رواية حبيبتي بدينة 😻🙊 الفصل الثالث عشر 13 - بقلم Ban.Q.M

ريم،،،بيومها ظليت الليل كلة كاعدة وافكر بي اختلطت عليه المشاعر والذكريات تزاحمت بالي حسيت كلبي رجع ينبض من جديد وبعد مديروح من بالي وتفكيري
بجيت احبة ومدأكدر انساه شلون اطلعة من بالي
بيومها مانمت الى الفجر صليت الفجر ودعيت ربي انه يشيلة من بالي ويقدرلي الخير وين ماجان لان صار بالنسبة الي من المستحيلات وهو الة حياتة الخاصة واني راح تصيرلي حياتي الخاصة ولازم انتبه لحياتي واتقبل وضعي الجديد
ثاني يوم ماداومت لان مكعدت للظهر من النوم
ميار الشمري
وسيم،،،ظليت ادكلب بيومها وماراحت من بالي نظراتها وعيونها الي جانت تلمع
ليش هيج حطمتيني وجذبتي علية واستغفلتيني حبي الج جان يفوق الوصف ومتأكد لو بفترتها صارحتيني مجنت راح اتخلى عنج بس تتلاعبين بية وكأني لعبة بأيدج ومستغفلتني وتروحين وتجين وتشبعين بية شوف واني اتحسر على نظرة منج اووووف ريم دمرتيني وفطرتي كلبي وتالي راح تكملين حياتج وعايفتني بذكرياتج الي مدتروح من بالي ولا اكدر انساج واشوف حياتي مثلج
نمت بدون مااحس على نفسي
جان ثاني يوم عندي معاملة بدائرة من دوائر الدولة وجنت اجل بيها كل يوم لان اكثر شي يزعجني مراجعة دوائر الدولة كلها
كعدت من الصبح ورحت وبالكوة وصلت الدائرة من ازدحامات الطرق والجسور
ومن وصلت افتريت الدائرة كلها وشبه خلصت توقف على توقيع موظف واحد
الموظف،،،الموظفة ماجاية اليوم على باجر
وسيم،،،عيني ماكو احد يمشي المراجعين بمكانها مااكدر اجي باجر هم ،،،هو هالتوقيع دمشوها الي
الموظف،،،لا الي تجي هاي الموظفة كل واحد واختصاصة وبعدين لازم تودي اضبارتك لتدقيق بعد متكمل التواقيع وتستلم وصل بيها
وسيم،،،لا حول ولاقوة الا بالله
ثاني يوم هم رحت من الصبح وانتظرت اني وهواية مراجعين تشرف حضرة جنابها لهل الموظفة وتوقع ع المعاملة تأخرت الى 10
ريم،،، الطرق والجسور وتفتيش بعض السيطرات مرات تعرقل وصولنا لدواماتنة ونتأخر
وسيم،،،اجتي وحدة لابسة بنطلون اسود وقميص زيتوني و لابسة نظارات شمسية سودة فتحت الغرفة وطبت
ولد يمي كال هاي شكد صاكة لعد تسوة الانتظار من الصبح
وسيم،،،جنت زهكان وكاره نفسي والدنيا  وحتى ماباوعت بوجهة
اخذوا الفايلات منة وكالوا على تسلسل الاسماء يكون دخولكم
وسيم،،،ياحبيبي احنا واذان العصر ديجي حرف الواو
ريم،،،بدأت امشي بالمعاملات بعدين صارت معاملة وسيم بوجهي وصورتة خليت ايدي على راسي ياربي شنو هالصدف شجابة لدائرتي
صحت على الي يوكف على غرفتي لتخلي بعد احد يطب وطلبلي جاي لو سمحت جان راسي راح ينفجر
وسيم ،،،ظليت اكثر من ساعتين برة ودخلوا الي بنفس حرفي ودخلت حتى حرف الياء واني بعدني انتظر وحلفت راح اترك كلشي واطلع
ريم،،،،جان كل متجي معاملتة اشمرها للأخير واتهرب منها ياربي شنو هالمصيبة عصب وسيم وبدء يصرخ دخل علية بعصبية
وسيم،،،دخلت واني اعصاب وجنت راح انفجر شفت ريم كاعدة كبالي صرت جمرة بمي وسكتت ارتخت اعصابي وكلت بكلبي لج شجابج هنا
انتي قدري الي لاحكني مثل ظلي لو الصدفة دتعيد نفسها حتى تحطم بقايا جسد بلا روح بلياج
ريم،،،باوعت علية ودنكت كتلة ماالة داعي تصرخ شمرت على المكتب معاملتة وكلت ناقصة ومتكمل اليوم لان راح يخلص الدوام
وسيم،،،ظليت صافن عليها بدون مااحجي ولا كلمة اخذت المعاملة وطلعت ضايج واكز بسنوني من العصبية الي جنت بيها
ريم،،،من طلع خليت ايدي على وجهي وبجيت شنو الي ديصير وياية وليش بدء يلاحكني وسيم وتالي من هالموضوع
وسيم،،، ركبت سيارتي وطلعت طول الطريق صافن بحالي عيونها دمرتني وعذبت حالي بس مو هية ريم الي جنت اعرفها وين البراءة البيج كانت جدية وشخصية حادة سبحان الله صح الانسان متقلب بتقلبات الحياة والي تعاشرة اليوم متعرف طباعة باجر
ريم،،توقعت راح يرجع حتى يكمل معاملتة وبكد مجنت خايفة انه التقي بي من جديد بكد ماجان شي بداخلي يتمنى شوفتة رجعت افكر بي وكمت احتار شنو البس من اروح لدوام عبالك مراهقة
وسيم،،،عفت المعاملة وكلت بعد مااراجع بيها ماطول طلعت ريم بنفس ذيج الدائرة
ريم،، بيومها اجة معتز جنت دائما من يجي معتز اطلب من امي تظل كاعدة يمنا مااحب نختلي مع بعض واختنك اذا اظل وياه بوحدنا واذا كامت امي شوي اظل على اعصابي ومعتز عيونة ونظراتة غرائزية وحتى كلماتة مرات تزعجني جنت اكول لج ريم اصحي لنفسج هسة دتتهربين منة زين بعدين شلون راح تتهربين من واجباتج تجاهة اذا صرتي زوجتة وبغرفة وحدة وينقفل عليكم باب واحد جان مجرد هيج تفكير يزعجني
بيومها امي كامت وتقرب مني معتز وباسني وضربني على خدي راشدي كلي كزكزت على خدودج زعجني بيومها واستغربت لتصرفه المفاجأه
سالي رجعت تزوجت للمرة الثانية وسافرت لغير محافظة
جان يلمح معتز انه بعد العيد نتزوج هالخبر صعقني وكمت اشيل هم شلون ارتبط بي واني مامتقبلتة ولا احبة

بقه بارتين وراح اتأخر بيهم 😁😁 يلا توقعوا النهايه قربت