رواية حبيبتي بدينة 😻🙊 الفصل التاسع 9 - بقلم Ban.Q.M

ريم ،،،كمت العب رياضة حتى ميصيرلي ترهلات لان بدأت اضعف ظليت اسبوعين بس بشكل التزمت وصلت 87 بس جان هذا انجاز بالنسبة الية اني كدرت اضعف 13 كيلوا وانزل للثمانينات  حسيت بفرق بالملابس
وسيم،،،من بعد الحادث الي صار وموقف ريم والسوار قررت اشكل كامرات لان صار عندي هوس من تفكيري انها تكون يمي وتشوفني ومااعرفها وتندمت اني مخليتها من زمان
شكلتها بس ماكتلها اني خليت كامرات
ريم،،،جان وسيم بنظرة اني ملكة جمال حاولت اكثر من مرة اوصلة فكرة اني بنت عادية وان انطيتك مواصفات ممكن تكون بنظرك حلوة لكن كتركيبة كلها على بعضها احتمال اكون عادية بالنسبة الك ومااعجبك ودائما جنت اكوله دأسمن كعدة البيت لان بس اكل ونوم حتى مينصدم اذا صارحتة
وبحكم هو مثل منكول شايف وعايف ومارة عليه اشكال البنات كان ذوقة صعب ومو اي بنت تستهويه مرة جنة دنتكلم مع بعض وجان ديتابع فلم ايظن لمي عز الدين وكلي هية وضعيفة شحالها مو حتى مسوية حالها سمينة
ريم،،،منو مي عز الدين مو حلوة😮😮
وسيم،،،اي خابصيني بيها اصدقائي واشوفها عادي كلش ودمها بارد ومتنحب
ريم،،،صخام الصخمج ريم اذا مي عز الدين بنظرة مو حلوة انتي الي راح تعجبيه جنت كل مااحاول افتحلة كلبي واكولة الحقيقة مااكدر احس شي يمنعني وخفت لا اخسرة ولو جنت احسة كلش يحبني وتعلق  ،،،،
بية من صدك وماراح يتركني شماصار
جنت كل مااشتاقلة اخذلي فرة وامرلة واشبع بي شوف كام يلبس الوان غامقة وطلبت منة يسمن شوي وكمت بمرور الوكت احسة سمنان وصار يخبل
سالي،،،بعد متتصل ولا تحاجينة ريم لا اني ولا سرى وكل منتصل بيها نلكاها جاري انتظار او مشغول
مرة من المرات جنة كاعدين نتعلل وامي كالت لايهاب شعجب ماخطب لحد هسة وسيم امة جانت تلمح تريد تخطبلة وحسيتهم يلمحون على سالي
ايهاب،،،يمة والله مياخذ بنتج الجكمة والدنيا دنيا وبعدين هو مكبل عندة حبيبة ترة
سالي،،،منو كلك عندة حبيبة لحالك تسولف
ايهاب،،،عمي عندة حبيبة ومسوي سوار ذهب بأسمها ولابسة
سالي ،،شنو اسمها حبيبتة
ايهاب واني شعرفني اكعد اسألة شنو اسم حبيبتك
سالي،،،رحت بيومها عليه للمجمع وانتبهت عليه لابس نفس سوار ريم تأكدت من علاقتهم من رجعت بيومها بالليل دزيتله ع الفيس وماقبل المراسلة ولا ردلي
وبس كتبت اني من طرف ريم واريد احجي وياك بموضوع
بسرعة وافق على المراسلة وردلي
وسيم،،،من كالت من طرف ريم صار عندي فضول دخلت على صفحتها صديق مشترك ريم وافقت ورديت هلو منو حضرتج ومنوين تعرفين بعلاقتنا اني وريم
سالي ،،،اني بنت خالتها لريم اني سالي اخت ايهاب وسيم وعرفت بالصدفه بعلاقتكم ببعض
وسيم،،،شلون !! شلون!!!! ريم تصير بنت خالة ايهاب يعني؟؟
سالي ،،،اي معقولة متعرف يعني واكثر من مرة نجي اني وياها للمجمع عليك
وسيم،،،مااتذكر مع منو جنتو تجوني اني يجوني اشكال باليوم
وظليت اعصر بذاكرتي اتذكر جانت تجي وحدة ضخمة وتلبس سواد بسواد من تطلع بس مستحيل تكون هية كتلها وشنو الي يثبت كلامج صحيح
سالي ،،،اني مامضطرة اجذب عليك الصراحة مااعرف شنو نوع العلاقة الي بينكم بس انت ابن حلال وخلوق كلش ومع انه هي بنت خالتي بس عيب التصرف الي تصرفتة معك وانت متستاهل هيج تلعب عليك
وسيم،،،شنو قصدج تلعب علية ؟؟
سالي،،،يعني اكيد جذبت عليك واكيد متعرف منو هية ولا حجتلك عن نفسها ولا شفت شكلها
وسيم،،،مدأفهم عليج
سالي،،،،اني راح اجيبها باجر واجيك وهية اصلا متعودة تجيك ومستغلة انه انت متعرف شي عنها ومستغفلتك
ومم تشوفها راح تعرف كلشي
وسيم،،،اوك بس اذا ثبت العكس راح اتصرف غير تصرف وياج
،،،،،،،،،،
ريم،،،جنت مقررة بس يصير وزني 80 احجيلة كلشي واخلي يشوفني بس المصيبة جان نزولي بطيء
وسيم،،،ماصدكت حجي سالي بس كلت خلي اشوف لوين تريد توصل
اتصلت بية ريم جنت اسمعها وهية دتحجي كلت معقولة كل هالطيبة والبراءة وهالصوت الملائكي اطلع مخدوع بيج بالاخير
كتلها ريم اني كلش حبيتج وشكد مريت بتجارب وشكد حجيت مع بنات بس الي شفتة ولكتة بيج ماشفتة بغيرج اتمنى اكمل وياج عمري كلة وميبعدنة شي
ريم،،،همست ياريت وسيم السعادة الي احسها وياك متنوصف
وسيم،،،همست ريم انتي مضامة علية شي؟
ريم،،،شفتة شكد جان متأثر وممرتاح ماردت ازودها عليه همست لا حبي مضامة عنك شي جان ضايج بيومها ونام من وكت ضليت ادكلب بالليل ومجاني نوم واني افكر اذا خسرت وسيم راح ادمر هو اول حب بحياتي واعشقة بجنون مكدر اعيش بدونة
ثاني يوم اجتي سالي تغدت يمنا وكالت العصر تريد تروح للمجمع كتلها شنو تريدين تشترين كالت ولا شي بس اشوف وسام واشبع بي شوف وتضحك 😅
ريم،،،حسيت اريد اخنكها ياربي حبيبي لتحجين عنة هيج هذا سمسومتي مالتي وحدي ظليت اباوعلها 😒
غسلت وبدلت وخلت المكياج واخر اناقة كالتلي كومي ولج روحي وياية خلي نتمشى
ريم ،،،لا حبي ماالي خلك اطلع اليوم
سالي،،،،هاي شلون اقنعها الدبة دكوم تطلع وياية 🤔🤔🤔
ميار الشمري

شنو توقعاتكم شنو راح يصير 🙊