رواية حبيبتي بدينة 😻🙊 الفصل العاشر 10 - بقلم Ban.Q.M

للكاتبة ميار الشمري
الجزء العاشر

سالي،،،يمعودة دخلي نطلع نتمشى هم انتي زينلج المشي رياضة ونمر للمجمعات ونروح ناكل موطة
ريم،،،يلا اروح ليش ما اروح خليني اغير جو وبكلبي اكول خليني امتع عيوني بشوفة الحب سمسومة😍
بسرعة كمت ابدل لبست اي شي كدامي وجان بطبيعتي مااخلي مكياج بس كحل بسيط لان وجهي ابيض كلش وصافي ونادرا مااخلي مكياج
وسيم،،،بيومها محجت وياية ريم وكالت عدنا خطار على الغدة
جنت كاعد على اعصابي واروح واجي بالمجمع وارجع للكامرات واشكل بيها
دزيتلها مسج كتلها حبي مشتاقلج اليوم محجينة
ريم،،،مكدرت احاجي وسالي يمي دزيتلة حبي اني طالعة من ارجع احاجيك
وسيم،،،كلبي بدء يدك وصارت خطواتي ثكيلة متحملت مااجاني صبر انتظر جوة المجمع طلعت وكفت برة المجمع وفعلا شفت من بعيد سالي جاية بأتجاهي ومعاها البنت
سالي جنة نمشي وصار كدامنا المجمع كتلها شوفي الحليوة وين واكف وابتسمت واباوع لريم
ريم،،،فديت هالطلة وابتسمت جان لابس نيلي وبنطلون جينز سمائي كلبي كالعادة كل مااشوفة يدك سلمت عليه سالي وجان يسلم عليها و يباوعلي 
سالي،،،،من تقربنا صار وجه وسيم ميتفسر وهو مصدوم بيها وهي ولايمها ولا مفتهمة
وسيم،،،من تقربوا علية جنت اباوع ع البنت الي مع سالي جانت سمينة وضخمة ولابسة سواد بسواد ومدنكة عبرت من يمي وكأنه متعرفني او بينة علاقة طبوا جوة واني مدأفتهم شنو هالقصة شنو فلم هندي غمضت وتنهدت ودخلت وراهم واني من العصبية راح انفجر
سالي،،،دخل وسيم وجان راح ينفجر وراح كعد ورة مكتبة وتجتف وبدء يخزرنا من بعيد
ريم،،،جان واضح على وسيم مزعوج جنت اباوعلة بالبوكة كلت هاي ضايج احتمال لان محجينة اليوم وهو من الاصل من البارحة نام من وكت وايدة جانت زاعجتة وبلشت تكرص بي فيمكن من هالشي مزعوج
وسيم،،،كعدت واني صافن بيها وبوضعي شكد استسخفت نفسي كل هالفترة مستغفلتني وتضحك علية وتلعب بعواطفي وشلون معيشتني بحلم وردي واني مصدك بيها شكد طلعت ساذج وعلى نياتي لعد
كلت خلي اكطع الشك باليقين اتصلت بيها وهي واكفة كدامي
سالي،،،جان تلفون ريم يدك ووسيم هم شايل جهازة حسيت راح تعلك بعدت نفسي عنها كتلها راح اروح اشوف الكيلوت هذاك
ريم،،،شفت وسيم ديتصل وسالي صارت بعيدة عني وجان ناس بالمجمع سحبت نفسي بلا محد ينتبه وطلعت برة المجمع وفتحتة لان حسيتة ضايج ومااجة من كلبي ماارد عليه
وسيم،،،دأنتظر وفجأة انفتح الخط هلا حبيبي شلونك هو صوتها وكلامها هاي ريم!!!!
وسيم،،،،وكفت ع حيلي من الناس اريد اشوفها وين صارت وكلي امل تطلع مو هية
والصدمة اخذت نص عمري
سالي،،، وسيم جان فاتح الخط ووجهة بعد ميتفسر كام ينطي الوان جان يدور عليها بين الناس اشرتله على ريم برة وتقدم وهو ديحجي معاها
ريم،،،شبيك يعمري احسك ضايج شنو بيك سمسومة
وسيم،،،ضايج لان ماحاجيتيني اليوم شنو الي شاغلج عني
ريم،،،من ارجع بالليل اكلك وين جنت
وسيم،،،ليش مو هسة وتقدمت على الجام خانة مالت المجمع جانت منطيتني ظهرها اوووف تمنيت ميت ولا صاير بهل موقف تقربت عليها وجريت جهازها
ريم،،،باوعتلة وشهكت
وسيم جر جهازي وكلي ممصدك الي دأشوفة ولج شنو هاللعبة هاي بعصبية ووجهة ميتفسر
وسيم،،،كمت اكلب بالجهاز رسائلي صوري الي ادزها الها باوعتلها كل هالفترة مستغفلتني وتتلاعبين بية وبمشاعري شكلتي لروحج ولج
ريم،،،من لبكتي وخوفي كلت عن شنو تحجي اني مااعرفك ولا اعرف عن شنو تحجي ودموعي تنزل بعد ما اعرف شنو اكول
وسيم،،،وج كافي جذب انتي الجذب بدمج !!! ليش لعبتي هاللعبة وياي وبشنو اذيتج اني حتى استاهل هذا كلة
ريم،،،وسيم اني ،،،،
وسيم،،،، لج انتي من اليوم تحذفين كلشي يخصني ووجهج بعد مااريد اشوفة مع الاسف عليج وعلى تربيتج شلعت السوار من ايدي وطلكتة بوجهة وانطيتها جهازها ودخلت
ريم،،،،ظليت مسطورة واكفة ودموعي تنزل شلال اجتي سالي تركض علية وكالت شكو ريم شبيج؟؟؟
ريم،،،كمت اشهك بالبجي شالت سالي السوار من الكاع ومشينة واني اشهك بالبجي  ميار الشمري
سالي،،،كامت تبجي ريم بحركة واني اطبطب عليها ومخنوكة بضحكتي واكول بكلبي بنت الاوادم حبيلج واحد مجعجع مثلج تروحين على وسيم لا خفتي ربج جان راح ينشل الولد من الصدمة وتظل امة بحسرتة وصلتها للبيت ورجعت لبيتنة
وسيم،،،جسمي كام ينفض وحسيت نفسي سخنت وعركت جان راسي راح ينفجر صدمتني صدمة عمري
ريم،،،رجعت للبيت وحبست نفسي بغرفتي وبجيت الى ان ردت اختنك كمت ادزلة رسائل وسيم ،،،وآلله ماجذبت عليك ومشاعري تجاهك صادقة وبالنسبة لوزني فهاي الجذبة الوحيدة الي جذبتها عليك بدون قصد وقبل حتى متصير علاقتنة جنت متصورة حبيتني صدك بغض النظر عن شكلي ووزني مجنت متصورة انت هالكد متأثر بالمليكانات الي حوليك ومع هذا اني اسفة واعتذر منك ومن صدك حبيتك وغيرت كلشي بية وخليتني احب حالي وكلشي حوالية جانت تصل الرسائل بلا رد
وسيم،،،كسرت خطي وغلقت صفحتي وكلشي يذكرني بيها وبيومها اختنكت وتمرضت ونمت من المغرب
ريم ،،،مانمت ابد طول الليل الوب وابجي وانحرك كلبي حرك وعبالك ميتلي ميت اروح لحسابة يطلعلي مغلق ادك علية مغلق جنت راح اجنن علية تغيرت حياتي ودمرت نفسيتي كرهت حالي وكرهت جسمي وكرهت الاكل كمت كل مااشوف الاكل اتذكر انه بسبب الاكل وجسمي خسرت حب عمري
ميار الشمري

صدوك بعض الاقارب عقارب 😔👌 توقعاتكم حبيباتي