الفصل الثالث

رواية حبيتك قبل ما أعرف الجزء الثالث 3 بقلم روميا حبيتك قبل ما أعرفرواية حبيتك قبل ما أعرف الحلقة الثالثة …☆☆مش حست بنفسها انها ماشية إلا لما وصلت المقابر وقفت قدام قبر معين

دينا وهي بتعيط : ارتحت كتير اوي ، نفسي اوي اجيلك ، يابختك عايش مع ربنا ، بس انا عايشه مع مين ، عايشه مع ناس كل يوم بتتخاتق علشان الفلوس انت ارتحت وسيتني أنا بتعذب ، بس ده مش ذنبي اني اعيش وسط ناس كده ، مش ذنبي انو ابويا يتخانق مع امي كل يوم علشان الفلوس ومش ذنبي اني انام كل يوم وانا بعيط او برتب اني اعمل حاجه وتطلع العكس ، بعمل علي اني ارضي غيري فغيري بيفتري عليا تعبت والله تعبت

ايجت ست من وراها وحطت ايدها علي كتف دينا ، لفت دينا وشها واللي كانت منهارة من العياط فترمت في حضن الست دي الست وهي مستغربة من رد فعل دينا : بسم الله الرحمن الرحيم اهدي يا حبيبتي اهدي يا قلبي هو اكيد في مكان أحسن دينا وهي بتحضنها بقوة : سابني لوحدي كان نفسي اكون انا اللي مايته مش هو بس هقول يابخته مش كان هيقدر يعيش وسط الناس اللي عايشاهم ، ارتاح اوي ونفسى انا كمان ارتاح

الست وهي بطلعهامن حضنها : بس ياحبيبتي الحياة قدامك طويلة مش تفكري بس في السالب فكري في الايجاب يعني أنتي عايشه وسط ناس ، في ناس تانيه تتمني يكون عندهم ، هو أنتي عندك اهل يعني ماما وبابا هبتهز دينا راسها وهي لسه عمالة تبص للست الست : طب انتي عندك ماما وبابا في ناس تانيه مش معاهم لا أم ولا اب ، وبيتمنوا يكون عندهم اهل وصحاب وعيلة فهمتيني فبتهز دينا راسها ب اه دينا وهي بتحضنها : شكرا جدا بجد انتي نصايحك حلو

الست : العفو يالا زمان ماما وبابا خايفين عليكي دينا : عندك حق ، شكرا للمره التانيه وبتمشي دينا وبتفضل الست تبص علي قبر اللي كانت دينا واقفه عنده الست: مش تخاف هي هتكون قوية ، هي هتحارب وهتواجه ده لازم وعلشان خطرك انت ” وبترجع دينا للبيت “ دينا : نونا ناهد وهي في المطبخ : إيه اللي اخرك كده فمش بتكمل ناهد كلامها وبتحضنها علي طول ناهد بإستغراب : مالك يا دينا في إيه

دينا وهي لسه بتحضنها : مش في حاجه يا نونا انا بس عايزه احضنك بلاش ناهد وهي بتحضن بنتها: لاء بلاش ليه يعني ، ربنا يهديكي يا دينا يا بنت بطني يارب ويهدي كل ما كان عاصي ويوقفلك ولاد الحلال ويبعد عنك ولاد الحرام وينجحك في دراستك فبتطلع دينا من حضن أمها وبتبوس ايدها وراسها دينا : ها عمالنا أكل إيه انهارده ناهد : أنتي شايفه ايه دينا : انا مش شايفه انا شامه إيه الريحه دي يا نونا ناهد : عاملة شربة خضار

دينا : مش مشكلة اهم حاجه يكون من تحت ايدك انت يا جميل ، بصي انا هروح اغير ام لبس المساجين ده واخد دش سريع واتغدي معاكي ناهد: ماشي ” علي السفرة “ ناهد : هتعملي ايه في الرحله دينا: مش هروح ناهد : ليه كده دينا : مش مهمه ناهد : لاء هي علفكره مهمه وام حسن قالت انها مهمه خاصة في تالته ثانوي دينا : اما لما تيجي تالته ثانوي يبقي ربنا يحلها ناهد : يانهاري عليكي ، علطول منشفه دماغك زي…. دينا : ماما انتي عارفه بابا

مانع انو نجيب سيرته ناهد : لا إله إلا أنت سبحانك إني كنت من الظالمين دينا : الحمد الله شبعت ناهد : شبعتي إيه طبقك لسه زي ما هو دينا : بتهأيالك يا نونا (وبتوبسها من خدها ) انا داخلة انام ناهد : تنامي لسه يابنتي بدري ده المغرب لسه مش أذن دينا: معلشي بقا عايزه حاجه ناهد: عايزه سلامتك يا بنتي وبتدخل دينا اوضتها وبتنام وهي بتفكر هتعمل إيه بكره ، وهل هتغير من اللي بيحصللها كل يوم ولا لاء ” في صباح يوم جديد مليان بالتفاؤل”

دينا وهي متسربعه : ينفع كده يا نونا مش تصحيني بدري كده علشان المدرسة ناهد : والله انا غلبت معاكي ما أنا واقفه فوق راسك بقالي ساعتين وبناديكي يا دينا يا دينا وانتي أبدا مقتولة ومرمية علي السرير محسساني انك اول مره تنامي دينا : الله بلاش يعني ارتاح واخد راحتي لا إله إلا الله ناهد : خلاص كلها كام سنه واخلص منك ولما تيجي عندي هقفل الباب في وشك دينا : يعني فكرك انك تقفلي الباب في وشي ده وسيلة ده انا عندي يوووووو

من الوسائل خافي بقا ناهد : شوفوا البت تهددني في بيتي دينا وهي بتمشي : لا عاش ولا كان اللي يهدد الجميل بتاعي ، يالا بقا اتاخرت سلام عليكم (وبتبوس ايد وراس ناهد ) ناهد : وعليكم السلام ورحمة الله وبركاته ” في المدرسة” دينا بإبتسامه : بوسبوس بسمه وهي بتقرا كتاب : ……… دينا : بسمه بسمه وهي بتقفل الكتاب وبتقوم دينا : بسمه لازم نتكلم بسمه : علي ما اعتقد اللي ما بينا انتهى ومش محتاجه مبرراتك في اي حاجه

دينا : هو ايه اللي ما بينا بيه هو انا متقدمالك وانتي رفضتيني ولا ايه ، يا بسمه افهميني بس والله كان بغصب عني بسمه : ااااااااااااه هتقولي انك لسه زعلانه عليه ولا لسه مش قادرة تنسيه مش كده ، ده حتي مامتك وباباكي ناسوه انتي اللي مش عايزه تنسيه ، بس هقولك انو ده حجه زي كل مره علشان نرجع تاني مش كده دينا وهي

بتقابل عيون بسمه بدموع : اه أنا لسه بفتكره مش اقدر أنساه كلكوا انستوه إلا انا ، عديتوه كأنه صفحه وانتهت بس بالنسبه ليا مش انتهت ، تعرفي يعني ايه شخص كان علطول في حياتك بس تتفاجئ في يوم بانه خلاص مات مش بقا موجود انتي متخيلة اني لسه بسمع صوته لحاد دلوقتي وهو بيناديني مش هقدر أنساه فبتحضنها بسمه وبتحاول تخفف عنها بسمه وهي بتملس علي ضهر دينا : هششش خلاص اهدي هو دلوقتي في مكان أحسن

دينا وهي منهاره: مش قادرة اتأقلم علي فراقوا وحشني اوي ، نفسي اشوفه ، نفسي يحضني زي ما كان يحضني علطول وقت اللي انا محتجاه بسمه وهي بتحنن عليها : هشششش خلاص هو امر ربنا ومكتبالوا دينا وهي بتخرج من حضن بسمه وبتمسح دموعها: اه عندك ، حق ربنا يرحمه بسمه : عجبك كده بهدلتينا انتي عارفه كويس انو مش بشيل مناديل وانتي مصممه انك جايه تبربري عندي دينا: الله انا مالي يا لمبي بسمه : لا لمبي ولا قرف دينا : يعني كده خلاص اتصافينا

بسمه بإبتسامه رضا : اتصافينا دينا : صافيه يا لبن بسمه : حليب يا قشطه ” في البريك “ دينا : اه تصدقي كانت فكره ااااا….. ….. لقراءة الفصل التالي : لو عاوز الرواية كاملة اضغط على : (رواية حبيتك قبل ما أعرف