رواية حبيبتي بدينة 😻🙊 الفصل الرابع عشر 14 - بقلم Ban.Q.M

وسيم،،،ورة ايام ماحسيت الا واني ماخذ المعاملة ورايح لدائرة بس بقيت بسيارتي الى ان شفتها نزلت من الخط مالتها كاعد بالسيارة واباوعلها وعيوني تراقب خطواتها لبسها اناقتها ثقتها بنفسها تمشي بخطوات واثقة وجريئة من تقربت لسيارتي نزلت كدامها
ريم،،،صار كدامي كلبي بدء يدك مشيت كدامة ورفعت نظارتي على شعري اسمع خطوات وراية للمراجعين واكول ياترى هو اي خطوة بيهم ومن اي جهة دخلت لغرفتي وانتظرت بشوك شوفتة بس شو مااجة على الاقل حتى افهمةشنو النقص بمعاملتة
وسيم،،،سألت وكالولي مابيها اي نقص معاملتك كلت هاي ريم دتشتغلني وتكبر راس علية
انتظرت يخلصون المراجعين الي يمها
ريم،،،دخلي ب12 ونص ومجان اكو مراجعين وشبه راح يخلص دوامنا
وسيم،،،سلمت وكتلها معاملتي مابيها اي نقص فقط توقيعج
ريم،،،همست شو اشوف كلبتها وكتلة تفضل اكعد
وسيم،،،كعدت واباوعلها بشوك
ريم،،،نظراتة لبكتني كتلة اي صح كاملة معاملتك اسفة مخربطة طلعت
وسيم،،،همست من شوكت توظفتي هنا
ريم،،،من انخطبت همست بدون مااباوعلة
وسيم،،،اها يعني الحجي الي اجيتي ويا خطيبج مو زوجج
ريم،،،باوعتلة اي فدوة لكلبة خطيبي وقريبا راح يكون زوجي
وسيم،،،خزرتها وكلت اي الله يهنيكم
ريم،،،اشكرك ويهنيك
وسيم،،،هو من بعد الي صار وياية عرفت طعم الهنا
ريم،،،نصيت وكتلة انت تسرعت كلش وماحاولت تخليني ابرر حتى موقفي عموما هسة الحجي بعد ميفيد بهذا الموضوع
وسيم،،،ريم اني الي وصلني والموقف الي جنت بي مااحسد عليه ومن شفتج الصدمة الي جنت بيها فوك المعقول حسيت انضحك عليه ولان مشاعري جانت صادقة وياج تأذيت حتى صحيا اثر عليه هالشي
ريم،،،مااعرفت شنو ارد
وسيم،،،عموما كلشي بالحياة قسمة ونصيب والله يسعدج
ريم،،،بصوت ناصي كلت اشكرك
نطيتة المعاملة واشرتلة على الغرفة الكدامي وكتلة هناك الشباب راح يدققوها

خابرني معتز وكلي نطلع نتغدا برا تغدينة وراح للحمام جهازة دك باوعت مكتوب نونة اللبنانية استغربت فتحت جهازة لان جنت اعرف الباسوورد وشفت مسجات وحجي تعبان كلش بجهازة رحت للصور وشفت مصايب معتز مع بنات عاري ومع اجنبيات الظاهر وديسولة مساج لعبت نفسي وشمرت الجهاز اجة وباوعتلة بأشمئزاز كبر عبر على كرشك هسة يطلع هذا كلة صخام بوجهك وكل امراض الدنيا بيك
رجعت للبيت وجنت بس اريد اخلص منة حجيت لأهلي وكلهم عارضوني على انه اي رجال عندة سوالف مخربطة وورة الزواج يستعدل ولان حالتة المادية زينة طبيعي يونس ويكيف نفسة ظليت بنار وكتلني التفكير خفت على نفسي وعلى الحياة الي تنتظرني
سافر معتز وتأخر بعدين اجتي والدتة وكالت متهمي بقضية اختلاس ومطلوب حاليا ويريدوني اسافر الة حتى نتزوج برة لانه بعد ميكدر يرجع للعراق بعد
حسيتها فرصة حتى اتخلص منة ومن هالقيد الي ربطني بي من رفضت ماطول ايام وطلكني غيابيا اهلي ضاجوا علية بس اني ولا جنت مهتمة
ورة فترة خطب ايهاي وعزمونة على حفلة زواجة رحت للحفلة ورجعت شفت وسيم وجان طالع يخبل وعبالك هو العريس جان يباوعلي ومارفع عينة عني
وسيم،،،توقعت راح ارجع اشوفها جانت طالعة تخبل كالعادة بس متحركت بقت على هدوئها وكعدتها تمنيت بس ارجع احاجيها انتبهت لخطيبها ماموجود لمحتها طلعت لحكتها
ريم،،،جانت الصالة حارة كلش ورحت للغرف الموجودة حتى ارتب مكياجي دخلت وجانت بنت موجودة بدأت ارتب مكياجي وطلعت البنت ورة شوي دخل وسيم باوعت من المرايا وشهكت باوعتلة
وسيم،،،شفتج كمتي وحبيت بس احاجيج اريد اعرف بيج شي شو مو طبيعية طول الحفلة ماضحكتي ولا حسيتج مرتاحة
ريم،،،الله يخليك اطلع هاي غرفة تغير الملابس. واحتمال هسة يدخلولها البنات
وسيم،،،اوك ولا يهمج وقفلت الباب
ريم،،،عزة لا تقدمت حتى افتحة جرني من خصري
باوعتلة وحاولت انزل ايدة شنو هالتصرف وسيم نزل ايدك
وسيم،،،ريم انتي بعدج تحبيني ليش دتكابرين ومتحبين هذا خطيبج شلون راح تتزوجي ليش دمرين حياتج
ريم،،،مكدرت اكولة فسخت كلت ومنو كلك مااحبة انت انتهيت من زمان بالنسبة الية
وسيم،،،جريتها اكثر الي وصارت قريبة مني حاولت تنزل عيونها وداريها عني
بستها من شفتها بوسة قوية كامت تتسارع انفاسها واستسلمت
ريم،،،جان راح يوكف كلبي صرت بغير دنيا وبغير عالم وحسيت احساس محاستة بعمري
وسيم،،،ابتعدت عنها وهمست بعدج تحبيني
ريم مغمضة وبلا مااحس بروحي همست مو بس احبك اموت بيك ابتسمت وبعدتها عني واخذت كلينس وطلعت امسح بشفتي واكول والله ماراح اتركج ياريم تضيعين مني مرة ثانية
ريم،،،من طلع كمت ابجي عزة بعيني هاي شسويت  شكد كرهت نفسي بيومها وحسيت بتأنيب الضمير
وسيم،،،شكد فرحت بيومها وكمت افكر شلون اكدر اوصللها بعد واخليها تفسخ خطبتها مجنت اعرف هي فسخت خطوبتها الا من ايهاب بالصدفة
ريم،،،اجاني ثاني يوم للدائرة من شفتة شلت هم كلت ماراح اخلص منة ابد
وسيم،،،من دخلت ريم ضاجت
ريم اني لازم احاجيج
ريم،،،الي ديصير غلط بغلط وسيم اني مخطوبة وعلى ذمة رجال ثاني وحرام الي ديصير
وسيم،،،ريم ليش مدكولين فسختي
ريم،،،ظليت اباوعلة مصدومة
وسيم،، اني عرفت انتي فسختي وهالمرة مااضيعج مني ابد
ريم،،،لا وسيم الي صار بينة مكدر انساه
وسيم ،،،اثنينة غلطنة ولازم نسامح ونصفح وننسى اثنينة منكدر نعيس بلا بعض ريم انطي لعلاقتنا فرصة
ريم ،،،اباوعلة ومدري اسمع لكلبي لو لعقلي
ميار الشمري

وللقصة بقية ،،،،،

يلا اخر بارت بعد شوي تفاعلوا وتوقعوا 😍😍