رواية حب وحنين🔞🔞 الفصل التاسع 9 - بقلم Nada hs

#حب_وحنين

الجزء التاسع

nada hs
حنين
مااعرف شنو الي صار وليش وشنو سويت.. اتذكر چنت حيل مرتاحه وعبالك طايره فوگ الريح.. مثل الحلم الحلو الي مااتمنى اصحه منه.. چنت مغمضه مااشوف شي واني بيد اكرم .. بأخر لحظه وويه فتحت الباب وعاني الصوت.. خجلت من نفسي ع سوايتي .. عفته ورحت للغرفه.. حسيت وجهي راد يطك من الحراره.. وگلبي عبالك چان ميدك او مااحس بي ورجع ينبض..
هيج كل شي بداخلي بحركاته وبوساته الهادئه،نظرة عيونه الثابته متتحرك،حتى رزانته بالايام العاديه الي چنت اشوفه بيها.. رزن بشكل چبير احسه من يتحرك حركاته محسوبه وگعدته بنظام ..
جسمه ،طوله ،اناقته باللبس والتصرف والكلام اخذتلي عقلي..
ليلي كله افكر بي.. كل حركه منه وكل كلمه گالها من دخلت بيته ولهسه.. صح هي فترة قصيره مصار هوايه بس حبيته.. حبيته كلش وچان اول حب بحياتي.. قبل چنت اهيء نفسي حتى احب محسن .. بس شي من هذا مصار.. وكل شي انگلب.. يمكن هذا القدر الي راد يجمعني بأكرم..
مر يوم والثاني والثالث واني ابيته... بس ماالتقينه اله ع كد سلام وكل واحد منا يخجل يباوع بوجه الثاني.. اني چنت اتمنى يحچي ويايه اكثر ونگعد سوا.. بس هو مايطول اكثر من دقيقه بس شلونج ؟ محتاجه شي؟
چنت من احتاج شي اكتب اله قائمة مسواك ويجيبه وياه ع فرغته
يوم الخفر مالته صار مر مينجرع.. ابقه اباوع ع ساعه احسها متمشي.. مادري شلون چانت تغمض عيني وتنام..
اگعد الصبح كلي لهفه وشوق حتى اشوفه.. اخلص الشغل بواهس ونشاط وانتظر شوفته بس منتلاگه.. لحد ما أأيس وانام يله هو يگعد..
البيت مخليته ع وضعه.. كله نظفته ولمعته وماعاد ترابه ومتروك وبيوت العناكب تارسه الاستقبال.. كلش تعبني الاستقبال چان متروك واضطريت استعين بأم ضياء حتى نسحب التخم وانظف الي جواه.. حتى الاضاءة الخافته بي غيرتها.. مبقيت شي ع حاله.. حتى الطابق الثاني الغرف المتروكه غسلتها.. طبعا هل شي مو بيوم وليله.. لا طولت هوايه لان مگدر اضغط ع نفسي هوايه واجازف.. كل يوم اخلص فد مكان معين.. لحد مااجه اليوم خلصت كل البيت وبقت بس غرفته.. استحيت ادخلها بغير ما اكوله.. من گعد الصبح ع الريوك سألته اذا اگدر انظفها لولا..
مگال شي واني عبالك مصدگت بس كملت الريوك خليت الجد ع النار وهجمت ع غرفته هههه.. رتبت الملابس وكل قطعه اعلگها اشتمها واخليها ع گلبي.. شفت نفسي بالمرايه واستحيت من حالي اني شدااسوي؟ هههه مخبله! كملت تنظيفها ورتبتها وطلعت.. تغدينه ونمت اني وظلت امه گاعده مدري شعجب..
من گعدت لگيتها لايصه نفسها ومسويتهه بكرسيها.. خطيه لگيتها تبچي.. اخذتها للحمام سبحتها وغسلتلها وخطيه هي بس تبجي.. مادري ليش مگعدتني ..nada hs
مشطت الها وعفتها بالصاله ورحت نظفت غرفتها ومخليت لا مسح لاجلف لاتعقيم.. چنت مشكله ثوبي وامسح باوعت من بين رجليه شفت اكرم ورايه.. متت بدمي نوب شون وگفه تخزي واگفه چنت..وهو ماخذه الواهس يباوع.. باوعتله خطف وبنفس اللحظه خزرته.. ابتسم وبعدين راح يم امه..
بيومهه مادخل لغرفته وبقه بالصاله.. احس كل نظراته عليه.. كلما التفت تجي عيني بعينه.. دخلت للمطبخ اسوي عشه اجه ورايه اكرم:حنين؟
-نعم دكتور؟
اكرم:هاي الج..راتب اكراميه او شتريدن تسميها سميها..
-لا دكتور.. مااخذهن.. مو كافي انت تحملت مسؤوليتي ومگعدني ابيتك وخيرك مغرگني..
اقترب مني اكثر واني نفسي بي ومايسرع..گال:مااقبل.. لازم تاخذيهن.. من الاول اتفاقنه هيچ.. بقه يهمس بصوت ناصي كلش ويجر بالحچايه جر واني روحي راحت..
نسيت موضوع الفلوس ونسيت كلشي من هو گبالي.. غمضت عيني لان بعد مااگدر ابقه اباوعله.. اجتني بوسه ع خدي هدت حيلي گوه بقيت واكگفه ويمكن اني ماعت روحي بيده وهو خله ايده وره ظهري وضمني اله حيل.. همست بأذنه بدون مااحس (حبيبي!) هو جاوبني ياعيون حبيبج! طولت البوسه ومن خدي لرگبتي لحلگي واثنينه منتهين.. باوع بوجهي وگال
اكرم:تعالي يمي وره متنام امي..
ما ترددت هزيت راسي بأي وعيوني احسها راح تطلع ..nada hs
طلع من المطبخ وماادري شلون كملت العشا وشنو طعمه.. حتى من اكلت محسيت طعم للأكل وهو گبالي..
اثنينه بقينه نباوع ع الساعه وگلبي يرجف وخايفه ومتفاجئه بنفسي منين اجتني كل هل جرأة احب ويلزمني رجال..
عاد هل الليله بالذات مدريت بأمه.. هو حار بيها غسللها ودخلها حمام ونيمها.. اني دخلت سبحت عبالك حمام العرس وراح يزفوني لحبيبي..

اكرم
منتظر الساعه تمشي بسرعه وماترددت بلحظه ولا تنازلت عن الي طلبته منها... ايام وليالي اني اتحاشاهه واگول لا هذا مو حب هاي لان هي يوميه گدامي ودتثيرني وتهيجني عبالي حب.. بس طلع العكس شگد مابعدت عنها اشتاقيتلها صرت اشوفها حتى بأحلامي.. زادت رغبتي بيها يوم عن يوم حتى اطفي شوگي الها حتى وصال الي چنت موهم نفسي معجب بيها.. صارت بعيني بشعه ولمت نفسي شلون انعجبت بيها واكو ملاك يمي ! اي فعلا ملاك..چنت معارض دخلتها لحياتنه وتذمرت كلش من وصال واصرارهه حتى تساعدهه تعيش.. بس من دخلت البيت لليوم كله تغير.. النظافه ،الريحه الطيبه، امي دوم نظيفه ومعطره حتى ام ضياء بدت شوي شوي تسحب نفسها من الجيه.. واني هم كيفت من قلت جيات ام ضياء . حسيتها غريبه عنا واحنه اقصد حنين وامي واني .. احنه عائله وام ضياء هي الغريبه عننا..
ماچنت اصدگ نفسي احب وحده وبهيج عمر.. بنظري چانت طفله.. بس گلبها وشغلها وتصرفاتهه عبالك مره چبيره.. اختي شگد چانت تلح عليه اتزوج حتى زوجتي تهتم بامي.. وياما شوفتني بنات بس ماعجبني وبالاحرى ماچنت مقتنع بأختيارات اختي.. لحد مدخلت حنين حياتي وخلت حياتي احلى.. مو بس شغل ولا بس مرض امي ولا ركض بدون معنى.. صرت اشتاق ارجع للبيت اشوفه نظيف والطبخ جاهز وطيب.. كل شي رغبته بيها.. من راسها لرجليها..
صار الليل وامي نامت واني افتر اجي منا واروح منا.. طلعت هي من الحمام وفاتت للغرفه.. گلت يجوز بدلت رأيها مراح تجي
گعدت ضايج ومال اتفرج تلفزيون .. طلعت حنين وبكل خطوه تقترب . يطير الصبر مني..
چانت مخليه شال وظافره شعرها والظفيره طالعه من جوه.. گعدت بصفي خجلانه وتحاول تسوي نفسها تباوع ع التلفزيون
مرت دقايق بغير ماانحچي شي... تقريبا اندمجنه ويه الفلم شويه الى ان ايدي خانتني.. خليتها ع ظهرهه وتلمست شعرهه وصلت لحد رگبتها.. بديت ادلكها ع كيفي .. هي غمضت عينها وارتخت كلش.. قربتها الي اكثر .. سحبت رجلها خليتها ع رجلي بديت ابوسها من وين ميعجبني.. هي متحرك ساكن .. بس تون
شلتها لغرفتي وخليتها ع السرير.. صارت هي جوايه بغير ماانزل جسمي عليها.. بقيت اتأمل ملامحهه وهي فاتحه عيونها بعيني وخدودها صايره جمر..
-شگد حلوه انتي.. شگد الله خالق بيچ!
حنين:وانته همين..
-ههه صدگ؟
حنين:اي والله.. حتى اغار عليك من شكلك لانك حلو..
-اووف وتغارين فوگاهه؟
حنين:اييي
-ياروحي..
بديت ابوس بيها وانزعها ع كيف كيفي.. تلمست كل مكان بجسمها وچنت احس دااعذب نفسي من المسها .. مچانت ناري تطفى ولاروحي تهده.. صار كل شي بينه.. وماتندمت ع الي سويته.. وانعاد مرتين وتلاثه طول الليل مانمنه.. الى ان بعد انتهيت مگدرت احرك نفسي.. بقت هي نايمه ع صدري واني يادوب اگدر احرك شعرهه باصابيعي.. چانت احلى ليلة ويمكن اقصر حب بالعالم.. اقل من شهر اخذت عقلي وگلبي...
صحيت الصبح هي بحظني وبدون اي شي ع جسمها.. مررت ايدي ع زندها ..انترك خط احمر علي.. شگد شايف بنات بحياتي بس مو مثل حنين.. بوست راسهه وهي بحضني غافيه خطيه تعبانه من البارحه هههه...
گمت لبست ورحت لأمي اشوفهه .. لگيتها نايمه .. افتريت بالبيت وطلعت للحديقه شويه ورجعت لگيتها گاعده.. دخلتها الحمام واخذتهه للصاله بعدين وعيونها ادور بكل مكان..اشرتلي وحچت فهمت انها ادور ع حنين..
-ماما.. حنين چانت مريضه البارحه انطيتها علاج وتأخرت يله گدرت تنام وخليتها تنام بغرفتي.. واني نمت بالصاله...
حسيت كذبتي مو ضابطه بس شسوي ماكو غير حيله،وماهان عليه اگعد حنين حتى ترجع يم امي..
ذاك اليوم گعدت عبالك عريس.. جهزت ريوك وخابرت مديرنا گلتله مراح اجي اليوم.. ريگت بس امي واني انتظرت حنين.. دخلت الها وچانت غاطه بنوم عميق.. نمت بصفها وبوستها من صدرها ع رگبتها ع وجهه..
-كافي نوم! صباحك ورد ياحلو..
باوعتلي وهي فاتحه عين وساده الخ وتبتسم:صباح النور..
-يله تعالي منتظرج حتى ناكل سوا..
حنين:ليش ماعندك دوام؟
-اخذت اجازة.. علمودك ياحلو... ههههه... يله امي سألت عنج وگلتلها مريضه الله يبعد عنچ المرض...
حنين:يعني امثل اني مريضه؟يله جايه.. بس اطلع دالبس..
-لك لك! ههههه تستحين مني؟ شفت كل شي البارحه..
حنين:اوف !كافي!
-هههههه يله يله.. لتعصبين..احبچ..
اجتي وگعدنه نتريك سوا وعيني منزلت عنها وكل شوي اشمرلها حچايه هههه هي تخجل ومترد عليه..
كملنه الريوك ورادت تطبخ گمت اني وياهه وساعدتهه وكل شوي اطخ طخ بيها لو احضنها لو ابوسها هههه..

حنين
ماترددت اروح اله بذيچ الليله.. ولا حسبت نفسي دااسوي غلط.. كل فكري چان انتقم من قدري ومن حالي واطلع من عالمي واكسر المألوف ماخفت ولا منعته من اي شي.. چان شي بداخلي يگلي هذا حقچ وانتي عايشه العمر مره وانتي انظلمتي من اهلج وانتي صغيره فلا تظلمين نفسج... nada hs
طول مااني اسوي الغده هو يتحارش... كملت الغدا ودخلت اسبح اشو بده الباب ينفتح شويه شويه..
-لا عفيه اطلع!
اكرم:اريد اسبح!
-اووف .. بس اكمل ادخل انته!
اكرم:لالا.. مستعجل لازم هسه اسبح..
دخل هو اني گبل ردت اخذ ملابسي واطلع.. جر ايدي وحضني وفتح الدوش..
اكرم:وين رايحه؟ مااعوفج اليوم..
-خلص تنگعت .. مااطلع بعد..
اكرم:اي عفيه هيج خليج ...حبابه...!
بعد مااريد احچي بالباقي كله عيب😂🙊

يتبع..