رواية حب وحنين🔞🔞 الفصل الثالث 3 - بقلم Nada hs

#حب_وحنين

الجزء الثالث

nada hs

حنين
من عالم الظلمه الچنت اشوفه حسيت ع وخزات ووجع خفيف.. ماصحيت كلش بس چنت احس يعني .. سمعت اصوات قريبه مني.. چانت سوالف.. واصوات غريبه عليه اول مره اسمعهه.. فتحت عيني وشفت المكان الاني بي وتذكرت الصار بيه وشويه وصار الوجع قوي ومكدرت اتحمله.. كمت ابچي مخنوگه.. مريه بصفي بس بيناتنه برده.. فتحت البرده وكالت: ها ؟ اصيحلج الدكتور؟
هزيت راسي الها بأي.. شويه واجه الطبيب وويا ممرضه كشفو ع مكان الطلقه وخلو ابره بالمغذي بعد محسيت بوجع بعدهه..
شويه استقريت وباوعت داير مدايري.. بصفي منا مريه چبيره وگبالي هم سرير بس فارغ واكو اصوات بالغرفه بعد بس مكدرت اشوف اشكالهم.. بس الي بصفي شفتهه... حاولت اتذكر شكد صارلي بالمستشفى والوقت شنو ليل لو ظهر لو صبح..
مكدرت اشوف الساعه ولا الشباك لان اني بطرف الي بي الحايط مو يم الشباك.. كل المريضات الي ويايه وياهه مرافقات اله اني وحدي.. تذكرت مصيبتي وامي واختي .. صرت اتخيل اشوف امي قاتليهه لو اختي شو شمسوين بيهه.. ظليت افكر بيهن وخايفه عليهن ومادري شلون غفيت..
كعدت ع صوت الدكتوره الي فحصتني اول مدخلت.. صوتهه بعده ابالي .. اول مگالت حنين! فزيت وحسيت رجعلي شخص اعرفه من زمان...  حاولت اكعد ع حيلي بس مكدرت.. هي شافتني ويمكن دمعت عيونهه ويمكن اني اتخيلهه هيج..
اني هم عيوني موگفت دمع.. شويه وسمعت صوت رجال يگلي ها حنين شلون صرتي؟ دورت مصدر الصوت شفته الطبيب الي چان بالغرفه بذيج الليله السوده..
گلت:الحمد لله..nada hs
رجعو تحمدولي بالسلامه اثنينهم وشافو المغذي لان چان يمشي بسرعه وقللو والدكتوره هم شافت جرحي وكالت:انتي عندج اصرار حتى تعيشين.. خليج هيج لتتنازلين مهما صارت الظروف..
-دكتوره.. اني شگد صارلي هنا؟
وصال:يومين.. صارلج اكثر من 30 ساعه غايبه عن الوعي.. وكنتي بالانعاش والبارحه طلعوج لهنا..
دنگت وحايره بسؤالي شلون اكوله:واهلي...؟ هم احد اجه؟
الطبيب نط من يمه:لا! اذا تردين تعيشين انسيهم وعيشي لنفسج مو لأحد!
وصال:شوفي.. محد اجه للمستشفى بعد.. ومن دخلوج عمليه هم لزمتهم الشرطه وبعد منعرف شنو صار وياهم.. انتي كل هذا معليج بي.. حتى اذا اجوي بعد راح اخلي الكل يبلغهم انج متي
-هاا!
بقيت مصدومه بالي تحچي.. والطبيب الي وياهه اشرلهه براسه حتى يطلعون.. طلعو وخلتني اضرب دالغات واتصفن.. يعني معقوله اهلي راح يقتنعون اني متت؟ وبغير ميشوفون گبر اليه ؟ وراح يسكتون؟ شلون راح يصدگون؟ حسيت الكلام الي حچته الدكتوره مجرد حچي ميقدم ولا يأخر .. بس شافتني حالتي صعبه وعود تصبرني حچت هيج..
رجعت غفيت شويه وگعدت ع صوت رجال.. گعدت گلبي يرجف وميته خوف.. شفت اثنين شرطه گبالي.. بدو يسألون بيه ..
منو ضربج؟ گلت ماادري.. حاول ستفزني الثاني گال:مو اخوج الي ضربج؟ شلون تنكرين؟ لا والعالم كلهه تشهد بس انتي لا؟!
گلت:لا مو اخويه الضربني.. اني دخلت للمستشفى لان چان عندي الم ومااعرف شنو صار بعدهه.. كعدت لگيت نفسي هنا..
الاول:شوفي احنه هنا حتى نحميج سواء من اخوج او غيره! اذا مبلغتي علي ممكن يرجع يأذيج مره ثانيه.. احچيلي شصار وليش ضربج حتى اكدر اساعدج..
نترت بي :ماعندي شي اگوله! اني مريضه ودخلت هنا!
الثاني ظل مدنگ راسه ومدري شيگول ويه روحه.. رجع الاول گال:ع العموم.. اهلج طلعو بنفس اليوم الي دخلو المركز وقضيتج منرفعت للقاضي.. اذا تحبين هسه اكتب بلاغج ونتخذ اللازم!
-لا ماعندي اي بلاغ ع اي شخص..
سلمو وطلعو.. النسوان الي يمي كل وحده تفوت تبقه تباوع بوجهي وتتفحصني من فوك ليجوه.. من طلعو اخذت نفس طويل عبالك چنت مخنوكه ومتعجبه ع نفسي شلون كدرت اكمل كذبتي وماحجيت الصار.. تذكرت كلام الشرطي الگال اهلي طلعو من الحبس.. تذكرت ابن عمي الضابط وگلت اكيد هو طلعهم ماكو غيره.. ظليت حسبه تجيبني وحسبه توديني وماادري شنو التالي
حيل چنت خايفه ومادري شراح يصير بييه.. تمنيت لو ميته وخلصانه من هل عذاب والخوف احسن...nada hs

اكرم
بعد ماطلعنه من حنين .. صار حچي بيني وبين وصال طلبت منها متدخل اكثر وتقلل روحاتهه واسئلتهه عنهه.. بس وصال عنيده والبراسهه تسوي..
وصال:شوف اكرم! هل بنيه مااعوفهه ابد لحد لمن أأمن ع حياتهه يله! اذا انته هيج تگول لعد شبقيت لغيرنه!
-ياعيني يا وصال! هل شغله بعد يم الشرطه! وگفنه وياهه ومقصرنه ودنروح ونجي حتى من چانت فاقده متدري .. بس لهنا وكافي! يعجبج يجرجروج للمحاكم ومراكز الشرطه؟ اذا انتي تقبليهه ع نفسج اني مااقبلهه ابد.. فكري بعقل وذول ناس عشاير وميندره شنو ممكن يطلع منهم.. شيلي ايدج من السالفه احسن..
وصال:ماتوقعتك هيج مع الاسف! تخاف منهم لو شنو؟
-لج شنو اخاف منهم؟ شنو شايفتني گدامج؟ اني اخاف عليج انتي! مدتفهميني؟!
وصال وبعيون تتوسل:ساعدني لعد وخليك ويايه ومحد راح يأذيني بشي..
-ماشي؟ بس شنو المطلوب؟
وصال:خلي نلگيله اي شغله تعتمد بيهه ع نفسهه.. وحتى اذا بغير محافظه.. المهم شغله تحصل منها وتعيش..
-ههههه شبيچ ياوصال؟ دتحچين خيالي ملاحظه لو لا؟ يعني شلون تعيش وحدها وتشتغل وتصرف ع نفسهه؟ مفكرتي اهلهه يجوز يدورون عليهه ويجوز يلگوهه؟ ومنو يقبل يشغل وحدة ميعرفهه ولااهل ولاهويه!
وصال:لا.. معليك اني راح اخليهم يصدكون هي ماتت وناس تبرعو يدفنوهه ثواب لوجه الله.. وحتى راح اخلي قبر وهمي عود قبرهه..
-شون دتفكرين ياالله! وشلچ بهل ورطه؟ امج تعرف بالي دسوي؟
وصال:ماما مسافره ومحچيتلها.. بس بابا عرف وهو گال ساعديهه !
-معقوله ابوج يخاطر بحياتج علمود وحده ميعرفهه؟ اذا اتصل بي هسه واگوله مراح ينصدم منج مو؟
وصال بتحدي:دقيقه اني اتصل وانتي حاچي وتأكد!
-والله مادري شنو اسوي واقنعج هل شي خطر! اذا اهلج هم الي مكيفين شلون امنعج ماادري!
وصال وهي تبتسم:بس خليك ويايه وتسهل الامور..
-اوكي.. ليش اگدر اعوفج وحدج!
رجعت للبيت دايخ شلون راح تنحل هل سالفه.. ووصال مستحيل تتنازل وتعوف البنيه بحالهه..مادري وين تريد توصل.. ومااكدر اعوفهه وحدهه تصرف اخاف عليهه.. وصلت بوصال حچت ويه صديقاتهه المقيمات حتى تخلي حنين يمهن مؤقتا.. وصديقاتهه مرفضن.. طلعن حنين وخلنهه بلبنايه الي مخصصه لمبيت الطبيبات المقيمات... وكل شي اوراق تتعلق بدخول حنين للمستشفى انشالت من السجلات وبقت يم وصال احتفظت بيهن
كل هاي خطط وصال واني چنت انفذ وياهه واعرف هل شي مجازفه بس شسوي لوصال.. مااكدر اردلها طلب..

حنين
بالليل چنت نايمه واجتني الدكتوره گعدتني ع كيف.. چانت تهمس ويادوب اسمعهه وعينهه ع بقيه المريضات.. سمعت كلامهه وطلعت وراهه للحمامات انطتني ملابس نظيفه وگالت غسلي وجهج وخيلج بعيده عني وامشي ورايه لحد منطلع من المستشفى
بدلت وطلعت هي واني امشي وراهه لحد مطلعنه بدون مااحد يحس علينه وخلتني بالمبيت مالتهن.. استقبلنه صديقاتهه وبقت هي يمنه شوي وراحت كالت عدها خفر.. بدو البنات يسألون عن اسمي وعمري اني چنت متردده احجي وياهن وماعندي جرأة اكول اريد انام.. هنه من وحدهن بعدين ماسألني وكالن نامي..
خليت راسي ومكدرت انام وخايفه من كل شي يمي.. اچذب اذا گلت امنت بالدكتورات.. اجه ابالي يجوز وحده منهن تعرف اهلي ويجوز تبلغهم بمكاني ويجون يقتلوني بأي لحظه.. هنه مابدر منهن شي.. بالعكس سولفن واكلن كرزات وبعدين طشن الي تفرش اسنانه والي دخلت تسبح والي راحت لفراشهه..
مادري شلون نمت يمكن شي ساعتين او اقل.. صار عندي الم مينطاق واحس بنفخه موطبيعيه واساسا مااكدر ادخل تواليت تكرمون واخذت من المسكنات الجابتهه دكتوره وصال اليه.. شويه هديت ونمت يمكن ربع ساعه...nada hs
گعدت الصبح ولگيت الطبيبات ماكو وكلهن راحن لدوامهن واجت وصال سألتني عن حالي فسولفتلها وضعي مكدر اتنفس من النفخه ولااكدر ادخل تواليت جابتلي تحميلات وانطتني حب اخذتهن وشويه ارتاحيت وكدرت اتنفس براحتي...
راحت وصال نامت واني بقيت افكر وافكر وافكر.. حسيت راسي راد يطك من التفكير...

اكرم
تقريبا الساعه ب4 العصر چنت يم امي هي سكته واني اجهز بحث باللاب.. اندك الباب طلعت فتحت وچانت وصال!
شكد اني ووصال اصدقاء بس ابد ماجايه لبيتنه..عرفت من جيتهه ولونهه المخطوف اكو شي.. طلبت منها تدخل گالت لحظه
فتحت باب سيارتهه وطلعت جايبه حنين وياهه!
استحيت اكول شي كدام حنين.. دخلتهن گبل للبيت وسديت الباب ... حنين چانت كلش مستحيه ومتحچي شي.. كاعده ع التخم وبس مدنگه متشيل راسهه .. اسألها شلونج تكول زينه كوه ينسمع صوتهه.. رحت اجيب مي لحگتني وصال للمطبخ وسدت الباب وراهه...
وصال:اكرم.. اني اسفه خليتك كدام امر الواقع.. بس شسوي اضطريت والله.. المديره شكت بيه واليوم گالت تسوي تفتيش بالمبيت وردت اخذهه لبيتنه بس ابويه مقبل وحتى حسان تخبل وگام يحجي عليه..
-اني شگلتلج يا وصال! وهسه شنو نسوي؟
وصال:تبقى يمك ومنها اداري امك وتهتم بيهه احسن من ام ضياء وانطيها اجر بين ماتنحل..
-وصاااال! شلون تقبيلها تبقى يمي وهي بنيه وعليها مسؤوليه!
وصال:انت واعي وتعرف شنو تصرف.. خليها يم امك تخدمها افضل.. (دنگت وبعدين كملت) هسه شسوي اني تورطت بعد وانته لازم تساعدني..
باوعتلهه بنفاذ صبر:هسه يله عرفتي! ....يله...ميخالف خليها كم يوم بين مانشوف وين تصفه..
وصال:عفيه اني لازم ارجع دير بالك عليهه واني بالليل ادزلها ملابس وشغلات تحتاجهه..
-اوكي روحي.. خلص الفاس وگع بالراس!
طلعت وصال وبقيت متردد ادخل للصاله واشوف البلوة الگاعده لو لا؟ تجرأت اخذتلها مي ورحت...

يتبع..