا. سولفت عن اهلهه وزوجهه وجهالهه وعشيرتها كلهم وعن صديقاتهه بالدوام وعن الي شادين وياهه وعن حماتهه شون تكرهه وووو جيب ليل واخذ عتابه...
صحيت الصبح ساعه9.. ملگيت ام ضياء.. والحجيه مو بمكانهه طلعت لگيت الحجيه گاعده بالصاله تشوف تلفزيون.. رحت للمطبخ هم ملگيت ام ضياء.. بس محضره ريوك ورايحه.. مخليه بيضات مسلوگات ومخدره چاي وجايبه صمون.. رحت غسلت وجهي وسألت الحجيه اذا تريد تاكل لولا.. اشرت بيدهه لا.. وبعدين اشرت ع حلگهه يعني اكلت.. رحت سويت لفه بيض اليه وحميت الچاي وكعدت اباب المطبخ ع الارضيه اسمع صوت العصافير واكل..
كملت وغسلت الكوب ورجعته لمكانه ورحت گعدت يم الحجيه .. مددت ع التخم مگدرت ابقه گاعده والساعه عبالك متمشي..
شويه وانفتح باب غرفه الدكتور.. تفاجئت بي شوكت اجه ومنين دخل ،ماشفته؟!
اكرم وهو بعده منعس:صباح الخير..
عدلت نفسي وگعدت وخليت الشال ع راسي:صباح النور..
اكرم:شلون صرتي؟
-زينه الحمد لله..
اكرم:الحمد لله.. اكلتي؟
-اي..
اكرم:اوكي حتى انطيج الابره..
دخل لغرفته ورجع بيده الدوه واسرنجة..
اكرم:يله..
انطيته ايدي وغمضت عيني حتى مااشوف شي.. فتحت عيوني ع صوته من گال كملت.. اول مفتحت عيني اجت بعينه .. رأسا دنكت .. هو هم گام وگال تجهزي حتى ابدل الضماد..
رحت لغرفة امه وتمددت وغطيت رجليه وطلعت بطني ع گد الجرح.. nada hs
اكرم:احم! ادخل؟
حنين:اي..
تقدم عليه اني كبل غمضت عيني.. بده يفتح الضماد واحس بكل حركه يسويهه.. جره البلاستر ،من شال الشاش،بده يمسح الجرح بشاش رطب عرفت بي يود..
اكرم:كملت..خلي اليوم هيج.. مراح اخلي بلاستر حتى ينشف شوي..بس قبل لتنامين خلي ..
-شكرا دكتور..
اكرم:راح ارجع انام.. اذا اكو شي بس دگي الباب..
-ماشي..
طلع اني گبل لملمت نفسي وگمت رحت يم امه.. مادري شلون غفيت وگعدت ع صوت امه.. رادت مي انطيتها ورجعت گعدت يمهه شويه .. گمت جبت الها فاكهه وبديت اوكل بيها.. لان صار وقت غده وابنها بعده نايم ومگال اذا اسوي شي او راح يطلب..
بعدهه اشرتلي ع الغرفه يعني تريد تمدد.. اخذتهه بس مگدرت اجازف اسندهه وارجع اخلي الجرح ينفتح مره لخ.. بقيت حايره واروح وارجع .. استحي ادگ الباب علي واخاف اشيلها وحدي..
حچيت وياهه(خالتي.. مااكدر اشيلج.. لان بطني متعور.. خلي يگعد اكرم وهو يساعدج)
مرت ساعه لخ واكرم نايم بعده..اني هم كلش تعبت وخليت راسي ع المخده وغفيت.. گعدت ع صوت دگه الباب..
اكرم:هاا؟ شو هنا گاعدين؟
-الحجيه تعبت رادت تنام ومگدرت اخليهه بفراشهه..
اكرم:لااا؟! ليش مدگيتي الباب؟
مجاوبته ودنگت هو دفع امه وگال تعالو اتغدو ورجعو نامو.. وصل الغدا من المطعم وجهزه وجابه..بس شميت ريحه الاكل مااعرف شصار بيه.. مكدرت اكل لان طگت روحي من اكل المطعم ومطيب.. مادري شلون ياكلو..
اكلت كم لگمة ومعدتي گامت تگلب...قبل ناكل طماطه تگلاه ولا نجيب اكل من بره.. اووه شگد اشتاقيت بوقتهه لطاوة التبسي والطماطه الي تسويها امي..

اكرم
طلبنه الغدا واشوف حنين مااكلت غير لگمتين وگامت.. بس وصلت للحمام سمعت صوتها تتقيء.. خفت ليكون صار عدها الم او مضاعفات الجراحه.. انتظرتها من طلعت..
-شبيج؟عندج الم؟
حنين:لا
-لعد؟
حنين:الاكل مو طيب ولعبت نفسي..
-ها؟ متأكدة؟ يعني ماعندج اي الم؟
هزت راسهه بنعم..
-راح اغير المطعم لعد..
حنين:لا.. اني اسوي بلبيت.. اطيب وانظف..
-براحتج.. الي يعجبج سوي بس لتعبين نفسج وتضغطين ع بطنج..
حنين:اي..
غسلت لامي وساعدتها للتواليت ورجعتها لفراشها .. بعدها..
رحت لغرفتي واشتغلت البحث مالتي ومادريت ع الوقت شبسرعه مر.. باوعت لجو من شباك غرفتي شفتها ظلمت.. طلعت اشوف امي وحنين.. لگيت الصاله هدوء وماكو احد.. دگيت الباب ع كيف شفت حنين نايمه وامي هم ع فراشهه بعدهه بس تباوع بعيونهه
قربت من امي وشلتها خليتها ع الكرسي مالتها وطلعتها من الغرفه.. لان هي تحب المغربيه اطلعهه من غرفتهه وتسمع قرآن او ادعيه.. شغلت الها التلفزيون بالصاله وگعدت يمهه واني اتصفح بفوني.. خطر ابالي اسوي عشا بأيدي .. منها اني اقضي وقت ومنها حنين تاكل ومتلعب نفسها من اكل البرا..nada hs
فتحت الثلاجه طلعت طماطه قليتها ونصيت النار جواهه.. بعدين طلعت عدس وشوي تمن ويا وسويته شوربه طبعا خليت شكو نوع خضار عندي،بتيته،فلفل اخضر،كرفس،عصره طماطه.. يعني شوربه فوائد.. چنت دائما اسويها من چنت طالب ونوب مقيم دوري واليوم حنيت الها وسويتها.. خليتها بجدر الضغط وماطولت شويه وصارت طيبه.. كمل العشا وسويت زلاطه ع السريع وطلعت لبن اكتيفيا زين لحاله حنين وميخليها تتأذه من الاكل..
خليت الاكل بالصاله ورحت اگعد حنين.. دخلت للغرفه لگيتها ع نفس النومه..
-حنين! حنين؟ كافي نوم تعالي اكلي..
جاوبتني وهي تون وبعدهه نايمه:هاا..
قربت منها اكثر وگعدت ع ركبي.. شفتها عرگانه.. خليت ايدي ع گصتها صايره نار.. رحت طلعت من فانيلاتي الداخليه وكصيتها وخليتها بطاسه مي .. بديت اخلي الكماده ع راسهه وهي تگلي بردانه غطيني... ماغطيتها وعفتها ع الكمادات كل  شوي انزلها بالمي واعصرها وارجعها.. خليت كماده لخ ع اديها همين.. صفنت بملامح وجهه واول مره انتبه الها هي هيچ حلوه.. بنفس الوقت شفقت عليها وع الصار بيها.. لو بيدي اگدر ارجع حياتهه مثل اول چان ماقصرت.. بس اذا حاولت ويه اهلهه يجوز قبل مااحچي يقتلوها واني هم وياهه..
خليت الكمادات عليها ورحت وكلت امي.. خطيه هم جوعانه والتهيت عنها.. كملت عشاهه وغسلت الها واخذتها للغرفه يم حنين.. خليتها ع فراشهه ورجعت اشوف حنين.. غيرت الكمادات وشوي حسيت حرارتهه خفت.. نامت امي واني بعدني اسوي كمادات والضوه مشتغل.. مگدرت اعوف حنين ويجوز ترجعلها الحراره.. شلتها انفل شعرها شطوله للگاع وصل ..اخذتها لغرفتي وهي فاقده متدري..
خليتها ع فراشي وخليت كماده عليها .. صارت حالتها تخوف وچان كل ظني صار عدها التهاب قوي وهيج صخنت.. بس بدت حرارتها تنزل شوي شوي ..فتحت عيونها وباوعت داير مدايرهه وبعدين انتبهت الي..
-صح النوم..
عطست ولزمت بطنها بعدين رادت تحچي ولزمت بلعومهه..
-بلاعيمج؟
حنين:اي.. احسها مجرحه.. .. اني ليش هنا؟
-چانت حرارتج مرتفعه.. وبقيت اسويلج كمادات بس امي نامت وماحبيت اخلي الضوه مشتغل وازعجها وهي نايمه.. فجبتچ هنانه افضل..
انتبهت لشعرها بدون حجاب.. لزمت راسهه بأثنين اديها..وبقت عيونها تتحرك ادور ع حجابهه..
-هسه اجيبلج حجابج.. بقه بالغرفه..
جبت الها الحجاب ولفته ع نفسها.. طلبت منها تگوم تاكل ..
صبيت الها واليه.. لانو متعشيت والتهيت وياهه..
اخذت ماعوني وگعدت ع صفحه وخليتها هي بالمطبخ..
كملت قبلها واخذت ماعوني للمطبخ وهي بعدها تاكل ووجهه ينعقج من تبلع..
-كملي وحاولي تنامين..
حنين:اي..
رحت اني اخذت دوش وفرشت اسناني وحاولت انام بس مگدرت بقيت اشتغل ع اللاب لل1 بليل.. بعدهه گوه نمت لان الصبح كله نايم..

حنين
كملت اكلي گوه ورحت غسلت وفرشت اسناني وبس رجعت لفراشي حسيت الغرفه تفتر بيه.. من گد الدوخه غفيت.. بس بقيت الليل كله افز كل ماابلع ريگ..صار الصبح وگعدت من وقت مگدرت ابقه ع نفس وضعي لان وجع البلعوم مخلاني ارتاح ابد
صحت الحجيه همين من چنت اشيل فراشي .. وشويه ودگ الباب اكرم ودخل.. خلاهه ع كرسيها واخذها للحمام.. يعني هو حمام وهو تواليت.. واجو للمطبخ.. انطاهه دواهه وگال
اكرم:شوفي .. اكو حليب باكيت وعسل بالثلاجه.. دفي شويه وخلي العسل واشربي.. اني مستعجل لازم اطلع هسه.. امي متحب الحليب.. سويلها بيض مسلوگ..
حنين:ماشي..nada hs
بدل وطلع بسرعه واني بقيت اسوي ريوك النا..
مرت الساعات ببطىء وملل .. حتى طلعنه گعدنه بالحديقه اني والحجيه وهم الساعه عبالك متمشي.. ظليت اباوع للباب واتمنى اطلع اروح لأهلي اشوفهم.. من اذكرتهم دمعت عيوني.. الحجيه من شافتني ظلت تحچي ممفهوم.. سولفتها سالفتي من اولها.. شفتها عينها دمعت عليه.. واني شبعت بچي همين.. كأن ماصدكت احچي حتى اطلع الدموع المحبوسه.. من بدت الشمس ادير ع الحديقه دخلنا للصاله..اشرتلي ع الحمام اخذتها بس ما سندتها مثل ذيج المره.. يعني يادوب انطيتها ايدي وهي نقلت نفسها.. رجعنه للصاله واني مااكدر اتنفس بس من حلگي وبلاعيمي تأذيني من ابلع وفوك الهم كل شوي اعطس واخاف ع الخياط لينفتح..
لل2 اجه اكرم وجايب وياه غده.. سألني عن حالي وراح جهز الغدا وجابه يمنه..
اكرم:تره غير مطعم اليوم! يعني خاف تلعب نفسج لو ميعجبج..
-اصلا مدااشم لا ريحه ولااحس بطعم.. راح اكل شوي والله كريم..
اكرم:اي.. براحتج.. ها ع فكرة عقمي الجرح لتنسي..
-اي ..
كملت غده ودخلت للحمام ..طلعت  لگيته منتظرني والابره بيده.. بس طلعت الكانونه مو ضابطه ذباهه وخلالي وحده لخ..
اكرم:هسه تمام.. حاولي لتحركين ايدج زايد ..
-ان شاء الله..
اكرم:يله اني افوت انام.. اذا اكو شي لتتردين وتستحين.. ها وام ضياء راح تجي فد شوي..
-ماشي..
گلت بداخلي.. يبووو شيخلصهه ويه ام ضياء.. بس من اجتي اشو اني اندمجت وياهه وسمعت كل حچيها وتفاعلت وياهه.. حتى وجع بلعومي نسيته بسوالفهه.. يعني تنسي الواحد همومه مو بس وجعه.. اخذتني لعالمهه.. تخيلت حتى اشكال الاشخاص الي يقربولهه والي وياهه بالدوام .. يعني صارت عندي صوره واضحه عنهم.. الصراحه استخطيتها كلش.. خاصه من گالت خوما تضوجين من احجي هوايه.. تره والله ماكو احد يسمعلي حتى زوجي معارك اني ويا ووالله لوما جهالي مانطي وجه وچان مالتقينه لان دااضغط ع نفسي بهذا الشغل يم ام الدكتور،بس علمود أأمن مصاريف جهالي...
عاد هي مقصرت من اجت.. غسلت للحجيه وسبحتها ومشطتها وغسلت ملابسهه وحتى ملابس اكرم.. حتى اني گالت ادخلي اساعدج اسبحين بس مقبلت.. للمغربيه راحت ...من طلعت استفقدتها.. صوتهه ومكانهه بقه عبالك بالبيت ..

يتبع..